الليبين بعد موضوع مصرف ليبيا المركزي لتجديد الرخصة والحصول علي اعتماد بدو يتعاركو علي اسعار المواقع 😂وتكسير السوق وتكسير الاسعار
من الاخير يا مهندسين الي عنده نصيب وربي كاتبله رزق يجي لعنده بلا تكسير سوق بلا شي كل واحد يخدم ويقدر مجهوده ويحط سعر مقابل الجهد متعه بس لانه قبل كل شي فيه ربي فوقك حسيب
العبد لله تم انشاء 13 موقع خلال الشهرين هادم والشباب كلها راضية
ارخو الاولي و ربي يعاونكم الي جاي اكثر من الي راح

هلبا مواقع تم رفضها علي موضوع cbl وتجديد الرخصة و فتح الاعتماد في مصرف ليبيا المركزي
علي حسب المسموع من الناس وفيه من جي يعاود يطور في موقعه من جديد والسبب قالي رفضو موقعي

معقوله تاخدو للناس في اقل استضافة وتحط في وردبريس عليها بدون اي تحسين للسكربت

اقل استضافة في libyanspider الباندويدث متعها شويه هلبا

راه في ناس رزقها واقف علي موضع رخصة وانت تلعب برزقه

يادير موقع للعميل يستر يا فوت الضحك ع الناس واغلب التجار ماعندهمش فكرة علي البرمجة و الموقع
واصلا بالشكل هذا بتحرقو السوق في المستقبل والتاجر معاش عنده ثقة في المبرمج

اليوم تم اطلاق موقعي الإلكتروني الجديد🔥 بشكل جديد وحلة جديدة 🎆 مع اضافة قسم التدوينات تقدرو تزورو الموقع من خلال sassi.ly 🔗

موقعك الإلكتروني اليوم ماعادش “اختياري” …
صار شرط أساسي للهوية الرسمية وللتعامل مع المصارف وخدمات النقد الأجنبي.

السوق الليبي قاعد يتغيّر بسرعة كبيرة:

• زيادة في طلبات إنشاء المواقع.
• أكثر من 30 موقع اتنفّذوا عندي خلال شهر 12.

ومع هاذي السرعة… ظهرت مشكلة:
هلبة شركات تطيح في عروض رخيصة — دومين مش باسم الشركة، بريد غير مؤمّن، مواقع ما تمشيش مع المتطلبات المصرفية.

وهذا معناته:
⚠ احتمال تعطيل إجراءاتك
⚠ فقدان ثقة المصرف
⚠ صورة غير احترافية قدام العملاء

قبل ما تندفع وتدير موقع… تأكد إنه ملكك رسميًا، مؤمّن، وجاهز للمتطلبات المصرفية.

لأن اليوم، الموقع مش مجرد صفحة…
الموقع أصبح هويت

حاجة مليحه لما اتكمل مجموعة مشاريع وتصورهم و تبدا تعدل علي الصور وكل العملاء والزباين راضيين ع الشغل 🔥

توا وقت القلاية و الباتلفيلد 6😂🔫🔫

تذكرو لما نزلت بوست وقلت التجارة العادية معاش تمشي وجو تفتح محل وتعلق لافتة بدت المخاطرة متعها كبيرة وقلت ليبيا ماشية للتحول الرقمي والدفع الإلكتروني

توا بنعاود ونقول الي مايعتمدش علي وسائل الدفع الإلكتروني ويتحول للتجارة الإلكترونية حرفيا راح يجو تجار وياكلو عليه السوق زي ما توا جماعة المطاعم يجرو في جرت بريستو يبو يسجلو في التطبيق متعه لانه نسبة المبيعات عنطريق الطلب من التطبيق اكثر من عمليات الطلب العادية

نصيحة ليكم اي تاجر لازم يفكر جديا انه يبدا يحول للتجارة الإلكترونية ويدعمها بالدفع الإلكتروني ويخدم علي التسويق بشكل اكبر

اي استشارة تقنية تقدر تتواصل معاي واتساب
0924167849

هلبا من الشباب يسألو: "عندي مبلغ بسيط نبي نستثمره؟" والجواب ديمه يبدأ من الأداة الي بين يديك. لو كنت تخطط لدخول عالم العمل الحر (Freelancing) أو التعلم عن بُعد، فشراء لابتوب بمواصفات جيدة مش "مجرد جهاز"،ويعتبر **أفضل استثمار طويل الأمد.

علاش الاستثمار في لابتوب قوي؟ 🤔

1. الإنتاجية: الجهاز السريع يوفر عليك ساعات من الانتظار والتعليق (Lag)، والساعة في عالم العمل الحر تساوي دولارات.

2. الاستمرارية: الجهاز الكويس يعيش معك 4-5 سنوات دون الحاجة لتغييره.

3. تعدد الفرص: المواصفات العالية تفتحلك أبواب المونتاج، التصميم، البرمجة، والذكاء الاصطناعي.. وهي المجالات الاكثر دخلاً.



💡 ذهبية قبل ما تشري (حسب مجالك):

- للمبرمجين وكتاب المحتوى: ركز على الرامات (RAM) لا تقل عن 16GB، وشاشة مريحة للعين.

- للمصممين والمونتير: أهم شيء كارت الشاشة (GPU) من فئة RTX، وشاشة بألوان واقعية (IPS).

- للمسوقين والإداريين: ابحث عن الخفة والبطارية القوية لتتمكن من العمل من أي مكان (كافيه، سفر، مكتب).


### ✅ قاعدة الـ 3 أركان (لا تتنازل عنها):

1. المعالج (CPU): لا تقبل بأقل من Core i5 أو Ryzen 5 (جيل حديث).

2. الهارد (SSD): انسَ حاجة اسمها HDD.. الـ SSD هو اسرع هلبا في فتح البرامج.

3. **الذاكرة (RAM): الـ 16GB هي "منطقة الراحة".


📢 نصيحة أخيرة:

ماتستناش لين تشري "أغلى" جهاز باش تبدأ.. ابدأ بالمتاح، لكن خلي أول هدف مالي ليك من عملك هو تطوير معداتك. الجهاز القوي يخليك تعمل بانتاجية واحترافية أكبر.


#عمل_حر #فاريلانس #نصائح_تقنية #استثمار #بيزنس #تطوير_ذاتي #لابتوب

🚨 تحذير هام لجميع مستخدمي بطاقات الدفع المحلية 🚨

الرقم السري لبطاقتك هو بمثابة رمز سري لأموالك. مفاتيح حوشك مش راح تعطيها لأي شخص، صح؟ تمام، ينطبق الموضوع نفسه على رقمك السري - حافظ عليه آمناً ولا تشاركه مع أي حد. لا مع التاجر، ولا مع موظف البنك، حتى لو قالو أنه "إجراء روتيني".

تخيّل بس الضرر الي راح يصيرلك لو حد حصل رقمك السري - مرات يُفرغ حسابك في لحظة راه.

وحط في بالك، المصرف مش راح يطلب منك رقمك السري أبداً، والتاجر يحتاج لي بطاقتك، مش الرقم السري او انت اكتب الرقم في الة POS لما تبي تدفع القيمة.

🔥🔥 30 الف متابع واخيرا
منورين علي الدعم ولكل حد ساعدني نوصل 30 الف متابع قبل نهاية السنة ، وبفضل الله وفضلكم ما كنتش نقدر نوصل للرقم هذا ولا كنت نقدر نحقق الشي هذا
شكرا لكم كلكم وبيض الله وجهوكم 🤍
هكي كل الاهداف تحققت السنة هادي الحمد الله