«Բոլոր ձևերով եմ օգտագործել բառերը․ ամբողջ կյանքում խաղացել եմ դրանց հետ». Մատեի Վիշնիեկ

📗 «Մատեի Վիշնիեկ․ բազմաձայն թատերական հյուսվածք» խորագրով ֆրանկոֆոն թատերական հանդիպումների 7-րդ թողարկման շրջանակում ԵԹԿՊԻ-ում կայացավ «Ստեղծագործական 50 տարի՝ երկխոսություն աշխարհի հետ» խորագրով հանդիպում ժամանակակից ֆրանկոֆոն դրամատուրգ, ռումինացի գրող, լրագրող Մատեի Վիշնիեկի հետ։ Վերջինս ստեղծագործել սկսել է իբրև բանաստեղծ: 1977 թվականից գրել է դրամատուրգիական գործեր, սակայն դրանցից ոչ մեկը Ռումինիայի գրաքննության կողմից չի հաստատվել հրատարակման կամ բեմադրության համար:
«Ես ունեմ մի քանի գործիքներ՝ հեգնանքը, փոխաբերությունը, ինքնաքննադատությունը և սև հումորը։ Դրանք ծառայում են մեկ նպատակի՝ կազմաքանդել միասնական մտքի պատրանքը։ Իմ կերպարը միշտ մարդն է՝ իր հակասություններով, թուլություններով ու լույսով։ Իսկ հասարակությունը, բնականաբար, այդ նույն հակասությունների ժառանգն է։ Գրականությունն, իր հերթին, ամենանուրբ գործիքն է, որով հնարավոր է դիպչել մարդու ամենախոր ու ամենանվիրական հոգուն»,-հանդիպմանը նշել է դրամատուրգը:

📍Երևանի թատրոնի և կինոյի պետական ինստիտուտի ռեկտոր Սառա Նալբանդյանն ու ՌԴ-ի «Բեմական արվեստների բարձրագույն դպրոցի» ռեկտոր Կոնստանտին Ռայկինը ստորագրեցին համագործակցության հուշագիր՝ նպատակ ունենալով զարգացնել երկու ուսումնական հաստատությունների միջև կրթական, ստեղծագործական և մշակութային համագործակցությունը։

🤝 Այս համագործակցությունը նոր հնարավորություն է ստեղծում խորացնելու մշակութային և կրթական կապերը թատերարվեստի ոլորտում։