لاستشهاد ام البنين ع س
الوزن عكيلي
التفعيلات
فعلن فعلن فعلن فعلن
◾️◾️◾️◾️◾️◾️
عــباس احظــر هـــاي الليلـــه
نعــش امــك عالــراس اشيلــه
◾️◾️◾️◾️◾️◾️◾️

وكـت المـوت وصاحــت يبنـــي
عـــباس افـــراكـــك صــوبــــــني
ودهـــري ابــروحتــكـم عـذبـــني
ومــالــومـــه ومــحـد اشكيلــــــه

✍️ الشاعره
ام حيدر الحمزه الطائيه
◾️◾️◾️◾️◾️◾️◾️
الليــــــه احظــــروا ياويٰٰٰــــــلادي
عــــورتـــو وشعلتــــو افــــــادي
مــاتــــٰدرون اعليــــه اشســادي
عيـــونـــي دم ادمــوعـي تسيله

✍️ الشاعره ام عمار الصائغ
◾️◾️◾️◾️◾️◾️◾️◾️

محـــد يمـــــه اشكيلـــه البيـــــه
ريتــــك يمـــــه اتعــــود لييــــــه
ومنـــٰك مـو هــــاي المرجيـــــه
وحيــــده وي همـــي و نحيلــــه

✍️الشاعره ام محمد الساري
◾️◾️◾️◾️◾️◾️◾️◾️

نــار وتسعــٰــر يافـــــركتــكــــــم
ومــاهــادت مـــن الـــون امكــم
ام عــــون اليــــوم تصيـــح الكـم
ويــــن ليحضــــر هــــاي اليلـــــه

✍️العلويه ام رقيه الموسوي
◾️◾️◾️◾️◾️◾️◾️◾️

يـادمعــــاتـــــي مــن دم سيلـــي
افــــراگ اولادي هـــــدم حيلـــي
وعليهــٰــم ما نـامـــــــن ليلــــــي
محــــد منهــــم حتــــه احجيلـــه

أم أحمد المنصوريه
◾️◾️◾️◾️◾️◾️◾️◾️
احضٰٰٰٰــر شييـــع امــــك يالوالـــي
ياروح ونبضـــــه ابـــــدلالـــــــي
ردتــــك دفـــــــان وتـــــبرالـــــي
وتــــــراب امــــك انــت اتهيلـــــه

✍️ام محمد تقي الموسوي
◾️◾️◾️◾️◾️◾️◾️◾️◾️
اولادي ويــا مــٰـــاي عيـــــونـــي
وبمــٰــوتــي ريــــت تحضرونــي
وشــــيالــت نعـــــشي تـــزتــونــي
كلـــــــبي مـٰايبــــــــــرد تغليلـــــــه

✍️ ام مصطفى ناصريه
◾️◾️◾️◾️◾️◾️◾️◾️◾️
مـــوتـــج يٰـم عبــــاس الفــجعـه
نعشــــج ياهـــو اليــوم ايشيعـــه
خــــل ايجــــون اولادي بجمـــعه
ايشيعـــونـــي ويصلــــو اعليــــه

✍️ ام مازن
◾️◾️◾️◾️◾️◾️◾️◾️
تمت القصيده بفضل
ام البنين

وكاني بالزهراء ع عندما غسلها امير المؤمنين ع وشد الكفن عليها خرجت ذراعيها من الكفن واحتضنت الحسن والحسين ع فنادى ملك من فوق العرش ياعلي نح الحسنان لقد والله ابكو ملائكة السماء



حنينه فاطمه وماتحمل افراك
تحن اعله الولد كلساع تشتاك

هاي ام المحنه
ياشمعه نزلنه
تحن اعله الولد كلساع تشتاك
}}}}}}}}}}☆☆☆{{{{{{{{]
تحن حنت حنين النوك كلساع
من عدها الفرح ياوسفه هل ضاع
نامت بالحد ام حلوه الطباع
هاي الربت حسين
عليها يجري العين
تحن اعله الولد كلساع تشتاك
✍️ شاعره ام روكان لشمريه

}}}}}}}}}☆☆☆{{{{{{
ضمت حسن وحسين الصدرها
لزينب عاينت تبجي ابكترها

وحنت على ابنيتها اوصبرها

هلت دمعت العين
وحضنتهم بالادين

تحن اعله الولد كلساع تشتاك

*ام منـــــــــــ✍️ـــــذر الحجار*
}}}}}}☆☆☆{{{{{{
تصد الزينب اوتهمل دمعها
وعن اولادهه تخفي وجعها
لمن ماتت وضل ينزف ضلعها
من ضربت البسمار
يويلي ابحالهه اشصار

تحن اعله الولد كلساع تشتاك

✍️ام احمد المنصوريه
}}}}}}☆☆☆{{{{{{

مدت ايدهه اوحضنت ولدها

اودمع الفركه ضل ينزل ابخدها

على زينب تضل باجر وحدها

دمعها نزل غدران
بلل حته الاكفان

تحن اعله الولد كلساع تشتاك

ام احمد ✍️المنصوريه
}}}}}}☆☆☆{{{{{{
زينب تضل من بعدج. يتيمه
تنادي بصوت گومي يالحنينه
تشوف الضيم بعدج والهضيمه

تضل بالضيم والنوح
عليج الگلب مجروح

تحن اعله الولد كلساع تشتاك

✍️زينب خضر

}}}}}}☆☆☆{{{{{{

تصد اعله الولد وتدير بالعين
اودعكم وكلبي انجسم نصين
وشبيدي عليها عملة البين
تودعهم بالدموع
كلبها اليوم مشلوع
تحن اعله الولد كلساع تشتاك
ام علي البابلي
}}}}}}☆☆☆{{{{{{

رابط ناعيات الطف
تـــمـ بعون الله تعالى ـــت
باقـــ✍ـــلام خادمات اهل البيت ع
في رابطة ناعيات الطف
بتاریخ 7 جماد الاخر 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

فاطمة الزهراء ع تحضر لتغسيل زينب ع وعندما جردتها من ثيابها ورأت جسدها ازرق من سياط اميه لع عليهم
----------------------

محتاره ييمه ابغسلج اشلون
اشوفنهه يزينب زرگه المتون

كضاج الضيم يم عون
اخوانج كون يدرون

فزاعه اجو ليج ويشيعون

〰️◼️〰️◼️〰️

اشصاير بيج من اسياط اميه
مورمه من الضرب يمه البنيه
عليج الماي اصبه اشلون بيه

كلبي عليج مالوم
يخت المات محروم

وين اخوان زينب خل يحضرون

ام علي الصالحي

〰️◼️〰️◼️〰️
هدم حيلي المتن من شفته يمه
وقلبي عليج زينب زاد همه
ويا هظمة مصابج والله هظمه

جرت دمعات العيون
اغسلج حايره اشلون

اضلوعي اعليج محنيه ويونون

✍أزهار جبار الجياشي

〰️◼️〰️◼️〰️◼️

وين اخوان زينب خل يجوها
على امتون النشامه ايشيعوها
ماتت بالغرب ما ودعوها

ماغمضو رمشهه
ولاشالو نعشهه

بعيده عن اهلهه ماتت ام عون

أم أحمد المنصوريه
〰️◼️〰️◼️〰️◼️
يا نارج ييمه حدر الضلوع
من شفت المتن ضل كلبي موجوع
اغسل بيج وانه تكت الدموع

من زغرج لهليوم
شفتي اشكال الهموم

وحتى بموتتج غربه اليدفنون

ام علي البابلي

〰️◼️〰️◼️〰️◼️

وينك يالحنين تشوف اخيتك
ماتت بالغرب وتريد جيتك
توكف بالعزه تنصبه بديتك
اتمنتكم تجوها
الجنازة تشيعوها

وتراب الگبر انتم تهيلون

✍🏻العلوية أم منتظر جمال الدين

〰️◼️〰️◼️〰️◼️

اغسلنج ييمه والدمع طاح
يبنيتي الكلب جن سهم بي لاح
اصدن عالجسد مملي بالجراح

هذا القدر محتوم
زينب ترحل اليوم

ومن عندي الكلب يايمه مهدوم

.✍🏻الشاعره ام سكينه العبوديه

◼️〰️◼️〰️◼️〰️

تنضرها الزجيه ابگلب محزون
بجفن ام الوفه گامو يلفون
بديار الغرب ضل نعشج اشلون

اتون الفاطميات
ماتت ياحسافات

الجنازه تريد والي ونتو تدرون

✍🏻شاعره ام روكان الشمريه

◼️〰️◼️〰️◼️〰️

يريد النعش والي ومن يشيله
خل تفزع اهاليها العقيله

الف ياحيف بت حامي دخيله

وبديرة غرايب
مامش من حبايب

يحضرون وبعد ليها يغسلون

✍🏻زمن حاتم الربيعي

◼️〰️◼️〰️◼️〰️

رابط ناعيات الطف
تـــمـ بعون الله تعالى ـــت
باقـــ✍ـــلام خادمات اهل البيت ع
في رابطة ناعيات الطف
بتاریخ 16 جماد الاخر 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

وزن المنسجم

مستفعلن مستغعلن مستفعلن فعلن


خدام لحسين وعلي ولفاطمه الزهره
لام البنين الطاهره ولزينب الحره


اخدم الك طول العمر يا علي مولانه
انصب الك موكب عزه مالوم بحزانه
لام عون والبت النبي كل احنه عوانه

كلبي عليكم للابد يبقى مثل جمره

ام علي الصالحي

〰️◼️〰️◼️〰️◼️
اخدمكم انه ياعلي ماقصر اوياكم
ممنونه اني ابخدمتي وحيات عيناكم
يوم الحشر يابا الحسن انكون بحماكم
والخادم اتحظرون اله لمن يطب كبره
ام عمار الصائغ

◼️〰️〰️◼️〰️〰️◼️
ماجوز من خدمة علي والزهره والمذبوح
خلوني خادم للأبد واگليبي اله مجروح
بس كون يقبل خدمتي و ابداعة المطروح

أنريد الشفاعه بالحشر والبرزخ انعبره

ام علي المالكي
〰️◼️〰️◼️〰️◼️
خدام لبن الطاهره ام الحسن وحسين
ونسير دربك سيدي وكل الربح بالدين
ميهمنه طاغي وناصبي لو ظالم امن اسنين

ولخدمه هاي اكبر شرف كل خادم تنصره

.✍🏻الشاعره مريم العبوديه اسيرة الاحزان💔

〰️◼️〰️◼️〰️
نخدم لحد كطع النفس بيت النبي اواله

وبخدمت احسين اوهله كل الشرف ناله
اوربك يبدل حالته من حالت الحاله

ولي يخدمك من صدك ريحت مسج عطره

ب✍🏻الشاعره أم مهدي العيداني

〰️◼️〰️◼️〰️
ممنونه كل هاي الخدم بالخدمه ممنونه

بالدمعه كل شيعي البجه تتكحل اعيونه

وهناك يوم الاخره كلكم تحضرونه

خدام لحسين اوهله والباقي العتره

ب✍️ام احمد المنصوريه
============
تمت القصيده بعون الله تعالى
بأقلام شاعرات رابطة الحسن المجتبى ع

وزن الموشح.....

روحي ذابت على صوتي بالونين
ماتت الحره العفيفه ام البنين
⊰᯽⊱┈──╌❊╌──┈⊰᯽
ماتت الدره العفيفه الطاهره
وين عباس النعشها يحضره
بيها حسرات المواجع مسعره
ويهمل ادموعه عله امه الحنين

. ✍🏻الشاعره ام یحیی العبودي
⊰᯽⊱┈──╌❊╌──┈⊰᯽
وينه ابو فاضل يجيها بالعجل
ولجروح تزيد ولعين تهمل
كلبج الله يساعده اشكد حمل
اقمار ظحيتي لجل روح لحسين
✍🏻الشاعره أم مهدي العيداني
⊰᯽⊱┈──╌❊╌──┈⊰᯽
يلطم عالراس ويشيل النعش
وكلبه من الحزن عله امه ارتعش
مثل طير وضاع مابعد نكمش
عمت عيني عليه مكطوع الادين
✍🏻 الشاعره ام حيدر العباديه
⊰᯽⊱┈──╌❊╌──┈⊰᯽
وين شيال العلم گايد الجيش
وين كافل ام طهر ما يجي ليش
بعد عينك ما هنا لامك العيش
تريد تحضرها يبن حامي الدين
. ✍🏻أم علي دمعة لقاء
⊰᯽⊱┈──╌❊╌──┈⊰᯽
وين ابو فاضل اوين احسينها
عل الدرب ضلت تدير ابعينها
ابكربله كلهم ظحايه ابنينها
عليهم الدلال. مهموم اوحزين
✍️أم أحمد المنصوريه
⊰᯽⊱┈──╌❊╌──┈⊰᯽
ماتت بغربه ولاواحد حضر
تنازع الموت وتدير بهل النظر
وينه جعفر وينه عباس الكمر
حيف عن امهم يويلي غايبين
. ✍🏻الشاعره ام عباس السكيني
⊰᯽⊱┈──╌❊╌──┈⊰᯽⊱
تمت بفضل الله باقلام شاعرات رابطة الحسن المظلوم ...ع..
ونسألكم الدعاء

قصيده للسيده زينب ع
وزن تلث ارباع الشيعتي
------------------------

بت علي بين الغرب ضلت ابحيره
علـى الـقبله راسـها يا هو اليديره

〰️〰️⚜️✍🏻⚜️〰️〰️

عينها الدرب الاخو ضلت تتاني
اتصيح يالوليان فرگاكم عماني
من مشيتو يا هلي ضليت اعاني

لا اهل حضرتني لا يمي عشيره

ام سـ✍️ـجـاد العسكري

〰️〰️⚜️✍🏻⚜️〰️〰️

لا حضر عباس لا حامي الحميه
صاحو بديرة غرب هاي اجنبيه
وين عنج امج الزهره الزجيه

عجب يا عباس ما جابته الغيره

ام علي الصالحي

〰️〰️⚜️✍🏻⚜️〰️〰️

الغيرة كلهه براسه لكن ماكو زندين
بيا چفوف يشيل نعش اخت الشياهين
حدرت دمعاته عالخد هذا الحنين

اعتذر منچ يخوية انت البصيرة

✍🏻العلوية أم منتظر جمال الدين

〰️〰️⚜️✍🏻⚜️〰️〰️

امحيره ظليتي وابوكت المنيه
ما حظر ليج الكمر لحسين اخيه
اتمنت اتغسلها بيديها الزجيه

الماي وابهيده عليها من تديره

✍أزهار جبار الجياشي

〰️〰️⚜️✍🏻⚜️〰️〰️

اتمنت يدفنونها أخواتها النشامه
أبين اديهم حتئ موتتها ابسلامه
لجن وسفه ماتت أوحيده ندامه

غمضت ذيج النجيبه بغرب ديره

ام ساره خادمة الحجه عج

〰️〰️⚜️✍🏻⚜️〰️〰️

دارت ابانضارها صوب المدينه
وضلت الحره تون ونه حزينه
ذاب من عدها الگلب هاي الحنينه

تذكرت ساعة منيتها اسيره

✍️شاعره ام روكان لشمريه

〰️〰️⚜️✍🏻⚜️〰️〰️

لاحبايب لا اهل لا اخو عدهه
ابدار غربه بالمنيه بس وحدهه
دموعها على افراكهم نزلت ابخدهه

آه يا حسرتهه عالفركه جبيره

✍️ أم أحمد المنصوريه

〰️〰️⚜️✍🏻⚜️〰️〰️

رابط ناعيات الطف
تـــمـ بعون الله تعالى ـــت
باقـــ✍ـــلام خادمات اهل البيت ع
في رابطة ناعيات الطف
بتاریخ 21 جماد الاخر 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

قصيده لسيده زينب ع
وزن فائزي

هاليوم زينب بت علي تندب وليها
رادته وبوكت الدفن يحضر يجيها

►✺┅●✥⚫✥●┅✺◄

هـاليوم بتج فاطمه رادت اخوها
وحسين وي عباس كون ايشيعوها
تنضح يزينب جود من جدها وبوها
ضحت لاخوها وكربله تشهد عليها

ام علي الصالحي

►✺┅●✥⚫✥●┅✺◄

ضحت لاخوها ابكربله او صارت كفيله
والـيـوم ماتت والـنعـش ياهـو الـيشيله
واتـريـد ولـيـاهـا ابـعـجـل هاي العقيله
مـا بطـلـت طـول الـعمر من دم بجيها

ام سـ✍️ـجـاد العسكري

►✺┅●✥⚫✥●┅✺◄

مابطلت نوح وبچي حد ساعة الموت
وتريد واحد لو يجي ويرفع التابوت
ونت ياويلي ام الخدر والونه بسكوت
تذكر مصايب كربله والصار بيها

✍️ أم علي الحلفي

►✺┅●✥⚫✥●┅✺◄

قصة حزنهه والصبر بالغربه خلصت
وحسره يحظروها الاهل بالروح ظلت
شبحت العين الكربله وبهظم غُمضت
ونكطع وي كطع النفس منهه بجيها

✍أزهار جبار الجياشي

►✺┅●✥⚫✥●┅✺◄

تتذّكر الصار وجره والگلب جمرة
ومنها الاجيال التالية تعلمت عبرة
صبرت وللباري عطت قربان كثرة
واليوم وافاها الأجل من يعتنيها
✍🏻العلوية أم منتظر جمال الدين
►✺┅●✥⚫✥●┅✺◄

وشصار بيهه ام الخدر من المصايب
والعين تجري من السده والكلب ذايب
بالشام وافاها الأجل بين الغرايب
ما يمها الاحبيبات ويمدن اديها

✍️ام احمد المنصوريه

►✺┅●✥⚫✥●┅✺◄

انكطع ضنها ياخلك محد اجاها
وضلت تون وتنتحب ساعت وفاها
مامن اهل لامن ولي من شيعاها
يمته يجيها ويعتني خبرو وليها

✍️شاعره ام روكان لشمريه

►✺┅●✥⚫✥●┅✺◄
رابط ناعيات الطف
تـــمـ بعون الله تعالى ـــت
باقـــ✍ـــلام خادمات اهل البيت ع
في رابطة ناعيات الطف
بتاریخ 21 جماد الاخر 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

قصيده لقضاء لحوائج وتوسل باب الله لامام الاكاضم ع
____________
متعنيه اجيتك دمعتي بعيني
وزامط بيك كل عداي تدريني
تكضي حاجتي ومرادي تنطيني
👇
المستهل
متعنيه واريد مراد
من بابك يبو النخوه

〰️〰️⚜️🤲⚜️〰️〰️
متعنيه وطريقي بعيد
احلفك انا ياصنديد
مليت الصبر ياحيد
يكلك زود ومروه
✍️شاعره ام روكان لشمريه
〰️〰️⚜️🤲⚜️〰️〰️

يـالـكـلـك اعـزوبـيـه
اريد الحاجه مگضيه
روحـي بالـمـهـضميه

والدلال يتجوه

ام سـ✍️ـجـاد العسكري

〰️〰️⚜️🤲⚜️〰️〰️

اجيته امعزب الخطار
يمه ما يضل محتار
يطفي من كلبنه النار
يمن روحي اله فدوه

✍️ام احمد المنصوريه

〰️〰️⚜️🤲⚜️〰️〰️

مـتـعنيه الـك يامـولاي
زادت هضمتي وبـلواي
شفت الضيم من دنياي
وانت الفزعتك حلوه

*زيـنـ✍️ـب خـضـر*

〰️〰️⚜️🤲⚜️〰️〰️

اجيت انه لسبع بغداد
ومن عنده اريد امراد
باب الحاجه وبن اجواد

بيه الحيل يتقوه

ام علي البابلي

〰️〰️⚜️🤲⚜️〰️〰️

يگوه الحيل من زوده
سـفـرته دوم مـمدوده
كـلـنه نعـرف ابـجـوده

هـذا سابـع الـعروه

ام سـ✍️ـجـاد العسكري

〰️〰️⚜️🤲⚜️〰️〰️

رابط ناعيات الطف
تـــمـ بعون الله تعالى ـــت
باقـــ✍ـــلام خادمات اهل البيت ع
في رابطة ناعيات الطف
بتاریخ 21 جماد الاخر 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

القصائد الخاصه لخادمة الزهراء الشاعره أم أحمد المنصوريه
https://t.me/ksjkjensmm

لوفات مولاتنا زينب ع
وزن البند
---------------------

بديار الغريبه
ماتت يالنجيبه
بعوزج فاطمه اليوم اتغسلين الحبيبه

┉❈❥ًً🔹(🔵)🔹 ❥❈┉

ما يمهه حبايب
منه الكلب ذايب
كتلنهه النوايب
وابن امهه اشيجيبه

✍️ ام علي الصالحي

┉❈❥ًً🔹(🔵)🔹 ❥❈┉

وين امها الزجيه
تحضرها البنيه
وافتها المنيه
بقت زينب ابريبه

✍️شاعره ام روكان لشمريه

┉❈❥ًً🔹(🔵)🔹 ❥❈┉

ماتت ما اجوها
لا أمها ولا ابوها
لا عباس اخوها
وايعلي نحيبه

✍️ ام احمد منصوريه

┉❈❥ًً🔹(🔵)🔹 ❥❈┉

شالت زينب اليوم
كلبهه ينزف ادموم
احضرها يجيدوم
دموع اختك سجيبه

✍️ زينب خضر

┉❈❥ًً🔹(🔵)🔹 ❥❈┉
من ماتت الحره
بس تجذب الحسره
كبرها من يحفره
ويلي بهل مصيبه

✍️ ام وليد الموسوي

┉❈❥ًً🔹(🔵)🔹 ❥❈┉

رادتهم يحضرون
يشيعون ويدفنون
ينوحون ويكولون
دنيتنه كئيبه

✍️ ام وسام ال حيدر

┉❈❥ًً🔹(🔵)🔹 ❥❈┉

رابط ناعيات الطف
تـــمـ بعون الله تعالى ـــت
باقـــ✍ـــلام خادمات اهل البيت ع
في رابطة ناعيات الطف
بتاریخ 23 جماد الاخر 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

(قصيده
حكيمه بنت الامام الكاضم ع)


الحكيمه جايه ومراد اريدنه
اليوم اقسم عليها بعمها المجنه
🤲🤲🤲🤲🤲🤲
يابنت الكرم معروفه بلشاره
اجيتج حايره ودمعاتي تجاره
مريضه من العلل مولاتي محتاره
اجيبنه العلك بلباب اشدنه
🤲🤲🤲🤲🤲🤲
اشيل الرايه الج يلما تفشليني
مريضه والهضم يالحره ماذيني
نخيتج يالغريبه مراد تنطيني
ماخاب الكصد للحضره واتعنه
✍️شاعره ام روكان لشمريه
🤲🤲🤲🤲🤲🤲
الحكيمه جايه والروح مهظومه
من ضيم الوكت والعله مالومه
جيتج يالحنينه ابدمعه مسجومه
اريد امرادي منج هسه اريدنه
✍️ام زينب السعداوي ناصريه
🤲🤲🤲🤲🤲🤲
نخيتج ياحكيمه اودمعتي تجري
تعرفين الاقصده والحجي ابصدري
تنطين اليندبج والنخاج ادري
كفو اونعمين منهه الما تفشلنه

✍ام احمد المنصوريه
🤲🤲🤲🤲🤲🤲
اول مره اطلب حاجتي منج
مولاتي حكيمه ابدمعي احشمنج
واباب الـحـوائج انه احلفنج
نخيتج بالحزن وبآه وابونه

✍أزهار جبار الجياشي
🤲🤲🤲🤲🤲🤲

اكصد حظرتج وشكيلج الحاله
وندب ياحكيمه بدمع هماله
عليه هموم كثره وحيل جتاله
وألج هاليوم دمع العين اهلنه
.✍🏻ام سكينه العبوديه
🤲🤲🤲🤲🤲🤲

الهوسه
متعنيه للتگضي الحاجه

___________

رابط ناعيات الطف
تـــمـ بعون الله تعالى ـــت
باقـــ✍ـــلام خادمات اهل البيت ع
في رابطة ناعيات الطف
بتاریخ 26 جماد الاخر 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

فزاعيه جنوبيه لمولاتنا زيبنب ع بقفل الهوسه
-----------------------

وين اليوم ابو اجفوف السخيه
خـل يـحـضـر دفـنها الهاشميه

〰️〰️⚜️✍🏻⚜️〰️〰️

ليش ام الخدر محد اجاها
ابساعات المنيه او گابلاها
وين ابوالفضل رافع لواها

ماركب جفه ،، على ازنوده

ام سـ✍️ـجـاد العسكري

〰️〰️⚜️✍🏻⚜️〰️〰️

كفال الخدر وينه كمرهه
الاخته بالمنيه خل يمرهه
بجفوفه ينزلهه الكبرهه

وابسهم اعيونه ،، ايبجيهه

✍أزهار جبار الجياشي

〰️〰️⚜️✍🏻⚜️〰️〰️

ينزلها الكبر ويهيل التراب
يصيح مودعه يااغله الاحباب
جرحج يالاخت مايبره لاطاب

والحره تسمع ،، وناته

✍🏻 ام علي البابلي

〰️〰️⚜️✍🏻⚜️〰️〰️

وينه الحيد شيال الكلافات
زينب ماتت اوبديار شمات
تحضرها تريد اهل الحميات

جنازه..خل هاشم تفزع

✍🏻 زمن حاتم الربيعي

〰️〰️⚜️✍🏻⚜️〰️〰️

اتريد الكافل ايشيل الجنازه
الخوه للدفن عازتها عازه
واليوم الگلب رايد. اعزازه

زينب هاليوم. متانيته

✍️ام وليد الموسوي

〰️〰️⚜️✍🏻⚜️〰️〰️

شيال الكلافه ما حضرها
ابوفاضل ولا زتهه الكبرها
الحد الموت والحسره تجرها

لخوتهه الماحضرو ،، ليهه

✍ أم أحمد المنصوريه

〰️〰️⚜️✍🏻⚜️〰️〰️

اتاني الهيبه واتريده يجيها
هوايه اشتاگته وهم عن عليها
ايشوف الغياب اشسوه بيها

ويشيل التابوت.. ابأيده

✍️ أم علي الحلفي

〰️〰️⚜️✍🏻⚜️〰️〰️

خل يحضر يجي عباس وحسين
هاي ام الخدر وامسبله اليدين
بديار الغرب واديرها العين

ماحضرو يمها ،، الوهامه

✍️الشاعره ام روكان لشمريه

〰️〰️⚜️✍🏻⚜️〰️〰️
رابط ناعيات الطف
تـــمـ بعون الله تعالى ـــت
باقـــ✍ـــلام خادمات اهل البيت ع
في رابطة ناعيات الطف
بتاریخ 26 جماد الاخر 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

فزاعيه جنوبيه لمولاتنا زينب ع بقفل الهوسه
⚫--------⚫☆⚫--------⚫

اجاها الموت هاي ختك يعباس
بدروب لغرب واتشيلها الناس

⚫--------⚫☆⚫--------⚫

هاي اختك دكوم الحك عليها
شد انكاب كوم وامشي بيها
تزعل حيل لو ما تعتنيها

( لحك ليها عباس/ اختك )

✍️شاعره ام روكان لشمريه

⚫--------⚫☆⚫--------⚫

كوم الحك على اختك شيلها بساع
جنازه امدده ياحيف بلكاع
تنادي هنا يخوتي وين الاسباع

الحك ليها / والحره اتون

✍️ الحجيه ام علي

⚫--------⚫☆⚫--------⚫

اجاها الموت وانتوا ابعاد عنهه
عليكم ما فتر وانكطع ونهه
وديار الغرب كثرت حزنهه

( رادت كافلها ،، يواريها )

✍أزهار جبار الجياشي

⚫--------⚫☆⚫--------⚫

وكت الموت رادتهم يجوها
اوعلى اجتاف النشامه ايشيعوها
غمضت عينهه اوما ودعوها

رادت يحضرها ،، الجيدومه

✍ام احمد المنصوريه

⚫--------⚫☆⚫--------⚫

اتنادي الروح منها بعالي الصوت
بعازتكم يخوتي ساعة الموت
خفاها ام الخدر هاليوم تابوت

ودفانه..رادت كافلها

✍🏻✍🏻زمن حاتم الربيعي

⚫--------⚫☆⚫--------⚫

والكثر حزنهه طبت الشام
تذكر ماجره وابذيچ الايام
مكلوفه ابحرم واطفال ايتام

( لچمات الطف // ما تنسيها )

✍️ أم علي الحلفي

⚫--------⚫☆⚫--------⚫

رابط ناعيات الطف
تـــمـ بعون الله تعالى ـــت
باقـــ✍ـــلام خادمات اهل البيت ع
في رابطة ناعيات الطف
بتاریخ 26 جماد الاخر 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

*🗓 جدول مناسبات شهر رجب الأصب*

🌸 1 رجب / ولادة الإمام محمد الباقر (عليه السّلام) الإمام الخامس من أئمّة أهل البيت (عليهم السّلام) 57 هـ - 677 م

🌸 2 رجب / ولادة الإمام علي الهادي (عليه السّلام) الإمام العاشر من أئمّة أهل البيت (عليهم السّلام) 214 هـ - 829 م

▪️3 رجب / شهادة الإمام علي الهادي (عليه السّلام) الإمام العاشر من أئمّة أهل البيت (عليهم السّلام) 254 هـ - 868 م

▪️5 رجب / شهادة يعقوب بن إسحاق المعروف بـ ابن السكيت 244 هـ أو 224 هـ

🌸 9 رجب / ولادة سيدنا ومولانا عبد الله الرضيع بن الإمام الحسين (عليهما السّلام)

🌸 10 رجب / ولادة الإمام محمد الجواد (عليه السّلام) الإمام التاسع من أئمّة أهل البيت (عليهم السّلام) 195 هـ - 811 م

▫️11 رجب / قدوم الإمام علي بن أبي طالب (عليه السّلام) الكوفة بعد حرب الجمل 36 هـ

▫️12 رجب / دخول الإمام علي بن أبي طالب (عليه السّلام) الكوفة واتخاذها مقرّاً للخلافة

🌸 13 رجب / ولادة الإمام علي بن أبي طالب (عليه السّلام) داخل الكعبة المعظّمة بعد 30 سنة من عام الفيل .

▪️15 رجب / شهادة السيّدة زينب الكبرى (عليها السّلام) بنت أمير المؤمنين (عليه السّلام) 62 هـ - 682 م

🌸 16 رجب / خروج السيّدة فاطمة بنت أسد (عليها السّلام) من الكعبة

▪️18 رجب / وفاة إبراهيم (عليه السّلام) ابن رسول الله (صلّى الله عليه وآله وسلّم) 10 هـ

🌸 20 رجب / ولادة السيّدة سكينة بنت الإمام الحسين (عليهما السّلام)

▪️23 رجب / محاولة اغتيال الإمام الحسن (عليه السّلام)

🌸 24 رجب / فتح أمير المؤمنين الإمام علي بن أبي طالب (عليه السّلام) حصون خيبر 7 هـ

▪️25 رجب / شهادة الإمام موسى الكاظم (عليه السّلام) الإمام السابع من أئمّة أهل البيت (عليهم السّلام) 183 هـ - 799 م

▪️26 رجب / شهادة سيّدنا ومولانا أبو طالب (عليه السّلام) مؤمن قريش 10 من البعثة 620 م على رواية
🌸 27 رجب / المبعث النبوي الشريف 610 م

▪️28 رجب / خروج الإمام الحسين (عليه السّلام) من المدينة المنورة متوجّهاً إلى مكة المكرّمة 60 هـ

مستهل حماسي لزينب. ع.
┄┅┅┅❅🟤❅┅┅┅┄

انه ابو فاضل اخوج او هيبتج
اشلون بارض الشام صارت دفنتج
يازينب يازينب.يازينب يازينب ٢

┄┅┅┅❅🟤❅┅┅┅┄

انه ابو مريوش سبع الكنطره
ماتهمني الشام كله والجره
زودي عباسي حسيني حيدره

انتي بس كولي يزينب كلمتج
يازينب يازينب يازينب يازينب

✍️ام احمد الهاشمي

┄┅┅┅❅🟤❅┅┅┅┄

انى عباسج يبت حيدر علي
انتي بس امرى او اقول ادلي
دمعي لفراكج. يخويه منهلي

صعب اسمعها يخويه ونتج

يازينب. يازينب. يازينب يازينب

زهره. الكناني.

┄┅┅┅❅🟤❅┅┅┅┄

انه سبع الكنطره وانه الكفيل
كون عندي اجفوف والنعشج اشيل
حته دمعي عليج من دم خل يسيل
اشلون برض الشام سالت دمعتج
ياز ينب يازينب يازينب يازينب
✍أم أحمد المنصوريه

┄┅┅┅❅🟤❅┅┅┅┄

هاي صعبه زينب ابين الغرب
ماتت ومحد يوسدها الترب
ماحضرني الحيد گلوله شعجب
هسه اركب اجفوفي اشيل اجنازتجَ
يازينب. يازينب. يازينب يازينب

✍️ام وليد الموسوي

┄┅┅┅❅🟤❅┅┅┅┄

انا خوج وابقى الج ذاك الكمر
ريت احضر موتتج وحفر كبر
ولايهمني جفوف لاراس وصدر
لجن روحي ليوم يمج حضرتج
يازينب يازينب يازينب يازينب

ام نور الزهراء العبودية

┄┅┅┅❅🟤❅┅┅┅┄

ها یزینب کافی خویه من العتب
تنطر اعيونج تتاني عالدرب
ردتی الخوان وانتي بالغرب
وحدچ یم عون غربه غربتج
يازينب. يازينب. يازينب يازينب.
✍ علویـه ام فاضـل

_______________

رابط دموع العقيله
تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
بتاریخ 27 جماد الاخر 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

مولوووووووود

للإمام محمد الباقر عليه السلام.
🌹💕🌹💕🌹💕🌹

هلا باعيادك رجب نادينه

بالفرح تزهي تضوي اعلينه


خامس اليمّه انولد

غني ياطيرالسعد

بالفرح تزهي تضوي اعلينه

🌹💕🌹💕🌹💕🌹

اول الافراح تبدي من رجب

خامس اليمّه وداده الي وجب

باقر اعلوم النبي لا مو عجب

بمولده نور انتشر

والفرح عم البشر

بهالولاده ونحتفل خلينه

✍🏻زمـن حـاتمـ الربــيعي

🌼💞🌼💞🌼💞



ياهلا بشهر لرضا والمغفره
ونفرح ابمولد العتره الطاهره
بلولاده الحور اجت مستبشره
فرحو طشوها الورد
لباقر ليمه نولد
كومن نطش لورد والزينه


شاعره ام روكان لشمريه

💕🌼💕🌼💕🌼💕

اليوم كل شيعت علي فرحانه
عمت الفرحه الارض واسمانه
واليحبنه خل يجي ويانه
احله صفكه صفكن
باركن لم الحسن
الكل موالي بالفرح هنينه

✍️ام احمد المنصوريه

🌼💕🌼💕🌼💕🌼💕


الليله انطش الورد وي العطر
انهني الليله الامام المنتظر
بمولد الباقر يطر احلا فجر
ولمحب كلبه بتشر
المحفله الليله حضر
وبفرح اجمل نشيد القينه
.✍🏻ام سكينه العبوديه



🌼💕🌼💕🌼💕🌼💕

محمد الباقر ضوه مصباحه
اورود جنه بالعطر فواحه
و الحناجر بالفرح صداحه

الكون ابانواره سرح
بالارض عم الفرح

رحمه إلنه نزله بارينه

✍أزهار جبار الجياشي





💕🌼💕🌼💕🌼💕🌼



و التهاني هالمسه نهديها
هالفرحه مهدينا حضرنه بيها
والهلاهل سيدي انعليها

هـلـه بـالباقـر هـلـه
الفرح هالليله اعتله

انهنيك هذا اليوم يامهدينه

✍🏻زينب خضر

🌼💕🌼💕🌼💕🌼💕تمت بحمد الله وتوفيقه باقلام شاعرات الملتقى الحسيني لناعيات الطف المبدعات

الوزن فائزي
للسيده زينب ع
نعي فائزي


للسيده زينب عليها السلام

زينب غريبه بت علي. تنادي. يوليان
متنظره تحضرني اخوتي وي علي الوجعان
تبجي عزيزة فاطمه تناطر. الاخوان.

بلكت يجوها بلعجل اخوتها الاحنان


زهره. الكناني.
•••<<<{{{🖤}}}>>>••

زينب براضي الشام وحدها و غريبه

وخوانها كلهم بقو برض الحريبه

صاحت اريدن والدي وامي الحبيبه
ايحضروني وكت الموت ويجيبون الأجفان
✍️ام احمد المنصوريه
•••<<<{{{🖤}}}>>>••

أيس. يقلبي ماظن جنهم يجوني

منهم يويلي اخوتي. خابت. اظنوني

عكب الحياده والاهل يعمن عيوني

بعيد الدرب يم الحسن بعدوو الشجعان


✍رماد الخيام

•••<<<{{{🖤}}}>>>••
‌ابچی واصیحن یاهلی مهدومة الحیل

ظلیت وحدی ویه الغرب هلچلچل الیل

ممتحنه باطفال وحرم والمدمع ایسیل

بعید الدرب وبلاولی والدمع غدران

✍️ام محمدالیامعیه
•••<<<{{{🖤}}}>>>••
زينب تون وتريدهم اهل المحنه

وتصيح ريضو بالنعش ا تحٌضره اهلنه

نروح وياهم سوه نموت ردنه

جريت ليهم يادهر ونه اعله ونه

✍🏻خادمه الزهراء حوراء الكناني
•••<<<{{{🖤}}}>>>••

ـتـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
بتاریخ 3/رجب/ 142🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

الوزن النصاري
مفاعيلن مفاعيلن مفاعيل

┉❈❥ًً💠(🌀)💠 ❥❈┉

الحسن مسموم كل ساعه اله يميل
الحسين مكابله والمدمع. يسيل

┉❈❥ًً💠(🌀)💠 ❥❈┉

يكله نار جبدي مردت اعضاي
شوف الطشت بيه موذره احشاي
خلص عمري يخويه نهايتي هاي
عليه الدنيه جارت بايد الحيل

الشاعره ام یحیی العبودي✍🏻

┉❈❥ًً💠(🌀)💠 ❥❈┉

خويه حسين شيل الطشت عني
يبو السجاد حيلي يروح مني
لو زينب اجت واسمعت وني
وتاليهه اعله نعشي الوادم تعيل
الشاعره ام احمد الساعدي ✍🏻

┉❈❥ًً💠(🌀)💠 ❥❈┉

تعيل اعله النعش وضربه بسهام

ماعدهم رحم عدوان ظلام

يعيلون ابولد حيدر الضرغام

وتظل زينب تون ابهدوت الليل

✍️المله والشاعره ام احمد الساعدي

┉❈❥ًً💠(🌀)💠 ❥❈┉
الزهرا بالقبر تجذب الحسرة
ابو القاسم شالوه اللمقبرة
وگلب زينب عله خيه شصبره
ويم راس الحسن ا تصيح بعويل
""""
الشاعره ام مازن✍🏻

┉❈❥ًً💠(🌀)💠 ❥❈┉

تون زينب ولا غمضتهه العيون
تخاف اعله النعش بسهام يرمون
كضته الليل كله شلون بشلون
تكول الحسن عنه رايح ايشيل

✍️الشاعره ام احمد المنصوريه

┉❈❥ًً💠(🌀)💠 ❥❈┉
مظلوم الحسن ياناس مظلوم
قيموله العزه ووافو المسموم
واسو زينب اواسو ام كلثوم
نوسم صدورنه ونلطم بزنجيل
الشاعره ام احمد الساعدي
💔💔💔💔💔💔
تمت بحول الله وقوته

هاي ايام زينب يالموالين
هاي الشاركت بالثورة لحسين

للحرة الابية.....خل ننصب عزية

تستاهل دمه لو هلت العين

〰️〰️⚜️✍🏻⚜️〰️〰️
خل ننصب عزة ونواسي الاطهار

بمصاب العقيلة وبالكلب نار

بالباقي بمتنها اجروح واثار

من طف كربله للموت تذكار

لذيج الهاشمية... خل ننصب عزية

تستاهل دمه لو هلت العين

متيمة العقيلة
〰️〰️⚜️✍🏻⚜️〰️〰️
خل ننصب عزه وندك الصدور

ماتت بالغرب من دون البدور

مابين العده والظلم والجور

بس سجاد كلبه اليوم مكسور

وحشه هالمسيه ... خل ننصب عزيه
تستاهل دمه لو هلت العين

ام علي البابلي
〰️〰️⚜️✍🏻⚜️〰️〰️
خل نبچي عليها نجري الدموع

ونجر حسره شديده ابين الضلوع

طول الليل نسهر حتى الطلوع

مصابچ يالعقيلة بگلبي مطبوع
هاي اعظم رزيه خل ننصب عزيه

تستاهل دمه لو هلت العين
أم علي✍️دمعة لقاء
〰️〰️⚜️✍🏻⚜️〰️〰️
خل نصب عزيه اليوم لم عون

نلطم بالعزه اونعميها العيون

على الما عدها اهل يمها يحضرون

تنادي اعله البطل. مكطوع المتون

بالدمعه الجريه . خل نصب عزيه
تساهل دمه لو هلت العين

زهره. الكناني.
〰️〰️⚜️✍🏻⚜️〰️〰️
خل نبجي دمه وندك على الراس

هاي اخت الكفيل البطل عباس

عذبهه مصاب اخوتها ياناس

غريبه الجانت الها اسباع حراس


كضتهه الغاضريه..... خل ننصب عزية

تستاهل دمه لو هلت العين
✍️ام احمد المنصوريه
〰️〰️⚜️✍🏻⚜️〰️〰️

تستاهل ادموع العين تجري
تون بصوتها مو خلص صبري
سلمته للباري اليوم امري
يومك يالسبط كاسرلي ظهري
تون ونه خفيه خل ننصب عزيه

تستاهل دمه لو هلت العين
✍🏻ام حيدر العباديه

〰️〰️⚜️✍🏻⚜️〰️〰️
ـتـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
بتاریخ 3/رجب/ 142🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

لطمیه للامام علي الهادي ع
ـــــــــــــــــــــــــــــــــــــــــ

الزهره الیوم محزونه وتجر ونه
الهادي العسکري مسموم سیدنه

▄▀▄♡▄▀▄♡▄▀▄

مســـموم الامـام ایعــالج الوحده

ســم اهــل الظـلاله مارده الچبده

ظل وحده ینادي المصطفی جده

یـــاجـــدي يریــتــك لـــیه تـتـعنه

✍ام ضیغم المحنا
▄▀▄♡▄▀▄♡▄▀▄

ناده المصطفى يحضرله هليله

مسموم ويون وباد كل حيله

حسافه الوحده ومحد يتجيله

راد احبابه يمه اليوم المجنه

✍️ام احمد الساعدي
▄▀▄♡▄▀▄♡▄▀▄

اعازي ام الحسن اوسجب العبـره

اومحزونه عليه اوتبجي الزهره

او تدك. عالصدر اوتجذب الحسره

اليوم بمجلس الهادي اله حنه

✍زهره.
▄▀▄♡▄▀▄♡▄▀▄

من سم العـــده ممــرود دلاله

مات الوحــــده محـــد تدناله

عنه اهله بعيده اوماهم اعياله

كفره السمته ماعدهـــم امحنه

✍️أم احمد المنصوريه
▄▀▄♡▄▀▄♡▄▀▄

ماعدهم رحــم ظلام عـــدوانه

وين البيه الحميه يشيل جثمانه

هذا ابن الصميده الكرم عـنوانه

شال ابن الكرام وحيل فاجـعنه

✍🏻ام حيدر العباديه
▄▀▄♡▄▀▄♡▄▀▄

شال ابن الکرم وین الیشیعونه

ماحضرو هله جنازه یســـو وله

عمت عینی علیه یلما یحضرونه

خلی الساده تحضر اتشیل المجنه

✍🏻ام حمزه الکعبیه
▄▀▄♡▄▀▄♡▄

علئ الهادي يويلي الدنيه حزنانه

والزهره ام الحسن تلطم وعوانه

مسموم ويون بجبدته نيشانه

يايوم الامام حيل هاظمنه

✍ام زهراء الفاطميه
ـــــــــــــــــــــــــــــــــــــــــــــــ
ـتـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
بتاریخ 3/رجب/ 142🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

فزاعيه جنوبيه لمولاتنا زيبنب ع بقفل الهوسه
-----------------------

وين اليوم ابو اجفوف السخيه
خـل يـحـضـر دفـنها الهاشميه

〰️〰️⚜️✍🏻⚜️〰️〰️

ليش ام الخدر محد اجاها
ابساعات المنيه او گابلاها
وين ابوالفضل رافع لواها

ماركب جفه ،، على ازنوده

ام سـ✍️ـجـاد العسكري

〰️〰️⚜️✍🏻⚜️〰️〰️

كفال الخدر وينه كمرهه
الاخته بالمنيه خل يمرهه
بجفوفه ينزلهه الكبرهه

وابسهم اعيونه ،، ايبجيهه

✍أزهار جبار الجياشي

〰️〰️⚜️✍🏻⚜️〰️〰️

ينزلها الكبر ويهيل التراب
يصيح مودعه يااغله الاحباب
جرحج يالاخت مايبره لاطاب

والحره تسمع ،، وناته

✍🏻 ام علي البابلي

〰️〰️⚜️✍🏻⚜️〰️〰️

وينه الحيد شيال الكلافات
زينب ماتت اوبديار شمات
تحضرها تريد اهل الحميات

جنازه..خل هاشم تفزع

✍🏻 زمن حاتم الربيعي

〰️〰️⚜️✍🏻⚜️〰️〰️

اتريد الكافل ايشيل الجنازه
الخوه للدفن عازتها عازه
واليوم الگلب رايد. اعزازه

زينب هاليوم. متانيته

✍️ام وليد الموسوي

〰️〰️⚜️✍🏻⚜️〰️〰️

شيال الكلافه ما حضرها
ابوفاضل ولا زتهه الكبرها
الحد الموت والحسره تجرها

لخوتهه الماحضرو ،، ليهه

✍ أم أحمد المنصوريه

〰️〰️⚜️✍🏻⚜️〰️〰️

اتاني الهيبه واتريده يجيها
هوايه اشتاگته وهم عن عليها
ايشوف الغياب اشسوه بيها

ويشيل التابوت.. ابأيده

✍️ أم علي الحلفي

〰️〰️⚜️✍🏻⚜️〰️〰️

خل يحضر يجي عباس وحسين
هاي ام الخدر وامسبله اليدين
بديار الغرب واديرها العين

ماحضرو يمها ،، الوهامه

✍️الشاعره ام روكان لشمريه

〰️〰️⚜️✍🏻⚜️〰️〰️
رابط ناعيات الطف
تـــمـ بعون الله تعالى ـــت
باقـــ✍ـــلام خادمات اهل البيت ع
في رابطة ناعيات الطف
بتاریخ 26 جماد الاخر 1442هـ🌙
لانجيز حذف الاسماء
🙏🏻🙏🏻نسالكم الدعاء🙏🏻🙏🏻