【年度十大】
想寫年度，雖然收到之時叱咤一早完咗，但算是留個記錄給自己，寫連到/十大，其實即是寫年度情緒之總和、有關書寫年度情緒總和之不可能。
2022年，「可算快樂/我亦有些難啟齒」Wyman仍然係好屈機，喺一首貌似「大路情歌」中，用一句就輕輕鬆鬆搞掂咗，我估好多人都有既欲言又止、依依哦哦：「吓，快唔快樂？好難講喎……好差？又唔係嘅……er…吓…唔係…唔係好差…快樂？吓…er…」係囉，就係咁囉。「講到未來，只有懷疑與懷疑」如果要講大路嘅年度，係呢首㗎喇。
本來嘅大路年度，一定係〈我地〉：哇，兩個最care嘅我地，一首歌納晒，完全沒有解釋之必要：「若你值得我傾慕，萬物馬上輕於鴻毛/就是最後不見歸路/越絕望抱得越牢/閒人別來這地叫做我地/如逆境迫我跟你爭氣/頑強撐下來就成傳奇/大難因愛不死/昂然唱著我地我地/危難只會將我跟你/餘生共融煉成傳奇/靈魂緊扣守出轉機」okay，還需要解釋嗎。之所以是「本來」，是728過後， （聽歌的） bearing同coordinates完全唔同晒：好難「昂然」啦，唉，〈We are All〉之夾硬嚟及令人不適感，我估好多人都講過（ OK ？吓，邊忽OK … ）對於年尾，焗投呢首，諗起就覺得好心噏，鼓勵、支持定傷害？傷害、支持定鼓勵？頭痛唔頭呢首，都逃不出這個complex。「如還在乎我地我地我地/仍舊可爭氣爭氣爭氣/時常講別離別離別離/誰來栽種生機」是呀，無論如何，都不可以、不可以、不可以放棄栽種生機。好多嘢都可能係，唯有係咁先啦，「唯有係咁先啦」之中，再搵方法栽種生機。在愛裏栽種生機，在栽種生機的練習中滋養和學習愛，也是年度主題和主要日常練習。
仍然係阿Wy同欣宜，〈恐懼蠶食心靈〉極好呀，「相擁的瞬間應該極滿足/偏偏轉過身失聲地痛哭/練習忘記你/尚未失戀已習慣了/就算遇上一生的歸宿/好的東西有某個定律/最近似完美的/劇情最短促」這首之「好」，不在於歌詞，而是唱完這一堆「內容」之後，一句撻埋嚟：阿仔，恐懼蠶食心靈呀。以前的心境，頗像首歌的內容，害怕美好，恐懼擁抱美好，讓我痛苦， ；不過在修練去愛及被愛的過程中，以及身處在越來越shit得一塌糊塗的世界中，咁樣其實真係唔係好得，被恐懼侵佔自己，繼而讓恐懼侵佔及蠶食心靈，不可能去愛，不可能被愛，也不可能去創造出些什麼；要練習擁抱美好啊，要練習提着及待着出現在自己眼前、心裏的美好呀，不努力做這個練習，是生存不到的呀。
〈人啊人〉，食撚屎啦，你係人，新疆棉嗰啲唔撚係人，好嘔心，一聽到即刻熄機/轉台。
Okay，然後耀輝就話：「默認著大家都平庸/會慨嘆自己都有惡/再發覺到底想著善/疲倦嗎仍然靠著我坐下」呢首係連到最愛之一。係個人靜落嚟嘅時候，會好被觸動到嘅歌。是啦，不需要也不要想到自己有多天花龍鳳，其實好多包袱都是自己畀自己，自己其實好平庸，也實在有「惡」，有啲嘢，做唔到就真的做唔到，無論如何勉強自己，自己都係做唔到自己所唔能夠做到嘅事，但無論如何，仍然想努力做一個善的人啊，這首歌講鬧交，我同余思朗梗係會鬧交、成日鬧交，沖口而出的說話，互相傷害的說話，時常有之；「鬧交」本身算不上什麼… 我算是「pro鬧交」的一派，有衝突，最好不要迴避，「鬧交」最辛苦時，如果不幸地，在探訪時間內「鬧不完」，那麼抱歉，就必然要帶着場交返倉，對住場交，直到下一次探訪，先有機會「擺脫」。快則一兩日，慢則10日八日，是很可怕很折磨的體驗。然後泳/輝說：「怎麼將希冀換過 永遠有掙扎/然而因真誠而活 永遠會不壞/有猛風吹過 有猛火燒過/然後你靜了 為我靜了/然後吻著我 未來再多幾次的吵架」好迷輝/泳嘅位係，幾乎每一首歌，都係講點樣用盡生命的氣力去掙扎，而這種暴烈的掙扎的同時，又有一種好舒服的溫柔「仍然有我/仍然有你/仍然靠著我坐下」雖然感覺上一啲都唔激烈、一啲都唔暴烈，但耀輝的詞，經常都有種感覺是，他是用盡生命的力氣去寫。
今年的「我最喜愛」其實是泳兒，〈早上37.2度〉及〈葉落冰川〉都是好好。「是笑 是喊 是太輕或是太重/上半生是上半生 是沒法形容/是我 是我 是我的就是我的/或一些需要自責/但一些可以自豪」是太輕，或是太重，真的不知道，只是有時候，真的好累。如果可以，靠着余思朗坐下……那有多好。不過想一想也覺奢侈。
Ian某種曲風，我好鍾意喎。剛剛那首〈地球上最後一朵花〉，intro的那段哼唱，每一次波都會閉上眼睛感受。不過我比較喜歡年頭的〈留一天與你喘息〉。有時真係會覺得好攰，坐監係24/7，年終無休，冇得放假，有時真的好累好累。〈留一天〉的意境，是經常做meditation的沉浸意象之一「唯一想 留一天 與你喘息 由衷的 真心的/平靜裡安躺 棲身一抹暖光/游入了思海 看日落天荒/悠悠一刻抬頭 星空萬象綻放/如聽到我有種嚮往/其實我只想 棲身一抹暖光/沒說出口 心聲可以釋放/曾是獨個苦惱徬徨/卻是你 行入深鎖的這個房/不必太煽情太過悲壯」
如果真的要選一首「我的年度」，那無疑是鍾說及雲姨的〈到了那裏就對吧〉。謝謝鍾說，因為此歌創造了一個偶然，這個偶然爾後送了好多份珍貴的禮物於我，有好多份，可能仲係擺喺度唔使點拆，不過也許有其實沒那麼多偶然：The Divine Matrix is always responding. 但這首不能在此詳述了。
寫到呢度唔係好寫到嚕。有關寫年度十大之不可能， 2022是切開晒一忽一忽，要做一個整合，沒有能力做到。點解無柳仔？唔係無柳仔，係柳仔嗰舊嘢完全係另一個horizon嘅嘢，唔可能砌到喺呢度；嗰舊嘢太黐線，我估我都冇能力寫到做「文字」。
原來得六首，砌多四首啦：岑寧兒〈無常家〉，方皓玟〈HW1〉，林家謙〈記得〉，Serrini〈樹仔〉。
「再見了 再見了 傲氣」再見了 再見了， 2022 ，byebye你條尾。
Lester
Dec 2022
岑敖暉
想寫年度，雖然收到之時叱咤一早完咗，但算是留個記錄給自己，寫連到/十大，其實即是寫年度情緒之總和、有關書寫年度情緒總和之不可能。
2022年，「可算快樂/我亦有些難啟齒」Wyman仍然係好屈機，喺一首貌似「大路情歌」中，用一句就輕輕鬆鬆搞掂咗，我估好多人都有既欲言又止、依依哦哦：「吓，快唔快樂？好難講喎……好差？又唔係嘅……er…吓…唔係…唔係好差…快樂？吓…er…」係囉，就係咁囉。「講到未來，只有懷疑與懷疑」如果要講大路嘅年度，係呢首㗎喇。
本來嘅大路年度，一定係〈我地〉：哇，兩個最care嘅我地，一首歌納晒，完全沒有解釋之必要：「若你值得我傾慕，萬物馬上輕於鴻毛/就是最後不見歸路/越絕望抱得越牢/閒人別來這地叫做我地/如逆境迫我跟你爭氣/頑強撐下來就成傳奇/大難因愛不死/昂然唱著我地我地/危難只會將我跟你/餘生共融煉成傳奇/靈魂緊扣守出轉機」okay，還需要解釋嗎。之所以是「本來」，是728過後， （聽歌的） bearing同coordinates完全唔同晒：好難「昂然」啦，唉，〈We are All〉之夾硬嚟及令人不適感，我估好多人都講過（ OK ？吓，邊忽OK … ）對於年尾，焗投呢首，諗起就覺得好心噏，鼓勵、支持定傷害？傷害、支持定鼓勵？頭痛唔頭呢首，都逃不出這個complex。「如還在乎我地我地我地/仍舊可爭氣爭氣爭氣/時常講別離別離別離/誰來栽種生機」是呀，無論如何，都不可以、不可以、不可以放棄栽種生機。好多嘢都可能係，唯有係咁先啦，「唯有係咁先啦」之中，再搵方法栽種生機。在愛裏栽種生機，在栽種生機的練習中滋養和學習愛，也是年度主題和主要日常練習。
仍然係阿Wy同欣宜，〈恐懼蠶食心靈〉極好呀，「相擁的瞬間應該極滿足/偏偏轉過身失聲地痛哭/練習忘記你/尚未失戀已習慣了/就算遇上一生的歸宿/好的東西有某個定律/最近似完美的/劇情最短促」這首之「好」，不在於歌詞，而是唱完這一堆「內容」之後，一句撻埋嚟：阿仔，恐懼蠶食心靈呀。以前的心境，頗像首歌的內容，害怕美好，恐懼擁抱美好，讓我痛苦， ；不過在修練去愛及被愛的過程中，以及身處在越來越shit得一塌糊塗的世界中，咁樣其實真係唔係好得，被恐懼侵佔自己，繼而讓恐懼侵佔及蠶食心靈，不可能去愛，不可能被愛，也不可能去創造出些什麼；要練習擁抱美好啊，要練習提着及待着出現在自己眼前、心裏的美好呀，不努力做這個練習，是生存不到的呀。
〈人啊人〉，食撚屎啦，你係人，新疆棉嗰啲唔撚係人，好嘔心，一聽到即刻熄機/轉台。
Okay，然後耀輝就話：「默認著大家都平庸/會慨嘆自己都有惡/再發覺到底想著善/疲倦嗎仍然靠著我坐下」呢首係連到最愛之一。係個人靜落嚟嘅時候，會好被觸動到嘅歌。是啦，不需要也不要想到自己有多天花龍鳳，其實好多包袱都是自己畀自己，自己其實好平庸，也實在有「惡」，有啲嘢，做唔到就真的做唔到，無論如何勉強自己，自己都係做唔到自己所唔能夠做到嘅事，但無論如何，仍然想努力做一個善的人啊，這首歌講鬧交，我同余思朗梗係會鬧交、成日鬧交，沖口而出的說話，互相傷害的說話，時常有之；「鬧交」本身算不上什麼… 我算是「pro鬧交」的一派，有衝突，最好不要迴避，「鬧交」最辛苦時，如果不幸地，在探訪時間內「鬧不完」，那麼抱歉，就必然要帶着場交返倉，對住場交，直到下一次探訪，先有機會「擺脫」。快則一兩日，慢則10日八日，是很可怕很折磨的體驗。然後泳/輝說：「怎麼將希冀換過 永遠有掙扎/然而因真誠而活 永遠會不壞/有猛風吹過 有猛火燒過/然後你靜了 為我靜了/然後吻著我 未來再多幾次的吵架」好迷輝/泳嘅位係，幾乎每一首歌，都係講點樣用盡生命的氣力去掙扎，而這種暴烈的掙扎的同時，又有一種好舒服的溫柔「仍然有我/仍然有你/仍然靠著我坐下」雖然感覺上一啲都唔激烈、一啲都唔暴烈，但耀輝的詞，經常都有種感覺是，他是用盡生命的力氣去寫。
今年的「我最喜愛」其實是泳兒，〈早上37.2度〉及〈葉落冰川〉都是好好。「是笑 是喊 是太輕或是太重/上半生是上半生 是沒法形容/是我 是我 是我的就是我的/或一些需要自責/但一些可以自豪」是太輕，或是太重，真的不知道，只是有時候，真的好累。如果可以，靠着余思朗坐下……那有多好。不過想一想也覺奢侈。
Ian某種曲風，我好鍾意喎。剛剛那首〈地球上最後一朵花〉，intro的那段哼唱，每一次波都會閉上眼睛感受。不過我比較喜歡年頭的〈留一天與你喘息〉。有時真係會覺得好攰，坐監係24/7，年終無休，冇得放假，有時真的好累好累。〈留一天〉的意境，是經常做meditation的沉浸意象之一「唯一想 留一天 與你喘息 由衷的 真心的/平靜裡安躺 棲身一抹暖光/游入了思海 看日落天荒/悠悠一刻抬頭 星空萬象綻放/如聽到我有種嚮往/其實我只想 棲身一抹暖光/沒說出口 心聲可以釋放/曾是獨個苦惱徬徨/卻是你 行入深鎖的這個房/不必太煽情太過悲壯」
如果真的要選一首「我的年度」，那無疑是鍾說及雲姨的〈到了那裏就對吧〉。謝謝鍾說，因為此歌創造了一個偶然，這個偶然爾後送了好多份珍貴的禮物於我，有好多份，可能仲係擺喺度唔使點拆，不過也許有其實沒那麼多偶然：The Divine Matrix is always responding. 但這首不能在此詳述了。
寫到呢度唔係好寫到嚕。有關寫年度十大之不可能， 2022是切開晒一忽一忽，要做一個整合，沒有能力做到。點解無柳仔？唔係無柳仔，係柳仔嗰舊嘢完全係另一個horizon嘅嘢，唔可能砌到喺呢度；嗰舊嘢太黐線，我估我都冇能力寫到做「文字」。
原來得六首，砌多四首啦：岑寧兒〈無常家〉，方皓玟〈HW1〉，林家謙〈記得〉，Serrini〈樹仔〉。
「再見了 再見了 傲氣」再見了 再見了， 2022 ，byebye你條尾。
Lester
Dec 2022
岑敖暉
【2022年我最喜愛的10首香港流行曲】
縱然有好多個「2」，但2022年對好多人嚟講都唔係易過嘅一年。無論係因疫情定時局所致呢一年振奮人心嘅消息同回憶似乎都比較少。2022年係我第一年，由1月1日去到12月31日一整年都喺獄中度過，喺每日超過20小時對住三面牆加一道閘嘅時光之中，音樂係我其中一個重要嘅伙伴。以下落嚟，我會挑選10首今年我最喜愛嘅本地流行曲，記錄我嘅2022年：
Spotify playlist [https://open.spotify.com/playlist/423DJxddu56hJRP5eusBF1?si=jhG595JLSTqbWII-oevOnQ](https://open.spotify.com/playlist/423DJxddu56hJRP5eusBF1?si=jhG595JLSTqbWII-oevOnQ)
（除第1位，其餘歌由排名不分先後）
1. 《到時見》 張蔓莎
「記錄相愛於浮城」係我今年最鍾意嘅一句歌詞。從前好多人用「浮城」形容香港，描述喺此地生活嘅人都只係過客，無意視此地為永久歸宿。但過去十年我哋見到呢種心態其實大有改變，香港人對呢片土地嘅感情同歸屬感都一度升至高峰。反而係呢一座城市係近年變得有好大嘅不確定性，個人好難去作一啲長遠計劃，浮嘅唔再係人，而係成個香港猶如船咁浮起上嚟。係咁嘅環境之下去建立同维持親密關係都係困難嘅事，但並非不可能。好感謝我今年最撐嘅新人Sabrina創作咗呢首歌，話比我哋知即使時勢唔容易。唔代表我吧要放棄幸福嘅權利，廢墟都可以化做城堡。
2. 《HW1》 方皓玟
唔記得有冇講過，我對移民潮之下大家選擇留低定離開其實冇太大意見，每個人因各自狀况而有不同顧慮，只要喺做抉擇時對自己誠實我就覺得可以了。可能我為人懦弱，我冇認真考慮過要移居外地，因為我好怕有朝一日生活中再冇「香港」嘅位置。我喜歡呢座城市，喜歡佢嘅文化同生活方式。後兩者其實好難定義，可以包括而家講緊嘅流行曲、街上嘅招牌，或者你喺茶記咬緊嘅菠蘿油，但我諗大家憑多年經驗都講得出一樣事物「香唔香港」。無疑上面呢啲例子都可以喺外國分拆重現，但所謂港式生活就係我哋所見各種有「香港ness」嘅事物嘅總和。而我相信如歌詞所講：「世界太好始終不夠香港這味道」。
3. 《Long D》 陳凱詠
荔枝角收押所離屋企唔算太遠，但呢兩年來平均每星期只係見得30分鐘，其餘時間只能靠書信來往；冇得出街拍拖，連一張載有回憶嘅相都無法留下；佳節送禮要假手於人，而家開咗關都無辦法到外面走走，我同另一半嘅相處模式都可以話猶如Long D。喺廿一世紀用二十世紀嘅方式去拍拖固然唔好受，有好多正常情侶可以做嘅嘢都做唔到。但所謂「愈爛嘅牌就愈要比心機打」，呢兩年我諗我學識咗，唔能夠咁理所當然，以為可以好似以前咁多機會比自己補飛。樣樣事都必須投入更多心力，用三倍心思去彌補物理上嘅限制，唔可以俾物理距離決定心嘅距離。當然，亦要真心感謝身邊那位喺呢一年中一直給予我無限力量呢。
4.《記得》 林家謙
相比起叱咤至尊歌〈邊一個發明了Encore〉，我更喜歡同期推出，但冇上過榜嘅〈記得〉。除咗欣賞林家謙喺演繹呢首歌之時嘅情感，呢首歌亦比 〈Encore〉更直接擊中我嘅心理狀況。由於2022年真係接近冇做過任何有意義嘅事，所以都冇乜嘢要擔心自己做得唔夠好，同埋成年都喺監房過，應該都冇乜嘢值得Encore。反而〈記得〉出嘅時候剛好撞正Office貓過身，呢首歌喺嗰期，可以話一直牽動住我嘅心弦。佢提醒咗我除咗悲傷同不捨之外，我哋更加要記得貴留下嘅Legacy，無論是好是壞，佢都將會住進每一個曾照顧佢嘅人嘅記憶之中，陪伴我哋繼續成長。
5.《污糟兒》 洪嘉豪
由〈掉進海的眼淚〉已經認識洪嘉豪，但之後一排覺得佢消失咗咁，係入到嚟追得貼咗先知其實佢係個好勤力嘅歌手，平均一年都可以做到４、５首歌，但好似硬係遇唔上一啲好嘅Melody，搞到佢一路都好似冇so called代表作。今年佢終於有首好歌啦，第一次聽已經印象好深刻，之後細嗒埋啲歌詞就愈覺得呢首歌正。如半山浸滿污水嘅污糟兒，被困嘅人都係孤獨嘅。孤獨在於冇得好似牆外嘅人咁如常生活；孤獨在於無法好似自由時咁維繫各種人際關係；孤獨在於你知道自己為身邊所有人帶嚟好多麻煩同創傷，但冇人可以同你分擔嗰種罪疚感。比較幸運嘅係自己仲未發展到歌詞後半咁，因為當我迷失時尚有人「背後托着我無限次」，謝謝你們。
6.《東京一轉》 麗英
熟悉我嘅朋友都知道我極喜歡去日本旅行，但數返上一次踏足當地已經係2019年初嘅事，而呢首歌嘅主角一東京更加有6年冇去過了。當時築地市場仲未搬，歌詞入面嘅「台場獨角」亦未出現，仲係擺緊RX-78-2。事隔多年，加上配合東京奥運嘅各項都市更新計劃，2023年嘅東京大概已經同當年所見相差甚遠。有感之前睇嘅書都比較花心神，我喺今年夏天起睇多咗一啲中文也好，日文也好，介紹日本各處風情嘅旅遊書同雜誌。雖然理性話比我聽，嗰張「上陸許可」嘅貼紙應該有耐都唔會出現喺我嘅護照之上，但呢啲書確係有望梅止渴嘅作用，而按住書上嘅資料同自己嘅經驗去規劃不同旅遊路線都可以算係我近月自娛嘅一種方法，真係希望「再等多等，行到就到」呢。
7.《海底隧道》 KOLOR
呢首歌我認為係2022年編曲編得最出色既一首歌，由一開頭如深海般嘅寧靜，漸漸推到去人聲開始嘅時候個種勁亢奮嘅Tone，成件事就好似歌名咁，呈現咗由喺海底行走，到見到隧道口滲入嚟嘅光，再到慢慢走返上地面嘅成個過程。由於身上嘅案件已經交付高等法院，今年多咗好多坐車過海嘅機會，每一次囚車駛入海底隧道既時候都不期然會諗起呢首歌。特別係貼咗黑色窗膜嘅囚車內部其實真係好暗，每當隧道口嘅光線透過前方擋風玻璃射入車內嘅時候，都令人有種黑暗過後重見光明嘅感覺。但願尚身處海底隧道嘅各位可以早日找到出口。
8.《到底發生過什麼事》Dear Jane
呢首真係不必多說，就算唔係Dear Jane Fans都好，我諗都有好多人將呢首歌放入2022年嘅Top 10。自〈銀河修理員〉之後， Dear Jane做咗啲新嘗試，推出咗以〈聖馬力諾之心〉為首嘅「勵志三部曲」。呢幾首喺意義上固然好正面，當中〈脫骹的華爾茲〉亦係我幾鐘意嘅作品，但感覺上都唔係好上得〈銀河修理員〉嘅高度。反而去到《到底》呢首，真係第一次聽已經有種「此歌必火」嘅感覺。大家可以話Dear Jane都係搣唔走MK POP嘅曲風，但都改不了今次呢首真係好好聽嘅事實，另外有個有趣位就係歌名「到底發生過什麼事」好似都變咗個common phrase，無論係報紙定雜誌，講咩topic都好，呢8隻字都係老是常出現呢。
9.《給缺席的人唱首歌》馮允謙
過去兩年隔住採訪室塊玻璃送別咗好多準備移居外地嘅朋友，同一時間亦有長輩喺我無法見佢最後一面嘅情況下離世。即使有日重獲自由，因為地域同生死嘅界限，佢哋都未必能夠如昔日咁見證我成長，以及同歡同聚。而對於身邊既所有人而言，過去兩年我都成為咗一個缺席的人，有朋友結婚我唔會去到現場到賀，親人喺病塌上我無法捉緊佢哋嘅手，喺每一個喜慶或哀悼嘅場合之中都不見我嘅身影，我只係留下咗缺席嘅記錄。所以每次播呢首歌嘅時候我都好感觸，會掛念好多已不能再見，以及更多唔係咁容易見嘅人。失去自由使人痛苦，但我認為錯過同珍重嘅人嘅相處時間更為折磨，就算有幸活得夠長命，但逝去咗嘅時間，點都追唔返。
10.《地球上的最後一朵花》陳卓賢
陳仔係我2022年非常欣賞嘅一位歌手，雖然佢今年幾首歌都係自己作，但佢並無限死自己嘅風格〈留一天與你喘息〉、〈GOT U〉同（Distance〉都反映咗唔同面向嘅佢。而我覺得佢選擇用〈地球上的最後一朵花〉去為佢2022年嘅音樂企劃作結係一個幾好嘅安排，無論係佢本人定呢個城市嘅大多數人喺2022年都係跌跌撞撞咁走過來，而呢首歌充有種鼓勵大家將各種黑暗拋諸腦後。喺新一年破土而出嘅感覺。同前幾首作品相比，呢首歌編曲唔算複雜或者好grand，呢個相對平淡嘅arrangement比咗個空間聽眾去聆聽自己嘅內心，intro同outro嘅humming我更覺得係神來之筆，牽動聽眾嘅情緒,並且將首歌推高咗一個層次。希望來年佢會有更多好作品。
好作品太多，10個位真係擺唔晒所以送多10首honourable mentions比大家，但我唔特別解釋點解揀佢哋啦：
《Distance》》陳卓賢／《doodoodoo》林家謙／《關於纏綿》張蔓姿／《小心地滑》張天賦／《自生自滅》張蔓莎／《扭擰雪糕屋》Kiri T／《五種愛的密語》Lolly Talk／《脫骹的華爾茲》 Dear Jane／《留一天與你喘息》陳卓賢／《世界以痛吻我而我歌唱》黃妍
祝大家新年進步，新一年請繼續支持香港樂壇。
Fergus
05.01.2023
——————————————————————
梁晃維 Fergus Leung
——————————————————————
📘 Facebook 梁晃維 Fergus Leung
📷 Instagram https://instagram.com/fergus.lfw
💌 Patreon https://www.patreon.com/ferguslfw
——————————————————————
休戚與共 長風破浪
梁晃維
縱然有好多個「2」，但2022年對好多人嚟講都唔係易過嘅一年。無論係因疫情定時局所致呢一年振奮人心嘅消息同回憶似乎都比較少。2022年係我第一年，由1月1日去到12月31日一整年都喺獄中度過，喺每日超過20小時對住三面牆加一道閘嘅時光之中，音樂係我其中一個重要嘅伙伴。以下落嚟，我會挑選10首今年我最喜愛嘅本地流行曲，記錄我嘅2022年：
Spotify playlist [https://open.spotify.com/playlist/423DJxddu56hJRP5eusBF1?si=jhG595JLSTqbWII-oevOnQ](https://open.spotify.com/playlist/423DJxddu56hJRP5eusBF1?si=jhG595JLSTqbWII-oevOnQ)
（除第1位，其餘歌由排名不分先後）
1. 《到時見》 張蔓莎
「記錄相愛於浮城」係我今年最鍾意嘅一句歌詞。從前好多人用「浮城」形容香港，描述喺此地生活嘅人都只係過客，無意視此地為永久歸宿。但過去十年我哋見到呢種心態其實大有改變，香港人對呢片土地嘅感情同歸屬感都一度升至高峰。反而係呢一座城市係近年變得有好大嘅不確定性，個人好難去作一啲長遠計劃，浮嘅唔再係人，而係成個香港猶如船咁浮起上嚟。係咁嘅環境之下去建立同维持親密關係都係困難嘅事，但並非不可能。好感謝我今年最撐嘅新人Sabrina創作咗呢首歌，話比我哋知即使時勢唔容易。唔代表我吧要放棄幸福嘅權利，廢墟都可以化做城堡。
2. 《HW1》 方皓玟
唔記得有冇講過，我對移民潮之下大家選擇留低定離開其實冇太大意見，每個人因各自狀况而有不同顧慮，只要喺做抉擇時對自己誠實我就覺得可以了。可能我為人懦弱，我冇認真考慮過要移居外地，因為我好怕有朝一日生活中再冇「香港」嘅位置。我喜歡呢座城市，喜歡佢嘅文化同生活方式。後兩者其實好難定義，可以包括而家講緊嘅流行曲、街上嘅招牌，或者你喺茶記咬緊嘅菠蘿油，但我諗大家憑多年經驗都講得出一樣事物「香唔香港」。無疑上面呢啲例子都可以喺外國分拆重現，但所謂港式生活就係我哋所見各種有「香港ness」嘅事物嘅總和。而我相信如歌詞所講：「世界太好始終不夠香港這味道」。
3. 《Long D》 陳凱詠
荔枝角收押所離屋企唔算太遠，但呢兩年來平均每星期只係見得30分鐘，其餘時間只能靠書信來往；冇得出街拍拖，連一張載有回憶嘅相都無法留下；佳節送禮要假手於人，而家開咗關都無辦法到外面走走，我同另一半嘅相處模式都可以話猶如Long D。喺廿一世紀用二十世紀嘅方式去拍拖固然唔好受，有好多正常情侶可以做嘅嘢都做唔到。但所謂「愈爛嘅牌就愈要比心機打」，呢兩年我諗我學識咗，唔能夠咁理所當然，以為可以好似以前咁多機會比自己補飛。樣樣事都必須投入更多心力，用三倍心思去彌補物理上嘅限制，唔可以俾物理距離決定心嘅距離。當然，亦要真心感謝身邊那位喺呢一年中一直給予我無限力量呢。
4.《記得》 林家謙
相比起叱咤至尊歌〈邊一個發明了Encore〉，我更喜歡同期推出，但冇上過榜嘅〈記得〉。除咗欣賞林家謙喺演繹呢首歌之時嘅情感，呢首歌亦比 〈Encore〉更直接擊中我嘅心理狀況。由於2022年真係接近冇做過任何有意義嘅事，所以都冇乜嘢要擔心自己做得唔夠好，同埋成年都喺監房過，應該都冇乜嘢值得Encore。反而〈記得〉出嘅時候剛好撞正Office貓過身，呢首歌喺嗰期，可以話一直牽動住我嘅心弦。佢提醒咗我除咗悲傷同不捨之外，我哋更加要記得貴留下嘅Legacy，無論是好是壞，佢都將會住進每一個曾照顧佢嘅人嘅記憶之中，陪伴我哋繼續成長。
5.《污糟兒》 洪嘉豪
由〈掉進海的眼淚〉已經認識洪嘉豪，但之後一排覺得佢消失咗咁，係入到嚟追得貼咗先知其實佢係個好勤力嘅歌手，平均一年都可以做到４、５首歌，但好似硬係遇唔上一啲好嘅Melody，搞到佢一路都好似冇so called代表作。今年佢終於有首好歌啦，第一次聽已經印象好深刻，之後細嗒埋啲歌詞就愈覺得呢首歌正。如半山浸滿污水嘅污糟兒，被困嘅人都係孤獨嘅。孤獨在於冇得好似牆外嘅人咁如常生活；孤獨在於無法好似自由時咁維繫各種人際關係；孤獨在於你知道自己為身邊所有人帶嚟好多麻煩同創傷，但冇人可以同你分擔嗰種罪疚感。比較幸運嘅係自己仲未發展到歌詞後半咁，因為當我迷失時尚有人「背後托着我無限次」，謝謝你們。
6.《東京一轉》 麗英
熟悉我嘅朋友都知道我極喜歡去日本旅行，但數返上一次踏足當地已經係2019年初嘅事，而呢首歌嘅主角一東京更加有6年冇去過了。當時築地市場仲未搬，歌詞入面嘅「台場獨角」亦未出現，仲係擺緊RX-78-2。事隔多年，加上配合東京奥運嘅各項都市更新計劃，2023年嘅東京大概已經同當年所見相差甚遠。有感之前睇嘅書都比較花心神，我喺今年夏天起睇多咗一啲中文也好，日文也好，介紹日本各處風情嘅旅遊書同雜誌。雖然理性話比我聽，嗰張「上陸許可」嘅貼紙應該有耐都唔會出現喺我嘅護照之上，但呢啲書確係有望梅止渴嘅作用，而按住書上嘅資料同自己嘅經驗去規劃不同旅遊路線都可以算係我近月自娛嘅一種方法，真係希望「再等多等，行到就到」呢。
7.《海底隧道》 KOLOR
呢首歌我認為係2022年編曲編得最出色既一首歌，由一開頭如深海般嘅寧靜，漸漸推到去人聲開始嘅時候個種勁亢奮嘅Tone，成件事就好似歌名咁，呈現咗由喺海底行走，到見到隧道口滲入嚟嘅光，再到慢慢走返上地面嘅成個過程。由於身上嘅案件已經交付高等法院，今年多咗好多坐車過海嘅機會，每一次囚車駛入海底隧道既時候都不期然會諗起呢首歌。特別係貼咗黑色窗膜嘅囚車內部其實真係好暗，每當隧道口嘅光線透過前方擋風玻璃射入車內嘅時候，都令人有種黑暗過後重見光明嘅感覺。但願尚身處海底隧道嘅各位可以早日找到出口。
8.《到底發生過什麼事》Dear Jane
呢首真係不必多說，就算唔係Dear Jane Fans都好，我諗都有好多人將呢首歌放入2022年嘅Top 10。自〈銀河修理員〉之後， Dear Jane做咗啲新嘗試，推出咗以〈聖馬力諾之心〉為首嘅「勵志三部曲」。呢幾首喺意義上固然好正面，當中〈脫骹的華爾茲〉亦係我幾鐘意嘅作品，但感覺上都唔係好上得〈銀河修理員〉嘅高度。反而去到《到底》呢首，真係第一次聽已經有種「此歌必火」嘅感覺。大家可以話Dear Jane都係搣唔走MK POP嘅曲風，但都改不了今次呢首真係好好聽嘅事實，另外有個有趣位就係歌名「到底發生過什麼事」好似都變咗個common phrase，無論係報紙定雜誌，講咩topic都好，呢8隻字都係老是常出現呢。
9.《給缺席的人唱首歌》馮允謙
過去兩年隔住採訪室塊玻璃送別咗好多準備移居外地嘅朋友，同一時間亦有長輩喺我無法見佢最後一面嘅情況下離世。即使有日重獲自由，因為地域同生死嘅界限，佢哋都未必能夠如昔日咁見證我成長，以及同歡同聚。而對於身邊既所有人而言，過去兩年我都成為咗一個缺席的人，有朋友結婚我唔會去到現場到賀，親人喺病塌上我無法捉緊佢哋嘅手，喺每一個喜慶或哀悼嘅場合之中都不見我嘅身影，我只係留下咗缺席嘅記錄。所以每次播呢首歌嘅時候我都好感觸，會掛念好多已不能再見，以及更多唔係咁容易見嘅人。失去自由使人痛苦，但我認為錯過同珍重嘅人嘅相處時間更為折磨，就算有幸活得夠長命，但逝去咗嘅時間，點都追唔返。
10.《地球上的最後一朵花》陳卓賢
陳仔係我2022年非常欣賞嘅一位歌手，雖然佢今年幾首歌都係自己作，但佢並無限死自己嘅風格〈留一天與你喘息〉、〈GOT U〉同（Distance〉都反映咗唔同面向嘅佢。而我覺得佢選擇用〈地球上的最後一朵花〉去為佢2022年嘅音樂企劃作結係一個幾好嘅安排，無論係佢本人定呢個城市嘅大多數人喺2022年都係跌跌撞撞咁走過來，而呢首歌充有種鼓勵大家將各種黑暗拋諸腦後。喺新一年破土而出嘅感覺。同前幾首作品相比，呢首歌編曲唔算複雜或者好grand，呢個相對平淡嘅arrangement比咗個空間聽眾去聆聽自己嘅內心，intro同outro嘅humming我更覺得係神來之筆，牽動聽眾嘅情緒,並且將首歌推高咗一個層次。希望來年佢會有更多好作品。
好作品太多，10個位真係擺唔晒所以送多10首honourable mentions比大家，但我唔特別解釋點解揀佢哋啦：
《Distance》》陳卓賢／《doodoodoo》林家謙／《關於纏綿》張蔓姿／《小心地滑》張天賦／《自生自滅》張蔓莎／《扭擰雪糕屋》Kiri T／《五種愛的密語》Lolly Talk／《脫骹的華爾茲》 Dear Jane／《留一天與你喘息》陳卓賢／《世界以痛吻我而我歌唱》黃妍
祝大家新年進步，新一年請繼續支持香港樂壇。
Fergus
05.01.2023
——————————————————————
梁晃維 Fergus Leung
——————————————————————
📘 Facebook 梁晃維 Fergus Leung
📷 Instagram https://instagram.com/fergus.lfw
💌 Patreon https://www.patreon.com/ferguslfw
——————————————————————
休戚與共 長風破浪
梁晃維
Patreon
Get more from 梁晃維 Fergus Leung on Patreon
creating 我哋想留下嘅香港
距離裁決仲有兩星期左右
日子都開始一日一日咁倒數
雖然明知結果係點，但都會抱有樂觀態度 ，去面對之後嘅一切
希望係剩餘時間見得曬啲朋友 ，好好咁開心過埋呢兩星期
黎緊我會開Patreon ，希望大家會支持下～
會定期分享翻學生活俾大家
lazy.smallblack
日子都開始一日一日咁倒數
雖然明知結果係點，但都會抱有樂觀態度 ，去面對之後嘅一切
希望係剩餘時間見得曬啲朋友 ，好好咁開心過埋呢兩星期
黎緊我會開Patreon ，希望大家會支持下～
會定期分享翻學生活俾大家
lazy.smallblack
一直關心嘅大家：
唔經唔覺，我都無見大家26個月嘅時間。雖然被圍牆分隔，但好多謝你哋喺生日及不同節日送上祝福以至來信關心。有回郵地址嘅我都有覆架，儘管面對種種不確定真係個對心志嘅鍛煉，但亦更感受到仍同行收到實質支持與鼓勵的可貴，收信同埋聽電台都好實然咁覺得拉近咗外間嘅距離。
而喺天氣轉涼至寒冷間，我都keep住每日有做運動令個身體暖啲(近嚟私飯菜單每週有一晚食枝竹羊腩！)。亦慶幸自己能夠保持身心健康，希望待到重逢那時能精精神神見到大家。最後，元旦睇林家謙喺叱吒唱出「邊一個發明了encore」入面有句「沿途將一切逆流轉化能量」，僅以此共勉。於新一年祝大家身壯力健，心想事成，萬事如意！感恩我依然感受到自己非獨自一人面對今年的判刑，一起保重 :)
之鋒
1-1-2023
------------
admin：之鋒過去多宗官司的費用支付迫在眉睫，面臨資源危機，歡迎訂願Patreon《獄中書簡》，希望大家再一次予以無私支援💛
https://www.patreon.com/joshuawong
懇請訂願Patreon《獄中書簡》，支持之鋒
黃之鋒
唔經唔覺，我都無見大家26個月嘅時間。雖然被圍牆分隔，但好多謝你哋喺生日及不同節日送上祝福以至來信關心。有回郵地址嘅我都有覆架，儘管面對種種不確定真係個對心志嘅鍛煉，但亦更感受到仍同行收到實質支持與鼓勵的可貴，收信同埋聽電台都好實然咁覺得拉近咗外間嘅距離。
而喺天氣轉涼至寒冷間，我都keep住每日有做運動令個身體暖啲(近嚟私飯菜單每週有一晚食枝竹羊腩！)。亦慶幸自己能夠保持身心健康，希望待到重逢那時能精精神神見到大家。最後，元旦睇林家謙喺叱吒唱出「邊一個發明了encore」入面有句「沿途將一切逆流轉化能量」，僅以此共勉。於新一年祝大家身壯力健，心想事成，萬事如意！感恩我依然感受到自己非獨自一人面對今年的判刑，一起保重 :)
之鋒
1-1-2023
------------
admin：之鋒過去多宗官司的費用支付迫在眉睫，面臨資源危機，歡迎訂願Patreon《獄中書簡》，希望大家再一次予以無私支援💛
https://www.patreon.com/joshuawong
懇請訂願Patreon《獄中書簡》，支持之鋒
黃之鋒
🌸開通Patreon🌸
Hello 大家好☺️自從上年8月Jessica因賢學思政案還押後，已於牆內渡過近半年了，距離放學嘅日子尚有403日。由於親友難以負擔龐大嘅開支，需要各位嘅幫忙，所以希望各位可以透過Patreon支援Jessica嘅日常開支。🥺🙆🏻♀️
Jessica 所需嘅開支包括物資、讀書、私飯等等。我哋非常感激各位願意支持Jessica！🥹🤍
Patreon會分享Jessica 牆內生活和書信，Jessica 亦會回覆各位嘅信，所得嘅款項會全數用嚟支援Jessica嘅日常開支。☺️🤍
Jessica 嘅Patreon:
https://www.patreon.com/chuwaiying
再次感謝大家對Jessica嘅支持同關心！🥰🌸
朱慧盈
Hello 大家好☺️自從上年8月Jessica因賢學思政案還押後，已於牆內渡過近半年了，距離放學嘅日子尚有403日。由於親友難以負擔龐大嘅開支，需要各位嘅幫忙，所以希望各位可以透過Patreon支援Jessica嘅日常開支。🥺🙆🏻♀️
Jessica 所需嘅開支包括物資、讀書、私飯等等。我哋非常感激各位願意支持Jessica！🥹🤍
Patreon會分享Jessica 牆內生活和書信，Jessica 亦會回覆各位嘅信，所得嘅款項會全數用嚟支援Jessica嘅日常開支。☺️🤍
Jessica 嘅Patreon:
https://www.patreon.com/chuwaiying
再次感謝大家對Jessica嘅支持同關心！🥰🌸
朱慧盈
【最後一個新年🐰】
愈珍惜時間，時間真係會過得特別快😮💨
每一餐飯每一個同親朋好友相處嘅時間，都總係覺得好唔夠
想一齊做嘅野好多，但時間已經唔允許🥲
最後一年同屋企人食團年飯，我地無特別去道別，默默陪住大家，好好珍惜最後呢個團聚時間🫂
我嘅新年願望🍊🎐
希望牆外嘅佢地可以一直健健康康、豐衣足食👨👩👦👦
(P.s.我諗翻左學之後一定會好掛住新年時候可以大魚大肉🫠）
lazy.smallblack
愈珍惜時間，時間真係會過得特別快😮💨
每一餐飯每一個同親朋好友相處嘅時間，都總係覺得好唔夠
想一齊做嘅野好多，但時間已經唔允許🥲
最後一年同屋企人食團年飯，我地無特別去道別，默默陪住大家，好好珍惜最後呢個團聚時間🫂
我嘅新年願望🍊🎐
希望牆外嘅佢地可以一直健健康康、豐衣足食👨👩👦👦
(P.s.我諗翻左學之後一定會好掛住新年時候可以大魚大肉🫠）
lazy.smallblack
🎂一頁自傳
「寫寫你怎麼到這裏來的吧，坦白、精簡的，一頁就好。」
該從何說起呢？是從小滿山跑養成的自由野性，是每年初夏擦拭燭淚的訓練，是做人權工作卻搞得很像做特工的日子，是消失於黑洞中的那許許多多的朋友，是那替你承受了卻連名字也不知道的數千手足？
「太瑣碎了，法官可不會有耐性聽。」
不，不是耐性的問題，只是太誠實了，沒有他們需要的東西。
我怎會不知道他們想聽的是什麼。話說，我這個律師牌可是認認真真考回來的，成績還不賴。畢業那年，雨傘盛放，我把畢業禮的程序表疊成了一把大紙傘，遞了給頒獎給我的老師。
夾在罪與罰之間的，是真實的人，還是冰冷的計算？老師教我們：求情該是有血有肉的，定罪與否是狹窄的法律攻防，唯有求情能讓法官真正認識你的當事人。說好每個人的故事，就是我們神聖的職責——噢，但不能長氣，法官很忙的，求情信別超過一頁。
執業後才發現，能真正了解當事人，是多麼的奢侈。5 分鐘，10 分鐘，就是當值律師能索取指示的時間。公式化的問題，公式化的陳詞，公式化的判刑。
一個人的人生，3 分鐘內說完，不外乎出身如何、家人多少、工作為何、收入若干、健康不佳，然後或是走投無路，或是一時糊塗，反正都是深感後悔，請求法庭寬大處理。但其實十個裏面有九個半，再多的悔意、再悲慘的人生，也是沒有什麼用的，唯一可靠的減刑理由，只有認罪。說每個人都是特別的？那不斷運轉的司法齒輪可沒有照顧這種特別的閒暇。
不只是時間的問題。
「你沒有做過嗎？」「法庭判你做過就是做過。千萬別說法官搞錯了，這顯得你沒有悔意。」「什麼？你之後還會做這個？為什麼…不不，我不是要教你怎麼做人，但是在庭上你還是聽我的，保證別再犯，其他個人情況就不說了。」「你沒瘋，是深思熟慮的決定？那就是謀殺了，你也不想一輩子在裏面吧？必須說你當時的情緒判斷出了問題，這是唯一的生路。」
代言別人的人生，包裝成制度願意接納的樣子，那就叫「專業判斷」。你本人是怎樣理解自己的一生的，不重要，你甚至是不被允許開口的，因為你已經有律師了。
僅一頁的人生，僅限悔過的敘事，何其高效，何其虛偽。而自己，也是這種流水作業的共犯，多少次三言兩語間就總結了以至創造了別人的一生。
法庭是否真的願意聆聽真實的人生、真實的想法？還是說，它要的只是順服和合作？
所以囚友讓我幫她們寫求情信，我總得調整期望，「很大機會改變不了什麼」，「但總是改變什麼的希望，」她回答。
給她們希望，是對了還是錯了？
再想起，他們說要給機會改過自新的年輕人，「大部分人都很後悔，知道自己被利用了」，他們說。他們對真實的你毫無興趣。紙花和紙傘，燭淚與催淚煙，都不是制度所需要的。沒有悔過，又何以顯得他們始終正確、仁慈寬大？
「法庭不是發表政治宣言的地方。」
「那法律就無權定我們的罪。」
鄒幸彤
「寫寫你怎麼到這裏來的吧，坦白、精簡的，一頁就好。」
該從何說起呢？是從小滿山跑養成的自由野性，是每年初夏擦拭燭淚的訓練，是做人權工作卻搞得很像做特工的日子，是消失於黑洞中的那許許多多的朋友，是那替你承受了卻連名字也不知道的數千手足？
「太瑣碎了，法官可不會有耐性聽。」
不，不是耐性的問題，只是太誠實了，沒有他們需要的東西。
我怎會不知道他們想聽的是什麼。話說，我這個律師牌可是認認真真考回來的，成績還不賴。畢業那年，雨傘盛放，我把畢業禮的程序表疊成了一把大紙傘，遞了給頒獎給我的老師。
夾在罪與罰之間的，是真實的人，還是冰冷的計算？老師教我們：求情該是有血有肉的，定罪與否是狹窄的法律攻防，唯有求情能讓法官真正認識你的當事人。說好每個人的故事，就是我們神聖的職責——噢，但不能長氣，法官很忙的，求情信別超過一頁。
執業後才發現，能真正了解當事人，是多麼的奢侈。5 分鐘，10 分鐘，就是當值律師能索取指示的時間。公式化的問題，公式化的陳詞，公式化的判刑。
一個人的人生，3 分鐘內說完，不外乎出身如何、家人多少、工作為何、收入若干、健康不佳，然後或是走投無路，或是一時糊塗，反正都是深感後悔，請求法庭寬大處理。但其實十個裏面有九個半，再多的悔意、再悲慘的人生，也是沒有什麼用的，唯一可靠的減刑理由，只有認罪。說每個人都是特別的？那不斷運轉的司法齒輪可沒有照顧這種特別的閒暇。
不只是時間的問題。
「你沒有做過嗎？」「法庭判你做過就是做過。千萬別說法官搞錯了，這顯得你沒有悔意。」「什麼？你之後還會做這個？為什麼…不不，我不是要教你怎麼做人，但是在庭上你還是聽我的，保證別再犯，其他個人情況就不說了。」「你沒瘋，是深思熟慮的決定？那就是謀殺了，你也不想一輩子在裏面吧？必須說你當時的情緒判斷出了問題，這是唯一的生路。」
代言別人的人生，包裝成制度願意接納的樣子，那就叫「專業判斷」。你本人是怎樣理解自己的一生的，不重要，你甚至是不被允許開口的，因為你已經有律師了。
僅一頁的人生，僅限悔過的敘事，何其高效，何其虛偽。而自己，也是這種流水作業的共犯，多少次三言兩語間就總結了以至創造了別人的一生。
法庭是否真的願意聆聽真實的人生、真實的想法？還是說，它要的只是順服和合作？
所以囚友讓我幫她們寫求情信，我總得調整期望，「很大機會改變不了什麼」，「但總是改變什麼的希望，」她回答。
給她們希望，是對了還是錯了？
再想起，他們說要給機會改過自新的年輕人，「大部分人都很後悔，知道自己被利用了」，他們說。他們對真實的你毫無興趣。紙花和紙傘，燭淚與催淚煙，都不是制度所需要的。沒有悔過，又何以顯得他們始終正確、仁慈寬大？
「法庭不是發表政治宣言的地方。」
「那法律就無權定我們的罪。」
鄒幸彤
《暖水袋》
這晚氣溫又降至只有十餘度，在溫暖被窩中抱著暖水袋的我忽然有種難以言喻的感受，怎麼不趁著這時間好好抒發這感受呢？
我是一個非常怕冷的人，上年剛剛入冬時誇張得上身穿了4件，下身穿2件，同事還笑說：「你啱啱北極翻黎？」（想起也覺得可笑）。
我怕冷的屬性也深深刻在家人的腦中，每次下班回家洗好澡準備睡覺時，一揭開被子就會看見已經準備好的暖水袋，即時「暖到入心」。我永遠也不會把家人對自己的好看成理所當然，準備暖水袋很麻煩呀，但她仍然為我準備好了，就是為了令我睡得暖點。
「你入去嗰陣要好好訓練你啲渣到爆既禦寒能力呀，冇暖水袋睇你點死！」之前和母親說過監獄沒有暖水袋後，她嘆了口氣後就說了這句話，哈哈。
其實之前在監獄還押時，每個單人倉或二人倉在晚上會有都一支暖水以作飲用，以這支水作暖水袋似乎是不錯的選擇，但和我現在抱著的真正愛心牌暖水袋相比，還真是差得遠呢。
現在好好把這刻的溫暖刻在腦袋後，容後再取出吧。
寫於2023年1月26日
deersexploring
這晚氣溫又降至只有十餘度，在溫暖被窩中抱著暖水袋的我忽然有種難以言喻的感受，怎麼不趁著這時間好好抒發這感受呢？
我是一個非常怕冷的人，上年剛剛入冬時誇張得上身穿了4件，下身穿2件，同事還笑說：「你啱啱北極翻黎？」（想起也覺得可笑）。
我怕冷的屬性也深深刻在家人的腦中，每次下班回家洗好澡準備睡覺時，一揭開被子就會看見已經準備好的暖水袋，即時「暖到入心」。我永遠也不會把家人對自己的好看成理所當然，準備暖水袋很麻煩呀，但她仍然為我準備好了，就是為了令我睡得暖點。
「你入去嗰陣要好好訓練你啲渣到爆既禦寒能力呀，冇暖水袋睇你點死！」之前和母親說過監獄沒有暖水袋後，她嘆了口氣後就說了這句話，哈哈。
其實之前在監獄還押時，每個單人倉或二人倉在晚上會有都一支暖水以作飲用，以這支水作暖水袋似乎是不錯的選擇，但和我現在抱著的真正愛心牌暖水袋相比，還真是差得遠呢。
現在好好把這刻的溫暖刻在腦袋後，容後再取出吧。
寫於2023年1月26日
deersexploring
#小助手探訪報告【震驚小助手！原來吳生成世人做過咁多次手術😱】
前排吳生整親，為咗等佢安心休養，小助手都冇去打擾佢🤣但知道大家都關心佢傷勢，趁新年去咗探佢，見佢仲精神過我😱😱完全唔似啱啱受完傷仲入埋廠又極速出返嚟嘅人😅吳生就解釋，自己係容易受傷嘅男人，以前都做過幾次手術，手手腳腳都有份，有足夠經驗應對今次意外🤣🤣
所以大家唔使擔心！！雖然佢治療完頭幾日瞓覺都唔太方便🥺但宜家已經好咗啦，預計唔會影響下個月上庭。不過嚟緊仲要覆診同做復康治療，希望順順利利啦！
小編🙎♀️：希望荔枝角楊過早日康復，唔好再玩斷自己啲手手腳腳喇！😂😂😂😂
❣最後繼續呼籲🙇♀️
希望大家可以subscribe patreon🙇♀️🙇♀️繼續支援吳生聘請律師🙇♀️
小編在此感謝大家！
⭐ 支持吳政亨(李伯盧)關注組 Patreon：
https://www.patreon.com/GordonNgConcernGroup
----------------------------------------------
吳政亨（李伯盧）關注組：
Fb: https://bit.ly/3x300Ec
Ig: http://instagram.com/gordonngconcerngroup
#香港 #初選大搜捕 #47人 #吳政亨 #李伯盧
吳政亨（李伯盧）關注組
前排吳生整親，為咗等佢安心休養，小助手都冇去打擾佢🤣但知道大家都關心佢傷勢，趁新年去咗探佢，見佢仲精神過我😱😱完全唔似啱啱受完傷仲入埋廠又極速出返嚟嘅人😅吳生就解釋，自己係容易受傷嘅男人，以前都做過幾次手術，手手腳腳都有份，有足夠經驗應對今次意外🤣🤣
所以大家唔使擔心！！雖然佢治療完頭幾日瞓覺都唔太方便🥺但宜家已經好咗啦，預計唔會影響下個月上庭。不過嚟緊仲要覆診同做復康治療，希望順順利利啦！
小編🙎♀️：希望荔枝角楊過早日康復，唔好再玩斷自己啲手手腳腳喇！😂😂😂😂
❣最後繼續呼籲🙇♀️
希望大家可以subscribe patreon🙇♀️🙇♀️繼續支援吳生聘請律師🙇♀️
小編在此感謝大家！
⭐ 支持吳政亨(李伯盧)關注組 Patreon：
https://www.patreon.com/GordonNgConcernGroup
----------------------------------------------
吳政亨（李伯盧）關注組：
Fb: https://bit.ly/3x300Ec
Ig: http://instagram.com/gordonngconcerngroup
#香港 #初選大搜捕 #47人 #吳政亨 #李伯盧
吳政亨（李伯盧）關注組
【被警毆打致頭破血流 反被警方追索賠償】
致各界朋友及同道：
就警方向本人索償就督察5327馬智聖於2019年9月15日在使用非法拘捕我過程而受傷所作出的僱員病假賠償
由案發到案件完結心情其實一直都忐忑不安，在判刑後六個月的牢獄期間亦不斷有警察要求探訪以心理輔導之名等理由騷擾我。
另外在趙家賢太古城被咬耳仔一案，警方亦傳召我作為證人上庭作供。但我人已經離開香港，而期間亦不斷重複致電我號碼。（真係好煩）
正當以為事情告一段落，亦開展我在台灣大學生涯的時候。卻收到一封由政府發出的信件，要求我支付督察5327馬智聖於2019年9月15日在使用非法拘捕我過程而受傷產生的賠償金額大約是十五萬港幣左右。
收到信的時候晴天霹靂，事件都已經快要過去兩年。
正當放下心頭大石，以為已經沒有其他手尾
豈不知政府仍然可以用這些手段來勒索我。
真的是赤裸裸的勒索，要回家就要付這筆費用。
同黑社會收陀地冇分別… 不愧係國際大刀會。
錢我就沒有了，還在讀大學要付學費。
那有多餘錢送給你香港政府倒落鹹水海。
希望大家可以訂閱我的Patreon 幫我分擔下壓力
或者有影相 Design Job接都可以搵我
https://www.patreon.com/whirzero
希望大家可以支持下 俾個LIKE 或者幫我SHARE出去,感謝。
多謝大家對我一直的支持。
各位繼續堅持落去。新年平安喜樂！
案件編號：ESCC 2146/2019
WHIR ZERO
致各界朋友及同道：
就警方向本人索償就督察5327馬智聖於2019年9月15日在使用非法拘捕我過程而受傷所作出的僱員病假賠償
由案發到案件完結心情其實一直都忐忑不安，在判刑後六個月的牢獄期間亦不斷有警察要求探訪以心理輔導之名等理由騷擾我。
另外在趙家賢太古城被咬耳仔一案，警方亦傳召我作為證人上庭作供。但我人已經離開香港，而期間亦不斷重複致電我號碼。（真係好煩）
正當以為事情告一段落，亦開展我在台灣大學生涯的時候。卻收到一封由政府發出的信件，要求我支付督察5327馬智聖於2019年9月15日在使用非法拘捕我過程而受傷產生的賠償金額大約是十五萬港幣左右。
收到信的時候晴天霹靂，事件都已經快要過去兩年。
正當放下心頭大石，以為已經沒有其他手尾
豈不知政府仍然可以用這些手段來勒索我。
真的是赤裸裸的勒索，要回家就要付這筆費用。
同黑社會收陀地冇分別… 不愧係國際大刀會。
錢我就沒有了，還在讀大學要付學費。
那有多餘錢送給你香港政府倒落鹹水海。
希望大家可以訂閱我的Patreon 幫我分擔下壓力
或者有影相 Design Job接都可以搵我
https://www.patreon.com/whirzero
希望大家可以支持下 俾個LIKE 或者幫我SHARE出去,感謝。
多謝大家對我一直的支持。
各位繼續堅持落去。新年平安喜樂！
案件編號：ESCC 2146/2019
WHIR ZERO
Hello everyone!👋🏻 This is Alberto💛
I’ve created a Patreon account, where I’ll be publishing my journals, photos or other contents while I’m away! Check out the link in my bio for more details🤩 Your kind support and subscription would be greatly appreciated🥹🫶🏻
大家好👋🏻我係Alberto💛我啱啱開咗個Patreon 之後會喺嗰度同大家分享我嘅日記 影嘅相等等 想知多啲就撳入我Bio 條link 睇吓啦😜希望大家幫手follow同subscribe🥹🫶🏻
Patreon https://www.patreon.com/the_entrammelled_poly_glot/
poly.glot.hk
I’ve created a Patreon account, where I’ll be publishing my journals, photos or other contents while I’m away! Check out the link in my bio for more details🤩 Your kind support and subscription would be greatly appreciated🥹🫶🏻
大家好👋🏻我係Alberto💛我啱啱開咗個Patreon 之後會喺嗰度同大家分享我嘅日記 影嘅相等等 想知多啲就撳入我Bio 條link 睇吓啦😜希望大家幫手follow同subscribe🥹🫶🏻
Patreon https://www.patreon.com/the_entrammelled_poly_glot/
poly.glot.hk
【準備開學物資🎒】
倒數一星期了，可以話去到最後階段🔜
要準備嘅‘’身後事‘’都準備得7788了
我對書真係麻麻 見到字海就好想瞓教😪
但為左可以入到去唔好浪費時間繼續增值自己 咁緊係點都要睇下書🫣
Btw 依家都想收返啲二手書俾屋企人 ，可以慳翻買書洗費
如果大家有二手書，歡迎DM我🫡
我鍾意睇啲
-社會學
-想學日文，英文
-徒手健身書
- 熱血漫畫（最愛蠟筆小新）
-貓貓寫真 （貓女郎都okay 🤭)
lazy.smallblack
倒數一星期了，可以話去到最後階段🔜
要準備嘅‘’身後事‘’都準備得7788了
我對書真係麻麻 見到字海就好想瞓教😪
但為左可以入到去唔好浪費時間繼續增值自己 咁緊係點都要睇下書🫣
Btw 依家都想收返啲二手書俾屋企人 ，可以慳翻買書洗費
如果大家有二手書，歡迎DM我🫡
我鍾意睇啲
-社會學
-想學日文，英文
-徒手健身書
- 熱血漫畫（最愛蠟筆小新）
-貓貓寫真 （貓女郎都okay 🤭)
lazy.smallblack
【道別🤙🏻】
一班交心但又未曾講心底話過嘅中同
為我搞判前最尾一次嘅party
多謝佢地幫我精心炮製左咁多嘢
一個唔靚但有特別裝飾嘅蛋糕 ，一堆深情嘅信
同埋 數位文盲嘅讀信員
多謝大家 🫶🏻🥹識到你哋真係好開心
第一次同大家咁樣深情對話
尷尬得黎又帶點窩心 ，估唔到你地都會咁性感🤭
我會記得你地講過嘅野同祝福
無論幾耐之後 ，我都會繼續成為帶黎溫暖歡樂且令自己驕傲嘅人
我地到時再見，愛我嘅中同們🫂
lazy.smallblack
一班交心但又未曾講心底話過嘅中同
為我搞判前最尾一次嘅party
多謝佢地幫我精心炮製左咁多嘢
一個唔靚但有特別裝飾嘅蛋糕 ，一堆深情嘅信
同埋 數位文盲嘅讀信員
多謝大家 🫶🏻🥹識到你哋真係好開心
第一次同大家咁樣深情對話
尷尬得黎又帶點窩心 ，估唔到你地都會咁性感🤭
我會記得你地講過嘅野同祝福
無論幾耐之後 ，我都會繼續成為帶黎溫暖歡樂且令自己驕傲嘅人
我地到時再見，愛我嘅中同們🫂
lazy.smallblack
相隔了幾天無法收信的紅日，真的會悶悶不樂，每天臨回家前都會開開信箱看看有沒有你的信件。今天也如常去開開信箱，我終於收到你的信件了๑ ᷇ 𖥦 ᷆๑)♡ 今天也來少少小摘要吧！
♡
第一封💌：
「我很期待你每次的家書，但可惜準備新年，或許要等待新年過後才能夠收到你的信件。抱歉今年沒法親身跟姨姨叔叔拜年，替我轉發給他們：新年快樂 身體健康。而都希望他們不會以為我們分開了。」
👀：【放心哦，我有替你好好跟我每一個家人好好拜年了，今年下年的🧧會幫你好好保存，放學全部歸還給你･֊･】
♡
第二封💌：
「我今天可以全日都看電視，有很多節目，有音樂和電影，這一天很快就過。另外我昨晚吃了雞髀🍗，今天又有雲耳粉絲加餸，真的很滿足。我昨晚睡覺的時候也發夢夢到自己放學，你來接我的時候，希望這一天快點來到。謝謝你入了日本旅遊書，我會慢慢計劃下去哪裏，你有什麼地方想去也可以告訴我，我們一起計劃吧！💪🏻」
👀：【雖然這個新年你並不在我身邊，但看到你有活動來解悶，也有比平常稍為“豐富”的加飲我也安心了，我最近發夢也會夢到你放學的時候，我也希望這一天能夠快點到 •ᴗ• ก 】
♡
第三封💌：
「今天是年初三，以往你到時去黃大仙祈福，今天有去嗎？等你分享！ 我今天也是看下電視，看下旅遊書，這一天也是這樣過了。我今天聽了幾首歌不錯，你有機會都可以聽吓：“滴滴金”、“意外現場”。 這段時間真的好像過得很快，不過想到要過多一個新年就有點傷心呢，但沒事的，日子一天一天，這樣過，很快就到我放學你來接我的日子。我真的很想念你，很想念和你一起的時光，現在睡覺都會想起你的💭」
👀：【我有空就聽聽你的介紹先～對啊，雖然對我來說一天都嫌多，但我也相信日子會很快過的，我們很快就可以重聚相遇，我們都要努力，以最好的狀態再相聚吧`꒳´】
♡
抱歉，今天口水有點多💧
be_brave_person
♡
第一封💌：
「我很期待你每次的家書，但可惜準備新年，或許要等待新年過後才能夠收到你的信件。抱歉今年沒法親身跟姨姨叔叔拜年，替我轉發給他們：新年快樂 身體健康。而都希望他們不會以為我們分開了。」
👀：【放心哦，我有替你好好跟我每一個家人好好拜年了，今年下年的🧧會幫你好好保存，放學全部歸還給你･֊･】
♡
第二封💌：
「我今天可以全日都看電視，有很多節目，有音樂和電影，這一天很快就過。另外我昨晚吃了雞髀🍗，今天又有雲耳粉絲加餸，真的很滿足。我昨晚睡覺的時候也發夢夢到自己放學，你來接我的時候，希望這一天快點來到。謝謝你入了日本旅遊書，我會慢慢計劃下去哪裏，你有什麼地方想去也可以告訴我，我們一起計劃吧！💪🏻」
👀：【雖然這個新年你並不在我身邊，但看到你有活動來解悶，也有比平常稍為“豐富”的加飲我也安心了，我最近發夢也會夢到你放學的時候，我也希望這一天能夠快點到 •ᴗ• ก 】
♡
第三封💌：
「今天是年初三，以往你到時去黃大仙祈福，今天有去嗎？等你分享！ 我今天也是看下電視，看下旅遊書，這一天也是這樣過了。我今天聽了幾首歌不錯，你有機會都可以聽吓：“滴滴金”、“意外現場”。 這段時間真的好像過得很快，不過想到要過多一個新年就有點傷心呢，但沒事的，日子一天一天，這樣過，很快就到我放學你來接我的日子。我真的很想念你，很想念和你一起的時光，現在睡覺都會想起你的💭」
👀：【我有空就聽聽你的介紹先～對啊，雖然對我來說一天都嫌多，但我也相信日子會很快過的，我們很快就可以重聚相遇，我們都要努力，以最好的狀態再相聚吧`꒳´】
♡
抱歉，今天口水有點多💧
be_brave_person