يا حبيبي يا حسين
😭😭


مشتاگه ازورن حضرت حسين
اشكيله هضمنه ابدمعت العين

خل اشكيله الحال
يمته الحضر ينشال

مشتاگه ازورن حضرت حسين

〰️〰️⚜️✍🏻⚜️〰️〰️

اشوكت ترجع يمولاي الليالي

اشكي ابحضرتك يحسين حالي

بغيابك لون تدري اشجرالي

شفنه الحزن اشكال
يمته الحضر ينشال

مشتاگه ازورن حضرت حسين

بقلم ام سجاد العسكري

〰️〰️⚜️✍🏻⚜️〰️〰️

مشتاكه ازور الحضره مولاي

وشكي الهضم عندك والجره وياي

راوتني العذاب اشكال دنياي

وبجي ابدمع همال
يمته الحضر ينشال

مشتاكه ازورن حضرت حسين

ام احمد المنصوريه

〰️〰️⚜️✍🏻⚜️〰️〰️

يبو اليمه الوضع يصعب علينه

نروح الحضرتك كلنه اعتنينه

نطوف. ونبجي بدموع الحزينه

ماجانت عله البال
يمته الحضر ينشال

مشتاگه أزورن حضرت حسين
✍️
ام وليد الموسوي

〰️〰️⚜️✍🏻⚜️〰️〰️

اشوكت مولاي واترد الزياره

واطوف ابصحنك ودمعي يتجاره

شوصف حالي لو شفت المناره

هموم الكلب تنزال
يمته الحضر ينشال

مشتاكه ازورن حضرت حسين

ام علي البابلي

〰️〰️⚜️✍🏻⚜️〰️〰️

مشتاقه ازورك سيدي اليوم

عندك يبواليمه المدمع ادموم

واوصل مرقد العباس مالوم

ويرجع ذاك الوصال
يمته الحضر ينشال

مشتاقه ازورن حضرت حسين

زهره الكناني

〰️〰️⚜️✍🏻⚜️〰️〰️

تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة ملتقي
ناعيات الطف
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

خادمة الزهراء ع
أم أحمد المنصوريه
https://t.me/yrdsrt

اهلا وسهلا. بالجميع بقناة. خادمة الزهراء ام احمد المنصوريه نورتو. وشرفتو القناة . ❤️❤️ خادمة الزهراء ع
أم أحمد المنصوريه
https://t.me/yrdsrt

قصيده لزينب تخاطب العباس ع

وزن مجرشه

☆☆☆☆🔮☆☆☆☆

عباس دخان الخيم ذبل يخويه جفوني

بهدوه الليل اجيت الك خوفي العده يشوفوني

☆☆☆☆🔮☆☆☆☆

عباس اجيتك يالولي ودعك ابتالي الليل

باجر يخويه من الصبح عنك يضرغام انشيل

واتكلف ابعيله ونسه واطفالكم وامداليل

بالسبي بت حيدر علي انذال الذي يسبوني

ام علي الصالحي

☆☆☆☆🔮☆☆☆☆

ياهو اليباري محملي. خولي او شمر بي يحدون

امشي ويعثرني االجدم جاوينه كافل لضعون

وراس الحسين عله الرمح. شفته وتهل العيون

عگبك يخويه وكافلي وعلى الجمر مشوني

✍️ ام وليد الموسوي

☆☆☆☆🔮☆☆☆☆

عباس ما كمت اشعجب من حشمت يالوالي

اتفكر الصوب النهر تنهضلي يتراوالي

انته التباري الناكتي خافن يبين اخيالي

هسه يخويه عالمتن عدوانك ايضربوني

ام احمد المنصوريه

☆☆☆☆🔮☆☆☆☆

واشكثر خويه حشمت ماجاوبت يعضيدي

ادري يعباس السبب ايديك يا بعد ايدي

امكلفه بايتام وحرم كلساعه يعله وَيدي

وحدي بگيت اوحايره بعيال كلفتوني

✍ام منذرالحجار

☆☆☆☆🔮☆☆☆☆

عباس بعيال وحرم فوك الهزل مشونه

وحبال خشنه يالولي ياخويه من جتفونه

من گمت احشمكم انه بسياطهم ضربونه

من شفت فوگ الزمهري راسك عمالي عيوني

ام روكان الشمريه

☆☆☆☆🔮☆☆☆☆

من شفت راسك عالرمح خويه انهدم دلالي

ناديت بعدك يالولي ياهو الذي يبرالي

ياكافل اضعون عجب عفت الحمل يالغالي

عباس ترضه ام الخدر وللمجلس ايدخلوني

ام سجاد العسكري

☆☆☆☆🔮☆☆☆☆

تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة ملتقي
ناعيات الطف
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

قضاء حوائج ان شاء الله🤲

هايه سفرت العباس
للحاجات مشهوده
┄┉❈❥🖤❥❈┉┄

اليوم انحلفه بحسين

وبسهم الي صاب لعين

والرايات والجفين

وانحلفه بعلي عوده

✍️ام روكان الشمريه

┄┉❈❥🖤❥❈┉┄

كفو نعمين من عباس

هاذه لضيغمي النوماس

شجاع وبلحرب فراس

كريم وبالكرم جوده

✍️ام روكان الشمريه

┄┉❈❥🖤❥❈┉┄

كفو من صاحب الرايه

كلهه تشهد ابهايه

حيف اعله المسنايه

المثله يطيحن ازنوده

✍️ام احمد المنصوريه

┄┉❈❥🖤❥❈┉┄

اخو زينب كفو منه

اوبالحاجات اطلبنه

لعد مجلسه نتعنه

يكضي حاجتي بزوده

✍️زهره

┄┉❈❥🖤❥❈┉┄

يگضي حاجت الكلفه

سبع الموزمه انعرفه

امراد العاجل ابچفه

سفرته الوالي ممدوده

✍🏻زمن حاتم الربيعي ✍🏻

┄┉❈❥🖤❥❈┉┄

باب الحاجه وانگصده

وانحلفه بگطع زنده

الشيعه وگعة ابشده

فزعته اليوم مريوده

✍️ام وليد الموسوي

┄┉❈❥🖤❥❈┉┄

تحلها انريد يا ضرغام

احلفك بالمشت للشام

مكلوفه ابحرم وايتام

وتگضي ايامنه السوده

ام سجاد العسكري

┄┉❈❥🖤❥❈┉┄

تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة ملتقي
ناعيات الطف
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

قصيده لعليلة الحسين
وزن بحر طويل

⚜️⚜️⚜️⚜️⚜️

هجر وفراگ گلب مشتاك
لبوي الما رجع ليه

يجيني الليل يهد الحيل بعد
للفركه مابيه

⚜️⚜️⚜️⚜️⚜️

اطب للدار بويه حسين واذكُر محاجيكم

من ابعد ضعن لاحباب ضلت عيني عليكم

يمر الليل واتمنه اغمض عيوني والگيكم

بنفسي اسامر اوياكم واذكركم مغربيه

ام علي الصالحي

⚜️⚜️⚜️⚜️⚜️

يمر الليل واتعاتب واكولن هم يرد اردود

يفراك الاهل يابوي تدري والله مامريود

اسولف ويه دمعاتي ليش الابو ماموجود

يبويه تعيش بالحسره لو فاركت البنيه

ام علي البابلي

⚜️⚜️⚜️⚜️⚜️

عيني امساهره بالليل بويه ليش تجفيني

ابد ما ارهم ابلياك يالشوفتك تحييني

يا يوم الترد ليه واكحل ابشوفتك عيني

ردتك لو ثواني ابطيف يا بويه تمر بيه

ام سجاد العسكري

⚜️⚜️⚜️⚜️⚜️

ليل نهار ماتغفه تضل امساهره عيوني

يبويه انه عزيزتكم شو وحدي تركتوني

اتاني عمي العباس والاكبر وعدتوني

لا جاني خبر منكم اولا وديتوا عليه

ام احمد المنصوريه

⚜️⚜️⚜️⚜️⚜️

يانار الهجر. يحسين گلي شلون تاليها

عليله بالنزل وفراگ جاروحي شيضل بيها

امغرب بالضعن يا بوي الدار اغبار عاليها

ابجي والدمع همال فراك الموت تاليه

✍️ام وليد الموسوي

⚜️⚜️⚜️⚜️⚜️

شلت يابويه عن عيني وزاد ابجاي وونيني

عليك انحب يبعد اهلي وانادي اه يحسيني

اغيابك بويه دوهني گلي اشوكت تلفيني

روحي تنهضم يا حيد من اذكر ذيج المسيه

✍🏻ام احمد العبودي بغداد

⚜️⚜️⚜️⚜️⚜️

تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة ملتقي
ناعيات الطف
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

ندبة لسيدي ومولاي أمير المؤمنين( عليه السلام )

•┈•❈​❉♥❉❈ •┈•

يمته الفرج والچاره مو ملينه

منك نريد ابشاره يا والينه

•┈•❈​❉♥❉❈ •┈•

يمته الفرج ياحيدره والينه

والدنيه ليش معثره والينه

والشيعه كلهه محيره والينه

والهم علانه يا الوصي تدرينه

✍ أم علي الحلفي

•┈•❈​❉♥❉❈ •┈•

والهم علانه والهظم والينه

سيدي ملينه الظلم والينه

محد رحمنه ياشهم والينه

ونريد تحضر بالعجل نجينه

✍ ام حسين المحمداويه

•┈•❈​❉♥❉❈ •┈•
ما عدنه غيرك يا علي والينه

انته الذخر وانته الولي والينه

ترضاها بالهم نبتلي والينه

ما نعرف ابغيرك شنو تالينه

✍ ام سجاد العسكري

•┈•❈​❉♥❉❈ •┈•
مولاي ضاگت دنيتي. والينه

منك اريدن جبرتي والينه

تحضرني ساعت شدتي. والينه

بالعجل يابو حسين انغر لينه

✍️ام ساره خادمة الحجه

•┈•❈​❉♥❉❈ •┈•
حاضر الشده مروتك والينه

كل شيعي يطلب نخوتك والينه

يابعد روحي وگفتك والينه

بين المخاطر ظعنه بس دلينه

ام حسين العباد

•┈•❈​❉♥❉❈ •┈•
بكل معضله انته الامل والينه

كل ما نندبه نلگه حل يا والينه

بليلة الوحشه من سئل والينه

من حساب منكر للمحب قر عينه
✍️
ام وليد الموسوي

•┈•❈​❉♥❉❈ •┈•

احضرنه ياخير العمل والينه

نشف دمعنه الي يهل والينه

انته ضخرنه والامل والينه

لولاك حته الوسعه ضاكت بينه

ام احمد المنصوريه

•┈•❈​❉♥❉❈ •┈•

تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة ملتقي
ناعيات الطف
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

هوسات للزهراء ع🏴
**************
مااحمل افراكج مري اعليه

بتج بالهظم كل حيل مابيه

يم حسين اون اعليج ليليه

《ووليدج ينحب /رديله》

✍️ام ذو الفقار المانيا

┈┉━❀❥❃❥❀━┅┄ ┈┉━❀❥❃❥❀━┅┄ 
يالعفتي الولد عفتي البنيات

ليليه ابهضم يالغاليه انبات

عله افراگج ييمه ما امعلمات

《والدار اتون/عله افراگج》

ام سجاد العسكري
┈┉━❀❥❃❥❀━┅┄ ┈┉━❀❥❃❥❀━┅┄ 

ردي الدارج اوسكتيها ويلادج

يم البيت عنهم يمي اشعاكج

عونه الگعد يمج ساعه اوشافج

《فد ساعه /هنياله الشافج》

✍ام منذرالحجار

┈┉━❀❥❃❥❀━┅┄ ┈┉━❀❥❃❥❀━┅┄ 
عفتينه ييمه ياضوه العين

يبجون يمه الحسن وحسين

شلتي بلعجل يايمه لاوين

《الدار وبتج حزنانه》

✍️ام احمد العبودي بغداد
┈┉━❀❥❃❥❀━┅┄ ┈┉━❀❥❃❥❀━┅┄ 

يمر الليل يمه بيه مانامه

اوروحي يالحبيبه عليج محتامه

صوبني الدهر بجفاج بسهامه

《اونحلانه/ خلاني افراكج》

✍️أم أحمد المنصوريه

┈┉━❀❥❃❥❀━┅┄ ┈┉━❀❥❃❥❀━┅┄ 
تظل بتج تنوح وتجذب الحسره

يابدر الليالي وشوفتج گمره

زغيره ييمه لنومة الحفره

《رديله/ ظل بيتج
خالي 》

✍ام عبدالله العابدي

 ┈┉━❀❥❃❥❀━┅┄ ┈┉━❀❥❃❥❀━┅┄ 
سكنتي المكبره والحفره سدوها

وام وجه لحلوه باللحد خلوها

شالوها المحنه وياها شالوها


《مانهواه البيت / اخلافج》

ام روكان الشمريه

┈┉━❀❥❃❥❀━┅┄ ┈┉━❀❥❃❥❀━┅┄ 
ونينه ييمه والنزل خالي

ونياح وعويل وصوتنه العالي

يالشفجه فراگج فطر دلالي

《خوانه / يا دنيه اشمالج 》

✍ أم علي الحلفي
┈┉━❀❥❃❥❀━┅┄ ┈┉━❀❥❃❥❀━┅┄ 

تم__بعون___الله___ت


بأ___✍️_قلام✍️_ خادمات المولى ابا عبدالله ع في ملتقى ناعيات الطف

لانجيز حذف الاسماء ونسألكم الدعاء

قصيده لاستقبال ضعن الحسين ع

وزن فائزي

مجبل علينه مجبل علينه

حسين ضنوة حيدره مجبل علينه

واصل يجينه واصل يجينه

يطهر ارضنه من المرض واصل يجينه

۞۞۞🔵🙏🔵۞۞۞

بجاهك اللهي سيدي من يوصل اهنا

كارونا كلهه تنتهي وكلنه انتلكا

نستقبل الحره بهظم ونصيح ويلا

يسمع ونينه
يسمع ونينه

الشيعي من يبجي الولي يسمع ونينه

ام علي الصالحي

۞۞۞🔵🙏🔵۞۞۞

مولاي كلنه ننتضر جيتك النه

ونريدك اتزيح المرض بالعجل عنه

نحيي المجالس هل سنه هذا املنه

يمته تجينه
يمته تجينه

ننتضر جيتك سيدي يمته تجينه

ام احمد المنصوريه

۞۞۞🔵🙏🔵۞۞۞

نستقبل الحره بالم ونلطم الخدين

ننتظره كلنا هالضعن ونصيح يحسين

مولاي باسمك ننتخي ونهمل العينين

والالم بينه
والالم بينه

ننتظرك احنه من تجي والالم بينه

ام علي البابلي

۞۞۞🔵🙏🔵۞۞۞

ننتظرك بلهفه وصبر حضرنه البيوت

ميت هله يابو علي كلناها فد صوت

وياك نبقه او ما نرد الساعة الموت

ومحضرينه
ومحضرينه

مجلس عزاك بكل وكت وامحضرسنه

✍🏻ام عبد الله العابدي

۞۞۞🔵🙏🔵۞۞۞

ننتضرك احنه سيدي وانوارك اتشع

ننتضر ذيج القافله بعيون تدمع

شيعتك احنه سيدي بلياكم انضيع

لو ما تجينه. لو ما تجينه

اخلافك وضعنه مايسر لو ماتجينه

ام ساره خادمة الحجه✍️

۞۞۞🔵🙏🔵۞۞۞


تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة ملتقي
ناعيات الطف
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

ندبة لسيدي ومولاي أمير المؤمنين( عليه السلام )

•┈•❈​❉♥❉❈ •┈•

يمته الفرج والچاره مو ملينه

منك نريد ابشاره يا والينه

•┈•❈​❉♥❉❈ •┈•

يمته الفرج ياحيدره والينه

والدنيه ليش معثره والينه

والشيعه كلهه محيره والينه

والهم علانه يا الوصي تدرينه

✍ أم علي الحلفي

•┈•❈​❉♥❉❈ •┈•

والهم علانه والهظم والينه

سيدي ملينه الظلم والينه

محد رحمنه ياشهم والينه

ونريد تحضر بالعجل نجينه

✍ ام حسين المحمداويه

•┈•❈​❉♥❉❈ •┈•
ما عدنه غيرك يا علي والينه

انته الذخر وانته الولي والينه

ترضاها بالهم نبتلي والينه

ما نعرف ابغيرك شنو تالينه

✍ ام سجاد العسكري

•┈•❈​❉♥❉❈ •┈•
مولاي ضاگت دنيتي. والينه

منك اريدن جبرتي والينه

تحضرني ساعت شدتي. والينه

بالعجل يابو حسين انغر لينه

✍️ام ساره خادمة الحجه

•┈•❈​❉♥❉❈ •┈•
حاضر الشده مروتك والينه

كل شيعي يطلب نخوتك والينه

يابعد روحي وگفتك والينه

بين المخاطر ظعنه بس دلينه

ام حسين العباد

•┈•❈​❉♥❉❈ •┈•
بكل معضله انته الامل والينه

كل ما نندبه نلگه حل يا والينه

بليلة الوحشه من سئل والينه

من حساب منكر للمحب قر عينه
✍️
ام وليد الموسوي

•┈•❈​❉♥❉❈ •┈•

احضرنه ياخير العمل والينه

نشف دمعنه الي يهل والينه

انته ضخرنه والامل والينه

لولاك حته الوسعه ضاكت بينه

ام احمد المنصوريه

•┈•❈​❉♥❉❈ •┈•

تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة ملتقي
ناعيات الطف
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

فزاعيه للامام القاسم ابن الحسن ع
وزن حدي

قاسم تريده عمته
واكع بميدان الحرب

┉❈❥ًً❀(«🦋»)❀ ❥❈┉

صاحت يرمله امشينه

مصيوب فوك اجبينه

ابونت حزن ونينه

مادري لا وين الدرب

✍️ام روكان الشمريه

┉❈❥ًً❀(«🦋»)❀ ❥❈┉

واگع تسيل ادمومه

وامخضبات اهدومه

متغيره حيل ارسومه

محروم من شم العذب

✍ أم علي الحلفي


┉❈❥ًً❀(«🦋»)❀ ❥❈┉

خليني اشوف اصوابه

من دمه صار خضابه

اونار الكلب لهابه

راح الولد مني غصب

ام علي البابلي

┉❈❥ًً❀(«🦋»)❀ ❥❈┉

راح الولد ما جاني

انعه ابهضم خلاني

متغيرات الواني

دمعاتي عالوجنه تصب

ام سجاد العسكري

┉❈❥ًً❀(«🦋»)❀ ❥❈┉

نايم اومايدري اشجره

كلب امه ناره مسعره

دم الدمع منهه جره

غافي يسباح الگلب

ام احمد المنصوريه

┉❈❥ًً❀(«🦋»)❀ ❥❈┉

طاح بوسط ميدانه

وامغيرات الوانه

امه عليه حزنانه

فركاك يايمه صعب

ام علي الصالحي

┉❈❥ًً❀(«🦋»)❀ ❥❈┉

تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة ملتقي
ناعيات الطف
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

‏فيديو من يا زهراء يا مولاتي

‏مقطع صوتي من يا زهراء يا مولاتي

قصيدة زينب وقلب الحسين. ع.

⭕⭕⭕⭕⭕⭕⭕

صاب گلبي ياجرح نشابه

فاض دمه وبدليلي اصوابه

⭕⭕⭕⭕⭕⭕⭕

السهم من صوب دليله وگطعه

حسين ناديت بلسان الفاجعه

شيبتك وسفه بدماها ناجعه

وما بگاله حيل بي ونوادعه

شلون ظل بيه نفس لمصابه

✍🏻زمن حاتم الربيعي ✍🏻

⭕⭕⭕⭕⭕⭕⭕

شلون بيه ومن شفتهه حالته

ريتهه امي الزچيه لحضرته

موذر ودامي وسليبه جثته

ويل حالي للذبيح وغربته

عيوني من دم عالولي سچابه

✍🏻 أم علي الحلفي

⭕⭕⭕⭕⭕⭕

عيوني هلت للولي من شافته

خيول صدره ويل گلبي داسته

عمت عين الدنيه والله الخانته

ليش ابن المصطفى ما رحمته

ابن مرجانه شنو اسبابه

ام سجاد العسكري

⭕⭕⭕⭕⭕⭕

حسين خويه مادريت بحالي

واقعة ذبحك تصير گبالي

راسك المكطوع يتراولي

آااه يفراگ، العزيز الغالي

يشوف مذبوحه وتون احبابه

✍️ام وليد الموسوي

⭕⭕⭕⭕⭕⭕

اه يافرگاكك دلالي شلع

من رحت ياخوي صاباني وجع

الاشد واعظم الرس من انرفع

الضالم ابمنحرك خلاني انفجع

صحت وينك ياعلي يايابه

ام علي البابلي

⭕⭕⭕⭕⭕⭕

خويه عكبك وين اروح الياكتر

تاه مني الراي خويه والفكر

حايره يحسين وانضر لشمر

ادوهنت بيكم اوضيعت البزر

اونار كلبي يالولي لهابه

✍ بقلم ام احمد المنصوريه


⭕⭕⭕⭕⭕⭕

تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة ملتقي
ناعيات الطف
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

للمسير

يبن امي وين تريد بينه
دروب وخطر لا تمشينه

وبهدوت اليل
وكليبي نحيل

والله خفت من هالبلد يوم الاجينه

━──➸➽❥❂❥━──➸➽❥❂

خويه خفت من السفرضليت حسب

لمن حدينه بالضعن گلبي اتعذب

كلي يخويه شل البصر ليش انتغرب

كليبي احتار
يا ابن لاطهار

لمن طلعنه من الوطن نصفك بدينه

ام روكان الشمريه

━──➸➽❥❂❥━──➸➽❥❂

لمن طلعنه من الوطن ويه النشامه

بانت لي خويه بالدرب سوده علامه

چني اشوف بهالمشي مابيه سلامه

ياخويه ردنه
بسرعه لوطنه

كلبي يخوتي موجل وروحي حزينه

ام حسين المحمداويه

&&&&&&&&

ياطلعتي من الوطن هيبه وجلاله

عباسنه يحدي الضعن وجها ايتلاله

والنعم من ابو الفضل صان الكفاله

بدر الهواشم
يحدي الفواطم

يهلال عزنه ابطلته لو هل علينه

✍ام منذرالحجار

━──➸➽❥❂❥━──➸➽❥❂

كلي يبو السجاد خويه وين ما شين

من هسه كلبي احتار بيك اوصبت العين

حسيت بالشر يالولي اوجريت الونين

والكلب خلصان
خايف عالخوان

من يوم ودعت الاهل وارض المدينه

أم أحمد المنصوريه

━──➸➽❥❂❥━──➸➽❥❂

من يوم ودعت النزل والدمعه تجري

امشي وعاين للاهل وشلون صبري

وشموع تضوي دنيتي اخواني وذخري

شايل الصمام
كافلي الضرغام

يمسح دموعي كافلي حامي الضعينه

ام ذو الفقار المانيا

━──➸➽❥❂❥━──➸➽❥❂

للقبر ريض خل اروحن للزجيه

خليني اگلها فاطمه نغري عليه

حسين ناوي بالهسفر لرض المنيه

بلكي تگعدين
وحچيي تسمعين

بلگي يرد من كلمتچ اه يالحنينه

ام ساره خادمة الحجه عج

━──➸➽❥❂❥━──➸➽❥❂

تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة ملتقي
ناعيات الطف
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

شدة لمولاتي عليلة الحسين( ع )
وزن فائزي

➖➖➖➖➖➖➖➖

فزيت بالليل وصحت يهل المحنه
وحدي عليله. بالنزل وجذب الونه

➖➖➖➖➖➖➖➖

وحدي عليله والمرض ذوب دليلي

من يوم راحو بالضعن مهدوم حيلي

عگب الأهل يا دمعتي عالوجنه سيلي

شعتب بعد وبكربله يرحون اهلنه

✍ ام وليد الموسوي

➖➖➖➖➖➖➖➖

شعتب بعد كل العتب لا ما يردهم

خلوني وحدي والدمع ينزل بعدهم

تعبانه حيل من المرض يكتل نزلهم

واحجي واگله يانزل لملي شملنه

✍ ام عون البهادلي

➖➖➖➖➖➖➖➖

فزيت وحدي ياهلي مهضوم كلبي

محتاره جاوين الاهل يادمعه صبي

يلي جفيتوني تره ماشوف دربي

عافوني اهلي وارحلو ياناس عنه

✍ ام زينب السعداوي

➖➖➖➖➖➖➖➖

عافوني وحدي بلنزل وتهل العيون

ناديت بالله يا هلي يمته تردون

ضليت وحدي والمرض هداني تدرون

شايل الوالي وابتعد واضلم نزلنه

✍ ام احمد العبودي بغداد

➖➖➖➖➖➖➖➖

انه العليله والمرض بيد اعضامي

لا واحد المنهم سمع وگليبي دامي

ناديت بويه ادخيلكم دلالي ضامي

جاليش عافونه الاهل ذبو حملنه

✍ ام سجاد العسكري

➖➖➖➖➖➖➖➖

اعتب عله امي وعمتي عافني وحدي

لفراكهن كلبي انمرد واشتكي الربي

من يوم شالو بلضعن ما اشوف دربي

هيهات يا دنيه بعد نگطع املنه

✍ ام علي الصالحي

➖➖➖➖➖➖➖➖

بويه عليله والمرض نحل ابداني

ضليت وحدي بالنزل والهم عماني

اكعد اباب الدار جيتكم اتاني

لاخبر لا مرسال من عدكم وصلنه

✍ أم أحمد المنصوريه

➖➖➖➖➖➖➖➖

تـــمـ بعون الله تعالى ـــت
بأقـــ✍ـــلام خادمات اهل
البيت ع في رابطة ملتقى
ناعيات الطف
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

قصيده العليله ع

مستفعلن فعلان مستفعلاتن

ما حملوني ويالضعن يمكن نسوني
شالو هلي لديرة غرب وانه اتركوني

*┉❈❥ًً❀(«🔥»)❀❥❈┉

يابويه وين تريد حاجيني يحسين

ماخذ خواتي وياك وانه همل العين

خلصت الف ياحيف ياعشرة سنين

يابوي خذني وياك خابت ضنوني

✍️ام روكان الشمريه

*┉❈❥ًً❀(«🔥»)❀❥❈┉

يابويه وحشه الدار منكم خليه

اتذكر الكعدات وكت المسيه

امي والاحبيبات عنن عليه

نحلان مني الحيل تهمل عيوني

ام احمد المنصوريه

د*┉❈❥ًً❀(«🔥»)❀❥❈┉

تبجي العليله اليوم واتريد ابوها

تنتظر جية احباب يمكن نسوها

بالدار تبجي تنوح .بلكن يجوها

شالو بليل وغربو ما ودعوني

زهره الكناني

🔸️د*┉❈❥ًً❀(«🔥»)❀❥❈┉

ابجي وون بالدار وتهل الاعيون

عايفني ابو السجاد وابعد بالضعون

احسب بقيت ايام يمته يرجعون

زاد المرض بالروح من فاركوني

ام احمد المنصوريه

🔸️د*┉❈❥ًً❀(«🔥»)❀❥❈┉

ابجي وون ياناس وكعدت عالباب

حسبالي هم يلفون وتمر الاحباب

ردو علينه ابيوم يهلي يغياب

بالدار اضل ياحيف وتيتموني

ام روكان الشمريه

*┉❈❥ًً❀(«🔥»)❀❥❈┉

كتلي ادز مرسال عمج العباس

وانطر واعد نجوم ومرتابه ياناس

لاعمي اجاني الحيد. واكطعت الياس

راحوا هلي ياحيف بس ضيعوني

ام علي البابلي

*┉❈❥ًً❀(«🔥»)❀❥❈┉


تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة ملتقي
ناعيات الطف
لانجيز حذف الاسماء
🙏🏻🙏🏻نسالكم الدعاء🙏🏻🙏🏻

للعليه لحسين ع

(وزن المجرشه)

♦️♦️🔱♦️♦️
ويلي العليله بس تون من حملو حاديهم

وعالباب ضلت كاعده وبدموعها تحاجيهم

♦️♦️🔱♦️♦️

ضلت تنادي يالولي ودموعها منها تسيل

لمن خذيتو اخوتي وارقيه ويه العليل

ماكلتو ضلت بالنزل بنيتنه لمن نشيل

خافن سفركم يالولي يبطي وضل ارجيهم

♦️♦️🔱♦️♦️

خافن سفركم يالولي يبطي وضل اتناكم

وحملتو يابويه الضعن وبالباب و اترجاكم

اتنطر وعيني تصد حسبالي اروح وياكم


خاف اعتب والو عاتبت حيل العتب ياذيهم


✍️ام روكان الشمريه

♦️♦️🔱♦️♦️

عيني تصد اعا لضعن
ويكت دمه جاريها

وياكم اخذوني صحت
روحي الهظم عاليها

خلولي عبد الطفل
لرويحتي ايسليها

راحو وعيني ذابله
باحزان تنظر ليهم

✍ام منذرالحجار

♦️♦️🔱♦️♦️
تبجي الكبرى،اوتننحب
واتصيح بويه الوالي

ريض يبويه بالضعن
تبجي اودمعها هالي


ابقيت وحدي. امحيره
وحدي يبويه تالي

يادمعتي اعله الولي
تنزل مزن تنعيهم

✍️زهره الكناني

♦️♦️🔱♦️♦️

يادمعتي اعله الولي بهداي ضلي سيلي

ابجي واون بحسرتي واصرخ واصيحن ويلي

راح الابو بعيد الدرب يادار بس انعيلي

ادري يروحون الاهل بنينوى تاليهم
✍️ام علي البابلي

♦️♦️🔱♦️♦️


ليفارك اهله اوخلته بالدار يصفك بيده

وانه الي عافوني اومشو
ضليت اون اوحيده

كل يوم ويزيد المرض
وحبابي عني ابعيده

ياناس يوجعني الكلب كلما جبت طاريهم

أم أحمد المنصوريه


♦️♦️🔱♦️♦️


*تمت بحمد الله وتوفيقه باقلام شاعرات الملتقى الحسيني لناعيات الطف المبدعات يحرم الحذف والتلاعب ونسالكم الدعاء*

لطميه للإمام القاسم عليه السلام

وزن خدري الجاي ****

*مفاعيلن مفاعيلن مفاعيلن فعولن*

٠٠٠٠٠٠٠٠٠٠٠٠٠٠٠٠
ياروحي يجسام عفت امك وحيده

بعد ذيج اليالي حك ارباي اريده
٠٠٠٠٠٠٠٠٠٠٠٠٠٠٠٠٠٠٠٠٠٠
ياوسفه الشبابك ويامك الحلوه

كاتلني غيابك ،،،وانته ليه
سلوه

مادامت فرحتي عليك الكلب
جوه

كل ليلي ونهاري نوحي عليك ازيده

ام حسين العباد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠
ازيد النوح يبني ياسلوت حياتي

ردت نعشي تشيله ابساعت مماتي

ماحسبت يبني تخيب أمنياتي

اكضي عمري بالنوح والونه الشديده

ام احمد المنصوريه
٠٠٠٠٠٠٠٠٠٠
شديده ايام مرت بفراكك يغالي

كلما يدك الباب طولك تروالي

تعال ا لامك ارجوك ونظر يبني الحالي

الفاكد لبت احشاه كل نوحه شيفيده

ام حسين العباد
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

بعد شيفيدني ابجاي اوكل نوحي ونيني

ضاع ابالحضه رجواي اوتعبي اوسهر ليلي

رايح يالولد ليش يمه ماتجيني

عفت امك يعريس بديار
البعيده

أم أحمد المنصوريه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠

بعيده وبالحرب صار يوم الزفه موتك

احجي يبني وياي موتني سكوتك

صدك ماشوف طولك ولاتسمعني صوتك

كلما تمر اعوام يومك يبني
اعيده

ام حسين العباد
٠٠٠٠٠٠٠٠٠٠٠٠٠٠٠٠٠٠

تمر اسنين يبني اوحزنك ما افله

ياشمعت حياتي وانته عمري كله

كون الموت يندار ابروحي ابدله

بعد شله ابحياته ليفارك اوليده

ام احمد المنصوريه
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
تمت بحمد الله بقلم الشاعرات
✍️ام احمد المنصوريه
✍️ام حسين العباد
٢٥/ ٧/ ٢٠٢٠
٤/ذي الحجه
نسألكم الدعاء