​​Жаҳон меҳробидан жой олган тилим

Шу кунларда юртимизнинг барча гўшаларида ўзбек тилига давлат тили мақоми берилганининг 31 йиллиги муносабати билан қатор маънавий-маърифий тадбир ўтказиб келинмоқда. Ана шундай кечалардан бири Адиблар хиёбонида Ички ишлар Академияси томонидан ўтказилди. 21 октябр – “Ўзбек тили байрами куни”га бағишланган кеча “Жаҳон меҳробидан жой олган тилим”, деб номланди.
Давлатимиз раҳбари бошчилигида мамлакатимизда барча соҳаларда қатор ислоҳотлар олиб борилмоқда. Хусусан, ўзбек тилини ривожлантириш, ташкилотларда она тилида иш юритишнинг ҳуқуқий асослари белгилаб берилди. Тадбирда сўз олганлар давлат тили масаласи миллий ғоямизнинг асосий тамойилларидан бири бўлиши зарурлигини, ёш авлод қалбига болаликдан сингдириш мақсадида таълимнинг барча босқичларида ўзбек тилини замонавий ва инновацион технологиялар асосида мукаммал ўргатишга алоҳида эътибор қаратиш лозимлиги, ёш авлод вакиллари ўз тилимизда равон ўқийдиган, равон ёза оладиган ва теран фикрлайдиган инсонлар бўлишида асосий мақсад эканини айтиб ўтишди.
– Президентимиз томонидан жорий йилнинг 10 апрел куни 21 октябр – “Ўзбек тили байрами куни” деб белгилаш тўғрисидаги фармони имзоланди. Бу йил бутун халқимиз ушбу байрамни кенг нишонламоқда, – дейди Ички ишлар Академияси матбуот хизмати раҳбари, майор Дилмурод Жўраев. – Академия таълим муассасаси бўлгани сабабли етук кадрларни тайёрлайди. Ўз ўрнида бу мутахассислар келгусида ўз фаолиятини халқ билан олиб боради. Иш юритиш ҳужжатлари ҳам соф ўзбек тилида белгиланган. Шу сабабли ҳам тадбирда курсантларга тилшунослар, ёзувчи-шоирлар томонидан ўзбек тилининг нечоғлик бой тил экани, мазмун-моҳияти тушинтириб ўтилди.
Тадбирда Академиянинг бадиий ҳаваскорлик тўгараги аъзолари томонидан она тилимизни мадҳ этувчи шеърлар, монологлар, қўшиқлар ижро этилди. Ёзувчи-шоирлар, педагоглар, тилшунос олимлар, курсантлар иштирокидаги тадбирда бўлажак ички ишлар органлари ходимларини халқимизнинг тақдири, эртанги куни ҳақида ўйлидиган, энг аввало, миллатимизнинг гўзал урф-одатларимизни, бетакрор санъатимиз ва адабиётимизни, она тилимизни кўз қорачиғидай асрайдиган бўлиб етишишларига хизмат қилиши билан аҳамиялидир.

Зулайҳо Аҳмаджонова,
Ўзбекистон Ёзувчилар уюшмаси
ахборот хизмати мутахассиси

Аъзо бўлинг: 👇
https://t.me/joinchat/AAAAAFR5VfSQjPeC7ODZMA

​​Ўзбек тилига давлат тили мақоми берилганининг 31 йиллиги муносабати билан Давлат хафсизлик хизмати Чегара қўшинларига қарашли ҳарбий қисмларнинг бирида ижодкорлар билан учрашув ташкил этилди.
Ўзбекистон ёшлар иттифоқи Яккасарой туман кенгаши ҳамда ҳарбий қисм мутасаддилари билан ҳамкорликда ўтказилган тадбирда Қорақалпоғистон халқ шоири Рустам Мусулмон ҳамда Ўзбекистон Ёзувчилар уюшмаси аъзоси, шоира Наргиза Асадова иштирок этди.
Тадбирда сўз олганлар она тилимизнинг бой тарихи, буюклиги, жилоси, адабий тилимизни софлигича асраш борасида аҳамият берилиши зарур бўлган жиҳатлар ҳақида фикр билдиришди.
Суҳбат сўнгида халқона оҳанглар акс этган шеърлар даврага файз бағишлади.

Ўзбекистон Ёзувчилар уюшмаси ахборот хизмати

Аъзо бўлинг: 👇
https://t.me/joinchat/AAAAAFR5VfSQjPeC7ODZMA

​​УЛУҒ ЗОТ

Меҳр излар инсон мудом даҳр ичра,
Сеҳр излар саховатли самоватдан.
Гар маърифат ёрдир нурли эрур чеҳра,
Юракда жо бўлса агар илму урфон.

Кимни қандай ташвиш ўртар,
Кўнгилни дард,
Бир илиқ сўз айтмоқ жоиз, келмай малол,
Ғанимат бу умр уммонидан абад
Ишқ булоғин излаб ўтгаймиз эҳтимол?...

Аммо бир зот борки, унга қодир Аллоҳ
Туҳфа этмиш бор меҳр ва саховатни,
Ҳар дам сенинг дардинг ила бедор, огоҳ,
Миннат билмас,
Ўйламас ҳеч ҳаловатни.

Сенинг юксак камолингни ўйлаб яшар,
Бору йўғи, инояти – илму зиё,
Минг эҳтиром, таъзим бажо айлар башар,
Унинг минг бир хислатидан пойдор дунё.

Устоздир ул самолардан юксак бағир,
Устоздир ул замин ичра улуғ калом.
Ул зот сабаб даҳоларни кўрмиш даҳр,
Ул зот сабаб камолотга ёр бу олам.

Ватан янглиғ азиз, юртдек муқаддас, деб,
Дил тўрида асрагаймиз устоз, номинг,
Ҳар он сенинг бир корингга ярар дастдак,
Кўз нурида асрагаймиз устоз, номинг!

Қутламоқда бу кун Ватан шараф-шонинг.

Хуршида Ваҳобжон қизи, Ўзбекистон Ёзувчилар уюшмаси аъзоси

Аъзо бўлинг: 👇
https://t.me/joinchat/AAAAAFR5VfSQjPeC7ODZMA

Таниқли шоир ва адиб, Ўзбекистонда хизмат кўрсатган маданият ходими Эшқобил ШУКУР билан суҳбат...

➡️ https://bit.ly/2SYOZAS

Каналга қўшилиш ⬇️
https://t.me/joinchat/AAAAAEHi_Tk-4p_xI26gIw

Абдулла Орипов, Ўзбекистон Қаҳрамони, халқ шоири

УЧ ЗИНА

Уч ажиб зинадан ўтгайдир Инсон,
Гўёки ғазалнинг уч гўзал байти.
Хоҳлар ё хоҳламас, одам бегумон
Ўзи учун яшар болалик пайти.

Бир кун у камолот ёшига етгай,
Бу фасл ҳамиша умрларга зеб.
Инсон тайёр турар синовларга шай,
Яшайди оилам, элу юртим деб.

Кексалик йилларин сўрарсиз энди,
Ахир тажриба бор унинг қўлида.
Ўйламанг, шу билан у тўхтаб, тинди,
Инсон ўзин топди Аллоҳ йўлида.

Истанбул, 2014 йил 18 январ

✍ Абдулла Орипов

@abdullaorif

ТАЪЗИЯ

Ўзбекистон Ёзувчилар уюшмаси ва “Ижод” жамоат фонди жамоаси Ўзбекистон Ёзувчилар уюшмаси аъзоси, ёзувчи Эврил Турон – Мамадали Маҳмудовнинг вафоти муносабати билан марҳумнинг оила аъзолари ва яқинларига таъзия билдиради.

Ўзбекистон Ёзувчилар уюшмаси
ахборот хизмати

Аъзо бўлинг: 👇
https://t.me/joinchat/AAAAAFR5VfSQjPeC7ODZMA
https://t.me/joinchat/AAAAAFi6S36Eciyxe9lKJw

Тил бор экан, миллат барҳаёт

Аслида ҳар қандай истиқлол тил озодлигидан бошланади. Бугун Ватанимиз чинаккамига мустақилдир, десак муболаға бўлмайди. Боиси, юртимизда ўзбек тилида иш юритиш, эркин мулоқот қилиш ва ижод қилиш ҳуқуқига эгамиз. Шу маънода она тилимизга давлат тили мақоми берилган кунни кенг нишонлаш, қалбимизга фахр ва ифтихор бағишлайди.
Давлат тили қабул қилинганининг 31 йиллиги муносабати билан Адиблар хиёбонида Ўзбекистон Республикаси Миллий гвардияси Ҳарбий-техник институти томонидан ўтказилган маърифий кечада она тилимиз улуғланди.
Тадбир аввалида ҳарбийлар, ёзувчи-шоирлар, курсантлар Алишер Навоий ҳайкали пойига гулчамбар қўйишди. Шоир хотирасига ҳурмат бажо келтиришди. Шундан сўнг, давлатимиз мадҳияси жаранг сочди.
– Ўзбек тилинининг нақадар бой ва кенг имкониятларга эга эканига яна бир бор амин бўлдик, – дейди Ўзбекистон Республикаси Миллий гвардияси Ҳарбий-техник институти курсанти Нормурод Тоиров. – Тадбирда ёзувчилар, тилшунослар томонидан келтирилган ўзбек тили ҳақидаги қизиқарли ва илмий маълумотлар, ҳаётий мисоллар биз ҳарбийларнинг иш фаолиятимизда, фуқаролар билан муомалага киришимизда, нутқ маданиятининг эстетик жиҳатларига риоя этишимизда, ўзлигимизни янада чуқурроқ англашимизда катта маҳорат мактабини ўтайди.
Ўзбекистон халқ ёзувчиси Муҳаммад Али, Ўзбекистонда хизмат кўрсатган маданият ходими, шоир Бобур Бобомурод, ёзувчи Маъмура Зоҳидова, Миллий гвардия тасаруффидаги Мусиқа ва санъат мактаби ўқувчилари, курсантлар иштирокидаги тадбирда она тилимизни бунданда ривожлантириш ва такомиллаштириш, унинг миллий руҳини оширишдек устувор вазифаларни бажаришда барчамиз бирдек масъул эканимиз таъкидланди.
– Ҳозирда 100 томлик халқ оғзаки ижоди китоблари чоп этилмоқда. Бу эса тилимизнинг қанчалик бой эканидан далолатдир, – дейди шоир Бобур Бобомурод. – Бу тилда ифода этилмайдиган туйғунинг, айтиб бўлмайдиган унсурнинг ўзи йўқ. Ҳар бир ҳаракат, ҳис-туйғунинг ўз атамаси бор. Буларнинг барчаси тилимизда чиройли жаранглайди. Халқимизда айтиладиган алламиздан тортиб, ёр-ёримизгача, достонлару марсияларда тилимизнинг серқирра ва бой эканини кўришимиз мумкин.
Дарҳақиқат, бу каби тадбирлар одамларнинг онгу шуурида тилимизга бўлган меҳр-муҳаббатни, Ватанга садоқатни, миллатлараро бағрикенглик каби юксак туйғуларни янада сингдиришга замин яратади. Тадбир давомида Миллий гвардия тасаруффидаги Мусиқа ва санъат мактаби ўқувчилари ҳамда курсантлар томонидан она тилимизни мадҳ этувчи шеърлар, қўшиқлар, саҳна кўринишлари ижро этилди.

Зулайҳо Аҳмаджонова,
Ўзбекистон Ёзувчилар уюшмаси
ахборот хизмати мутахассиси

Аъзо бўлинг: 👇
https://t.me/joinchat/AAAAAFR5VfSQjPeC7ODZMA
https://t.me/joinchat/AAAAAFi6S36Eciyxe9lKJw

​​Таассурот

ДИЙДОР – ШЕЪР ЁДЛАГАН ЎҚУВЧИЛАР БИЛАН БЎЛДИ

Байрамларнинг бори яхши. Ўзбекистон Ёзувчилар уюшмасининг йўлланмаси сабаб, шоира Ойгул Убайдулло қизи билан Янгийўл тумани сари отландик.
Бизни кутган маскан, биздан бир ҳовуч илиқ сўз илинжида бўлган даргоҳ – мактаб. Карантин муносабати билан кам сонли ўқувчилар билан иш фаолиятини бошлаган ўқув масканида ўқитувчилар қатори ўқувчиларнинг кайфияти ҳам кўтаринки. Зеро, ойлаб давом этган диқиқ бу йилда синфхоналарини, жонажон устозларини соғинган ёшларнинг қувончини ҳис этиш қийин эмасди.
Янгийўл туманидаги 21-сонли умумий ўрта таълим мактаби ҳовлисига кириб борарканмиз, йўл-йўлакай олтин куз тароватидан завқланган кўнглимиз, илм масканидаги кузги гуллар, айниқса, мезбонларнинг самимийлигидан янада ёришди. Қалбидаги софлик, меҳр кўзларидан сезилиб турган ўқитувчи опалар, нигоҳлари чақнаб турган ўқувчилар билан дийдоримиз она тилимизнинг байрамига бағишланди.
Меҳмонларнинг сўзларини жон қулоғи билан тинглаётган болалар, қўлларидаги буклоғлик шеър қоғозларига сезилар-сезилмас ҳаяжон билан қараб қўяётган қизлар, адабиёт муаллимларининг ўзбек тили ҳақидаги шеърлари, дўстона, самимий кечган суҳбат, бари-бариси бугунги кунимизни безади. Қолаверса, ўқув йилини янги мактаб биносида бошлаган жамоа учун учрашув байрамона тус олди.
– Ўқувчиларимиз байрам тадбирини жуда интиқиб кутишди, – дейди мактаб директори Мақсуда Тожибоева. – Адабиёт устозлари ўқувчиларга ким энг кўп шеър ёдласа, учрашувга киради, деб шарт қўйишди. Шу боис, бугун даврадаги барча ўғил-қизларимиз энг зукко, шеърсевар, адабиёт шайдоларидир.
Биз ана шундай шеърсевар ўқувчиларга ёруғ тилаклар ва китоблар қолдирдик.

Наргиза Асадова, Ўзбекистон Ёзувчилар уюшмаси аъзоси

Аъзо бўлинг: 👇
https://t.me/joinchat/AAAAAFR5VfSQjPeC7ODZMA
https://t.me/joinchat/AAAAAFi6S36Eciyxe9lKJw