Poytaxtimizdagi Olimpiya shaharchasida V yoshlar Para Osiyo o‘yinlarida yurtimiz sharafini munosib himoya qilgan sportchilar hamda ularning murabbiylarini taqdirlashga bag‘ishlangan tantanali marosim bo‘lib o‘tdi.

Mazkur tadbirda Yosh Sport Liderlari dasturi volontyorlari o‘zlarining beminat va fidokorona xizmatlari bilan faol ishtirok etdilar.

Taqdirlash marosimida Oliy Majlis Senati Raisi Tanzila Narbayeva, O‘zbekiston Respublikasi Prezidentining sport bo‘yicha vakili Odil Abdurahmonov, O‘zbekiston Respublikasi Prezidenti maslahatchisi, Ijtimoiy himoya milliy agentligi direktori Mansur Olloyorov, O‘zbekiston Respublikasi Sport vaziri Adkham Ikramov, Ijtimoiy himoya milliy agentligi direktorining birinchi o‘rinbosari, Milliy Paralimpiya qo‘mitasi raisining birinchi o‘rinbosari Shaxnoza Mirziyoyeva, Yoshlar ishlari agentligi direktori Alisher Sa’dullayev, O‘zbekiston Milliy Paralimpiya qo‘mitasi raisi Muxtorxon Tashxodjayev, O‘zbekiston Milliy Olimpiya qo‘mitasi raisining birinchi o‘rinbosari Otabek Umarov, sport jamoatchiligi vakillari hamda ommaviy axborot vositalari xodimlari ishtirok etdilar.

Ma’lumot o‘rnida: O‘zbekiston terma jamoasi ushbu nufuzli musobaqada 99 ta oltin, 57 ta kumush va 41 ta bronza medalini qo‘lga kiritib, 35 ta davlat orasida umumjamoa hisobida 1-o‘rinni egalladi.

Ushbu ulkan g‘alaba Yangi O‘zbekiston yoshlarining yuksak salohiyati, kuchli irodasi va xalqaro sport maydonidagi tobora ortib borayotgan nufuzini yana bir bor yaqqol namoyon etdi.

#yoshsportliderlarjamoasi #youthsportsleaders

Telegram ✅ | Instagram 🌐| Gruppa 💬