《壁屋遊記》
唔知好彩定唔好彩我還押期間經歷嗰兩個環頭，依家講壁屋先

我不獲保釋後，我就搭上一班夜班嘅囚車被送往壁屋，當其時我好記得有一班送車師，追住架車喺度跑都仲不停喺度嗌我哋嘅名，話「我哋會陪住你」、「撐住」、「保重」當其時我覺得咁樣好幼稚，好無謂，不過隨着佢哋慢慢追住架車直到俾警察圍住票控599G 架車就開始傳來陣陣嘅啜泣聲，而當中都包括我。

去到壁屋之後，我好記得嗰陣時係夜晚一入到去就比佢哋送入去指模房，唔知係我哋去嗰陣已經好夜，搞到佢哋要OT所以佢哋全部懲教個心情都好撚曳，一入嚟就喺度係咁串係咁鬧，「抵啦，有書唔讀」、「暴動仔」「入嚟收靶啦」之後帶我哋去一間房要我哋全部人除晒衫去檢查，然後有一個senior嘅囚犯走入嚟教我哋壁屋嘅規矩，佢同我哋講:「喺呢度搭阿Sir講嘢只有三句嘢要答，Yes sir,thank you sir同sorry sir 無謂嘅嘢唔好答唔好講」

之後佢就教我哋點樣報牌仔 （P.S. 同阿Sir報你嘅身份卡號碼）右腳揼低雙手抓住牌仔拍心口坐低身推個牌仔比阿Sir睇再大嗌：「Good evening sir 我係YDR xxxxx-21!!!」。然後照完X光，擺完樓(驗尿)，我哋就每人攞住一盒飯，去咗醫院嗰度住兩晚。

去到床位嗰度因為我哋每個人都唔知佢哋摺被嘅規矩係點，所以我哋都冇人敢打開去用，係咁瞓喺張床度就算。當時大家嘅情緒都仲未平復，所以成個晚上隔籬左右都會傳來一陣陣嘅喊聲。

待續

hk_toyjailo 

還押的第365日

別來無恙，晃眼一年已過，我早已適應獄中的環境，這裏遠無外界想像般苦悶，每日我都會讀書運動，閒時便聽歌寫信，為了讓內心平和也養成了打坐冥想的習慣，在規律的生活下身心都較以往健康，只是抱歉過去因種種原因一直無執筆寫信給大家，未來我會多些於Patreon分享日常，亦籍此機會多謝已訂閱的人，讓我能為家人分擔些許經濟壓力。

現時，案件已進入最後階段，很快會有判決，對結果雖然無期盼，但無怨無悔，至少我曾嘗試追求那看似遙不可及卻美好的理想，所有苦楚都甘願受之。在身陷囹圄的日子，除了感激不辭勞苦陪伴在旁的親友，還想感激那些素未謀面卻以各種方式默默同行的人，不論是曾寫信，旁聽還送車的你，皆以良善為我在漫長黑夜中帶來前行的勇氣。大家或會認這那些小事不足掛齒，但去年中秋得知需要還押我仍能坦然面對，然而當囚車使出法院時，車窗外那由手機燈所築成的星海卻令我淚流不止，那一幕，我必一世銘記。

我慶幸生於這個動盪的時代，能擁有絕佳的機會去改變現況，或許會有人質疑一切都是徒勞無功，不過無人知曉最後結局，而歷史的書寫者，必然是不願放棄的人。我明白深愛香港的人此刻看見如斯頹敗之境，難免會痛心無力，可是只要看看四周，便會發現諸多勇敢善良的人，仍在各自的領域深耕細作，請大家不要小看個體的力量，因為我們選擇怎樣活着，這個世界便會變成怎樣。其實想像的恐懼遠比現實可怕，現實亦絕非只有絕望，還有希望的一面，若我們能擁抱希望而行，即使活在困苦中，仍能找到堅持的意義。

請記得曾經歷的一切，好好呼吸，好好思考，好好活着，繼續擇言固執，一起昂首走那未完的路。

#請記得留住感覺過渡在人海
#我記得熾熱曾盛放

戰
二零二二年九月十日

-
支持逸戰Patreon👉🏻https://www.patreon.com/Wong_YatChin?fan_landing=true

收信地址：東涌郵政局郵政信箱246號

王逸戰

終於嚟到呢刻，感到平靜。

有陣時好多嘢都冇得揀，條命冇得揀、出生地方冇得揀、生成點都冇得揀，但我知道黑白有得揀，都可以揀做一個有良知嘅人。

琴日仲抽咗啲時間睇About Time，當每一日都係最後一日咁過，體驗生活中嘅美好。

So I will be fine 🫶🏻 You too.
-
Btw 得閒可以買返杯咖啡俾我

huge_lifeeee

《裁決前與Auman的互相祝福》
Auman同我都係暴動罪嘅手足 亦係同一天11月18號外圍被捕 感受更加深。。希望大家都知道依三年候審候判嘅日子要捨棄好多野：auman開攝影公司 以拍攝為生但係要賣光所有攝影工具去面對判決，被捕後嘅我都要放棄一直以黎既夢想 永遠都唔可能再做到。。
Auman同我嘅未來同人生都壓在2019年理大事件永遠都走不出。。
佢都知道可能入咗法院就出唔返黎。。對我同佢黎講依三年苦難終於迎來一個了結相信都係慰藉，只不過將要面對依幾年嘅過程更加更加唔容易。
之前已經有寒暄‘幾'番 今次喺Auman裁決前，我同佢當日提早特地一約見面 互相吹水一會 同握手擁抱祝福 雙方亦都特別祝福對方將要來既裁決能夠有個好結果，可惜嘅係 我最後喺開庭前 我係法院庭外拍拍佢嘅手臂：「出面等你 」今日未能夠實踐。相信大家都知結果係咩。。。
睇黎‘出面’嘅意思係幾年後嘅未來 我同佢都喺沒再苦難同束縛到再相見
btw auman真係好好人🥺
(攝於21-09-2022當日判決前)

navypotatohk

Hello 大家好🫶🏻
我係嚟緊會幫手管理呢個IG嘅K
雖然我一定做唔到Hug E本人咁Fun
但係我都會盡量承襲佢嘅風格
然後等佢笑我唔夠佢有趣🫡

Hug E已經罪成並即時還押
所以大家！快啲寫信！！！
我要佢寫到手軟都回唔切😡

寫信地址：
屯門中央郵政局郵政信箱686號
（信封面唔好寫收件人）

我相信你send啲貓貓同BP memes
可以吸引到佢即刻回信俾你🙏🏻

不過戴返個頭盔先 一個人得一雙手
雖然握到拳頭 但係唔知處唔處理得切
我會盡做🥲大家小得細力啲

其他注意事項睇圖❗️
咁大個仔咁大個女相信你哋搞得掂
搞唔掂就罰自己寫返10封信俾Hug E啦

huge_lifeeee

《壁屋遊記2奢侈品》

由於還押嘅細節眾多所以我留待之後整合。
———————————————
咁我哋就連續兩日喺醫院嗰度檢查，之後我哋就被轉移咗去隔離期數B5(隔離21日)我去到嗰度嘅時候，第一眼見到嘅就係一個面目凶狠嘅阿Sir其後望入去活動室入邊就見到四至五個囚犯。入到去嗰陣阿Sir教我哋隔離期嘅牌頭(規矩)，然後就問我哋有冇跟人同埋衰邊瓣。佢得知我哋係暴動仔之後就免不了一大輪嘅說教。

入到去活動室我被安排，我被安排坐到一個古惑仔嘅身邊，而事實上佢嘅外表亦都同古惑仔嘅既定印象相符，紋身由腳包到上頸。經過幾番交談之後我得知佢個名叫做阿輝佢衰自稱三合會，而出乎意料嘅係佢比我所認為嘅古惑仔更通情達理同友善。

其後一天嘅過去我都認識到唔同嘅人，有外籍黑人佢衰盜竊冇錢交保釋金，有一個17歲不善言詞嘅高佬佢收一萬蚊走去幫人收1.5kg白粉嘅郵包，仲有一個喺衰詐騙，但即使如此一日相處落嚟佢哋都冇乜嘢大問題。就一齊瞓覺直到第二日。喺瞓覺之前我都向其他同囚詢問入到嚟開始幾時先有人探，而佢哋都幫我計過由入名開始大約係明天屋企人就可以探。

由於還押人士嘅探訪時間係上午，所以我第二朝嘅早上一直都坐立不安喺度望住門口有冇四手(負責帶囚犯移動嘅懲教職員) 入嚟嗌名探訪，九點10點11點都有人被嗌出去探訪，但唯獨係我仲未有。隨着時間嘅過去，我個心就越嚟越忐忑。當我準備放棄期待嘅時候，我突然聽到 :「xxxxx-21探訪！」我聽到嘅時候即刻對一對牌仔再答覆阿Sir，而我去到探訪室嘅時候都喺度猜想係邊一個探我，當其時除咗屋企人之外我更加想見到女朋友。

叫到我號碼嘅時候我就被安排到坐喺一塊玻璃面前，而玻璃之間亦有數條鐵柱去等待探訪者嘅來臨。謎底終於揭曉，映入眼簾嘅係滿面擔心嘅父母，雖然我女朋友冇嚟到但係我都會好好把握呢15分鐘，而隨着名為時間嘅漏斗開始倒轉，我母親嘅表情由擔心慢慢轉變成淚流滿面，而我都不斷安撫佢哋嘅心情同交帶低我希望佢哋幫我處理嘅事。

但漏斗頂部嘅沙總會有流空嘅一日。由電話冇聲嘅一刻，你就知道今日之內就冇辦法再見到你嘅屋企人。當初習以為常嘅相見，喺牆內都會變成一種奢侈品。我中文唔好但情況大概就係「親欲見而子不在」。

而我被帶到返活動室嘅之後我有聽到有阿Sir嗌我個號碼，當時我懷着疑惑嘅心情走出去，隨即我收到嘅係一封寫住「XXX先生收」嘅信件。

待續

hk_toyjailo

再次提提大家
尋日星期六截郵之後開始
大家掉入郵筒的信
郵局都係會星期一處理
所以大家寄的信已經開始要$2.2郵費架啦
記住記住貼夠$2.2
郵費不足而又無寫回郵地址
就要收件人補返郵費🥹
有寫回郵就會收到郵局通知補錢
咁封信就要等補錢之後
又會遲左幾日先寄出😮‍💨

handwritingletters

大家好，我係菊花仔。
喺2019年11月11號之後，我就再冇用過菊花仔呢個名——直至而家。
呢個名象徵住當時14歲嘅我。點都諗唔到三年之後自己會再見番呢個名。
以為自己會大步檻過，點知人算不如天算。臨飛之前中咗武漢肺炎，延遲一個星期就俾人落案起訴。
仲有三日就正式認罪。對於一個曾經患有抑鬱症嘅人嚟講，呢排嘅日子會好難捱。
不過，希望在明天吖嘛（苦笑）

guk_faa_jai 

呢排聽歌，好鍾意聽梅艷芳嘅似水流年。其中一句好表達到我心聲——「留下只有思念」
思念嘅，除咗係屋企人以外，仲有離開咗香港嘅朋友。見到佢哋喺外國多姿多彩嘅生活，除咗戥佢哋開心之外，難免會有一絲可惜同傷感。
所以話真係要珍惜眼前人

（送上一張可愛嘅貓咪圖）
（做隻貓應該幾幸福）

guk_faa_jai

【關於EDD】
EDD: Earliest Departure Date
最近有唔少朋友問：「到底乜嘢叫『硬食一隻』，點解要返去坐多一個月？明明計到扣完還押日期只係得返幾日。」👈🏻想嘗試下解答，如果有錯，麻煩指正🙏🏻

根據監獄規則234A章第69條，「服刑中的囚犯如實際刑期超過1個月，可因勤奮及行為良好而按照本條的規定獲得減刑︰但本條並不准許將實際刑期減至少於31天。」所以即使扣完假期只係得返幾日，最後都要31日後先可以出冊。佢哋稱呢個情況做「硬食一隻」，意思係最快硬食一個月後就放學。換而言之，跟據規則指引，扣唔足1/3。

嗯，那天見。🫶🏻

engineers9up

31-8-2022（第二百四十五日）⭐️三
1. 我淹沒咗係”selective attention”同”negativity bias”，所以我負能量滿滿，覺得今日無乜好事，今朝比囚友摸手臂，覺得充滿細菌，返倉就忍不住洗手了。
下午有囚友拎咗我份私家報頭版去墊住剪指甲，同佢講仲大條斯理話唔知，同佢講上面有今日日期仲大大隻字寫我number仲不知悔改，係我準備釋放心中怒火之際，姑娘嚟鬧咗佢一鑊，食晚飯時小靜話睇新聞有minions上訴被撤回，失敗了，我：「嗰個咪我個fd…」
加上，今日係8.31😣

2. 「我們會對顯而易見的東西看不見，而我們看不見自己看不見」
今日係咪真係無好事？定係太慣常而視而不見？認真地回想一下今日每一個小細節，小靜係我著完工衣後總係會幫我反好個領，好貼心，佢今日又幫我了。今日係熟嘅姑娘睇更，佢會關心我開唔開心，會聽我呻。
今日可以見到前期數嘅minions，又成功say hi了～❤️我今日記得換電！
食晚飯時無曱甴包圍我可以好好食飯（琴日有4隻，今日有1隻瞬間比囚友踏死咗）
所以今日真係好差？唔係啊！點可以總係放任自己墜進負面？😉

3. （七）
「你認為個日係咪真係有死過人？」
「我認為係。」

Local Yeah本土野

仲有一日。
見曬我最想見嘅人，聽曬我最想聽嘅歌，食曬我最想食嘅嘢。本身今年考DSE，而家連書都冇得讀。不過雖然一生幾多風波，幾多荊棘，幾多險阻都捱得過嘅。只要而家捉緊小小快樂，遲啲就可以往新天與地探究。
說了再見，約定再見，就會再見。
冇咩事我出番聽歌先 :3
菊花仔,You’ve got this.
#我好鍾意廣東歌

guk_faa_jai

雖然最近講開意大利，但係最近呢件事，都想盡快記低先

自從21年2月，47人還押之後，Gary (范國威) 已經在囚一年半了。

今次係我第一次探佢。可以去見佢呢一件事，本身已經令我雀躍好一段時間。

Gary 係一個好nice嘅人，同佢傾計係可以感受到佢好謙卑、對別人佢相當尊重、常常帶有正面鼓勵。當然，呢個係佢入去之前我對佢嘅印象。我都好想知佢入左去之後有咩事發生，或者，個人有冇唔同到。

.

人群中隱約見到佢，有一種loading 令我腦海空白半秒，「真係佢咩? 好似少年犯」 屈機濃密嘅頭髮，加上瘦Fit 身型，令佢望落去好後生。事實上佢已經50plus。

另外半秒 令我腦海空白 係一種 shocking，只因我睇唔慣呢套衫係佢身上，非常唔襯佢。

令我開心嘅係，Gary非常開朗，好傾。佢絕對有保留到自己嘅good spirit。

傾偈之中，煞有其事話「同你講一個笑話」(我：😂)「之前我照鏡時，見到自己有大細胸嘅情況，所以我就每次操野，比多幾成功夫做細胸嗰邊，點知之後轉左房間位置，塊鏡唔同咗⋯」心急嘅我搶住劇透：「因為塊鏡係哈哈鏡？」塊死人膠鏡😌認得佢啦「係呀係呀，哈哈，本身唔係大細胸，最後真係變咗係！」我心想：Gary真係好Gary✌️

.

佢覺得最難受嘅，係三月時疫情高峰期，懲教署採取「鎖倉」措施嘅連續六個星期，沒有離倉運動時間、沒有探訪、沒有零食、沒有見律師、連信件來往速度都減慢得多。由於佢係一直都單獨囚禁，我相信每一項活動都非常重要。

另一個提到嘅難受，應該就係熱天氣，由於樓層位置，佢房間受到好猛太陽。呢個冇冷氣嘅地方，情況應該同每日都要焗幾小時sauna相似....

唔知而家CSD仲有冇實行，仍然好多謝邵家臻先生之前爭取嘅強勁風扇、個人冷凍毛巾等等降溫福利。

.

Gary都係運動愛好者，當年一齊街頭健身，而家最唔習慣係冇得做引體上升，練唔到背。佢搵到一個位置勉強做到個動作，但只能夠用手指頭抓住邊緣，最後「背未攰 手指已經冇力」，所以又我分享咗幾個另類方法可以練背肌⋯

同大家分享住咁多先，回憶錄寫完，又係時候寫信

rizzy_bodycraft

入獄的第三天 (上)

今天是入獄的第三天，很不容易才取得紙筆書寫。這兩天不時會回想起法庭定罪時的一刻，雖說一早已預料結果，但真正到來時仍不免會難過。還記得宣判後，法官向各位大律師派發書面判詞，著令延遲一個半小時，期間大律師們各自向其被告人解釋判詞內容。可能本來是法官的一個人性安排，讓我們走出被告欄見親友一面，交換擁抱，但懲教不允許，隨即便把我們帶進拘留室。臨進去前我把目光投向家人，看到阿哥托著眼鏡眼紅紅的模樣，也讓我哽咽。進去拘留室後，有兩位被告頓時哭成淚人，我自己心中亦湧現很多情緒，此刻充滿難受和不捨。上好手扣，做新冠檢測，等了一會兒，我被叫出拘留室。此時我爸、媽和哥以及律師都站了在被告欄外。

我媽保持一貫堅強的模樣，我爸即看得出眼淺，但仍很努力不哭出來，以免情境更加傷悲。反而我哥哭得臉紅耳赤，這是我從來未見過的一面，現在回想起仍覺得感動。其他朋友已經被趕出庭外，也沒機會再訴說什麼。律師向我們逐段解釋判詞，都是身處位置為衝突核心現場，衣著與其他示威者無異，藉以壯大聲勢云云。對我來說，這一節時間的重點還是見見家人，現在回想那應該是出獄前最後一次可以真實地觸碰得到他們。我沒特別說些什麼，只留下了一句 “Take Care “ ，以及拜託阿哥好好照顧爸媽。熟悉我的人都知道我不希望關於這件事的氛圍太過傷感。幾年時間從現在看好像很遠，但約回想幾年前就會覺得時間過得很快。總而言之，再難捱也是有限時間，當時去了場遠旅行，或再讀一次大學。到時捱過了，那就已是過去。最重要還是身邊人都要安好，保持身體健康，心臟強大。也不是太過勞氣，動氣傷身只會傷到自己。我們很快很快就會再見、再次擁抱、再過節日、再安坐家中與你們追韓劇。

這幾天最辛苦的是不停的等待和無所事事。先是從法庭還押到地下囚室，等了四個小時上囚車前往荔枝角。到達荔枝角，又要等辦登記程序。終於做完登記又要等轉移到囚室。這些幾個小時又幾個小時的等待都是無所事事的，沒書沒紙沒筆。幸好同案有另外二人一起前往荔枝角（有二人是女生、另外二人往壁屋索取勞教中心報告），也暫時住在同一囚室。有人一起守望相助，已經算很不錯。囚室中有另外三人，一人為還押人士，與我們一樣穿灰衫，另外兩名為定罪人士，穿啡衫。到達囚室時已天黑，吃了第一餐囚餐，便已熄燈。這裡的作息時間是每晚十時熄燈，早上六時半開燈，配以電台廣播叫醒你起床。睡的「床」是質感類似硬膠的纖維板，十分硬。尤其打側身睡，盤骨位會受壓很不舒服，所以睡了又醒，如此重覆著一整晚。另一件事是這間囚室有嚴重的滲水問題，洗手盤下方近地板的角位一直滲水。第一晚沒留意，第二朝發現整間房的地下都濕透了。我們也搞不清楚滲水源頭，一直拖地一直滲水，沒完沒了。後來聽人說，這間囚室的滲水問題早已為人所知，所以通常也留空不用。

第一個晚上也有另一件事令我十分焦急。我在登記過程從來無機會填寫探訪名單，本以為正常，但後來返回倉才知兩位友人有交過。那時已是晚上，只能等待明早找機會問問，但這一來代表明天未必來得切交名探訪。那時已很想念家人，除此之外也實際影響物資的安排，如書、筆、紙、日用品、零食等。二來，家人未能前來探訪想必也會十分焦急。想起明天未必見到家人，心裏難免忐忑不安。

第二天早上醒來，其實也沒什麼做。吃完早餐後也是一直等，不知道這是一個什麼樣的狀態。我問職員有關探訪名單的事宜，他叫我要等待見福利官時提出。另外，還押人士不是可以前往一個類似活動室的地方嗎？那裡至少有電視、康樂棋、兵乓球枱等。後來就知道原來我們正被隔離，之後再回復「正常」的還押生活。由於隔離多久即沒有人說得準，有人說三天，有人說五天，有人說七天。這裡就是摸著石頭過河的狀態，沒有人會清晰地交代什麼，像是之前所提的探訪名單，安排、加名、物資如何申請、隔離多久… 所有問題不得強求答案。緣分到了自然知道。另一方面，這裏基本上失去了「時間」這觀念，唯一提供時間的就是廣播中的香港電台。除此之外，其實是不會知道現時幾點。以昨晚為例，我們吃完晚飯，等到天黑，過了好一會兒，以為已經九點，誰知電台報時只是七點。所以一來乾等，二來失去時間觀念，這兩方面都讓時間過得特別慢。

續。

23/9/2022

aumanyick