Xavas qiladigan darajadagi bilim ekan. Ayollardan dasturchi chiqmaydi deganlarning yuziga shu opani rezyumesi bilan "tushirsa" bo'lar ekan :))

Bugundan 100 kun davomida leetcode.com da kuniga bittadan algoritmlarni yechib ketaman.

Musobaqaga qo'shilmoqchi bo'lganlar guruhga yozsin, birga bosishamiz🌚

#100DaysOfCode

Mabrur yaxshi challange boshlabdi, qiziqqanlar qo'shilishsa bo'lar ekan :))

Bir haftada ikkita yangilanish:

🤗Telegram Bot API:
├ Invite linklarni bot orqali boshqarish imkoniyati qo'shildi;
├ Voice chatlarni boshqarish imkoniyati qo'shildi;
└ my_chat_member va chat_member update orqali keladigan va kanal va guruhning a'zosini tekshirish alohida bo'ldi.

🤩 Flutter 2:
├ Flutter rasman webga kirib keldi. Javascriptga raqib tarzda dart tili ham endi web uchun ommalashishi mumkin;
├ Flutter for desktop ustida sinovlar va sinov versiyaning taqdim qilinishi;
└ Google Mobile Ads beta versiyada qo'shildi;

PS: Yaqin kelajakda Flutterni nafaqat android va iosga yaxshi raqib, balki web uchun ham yaxshigina raqib deb bilaman. Native developerlar bir stackda Flutterni o'rganib qo'yish ham zarar qilmaydi. :))

@muhammadyunus_uz

​​Kiberxavsizlik biz uchun qanchalik muhim?

🪐 2022-yilga kelib dunyo yalpi ichki mahsulotining qariyb chorak qismi raqamli sektorga to‘g‘ri kelishi prognoz qilinmoqda. Bu esa sohani rivojlantirishda himoya tizimini kuchaytirish zaruratini paydo qiladi.

☝️Demak, IT mutaxassislari zimmasiga kiberxavfsizlikni ta’minlashdek katta mas'uliyat yuklanadi.

👨‍💻 Xo'sh, o'zi kiberxavfsizlik nima? U biz uchun nechog'lik muhim?

😎 Najot Ta'lim markazi software developer Saud Abdulvahed bu savollarni anchadan buyon kutayotganligini va u uchun eng qiziqarli mavzu ekanligini tan oldi.

Videoni tomosha qiling va tavsiyalarni qulog'ingizga quyib oling! Axir aytishadiku, o'zingga ehtiyot bo'l, qo'shningni o'g'ri tutma, deb.

Videoni ko'rish uchun havola: https://youtu.be/axT6oXcsyto

Bugun Foundation kursidagi bitirganlardan ilk o'quvchilarim mendan duo qilishni so'rashdi.

- Nega ,deb so'raganimda,
- Web sayt uchun buyurtma oldik. Va bu birinchi ishimiz bo'ladi, deyishdi.

Qalban juda hursand bo'ldim. Birinchi marta shogirdlarni duo qildim. Inshaallah hammasini omadini bersin. Bir kun o'zlari istagan lavozimlarda ishlashsin ilohim. 😊

#najottalim #best

Ta'sirlandim. Aka bilan hayotda ko'rishganman. Juda yaxshi aka. Yaxshi inson, yaxshi tadbirkor. Qo'qondan ))

Ba'zan biz qilgan kichik yaxshiligimiz, bu dunyoda katta foyda, oxiratda Alloh o'zi bilganicha yaxshilik olib kelishi mumkin.

Orginal video youtubeda bor: https://youtu.be/kG0MA_NY_sc

@muhammadyunus_uz

JavaScript dasturlash tili va React kutubxonasini o'rganish bo'yicha men tavsiya qiladigan manbalar

2014-yil bahoridan beri har xil manbalardan veb dasturlashni o'rganib kelaman. Bu vaqtda turli sifatdagi bepul va pullik videokurslarni ko'rib chiqish imkoni bo'ldi. Shu tajribalarim asosida o'zim eng yaxshilaridan deb bilgan turli manbalarni tavsiya qilaman. Asosan chet tillaridagi kurslar.

❗️MUHIM❗️
Bu yerda tavsiya qilinayotgan manbalar mutlaq yagona yo'l degani va JavaScript dasturchisi bo'lish uchun bu manbalarning har birini ipidan-ignasigacha o'rganib chiqish shart degani ham emas. Sizni amaliy ishlarni bajarishdan "videodarslarni oxirigacha tugatib olay, keyin kod yozaman, loyiha tuzaman" degan fikr to'xtatib qo'ymasin.


JavaScript asoslarini o'rganish
- Farhod Dadajanovning JavaScript asoslari videodarslari (o'zbek tilida, bepul) - agar o'zbek tilida o'rganish qulay bo'lsa, Farhod akaning darslari qulay variant.
- HTMLAcademyning JavaScript bo'yicha trenajorlari (rus tilida, yiliga 2890 rubl ~412 000 so'm) - JS asoslari matnli nazariy ma'lumot va turli interfaol mashqlar asosida o'rgatiladi. DOM bilan ishlashga oid mavzular ham zo'r tushuntirilgan.
- Wes Bosning "Beginner JavaScript" kursi (ingliz tilida, $46.56) - JavaScript ES6 standarti asosida turli murakkablikdagi mashqlar asosida o'rgatilgan.
- Eloquent JavaScript (ingliz tilida, bepul) - JS asoslarini turli amaliy ishlar asosida o'rgangandan so'ng biroz chuqurroq o'rganish kerak bo'ladi


JSga oid turli mashqlar
- JavaScript 30 (ingliz tilida, bepul) - Wes Bos 30 xil amaliy loyihani tuzish davomida JSni o'rgatib o'tgan
- FrontendMentor - HTML, CSS va JS asosida turli interfeyslar maketlari va vazifalari bor. Maketning rasmini olish bepul, Figma yoki Sketch maketi va premium dizaynlar pulli. Yiliga $96.
- FrontLoops Elements - JSdagi turli DOMga oid amallarni 30 ta vazifa ko'rinishida berilgan. Vazifalarning yechimlari va turli tavsiyalar berilgan. Narxi - $19.


JSda OOP (object-oriented programming - obyektga yo'naltirilgan dasturlash)
- Udacitydagi Object-oriented JavaScript kursi (ingliz tilida, bepul) - OOP hozirgi kundagi mashhur React yoki Vueda bor imkoniyati bilan ishlatilmasada, dasturlashning muhim qismi bo'lib qolaveradi. Dasturchi tilni yaxshi bilishi uchun OOPni ham yaxshi o'zlashtirgan bo'lishi kerak.
- Vladilen Mininning JS yordamida Excel nusxasini tuzish videokursi (rus tilida, 9 990 rubl ~1 426 000 so'm) - ham OOPni o'rganib, ham amaliy bir loyihani bitirish mumkin. Freymvorklarsiz JS yordamida loyiha tuzish o'rganiladi.


React
- What React Does (and Doesn't Do) (ingliz tilida maqola) - Dave Ceddia loyihada Reactning o'rni haqida tushunarli tilda ma'lumot bergan
- JavaScript to Know for React (ingliz tilida maqola) - Kent C Dodds React o'rganmoqchi bo'lganlar JSning qaysi imkoniyatlarini yaxshi bilishlari kerakligini sanab bergan.
- A Complete React Tutorial for 2020 (ingliz tilida, bepul) - Dave Ceddia oldingi yil React asoslarini bir juda uzun blogpost yordamida o'rgatib chiqqan
- Pure React (ingliz tilida, $15) - ortiqcha kutubxonalarga chalg'imay Reactning o'ziga chuqur kirishish. Muallif - Dave Ceddia
- The Beginner's Guide to React (ingliz tilida, bepul) - Kent C Dodds Egghead saytidagi bepul kursida React asoslarini o'rgatgan
- Learn React (ingliz tilida, bepul) - Bob Ziroll Scrimba platformasida interfaol videolar yordamida Reactni o'rgatgan. Platforma juda noyob imkoniyatga ega. Videoda kod yozilayotgan joyida to'xtatib, kodni o'zgartirib ko'rishingiz ham mumkin
- Epic React (ingliz tilida, $149) - React bo'yicha bilganlarim ichida eng nomdor, ko'p mavzularni ichiga olgan, ko'pchilik yaxshi review bergan kurs
- Advanced React (ingliz tilida, $46.56) - Wes Bosning yaqinda qaytadan yozib chiqilgan React, GraphQL va shu atrofidagi tooling bo'yicha videokursi

===

Yuqoridagilar nisbatan arzonroq manbalar edi. Qaysidir darajada premium va chalg'imaydigan yo'li kerak desangizlar, HTMLAcademyning intensiv kurslari ham yaxshi variant - manba.

Jamlovchi: Muhammadjavohir Sur'atov
👉 @mayoquz 👈

Yaxshi tavsiyalar berilibdi.

⚡️ Pokistonda TikTok rasman bloklandi

Mamlakat oliy sudining qaroriga ko'ra, mamlakatda TikTok serverlariga ulanish to'sib qo'yildi. Bunga asosiy sabab TikTok orqali qadriyatlarga to'g'ri kelmaydigan, behayo videolarni chiqarishda hechqanday cheklov yo'qligidir.

Ilova bir yil ichida 18 milliondan ortiq yuklanib, Amerikada Facebook va Whatsapp dan so'ng, keyingi o'ringa chiqib olgan edi.

PS: Bizda ham shunday odamlarni o'z holiga qaytarish uchun TikTokni bloklagan afzaldir balki :))

@muhammadyunus_uz

"Clubhouse ortiq kerak emas" yohud Telegram kanallar orqali audio eshittirishlar funksiyasini kelasi yangilanishda taqdim qilmoqchi

Bir qancha vaqt oldin, Tesla kompaniyasi founderi Elon Musk o'zining Twitterida Clubhouse dasturini taqdim qilganida, dastur dunyo bo'yicha top yuklangan dasturlash safiga chiqib ketgan edi. Ammo ming afsuslar bo'lsin-ki, bu dastur android smartfonlarini uchun hali ham taqdim etilmagan.

Uddaburon Telegram dasturchilari audio eshittirishlar funksiyasini qo'shishdi va allaqachon ushbu funksiyani test qilishni boshlab yuborishdi. Endi telegramda kanali bor adminlar, shu kanal orqali ommaviy audio eshittirishlar qilish imkoniyatiga egalar. Faqat bu imkoniyat yaqinda keladigan yangilanish vaqtida paydo bo'ladi.

@durov biradni eplab bo'lmayabdi)

PS: Agar siz telegramda ishlashni istasangiz https://t.me/jobs_bot orqali ishlash uchun test topshirishingiz mumkin.

@muhammadyunus_uz

Sinov jarayoni avjida :))

Manimcha ancha yaxshi ishlangan.))

Telegram Beta versiasida Voice Chatni MuhammadYunus aka bilan sinab ko'rdik, Juda qoyilmaqom ishlayabdi ))

👉 @developer_asadbek

Bu yerda o'zbekcha Javascript kursi boshlanibdi: https://t.me/usmon_engineer/356

Facebook ham shunga o'xshash narsa qo'shmoqchi ekan. Audio roomlar.

@muhammadyunus_uz

⚫️ TikTok ilovasida guruh chatlarini yo‘lga qo‘yish rejalashtirilmoqda

Yangi funksiya taniqli blogerlarga o‘z obunachilari bilan to‘g‘ridan to‘g‘ri muloqot qilish imkonini beradi.

TikTok ilovasida guruh chatlarini yo‘lga qo‘yish rejalashtirilmoqda, deb xabar berdi Reuters o‘z manbalariga tayanib. Xabarda aytilishicha, yangi funksiya shu yil ishga tushadi.

Guruh chatlarida xabar almashish imkoniyatini yaratish ByteDance kompaniyasining TikTok ilovasini «ijtimoiy muloqot ilovasi»ga aylantirish rejasining bir qismi hisoblanadi.

Kompaniya guruh chatlari foydalanuvchilarning ilovada ko‘proq bo‘lishlariga yordam beradi deb hisoblamoqda. Shuningdek, yangi funksiya taniqli blogerlarga o‘z obunachilari bilan to‘g‘ridan to‘g‘ri muloqot qilish imkonini beradi.

Agentlikning qayd etishicha, TikTok ichida suhbatlashish imkoniyatining yo‘lga qo‘yilishi ByteDance kompaniyasiga Facebook va boshqa yirik ijtimoiy tarmoqlar bilan raqobatlashishga yordam beradi.

Aytilishicha, ByteDance TikTok ilovasiga guruh chatlarini qo‘shishni o‘tgan yili rejalashtirgan, ammo Donald Trampning AQShda ushbu ilovani bloklashga urinishi bu rejaning amalga oshishiga xalaqit bergan.

P.s: Endi faqat telegramda emas, TikTok'da ham "100 ta odam qo'shganga 50 ming paynet" nomli gruppalarga qo'shishadi :))

👉 @mardon_tursunov

Redmonk Portali oxirgi 10 yilda dasturlash tillarining reytingi qanday o'zgarganini tahlil qilibdi (GitHub va StackOverflow asosida).

Top-5 talikda katta o'zgarishlar yo'q. JavaScript, Python, Java ga talab hali ham katta. Bir vaqtlar adashib kirib qolgan Ruby esa pozisiyalarini yo'qotishda davom etmoqda.

Reytingni pastida esa aksincha, o'zgarishlar katta. Jumladan, TypeScript, Kotlin, Swift va Rust tezlik bilan ko'tarilib kelayapti. Perl esa reytingning tubiga qarab yo'l olgan.

Umuman olganda, asosiy xulosa shuki, dasturlash tillarining reytingi juda sekinlik bilan o'zgaradi. Katta ehtimol bilan, bugun talab katta bo'lgan tillar yana kamida 10 yil shunday qoladi.

Demak, dasturlashga yangi kirayotganlarga qo'rqmasdan Python va JavaScriptni o'rganish tavsiya qilinadi. Bu tillar "eski" bo'lsa ham, hali beri topdan tushmaydi.

Yosh tillarga esa topga chiqquncha yillar talab qilinishi mumkin.

@sariqdev