22/4/2022（第一百一十四日）⭐️五
1. 粗心大意同細心，係我成日聽人讚同我講嘅說話，到底我係粗心定細心呢？嚟2樣嘢明明係對立，點解會都存在係我身上？嚟2點真係可以共存？我參唔透，我淨係知我今日係粗心大意嘅我。返2日工，2日都漏咗牌仔，今次仲要搵唔返添。只可以等聽日返工場搵下，搵唔到我就大鑊。根據喺大腩習得嘅知識，唔見牌仔係好嚴重嘅事，唔知洗唔洗鎖su添。-^- 搵極都搵唔到，我預比老細鬧。我行埋去：「對唔住老細，我搵唔到個牌仔……」佢：「食飯先」😨我個陣諗：「可能老細擔心鬧完我我食唔落飯，返倉先鬧」所以我成程頭DupDup。隨時鬧得，始終真係我唔啱，比人鬧無可避免。點知，佢直至收工（⬅️佢收工）都無鬧我😨
有囚友話：「你好彩，你冇俾人鬧嘅原因係：你後生，你仲係新人，同你係香港人，個次啊xx……」佢就分享我老細有幾惡……😣
另一個囚友：「唔係啦，係你即刻去咗道歉佢就唔會鬧。」
我唔知係咩原因，不過聽朝仍存在被鬧嘅危機，因為我係工場都搵唔到就好大鑊。如果聽日搵得返，我會放佢係個bra到，咪再唔見！😣
（事緣我係要負責用&keep較剪嘅人，要用牌仔借。個牌仔要拎出嚟，用完要收返埋。）
2. 返工啲時間真係快過好多，做做下就食lunch，做做下又dinner，仲要做運動。依家要夜晚先寫信😣（我仲要有睇viutv套大發不動產～睇埋都9:30，我依家10:30就瞓上床Der）得返好少時間寫信，仲諗住報course……
（啲信未覆曬～😫我知你哋唔會嬲嘅，應該）
3. 唔係好啱做咁勞動性嘅工作，右手發炎ed-v-不斷搬箱pack箱。可能到時出冊唔係老鼠仔💪🏻⬅️手 係大老鼠💪🏻⬅️手😆✨ 不過要對手捱得住先～
4. 今日姑娘見到我手上拎住本書，佢：「嘩！你睇埋啲咁難嘅嘢嘅？」
我望一望我手上本書……um……我：「唔係啊……」佢：「咁本書講咩㗎」我：「以前嘅香港」我個陣拎住本《古事尋源——殖民地以外你要知道的事》😆所以我真係唔知難喺邊XD個下諗起有🥕睇法醫書。⬅️真係難。同有fd話睇緊《論李維羅駛》XD我個啲好普通😆（小知識分享：天后=媽祖）
5. 終於有返每月探訪，每次2個人。Yeah!
是咪可以見朋友了✨掛住大家～有晚太掛住每位親朋戚友，同相片嘅每一位逐個講早抖先瞓。嘻～早抖❤️
Local Yeah本土野
1. 粗心大意同細心，係我成日聽人讚同我講嘅說話，到底我係粗心定細心呢？嚟2樣嘢明明係對立，點解會都存在係我身上？嚟2點真係可以共存？我參唔透，我淨係知我今日係粗心大意嘅我。返2日工，2日都漏咗牌仔，今次仲要搵唔返添。只可以等聽日返工場搵下，搵唔到我就大鑊。根據喺大腩習得嘅知識，唔見牌仔係好嚴重嘅事，唔知洗唔洗鎖su添。-^- 搵極都搵唔到，我預比老細鬧。我行埋去：「對唔住老細，我搵唔到個牌仔……」佢：「食飯先」😨我個陣諗：「可能老細擔心鬧完我我食唔落飯，返倉先鬧」所以我成程頭DupDup。隨時鬧得，始終真係我唔啱，比人鬧無可避免。點知，佢直至收工（⬅️佢收工）都無鬧我😨
有囚友話：「你好彩，你冇俾人鬧嘅原因係：你後生，你仲係新人，同你係香港人，個次啊xx……」佢就分享我老細有幾惡……😣
另一個囚友：「唔係啦，係你即刻去咗道歉佢就唔會鬧。」
我唔知係咩原因，不過聽朝仍存在被鬧嘅危機，因為我係工場都搵唔到就好大鑊。如果聽日搵得返，我會放佢係個bra到，咪再唔見！😣
（事緣我係要負責用&keep較剪嘅人，要用牌仔借。個牌仔要拎出嚟，用完要收返埋。）
2. 返工啲時間真係快過好多，做做下就食lunch，做做下又dinner，仲要做運動。依家要夜晚先寫信😣（我仲要有睇viutv套大發不動產～睇埋都9:30，我依家10:30就瞓上床Der）得返好少時間寫信，仲諗住報course……
（啲信未覆曬～😫我知你哋唔會嬲嘅，應該）
3. 唔係好啱做咁勞動性嘅工作，右手發炎ed-v-不斷搬箱pack箱。可能到時出冊唔係老鼠仔💪🏻⬅️手 係大老鼠💪🏻⬅️手😆✨ 不過要對手捱得住先～
4. 今日姑娘見到我手上拎住本書，佢：「嘩！你睇埋啲咁難嘅嘢嘅？」
我望一望我手上本書……um……我：「唔係啊……」佢：「咁本書講咩㗎」我：「以前嘅香港」我個陣拎住本《古事尋源——殖民地以外你要知道的事》😆所以我真係唔知難喺邊XD個下諗起有🥕睇法醫書。⬅️真係難。同有fd話睇緊《論李維羅駛》XD我個啲好普通😆（小知識分享：天后=媽祖）
5. 終於有返每月探訪，每次2個人。Yeah!
是咪可以見朋友了✨掛住大家～有晚太掛住每位親朋戚友，同相片嘅每一位逐個講早抖先瞓。嘻～早抖❤️
Local Yeah本土野
To 我愛的XXX：
話咁快到小弟最鍾意嘅節日農曆新年！喺到再拜個年先，祝新年快樂，大吉大利，龍馬精神，爭龍活虎，最重要係身體健康！喺入面依個新年經小弟嘅內心統計，初一大家見到面第一句講得最多嘅恭喜說話唔係「新年快樂」，喺「身體健康」。第二句喺「恭喜發財」，之後先到「新年快樂」。唔知係咪大家覺得喺入面好難有快樂，所以寧願祝身體健康同多啲錢，用可以量度嘅事物作祝福，望落較實在，好過不知名嘅「快樂」。不過Anyway，今個新年總算過得好有氣氛。
以前兩年監房嘅新年都冇食過監房飯，去咗食私飯，最後一年監房新年終於食到年三十晚雞脾，初一燜齊，初二臘腸。不過新年食乜唔係最重要，重點係同邊個食。之前兩年食私飯最多係二人限聚，點同今年可以喺飯堂食，一大班人食咁有氣氛。暫時香港6點後仲有堂食嘅地方應該得返監房咋。果然就算係私飯幾好食都好，都唔及一班朋友食監房新年飯。上年喺赤柱過新年毫無新年氣氛，最多幾條友講下句新年快樂，仲要係hea講。石壁就唔同，新年氣氛分分鐘濃過出面。「原來依到新年咁有氣氛！」我一臉興奮咁講。「氣氛依家野係做出黎㗎姐。」一位資深所員同我講。小弟記得之前信中亦講過差唔多嘅說話，不過之前係內化，係自己內在腦補做氣氛，今個新年唔同，真係造氣氛畀你睇。一出倉就唔停止咁拜年，大家一齊爆野食，成班人睇賀歲片，應該出面都冇咁好氣氛吧？因為已絕無僅有，所以更加識放大快樂。仲有，原來監房對新年傳統嘅重視程度比起小弟喺出面更重。初一開始唔可以拎掃把，唔好講「書」講「勝」，啲嘢要食淨，唔會洗頭，準時年廿八大掃除（依點係小弟覺得最有氣氛）出面只係做個樣，入面係會真做。
好好奇出面2022嘅新年，大家係點過？相信冇人幻想到2022年嘅新年仲要戴住口罩過，當然，小弟亦幻想唔到出冊之前會面對監房防疫冇得申請額外探訪。睇怕依個虎年更加多嘢係估唔到。依個新年，到將來可以同返個仔講有幾難忘。其實我都幾鍾意。
尚千赴戎
木何懼火
06-02-2022
words.beyond.wall
話咁快到小弟最鍾意嘅節日農曆新年！喺到再拜個年先，祝新年快樂，大吉大利，龍馬精神，爭龍活虎，最重要係身體健康！喺入面依個新年經小弟嘅內心統計，初一大家見到面第一句講得最多嘅恭喜說話唔係「新年快樂」，喺「身體健康」。第二句喺「恭喜發財」，之後先到「新年快樂」。唔知係咪大家覺得喺入面好難有快樂，所以寧願祝身體健康同多啲錢，用可以量度嘅事物作祝福，望落較實在，好過不知名嘅「快樂」。不過Anyway，今個新年總算過得好有氣氛。
以前兩年監房嘅新年都冇食過監房飯，去咗食私飯，最後一年監房新年終於食到年三十晚雞脾，初一燜齊，初二臘腸。不過新年食乜唔係最重要，重點係同邊個食。之前兩年食私飯最多係二人限聚，點同今年可以喺飯堂食，一大班人食咁有氣氛。暫時香港6點後仲有堂食嘅地方應該得返監房咋。果然就算係私飯幾好食都好，都唔及一班朋友食監房新年飯。上年喺赤柱過新年毫無新年氣氛，最多幾條友講下句新年快樂，仲要係hea講。石壁就唔同，新年氣氛分分鐘濃過出面。「原來依到新年咁有氣氛！」我一臉興奮咁講。「氣氛依家野係做出黎㗎姐。」一位資深所員同我講。小弟記得之前信中亦講過差唔多嘅說話，不過之前係內化，係自己內在腦補做氣氛，今個新年唔同，真係造氣氛畀你睇。一出倉就唔停止咁拜年，大家一齊爆野食，成班人睇賀歲片，應該出面都冇咁好氣氛吧？因為已絕無僅有，所以更加識放大快樂。仲有，原來監房對新年傳統嘅重視程度比起小弟喺出面更重。初一開始唔可以拎掃把，唔好講「書」講「勝」，啲嘢要食淨，唔會洗頭，準時年廿八大掃除（依點係小弟覺得最有氣氛）出面只係做個樣，入面係會真做。
好好奇出面2022嘅新年，大家係點過？相信冇人幻想到2022年嘅新年仲要戴住口罩過，當然，小弟亦幻想唔到出冊之前會面對監房防疫冇得申請額外探訪。睇怕依個虎年更加多嘢係估唔到。依個新年，到將來可以同返個仔講有幾難忘。其實我都幾鍾意。
尚千赴戎
木何懼火
06-02-2022
words.beyond.wall
23/4/2022（第一百一十五日）⭐️六
1. 見到朋友仔判3年。好鄧佢哋高興，比想像中少。早啲出去。
同時唔理解我哋點解多咁多-^- Btw⬆️一日都嫌多。
2. 我個牌仔真係失咗蹤😨我係工場搵唔到，好淆咁行埋去整緊擴音器嘅老細到。我：「老細……我搵唔到個牌仔……」老細就係我正前方10 cm距離㩒着個咪：「咁你想點啊！」😣然後佢叫我行埋一邊唔好阻住佢，諗到過去同佢講，而我是完全諗唔到Der……我直接去咗努力工作，無搵過老細😣做做下嘢聽到：「XX（⬅️我真名後名2隻字）～」我秒速衝去老細前面，佢問我係咪真係搵曬？我話係。佢幫我叫機房（⬅️洗衫工場）搵過都搵唔到。要報比上頭聽，要寫statement😢老細話下次就真係炳，今次就算。唔見牌仔事件，完。
3. 咁我老細係咪唔惡呢？唔係……我又見識到佢鬧人了，而個人已被送去su了。我為我嘅乖巧感到好彩，如果唔係比人Diu到七彩嘅會係我～
4. 有Minion嚟咗我個倉～雖則佢好快走，但會好好照顧佢～放心～
佢取替咗我年紀最細嘅地位😣
不過佢哋個個（包括佢本人）都覺得我個樣後生過佢，然後我開心咗好耐～
5. 今日午餐好飽～佢哋比咗好多嘢我食～要變肥妹仔了！ ？
Local Yeah本土野
1. 見到朋友仔判3年。好鄧佢哋高興，比想像中少。早啲出去。
同時唔理解我哋點解多咁多-^- Btw⬆️一日都嫌多。
2. 我個牌仔真係失咗蹤😨我係工場搵唔到，好淆咁行埋去整緊擴音器嘅老細到。我：「老細……我搵唔到個牌仔……」老細就係我正前方10 cm距離㩒着個咪：「咁你想點啊！」😣然後佢叫我行埋一邊唔好阻住佢，諗到過去同佢講，而我是完全諗唔到Der……我直接去咗努力工作，無搵過老細😣做做下嘢聽到：「XX（⬅️我真名後名2隻字）～」我秒速衝去老細前面，佢問我係咪真係搵曬？我話係。佢幫我叫機房（⬅️洗衫工場）搵過都搵唔到。要報比上頭聽，要寫statement😢老細話下次就真係炳，今次就算。唔見牌仔事件，完。
3. 咁我老細係咪唔惡呢？唔係……我又見識到佢鬧人了，而個人已被送去su了。我為我嘅乖巧感到好彩，如果唔係比人Diu到七彩嘅會係我～
4. 有Minion嚟咗我個倉～雖則佢好快走，但會好好照顧佢～放心～
佢取替咗我年紀最細嘅地位😣
不過佢哋個個（包括佢本人）都覺得我個樣後生過佢，然後我開心咗好耐～
5. 今日午餐好飽～佢哋比咗好多嘢我食～要變肥妹仔了！ ？
Local Yeah本土野
昨天豪仔已被判刑，2項罪名合共刑期42個月。
其中1個月同期執行，另外無案底及求情合共扣減4個月，最後需囚37個月。
多謝有參與聯署求情信，及有關注豪仔一事的大家。無論結果理想與否，我們都該收拾心情好好生活、好好工作了，就像豪仔仍在我們身邊時一樣。唯一不同的是，我要透過書信才能與他分享生活的點滴了。
如果有客人希望寫信給豪仔(他6月頭生日☺️)，歡迎到深水埗門市交給我們，我們會轉寄到豪仔手上，讓他好好感受大家對他的愛。
隨post附上帝皇式享受的MK，與飾演肉櫈的陳生。
ladybirds54
其中1個月同期執行，另外無案底及求情合共扣減4個月，最後需囚37個月。
多謝有參與聯署求情信，及有關注豪仔一事的大家。無論結果理想與否，我們都該收拾心情好好生活、好好工作了，就像豪仔仍在我們身邊時一樣。唯一不同的是，我要透過書信才能與他分享生活的點滴了。
如果有客人希望寫信給豪仔(他6月頭生日☺️)，歡迎到深水埗門市交給我們，我們會轉寄到豪仔手上，讓他好好感受大家對他的愛。
隨post附上帝皇式享受的MK，與飾演肉櫈的陳生。
ladybirds54
24/4/2022（第一百一十六日）⭐️日 ☀️好熱
1. 原來！Lo Wu都有波子棋🤩所以我由朝早9:00玩到下午5:00～
頭都痛埋～又教Minion捉波子棋😆佢學得好快～
2. 捉棋嘅原故，我未寫信。本身今日嘅計劃係全日覆信～覆唔切Lu～😩
諗住畫畫～無畫到Lu～
3. 30℃仲着緊長袖衫，要5月先轉季換短袖衫（重係長褲-v-）
好熱，放風時我一向會圍住籃球場行。囚友：「啊妹！好熱啊！唔好行啦！」我受到誘惑～企咗係側邊休息，頂唔順。
4. 赴湯話好多信像素太低，真係睇唔清。我見到好多字，但一隻字都睇唔到😣我好想睇啊。如果你係手寫信然後影比赴湯比我的話，想麻煩你哋影多次。（可裝scan文件嘅app，會清好多。唔知我啲信屋企人有無用scan功能呢～如果無，可唔可以搵人教我屋企人XD佢哋未必識～thanks）等大家嘅信❤️
5. 有得睇chill club頒獎禮，好開心啊！但係睇唔曬😩sad咗啲～由8:30睇到10:45算係咁😣等大家嘅信再話我知～
6. 全日都係愉快咁過～「食得瞓得坐少三分一」⬅️真
一大早好多人投食，一邊捉棋一邊食，食到下午再被投食，Loop住食～
食到晚餐食餸都飽～全日食玩睇電視。Happy！❤️
我依家要夜晚八點關曬燈寫緊呢段-^-時日太快～
Local Yeah本土野
1. 原來！Lo Wu都有波子棋🤩所以我由朝早9:00玩到下午5:00～
頭都痛埋～又教Minion捉波子棋😆佢學得好快～
2. 捉棋嘅原故，我未寫信。本身今日嘅計劃係全日覆信～覆唔切Lu～😩
諗住畫畫～無畫到Lu～
3. 30℃仲着緊長袖衫，要5月先轉季換短袖衫（重係長褲-v-）
好熱，放風時我一向會圍住籃球場行。囚友：「啊妹！好熱啊！唔好行啦！」我受到誘惑～企咗係側邊休息，頂唔順。
4. 赴湯話好多信像素太低，真係睇唔清。我見到好多字，但一隻字都睇唔到😣我好想睇啊。如果你係手寫信然後影比赴湯比我的話，想麻煩你哋影多次。（可裝scan文件嘅app，會清好多。唔知我啲信屋企人有無用scan功能呢～如果無，可唔可以搵人教我屋企人XD佢哋未必識～thanks）等大家嘅信❤️
5. 有得睇chill club頒獎禮，好開心啊！但係睇唔曬😩sad咗啲～由8:30睇到10:45算係咁😣等大家嘅信再話我知～
6. 全日都係愉快咁過～「食得瞓得坐少三分一」⬅️真
一大早好多人投食，一邊捉棋一邊食，食到下午再被投食，Loop住食～
食到晚餐食餸都飽～全日食玩睇電視。Happy！❤️
我依家要夜晚八點關曬燈寫緊呢段-^-時日太快～
Local Yeah本土野
【見到未？呢D就係肌肉呀！】
今日見琴晚瞓得唔錯，於是想做下少少高強度運動。12點時跑左5、6個圈，一圈大約300米多D，之後做3set動作，10下掌上壓，15下深蹲，登山跑30下，撐地側提腿左右各10下…當HIIT咁做，1個動作做完休息10-15S去下一個動作，結果呢個係3個月前只係日常訓練用、減腦用既運動…做完已經成個人唔太郁得…''Orz…因為之前有4、5 個月偷懶左…一個星期可能只做1、2次…依家…唉，睇黎要比返多D心機操返fit自己先得…
話說新同房黎左3日，係一個肥仔，sor，唔可以叫仔，已經係「佬」，只係睇落仲有二十幾，平時行為、思維、談吐同個中學雞差唔多，所以令我覺得仲係「仔」咁…XDDD。入左黎幾日，我依然貫徹唔太理人做自己野原則，觀察左幾晚，係前晚發現左一個比較驚嚇既事，當時星期日，我聽緊903國民教育，去到10點半時，肥仔瞓到成隻豬咁，咁佢突然 醒一醒咁，之後竟然開左條朱古力條，啪一粒一口，之後繼續瞓！=口='''！如是者重覆左3次 …我真係唔太明亦唔太理解呢個行為…''Orz。另外佢亦有另一習慣，因為佢有哮喘，咁哮喘有一隻噴霧式既吸入藥物，之後佢又會食煙，於是神奇既事發生，佢每次食煙前會先索幾啖哮喘藥，跟住再點煙…其實咁係為左食煙唔發作哮喘呀，定係延長壽命既食法呢？我真係唔知，而講到底，點解哮喘仲要食煙呢？呢個先係一個問題…
另外今日開始畫新畫，今次挑戰全圖+背景+彩色，係一隻機械人黎，唔係D特別既機械人，真實系la，草圖完成左，依家做緊細緻化，出返上色之前既線稿，唔知今次成品又會點呢？或者可以當係插畫練習，有齊背景、色彩、場景，Em…真係一張標準插畫…好la，希望下星期一前完成la，即係呢5日內要finish佢！hahaha，比自己一D壓力極速完成佢！或者將來有機會接人地project。可能得4日時間添XDDD。但係路有D遠，依家只係「copy」既地步，仲未到「原創」既level。2樣野完全係2件事！但我諗係我做「格劍」時就算我幾唔想都好，都會自己跳左去「原創」既地步…Em…有D怕添XDDD，希望到時唔好爛左la，始終寫小說完全係另一件事：)，不過連設定到畫都自己一手包辦個感覺一定好好玩！XDDD，就當係一種樂趣la：)，我諗可以放3-5年入去呢種創作。
突然諗起左以前中學時代有一個怕羞宅男，4眼，一個「毒」樣，事實上佢亦係。當時佢都好中意動漫畫角色，仲好勁，估唔到我依家居然會做一模一樣既事，而且仲有過之而無不及既感覺…另外，呢到D人畫畫畫公仔係「印」線條出黎，得我一個係「畫」出黎…而且原圖/參考圖本身可能只得5-10cm大，但我就要畫A4 size出黎咁，基本上每張你見到既S作畫signature都係咁樣畫出黎，畫畫擦擦改改…所以有時D手腳比例會有D唔啱…XDDD。
2022.4.13
--------------------------------------------
如果大家想支持文浩，歡迎訂閱、追踪：
patreon: https://www.patreon.com/manhoinjail
FB:文浩的365日
IG:manhoinjail
manhoinjail
今日見琴晚瞓得唔錯，於是想做下少少高強度運動。12點時跑左5、6個圈，一圈大約300米多D，之後做3set動作，10下掌上壓，15下深蹲，登山跑30下，撐地側提腿左右各10下…當HIIT咁做，1個動作做完休息10-15S去下一個動作，結果呢個係3個月前只係日常訓練用、減腦用既運動…做完已經成個人唔太郁得…''Orz…因為之前有4、5 個月偷懶左…一個星期可能只做1、2次…依家…唉，睇黎要比返多D心機操返fit自己先得…
話說新同房黎左3日，係一個肥仔，sor，唔可以叫仔，已經係「佬」，只係睇落仲有二十幾，平時行為、思維、談吐同個中學雞差唔多，所以令我覺得仲係「仔」咁…XDDD。入左黎幾日，我依然貫徹唔太理人做自己野原則，觀察左幾晚，係前晚發現左一個比較驚嚇既事，當時星期日，我聽緊903國民教育，去到10點半時，肥仔瞓到成隻豬咁，咁佢突然 醒一醒咁，之後竟然開左條朱古力條，啪一粒一口，之後繼續瞓！=口='''！如是者重覆左3次 …我真係唔太明亦唔太理解呢個行為…''Orz。另外佢亦有另一習慣，因為佢有哮喘，咁哮喘有一隻噴霧式既吸入藥物，之後佢又會食煙，於是神奇既事發生，佢每次食煙前會先索幾啖哮喘藥，跟住再點煙…其實咁係為左食煙唔發作哮喘呀，定係延長壽命既食法呢？我真係唔知，而講到底，點解哮喘仲要食煙呢？呢個先係一個問題…
另外今日開始畫新畫，今次挑戰全圖+背景+彩色，係一隻機械人黎，唔係D特別既機械人，真實系la，草圖完成左，依家做緊細緻化，出返上色之前既線稿，唔知今次成品又會點呢？或者可以當係插畫練習，有齊背景、色彩、場景，Em…真係一張標準插畫…好la，希望下星期一前完成la，即係呢5日內要finish佢！hahaha，比自己一D壓力極速完成佢！或者將來有機會接人地project。可能得4日時間添XDDD。但係路有D遠，依家只係「copy」既地步，仲未到「原創」既level。2樣野完全係2件事！但我諗係我做「格劍」時就算我幾唔想都好，都會自己跳左去「原創」既地步…Em…有D怕添XDDD，希望到時唔好爛左la，始終寫小說完全係另一件事：)，不過連設定到畫都自己一手包辦個感覺一定好好玩！XDDD，就當係一種樂趣la：)，我諗可以放3-5年入去呢種創作。
突然諗起左以前中學時代有一個怕羞宅男，4眼，一個「毒」樣，事實上佢亦係。當時佢都好中意動漫畫角色，仲好勁，估唔到我依家居然會做一模一樣既事，而且仲有過之而無不及既感覺…另外，呢到D人畫畫畫公仔係「印」線條出黎，得我一個係「畫」出黎…而且原圖/參考圖本身可能只得5-10cm大，但我就要畫A4 size出黎咁，基本上每張你見到既S作畫signature都係咁樣畫出黎，畫畫擦擦改改…所以有時D手腳比例會有D唔啱…XDDD。
2022.4.13
--------------------------------------------
如果大家想支持文浩，歡迎訂閱、追踪：
patreon: https://www.patreon.com/manhoinjail
FB:文浩的365日
IG:manhoinjail
manhoinjail
探朋友日
我：好耐無見有無中先
朋：無呀，仲開始操番，之前凍，而家練番，勤力番
我：點呀，就黎審啦喎，心情點
朋：話唔緊張就假，但已經準備好自己可以做的野……….
我：我無諗過要咁樣隔住窗同你傾電話
朋：我依世人都無諗過會入左黎而家咁樣
朋：到時上庭會好悶
我：我都認同，我去旁聽聽住d程序野同重複又重複的對話
朋：到時我要日日用精神意志叫自己頂住唔好眼瞓，頂住呀～仲要咁多日（笑）
我：聽講要好早出車，你咪要早d起身咪好眼瞓
朋：其實唔係架，都係每日同一個時間起身，不過係留在房定準備出車咁解，不過有好多人都為左執靚自己而早d起身
我：咁你要搞搞個頭
朋：到時應該會ok,最近轉左刀手呀嗎
探開的朋友一個個倒數
但今年又有好多陸續放學
命運齒輪一但開始運轉
就只能一直前進
很多人想逃離這命運
但仍然有好多人努力在空隙中對抗命運
只要你伸出手
我都會努力拉著你
拉著彼此不放手
無論牆內的他/她
還是牆外的親友們
彼此都過得艱難
但仍然堅強支撐彼此
有問題唔好怕出聲
You are not alone
handwritingletters
我：好耐無見有無中先
朋：無呀，仲開始操番，之前凍，而家練番，勤力番
我：點呀，就黎審啦喎，心情點
朋：話唔緊張就假，但已經準備好自己可以做的野……….
我：我無諗過要咁樣隔住窗同你傾電話
朋：我依世人都無諗過會入左黎而家咁樣
朋：到時上庭會好悶
我：我都認同，我去旁聽聽住d程序野同重複又重複的對話
朋：到時我要日日用精神意志叫自己頂住唔好眼瞓，頂住呀～仲要咁多日（笑）
我：聽講要好早出車，你咪要早d起身咪好眼瞓
朋：其實唔係架，都係每日同一個時間起身，不過係留在房定準備出車咁解，不過有好多人都為左執靚自己而早d起身
我：咁你要搞搞個頭
朋：到時應該會ok,最近轉左刀手呀嗎
探開的朋友一個個倒數
但今年又有好多陸續放學
命運齒輪一但開始運轉
就只能一直前進
很多人想逃離這命運
但仍然有好多人努力在空隙中對抗命運
只要你伸出手
我都會努力拉著你
拉著彼此不放手
無論牆內的他/她
還是牆外的親友們
彼此都過得艱難
但仍然堅強支撐彼此
有問題唔好怕出聲
You are not alone
handwritingletters
親愛的XXX：
你好嗎？這幾天發生了幾件事。之前上庭，案件押後至六星期後，下庭就要答辯，會再和律師們商討，請代禱。
另一件事就是由X倉搬了去Y倉，是上庭之前發生；就連活動室也改變了，由XX轉咗YY，一齊活動的囚友也變了。重新去認識身邊的人，重新適應環境。
上庭前已經忐忑，還碰上這些事，晚上瞓唔著，眼光光。
YY只有XX 的三分一，但要放20人，地方比較細。有個好處就是可以每日一同上天台曬太陽同跑下。我會盡快適應，不用擔心。
天氣越來越熱，應該就來會換季。
祝生活愉快
倉鼠字
2022年4月30日
runninghamster2022
你好嗎？這幾天發生了幾件事。之前上庭，案件押後至六星期後，下庭就要答辯，會再和律師們商討，請代禱。
另一件事就是由X倉搬了去Y倉，是上庭之前發生；就連活動室也改變了，由XX轉咗YY，一齊活動的囚友也變了。重新去認識身邊的人，重新適應環境。
上庭前已經忐忑，還碰上這些事，晚上瞓唔著，眼光光。
YY只有XX 的三分一，但要放20人，地方比較細。有個好處就是可以每日一同上天台曬太陽同跑下。我會盡快適應，不用擔心。
天氣越來越熱，應該就來會換季。
祝生活愉快
倉鼠字
2022年4月30日
runninghamster2022
［上庭後記］
有留意法庭文字直播嘅手足 應該都見到啦～
上次4月25號三粒星上庭👩🏻⚖️
➡️係 咩 進 展 都 冇 嘅🥱🥱🥱
「控辯雙方指仍需時處理轉介至高院的文件，以及索取法律意見或申請法援，申請押後。」
案件押後到7月4日下午2點半👩🏻⚖️
（admin到時早一個禮拜再提大家🙋🏻♀️）
-
旁聽可以一次過見哂三粒星真人 so cute😂佢哋三隻野係被告欄入面同我哋打眼色👀 章魚星仲回我一個心心手勢🫰🏻（笑）雖然後來去探呆星嘅時候 佢話叫我哋唔洗特登去旁聽啦🤷🏻♂️反正有排都開唔到審咁話（苦笑）但問心邊個會想見到旁聽席空空如也吖… 就算只係見到一面 一個眼神交流都好吖 至少知道有人支持佢哋嘛！
所以大家有時間真係要多啲去旁聽呀✊🏻
-
上圖記錄咗金毛豬admin跑得勁快送囚車嘅畫面🏃🏻好彩我都追得切🤪平時練下體力真係好重要！
*
*
*
請支持三粒星嘅patreon🌟
Link in bio🙏🏻
#saamlapsing
#三粒星
#save12hkyouths
saamlapsing
有留意法庭文字直播嘅手足 應該都見到啦～
上次4月25號三粒星上庭👩🏻⚖️
➡️係 咩 進 展 都 冇 嘅🥱🥱🥱
「控辯雙方指仍需時處理轉介至高院的文件，以及索取法律意見或申請法援，申請押後。」
案件押後到7月4日下午2點半👩🏻⚖️
（admin到時早一個禮拜再提大家🙋🏻♀️）
-
旁聽可以一次過見哂三粒星真人 so cute😂佢哋三隻野係被告欄入面同我哋打眼色👀 章魚星仲回我一個心心手勢🫰🏻（笑）雖然後來去探呆星嘅時候 佢話叫我哋唔洗特登去旁聽啦🤷🏻♂️反正有排都開唔到審咁話（苦笑）但問心邊個會想見到旁聽席空空如也吖… 就算只係見到一面 一個眼神交流都好吖 至少知道有人支持佢哋嘛！
所以大家有時間真係要多啲去旁聽呀✊🏻
-
上圖記錄咗金毛豬admin跑得勁快送囚車嘅畫面🏃🏻好彩我都追得切🤪平時練下體力真係好重要！
*
*
*
請支持三粒星嘅patreon🌟
Link in bio🙏🏻
#saamlapsing
#三粒星
#save12hkyouths
saamlapsing
呢封係4月號其中一封回信
好慶幸有緣配對到呢位手足囚友！佢由第一封回信開始，已經令人寫信/回信嘅信心同意欲大增！
當好多人踏出第一步嘗試去寫信比手足時，通常會諗💭「吖..點樣cheer up佢好呢？」，又或者怕講錯野慢慢就唔敢寫。但其實過往不小嘅回信反映出，牆內嘅人內心好強大，佢地嘅意志或重返社會嘅志願反而Cheer up 返「所謂牆外」嘅人，好勁🥲
隨著被審判嘅人每星期遞增，亦大多數係非被注目嘅人士，所以希望更多人可以成為佢地嘅筆友🙏
有問題可以請教 #封信子@fung1seon3zi2
想直接配對筆友可以留意封信子
#維修香港 #寫信組 #囚友
維修香港－關懷社區服務隊
好慶幸有緣配對到呢位手足囚友！佢由第一封回信開始，已經令人寫信/回信嘅信心同意欲大增！
當好多人踏出第一步嘗試去寫信比手足時，通常會諗💭「吖..點樣cheer up佢好呢？」，又或者怕講錯野慢慢就唔敢寫。但其實過往不小嘅回信反映出，牆內嘅人內心好強大，佢地嘅意志或重返社會嘅志願反而Cheer up 返「所謂牆外」嘅人，好勁🥲
隨著被審判嘅人每星期遞增，亦大多數係非被注目嘅人士，所以希望更多人可以成為佢地嘅筆友🙏
有問題可以請教 #封信子@fung1seon3zi2
想直接配對筆友可以留意封信子
#維修香港 #寫信組 #囚友
維修香港－關懷社區服務隊
【自由與政教分離】
我聽過不少人講因為政教分離，所以信徒不應該參與任何政治相關事情。這是錯誤的，其實「政教分離」的「政」不是政治，而是政權和政府。不要認為只有天主教的時期才「政教合一」。去到十六世紀宗教改革，新教還是與政權糾纏不休，相互利用：時而教會左右政權，更多時候是政權駕馭教會，教會淪為政權的夥伴。教會的信仰實踐和權益由政權批核準許，從聚會程序、聖餐儀文、聖職人員的資格，到教會的產業。教會同時借政權手剷除異己，殺死持不同信仰的人。「政教分離」是在這樣背景下出現的。
「政教分離」本身就是一場政治抗爭，爭取宗教自由，人民可以選擇自己的信仰；出版自由，人民出版自己的信仰書籍；集會自由，人民可以按著自己信仰聚集敬拜神；言論自由，人民可以宣講自己所相信的信仰。
一班浸信會的先賢在爭取「政教分離」的過程中，很多都面對不同的逼迫，包括定罪、入獄、受笞刑、被剝奪公民權利等。經過二百年努力，在美國國會終於通過著名的人權法案：「國會永不會為宗教的建立而立法，亦不會掙取行動去阻止因宗教信仰而需要自由運作程序，政府不會剝奪言論、印刷自由、和人民和平集會、和向政府申訴遭受苦侍的權利。」
「政教分離」因而有效限制了政府的權力，保障人民皂宗教自由、集會自由和言論自由。這些自由是先賢們付出沉重的代價換來的，不是為著個人利益，而是為著建立教會。當我們明白自由的寶貴，我們是否應盡力保衛這城的自由？
2022年4月30日
runninghamster2022
我聽過不少人講因為政教分離，所以信徒不應該參與任何政治相關事情。這是錯誤的，其實「政教分離」的「政」不是政治，而是政權和政府。不要認為只有天主教的時期才「政教合一」。去到十六世紀宗教改革，新教還是與政權糾纏不休，相互利用：時而教會左右政權，更多時候是政權駕馭教會，教會淪為政權的夥伴。教會的信仰實踐和權益由政權批核準許，從聚會程序、聖餐儀文、聖職人員的資格，到教會的產業。教會同時借政權手剷除異己，殺死持不同信仰的人。「政教分離」是在這樣背景下出現的。
「政教分離」本身就是一場政治抗爭，爭取宗教自由，人民可以選擇自己的信仰；出版自由，人民出版自己的信仰書籍；集會自由，人民可以按著自己信仰聚集敬拜神；言論自由，人民可以宣講自己所相信的信仰。
一班浸信會的先賢在爭取「政教分離」的過程中，很多都面對不同的逼迫，包括定罪、入獄、受笞刑、被剝奪公民權利等。經過二百年努力，在美國國會終於通過著名的人權法案：「國會永不會為宗教的建立而立法，亦不會掙取行動去阻止因宗教信仰而需要自由運作程序，政府不會剝奪言論、印刷自由、和人民和平集會、和向政府申訴遭受苦侍的權利。」
「政教分離」因而有效限制了政府的權力，保障人民皂宗教自由、集會自由和言論自由。這些自由是先賢們付出沉重的代價換來的，不是為著個人利益，而是為著建立教會。當我們明白自由的寶貴，我們是否應盡力保衛這城的自由？
2022年4月30日
runninghamster2022
【復活節假，睇戲行街食飯健身？】
今日講講早個星期既一件事，話說3月份時我咪比人lock係個倉成個月有多既，咁我地個「Day room」亦即日頭活動既地方咪空置左成個月有多，又無人跡la…咁到左解封個日，我地發現D抽氣扇位全部變哂雀巢！係生歐歐，仲非常新鮮…只係已經無雀係入面，暫時，構成雀巢既原材料只係一D樹枝同樹葉，咁清左人地個竇la，開返抽氣扇，結果係某日，突然間係我旁邊個抽氣扇好大聲「啪」！左一下，之後有D羽毛飛出黎，仲聽到雀仔叫，心諗！哎…死la，隻雀應該比個抽氣扇打中左…唉，都唔知點解要係個D位起巢…
Em…畫機械人比我想像花多左更多時間，今朝只完成到一半左右，一陣下午做完運動再畫，完埋枝槍、2隻腳，再加個人仔同背景就可以上色，我諗去到下午應該可以完成晒Robot既部份，隻槍反而係成幅畫既重點？係正中間而且佔左4分1畫面左右？XD，總之有D新野玩，：)。之前都係畫女仔，依家連續3幅男仔，之後到機械人：)，或者…下次試下動物或者怪物？好似都幾吸引，XDD。
另外有樣比較有趣既事，就係下星期四放寬社交措施，而下星期三就係me的上庭日子，意味著…it…咁咁咁，oh，咁聽日就可以咁咁咁，XDDD，請自行腦補相關既字XDDD，呀，雖然結果都係有可能向相反方向走，但期望一下無壞既，做定最壞打算就得la：)最重要是有「結果」，咁先可以行走下一步。
呀，今日已經開始一連4日復活節假，唔知你又會點過你既假呢，係床上攤屍4日定會出街玩呢？咁啱D所謂戲院、健身中心、美容院重開，又會唔會做返一隻日常港豬呢？呢4日我諗我都係睇下碟，寫下字畫下畫咁過：)。
今日同左個外籍人，早前話佢係律師個位呢，傾左ok多計，真係都算多，聽日再話你知傾左D咩XD。不過我可以話佢係傳統老派既人，同現代社會生活有D脫軌，傳統中活係象牙塔之人，亦係一個左膠，膠得好徹底，亦體現左為何有呢D人，因為佢由細到大個生活圈子都係咁，佢本本無體會過，亦感受唔到「改變」。佢係認為香港無變過，一直係咁，佢只想平靜同安穩，唔care who上場踼波，所以我認為係左膠 >)，因為踼波既係男又好，女又好，根本影響唔到佢，所以就徹底地膠得咁緊要，或者最佳方法就係令佢地親身「感受」同「體會」：)。
2022.4.15
manhoinjail
今日講講早個星期既一件事，話說3月份時我咪比人lock係個倉成個月有多既，咁我地個「Day room」亦即日頭活動既地方咪空置左成個月有多，又無人跡la…咁到左解封個日，我地發現D抽氣扇位全部變哂雀巢！係生歐歐，仲非常新鮮…只係已經無雀係入面，暫時，構成雀巢既原材料只係一D樹枝同樹葉，咁清左人地個竇la，開返抽氣扇，結果係某日，突然間係我旁邊個抽氣扇好大聲「啪」！左一下，之後有D羽毛飛出黎，仲聽到雀仔叫，心諗！哎…死la，隻雀應該比個抽氣扇打中左…唉，都唔知點解要係個D位起巢…
Em…畫機械人比我想像花多左更多時間，今朝只完成到一半左右，一陣下午做完運動再畫，完埋枝槍、2隻腳，再加個人仔同背景就可以上色，我諗去到下午應該可以完成晒Robot既部份，隻槍反而係成幅畫既重點？係正中間而且佔左4分1畫面左右？XD，總之有D新野玩，：)。之前都係畫女仔，依家連續3幅男仔，之後到機械人：)，或者…下次試下動物或者怪物？好似都幾吸引，XDD。
另外有樣比較有趣既事，就係下星期四放寬社交措施，而下星期三就係me的上庭日子，意味著…it…咁咁咁，oh，咁聽日就可以咁咁咁，XDDD，請自行腦補相關既字XDDD，呀，雖然結果都係有可能向相反方向走，但期望一下無壞既，做定最壞打算就得la：)最重要是有「結果」，咁先可以行走下一步。
呀，今日已經開始一連4日復活節假，唔知你又會點過你既假呢，係床上攤屍4日定會出街玩呢？咁啱D所謂戲院、健身中心、美容院重開，又會唔會做返一隻日常港豬呢？呢4日我諗我都係睇下碟，寫下字畫下畫咁過：)。
今日同左個外籍人，早前話佢係律師個位呢，傾左ok多計，真係都算多，聽日再話你知傾左D咩XD。不過我可以話佢係傳統老派既人，同現代社會生活有D脫軌，傳統中活係象牙塔之人，亦係一個左膠，膠得好徹底，亦體現左為何有呢D人，因為佢由細到大個生活圈子都係咁，佢本本無體會過，亦感受唔到「改變」。佢係認為香港無變過，一直係咁，佢只想平靜同安穩，唔care who上場踼波，所以我認為係左膠 >)，因為踼波既係男又好，女又好，根本影響唔到佢，所以就徹底地膠得咁緊要，或者最佳方法就係令佢地親身「感受」同「體會」：)。
2022.4.15
manhoinjail
【快速中了，好唔開心】
由二月開始停止正常探訪，牆內的人就好像與世隔絕，見不到親友們。完全不知親友如何。牆外的人擔心牆內的人，牆內的人擔心牆外的人，每天只能靠福利官打電話問候親人，相繼收到的家人感染的消息，在牆內擔心和焦急，只能默默地為他們祈禱。書信來往因疫情和懲教人手短缺，來回一轉差不多個半月。好多囚友和我一樣，收到家人感染的消息，只能乾著急。這時候牆內的人也相繼染病，好在相識的囚友和家人最後都無事，探訪由無得探，變成一個月兩次，再變做一個星期兩次。今日從報紙知道由五月九日開始會恢復正常探訪。三個月來的等候終於可以結束，終於可以再次每天見到親友們。
三月尾我自己都受感染，要由住開的一座搬去另一座隔離。我已經算好，可以留在XX隔離，有些囚友要「過界」去哥連臣角隔離。我自己的病徵不算嚴重，只是頭兩三天有頭痛和咳，之後就慢慢康復，到第七日做快測已經是陰性，第八日再做快測同樣是陰性，就不用再隔離，返回本來的那座。
三月廿六日本來可以不用再釘倉，可以出活動室，最重要是出得活動室代表可以探訪。按懲教的規矩，期數有人感染而打了兩針的我只須釘倉七日就可出活動室，怎知人算不如天算，廿六日我中了。廿五日晚上已經頭痛，心中已感不妙，廿六日起身做快測，證實中了，再做多次結果一樣。需要隔離去另一座，心裏好唔開心。因本來諗住可以探訪的，卻不知要再等到何時。在執拾日用品時，被一位麻煩囚友指責我連累整個期數。我認為他的指責全無道理，期數第一個受感染的不是我，就算是第一個也不應受到指責。就我所在的期數，還柙日子短則幾個月，長則超過三年，每個人都與牆外隔離了一段日子，怎能怪到囚友身上。我沒有回應這麻煩囚友，只懷著沉重的心情穿上保護衣，拖著沉重的腳步前往隔離的座數。
上星期是香港錄得一百年來最凍的五月，我們在這天之前換季，著短袖衫和短褲，收起件抓毛和風褸。好多老職員都講，這是懲教魔咒，夏天一換季就天氣轉涼，冬天一換季就會轉暖。有做超過十年的職員表示，過去十年都是這樣發生。今次還碰著最凍的五月天。信不信由你。
2022年5月10日
runninghamster2022
由二月開始停止正常探訪，牆內的人就好像與世隔絕，見不到親友們。完全不知親友如何。牆外的人擔心牆內的人，牆內的人擔心牆外的人，每天只能靠福利官打電話問候親人，相繼收到的家人感染的消息，在牆內擔心和焦急，只能默默地為他們祈禱。書信來往因疫情和懲教人手短缺，來回一轉差不多個半月。好多囚友和我一樣，收到家人感染的消息，只能乾著急。這時候牆內的人也相繼染病，好在相識的囚友和家人最後都無事，探訪由無得探，變成一個月兩次，再變做一個星期兩次。今日從報紙知道由五月九日開始會恢復正常探訪。三個月來的等候終於可以結束，終於可以再次每天見到親友們。
三月尾我自己都受感染，要由住開的一座搬去另一座隔離。我已經算好，可以留在XX隔離，有些囚友要「過界」去哥連臣角隔離。我自己的病徵不算嚴重，只是頭兩三天有頭痛和咳，之後就慢慢康復，到第七日做快測已經是陰性，第八日再做快測同樣是陰性，就不用再隔離，返回本來的那座。
三月廿六日本來可以不用再釘倉，可以出活動室，最重要是出得活動室代表可以探訪。按懲教的規矩，期數有人感染而打了兩針的我只須釘倉七日就可出活動室，怎知人算不如天算，廿六日我中了。廿五日晚上已經頭痛，心中已感不妙，廿六日起身做快測，證實中了，再做多次結果一樣。需要隔離去另一座，心裏好唔開心。因本來諗住可以探訪的，卻不知要再等到何時。在執拾日用品時，被一位麻煩囚友指責我連累整個期數。我認為他的指責全無道理，期數第一個受感染的不是我，就算是第一個也不應受到指責。就我所在的期數，還柙日子短則幾個月，長則超過三年，每個人都與牆外隔離了一段日子，怎能怪到囚友身上。我沒有回應這麻煩囚友，只懷著沉重的心情穿上保護衣，拖著沉重的腳步前往隔離的座數。
上星期是香港錄得一百年來最凍的五月，我們在這天之前換季，著短袖衫和短褲，收起件抓毛和風褸。好多老職員都講，這是懲教魔咒，夏天一換季就天氣轉涼，冬天一換季就會轉暖。有做超過十年的職員表示，過去十年都是這樣發生。今次還碰著最凍的五月天。信不信由你。
2022年5月10日
runninghamster2022
歡迎書信往來 🕊
不一定今天寫也不一定今年開始寫
可以明年亦可以等待有心情先落筆
我一直在原地等待
重要既事情講一萬次
記得連同回郵郵票一齊寄
你都知入面人工幾百蚊一個月
冇睇錯係幾百蚊人工一個月
五附上回郵郵票會人工扣
另外寫信不一定寫字
可以繪畫可以摺紙亦可以用不同方式
演繹你創意表達方法 本人歡迎
寫信內容當然 有啲嘢五寫得
其他文字內容本人喜好
現代新詩 卡繆 周杰倫 麥浚龍
王家衛電影 生活上無聊事情
露營 咖啡 存在主義 夢境分享
感情煩惱 尻嗡 中文歌詞
歡迎與我分享
如要回信將回信地址寫在紙上放信𥚃
回郵有機會寄失
亦有機會本人處理回應比較久
請不要灰心
若是你是創作者我歡迎你
將作品影下來編印成不大於A4面積
放入信封裡寄給我欣賞
謝謝
今宵多珍重
110811tom
不一定今天寫也不一定今年開始寫
可以明年亦可以等待有心情先落筆
我一直在原地等待
重要既事情講一萬次
記得連同回郵郵票一齊寄
你都知入面人工幾百蚊一個月
冇睇錯係幾百蚊人工一個月
五附上回郵郵票會人工扣
另外寫信不一定寫字
可以繪畫可以摺紙亦可以用不同方式
演繹你創意表達方法 本人歡迎
寫信內容當然 有啲嘢五寫得
其他文字內容本人喜好
現代新詩 卡繆 周杰倫 麥浚龍
王家衛電影 生活上無聊事情
露營 咖啡 存在主義 夢境分享
感情煩惱 尻嗡 中文歌詞
歡迎與我分享
如要回信將回信地址寫在紙上放信𥚃
回郵有機會寄失
亦有機會本人處理回應比較久
請不要灰心
若是你是創作者我歡迎你
將作品影下來編印成不大於A4面積
放入信封裡寄給我欣賞
謝謝
今宵多珍重
110811tom
好些牆內手足寄出來給親友的信像去了無底洞，反過來，牆外手足寄進去的信不少都要很長時間才收到⋯⋯
手足話，好些原本有份去探他的 #同路人 堅持不打針，所以，少了人去探他，但他希望可以收到大家的信，這是他的精神寄托之一！
請點擊以支持本人支援還押或在囚手足的工作：
https://www.patreon.com/KennethCheung2021
張錦雄
手足話，好些原本有份去探他的 #同路人 堅持不打針，所以，少了人去探他，但他希望可以收到大家的信，這是他的精神寄托之一！
請點擊以支持本人支援還押或在囚手足的工作：
https://www.patreon.com/KennethCheung2021
張錦雄
《我的漫長Staycation Week13》
大家好！今日係4月23號，都係好熱嘅一日，好想瘋狂食雪糕冷氣呀……仲未換季嘅我哋仲着緊件長袖衫，你哋想唔想像到有幾熱？ ？ ？呢個時候就好想請教下超英哥點樣可以涼啲呀……好啦唔講個熱字啦，分享吓啲近況先！呢個星期要嚟嘅始終都要嚟，終於要開工了！ ！ ！呢幾日我嘅主要工作就係剪線頭，即係車好嘅衫凸咗出嚟嗰啲線頭，呢個都係每個新人嘅必經階段嚟的zzz 悶就係悶咗啲，不過剪剪下時間係過得幾快嘅！我哋係六天工作週，星期六返半日，星期日即係聽日係放假(∩‧▽‧∩) 睇嚟星期日以後都會係我最期待嘅一日了！聽朝仲有我最鍾意嘅咖喱食！突發原來依家已經九點，但我個頭完全唔乾，今日真係幾潮濕下，慘了唔知幾時先瞓得……
早晨！結果尋晚都係一熄燈就瞓了，冇理到個頭乾唔乾，媽媽成日都話個頭唔乾瞓覺會有頭風，希望佢睇唔到呢篇嘢啦(∩‧▽‧∩) 今朝食咖喱大家都食到好飽，所以行街都冇咩人做運動了(∩‧▽‧∩) 介紹返我呢邊有兩個朋友仔都好鍾意做運動，之前日日行街佢哋都會喺度做，顯得我好懶哈哈，雖然我有時都會跟住一齊做，但大部份時間都係幫佢哋打氣多zzz 同埋我之前咪話上咗堂體育堂嘅，喺你哋外面體育場所重開幾多日我哋都有得上返了！雖然隔咗咁耐但反應都好冷淡，得我哋三個人上(∩‧▽‧∩) 打咗陣羽毛球同拉筋，啲汗已經流到好似落雨了⋯⋯都幾爽！好耐冇流過咁多汗啦！ ！大家每封信都叫我做運動，都算有做到啦！你地都記得做多啲運動啊！ ！ ！
分享完間房了，係時候講吓其他嘢。大家都應該見到啦1005灣仔11人全部RIOT罪成。我記得依單同我哋差唔多同時間審，但佢地審得耐，等結果亦都等得耐，可惜結果都係一樣，應該話更加差，起碼我哋都叫有個打得甩……留返起嗰陣覺得仲有機會打真係太天真啦，根本由頭到尾都冇諗過要放過我哋。但好似某位朋友仔喺庭上咁講，即使喺法律層面上判我哋有罪都好，都唔代表啲咩。努力去面對，他日我哋一定可以用更好嘅姿態出現。Sor好似寫得太認真唔係太似我嘅風格haha，以下嘅部份都係講返啲無聊嘢，我依家聽緊903嘅咆哮山莊，今日有Kolor！唔知有冇人都有聽呢？喺收音機可以聽到自己鍾意嘅歌手訪問同歌真係太幸福了！！！唔知你哋仲記唔記得我之前喺IG講過舊年我其中一件最開心嘅事係睇到Kolor演唱會，依家諗返起嗰兩日真係超開心呀，睇完車路士拎歐聯嘅冠軍之後就有Kolor演唱會睇，真係好耐好耐好耐冇試過咁開心了。入咗嚟之後我仲學習緊多啲因小事而開心，小到好似今朝食咗咖喱飯，同埋聽到電台播Kolor嘅歌已經可以令我好開心，但同時我都會因為小事而唔開心，就好似今日份明報唔知點解撕左頁體育版！！！有冇人有買星期日嘅明報可以話俾我聽體育版係講咩的，點解要撕⋯⋯有冇諗過呢頁對我係幾咁重要呀！！！唔知有冇人知有邊個電台節目係會報吓體育新聞同賽果的？（除咗強大人之外）
最後想同大家討論少少議題，早幾日溫網宣布封殺兩俄嘅球手，唔俾佢哋參賽。有俄羅斯開火之後，喺體育界已經出現大量對俄羅斯運動員嘅制裁，好似世界盃同歐足協之類唔理立場唔理取態一律制裁，到底咁做係咪合理同公平，又有冇更加好嘅處理手法呢？就好似之前都寫過想大家同我討論下政府做錯，市民埋單呢件事合唔合理，但好似冇咩想同我討論咁(∩‧▽‧∩) 希望今次多啲人同我討論下啦！
一日嘅假期就咁完左，聽日又要返工了，真係要good night了，下星期再見，記得掛住我❤️
Kristy
24/04/2022
（聽緊初老）
Kristy Laihing
大家好！今日係4月23號，都係好熱嘅一日，好想瘋狂食雪糕冷氣呀……仲未換季嘅我哋仲着緊件長袖衫，你哋想唔想像到有幾熱？ ？ ？呢個時候就好想請教下超英哥點樣可以涼啲呀……好啦唔講個熱字啦，分享吓啲近況先！呢個星期要嚟嘅始終都要嚟，終於要開工了！ ！ ！呢幾日我嘅主要工作就係剪線頭，即係車好嘅衫凸咗出嚟嗰啲線頭，呢個都係每個新人嘅必經階段嚟的zzz 悶就係悶咗啲，不過剪剪下時間係過得幾快嘅！我哋係六天工作週，星期六返半日，星期日即係聽日係放假(∩‧▽‧∩) 睇嚟星期日以後都會係我最期待嘅一日了！聽朝仲有我最鍾意嘅咖喱食！突發原來依家已經九點，但我個頭完全唔乾，今日真係幾潮濕下，慘了唔知幾時先瞓得……
早晨！結果尋晚都係一熄燈就瞓了，冇理到個頭乾唔乾，媽媽成日都話個頭唔乾瞓覺會有頭風，希望佢睇唔到呢篇嘢啦(∩‧▽‧∩) 今朝食咖喱大家都食到好飽，所以行街都冇咩人做運動了(∩‧▽‧∩) 介紹返我呢邊有兩個朋友仔都好鍾意做運動，之前日日行街佢哋都會喺度做，顯得我好懶哈哈，雖然我有時都會跟住一齊做，但大部份時間都係幫佢哋打氣多zzz 同埋我之前咪話上咗堂體育堂嘅，喺你哋外面體育場所重開幾多日我哋都有得上返了！雖然隔咗咁耐但反應都好冷淡，得我哋三個人上(∩‧▽‧∩) 打咗陣羽毛球同拉筋，啲汗已經流到好似落雨了⋯⋯都幾爽！好耐冇流過咁多汗啦！ ！大家每封信都叫我做運動，都算有做到啦！你地都記得做多啲運動啊！ ！ ！
分享完間房了，係時候講吓其他嘢。大家都應該見到啦1005灣仔11人全部RIOT罪成。我記得依單同我哋差唔多同時間審，但佢地審得耐，等結果亦都等得耐，可惜結果都係一樣，應該話更加差，起碼我哋都叫有個打得甩……留返起嗰陣覺得仲有機會打真係太天真啦，根本由頭到尾都冇諗過要放過我哋。但好似某位朋友仔喺庭上咁講，即使喺法律層面上判我哋有罪都好，都唔代表啲咩。努力去面對，他日我哋一定可以用更好嘅姿態出現。Sor好似寫得太認真唔係太似我嘅風格haha，以下嘅部份都係講返啲無聊嘢，我依家聽緊903嘅咆哮山莊，今日有Kolor！唔知有冇人都有聽呢？喺收音機可以聽到自己鍾意嘅歌手訪問同歌真係太幸福了！！！唔知你哋仲記唔記得我之前喺IG講過舊年我其中一件最開心嘅事係睇到Kolor演唱會，依家諗返起嗰兩日真係超開心呀，睇完車路士拎歐聯嘅冠軍之後就有Kolor演唱會睇，真係好耐好耐好耐冇試過咁開心了。入咗嚟之後我仲學習緊多啲因小事而開心，小到好似今朝食咗咖喱飯，同埋聽到電台播Kolor嘅歌已經可以令我好開心，但同時我都會因為小事而唔開心，就好似今日份明報唔知點解撕左頁體育版！！！有冇人有買星期日嘅明報可以話俾我聽體育版係講咩的，點解要撕⋯⋯有冇諗過呢頁對我係幾咁重要呀！！！唔知有冇人知有邊個電台節目係會報吓體育新聞同賽果的？（除咗強大人之外）
最後想同大家討論少少議題，早幾日溫網宣布封殺兩俄嘅球手，唔俾佢哋參賽。有俄羅斯開火之後，喺體育界已經出現大量對俄羅斯運動員嘅制裁，好似世界盃同歐足協之類唔理立場唔理取態一律制裁，到底咁做係咪合理同公平，又有冇更加好嘅處理手法呢？就好似之前都寫過想大家同我討論下政府做錯，市民埋單呢件事合唔合理，但好似冇咩想同我討論咁(∩‧▽‧∩) 希望今次多啲人同我討論下啦！
一日嘅假期就咁完左，聽日又要返工了，真係要good night了，下星期再見，記得掛住我❤️
Kristy
24/04/2022
（聽緊初老）
Kristy Laihing
💐我的媽媽👩👦💕
✍ 致親愛的家人和朋友們︰
星期日就是母親節了，先提早向各位媽媽說句︰「母親節快樂！」，這麼多年的養育和陪伴真的很感激呢！祝願天下媽媽身體健康、生活愉快呀！
「為母則強」，我相信世界上每一位媽媽，背後都有一個堅毅的故事，我的媽媽雖然學歷不高，但她總是窮其一生的精力養育我和哥哥姐姐，囑咐我們要做一個好人，無論我有甚麽東西想做、想嘗試，媽媽總會鼓勵我勇敢地去做，縱使某些事情是任性的、艱難的決定，她仍然會支持我。媽媽是一個非常節儉的人，從不輕易花費，而死慳死抵得來的一分一毫全都會用於家庭的開銷中，只為了讓我們的生活過得好一點點，對我來說，媽媽是我在這世界上最重要的人，身陷囹圄的我在過去兩年多最難過的，莫過於與家人分隔，未能報答媽媽的養育之恩，唯有待畢業回家後加倍地孝順，到時候我一定要令媽媽每天都過得豐足、愉快！
要孝敬父母，方式有很多，坊間不斷用廣告提醒為人子女要「買甚麼、做甚麽」，真的令人眼花撩亂，亦非常俗套，我孝敬父母的方式是為他們祈禱；及常陪伴在他們身邊，邀請他們信主、受洗，在地上享受兒女的喜樂，在天上得著主賜永恆的福樂。
聖經教導說︰「當孝敬父母，使你的日子在耶和華 — 你上帝所賜你的地上得以長久。」（出埃及記20︰12），聖經所指的孝順，畢竟與坊間不同，孝敬是讓父母得著尊重。
這個五月真的很忙呢！既要應付功課及會計科目考試，又要上「室內設計課程」，還有一些計劃需要準備，希望所有事情都能順利完成！另一件令我開心的事就是夏天終於來臨了，令疫情緩和了不少，加上夏天沒有厚重的冬季衣物要清洗，洗衣期的工作量因此減少了一些。
學習彈奏結他方面，收到筆友們打印給我的曲譜，謝謝您們！我會努力練習，現在的進度仍停留在「和弦」及「慢靈魂樂 (Slow Soul)」。
🙆♂️衍龍 上
2022年5月8日
hinlungwilliam
✍ 致親愛的家人和朋友們︰
星期日就是母親節了，先提早向各位媽媽說句︰「母親節快樂！」，這麼多年的養育和陪伴真的很感激呢！祝願天下媽媽身體健康、生活愉快呀！
「為母則強」，我相信世界上每一位媽媽，背後都有一個堅毅的故事，我的媽媽雖然學歷不高，但她總是窮其一生的精力養育我和哥哥姐姐，囑咐我們要做一個好人，無論我有甚麽東西想做、想嘗試，媽媽總會鼓勵我勇敢地去做，縱使某些事情是任性的、艱難的決定，她仍然會支持我。媽媽是一個非常節儉的人，從不輕易花費，而死慳死抵得來的一分一毫全都會用於家庭的開銷中，只為了讓我們的生活過得好一點點，對我來說，媽媽是我在這世界上最重要的人，身陷囹圄的我在過去兩年多最難過的，莫過於與家人分隔，未能報答媽媽的養育之恩，唯有待畢業回家後加倍地孝順，到時候我一定要令媽媽每天都過得豐足、愉快！
要孝敬父母，方式有很多，坊間不斷用廣告提醒為人子女要「買甚麼、做甚麽」，真的令人眼花撩亂，亦非常俗套，我孝敬父母的方式是為他們祈禱；及常陪伴在他們身邊，邀請他們信主、受洗，在地上享受兒女的喜樂，在天上得著主賜永恆的福樂。
聖經教導說︰「當孝敬父母，使你的日子在耶和華 — 你上帝所賜你的地上得以長久。」（出埃及記20︰12），聖經所指的孝順，畢竟與坊間不同，孝敬是讓父母得著尊重。
這個五月真的很忙呢！既要應付功課及會計科目考試，又要上「室內設計課程」，還有一些計劃需要準備，希望所有事情都能順利完成！另一件令我開心的事就是夏天終於來臨了，令疫情緩和了不少，加上夏天沒有厚重的冬季衣物要清洗，洗衣期的工作量因此減少了一些。
學習彈奏結他方面，收到筆友們打印給我的曲譜，謝謝您們！我會努力練習，現在的進度仍停留在「和弦」及「慢靈魂樂 (Slow Soul)」。
🙆♂️衍龍 上
2022年5月8日
hinlungwilliam
【係…係雞脾呀！】
我真係有眼不識泰山…原來《宿主The host》既作者 Stepheniem Meyer竟然就係《暮光之城》既作者！今次睇黎可以誤打誤撞咁執到寶都未定=v=*。今次故事係外星科幻型，講外星生物入侵人體控制人既大腦佔據意識，身體控制權，並幾乎將所有人類都控制左，就係個咁既故事背景，應該幾吸引。
今期吉吉emoji諗緊咩表情好…呀，有la！：)應該會好得意~
另外最近真係進入夏天，郁D30度…''Orz，跑下步已經成身汗，不過都係減脂好時機：p，個肚仔再減多少少脂肪就有腹肌出世la！>v<！！
至於吉吉食譜暫時都未諗到有咩可以比較簡單咁煮到，不過有個idea係「醬」，加「點」，咁食，配合氣炸鍋，但對於氣炸鍋既溫度、時間比較難掌握=v=，一陣寫錯就GG，或者試下生食法？Em…再諗諗，呢個星期試下update一次！挑戰新方法！當然煮既係你，一陣變左黑暗料理唔好返黎搵me XDDDD。吉吉表示佢從來都唔會失敗：p。
好la，下次再寫比你：)，希望吉吉可以出到一套16個emoji，並可以係Telegram、Whatsapp、Snapchat比人用到la！>v<！！！
2022.4.27
manhoinjail
我真係有眼不識泰山…原來《宿主The host》既作者 Stepheniem Meyer竟然就係《暮光之城》既作者！今次睇黎可以誤打誤撞咁執到寶都未定=v=*。今次故事係外星科幻型，講外星生物入侵人體控制人既大腦佔據意識，身體控制權，並幾乎將所有人類都控制左，就係個咁既故事背景，應該幾吸引。
今期吉吉emoji諗緊咩表情好…呀，有la！：)應該會好得意~
另外最近真係進入夏天，郁D30度…''Orz，跑下步已經成身汗，不過都係減脂好時機：p，個肚仔再減多少少脂肪就有腹肌出世la！>v<！！
至於吉吉食譜暫時都未諗到有咩可以比較簡單咁煮到，不過有個idea係「醬」，加「點」，咁食，配合氣炸鍋，但對於氣炸鍋既溫度、時間比較難掌握=v=，一陣寫錯就GG，或者試下生食法？Em…再諗諗，呢個星期試下update一次！挑戰新方法！當然煮既係你，一陣變左黑暗料理唔好返黎搵me XDDDD。吉吉表示佢從來都唔會失敗：p。
好la，下次再寫比你：)，希望吉吉可以出到一套16個emoji，並可以係Telegram、Whatsapp、Snapchat比人用到la！>v<！！！
2022.4.27
manhoinjail
2022會是怎樣的一年？- 生活隨想 2022/2
2022會是怎樣的一年？
一月份搬離工作室，徹底斷捨離了一遍，把能賣的器材都賣掉：各式各樣的LED燈、收音咪、腳架、航拍、相機、鏡頭... 然後新一年把工作都暫停了，不論YouTube的品牌合作、試用、評測或是以往會涉獵的各項拍攝工作都婉拒了。無他，全因為暴動案件在3月份終於要開審了（請不要再延遲了好嗎）。
這一年半也許說不上太過困擾。至少沒有宵禁令，一星期一次的報到早已習慣。反倒是心理上總是有種無形壓力。換著是你，這一年半你會如何過？
用平常心過、努力工作、做些自己喜歡做的事、好好與家人朋友聚... 這些都有做，但即使如此，也終究要面對一件自己生命中不能掌控的事情。這段日子就好像有把聲音告訴我該好好把握時間做些什麼，但同時間又有另一把聲音告訴我其實在事情解決前，你也不可能真正的重新出發。
不過其實事情又何為之解決？最簡單當然是儘快get it over and done with，然後好好地過屬於自己的人生。可是隨著案件越來越接近，才比較實在感受到事情的不簡單。以往即使預想過最差的情況，心底還會帶著一種「應該會沒事吧」的僥倖心態，好讓自己好過一點。同時間那種對重生的強烈渴望，現在回想起來其實相當諷刺。因為等待新一章，所以新一章到來前不敢太過努力，生怕白費心機，不是很消極嗎？
無論如何，其實結果從來不由我想，這點隨著審判越近感受越深。而新一章也未必可能如預期中譜寫。但不要緊，上個星期所走的麥理浩徑一百公里路教懂我一個道理，那就是無論怎樣，只有一件事情需要堅持住，那就是繼續行下去。
無論新一章是在哪裡譜寫，都將會是我人生中最重要的一章。我唯一需要堅持，也是我唯一能夠掌控的事，就是無時無刻提醒自己心臟要強大，並且要努力 — 努力活出一個不讓自己後悔的人生。
這是我期待的2022。
不再活於恐懼的2022。
Auman
2022會是怎樣的一年？
一月份搬離工作室，徹底斷捨離了一遍，把能賣的器材都賣掉：各式各樣的LED燈、收音咪、腳架、航拍、相機、鏡頭... 然後新一年把工作都暫停了，不論YouTube的品牌合作、試用、評測或是以往會涉獵的各項拍攝工作都婉拒了。無他，全因為暴動案件在3月份終於要開審了（請不要再延遲了好嗎）。
這一年半也許說不上太過困擾。至少沒有宵禁令，一星期一次的報到早已習慣。反倒是心理上總是有種無形壓力。換著是你，這一年半你會如何過？
用平常心過、努力工作、做些自己喜歡做的事、好好與家人朋友聚... 這些都有做，但即使如此，也終究要面對一件自己生命中不能掌控的事情。這段日子就好像有把聲音告訴我該好好把握時間做些什麼，但同時間又有另一把聲音告訴我其實在事情解決前，你也不可能真正的重新出發。
不過其實事情又何為之解決？最簡單當然是儘快get it over and done with，然後好好地過屬於自己的人生。可是隨著案件越來越接近，才比較實在感受到事情的不簡單。以往即使預想過最差的情況，心底還會帶著一種「應該會沒事吧」的僥倖心態，好讓自己好過一點。同時間那種對重生的強烈渴望，現在回想起來其實相當諷刺。因為等待新一章，所以新一章到來前不敢太過努力，生怕白費心機，不是很消極嗎？
無論如何，其實結果從來不由我想，這點隨著審判越近感受越深。而新一章也未必可能如預期中譜寫。但不要緊，上個星期所走的麥理浩徑一百公里路教懂我一個道理，那就是無論怎樣，只有一件事情需要堅持住，那就是繼續行下去。
無論新一章是在哪裡譜寫，都將會是我人生中最重要的一章。我唯一需要堅持，也是我唯一能夠掌控的事，就是無時無刻提醒自己心臟要強大，並且要努力 — 努力活出一個不讓自己後悔的人生。
這是我期待的2022。
不再活於恐懼的2022。
Auman