https://t.me/mayoquz/975

Talablar haqida ekan

Telegram Bot Api Server ni sinab ko'rdim, tavsiya qilaman, zo'r narsa ekan 😉

​​Bundan bir necha oy avval qiziq bir voqea bo'ldi. Najot Ta'limga ustozlik uchun suhbatga bir kishini taklif qildik. Biz taklif qilgan inson o'z sohasining yaxshi mutaxassisi edi. Lekin o'quv reja tomondan ishimiz to'g'ri kelmadi. Biz boshqa bir dasturlash tilini o'rgatamiz, ular boshqa dasturlash tili bo'yicha mutaxassis. Shundan so'ng ayni paytda o'quv markaz bitiruvchilari, ularning salohiyati kod yozish stillari bo'yicha fikr almashdik. U kishi o'quv markaz bitiruvchilari dasturlash bo'yicha zo'r o'rganmasliklari, kodlar yaxshi bo'lmasligi haqida aytishdi. Oldimda do'stimiz va markazimiz katta o'qituvchisi Muhammadjavohir Su'ratov bor edilar. Shunda Muhammadjavohir, "bir daqiqa", dedida shart boshqa xonadan notebooklarini olib chiqdi. Bu mening o'quvchilar qilgan ish, deb haligi akaga o'quvchilarni ishlarini ko'rsatdi. Aka kodlarni sinchikovlar tekshirib "rosti bunday narsani kutmagan edim", deb natija zo'rligiga ishora qilishdi. Buni yuz ifodasi ham aytib turardi. Keyin Muhammadjavohir "bu 2 oy o'rgangan o'quvchining ishi", deganlaridan keyin aka yanada hayajonlandi. Hayratini yashirmadi. Men va Muhammadjavohir bir-birimizga qarab kulib qo'ydik...🙂

Buni aslida boshqa voqea uchun aytmoqchiman. Kecha avval markazimizda o'qib so'ng ayni paytda dars berayotgan dasturchi ukamiz Muhammad Yunus kanalida Bahodir ismli yigit bilan 2 haftalik ishni bir soatda qilgani haqida yozdi. Rosti o'qiganimda uncha e'tibor bermadim. So'ng kechroq 3D dizayner, "telegram qiroli" Abdusattor bilan kechroq ko'rishib qoldik.

Shunda Abdusattor, "Najot Ta'limda 14 yoshli bitta bola bor ekan, anchadan beri yechim topa olmayotgan muammoyimizni yechib berdi, shu bolani o'qish puliga yordam beraman", dedi. Tushundimki, gap Bahodir haqida ketyapti. 14 yoshli bola (!) muammoni hal qilgan.

Shunday qilib 14 yoshli Bahodir kursni tamomlamasdan ishli joyli bo'ldi qoldi. Abdusattor qo'ldan chiqarmayman u yigitni deyapti.🙂

Muddao nima?

Yoshlarni shu kabi zamonaviy kasblarga o'rgataylik! Rosti, menga bir vatandoshimni Rossiyaga chiqib qora mehnat qilishi alam qiladi... Bu juda og'riqli mavzu. Men aynan Najot Ta'limda o'qisin deb buni yozganim yo'q. Bizda limit bor, baribir undan chiqib keta olmaymiz. Asosiysi yoshlarga imkon beraylik. Qo'liga notebook olib beraylik. Shu kabi zamonaviy, axborot texnologiyalariga oid kasblarni o'rganishsin. Toki birovga qaram bo'lmaylik. So'zimiz butun bo'lsin...

Suratda, chap tarafda ustozimiz Muhammadjavohir Sur'atov, o'ngda 14 yoshli Bahodir Rajabov

⚡️ Ethical hacker Saud Abdulwahed ilk bor anonimlikdan chiqib kanallariga o'z rasmlarini o'rnatishdi. Aka mani Python va C dasturlash tillaridan ustozim. Youtube Cyber Xavfsizlik bo'yicha ancha darslar yuklashgan.

https://www.youtube.com/channel/UCVFR8HegWg0ltGFJeVOMp9A?sub_confirmation=1

🧑‍💻Dasturlashni self study orqali o'rganish mumkin bo'lgan manbalar

MIT Open Courseware: ocw.mit.edu
FreeCodeCamp: www.freecodecamp.org
MDN: developer.mozilla.org
W3schools: www.w3schools.com
Learn Javascript: learn.javascript.ru
Javascripttutorial: javascripttutorial.net
Codecademy: codecademy.com
Youtube: youtube.com

Umumiy videodarslar, real loyihalar ham bor (playlistlarda)

Muhammadjavohir Suratov (@mayoquz)
youtube.com/channel/UCVkIqOM_hAlOPnpzWoijFJw

Saidbek Arislonov (@saidbekarislonov)
youtube.com/channel/UChEMatfOEAQuny-TIJidM8w

Farkhod Dadajanov
youtube.com/user/Farkhod1982

Muhammadyunusuz (@muhammadyunus_uz)
youtube.com/c/muhammadyunusuz

Kadirov Dev (@kadirovDev)
youtube.com/channel/UCcjcQHyiSPtGMhpiCc4mGfQ

Javascript mastery
youtube.com/channel/UCmXmlB4-HJytD7wek0Uo97A

Dev Ed
youtube.com/channel/UClb90NQQcskPUGDIXsQEz5Q

The Net Ninja
youtube.com/channel/UCW5YeuERMmlnqo4oq8vwUpg

Ben Award
youtube.com/user/99baddawg

thenewboston
youtube.com/user/thenewboston

Programming with Mosh
youtube.com/user/programmingwithmosh

Traversy Media
youtube.com/user/TechGuyWeb

Web Dev Simplified
youtube.com/channel/UCFbNIlppjAuEX4znoulh0Cw

Владилен Минин
youtube.com/channel/UCg8ss4xW9jASrqWGP30jXiw

P.S: Dasturlashni o'rganish uchun mana shuncha manba. Endi yana nimani bahona qilasiz😅

@bahodirajabov

Tiktok ochib bir video yukladim, 10 soatda 1000+ ko'rishdan oshib ketdi. Algoritmlar ishlashi yoqdi. Kimdir Tiktokda bo'lsa mana birinchi videomiz. Avvaliga rosa qarshi bo'lgan edim. Hozir lentamda Najot ta'lim, Osmondagi bolalar, Javohir Group va bir qancha foydali kontentlar chiqyabdi. Tiktokni siqib chiqara olmasak, uni o'zimizga moslashtirishimiz kerakdir :))

Yoqubjon akaning Moushn grafikaga kirishlari haqidagi ajoyib video ekan. Aka biz o'qib yurgan vaqtimizda biz bilan parallel o'qigan va o'ta tirishqoq akalardan. Videoni youtube orqali ko'ring va bir dunyo motivation oling :))

Link: https://youtu.be/yaSPq90Pnd0

Bir akamiz kanal ochishibdi. Ichidagi narsalar yoqdi )

#tavsiya

Google Play, App Store dagi eng yaxshi ilovalar, foydali videodarsliklar, «Youtube» dagi ommabop kanallar haqidagi ma'lumotlar sizni qiziqtiradimi? Unda @top_tavsiyalar kanali aynan siz uchun ekan.

Ushbu kanalga ulanib qo'yishni barchangizni maslahat beraman: @top_tavsiyalar

Iqtibosning, Toshkentcha aytganda, "dodaxo'ja"si

Bugun Osmondagi bolalar ko’rsatuvining navbatdagi soni suratga olindi.

Ko'rsatuv Najot Ta'lim markazining dars xonalaridan birida olinadi. Ko'rsatuvdan oldin har doim u xonadagi barcha narsa tashqariga chiqariladi) Jamoamiz a'zolari, hamda ko'ngilli o'quvchilarimiz bilan xonani ko'rsatuvga tayyorlayotgan jarayonimizda, qarasam ko'rsatuv mehmoni Aziz aka ham parta tashiyaptilar 😅 Boshqa bolalar u kishini unchalik tanimaganligi uchun, o'quvchi bo'lsa kerak, deb indashmagan ekan. Ma'lumot uchun, Aziz aka Merit o'quv markazi, hamda xususiy maktabining asoschilaridan biri hisoblanadilar.

Bu aslini olganda hayratlanarli holat emas, lekin hozirda shunaqa xarakterli odamlar nodir bo'lganligi uchun motivatsiyalanib ketdim)

Aziz akani zo'rg'a ko'ndirib, suhbatlarini oldim. Haqiqattan ham ilmli, uzoqni ko'ra oladigan, diyonatli inson ekanlar. U kishini ijtimoiy tarmoqlarda ko'rib turar edim, lekin jonli gaplashib boshqacha ruhiyat oldim.

Suhbat davomida zo'r bir gap aytdilar: "Biz jamiyatning kumirlarni o'zgartirishimiz kerak. Xalq hozirda intilayotgan, o'sha, TikTokdagi "kumir"lariga bitta futbolka va kurtka kiysa yetishib oladi. Ilmli insonlar, olimlarni kumir qilishimiz kerak. Kumir shunday bo'lishi kerakki, siz unga ergashgan sari rivojlanishingiz kerak. Shuning uchun ham biz musulmonlar sunnatga ergashamiz. Sunnatga ergashsak har doim rivojlanamiz"

Shu iqtibosning o'zi ham Aziz akaning qanday inson ekanliklarini ochib beradi. Afsuski, u kishi bilan rasmga tusha olmadim, kelgusi safar uchrashganimda esdalik uchun tushaman)

Aytgancha, ko'rsatuvni albatta ko'rishni tavsiya qilaman. Agarda siz Osmondagi bolalar loyihasini bilmagan bo'lsangiz, ayni paytgacha sizning 9 soat vaqtingiz bekorga ketgan ekan) (Chunki, siz shu vaqt ichida bu loyihaning barcha sonlarini ko'rgan bo'lar edingiz))

@alizairov

Aziz akani blogini doimiy kuzataman, ayniqsa "Qanday qizga uylanish kerak" maqolasi top :))

Ayni paytda hamma yerda dam olish, biz ham kod yozib dam olyabmiz.

Diqqat savol: Biz qayerdamiz va bizga to'g'rida kimning stoli joylashgan?

Komment ochildi :))

​​Mentorning ustozdan farqini bilasizmi?

🙃 Ustozlar odatda har bir mavzuni boshidan oxirigacha o'quvchilarga o'zi tushuntirib berishga harakat qilishini maktablarda ko'rgan bo'lsangiz kerak. Mentorlik esa bundan bir qancha jihatlari bilan farq qiladi.

✅ Mentor o'z shogirdlariga ishning nozik nuqtalarini ko'rsatib berib, qolgan qismlarini shogirdlar mustaqil o'rganishiga qo'yib berishi, kerakli nuqtalarda yo'l ko'rsatib turishi va qachon shogirdning yana yuqoriroq bosqichga o'tishga tayyor ekanligini aytib turishi mumkin. Mentorlikda foydali mustaqil tashabbuslar qo'llab-quvvatlanadi va shogirdlarga o'ziga zarur nuqtalarga xos bo'lgan narsalarnigina o'rgatiladi.

🚀 Aynan shu mentorlik formatida veb dasturlashni o'rganmoqchi bo'lganlar uchun ustoz Muhammadjavohir Sur'atovdan maxsus taklif - mentorlik! Bu loyihada Muhammadjavohir Sur'atov o'zining shu kungacha olgan tajribalariga tayanib mustaqil o'rganishga qobiliyati bor nomzodlarni saralab olib, ularning veb dasturlashni o'rganish bo'yicha sarguzashtlarida hamroh bo'ladi.

Loyihada qatnashadigan shogirdlar asosan frontend va qisman backend bo'yicha mentorning tavsiyalari asosida mustaqil o'rganishlari mumkin bo'ladi. Frontendda HTML, CSS, Sass, Bootstrap, JavaScript, React va Vue bo'yicha yo'l-yo'riqlar ko'rsatiladi.

📌 Shogirdlar saralash natijasi asosida tanlab olinadi. Joylar cheklangan - jami 18 kishi shogird tushishi mumkin. Shulardan 4-6 ta joy ayol-qizlar uchun ajratilgan.

⏳ Saralash vazifalarini dushanba 15-fevral soat 22:00 gacha topshirish mumkin. 1-bosqichdan o'tganlar bilan Zoom orqali suhbat uyushtiriladi va uning natijalariga ko'ra shogirdlar tanlab olinadi.

💡 Eng asosiysi, Najot Ta'lim markazi ushbu loyihada qatnashib muvaffaqiyatli natija ko'rsata olgan yoshlarga Farg'ona viloyatida ochiladigan filialimizda o'z sohasi bo'yicha assistent o'qituvchi va o'qituvchilik qilish imkoniyatini bermoqchi ekanligini ma'lum qiladi.

Shunday ekan, o'z salohiyatingizni, qo'lingizdan nima ishlar kela olishini isbotlash vaqti keldi. Loyihada qatnashib jamoamiz a'zosiga aylaning!

📍 Mentorlik Farg'ona shahrida o'tkaziladi.

Loyiha haqida batafsil ma'lumot olish uchun quyidagi maqolani o'qishingizni tavsiya qilamiz.

🔗 Havola: http://bit.ly/3cTv15I

Men aniq bilaman qachondur O'zbekiston Respublikasi ta'lim tizimida o'zgarishlar bo'ladi.

Bu o'zgarishlar qancha tez bo'lsa mamlakat rivojlanishi shuncha tezlashadi.
Inson 4 yoshidan 7 yoshigacha 70% ma'lumotlarni o'zlashtiradi.Hozirgi vaqtda bu yoshdagi bolalar nimani o'rganayabdi?Hammasi ham bog'chaga boradimi?

Qaysi yoshdagi bolalar qayerda tarbiya yoki ta'lim olishi kerakligi bo'yicha taklifim bor.

Bolalar:
3 yoshda: Bog'cha
4 yoshda: Bog'cha

Boshlang'ich sinf
5 yoshda: 1-sinf
6 yoshda: 2-sinf
7 yoshda: 3-sinf
8 yoshda: 4-sinf

Ixtisoslashtirilgan sinf
9 yoshda: 5-sinf
10 yoshda: 6-sinf
11 yoshda: 7-sinf
12 yoshda: 8-sinf
13 yoshda: 9-sinf
14 yoshda: 10-sinf
15 yoshda: 11-sinf

O'quvchilarni 4-sinfdan ixtisoslik bo'yicha yo'naltirish kerak.Bu orqali 20 ta fanni chala o'zlashtirmaydi 3-4 ta fanni chuqur o'zlashtiradi.
E'tiborni 1 narsaga qaratish orqali ulkan natijaga erishish mumkin.Xitoy Xalq Respublikasida 4-sinfdan sun'iy intelekt texnologiyalari o'rgatilishidan xabaringiz bormi? https://youtu.be/JMLsHI8aV0g

© Nematillo Ochilov

#savol_javob

HTML va CSS ni o'zini bilgan odam dasturchimi?

HTML va CSS bu saytning frontendida ishlatiladigan tillar. Ikkisi ham dasturlash tillari emas. Ularning vazifasi sahifani qismlarga bo'lib, uni dizaynini boshqarishdir. Ularda masalalar yechib bo'lmaydi, ularda muammolarni hal qilib bo'lmaydi.

Savol: "HTML va CSSni o'zini bilgan odam dasturchimi?".

Javob: Yo'q. Buni o'zini bilgan odam dasturchi emas. Chunki buni o'zini bilgan odam na algoritmni, na dasturlash teoriyasini biladi. Agar siz faqat html va cssni bilib ishlayman desangiz bu fikrdan voz keching. O'rganishdan charchamang.

@muhammadyunus_uz

Java va Android dasturlashni o'rganishni xohlayotgan ayol-qizlar bormi?

Mehri Abduqodirova ingliz tilini yaxshi biladigan ayol-qizlar uchun bepul Java va Android bo'yicha onlayn kursni yo'lga qo'ymoqchilar. Kursga 3-4 o'quvchi qabul qilinadi. Kursning tarkibi quyidagicha:
- dasturlashga kirish va OOP - 1 oy
- Java dasturlash tili - 6 oy
- Android dasturlash - 5 oy

Kursga qatnashmoqchi bo'lganlardan haftasiga 5-6 kun, kuniga 8 soatdan ko'proq vaqtlarini o'qish uchun ajratishlari talab qilinadi. Haftada 5 kun 2 soatdan Zoom orqali darslar bo'lib o'tadi.

O'qishdagi har bir bosqich turli xil darajadagi loyihalarni tuzish asosida o'rgatiladi. Bu loyihalarni, albatta, porftolioga qo'shish mumkin bo'ladi. Java bo'yicha bosqichni bitirgan o'quvchilar Oracle imtihonida o'zlarini sinab ko'rishlari mumkin. Android dasturlashni o'rgangandan so'ng unda tuzilgan mobil ilovalarni Google Play Storega ham joylashingiz mumkin bo'ladi.

Bu imkoniyatdan foydalanmoqchi bo'lsangiz, mana bu yerda ro'yxatdan o'tishingiz mumkin. Loyiha faqat ayol-qizlar uchun!

Omad!

Yaqin orada @bahodiRajabov klaviturasiga mansub bir botni e'lon qilamiz, baho berasizlar :))

@uzkvbot — valyutalarni ayni paytdagi kurs bilan konvertatsiya qilib beradigan foydali bot.

UZS 🔄 RUB 🔄 USD 🔄 UZS

LINK 👉 @uzkvbot

UZS logotipi muallifi @abdusattor aka :))

Aziz akani kanalini kuzataman. Ancha oqil va fikri teran aka.

Bugun 19:30da Youtube da e'lon qilinarkan.

@azizrakhimov_blog

https://youtu.be/UTnhqdcMpUs