【自由與政教分離】
我聽過不少人講因為政教分離，所以信徒不應該參與任何政治相關事情。這是錯誤的，其實「政教分離」的「政」不是政治，而是政權和政府。不要認為只有天主教的時期才「政教合一」。去到十六世紀宗教改革，新教還是與政權糾纏不休，相互利用：時而教會左右政權，更多時候是政權駕馭教會，教會淪為政權的夥伴。教會的信仰實踐和權益由政權批核準許，從聚會程序、聖餐儀文、聖職人員的資格，到教會的產業。教會同時借政權手剷除異己，殺死持不同信仰的人。「政教分離」是在這樣背景下出現的。
「政教分離」本身就是一場政治抗爭，爭取宗教自由，人民可以選擇自己的信仰；出版自由，人民出版自己的信仰書籍；集會自由，人民可以按著自己信仰聚集敬拜神；言論自由，人民可以宣講自己所相信的信仰。
一班浸信會的先賢在爭取「政教分離」的過程中，很多都面對不同的逼迫，包括定罪、入獄、受笞刑、被剝奪公民權利等。經過二百年努力，在美國國會終於通過著名的人權法案：「國會永不會為宗教的建立而立法，亦不會掙取行動去阻止因宗教信仰而需要自由運作程序，政府不會剝奪言論、印刷自由、和人民和平集會、和向政府申訴遭受苦侍的權利。」
「政教分離」因而有效限制了政府的權力，保障人民皂宗教自由、集會自由和言論自由。這些自由是先賢們付出沉重的代價換來的，不是為著個人利益，而是為著建立教會。當我們明白自由的寶貴，我們是否應盡力保衛這城的自由？
2022年4月30日
runninghamster2022
我聽過不少人講因為政教分離，所以信徒不應該參與任何政治相關事情。這是錯誤的，其實「政教分離」的「政」不是政治，而是政權和政府。不要認為只有天主教的時期才「政教合一」。去到十六世紀宗教改革，新教還是與政權糾纏不休，相互利用：時而教會左右政權，更多時候是政權駕馭教會，教會淪為政權的夥伴。教會的信仰實踐和權益由政權批核準許，從聚會程序、聖餐儀文、聖職人員的資格，到教會的產業。教會同時借政權手剷除異己，殺死持不同信仰的人。「政教分離」是在這樣背景下出現的。
「政教分離」本身就是一場政治抗爭，爭取宗教自由，人民可以選擇自己的信仰；出版自由，人民出版自己的信仰書籍；集會自由，人民可以按著自己信仰聚集敬拜神；言論自由，人民可以宣講自己所相信的信仰。
一班浸信會的先賢在爭取「政教分離」的過程中，很多都面對不同的逼迫，包括定罪、入獄、受笞刑、被剝奪公民權利等。經過二百年努力，在美國國會終於通過著名的人權法案：「國會永不會為宗教的建立而立法，亦不會掙取行動去阻止因宗教信仰而需要自由運作程序，政府不會剝奪言論、印刷自由、和人民和平集會、和向政府申訴遭受苦侍的權利。」
「政教分離」因而有效限制了政府的權力，保障人民皂宗教自由、集會自由和言論自由。這些自由是先賢們付出沉重的代價換來的，不是為著個人利益，而是為著建立教會。當我們明白自由的寶貴，我們是否應盡力保衛這城的自由？
2022年4月30日
runninghamster2022
【復活節假，睇戲行街食飯健身？】
今日講講早個星期既一件事，話說3月份時我咪比人lock係個倉成個月有多既，咁我地個「Day room」亦即日頭活動既地方咪空置左成個月有多，又無人跡la…咁到左解封個日，我地發現D抽氣扇位全部變哂雀巢！係生歐歐，仲非常新鮮…只係已經無雀係入面，暫時，構成雀巢既原材料只係一D樹枝同樹葉，咁清左人地個竇la，開返抽氣扇，結果係某日，突然間係我旁邊個抽氣扇好大聲「啪」！左一下，之後有D羽毛飛出黎，仲聽到雀仔叫，心諗！哎…死la，隻雀應該比個抽氣扇打中左…唉，都唔知點解要係個D位起巢…
Em…畫機械人比我想像花多左更多時間，今朝只完成到一半左右，一陣下午做完運動再畫，完埋枝槍、2隻腳，再加個人仔同背景就可以上色，我諗去到下午應該可以完成晒Robot既部份，隻槍反而係成幅畫既重點？係正中間而且佔左4分1畫面左右？XD，總之有D新野玩，：)。之前都係畫女仔，依家連續3幅男仔，之後到機械人：)，或者…下次試下動物或者怪物？好似都幾吸引，XDD。
另外有樣比較有趣既事，就係下星期四放寬社交措施，而下星期三就係me的上庭日子，意味著…it…咁咁咁，oh，咁聽日就可以咁咁咁，XDDD，請自行腦補相關既字XDDD，呀，雖然結果都係有可能向相反方向走，但期望一下無壞既，做定最壞打算就得la：)最重要是有「結果」，咁先可以行走下一步。
呀，今日已經開始一連4日復活節假，唔知你又會點過你既假呢，係床上攤屍4日定會出街玩呢？咁啱D所謂戲院、健身中心、美容院重開，又會唔會做返一隻日常港豬呢？呢4日我諗我都係睇下碟，寫下字畫下畫咁過：)。
今日同左個外籍人，早前話佢係律師個位呢，傾左ok多計，真係都算多，聽日再話你知傾左D咩XD。不過我可以話佢係傳統老派既人，同現代社會生活有D脫軌，傳統中活係象牙塔之人，亦係一個左膠，膠得好徹底，亦體現左為何有呢D人，因為佢由細到大個生活圈子都係咁，佢本本無體會過，亦感受唔到「改變」。佢係認為香港無變過，一直係咁，佢只想平靜同安穩，唔care who上場踼波，所以我認為係左膠 >)，因為踼波既係男又好，女又好，根本影響唔到佢，所以就徹底地膠得咁緊要，或者最佳方法就係令佢地親身「感受」同「體會」：)。
2022.4.15
manhoinjail
今日講講早個星期既一件事，話說3月份時我咪比人lock係個倉成個月有多既，咁我地個「Day room」亦即日頭活動既地方咪空置左成個月有多，又無人跡la…咁到左解封個日，我地發現D抽氣扇位全部變哂雀巢！係生歐歐，仲非常新鮮…只係已經無雀係入面，暫時，構成雀巢既原材料只係一D樹枝同樹葉，咁清左人地個竇la，開返抽氣扇，結果係某日，突然間係我旁邊個抽氣扇好大聲「啪」！左一下，之後有D羽毛飛出黎，仲聽到雀仔叫，心諗！哎…死la，隻雀應該比個抽氣扇打中左…唉，都唔知點解要係個D位起巢…
Em…畫機械人比我想像花多左更多時間，今朝只完成到一半左右，一陣下午做完運動再畫，完埋枝槍、2隻腳，再加個人仔同背景就可以上色，我諗去到下午應該可以完成晒Robot既部份，隻槍反而係成幅畫既重點？係正中間而且佔左4分1畫面左右？XD，總之有D新野玩，：)。之前都係畫女仔，依家連續3幅男仔，之後到機械人：)，或者…下次試下動物或者怪物？好似都幾吸引，XDD。
另外有樣比較有趣既事，就係下星期四放寬社交措施，而下星期三就係me的上庭日子，意味著…it…咁咁咁，oh，咁聽日就可以咁咁咁，XDDD，請自行腦補相關既字XDDD，呀，雖然結果都係有可能向相反方向走，但期望一下無壞既，做定最壞打算就得la：)最重要是有「結果」，咁先可以行走下一步。
呀，今日已經開始一連4日復活節假，唔知你又會點過你既假呢，係床上攤屍4日定會出街玩呢？咁啱D所謂戲院、健身中心、美容院重開，又會唔會做返一隻日常港豬呢？呢4日我諗我都係睇下碟，寫下字畫下畫咁過：)。
今日同左個外籍人，早前話佢係律師個位呢，傾左ok多計，真係都算多，聽日再話你知傾左D咩XD。不過我可以話佢係傳統老派既人，同現代社會生活有D脫軌，傳統中活係象牙塔之人，亦係一個左膠，膠得好徹底，亦體現左為何有呢D人，因為佢由細到大個生活圈子都係咁，佢本本無體會過，亦感受唔到「改變」。佢係認為香港無變過，一直係咁，佢只想平靜同安穩，唔care who上場踼波，所以我認為係左膠 >)，因為踼波既係男又好，女又好，根本影響唔到佢，所以就徹底地膠得咁緊要，或者最佳方法就係令佢地親身「感受」同「體會」：)。
2022.4.15
manhoinjail
【快速中了，好唔開心】
由二月開始停止正常探訪，牆內的人就好像與世隔絕，見不到親友們。完全不知親友如何。牆外的人擔心牆內的人，牆內的人擔心牆外的人，每天只能靠福利官打電話問候親人，相繼收到的家人感染的消息，在牆內擔心和焦急，只能默默地為他們祈禱。書信來往因疫情和懲教人手短缺，來回一轉差不多個半月。好多囚友和我一樣，收到家人感染的消息，只能乾著急。這時候牆內的人也相繼染病，好在相識的囚友和家人最後都無事，探訪由無得探，變成一個月兩次，再變做一個星期兩次。今日從報紙知道由五月九日開始會恢復正常探訪。三個月來的等候終於可以結束，終於可以再次每天見到親友們。
三月尾我自己都受感染，要由住開的一座搬去另一座隔離。我已經算好，可以留在XX隔離，有些囚友要「過界」去哥連臣角隔離。我自己的病徵不算嚴重，只是頭兩三天有頭痛和咳，之後就慢慢康復，到第七日做快測已經是陰性，第八日再做快測同樣是陰性，就不用再隔離，返回本來的那座。
三月廿六日本來可以不用再釘倉，可以出活動室，最重要是出得活動室代表可以探訪。按懲教的規矩，期數有人感染而打了兩針的我只須釘倉七日就可出活動室，怎知人算不如天算，廿六日我中了。廿五日晚上已經頭痛，心中已感不妙，廿六日起身做快測，證實中了，再做多次結果一樣。需要隔離去另一座，心裏好唔開心。因本來諗住可以探訪的，卻不知要再等到何時。在執拾日用品時，被一位麻煩囚友指責我連累整個期數。我認為他的指責全無道理，期數第一個受感染的不是我，就算是第一個也不應受到指責。就我所在的期數，還柙日子短則幾個月，長則超過三年，每個人都與牆外隔離了一段日子，怎能怪到囚友身上。我沒有回應這麻煩囚友，只懷著沉重的心情穿上保護衣，拖著沉重的腳步前往隔離的座數。
上星期是香港錄得一百年來最凍的五月，我們在這天之前換季，著短袖衫和短褲，收起件抓毛和風褸。好多老職員都講，這是懲教魔咒，夏天一換季就天氣轉涼，冬天一換季就會轉暖。有做超過十年的職員表示，過去十年都是這樣發生。今次還碰著最凍的五月天。信不信由你。
2022年5月10日
runninghamster2022
由二月開始停止正常探訪，牆內的人就好像與世隔絕，見不到親友們。完全不知親友如何。牆外的人擔心牆內的人，牆內的人擔心牆外的人，每天只能靠福利官打電話問候親人，相繼收到的家人感染的消息，在牆內擔心和焦急，只能默默地為他們祈禱。書信來往因疫情和懲教人手短缺，來回一轉差不多個半月。好多囚友和我一樣，收到家人感染的消息，只能乾著急。這時候牆內的人也相繼染病，好在相識的囚友和家人最後都無事，探訪由無得探，變成一個月兩次，再變做一個星期兩次。今日從報紙知道由五月九日開始會恢復正常探訪。三個月來的等候終於可以結束，終於可以再次每天見到親友們。
三月尾我自己都受感染，要由住開的一座搬去另一座隔離。我已經算好，可以留在XX隔離，有些囚友要「過界」去哥連臣角隔離。我自己的病徵不算嚴重，只是頭兩三天有頭痛和咳，之後就慢慢康復，到第七日做快測已經是陰性，第八日再做快測同樣是陰性，就不用再隔離，返回本來的那座。
三月廿六日本來可以不用再釘倉，可以出活動室，最重要是出得活動室代表可以探訪。按懲教的規矩，期數有人感染而打了兩針的我只須釘倉七日就可出活動室，怎知人算不如天算，廿六日我中了。廿五日晚上已經頭痛，心中已感不妙，廿六日起身做快測，證實中了，再做多次結果一樣。需要隔離去另一座，心裏好唔開心。因本來諗住可以探訪的，卻不知要再等到何時。在執拾日用品時，被一位麻煩囚友指責我連累整個期數。我認為他的指責全無道理，期數第一個受感染的不是我，就算是第一個也不應受到指責。就我所在的期數，還柙日子短則幾個月，長則超過三年，每個人都與牆外隔離了一段日子，怎能怪到囚友身上。我沒有回應這麻煩囚友，只懷著沉重的心情穿上保護衣，拖著沉重的腳步前往隔離的座數。
上星期是香港錄得一百年來最凍的五月，我們在這天之前換季，著短袖衫和短褲，收起件抓毛和風褸。好多老職員都講，這是懲教魔咒，夏天一換季就天氣轉涼，冬天一換季就會轉暖。有做超過十年的職員表示，過去十年都是這樣發生。今次還碰著最凍的五月天。信不信由你。
2022年5月10日
runninghamster2022
歡迎書信往來 🕊
不一定今天寫也不一定今年開始寫
可以明年亦可以等待有心情先落筆
我一直在原地等待
重要既事情講一萬次
記得連同回郵郵票一齊寄
你都知入面人工幾百蚊一個月
冇睇錯係幾百蚊人工一個月
五附上回郵郵票會人工扣
另外寫信不一定寫字
可以繪畫可以摺紙亦可以用不同方式
演繹你創意表達方法 本人歡迎
寫信內容當然 有啲嘢五寫得
其他文字內容本人喜好
現代新詩 卡繆 周杰倫 麥浚龍
王家衛電影 生活上無聊事情
露營 咖啡 存在主義 夢境分享
感情煩惱 尻嗡 中文歌詞
歡迎與我分享
如要回信將回信地址寫在紙上放信𥚃
回郵有機會寄失
亦有機會本人處理回應比較久
請不要灰心
若是你是創作者我歡迎你
將作品影下來編印成不大於A4面積
放入信封裡寄給我欣賞
謝謝
今宵多珍重
110811tom
不一定今天寫也不一定今年開始寫
可以明年亦可以等待有心情先落筆
我一直在原地等待
重要既事情講一萬次
記得連同回郵郵票一齊寄
你都知入面人工幾百蚊一個月
冇睇錯係幾百蚊人工一個月
五附上回郵郵票會人工扣
另外寫信不一定寫字
可以繪畫可以摺紙亦可以用不同方式
演繹你創意表達方法 本人歡迎
寫信內容當然 有啲嘢五寫得
其他文字內容本人喜好
現代新詩 卡繆 周杰倫 麥浚龍
王家衛電影 生活上無聊事情
露營 咖啡 存在主義 夢境分享
感情煩惱 尻嗡 中文歌詞
歡迎與我分享
如要回信將回信地址寫在紙上放信𥚃
回郵有機會寄失
亦有機會本人處理回應比較久
請不要灰心
若是你是創作者我歡迎你
將作品影下來編印成不大於A4面積
放入信封裡寄給我欣賞
謝謝
今宵多珍重
110811tom
好些牆內手足寄出來給親友的信像去了無底洞，反過來，牆外手足寄進去的信不少都要很長時間才收到⋯⋯
手足話，好些原本有份去探他的 #同路人 堅持不打針，所以，少了人去探他，但他希望可以收到大家的信，這是他的精神寄托之一！
請點擊以支持本人支援還押或在囚手足的工作：
https://www.patreon.com/KennethCheung2021
張錦雄
手足話，好些原本有份去探他的 #同路人 堅持不打針，所以，少了人去探他，但他希望可以收到大家的信，這是他的精神寄托之一！
請點擊以支持本人支援還押或在囚手足的工作：
https://www.patreon.com/KennethCheung2021
張錦雄
《我的漫長Staycation Week13》
大家好！今日係4月23號，都係好熱嘅一日，好想瘋狂食雪糕冷氣呀……仲未換季嘅我哋仲着緊件長袖衫，你哋想唔想像到有幾熱？ ？ ？呢個時候就好想請教下超英哥點樣可以涼啲呀……好啦唔講個熱字啦，分享吓啲近況先！呢個星期要嚟嘅始終都要嚟，終於要開工了！ ！ ！呢幾日我嘅主要工作就係剪線頭，即係車好嘅衫凸咗出嚟嗰啲線頭，呢個都係每個新人嘅必經階段嚟的zzz 悶就係悶咗啲，不過剪剪下時間係過得幾快嘅！我哋係六天工作週，星期六返半日，星期日即係聽日係放假(∩‧▽‧∩) 睇嚟星期日以後都會係我最期待嘅一日了！聽朝仲有我最鍾意嘅咖喱食！突發原來依家已經九點，但我個頭完全唔乾，今日真係幾潮濕下，慘了唔知幾時先瞓得……
早晨！結果尋晚都係一熄燈就瞓了，冇理到個頭乾唔乾，媽媽成日都話個頭唔乾瞓覺會有頭風，希望佢睇唔到呢篇嘢啦(∩‧▽‧∩) 今朝食咖喱大家都食到好飽，所以行街都冇咩人做運動了(∩‧▽‧∩) 介紹返我呢邊有兩個朋友仔都好鍾意做運動，之前日日行街佢哋都會喺度做，顯得我好懶哈哈，雖然我有時都會跟住一齊做，但大部份時間都係幫佢哋打氣多zzz 同埋我之前咪話上咗堂體育堂嘅，喺你哋外面體育場所重開幾多日我哋都有得上返了！雖然隔咗咁耐但反應都好冷淡，得我哋三個人上(∩‧▽‧∩) 打咗陣羽毛球同拉筋，啲汗已經流到好似落雨了⋯⋯都幾爽！好耐冇流過咁多汗啦！ ！大家每封信都叫我做運動，都算有做到啦！你地都記得做多啲運動啊！ ！ ！
分享完間房了，係時候講吓其他嘢。大家都應該見到啦1005灣仔11人全部RIOT罪成。我記得依單同我哋差唔多同時間審，但佢地審得耐，等結果亦都等得耐，可惜結果都係一樣，應該話更加差，起碼我哋都叫有個打得甩……留返起嗰陣覺得仲有機會打真係太天真啦，根本由頭到尾都冇諗過要放過我哋。但好似某位朋友仔喺庭上咁講，即使喺法律層面上判我哋有罪都好，都唔代表啲咩。努力去面對，他日我哋一定可以用更好嘅姿態出現。Sor好似寫得太認真唔係太似我嘅風格haha，以下嘅部份都係講返啲無聊嘢，我依家聽緊903嘅咆哮山莊，今日有Kolor！唔知有冇人都有聽呢？喺收音機可以聽到自己鍾意嘅歌手訪問同歌真係太幸福了！！！唔知你哋仲記唔記得我之前喺IG講過舊年我其中一件最開心嘅事係睇到Kolor演唱會，依家諗返起嗰兩日真係超開心呀，睇完車路士拎歐聯嘅冠軍之後就有Kolor演唱會睇，真係好耐好耐好耐冇試過咁開心了。入咗嚟之後我仲學習緊多啲因小事而開心，小到好似今朝食咗咖喱飯，同埋聽到電台播Kolor嘅歌已經可以令我好開心，但同時我都會因為小事而唔開心，就好似今日份明報唔知點解撕左頁體育版！！！有冇人有買星期日嘅明報可以話俾我聽體育版係講咩的，點解要撕⋯⋯有冇諗過呢頁對我係幾咁重要呀！！！唔知有冇人知有邊個電台節目係會報吓體育新聞同賽果的？（除咗強大人之外）
最後想同大家討論少少議題，早幾日溫網宣布封殺兩俄嘅球手，唔俾佢哋參賽。有俄羅斯開火之後，喺體育界已經出現大量對俄羅斯運動員嘅制裁，好似世界盃同歐足協之類唔理立場唔理取態一律制裁，到底咁做係咪合理同公平，又有冇更加好嘅處理手法呢？就好似之前都寫過想大家同我討論下政府做錯，市民埋單呢件事合唔合理，但好似冇咩想同我討論咁(∩‧▽‧∩) 希望今次多啲人同我討論下啦！
一日嘅假期就咁完左，聽日又要返工了，真係要good night了，下星期再見，記得掛住我❤️
Kristy
24/04/2022
（聽緊初老）
Kristy Laihing
大家好！今日係4月23號，都係好熱嘅一日，好想瘋狂食雪糕冷氣呀……仲未換季嘅我哋仲着緊件長袖衫，你哋想唔想像到有幾熱？ ？ ？呢個時候就好想請教下超英哥點樣可以涼啲呀……好啦唔講個熱字啦，分享吓啲近況先！呢個星期要嚟嘅始終都要嚟，終於要開工了！ ！ ！呢幾日我嘅主要工作就係剪線頭，即係車好嘅衫凸咗出嚟嗰啲線頭，呢個都係每個新人嘅必經階段嚟的zzz 悶就係悶咗啲，不過剪剪下時間係過得幾快嘅！我哋係六天工作週，星期六返半日，星期日即係聽日係放假(∩‧▽‧∩) 睇嚟星期日以後都會係我最期待嘅一日了！聽朝仲有我最鍾意嘅咖喱食！突發原來依家已經九點，但我個頭完全唔乾，今日真係幾潮濕下，慘了唔知幾時先瞓得……
早晨！結果尋晚都係一熄燈就瞓了，冇理到個頭乾唔乾，媽媽成日都話個頭唔乾瞓覺會有頭風，希望佢睇唔到呢篇嘢啦(∩‧▽‧∩) 今朝食咖喱大家都食到好飽，所以行街都冇咩人做運動了(∩‧▽‧∩) 介紹返我呢邊有兩個朋友仔都好鍾意做運動，之前日日行街佢哋都會喺度做，顯得我好懶哈哈，雖然我有時都會跟住一齊做，但大部份時間都係幫佢哋打氣多zzz 同埋我之前咪話上咗堂體育堂嘅，喺你哋外面體育場所重開幾多日我哋都有得上返了！雖然隔咗咁耐但反應都好冷淡，得我哋三個人上(∩‧▽‧∩) 打咗陣羽毛球同拉筋，啲汗已經流到好似落雨了⋯⋯都幾爽！好耐冇流過咁多汗啦！ ！大家每封信都叫我做運動，都算有做到啦！你地都記得做多啲運動啊！ ！ ！
分享完間房了，係時候講吓其他嘢。大家都應該見到啦1005灣仔11人全部RIOT罪成。我記得依單同我哋差唔多同時間審，但佢地審得耐，等結果亦都等得耐，可惜結果都係一樣，應該話更加差，起碼我哋都叫有個打得甩……留返起嗰陣覺得仲有機會打真係太天真啦，根本由頭到尾都冇諗過要放過我哋。但好似某位朋友仔喺庭上咁講，即使喺法律層面上判我哋有罪都好，都唔代表啲咩。努力去面對，他日我哋一定可以用更好嘅姿態出現。Sor好似寫得太認真唔係太似我嘅風格haha，以下嘅部份都係講返啲無聊嘢，我依家聽緊903嘅咆哮山莊，今日有Kolor！唔知有冇人都有聽呢？喺收音機可以聽到自己鍾意嘅歌手訪問同歌真係太幸福了！！！唔知你哋仲記唔記得我之前喺IG講過舊年我其中一件最開心嘅事係睇到Kolor演唱會，依家諗返起嗰兩日真係超開心呀，睇完車路士拎歐聯嘅冠軍之後就有Kolor演唱會睇，真係好耐好耐好耐冇試過咁開心了。入咗嚟之後我仲學習緊多啲因小事而開心，小到好似今朝食咗咖喱飯，同埋聽到電台播Kolor嘅歌已經可以令我好開心，但同時我都會因為小事而唔開心，就好似今日份明報唔知點解撕左頁體育版！！！有冇人有買星期日嘅明報可以話俾我聽體育版係講咩的，點解要撕⋯⋯有冇諗過呢頁對我係幾咁重要呀！！！唔知有冇人知有邊個電台節目係會報吓體育新聞同賽果的？（除咗強大人之外）
最後想同大家討論少少議題，早幾日溫網宣布封殺兩俄嘅球手，唔俾佢哋參賽。有俄羅斯開火之後，喺體育界已經出現大量對俄羅斯運動員嘅制裁，好似世界盃同歐足協之類唔理立場唔理取態一律制裁，到底咁做係咪合理同公平，又有冇更加好嘅處理手法呢？就好似之前都寫過想大家同我討論下政府做錯，市民埋單呢件事合唔合理，但好似冇咩想同我討論咁(∩‧▽‧∩) 希望今次多啲人同我討論下啦！
一日嘅假期就咁完左，聽日又要返工了，真係要good night了，下星期再見，記得掛住我❤️
Kristy
24/04/2022
（聽緊初老）
Kristy Laihing
💐我的媽媽👩👦💕
✍ 致親愛的家人和朋友們︰
星期日就是母親節了，先提早向各位媽媽說句︰「母親節快樂！」，這麼多年的養育和陪伴真的很感激呢！祝願天下媽媽身體健康、生活愉快呀！
「為母則強」，我相信世界上每一位媽媽，背後都有一個堅毅的故事，我的媽媽雖然學歷不高，但她總是窮其一生的精力養育我和哥哥姐姐，囑咐我們要做一個好人，無論我有甚麽東西想做、想嘗試，媽媽總會鼓勵我勇敢地去做，縱使某些事情是任性的、艱難的決定，她仍然會支持我。媽媽是一個非常節儉的人，從不輕易花費，而死慳死抵得來的一分一毫全都會用於家庭的開銷中，只為了讓我們的生活過得好一點點，對我來說，媽媽是我在這世界上最重要的人，身陷囹圄的我在過去兩年多最難過的，莫過於與家人分隔，未能報答媽媽的養育之恩，唯有待畢業回家後加倍地孝順，到時候我一定要令媽媽每天都過得豐足、愉快！
要孝敬父母，方式有很多，坊間不斷用廣告提醒為人子女要「買甚麼、做甚麽」，真的令人眼花撩亂，亦非常俗套，我孝敬父母的方式是為他們祈禱；及常陪伴在他們身邊，邀請他們信主、受洗，在地上享受兒女的喜樂，在天上得著主賜永恆的福樂。
聖經教導說︰「當孝敬父母，使你的日子在耶和華 — 你上帝所賜你的地上得以長久。」（出埃及記20︰12），聖經所指的孝順，畢竟與坊間不同，孝敬是讓父母得著尊重。
這個五月真的很忙呢！既要應付功課及會計科目考試，又要上「室內設計課程」，還有一些計劃需要準備，希望所有事情都能順利完成！另一件令我開心的事就是夏天終於來臨了，令疫情緩和了不少，加上夏天沒有厚重的冬季衣物要清洗，洗衣期的工作量因此減少了一些。
學習彈奏結他方面，收到筆友們打印給我的曲譜，謝謝您們！我會努力練習，現在的進度仍停留在「和弦」及「慢靈魂樂 (Slow Soul)」。
🙆♂️衍龍 上
2022年5月8日
hinlungwilliam
✍ 致親愛的家人和朋友們︰
星期日就是母親節了，先提早向各位媽媽說句︰「母親節快樂！」，這麼多年的養育和陪伴真的很感激呢！祝願天下媽媽身體健康、生活愉快呀！
「為母則強」，我相信世界上每一位媽媽，背後都有一個堅毅的故事，我的媽媽雖然學歷不高，但她總是窮其一生的精力養育我和哥哥姐姐，囑咐我們要做一個好人，無論我有甚麽東西想做、想嘗試，媽媽總會鼓勵我勇敢地去做，縱使某些事情是任性的、艱難的決定，她仍然會支持我。媽媽是一個非常節儉的人，從不輕易花費，而死慳死抵得來的一分一毫全都會用於家庭的開銷中，只為了讓我們的生活過得好一點點，對我來說，媽媽是我在這世界上最重要的人，身陷囹圄的我在過去兩年多最難過的，莫過於與家人分隔，未能報答媽媽的養育之恩，唯有待畢業回家後加倍地孝順，到時候我一定要令媽媽每天都過得豐足、愉快！
要孝敬父母，方式有很多，坊間不斷用廣告提醒為人子女要「買甚麼、做甚麽」，真的令人眼花撩亂，亦非常俗套，我孝敬父母的方式是為他們祈禱；及常陪伴在他們身邊，邀請他們信主、受洗，在地上享受兒女的喜樂，在天上得著主賜永恆的福樂。
聖經教導說︰「當孝敬父母，使你的日子在耶和華 — 你上帝所賜你的地上得以長久。」（出埃及記20︰12），聖經所指的孝順，畢竟與坊間不同，孝敬是讓父母得著尊重。
這個五月真的很忙呢！既要應付功課及會計科目考試，又要上「室內設計課程」，還有一些計劃需要準備，希望所有事情都能順利完成！另一件令我開心的事就是夏天終於來臨了，令疫情緩和了不少，加上夏天沒有厚重的冬季衣物要清洗，洗衣期的工作量因此減少了一些。
學習彈奏結他方面，收到筆友們打印給我的曲譜，謝謝您們！我會努力練習，現在的進度仍停留在「和弦」及「慢靈魂樂 (Slow Soul)」。
🙆♂️衍龍 上
2022年5月8日
hinlungwilliam
【係…係雞脾呀！】
我真係有眼不識泰山…原來《宿主The host》既作者 Stepheniem Meyer竟然就係《暮光之城》既作者！今次睇黎可以誤打誤撞咁執到寶都未定=v=*。今次故事係外星科幻型，講外星生物入侵人體控制人既大腦佔據意識，身體控制權，並幾乎將所有人類都控制左，就係個咁既故事背景，應該幾吸引。
今期吉吉emoji諗緊咩表情好…呀，有la！：)應該會好得意~
另外最近真係進入夏天，郁D30度…''Orz，跑下步已經成身汗，不過都係減脂好時機：p，個肚仔再減多少少脂肪就有腹肌出世la！>v<！！
至於吉吉食譜暫時都未諗到有咩可以比較簡單咁煮到，不過有個idea係「醬」，加「點」，咁食，配合氣炸鍋，但對於氣炸鍋既溫度、時間比較難掌握=v=，一陣寫錯就GG，或者試下生食法？Em…再諗諗，呢個星期試下update一次！挑戰新方法！當然煮既係你，一陣變左黑暗料理唔好返黎搵me XDDDD。吉吉表示佢從來都唔會失敗：p。
好la，下次再寫比你：)，希望吉吉可以出到一套16個emoji，並可以係Telegram、Whatsapp、Snapchat比人用到la！>v<！！！
2022.4.27
manhoinjail
我真係有眼不識泰山…原來《宿主The host》既作者 Stepheniem Meyer竟然就係《暮光之城》既作者！今次睇黎可以誤打誤撞咁執到寶都未定=v=*。今次故事係外星科幻型，講外星生物入侵人體控制人既大腦佔據意識，身體控制權，並幾乎將所有人類都控制左，就係個咁既故事背景，應該幾吸引。
今期吉吉emoji諗緊咩表情好…呀，有la！：)應該會好得意~
另外最近真係進入夏天，郁D30度…''Orz，跑下步已經成身汗，不過都係減脂好時機：p，個肚仔再減多少少脂肪就有腹肌出世la！>v<！！
至於吉吉食譜暫時都未諗到有咩可以比較簡單咁煮到，不過有個idea係「醬」，加「點」，咁食，配合氣炸鍋，但對於氣炸鍋既溫度、時間比較難掌握=v=，一陣寫錯就GG，或者試下生食法？Em…再諗諗，呢個星期試下update一次！挑戰新方法！當然煮既係你，一陣變左黑暗料理唔好返黎搵me XDDDD。吉吉表示佢從來都唔會失敗：p。
好la，下次再寫比你：)，希望吉吉可以出到一套16個emoji，並可以係Telegram、Whatsapp、Snapchat比人用到la！>v<！！！
2022.4.27
manhoinjail
2022會是怎樣的一年？- 生活隨想 2022/2
2022會是怎樣的一年？
一月份搬離工作室，徹底斷捨離了一遍，把能賣的器材都賣掉：各式各樣的LED燈、收音咪、腳架、航拍、相機、鏡頭... 然後新一年把工作都暫停了，不論YouTube的品牌合作、試用、評測或是以往會涉獵的各項拍攝工作都婉拒了。無他，全因為暴動案件在3月份終於要開審了（請不要再延遲了好嗎）。
這一年半也許說不上太過困擾。至少沒有宵禁令，一星期一次的報到早已習慣。反倒是心理上總是有種無形壓力。換著是你，這一年半你會如何過？
用平常心過、努力工作、做些自己喜歡做的事、好好與家人朋友聚... 這些都有做，但即使如此，也終究要面對一件自己生命中不能掌控的事情。這段日子就好像有把聲音告訴我該好好把握時間做些什麼，但同時間又有另一把聲音告訴我其實在事情解決前，你也不可能真正的重新出發。
不過其實事情又何為之解決？最簡單當然是儘快get it over and done with，然後好好地過屬於自己的人生。可是隨著案件越來越接近，才比較實在感受到事情的不簡單。以往即使預想過最差的情況，心底還會帶著一種「應該會沒事吧」的僥倖心態，好讓自己好過一點。同時間那種對重生的強烈渴望，現在回想起來其實相當諷刺。因為等待新一章，所以新一章到來前不敢太過努力，生怕白費心機，不是很消極嗎？
無論如何，其實結果從來不由我想，這點隨著審判越近感受越深。而新一章也未必可能如預期中譜寫。但不要緊，上個星期所走的麥理浩徑一百公里路教懂我一個道理，那就是無論怎樣，只有一件事情需要堅持住，那就是繼續行下去。
無論新一章是在哪裡譜寫，都將會是我人生中最重要的一章。我唯一需要堅持，也是我唯一能夠掌控的事，就是無時無刻提醒自己心臟要強大，並且要努力 — 努力活出一個不讓自己後悔的人生。
這是我期待的2022。
不再活於恐懼的2022。
Auman
2022會是怎樣的一年？
一月份搬離工作室，徹底斷捨離了一遍，把能賣的器材都賣掉：各式各樣的LED燈、收音咪、腳架、航拍、相機、鏡頭... 然後新一年把工作都暫停了，不論YouTube的品牌合作、試用、評測或是以往會涉獵的各項拍攝工作都婉拒了。無他，全因為暴動案件在3月份終於要開審了（請不要再延遲了好嗎）。
這一年半也許說不上太過困擾。至少沒有宵禁令，一星期一次的報到早已習慣。反倒是心理上總是有種無形壓力。換著是你，這一年半你會如何過？
用平常心過、努力工作、做些自己喜歡做的事、好好與家人朋友聚... 這些都有做，但即使如此，也終究要面對一件自己生命中不能掌控的事情。這段日子就好像有把聲音告訴我該好好把握時間做些什麼，但同時間又有另一把聲音告訴我其實在事情解決前，你也不可能真正的重新出發。
不過其實事情又何為之解決？最簡單當然是儘快get it over and done with，然後好好地過屬於自己的人生。可是隨著案件越來越接近，才比較實在感受到事情的不簡單。以往即使預想過最差的情況，心底還會帶著一種「應該會沒事吧」的僥倖心態，好讓自己好過一點。同時間那種對重生的強烈渴望，現在回想起來其實相當諷刺。因為等待新一章，所以新一章到來前不敢太過努力，生怕白費心機，不是很消極嗎？
無論如何，其實結果從來不由我想，這點隨著審判越近感受越深。而新一章也未必可能如預期中譜寫。但不要緊，上個星期所走的麥理浩徑一百公里路教懂我一個道理，那就是無論怎樣，只有一件事情需要堅持住，那就是繼續行下去。
無論新一章是在哪裡譜寫，都將會是我人生中最重要的一章。我唯一需要堅持，也是我唯一能夠掌控的事，就是無時無刻提醒自己心臟要強大，並且要努力 — 努力活出一個不讓自己後悔的人生。
這是我期待的2022。
不再活於恐懼的2022。
Auman
27-4-2022（第一百一十九日）⭐️三
1. 最近啲新聞睇到有啲灰，記者會停頌獎，皇茶提早結業，啊塗離港。
入嚟之前啊塗係我其中一個常睇嘅漫畫家，係香港，太大壓迫感吧。知道佢走有啲傷感，希望佢係英國生活安好，繼續創作，毋忘初心。
2. 今日終於上LoWu嘅體育堂～之前有人回我信話我寫體育堂開心到好似去咗Campsite咁。體育堂真係好開心㗎～不！過！我今次係「老弱殘兵」期數，可以上（必須上）人數只有2個。😰遲多排（1星期左右）就得返我一個上。WTF. 我話：「到時姑娘你同我玩啦！」佢笑得好開心話只可以玩一陣～
今日玩左羽毛球同籃球，姑娘話我有啲籃球底，我表示我曾經好細個嗰陣好好好鍾意打籃球。小六個陣個個星期同男同學去打，打算中學都要試下入女子籃球隊。誰知，我間中學無女籃。我嘅籃球夢就咁粉碎咗，無再係上堂以外接觸籃球～亦將嚟個喜好收起，今日玩返，係開心嘅。（我嘅身高亦從無打籃球後停止咗XD）
羽毛球就一向都鍾意～香港羽毛球場好難book～會打羽毛球嘅朋友亦唔多～所以畢業後出嚟工作都冇乜接觸過羽毛球。🙁
之後玩嘅變咗係英式桌球&保齡球，有人問過我：「嚟2樣都算運動咩？」Um… 咁佢唔算係運動算係乜？😣
好啦，舊屎嘅事～分享完畢～🎼舊屎，舊屎，舊屎，舊屎應該沖咗落公廁～舊時嘅事有邊個會想知🎼（⬅️有無人識唱😝）
3. 上咗一個鐘運動堂爆汗之後，返工又要搬箱。（⬅️我將來可以返倉務，有冇人請我）我一個人搬300箱嘢。-^-我今日運動量已經好多，夜晚唔做運動La～（利申：好懶）我隻小老鼠都返來了💪🏻出冊個日應該💪🏻💪🏻
4. 嚟到有個姑娘好靚（對眼&外形100分）（⬅️無見過佢除口罩）。佢又好可愛，成日對住我甜笑。佢叫我個名（例如當我叫DoReMi先）佢用佢把好甜好溫柔嘅聲叫我：「ReMi~」❤️要整嘢，佢同我講：「ReMi～小心啲啊～」❤️❤️轉更要講姑娘晚安&報Number加床位。佢又甜笑然後話：「好～晚安～！」❤️❤️❤️
好啦，佢電到我了😍我希望日日都見到佢❤️
5. Minion問我覆曬信未，望一望自己堆信-v-我努力緊。
口罩期數比其他工遲收工，sosad。好啦，依架8:30。希望我覆到3封！（⬅️1封only-v-）
啊！好感激收到信（2封）都告知會去/去咗沙嶺。
Local Yeah本土野
1. 最近啲新聞睇到有啲灰，記者會停頌獎，皇茶提早結業，啊塗離港。
入嚟之前啊塗係我其中一個常睇嘅漫畫家，係香港，太大壓迫感吧。知道佢走有啲傷感，希望佢係英國生活安好，繼續創作，毋忘初心。
2. 今日終於上LoWu嘅體育堂～之前有人回我信話我寫體育堂開心到好似去咗Campsite咁。體育堂真係好開心㗎～不！過！我今次係「老弱殘兵」期數，可以上（必須上）人數只有2個。😰遲多排（1星期左右）就得返我一個上。WTF. 我話：「到時姑娘你同我玩啦！」佢笑得好開心話只可以玩一陣～
今日玩左羽毛球同籃球，姑娘話我有啲籃球底，我表示我曾經好細個嗰陣好好好鍾意打籃球。小六個陣個個星期同男同學去打，打算中學都要試下入女子籃球隊。誰知，我間中學無女籃。我嘅籃球夢就咁粉碎咗，無再係上堂以外接觸籃球～亦將嚟個喜好收起，今日玩返，係開心嘅。（我嘅身高亦從無打籃球後停止咗XD）
羽毛球就一向都鍾意～香港羽毛球場好難book～會打羽毛球嘅朋友亦唔多～所以畢業後出嚟工作都冇乜接觸過羽毛球。🙁
之後玩嘅變咗係英式桌球&保齡球，有人問過我：「嚟2樣都算運動咩？」Um… 咁佢唔算係運動算係乜？😣
好啦，舊屎嘅事～分享完畢～🎼舊屎，舊屎，舊屎，舊屎應該沖咗落公廁～舊時嘅事有邊個會想知🎼（⬅️有無人識唱😝）
3. 上咗一個鐘運動堂爆汗之後，返工又要搬箱。（⬅️我將來可以返倉務，有冇人請我）我一個人搬300箱嘢。-^-我今日運動量已經好多，夜晚唔做運動La～（利申：好懶）我隻小老鼠都返來了💪🏻出冊個日應該💪🏻💪🏻
4. 嚟到有個姑娘好靚（對眼&外形100分）（⬅️無見過佢除口罩）。佢又好可愛，成日對住我甜笑。佢叫我個名（例如當我叫DoReMi先）佢用佢把好甜好溫柔嘅聲叫我：「ReMi~」❤️要整嘢，佢同我講：「ReMi～小心啲啊～」❤️❤️轉更要講姑娘晚安&報Number加床位。佢又甜笑然後話：「好～晚安～！」❤️❤️❤️
好啦，佢電到我了😍我希望日日都見到佢❤️
5. Minion問我覆曬信未，望一望自己堆信-v-我努力緊。
口罩期數比其他工遲收工，sosad。好啦，依架8:30。希望我覆到3封！（⬅️1封only-v-）
啊！好感激收到信（2封）都告知會去/去咗沙嶺。
Local Yeah本土野
<Wake Me Up When September Ends>
早幾日喺903聽到呢首一直以嚟我都好鐘意屬於Greenday嘅歌《Wake Me Up When September Ends》(好開心XD)。聽到呢首歌就醒返起以前嘅自己每當遇到咩困難都會聽呢首歌嚟逃避現實，希望可以skip過眼前嘅困境唔需要去面對而現在我面對嘅難關相信係更大更難，而同樣地我都好想聽《Wake Me Up When September Ends》去好好逃避下。September of一年後？兩年後？三年後？我唔知道喺入面嘅時間有時會好好奇究竟五年後、十年後嘅自己會係點？會喺邊度？會係一個點嘅人？對將來嘅想像好多時都成為一個我「逃避」眼前黑暗嘅方法，一個最美麗最充滿色彩嘅方法。當然我都明白「大不了死 亦不會避」，逃避唔能夠成為一個解決方法，但活在一個不能理解嘅世界，間唔中給予自己一個「逃避」空間係可以諒解的，重要嘅係when September ends，我哋可以如何去面對餘下嘅月份、餘下嘅困難。（而我都係尋找中嘅）
U上
walkwithu__
早幾日喺903聽到呢首一直以嚟我都好鐘意屬於Greenday嘅歌《Wake Me Up When September Ends》(好開心XD)。聽到呢首歌就醒返起以前嘅自己每當遇到咩困難都會聽呢首歌嚟逃避現實，希望可以skip過眼前嘅困境唔需要去面對而現在我面對嘅難關相信係更大更難，而同樣地我都好想聽《Wake Me Up When September Ends》去好好逃避下。September of一年後？兩年後？三年後？我唔知道喺入面嘅時間有時會好好奇究竟五年後、十年後嘅自己會係點？會喺邊度？會係一個點嘅人？對將來嘅想像好多時都成為一個我「逃避」眼前黑暗嘅方法，一個最美麗最充滿色彩嘅方法。當然我都明白「大不了死 亦不會避」，逃避唔能夠成為一個解決方法，但活在一個不能理解嘅世界，間唔中給予自己一個「逃避」空間係可以諒解的，重要嘅係when September ends，我哋可以如何去面對餘下嘅月份、餘下嘅困難。（而我都係尋找中嘅）
U上
walkwithu__
【文浩被判囚六年六個月】
文浩被指控為Suck Channel Owner (Sucker)一案
於今日2022年5月19日被判囚六年六個月
-
收信方面會有更新
有疑問/想寫信比文浩嘅都可以ig dm問
或者Tg dm @noicethankyou
所有dm會維持有限度嘅回覆
希望大家比少少空間文浩嘅家人
亦多謝大家一直支持文浩
*Patreon會更新 但需要啲時間
圖/文：雪碧走冰
--------------------------------------------
如果大家想支持文浩，歡迎訂閱、追踪：
patreon: https://www.patreon.com/manhoinjail
FB:文浩的365日
IG:manhoinjail
manhoinjail
文浩被指控為Suck Channel Owner (Sucker)一案
於今日2022年5月19日被判囚六年六個月
-
收信方面會有更新
有疑問/想寫信比文浩嘅都可以ig dm問
或者Tg dm @noicethankyou
所有dm會維持有限度嘅回覆
希望大家比少少空間文浩嘅家人
亦多謝大家一直支持文浩
*Patreon會更新 但需要啲時間
圖/文：雪碧走冰
--------------------------------------------
如果大家想支持文浩，歡迎訂閱、追踪：
patreon: https://www.patreon.com/manhoinjail
FB:文浩的365日
IG:manhoinjail
manhoinjail
【傑仔猛話好肚餓，有無嘢食】
由於加名入探訪名單的問題，傑仔判囚幾日後，朋友才能在荔枝角探到他、入物資給他。
隔住玻璃窗，一手提起電話，傑仔已急不及待問：哎呀，xx，你有無帶嘢食黎啊，好肚餓呀！
朋友：咩嘢食呀？
傑仔：餅干啊
朋友：果啲物資呀，判刑後就無架啦，還柙果啲先有架。
傑仔：我好肚餓呀，D飯好難食呀。
朋友：難食都要食架啦，無辦法呀。
朋友望到傑仔好失望的樣子：你無論如何閩要食飽個飯呀，一定要食呀！
傑仔：哦~
荔枝角D飯難食，全銀河系都知，幸好傑仔好快會過界到其他監獄，到時情況會好D。
如果大家想支持傑作渡過呢個難關，歡迎訂閱他的patreon：
https://www.patreon.com/kitjaihker
kitjaihker
由於加名入探訪名單的問題，傑仔判囚幾日後，朋友才能在荔枝角探到他、入物資給他。
隔住玻璃窗，一手提起電話，傑仔已急不及待問：哎呀，xx，你有無帶嘢食黎啊，好肚餓呀！
朋友：咩嘢食呀？
傑仔：餅干啊
朋友：果啲物資呀，判刑後就無架啦，還柙果啲先有架。
傑仔：我好肚餓呀，D飯好難食呀。
朋友：難食都要食架啦，無辦法呀。
朋友望到傑仔好失望的樣子：你無論如何閩要食飽個飯呀，一定要食呀！
傑仔：哦~
荔枝角D飯難食，全銀河系都知，幸好傑仔好快會過界到其他監獄，到時情況會好D。
如果大家想支持傑作渡過呢個難關，歡迎訂閱他的patreon：
https://www.patreon.com/kitjaihker
kitjaihker
為男手足徵筆友
*徵筆友的他現時身處成人監獄
手足背景/興趣如下：
🔆讀土木工程
🔆可與他研究物理、心理學、哲學
🔆最想做無國界工程師
🔆鍾意儲消防車、St. John車、工程車、戰艦模型
🔆鍾意睇天文書、歷史書、工程書
🔆鍾意思考
🔆鍾意數學丶計數
🔆鍾意捉象棋、黑白棋
🔆鍾意玩GTA、戰艦Game、神魔之塔
Pls DM @fung1seon3zi2
搵夠就del story🙏🏻💛
*徵筆友的他現時身處成人監獄
手足背景/興趣如下：
🔆讀土木工程
🔆可與他研究物理、心理學、哲學
🔆最想做無國界工程師
🔆鍾意儲消防車、St. John車、工程車、戰艦模型
🔆鍾意睇天文書、歷史書、工程書
🔆鍾意思考
🔆鍾意數學丶計數
🔆鍾意捉象棋、黑白棋
🔆鍾意玩GTA、戰艦Game、神魔之塔
Pls DM @fung1seon3zi2
搵夠就del story🙏🏻💛
29-4-2022（第一百二十一日）⭐️五 🌞
1. 有一日，我悟透咗一件事。我好嚴格，好多嘢我都認為係common sense。
但發現唔係，我太理所當然，記得以前工作都比老細s話過。
個陣未參透，依家明了。所以有日我寫低咗係我本記事簿到提醒自己，卻發現執行起嚟好難。😣
好似今日有個坐左9個月嘅倉友問：「個垃圾袋放邊？」我嚟咗第二日已經記得係邊到放，忍唔住講：「連我都知放邊喎！」佢扔低個袋：「咁你擺」個下忍唔到：「咁我出埋你份糧好唔好？」佢就走咗去了。我本身諗住睇返佢去放，但諗諗下，我記得唔等於人哋記得，亦諗諗下放個袋咁小事我係咪有必要話佢，最後我拎咗去放。
我諗有排先做到做人唔好咁嚴格，淨係睇佢哋9成人洗手唔用洗手液，我到依家都努力緊接受。
今日亦有另一位越南囚友（下稱A）推我，差啲仆直，佢已經唔係第一次。
少炆，佢唔識廣東話交流唔到。我同比較熟嘅越南囚友B講。
B：「大家文化唔同，你就下佢啦。佢邊到識？」我以為佢講地方文化差異。
我：「推人就唔啱啦！越南文化興推人㗎咩？！」
B：「人哋係農民，識嘅嘢唔多嘛。」
雖則我重係唔認同佢推人嘅行為，我每次都比佢好大力推開。但我的確無諗過人哋嘅出生，人哋接受嘅教育，我淨係認為唔啱，而無思考背後嘅原因。
Local Yeah本土野
1. 有一日，我悟透咗一件事。我好嚴格，好多嘢我都認為係common sense。
但發現唔係，我太理所當然，記得以前工作都比老細s話過。
個陣未參透，依家明了。所以有日我寫低咗係我本記事簿到提醒自己，卻發現執行起嚟好難。😣
好似今日有個坐左9個月嘅倉友問：「個垃圾袋放邊？」我嚟咗第二日已經記得係邊到放，忍唔住講：「連我都知放邊喎！」佢扔低個袋：「咁你擺」個下忍唔到：「咁我出埋你份糧好唔好？」佢就走咗去了。我本身諗住睇返佢去放，但諗諗下，我記得唔等於人哋記得，亦諗諗下放個袋咁小事我係咪有必要話佢，最後我拎咗去放。
我諗有排先做到做人唔好咁嚴格，淨係睇佢哋9成人洗手唔用洗手液，我到依家都努力緊接受。
今日亦有另一位越南囚友（下稱A）推我，差啲仆直，佢已經唔係第一次。
少炆，佢唔識廣東話交流唔到。我同比較熟嘅越南囚友B講。
B：「大家文化唔同，你就下佢啦。佢邊到識？」我以為佢講地方文化差異。
我：「推人就唔啱啦！越南文化興推人㗎咩？！」
B：「人哋係農民，識嘅嘢唔多嘛。」
雖則我重係唔認同佢推人嘅行為，我每次都比佢好大力推開。但我的確無諗過人哋嘅出生，人哋接受嘅教育，我淨係認為唔啱，而無思考背後嘅原因。
Local Yeah本土野
30-4-2022（第一百二十二日）⭐️六 ☁️
1. 今日係不斷清潔嘅日子，朝早係倉負責拖地，係工場上午洗一次廁所，下午洗一次廁所。返Day room洗風機，再洗地。
由頭濕到落腳，又熱又攰又污糟。⬆️洗風機前要撩塵出嚟。我負責爬上去整，整個人都係塵-^- 而我今日排最尾沖涼，惟有坐係到寫下信等下先～
2. 最近返工嘅口頭禪：「我好肚餓！」
唔知點解一做嘢就餓，肚生蟲！五月五先出糧😣
3. Minion有日問我：「監獄有無咩術語or講嘅嘢？」佢就走想學。
因為我哋嚟到無人會講，我都無再用～每日都諗起先教佢～咁就同大家介紹埋：
「Black叻Jack」—— 我唔識解釋，佢哋會講：「屙到Black叻Jack」，我淨係知源於Black Jack。
「拖嘢」—— 指係飯堂偷袋嘢返倉，例如：「有無拖嘢啊？」⬅️姑娘問
「乜」—— 係我哋隻杯嘅叫法，例如：「有無見過我隻乜」
「手袋」—— 房用嘅水樽，例如：「記得拎手袋」⬅️即係拎水返倉
「細毛」、「中毛」—— 毛巾，細同中size之分。大毛呢？沖涼毛巾～但唔叫大毛～
「米笠」—— 大腩先有嘅米色衛衣
「貓」—— 收音機，例如：「有X X聽，快啲聽貓」
「大貓」—— 中央廣播收音機，例如：「今晚大貓又係音樂情人」
「貓糧」—— 電池，例如：「我隻貓要食貓糧啊！」
「貓鬚」—— 耳筒，例如：「仆街貓鬚斷咗！」
「美金」—— Tempo紙巾，例如：「嘩，你咁奢侈用美金嘅？」
「贏」—— 書，例如：「有無人借贏啊？」
「襯」—— 仇人/ 有仇，例如：「依家係咪同你有襯啊？咁大整古？」
「老細」—— 正莊姑娘，負責我哋期數der
「糧袋」—— 一個出入用嘅白色透明袋，放自己物品帶出倉。
「磅豬」—— 磅重～
講住咁多先～唔記得了XD
4. 依家先知5-10年監禁有下限，個下限認咗居然無得扣3分1。不理解。
Local Yeah本土野
1. 今日係不斷清潔嘅日子，朝早係倉負責拖地，係工場上午洗一次廁所，下午洗一次廁所。返Day room洗風機，再洗地。
由頭濕到落腳，又熱又攰又污糟。⬆️洗風機前要撩塵出嚟。我負責爬上去整，整個人都係塵-^- 而我今日排最尾沖涼，惟有坐係到寫下信等下先～
2. 最近返工嘅口頭禪：「我好肚餓！」
唔知點解一做嘢就餓，肚生蟲！五月五先出糧😣
3. Minion有日問我：「監獄有無咩術語or講嘅嘢？」佢就走想學。
因為我哋嚟到無人會講，我都無再用～每日都諗起先教佢～咁就同大家介紹埋：
「Black叻Jack」—— 我唔識解釋，佢哋會講：「屙到Black叻Jack」，我淨係知源於Black Jack。
「拖嘢」—— 指係飯堂偷袋嘢返倉，例如：「有無拖嘢啊？」⬅️姑娘問
「乜」—— 係我哋隻杯嘅叫法，例如：「有無見過我隻乜」
「手袋」—— 房用嘅水樽，例如：「記得拎手袋」⬅️即係拎水返倉
「細毛」、「中毛」—— 毛巾，細同中size之分。大毛呢？沖涼毛巾～但唔叫大毛～
「米笠」—— 大腩先有嘅米色衛衣
「貓」—— 收音機，例如：「有X X聽，快啲聽貓」
「大貓」—— 中央廣播收音機，例如：「今晚大貓又係音樂情人」
「貓糧」—— 電池，例如：「我隻貓要食貓糧啊！」
「貓鬚」—— 耳筒，例如：「仆街貓鬚斷咗！」
「美金」—— Tempo紙巾，例如：「嘩，你咁奢侈用美金嘅？」
「贏」—— 書，例如：「有無人借贏啊？」
「襯」—— 仇人/ 有仇，例如：「依家係咪同你有襯啊？咁大整古？」
「老細」—— 正莊姑娘，負責我哋期數der
「糧袋」—— 一個出入用嘅白色透明袋，放自己物品帶出倉。
「磅豬」—— 磅重～
講住咁多先～唔記得了XD
4. 依家先知5-10年監禁有下限，個下限認咗居然無得扣3分1。不理解。
Local Yeah本土野
誠徵二手書
交收/郵寄地點: 北區
(詳情DM)
收:
-人文史地
-圖文/漫畫書 ( 唔好美食)
-自然科學
-社會科學
-小說
-期刊
不收/ 需除去
-硬皮書、線裝書、釘裝
-劃花塗鴉、簽名、貼紙、金粉
- 不可有色情、暴力等內容
shirleyswine_2.0
交收/郵寄地點: 北區
(詳情DM)
收:
-人文史地
-圖文/漫畫書 ( 唔好美食)
-自然科學
-社會科學
-小說
-期刊
不收/ 需除去
-硬皮書、線裝書、釘裝
-劃花塗鴉、簽名、貼紙、金粉
- 不可有色情、暴力等內容
shirleyswine_2.0
1-5-2022（第一百二十三日）⭐️日
1. 有啲倉友會叫倉做屋企，佢哋同我講的話我會話：「個到只係監倉咋，我屋企唔係嚟到。」
啲囚友嘅刑期都無我咁長，佢哋前幾日同我講坐咁耐好難捱，我話：「我嚟體驗下坐監生活。」-v-
坐監，係由細到大成人對小朋友嘅恐嚇，係電視劇嘅誇大手法誤導。其實好普通，如同入咗寄宿黑工工廠XD
包3餐，仲衰過黑工嘅人工，打風落雨都唔驚，所以理解點解有人故意犯法嚟坐為免三餐不繼。
有時都覺得難捱，但覺得浪費時間難捱啲，要用盡我係到有嘅時間。依家報緊course進修下。（雖則好貴😣）每朝都抽時間同字典共處溫生字XD 夜晚當然係做運動同回信～
我希望係為自己有得著咁出冊，我亦將捱嘅時間盡量減低。好好裝備自己。Minion問過我：「你係出面係咪都咁鍾意學習？」😆我表示學嘅嘢唔同，我比較好動。過去2年學識咗定點射擊，射箭，獨木舟個啲等等。未來2年就拎起書～
願我能堅持到底，嗯嗯！
我嘅計劃：
起身：溫生字➡️返工➡️下午：讀書（之後打算申請下午唔返工）➡️夜晚：寫信，運動
作為一個向來都隨心所欲嘅人咁有計劃制定恆常，真係想笑XD
2. 啲字努力靚咗㗎啦，都睇唔到嘅話，戴眼鏡啦！😆
有覺得靚咗麻煩讚我！讚我啊！無就唔洗話我知-3-
3. 有囚友整咗蛋糕分享我食～好好味！佢話聽日再整嘢我食～Happy❤️
4. 今日磅咗豬，輕咗少少only😣 已經是全期數最輕嘅人，係我輕定大家重😰
Local Yeah本土野
1. 有啲倉友會叫倉做屋企，佢哋同我講的話我會話：「個到只係監倉咋，我屋企唔係嚟到。」
啲囚友嘅刑期都無我咁長，佢哋前幾日同我講坐咁耐好難捱，我話：「我嚟體驗下坐監生活。」-v-
坐監，係由細到大成人對小朋友嘅恐嚇，係電視劇嘅誇大手法誤導。其實好普通，如同入咗寄宿黑工工廠XD
包3餐，仲衰過黑工嘅人工，打風落雨都唔驚，所以理解點解有人故意犯法嚟坐為免三餐不繼。
有時都覺得難捱，但覺得浪費時間難捱啲，要用盡我係到有嘅時間。依家報緊course進修下。（雖則好貴😣）每朝都抽時間同字典共處溫生字XD 夜晚當然係做運動同回信～
我希望係為自己有得著咁出冊，我亦將捱嘅時間盡量減低。好好裝備自己。Minion問過我：「你係出面係咪都咁鍾意學習？」😆我表示學嘅嘢唔同，我比較好動。過去2年學識咗定點射擊，射箭，獨木舟個啲等等。未來2年就拎起書～
願我能堅持到底，嗯嗯！
我嘅計劃：
起身：溫生字➡️返工➡️下午：讀書（之後打算申請下午唔返工）➡️夜晚：寫信，運動
作為一個向來都隨心所欲嘅人咁有計劃制定恆常，真係想笑XD
2. 啲字努力靚咗㗎啦，都睇唔到嘅話，戴眼鏡啦！😆
有覺得靚咗麻煩讚我！讚我啊！無就唔洗話我知-3-
3. 有囚友整咗蛋糕分享我食～好好味！佢話聽日再整嘢我食～Happy❤️
4. 今日磅咗豬，輕咗少少only😣 已經是全期數最輕嘅人，係我輕定大家重😰
Local Yeah本土野
經過三個月的審訊，案件現時已聆訊完成，押後至7月宣判。
或許在兩年前，我還會認為「有得打」。畢竟控方證據薄弱，就連拘捕我的警員也消失得無影無蹤，從來沒有出現過。而確實這兩年也偶有一些脫罪個案，例如中大11.12案就有兩名被告裁定罪名不成立，理由為控方「未能證明被告在言行直接或間接參與暴動」。
但自從上年11月的終審判決，何謂「參與」進一步被釐清，而律政司也好像打了支強心針般，知道無需要實質舉證也能定罪，連以往那含糊脫罪的空間也不復見。今時今日只憑一個人身處現場和擁有「一般示威者裝備」就足以讓法庭推論至毫無合理疑點。涵蓋範圍之闊，讓最近的判決幾近百分百入罪。
大勢至此，只能有所覺悟作出最壞打算。
這包括做好入獄的準備，例如書單、探訪名單、物資等。而Patreon也是我想透過這兩個月的空窗期建立好的一件事情。當我想像自己未來三年都會在牢中度過，其中最擔心的必然是孤獨感和終日重重複複的生活。那種心理上的拆磨我相信非現時所能想像。就算準備再好，再叫自己如何坦然面對，當真正步入監倉時那份恐懼和不捨定必很痛苦。這時候書寫文字確實是一個很好的心理出口。用文字整理思緒，再與你們分享，藉此與牆外世界連繫。
同時間我也要老實，經營Patreon是為了未來三年都有些收入，不至於歸零。就算每個月幾千元，以三年計也是一筆可觀的數目。更何況本來坐監也要用錢，進修、讀書、報紙雜誌、日用品等等。
自從畢業後就一直在拍YouTube，幾年來有幸能以自己所長拍片為生，也慢慢開拓了不同領域，例如旅遊。同時也有努力做好自己的CV，經營製作公司，拍過各式廣告也有固定客戶。本來26歲這仕途才剛起步，未來也充滿很多可能性，卻在這時候開始了一場漫長的官司。曾經想過要是僥倖脫罪，我會離開香港旅居拍片。我夢想三十歲前環遊世界，當個digital nomad一邊旅行一邊拍片。這種digital nomad的生活型態其實在外國見慣不怪，在現今自媒體世代也很流行，很多我喜愛的創作者也是以此方式邊生活邊創作。這種生活就算只有一年也足以無憾。
現在轉而執筆是從來沒想過的事。我非文字工作者，墨水有限。同時也沒想過要在公共領域如此貼近政治。美麗新香港下就算Patreon寫文也得小心，同時若果這個僅餘無幾的空間未來被「整頓」也不是什麼驚奇的事。即使如此，也想透過這裡好好寫字，繼而梳理自己與這座城市千絲萬縷的關係。比起隱藏創傷，假裝坦然，或許寫出來更能真正面對。
➡️Patreon - https://www.patreon.com/aumanyick
Auman
或許在兩年前，我還會認為「有得打」。畢竟控方證據薄弱，就連拘捕我的警員也消失得無影無蹤，從來沒有出現過。而確實這兩年也偶有一些脫罪個案，例如中大11.12案就有兩名被告裁定罪名不成立，理由為控方「未能證明被告在言行直接或間接參與暴動」。
但自從上年11月的終審判決，何謂「參與」進一步被釐清，而律政司也好像打了支強心針般，知道無需要實質舉證也能定罪，連以往那含糊脫罪的空間也不復見。今時今日只憑一個人身處現場和擁有「一般示威者裝備」就足以讓法庭推論至毫無合理疑點。涵蓋範圍之闊，讓最近的判決幾近百分百入罪。
大勢至此，只能有所覺悟作出最壞打算。
這包括做好入獄的準備，例如書單、探訪名單、物資等。而Patreon也是我想透過這兩個月的空窗期建立好的一件事情。當我想像自己未來三年都會在牢中度過，其中最擔心的必然是孤獨感和終日重重複複的生活。那種心理上的拆磨我相信非現時所能想像。就算準備再好，再叫自己如何坦然面對，當真正步入監倉時那份恐懼和不捨定必很痛苦。這時候書寫文字確實是一個很好的心理出口。用文字整理思緒，再與你們分享，藉此與牆外世界連繫。
同時間我也要老實，經營Patreon是為了未來三年都有些收入，不至於歸零。就算每個月幾千元，以三年計也是一筆可觀的數目。更何況本來坐監也要用錢，進修、讀書、報紙雜誌、日用品等等。
自從畢業後就一直在拍YouTube，幾年來有幸能以自己所長拍片為生，也慢慢開拓了不同領域，例如旅遊。同時也有努力做好自己的CV，經營製作公司，拍過各式廣告也有固定客戶。本來26歲這仕途才剛起步，未來也充滿很多可能性，卻在這時候開始了一場漫長的官司。曾經想過要是僥倖脫罪，我會離開香港旅居拍片。我夢想三十歲前環遊世界，當個digital nomad一邊旅行一邊拍片。這種digital nomad的生活型態其實在外國見慣不怪，在現今自媒體世代也很流行，很多我喜愛的創作者也是以此方式邊生活邊創作。這種生活就算只有一年也足以無憾。
現在轉而執筆是從來沒想過的事。我非文字工作者，墨水有限。同時也沒想過要在公共領域如此貼近政治。美麗新香港下就算Patreon寫文也得小心，同時若果這個僅餘無幾的空間未來被「整頓」也不是什麼驚奇的事。即使如此，也想透過這裡好好寫字，繼而梳理自己與這座城市千絲萬縷的關係。比起隱藏創傷，假裝坦然，或許寫出來更能真正面對。
➡️Patreon - https://www.patreon.com/aumanyick
Auman