من فترة طويلة نشتغل علي erp system اسمه nextcore مدمج فيه ai وحكيت عليه المشروع هذا من فترة طويلة بس لضيق الوقت قعدت كل مره نخدم فيه حاجة بسيطة
لاكن مع الاسف للحظة هادي الموديولز كلها ماوصلتش لمرحلة الكمال الي تخليني نطلقه كخدمة سحابية او حتي ك mvp بس نسبة الانجاز تعتبر كويسة حاليا خصوصا مع تطور اليات الذكاء الاصطناعي تخلي المطور يزيد انتاجيته
طبعا سبب تطويري للنظام رغم توفر البدائل انه مافيش erp ليبي الي حد الان نشوف فيه يلبي متطلبات الشركات و المحلات والمطاعم والفنادق و المصانع يعني مافيش نظام قدر يوفر المديولات كلها بالشكل المطلوب او بالشكل الي يطلبو فيه الشركات الليبية من مختلف القطاعات
لهذا اغلب التجار يمشو الي الحلول الخارجية لاكن لما يكون الحل من مطور ومبرمج ليبي اعتقد حيكون الوضع افضل لانه حيكون فاهم السوق المحلي اكثر من منتج تم تطويره في دول تانية

نظام ShipCore مصمم خصيصًا لشركات الشحن اللي تبي تنظم تشغيلها وتكبر بطريقة احترافية بدون فوضى.

من خلال النظام تقدر تدير دورة الشحنة كاملة من الإنشاء إلى التسليم، مع تعيين المندوبين ومتابعة الأداء لحظيًا، وإثبات تسليم موثق (توقيع + صورة + موقع). هذا يقلل الأخطاء ويرفع كفاءة التشغيل بشكل واضح.

على الجانب المالي، ShipCore ينظم عمليات الـ COD والتسويات بين الشركة والمندوب والتاجر بطريقة دقيقة، مع تقارير واضحة تبين الأرباح والمستحقات بدون تعقيد أو ضياع أموال.

كذلك يوفر صلاحيات حسب الدور، إدارة فروع متعددة، ولوحة تحكم للتاجر لمتابعة شحناته، مما يعطي صورة احترافية قوية ويزيد ثقة العملاء في شركتك.

باختصار:
ShipCore يخليك تتحكم في التشغيل، تضبط الفلوس، وتكبر شركتك بنظام ثابت يشتغل تحت ضغط.