幸彤1月尾服刑完畢 但是上訴判決可能等到聖誕🤶🏻🧑🏻🎄🎅🏻
幸彤就2021年六四煽惑案定罪判刑提出的上訴今日在高院完成聆訊，歷時大約兩個半小時。法官張慧玲表示儘量在聖誕假期前頒下判詞，但屆時距離幸彤完成此案刑期只餘下大約一個月時間。
另外，本次上訴中爭議的「執行相稱性」（operational proportionality）預計會在8.18遊行在上訴庭的上訴中再一次、進一步爭議，庭審定在11月28日進行，今日代表幸彤的彭耀鴻資深大律師也會是8.18上訴的其中一位辯方律師。
今日上訴中，在處理幸彤「煽動了什麼」的議題時，彭資深告訴法庭「識睇梗係睇留言，唔知閣下識唔識」，張官表示「識，不過我冇咁多時間睇曬」。彭資深引用幸彤5月29日貼文下的留言指出，人們對於六四晚在哪裡點蠟燭各有看法，不少人說要be water、遍地開花、在自己陽台悼念。
不過張官指案件重點應該是幸彤在2021年6月4日《明報》發表的文章，而且「作者自己的意思」與「推論讀者讀到的意思」，是兩回事。彭資深稱，對文章意義如果有不同推論，疑點利益應當歸於被告，但原審裁判官並無這樣做。
有關這次上訴的主要議題和各方庭上陳述的觀點，這裏嘗試用圖表方式作出簡介。
📨 寫信給幸彤：請寄往馬鞍山郵局郵政信箱75號，無須在信封上寫明「鄒幸彤收」，信件抬頭稱呼即可；如想收到回信，請在「信內」，而非信封上，寫上回信地址；寄信請付充足郵資。
鄒幸彤後援會
幸彤就2021年六四煽惑案定罪判刑提出的上訴今日在高院完成聆訊，歷時大約兩個半小時。法官張慧玲表示儘量在聖誕假期前頒下判詞，但屆時距離幸彤完成此案刑期只餘下大約一個月時間。
另外，本次上訴中爭議的「執行相稱性」（operational proportionality）預計會在8.18遊行在上訴庭的上訴中再一次、進一步爭議，庭審定在11月28日進行，今日代表幸彤的彭耀鴻資深大律師也會是8.18上訴的其中一位辯方律師。
今日上訴中，在處理幸彤「煽動了什麼」的議題時，彭資深告訴法庭「識睇梗係睇留言，唔知閣下識唔識」，張官表示「識，不過我冇咁多時間睇曬」。彭資深引用幸彤5月29日貼文下的留言指出，人們對於六四晚在哪裡點蠟燭各有看法，不少人說要be water、遍地開花、在自己陽台悼念。
不過張官指案件重點應該是幸彤在2021年6月4日《明報》發表的文章，而且「作者自己的意思」與「推論讀者讀到的意思」，是兩回事。彭資深稱，對文章意義如果有不同推論，疑點利益應當歸於被告，但原審裁判官並無這樣做。
有關這次上訴的主要議題和各方庭上陳述的觀點，這裏嘗試用圖表方式作出簡介。
📨 寫信給幸彤：請寄往馬鞍山郵局郵政信箱75號，無須在信封上寫明「鄒幸彤收」，信件抬頭稱呼即可；如想收到回信，請在「信內」，而非信封上，寫上回信地址；寄信請付充足郵資。
鄒幸彤後援會
從前的朱凱廸，邀請佢做健身總是no no no
今日探佢，好surprise 聽到佢有做 push up, pull up
亦有開始做拉筋，邁向一字馬、大字馬。
雖然難捱，但佢態度都好正面🧡
美中不足，今次傾偈實在唔順暢
個mic好差 收音同埋發聲都非常差
探訪者（我）基本上要用兩部電話先聽到對方，
被探訪者 要耳仔貼喇叭先聽到我把聲
情況同石壁好似
我諗，睇在改善監聽質素份上，更新一下設備都好應該！
荔枝角嘅配備應該搬去赤柱🥺
另外，記第一次去赤柱探訪
10點金鐘6X上車
11點到登記處
12:30探完
出返嚟市區1:30pm
如果要一次過探兩個人，就肯定要九點前到達登記處🥺
想去赤柱探訪嘅朋友，時間記得預早少少
以為赤柱還押嘅人少啲，
探訪會快啲；
點知真係人少啲，
但係時間冇快到，而交通時間耐好多
rizzy_bodycraft
今日探佢，好surprise 聽到佢有做 push up, pull up
亦有開始做拉筋，邁向一字馬、大字馬。
雖然難捱，但佢態度都好正面🧡
美中不足，今次傾偈實在唔順暢
個mic好差 收音同埋發聲都非常差
探訪者（我）基本上要用兩部電話先聽到對方，
被探訪者 要耳仔貼喇叭先聽到我把聲
情況同石壁好似
我諗，睇在改善監聽質素份上，更新一下設備都好應該！
荔枝角嘅配備應該搬去赤柱🥺
另外，記第一次去赤柱探訪
10點金鐘6X上車
11點到登記處
12:30探完
出返嚟市區1:30pm
如果要一次過探兩個人，就肯定要九點前到達登記處🥺
想去赤柱探訪嘅朋友，時間記得預早少少
以為赤柱還押嘅人少啲，
探訪會快啲；
點知真係人少啲，
但係時間冇快到，而交通時間耐好多
rizzy_bodycraft
#三年
件事足足三年，終於終於終於等到判決既階段（很重要所以要講三次）當中經歷左求學階段、肺炎肆虐時期、番穩定兼職同做下義工炒散既階段。依加經歷緊社運循環既中段，有人出黎而陸陸續續都有人入去。見到好多人原本抱住希望但最後都係同親人要有短暫既離別，有人身兼家庭主要既收入支柱，有人剛剛畢業、有人孭住警署報到既包袱去努力完成學業、有老師甚至乎律師咩住間案都努力去番工，完成自己既夢想（佢哋都知道入罪既話自己之前做嘅嘢都會白費曬，但係都堅持要去做。
自從開左呢個Ig page就認識左好多同路人，有時好簡單食餐飯或者簡單喺direct 度傾下計已經好開心，呢件事令我學識左去珍惜原本忽視左啲嘢，例如親人，朋友，社會發生緊嘅事。因為我知道自己既身份好尷尬，而家既時空裏面唔容許一句自由既聲音，哪怕係一句［香港加油］，做每件事都會自我審查，甚至乎唔夠膽做任何既事。但係從另一方面睇，大局看似不變，但背後仍然有好多人努力咁跑呢個馬拉松。
我想同大家受審/保釋緊既人講我知道大家都好難受，有啲案件甚至乎拖到下年先開審（未審都用保釋條件折磨左你哋四年）。但係真係唔好放棄，有唔開心記得同身邊既人講。你冇做錯事佢哋唔會怪責你，每個人都好願意同你傾訴，努力去做自己想做既野，起碼唔好俾自己後悔！
上星期日好感謝 @bugle.2019 同 @tictactoast_hk 俾機會我做一日店長，佢哋嘅理念係希望店長用自己既努力去賺取一日人工，用於日後在囚或其他方面既支出。嗰日我真係好開心，學識左簡單既拉花，同大家傾左陣計，知道有好多人特登嚟搵我。寫信，送書，同埋其他好多唔同嘅嘢俾我😂
心意我全部都收到曬，無論結果會係點煮到埋嚟咪食囉🍀🍀 我唔會放棄自己！衷心感激支持我同每一位堅持緊既你地👏🏻
hongkonger0501
件事足足三年，終於終於終於等到判決既階段（很重要所以要講三次）當中經歷左求學階段、肺炎肆虐時期、番穩定兼職同做下義工炒散既階段。依加經歷緊社運循環既中段，有人出黎而陸陸續續都有人入去。見到好多人原本抱住希望但最後都係同親人要有短暫既離別，有人身兼家庭主要既收入支柱，有人剛剛畢業、有人孭住警署報到既包袱去努力完成學業、有老師甚至乎律師咩住間案都努力去番工，完成自己既夢想（佢哋都知道入罪既話自己之前做嘅嘢都會白費曬，但係都堅持要去做。
自從開左呢個Ig page就認識左好多同路人，有時好簡單食餐飯或者簡單喺direct 度傾下計已經好開心，呢件事令我學識左去珍惜原本忽視左啲嘢，例如親人，朋友，社會發生緊嘅事。因為我知道自己既身份好尷尬，而家既時空裏面唔容許一句自由既聲音，哪怕係一句［香港加油］，做每件事都會自我審查，甚至乎唔夠膽做任何既事。但係從另一方面睇，大局看似不變，但背後仍然有好多人努力咁跑呢個馬拉松。
我想同大家受審/保釋緊既人講我知道大家都好難受，有啲案件甚至乎拖到下年先開審（未審都用保釋條件折磨左你哋四年）。但係真係唔好放棄，有唔開心記得同身邊既人講。你冇做錯事佢哋唔會怪責你，每個人都好願意同你傾訴，努力去做自己想做既野，起碼唔好俾自己後悔！
上星期日好感謝 @bugle.2019 同 @tictactoast_hk 俾機會我做一日店長，佢哋嘅理念係希望店長用自己既努力去賺取一日人工，用於日後在囚或其他方面既支出。嗰日我真係好開心，學識左簡單既拉花，同大家傾左陣計，知道有好多人特登嚟搵我。寫信，送書，同埋其他好多唔同嘅嘢俾我😂
心意我全部都收到曬，無論結果會係點煮到埋嚟咪食囉🍀🍀 我唔會放棄自己！衷心感激支持我同每一位堅持緊既你地👏🏻
hongkonger0501
【26歲的你，未來見】
訂閱《獄中書簡》持續支持之鋒
👉 bit.ly/joshuawonghk
admin：不經不覺已兩年無法與之鋒同慶生日，但一班朋友依然會有搞作，希望獄中的他能有一點歡笑和溫暖。最近探訪時，之鋒聊到高達動畫的新作，令人想到充滿鬥志與樂觀的面容背後，其實他內心仍然年少。期待在不遠的未來，每一位失去自由的手足都能得以歡慶，就讓我們繼續關注與守望。
大家的祝福我們都會寄入予之鋒閱讀，亦歡迎大家繼續寫信和訂閱之鋒的獄中隨筆，給他最有力的鼓舞 👉 bit.ly/joshuawonghk
────────────────
✉️ 九龍中央郵政局郵政信箱73962號(信封毋須註明姓名)
🖊 書信需經院所消毒，請避免用易化墨水筆書寫
黃之鋒
訂閱《獄中書簡》持續支持之鋒
👉 bit.ly/joshuawonghk
admin：不經不覺已兩年無法與之鋒同慶生日，但一班朋友依然會有搞作，希望獄中的他能有一點歡笑和溫暖。最近探訪時，之鋒聊到高達動畫的新作，令人想到充滿鬥志與樂觀的面容背後，其實他內心仍然年少。期待在不遠的未來，每一位失去自由的手足都能得以歡慶，就讓我們繼續關注與守望。
大家的祝福我們都會寄入予之鋒閱讀，亦歡迎大家繼續寫信和訂閱之鋒的獄中隨筆，給他最有力的鼓舞 👉 bit.ly/joshuawonghk
────────────────
✉️ 九龍中央郵政局郵政信箱73962號(信封毋須註明姓名)
🖊 書信需經院所消毒，請避免用易化墨水筆書寫
黃之鋒
😞😞😞 原本以為您可以平安生活，但最終都係要坐監 😞😞😞
法庭落 charge 告我哋嗰陣見唔到您個名，我諗住都好吖，少位手足受難，至少你可以繼續喺外國讀書，平安度過。點知突然睇到新聞知你返香港過暑假，機場被捕即刻被逮上庭，暑假同親朋歡聚全部落空，諗起都心痛。
同您唔算相識，又冇您聯絡，第二次見您就係我還柙嗰庭嘅犯人席上。我一見到您就係咁問做咩無啦啦返嚟香港，您心情好擔心冇得繼續外國學業，當時想安慰您但其實我都知講乜都冇用。
後來坐完監出冊，就睇到新聞見您律師申請商討用其他方法解決，諗住您可能有得守行為之類，點知最後都係要判監 😞😞 心情好沉重，好多一場歡喜一場空，您一定好難受好唔慣 😞 希望您呢段日子裡面，時間過得快啲 😞
cyubi_network
法庭落 charge 告我哋嗰陣見唔到您個名，我諗住都好吖，少位手足受難，至少你可以繼續喺外國讀書，平安度過。點知突然睇到新聞知你返香港過暑假，機場被捕即刻被逮上庭，暑假同親朋歡聚全部落空，諗起都心痛。
同您唔算相識，又冇您聯絡，第二次見您就係我還柙嗰庭嘅犯人席上。我一見到您就係咁問做咩無啦啦返嚟香港，您心情好擔心冇得繼續外國學業，當時想安慰您但其實我都知講乜都冇用。
後來坐完監出冊，就睇到新聞見您律師申請商討用其他方法解決，諗住您可能有得守行為之類，點知最後都係要判監 😞😞 心情好沉重，好多一場歡喜一場空，您一定好難受好唔慣 😞 希望您呢段日子裡面，時間過得快啲 😞
cyubi_network
Dear we and us:
Hello~好耐冇上水同大家傾吓計了，希望大家原諒我嘅懶啦😛原本打算7月15號判咗條妨礙司法公正之後同大家報個「平安」，但當時搞轉Number嘅嘢就拖到23/8之後（咁就兩年啦⋯）先寫， sorry～呢2年真係發生咗好多事，經歷咗好多悲歡離合，單case都俾咗好多壓力同負面情緒比自己同身邊嘅人，依家呢份感覺亦都隨住單case嘅完結而少咗一部份咁。雖然仲有三條更嚴重嘅控罪要面對，但相對之前心情已經輕鬆咗好多啦🙂喺度好想講好感激同感恩遇到一路以嚟支持同關心過我哋嘅每一位，好多謝你哋喺我哋生命中最低谷嘅時候仍然無條件咁陪伴我哋，令我哋更加有勇氣去面對眼前嘅難關。可能我哋都會有軟弱同迷失嘅時候，但我哋冇忘記過唔係得自己一個人，至少都仲有你哋，Love you all💛
如果有機會我希望親自多謝你哋每一~ anyways 我深信黑暗嘅日子總會有盡頭，喺佢嚟到之前堅守我哋嘅信念，好好咁照顧自己同身邊嘅人，誰話幸福那一天回不去，係咪😉無論將來點都好，我衷心希望你哋每一位都平安健康，幸福快樂，自由自在！
另外特別鳴謝我哋嗰幾位親愛的Admin，雖然唔知你哋有冇偷偷地講我哋壞話（如果有可以靜靜雞寫信同我哋講㗎，小氣簿已經ready了～）不過真係好多謝你哋無微不至嘅照顧，呢份情一定銘記於心，出去一定會請你地食飯㗎😁 剩低嗰啲見面講啦～我愛你哋～
最後都宣傳下，我哋三粒星嘅口罩正式發售ing，希望大家支持下啦～另外都多謝Around Wellington同友情廚房提供取貨點俾大家，至於詳情都係交返俾Admin啦😆原諒我嘅唔敬業😆
好啦，寫住咁多先，下次再講多啲其他嘢啦～咁多位都要保重呀！
P.S.1 謙仔就嚟生日，大家寫多啲信俾佢啦 (編註：已過..）
P.S.2 中秋就到，希望大家人月兩團圓，同埋唔好食晒啲月餅，留返個俾我啊！（編註：都過左）
P.S.3 天氣熱幾多多喝水（編註：轉凍了）
Fu
#saamlapsing
#三粒星
saamlapsing
Hello~好耐冇上水同大家傾吓計了，希望大家原諒我嘅懶啦😛原本打算7月15號判咗條妨礙司法公正之後同大家報個「平安」，但當時搞轉Number嘅嘢就拖到23/8之後（咁就兩年啦⋯）先寫， sorry～呢2年真係發生咗好多事，經歷咗好多悲歡離合，單case都俾咗好多壓力同負面情緒比自己同身邊嘅人，依家呢份感覺亦都隨住單case嘅完結而少咗一部份咁。雖然仲有三條更嚴重嘅控罪要面對，但相對之前心情已經輕鬆咗好多啦🙂喺度好想講好感激同感恩遇到一路以嚟支持同關心過我哋嘅每一位，好多謝你哋喺我哋生命中最低谷嘅時候仍然無條件咁陪伴我哋，令我哋更加有勇氣去面對眼前嘅難關。可能我哋都會有軟弱同迷失嘅時候，但我哋冇忘記過唔係得自己一個人，至少都仲有你哋，Love you all💛
如果有機會我希望親自多謝你哋每一~ anyways 我深信黑暗嘅日子總會有盡頭，喺佢嚟到之前堅守我哋嘅信念，好好咁照顧自己同身邊嘅人，誰話幸福那一天回不去，係咪😉無論將來點都好，我衷心希望你哋每一位都平安健康，幸福快樂，自由自在！
另外特別鳴謝我哋嗰幾位親愛的Admin，雖然唔知你哋有冇偷偷地講我哋壞話（如果有可以靜靜雞寫信同我哋講㗎，小氣簿已經ready了～）不過真係好多謝你哋無微不至嘅照顧，呢份情一定銘記於心，出去一定會請你地食飯㗎😁 剩低嗰啲見面講啦～我愛你哋～
最後都宣傳下，我哋三粒星嘅口罩正式發售ing，希望大家支持下啦～另外都多謝Around Wellington同友情廚房提供取貨點俾大家，至於詳情都係交返俾Admin啦😆原諒我嘅唔敬業😆
好啦，寫住咁多先，下次再講多啲其他嘢啦～咁多位都要保重呀！
P.S.1 謙仔就嚟生日，大家寫多啲信俾佢啦 (編註：已過..）
P.S.2 中秋就到，希望大家人月兩團圓，同埋唔好食晒啲月餅，留返個俾我啊！（編註：都過左）
P.S.3 天氣熱幾多多喝水（編註：轉凍了）
Fu
#saamlapsing
#三粒星
saamlapsing
話咁快就三年，終於係時候要上路了。預計刑期都唔會短，好彩就3年半多啲，唔好彩就4-5年不等。但事到如今其實已經冇乜hard feeling，當係去個另類staycation 靜修吓，避吓世，所以都唔打算喺度放負了。做吓正面撚，雖然將會錯過畢業禮，但都起碼算係順利畢業；雖然生日後一日就還押，但起碼可以喺牆外過埋生日；同埋正正因為呢件事先開始學懂珍惜現在，放慢腳步感受每個當下。衷心感激呢段時間一直互相扶持陪伴嘅家人、朋友，仲有好多即使互不相識但都透過唔同方式幫過我嘅人，你哋嘅心意小弟一定沒齒難忘。除此之外仲要多謝我冇因為咁而放棄自己。正如小弟喺植作茶一日店長嘅寄語：「正因了解世界的醜態，才更要把握現在創造美麗的事物。」希望不久嘅將來可以成為更好的自己，並創造更多美好的事物來報答大家的愛🍧🍮
由17/10 起，呢個ig account 會交由朋友代理，間中出story 分享小弟「渡假」日常，都希望大家有時間可以寫信比小弟9up 吓，我多數都會透過呢個account 聯絡人回覆大家，內容講咩都得，但唔好涉及敏感嘢。不過小弟文筆唔好，煩請各位筆友們多多包涵～萬分感激。未來再見🫶🏻
附上小弟呢幾日內一次過睇晒的靚靚景色ฅ՞•ﻌ•՞ฅ
——————————————————————
郵箱地址：東涌郵政信箱24號（不用寫收信人）
——————————————————————
riotercreation
由17/10 起，呢個ig account 會交由朋友代理，間中出story 分享小弟「渡假」日常，都希望大家有時間可以寫信比小弟9up 吓，我多數都會透過呢個account 聯絡人回覆大家，內容講咩都得，但唔好涉及敏感嘢。不過小弟文筆唔好，煩請各位筆友們多多包涵～萬分感激。未來再見🫶🏻
附上小弟呢幾日內一次過睇晒的靚靚景色ฅ՞•ﻌ•՞ฅ
——————————————————————
郵箱地址：東涌郵政信箱24號（不用寫收信人）
——————————————————————
riotercreation
【沖涼文化】
話說琴晚發生咗件小事，班ON（oversea national）。即「外國勢力」人士們話我沖涼沖太耐，要佢哋喺出邊等我，又話我唔跟佢哋隊排沖涼，brbrbrbrbr…。之後我就問返佢，喂，明明有3個沖涼位，點解要等你先？之後佢先喺不斷重複你見唔見到好多人等緊沖涼嘅廢話，又話咩尊重唔尊重。講到底，其實只喺佢哋想「獨佔」成個廁所啫。但成個room成20人，好在最近夜晚唔算太熱啫，否則一個人一晚沖三四次，輪住嚟，咁佢哋咪死得？加上成件事都完全無正當性，條rules唔知邊個set，而行呢條rules對3個沖涼位嘅意義亦完全失去，成件事完全低效率化。據聞遲啲又有新人嚟，另外有兩個人會由其他地方返嚟，個room隨時衝到上23人up，Max 23120人，結果成件事就好搞笑咁。我又無唔俾你沖，你自己唔沖又走嚟怪我做咩唔跟你個rules行，要一個個過嚟，有少少9388 (─‿‿─)。你話成個廁所得1個沖涼位就話啫，否則成件事一啲都唔合理，喺咁想獨佔，到咗夜闌人靜，無人再用嘅時候，你咪自己佔飽佢囉。講到好似我霸住咗個廁所咁… ( ≖.≖)。 Any肥，你哋人多，OK，咪你哋沖先lor，沖遲一陣就唔會死～
《1984》終於睇到一半，踏入講如同啲邪教聖典一樣，講「寡頭集團政治主義」，算喺高潮位？成本書花咗好大嘅篇幅去講點樣同女主角偷情嚟營造「Big Brother is watching you」嘅氣氛，唔知之後會點呢？
2022.9.19
--------------------------------------------
如果大家想支持文浩，歡迎訂閱、追踪：
patreon: https://www.patreon.com/manhoinjail
FB:文浩的365日
manhoinjail
話說琴晚發生咗件小事，班ON（oversea national）。即「外國勢力」人士們話我沖涼沖太耐，要佢哋喺出邊等我，又話我唔跟佢哋隊排沖涼，brbrbrbrbr…。之後我就問返佢，喂，明明有3個沖涼位，點解要等你先？之後佢先喺不斷重複你見唔見到好多人等緊沖涼嘅廢話，又話咩尊重唔尊重。講到底，其實只喺佢哋想「獨佔」成個廁所啫。但成個room成20人，好在最近夜晚唔算太熱啫，否則一個人一晚沖三四次，輪住嚟，咁佢哋咪死得？加上成件事都完全無正當性，條rules唔知邊個set，而行呢條rules對3個沖涼位嘅意義亦完全失去，成件事完全低效率化。據聞遲啲又有新人嚟，另外有兩個人會由其他地方返嚟，個room隨時衝到上23人up，Max 23120人，結果成件事就好搞笑咁。我又無唔俾你沖，你自己唔沖又走嚟怪我做咩唔跟你個rules行，要一個個過嚟，有少少9388 (─‿‿─)。你話成個廁所得1個沖涼位就話啫，否則成件事一啲都唔合理，喺咁想獨佔，到咗夜闌人靜，無人再用嘅時候，你咪自己佔飽佢囉。講到好似我霸住咗個廁所咁… ( ≖.≖)。 Any肥，你哋人多，OK，咪你哋沖先lor，沖遲一陣就唔會死～
《1984》終於睇到一半，踏入講如同啲邪教聖典一樣，講「寡頭集團政治主義」，算喺高潮位？成本書花咗好大嘅篇幅去講點樣同女主角偷情嚟營造「Big Brother is watching you」嘅氣氛，唔知之後會點呢？
2022.9.19
--------------------------------------------
如果大家想支持文浩，歡迎訂閱、追踪：
patreon: https://www.patreon.com/manhoinjail
FB:文浩的365日
manhoinjail
＜影攝食生日＞
今天是影攝食的生日，生日快樂！
好快可以出來行山影相了！
＝＝＝＝＝＝＝＝＝＝＝
影攝食 on Patreon : 影攝食生日
https://www.patreon.com/posts/73396512
支持影攝食
https://www.patreon.com/moviesfeeding
影攝食 - 盧建民
今天是影攝食的生日，生日快樂！
好快可以出來行山影相了！
＝＝＝＝＝＝＝＝＝＝＝
影攝食 on Patreon : 影攝食生日
https://www.patreon.com/posts/73396512
支持影攝食
https://www.patreon.com/moviesfeeding
影攝食 - 盧建民
有段故，可以同大家分享下。
話說929當日俾人拉嗰陣，個頭盔捱咗幾下棍終於頂唔住打甩咗，然後我就受到當頭棒喝，應棍倒地而下。媒體報道影到我頭破血流嘅畫面，一地都係血，都相當震撼㗎。當時網上仲不斷流傳該張相片，有啲又話我俾警察打死咗，又有曰我俾催淚彈射爆眼，諗返都覺好笑。
回歸正題，被捕過後要等佢哋登記呢樣嗰樣，中間有警察嘅急救員幫我包紮傷口。咁等咗一大輪，由金鐘道押咗返去警總嗰度，愈過得耐愈覺頭昏腦脹，咁就舉手同阿sir申請入醫院啦，再等分流上救護車，都已經好晏了。入到瑪麗醫院急症室，當熱心嘅護士姐姐幫我拆開個包紮嘅時候，我終於意識到原來頭暈又作嘔唔係因為失血又或是腦震盪，而係個頭俾人包太緊，屌。
咁爆咗頭，就當然要縫番埋個傷口，於是乎我就喺急診室度等醫生嚟。等待期間有幾個護士交頭接耳，然後同我講：「當值醫生今日唔喺度，會有另一位醫生嚟幫你縫針，但你可能要等多等。」咁我當時都冇深究啦，總之有醫生幫我縫針就可以。
喺醫院訓咗日，然後確定身體無恙後就要返去警署等候發落了。落到北角警署，又係漫長嘅等待，然後終於被告知律政司要控告我哋暴動罪，然後第二朝早要到西九法院上庭。難捱嘅十幾粒鐘過去後，終於押我哋上車去到西九。西九嘅臭格相當大，容納得哂我哋咁多人。控方趕住拉人上庭，根本預備唔切一次告哂我哋一百人所用嘅文件。是故原定朝早九點開嘅庭，押後到晚上先開得到。
中間漫長嘅時間，我哋一眾被告為咗解悶，唯有同身邊人互相認識social一下啦。我諗當日係西九臭格有史以來最熱鬧嘈吵嘅一日。咁我聽到政總嗰邊被捕有位係醫生，自然過去r兩句水吹。佢話我知，佢喺瑪麗醫院度做，我好奇再問佢係做專科定啲咩，佢答我：「我做急症室醫生㗎，原本嗰晚要當值添。」
估唔到，我喺瑪麗醫院錯過咗嘅急症室醫生，會喺西九法院臭格撞見返。世事就係咁奇妙。
故事就到呢度，希望佢平平安安，望鄭官從輕發落。
Choco Kiu Chun Chu
話說929當日俾人拉嗰陣，個頭盔捱咗幾下棍終於頂唔住打甩咗，然後我就受到當頭棒喝，應棍倒地而下。媒體報道影到我頭破血流嘅畫面，一地都係血，都相當震撼㗎。當時網上仲不斷流傳該張相片，有啲又話我俾警察打死咗，又有曰我俾催淚彈射爆眼，諗返都覺好笑。
回歸正題，被捕過後要等佢哋登記呢樣嗰樣，中間有警察嘅急救員幫我包紮傷口。咁等咗一大輪，由金鐘道押咗返去警總嗰度，愈過得耐愈覺頭昏腦脹，咁就舉手同阿sir申請入醫院啦，再等分流上救護車，都已經好晏了。入到瑪麗醫院急症室，當熱心嘅護士姐姐幫我拆開個包紮嘅時候，我終於意識到原來頭暈又作嘔唔係因為失血又或是腦震盪，而係個頭俾人包太緊，屌。
咁爆咗頭，就當然要縫番埋個傷口，於是乎我就喺急診室度等醫生嚟。等待期間有幾個護士交頭接耳，然後同我講：「當值醫生今日唔喺度，會有另一位醫生嚟幫你縫針，但你可能要等多等。」咁我當時都冇深究啦，總之有醫生幫我縫針就可以。
喺醫院訓咗日，然後確定身體無恙後就要返去警署等候發落了。落到北角警署，又係漫長嘅等待，然後終於被告知律政司要控告我哋暴動罪，然後第二朝早要到西九法院上庭。難捱嘅十幾粒鐘過去後，終於押我哋上車去到西九。西九嘅臭格相當大，容納得哂我哋咁多人。控方趕住拉人上庭，根本預備唔切一次告哂我哋一百人所用嘅文件。是故原定朝早九點開嘅庭，押後到晚上先開得到。
中間漫長嘅時間，我哋一眾被告為咗解悶，唯有同身邊人互相認識social一下啦。我諗當日係西九臭格有史以來最熱鬧嘈吵嘅一日。咁我聽到政總嗰邊被捕有位係醫生，自然過去r兩句水吹。佢話我知，佢喺瑪麗醫院度做，我好奇再問佢係做專科定啲咩，佢答我：「我做急症室醫生㗎，原本嗰晚要當值添。」
估唔到，我喺瑪麗醫院錯過咗嘅急症室醫生，會喺西九法院臭格撞見返。世事就係咁奇妙。
故事就到呢度，希望佢平平安安，望鄭官從輕發落。
Choco Kiu Chun Chu
。
放咗學呢段時間以嚟，一直以為隨住時間過去就可以慢慢適應返往昔嘅生活，但最後發現原來根本冇往昔呢樣嘢。打從離開嗰一刻開始，所有嘢注定唔會有原本。
//
仲記得放學嗰日返屋企，去到樓下居然唔識路，可能關我天生路痴事，但對於唔認得自己屋企條路呢樣嘢我覺得好心酸。去到而家為止，其實我都仲未認認真真咁喺樓下個商場兜個圈，之前聽家母講變咗好多，唔係幾想面對嗰種衝擊，所以我都係選擇逃避。
//
放學嗰日夜晚自己出咗去行下，可能對自己太有信心，一嚟就揀咗出曬名多人嘅旺角。其實一出門口嗰下就feel到瀨嘢，沿途一路都超多人超多人，仲記得喺地鐵站到見到好多人嗰下直頭個人震埋CLS，透唔到氣又驚恐好想逃離現場…其實去到而家都仲係好唔慣，只係開始進步到可以稍為掩飾一下內心嘅不安咁，但都呢一刻我仍然非常懷疑其實我係咪真係屬於呢個人類文明。
//
放學之後見到身邊人嘅生活都唔同咗，只有我一個原地踏步、甚至倒退，頂，嗰一刻我真係好想大大隻字刻喺額頭到，我係一擗屎。
//
生活上有好多嘢要追回進度，有好多嘢要繼續努力適應。但坦白講，我覺得自己做唔到但唔想其他人擔心，所以我好努力咁努力適應中。但我發現其實咁樣係一件好辛苦嘅事嚟，所以我都係放棄做陽光正面勵志好例子，放下負做下廢柴反而比較真實貼地。
//
啊，仲有。放學之後對接觸社運嘅嘢其實有啲陰影，所以當初都掙扎咗好耐究竟開唔開呢個ac…放學之後再望住其他人入學，原來成件事嘅emo程度係以前嘅唔知幾多倍。可能因為作為一個過來人但偏偏乜都幫唔到、而我又都算係叫做明白個痛苦喺邊度，尤其是我呢啲情感缺陷玻璃心脆弱撚，睇得越多越emo/_\不過又想嘗試為大家做少少嘢，所以最後都係喺不斷掙扎+友人半推半就之下開咗ac。算啦唉，其實本身都emo開，為咗其他人都冇乜所謂，同埋至少呢啲係我覺得有意義嘅事嚟。
//
入學呢樣嘢本身就好似武肺咁，出事當下冇乜嘢，但之後好返後遺症就一大堆。當初入學嘅時候喊都冇喊，而且迅速融入監房生活，我都對自己嘅適應能力同埋橫空出世嘅強大心臟感到震驚；反而放學之後諸多問題諸多不適應，講得難聽啲，我懷疑自己坐慣咗，罹患咗放學恐懼症。
//
其實有好多嘢都想講但偏偏個腦好似朝早條紅隧咁塞到係咁響安都搞唔掂，又有少少眼瞓…點都好，多謝大家俾我spam然後又咁有愛，句號衝去瞓覺先再見。
ngohaigeoihou
放咗學呢段時間以嚟，一直以為隨住時間過去就可以慢慢適應返往昔嘅生活，但最後發現原來根本冇往昔呢樣嘢。打從離開嗰一刻開始，所有嘢注定唔會有原本。
//
仲記得放學嗰日返屋企，去到樓下居然唔識路，可能關我天生路痴事，但對於唔認得自己屋企條路呢樣嘢我覺得好心酸。去到而家為止，其實我都仲未認認真真咁喺樓下個商場兜個圈，之前聽家母講變咗好多，唔係幾想面對嗰種衝擊，所以我都係選擇逃避。
//
放學嗰日夜晚自己出咗去行下，可能對自己太有信心，一嚟就揀咗出曬名多人嘅旺角。其實一出門口嗰下就feel到瀨嘢，沿途一路都超多人超多人，仲記得喺地鐵站到見到好多人嗰下直頭個人震埋CLS，透唔到氣又驚恐好想逃離現場…其實去到而家都仲係好唔慣，只係開始進步到可以稍為掩飾一下內心嘅不安咁，但都呢一刻我仍然非常懷疑其實我係咪真係屬於呢個人類文明。
//
放學之後見到身邊人嘅生活都唔同咗，只有我一個原地踏步、甚至倒退，頂，嗰一刻我真係好想大大隻字刻喺額頭到，我係一擗屎。
//
生活上有好多嘢要追回進度，有好多嘢要繼續努力適應。但坦白講，我覺得自己做唔到但唔想其他人擔心，所以我好努力咁努力適應中。但我發現其實咁樣係一件好辛苦嘅事嚟，所以我都係放棄做陽光正面勵志好例子，放下負做下廢柴反而比較真實貼地。
//
啊，仲有。放學之後對接觸社運嘅嘢其實有啲陰影，所以當初都掙扎咗好耐究竟開唔開呢個ac…放學之後再望住其他人入學，原來成件事嘅emo程度係以前嘅唔知幾多倍。可能因為作為一個過來人但偏偏乜都幫唔到、而我又都算係叫做明白個痛苦喺邊度，尤其是我呢啲情感缺陷玻璃心脆弱撚，睇得越多越emo/_\不過又想嘗試為大家做少少嘢，所以最後都係喺不斷掙扎+友人半推半就之下開咗ac。算啦唉，其實本身都emo開，為咗其他人都冇乜所謂，同埋至少呢啲係我覺得有意義嘅事嚟。
//
入學呢樣嘢本身就好似武肺咁，出事當下冇乜嘢，但之後好返後遺症就一大堆。當初入學嘅時候喊都冇喊，而且迅速融入監房生活，我都對自己嘅適應能力同埋橫空出世嘅強大心臟感到震驚；反而放學之後諸多問題諸多不適應，講得難聽啲，我懷疑自己坐慣咗，罹患咗放學恐懼症。
//
其實有好多嘢都想講但偏偏個腦好似朝早條紅隧咁塞到係咁響安都搞唔掂，又有少少眼瞓…點都好，多謝大家俾我spam然後又咁有愛，句號衝去瞓覺先再見。
ngohaigeoihou
【分享一下】
坐左超過一年半時間，都要慢慢重新適應個世界，加上過去一星期要處理家事、私事，所以一直都未有更新社交媒體同patreon，對各位支持同鼓勵我既朋友們，實在非常抱歉。對於坐監既經歷同學習，之後再係patreon分享比大家。到時會有大把好書推介，同埋分享下係入面既思考，會盡量一星期一篇，希望一直訂閱既朋友，繼續留意。
呢家先分享一下出黎超過一星期既事。相信有坐過監既手足，應該非常之同意，坐監係有後遺症，不論生理或心理都需要重新適應。
———
先講生理
我坐監既地方係大嶼山石壁，出黎坐的士番市區，已經立即體驗所謂後遺症，就係暈車浪。頭暈同想嘔已經係基本，而我既嚴重程度係手腳抽筋，全身出冷汗，差啲想叫白車，辛苦到我心入面不停講不如比我番去監獄啦，點解人出冊我出冊咁辛苦。直到出黎超過一星期，情況先慢慢改善。
其次，就係坐監必有後遺症：肚痾。因為為左節省金錢，就連還柙期間，我都無買私飯，經歷長時間非常清淡既生活，除左係少油少鹽少糖，仲有少菜少肉少飯，所以出黎不論食乜都痾，過左一星期，情況先有少少改善，仲需要慢慢調適，所以連親朋好友約食飯都迫不得已推左好多。
另外，就係作息問題。出番黎雖然高床暖枕，但因為係入面習慣九點多瞓教，六點九起身，而且張床係硬，所以出番黎頭幾日瞓唔慣之外，仲要不論幾點瞓，都係六點九起身，之後就全日完全瞓唔番。直至今日先適應到。
仲有空氣問題，正如我所講，石壁係大嶼山，少車少人，所以空氣非常之清新，但一番黎市區，鼻敏感同氣管敏感就搵左我好多日，要靠食藥先開始慢慢解決到。
當然仲有好多其他野習慣，包括：安心出行（用左兩日習慣）、閂電掣（到呢家都係經常唔記得）……….
———
心理方面
對於重新適應個世界，已經係一種好大既心理壓力，比著以前一定搵好多親朋好友相陪渡過，但係我坐監既呢段時間，發生太多事，亦都非常多朋友離開香港，心理上有好多野都要自己一個重新適應，同接受一啲好難接受既人事，確實非常辛苦。如果件事資訊太多，或太爆既，都需要好長時間去消化，例如家父過身，或者好事就係朋友已結婚生仔。
另外，係我入去之前，都仲有立場、蘋果，但今日睇新聞，或資訊，長期都好迷惘，尤其睇社交媒體，好多時都唔明唔知大家講緊咩，有種脫節同好似自己係另一個世界咁，有種孤獨既感覺。
其次仲有係人群恐懼症，太耐無係市區，見到條街好多人同車，頭幾日真係出哂冷汗，兼心跳加速，恐懼既程度係出左十分鐘，立即番歸，真心係驚，而且感覺周圍好嘈，好辛苦。
———
分享以上，並非想大家同情，係想大家知道，其實除左要關心面對判刑同坐緊既人，仲希望大家多關心坐完監既人，而且可以既話，提供工作機會比佢哋，等佢哋更易投入社會，同重新適應。
———
至於有人PM同DM，叫我移民，真係唔好意思，多謝大家好意。對於離港既朋友，我係遵重，而且都會去旅行探下親朋好友。但要我移民真係做唔到。
一方面家人在港，過去花太多時間專注社會運動，忽略左屋企人，直到家父係我坐監期間過身，更加反思自己，好想未來日子陪多啲家人，唔想自己有太多遺憾。
而同時重要既係責任問題，今時今日香港既改變，自己都有好大責任，雖然留下來未必改變到咩，但同大家一齊經歷，做得幾多得幾多，我都覺得好重要。所以，各位留下來的人，留番個位比我，不論高山定低谷，都齊上齊落！
https://www.patreon.com/figochan
陳皓桓
坐左超過一年半時間，都要慢慢重新適應個世界，加上過去一星期要處理家事、私事，所以一直都未有更新社交媒體同patreon，對各位支持同鼓勵我既朋友們，實在非常抱歉。對於坐監既經歷同學習，之後再係patreon分享比大家。到時會有大把好書推介，同埋分享下係入面既思考，會盡量一星期一篇，希望一直訂閱既朋友，繼續留意。
呢家先分享一下出黎超過一星期既事。相信有坐過監既手足，應該非常之同意，坐監係有後遺症，不論生理或心理都需要重新適應。
———
先講生理
我坐監既地方係大嶼山石壁，出黎坐的士番市區，已經立即體驗所謂後遺症，就係暈車浪。頭暈同想嘔已經係基本，而我既嚴重程度係手腳抽筋，全身出冷汗，差啲想叫白車，辛苦到我心入面不停講不如比我番去監獄啦，點解人出冊我出冊咁辛苦。直到出黎超過一星期，情況先慢慢改善。
其次，就係坐監必有後遺症：肚痾。因為為左節省金錢，就連還柙期間，我都無買私飯，經歷長時間非常清淡既生活，除左係少油少鹽少糖，仲有少菜少肉少飯，所以出黎不論食乜都痾，過左一星期，情況先有少少改善，仲需要慢慢調適，所以連親朋好友約食飯都迫不得已推左好多。
另外，就係作息問題。出番黎雖然高床暖枕，但因為係入面習慣九點多瞓教，六點九起身，而且張床係硬，所以出番黎頭幾日瞓唔慣之外，仲要不論幾點瞓，都係六點九起身，之後就全日完全瞓唔番。直至今日先適應到。
仲有空氣問題，正如我所講，石壁係大嶼山，少車少人，所以空氣非常之清新，但一番黎市區，鼻敏感同氣管敏感就搵左我好多日，要靠食藥先開始慢慢解決到。
當然仲有好多其他野習慣，包括：安心出行（用左兩日習慣）、閂電掣（到呢家都係經常唔記得）……….
———
心理方面
對於重新適應個世界，已經係一種好大既心理壓力，比著以前一定搵好多親朋好友相陪渡過，但係我坐監既呢段時間，發生太多事，亦都非常多朋友離開香港，心理上有好多野都要自己一個重新適應，同接受一啲好難接受既人事，確實非常辛苦。如果件事資訊太多，或太爆既，都需要好長時間去消化，例如家父過身，或者好事就係朋友已結婚生仔。
另外，係我入去之前，都仲有立場、蘋果，但今日睇新聞，或資訊，長期都好迷惘，尤其睇社交媒體，好多時都唔明唔知大家講緊咩，有種脫節同好似自己係另一個世界咁，有種孤獨既感覺。
其次仲有係人群恐懼症，太耐無係市區，見到條街好多人同車，頭幾日真係出哂冷汗，兼心跳加速，恐懼既程度係出左十分鐘，立即番歸，真心係驚，而且感覺周圍好嘈，好辛苦。
———
分享以上，並非想大家同情，係想大家知道，其實除左要關心面對判刑同坐緊既人，仲希望大家多關心坐完監既人，而且可以既話，提供工作機會比佢哋，等佢哋更易投入社會，同重新適應。
———
至於有人PM同DM，叫我移民，真係唔好意思，多謝大家好意。對於離港既朋友，我係遵重，而且都會去旅行探下親朋好友。但要我移民真係做唔到。
一方面家人在港，過去花太多時間專注社會運動，忽略左屋企人，直到家父係我坐監期間過身，更加反思自己，好想未來日子陪多啲家人，唔想自己有太多遺憾。
而同時重要既係責任問題，今時今日香港既改變，自己都有好大責任，雖然留下來未必改變到咩，但同大家一齊經歷，做得幾多得幾多，我都覺得好重要。所以，各位留下來的人，留番個位比我，不論高山定低谷，都齊上齊落！
https://www.patreon.com/figochan
陳皓桓
屬於平行線上嘅陌生人，生命本應唔會有交叉點，但因為2019年9月29日下午4點48分出現喺金鐘，有96人彼此走進大家嘅生命，成為咗命運共同體。
感謝各位對暴徒嘅關心🙇🏼♀️🙇🏼♀️尋日屋企人同一班好朋友嘅陪伴下，10月17日暴徒開始咗佢未來幾年入（牆內）學嘅日子
📪暴徒專用信箱由即日起開始接收信件 💌
Gang gangssssssssss&各位朋友&寫信師歡迎練字📨
東涌郵政信箱24號 （不用寫收信人）
riotercreation
感謝各位對暴徒嘅關心🙇🏼♀️🙇🏼♀️尋日屋企人同一班好朋友嘅陪伴下，10月17日暴徒開始咗佢未來幾年入（牆內）學嘅日子
📪暴徒專用信箱由即日起開始接收信件 💌
Gang gangssssssssss&各位朋友&寫信師歡迎練字📨
東涌郵政信箱24號 （不用寫收信人）
riotercreation
#店長有話兒
@hk9cake
首先好多謝、好多謝9cake嘅每一位手足，辛苦大家了、為咗我忙左兩日。
呢兩日裏面嘅共同進退同埋點點滴滴都會深深銘刻喺我嘅腦海裏面，會係我值得用餘生去回味嘅記憶。
雖然比起上一次已經多咗啲時間、但係小弟嘅安排仍然係好倉猝，麻煩到大家真係唔好意思了，雖然應該冇下一次、但係小弟都深感抱歉並且下不為例。
可能因為經歷過上一次嘅店長活動，小弟今次終於進步咗少少、夠膽同大家大聲啲講嘢同埋傾偈，希望冇辜負到大家對我嘅期望。
係呢兩日裏面都收到好多好多鼓勵嘅祝福、心意卡同埋偉大嘅利是✨✨✨
都有好多意料之外嘅surprise
衷心向每一位道謝 謝謝您們！
係您地俾咗我繼續面對呢個世界嘅勇氣同埋力量，其實係呢段時間裏面都一直有發生緊好多令我好唔開心嘅事，如果唔係有你哋我真係好想去逃避晒所有嘢，其實真係好攰。
好啦我stop咗先🤣再講落去就偏離左感謝文嘅原意
無論將來係點樣，好多謝您地嘅出現同埋幫助，我會帶着您地嘅祝福、努力掙扎生存下去，謝謝。
題外：
文章排版混亂 敬請原諒
小弟今次都係用語音輸入、發自內心諗到咩就講到咩，可能都係會有遺漏同埋九唔搭八，希望大家唔好介意。
稍後會喺story度做返補充/後記
#hk9cake #黃店 #一日店長
hker_ic101
@hk9cake
首先好多謝、好多謝9cake嘅每一位手足，辛苦大家了、為咗我忙左兩日。
呢兩日裏面嘅共同進退同埋點點滴滴都會深深銘刻喺我嘅腦海裏面，會係我值得用餘生去回味嘅記憶。
雖然比起上一次已經多咗啲時間、但係小弟嘅安排仍然係好倉猝，麻煩到大家真係唔好意思了，雖然應該冇下一次、但係小弟都深感抱歉並且下不為例。
可能因為經歷過上一次嘅店長活動，小弟今次終於進步咗少少、夠膽同大家大聲啲講嘢同埋傾偈，希望冇辜負到大家對我嘅期望。
係呢兩日裏面都收到好多好多鼓勵嘅祝福、心意卡同埋偉大嘅利是✨✨✨
都有好多意料之外嘅surprise
衷心向每一位道謝 謝謝您們！
係您地俾咗我繼續面對呢個世界嘅勇氣同埋力量，其實係呢段時間裏面都一直有發生緊好多令我好唔開心嘅事，如果唔係有你哋我真係好想去逃避晒所有嘢，其實真係好攰。
好啦我stop咗先🤣再講落去就偏離左感謝文嘅原意
無論將來係點樣，好多謝您地嘅出現同埋幫助，我會帶着您地嘅祝福、努力掙扎生存下去，謝謝。
題外：
文章排版混亂 敬請原諒
小弟今次都係用語音輸入、發自內心諗到咩就講到咩，可能都係會有遺漏同埋九唔搭八，希望大家唔好介意。
稍後會喺story度做返補充/後記
#hk9cake #黃店 #一日店長
hker_ic101
差不多19個月既時間，1年7個月，不知不覺間過左。時間呢樣嘢真係好相對，每個人對時間流動既感觀都可以唔同，甚至同一個人係不同時間點對時間流動既快慢所感亦都可以不同。而我面對住未過既時間總是覺得好漫長，但到原來已經過左1年7個月後，我有種「究竟呢段時間我做左乜春？」嘅感覺。坦白地講我冇覺得自己知識增長上突飛猛進左，亦冇覺得自己對世界既認知深化左，更甚既係我冇覺得自己成長左好多，但19個月就係我眼前流走左。
原本都冇諗住做咩回顧，但睇左其他人做既小記後，我更加覺得自己有需要記錄一下當刻呢個時間點，入左黎差不多19個月既所思所感。作為一個比較sentimental同sensitive既人，呢段時間既情緒經常如瀑㳍般傾瀉，所以如果不作一個階段性回顧，我怕自己將來望返自己逗留係呢個地方既時光會係一片空白，會再次出現翻「我究竟做咗乜春？」呢個問題。
而呢個回顧主要既命題係「滯留」呢2個字，因為近日意識到原來人唔單只可以好explicit地滯留係一個地方，更加既係滯留係一段時光，亦即係記憶。入左黎之後可能因為多左時間同機會面對自己既思緒，繼而發現原來自己都有partly停留左係3年前，包括不受控制地呈現眼前既清晰畫面，包括各種令我想痴線大叫既後遺情緒，亦包括不能抹掉既愧疚感，原來係唔會因為我坐監而消失。
近排都睇到唔少人提及停留係 2019年而失去自己生活甚至人生呢個問題，但我會認為究竟牢牢記住2019其實係咪必然壞事先？當然我指嘅並唔係單純高舉創傷，傷痛，我相信2019年帶比我地嘅遠超於此，牢牢記住嘅原因除了要記住當年嘅決心與勇氣，更重要嘅應該係對當年每一步嘅反思與檢討，方仲賢早前接受嘅訪問寫得好好，我覺得每個人（絕對包括我自己）都需要反思自己其實可唔可以做得更好？ 有咩係我地唔應該做？ 有咩係我地應該做但無做？ 而唔係依家咁空白化當年發生左嘅事。
近排係903聽到一個艾粒show promo, 講到呢 20年嘅回憶，其中關於 2019年個段竟然係深呼吸嘆一口氣之後講咗句 「仲要講呀？」 其實我唔明白咩叫「仲要講呀？」 正正係因為好多人每當提及2019年都空白化、去內容化、真空化，我地更加需要將呢段記憶牢牢記住，不過當然亦都相當視乎如何帶住呢段記憶與及對其反思所得而負重前行，絕非希望如同陷進泥濘一樣沉溺於過去，不過我亦明白其實我自己無資格講呢番説話，因為我無法體會每個未能move on 嘅人所受之困苦同難處，亦都明白由上而下嘅壓迫所帶來輾壓式恐懼，實在唔能夠要求其他人點點點，只不過我真係非常唔希望見到 2019成為一段不可言喻嘅空白，而係一段能夠帶我地向未來行得更遠嘅過去。
套用早前係明報《星期日生活》睇到戈爾巴喬夫所講過嘅一段説話（希望我無記錯啦），希望並唔係盲目地認為眼前所有就係最好嘅，而係即使面對住成蘿爛橙都不低頭，選擇去改變個世界 （用我嘅interpretation啦hahahaha）
Ps講下無聊嘢先，近排聽收音機聽到yosobeit放題勁開心，播咗半個鐘一連 4首歌，聽到自己想聽嘅歌真係好似中咗獎咁，係度趁機做下promotion先 XD
開心 share 下其中一首我好鐘意嘅歌，係《秋分》 from Yosobeit
(又多左一個原因鐘意秋天，電台會因為近排秋天而播多咗《秋分》)
//零碎沙丘 記錄了沒法避開的荒謬
缺憾裡埋沒出口
如此劫數道盡沒遺漏
窩心的過去若然
清清爽爽瀟瀟灑灑去
漠然地徹走//
walkwithu__
原本都冇諗住做咩回顧，但睇左其他人做既小記後，我更加覺得自己有需要記錄一下當刻呢個時間點，入左黎差不多19個月既所思所感。作為一個比較sentimental同sensitive既人，呢段時間既情緒經常如瀑㳍般傾瀉，所以如果不作一個階段性回顧，我怕自己將來望返自己逗留係呢個地方既時光會係一片空白，會再次出現翻「我究竟做咗乜春？」呢個問題。
而呢個回顧主要既命題係「滯留」呢2個字，因為近日意識到原來人唔單只可以好explicit地滯留係一個地方，更加既係滯留係一段時光，亦即係記憶。入左黎之後可能因為多左時間同機會面對自己既思緒，繼而發現原來自己都有partly停留左係3年前，包括不受控制地呈現眼前既清晰畫面，包括各種令我想痴線大叫既後遺情緒，亦包括不能抹掉既愧疚感，原來係唔會因為我坐監而消失。
近排都睇到唔少人提及停留係 2019年而失去自己生活甚至人生呢個問題，但我會認為究竟牢牢記住2019其實係咪必然壞事先？當然我指嘅並唔係單純高舉創傷，傷痛，我相信2019年帶比我地嘅遠超於此，牢牢記住嘅原因除了要記住當年嘅決心與勇氣，更重要嘅應該係對當年每一步嘅反思與檢討，方仲賢早前接受嘅訪問寫得好好，我覺得每個人（絕對包括我自己）都需要反思自己其實可唔可以做得更好？ 有咩係我地唔應該做？ 有咩係我地應該做但無做？ 而唔係依家咁空白化當年發生左嘅事。
近排係903聽到一個艾粒show promo, 講到呢 20年嘅回憶，其中關於 2019年個段竟然係深呼吸嘆一口氣之後講咗句 「仲要講呀？」 其實我唔明白咩叫「仲要講呀？」 正正係因為好多人每當提及2019年都空白化、去內容化、真空化，我地更加需要將呢段記憶牢牢記住，不過當然亦都相當視乎如何帶住呢段記憶與及對其反思所得而負重前行，絕非希望如同陷進泥濘一樣沉溺於過去，不過我亦明白其實我自己無資格講呢番説話，因為我無法體會每個未能move on 嘅人所受之困苦同難處，亦都明白由上而下嘅壓迫所帶來輾壓式恐懼，實在唔能夠要求其他人點點點，只不過我真係非常唔希望見到 2019成為一段不可言喻嘅空白，而係一段能夠帶我地向未來行得更遠嘅過去。
套用早前係明報《星期日生活》睇到戈爾巴喬夫所講過嘅一段説話（希望我無記錯啦），希望並唔係盲目地認為眼前所有就係最好嘅，而係即使面對住成蘿爛橙都不低頭，選擇去改變個世界 （用我嘅interpretation啦hahahaha）
Ps講下無聊嘢先，近排聽收音機聽到yosobeit放題勁開心，播咗半個鐘一連 4首歌，聽到自己想聽嘅歌真係好似中咗獎咁，係度趁機做下promotion先 XD
開心 share 下其中一首我好鐘意嘅歌，係《秋分》 from Yosobeit
(又多左一個原因鐘意秋天，電台會因為近排秋天而播多咗《秋分》)
//零碎沙丘 記錄了沒法避開的荒謬
缺憾裡埋沒出口
如此劫數道盡沒遺漏
窩心的過去若然
清清爽爽瀟瀟灑灑去
漠然地徹走//
walkwithu__