【探訪完結要走，傑仔好唔捨得】
日前，趁傑仔未過界，還在荔枝角，有二位朋友去探佢。
朋友問傑仔有冇俾人蝦，傑仔話冇，佢話入面好多囚友都話佢判刑太重。
傑仔話喺荔枝角唔使做嘢，每日有$3(入邊啲嘢好平，幾元雞幾元雞都可以買嘢了)，知道嚟緊會迥界去另一監獄，去到嗰邊先要正式做嘢。
係艻枝角，佢每日主要都係瞓覺，自己又做下健身。
朋友問佢瞓得好唔好？傑仔話有時都瞓唔到，因為試過隔離床左右兩邊嘅人鼻鼾聲都好大，所以完全瞓唔到😂😂😂
三十分鐘探訪時間完結，兩位朋友要走，傑仔好唔捨得。
朋友同佢講，過左界之後都會去探佢的，叫佢唔使擔心！
保重！好快再見！
如果大家想支持傑仔渡過呢個難關，歡迎訂閱他的patreon：
https://www.patreon.com/kitjaihker
kitjaihker
日前，趁傑仔未過界，還在荔枝角，有二位朋友去探佢。
朋友問傑仔有冇俾人蝦，傑仔話冇，佢話入面好多囚友都話佢判刑太重。
傑仔話喺荔枝角唔使做嘢，每日有$3(入邊啲嘢好平，幾元雞幾元雞都可以買嘢了)，知道嚟緊會迥界去另一監獄，去到嗰邊先要正式做嘢。
係艻枝角，佢每日主要都係瞓覺，自己又做下健身。
朋友問佢瞓得好唔好？傑仔話有時都瞓唔到，因為試過隔離床左右兩邊嘅人鼻鼾聲都好大，所以完全瞓唔到😂😂😂
三十分鐘探訪時間完結，兩位朋友要走，傑仔好唔捨得。
朋友同佢講，過左界之後都會去探佢的，叫佢唔使擔心！
保重！好快再見！
如果大家想支持傑仔渡過呢個難關，歡迎訂閱他的patreon：
https://www.patreon.com/kitjaihker
kitjaihker
Another Q & A⋯⋯
Q：甚麼時候Last day？
A：下個月。
Q：還有甚麼想做？
A：最近沒甚麼胃口。不過想食沒這麼貴的Osso Buco、沒這麼酸的Beef Tartare和去沒多少人而且有梳化坐的疏乎里店。（歡迎出招）
Q：為甚麼最近看作品的人少了？
A：我也想知道。
Q：在監獄裡面有甚麼打算？
A：會花光所有時間看書和鍛鍊。在外面的時候，根本沒辦法專心，坐牢可能反而給了自己一個機會進修。
Q：出來之後會不會離開香港？
A：至少一年內都不會。連旅行都不會去。接下來要處理的事太多。
Q：例如？
A：學習巴西柔術和拳擊，重新拿回身體的操控權；開始執材料、砌大綱、找合作和出版夥伴、逐步執行寫作計劃。
Q：一般人開Patreon都會隱藏資助總額，為甚麼你的Patreon會公開價碼？
A：大部分人不願意把自己的收入來源和價碼公開，我反而認為，透明度才是對所有資助者和支持者最好的交代。他們有權知道自己支持的創作者，到底有多少價值，以及了解資金往後的流向。
更重要的是，每一個數字，都是一個實在的證明——前線抗爭者不是像表面看般孤獨前行，從來也有人默默用行動表示。還有多少人願意為失去時間的人買回他們所犧牲的尊嚴和信心，我想透過自己的Patreon，向所有支持抗爭的人做一次最透明的展示。
Q：好了好了，情勒寶寶。我給就是了。
A：6月後才給會比較好。Patreon的截數日，是每個月的1號。
Q：走之前還有甚麼想問？
A：為甚麼最近看作品的人少了？
shiken_420
Q：甚麼時候Last day？
A：下個月。
Q：還有甚麼想做？
A：最近沒甚麼胃口。不過想食沒這麼貴的Osso Buco、沒這麼酸的Beef Tartare和去沒多少人而且有梳化坐的疏乎里店。（歡迎出招）
Q：為甚麼最近看作品的人少了？
A：我也想知道。
Q：在監獄裡面有甚麼打算？
A：會花光所有時間看書和鍛鍊。在外面的時候，根本沒辦法專心，坐牢可能反而給了自己一個機會進修。
Q：出來之後會不會離開香港？
A：至少一年內都不會。連旅行都不會去。接下來要處理的事太多。
Q：例如？
A：學習巴西柔術和拳擊，重新拿回身體的操控權；開始執材料、砌大綱、找合作和出版夥伴、逐步執行寫作計劃。
Q：一般人開Patreon都會隱藏資助總額，為甚麼你的Patreon會公開價碼？
A：大部分人不願意把自己的收入來源和價碼公開，我反而認為，透明度才是對所有資助者和支持者最好的交代。他們有權知道自己支持的創作者，到底有多少價值，以及了解資金往後的流向。
更重要的是，每一個數字，都是一個實在的證明——前線抗爭者不是像表面看般孤獨前行，從來也有人默默用行動表示。還有多少人願意為失去時間的人買回他們所犧牲的尊嚴和信心，我想透過自己的Patreon，向所有支持抗爭的人做一次最透明的展示。
Q：好了好了，情勒寶寶。我給就是了。
A：6月後才給會比較好。Patreon的截數日，是每個月的1號。
Q：走之前還有甚麼想問？
A：為甚麼最近看作品的人少了？
shiken_420
文字、歌詞一向都係阿匡嘅興趣。四月嘅時候，阿匡就再次喺收押所內作咗一首詞，佢話係講愛情🤔 唔知大家點睇？會唔會可以畀啲意見？有有無朋友想幫手唱出來演繹呢？
請小額支持阿匡創作👉🏻 www.patreon.com/ventuslauwh
《記得要忘記》 （原曲: 某種老朋友 - 林家謙）
別回望誰在途上誇口日後重來
講過的缺一不可再難存在
很愛很愛不過亦不想受害 人其實需要自愛
原來光景可變改 原來這叫做時代
別人在亡命時活得很自在 無遺憾需要負載
得你一個捨不得遠洋過海
困在最狹小的被鋪中 再等被愛 痛苦痛在有期待
長情得不到喝采 頑強到寂寞難耐
*如未能承受記得要忘記
不要讓前事捆綁自己
今天天氣多明媚 為何一貫愁眉
明明很清楚輕煙只得你記起
自虐完太陽之後一樣升起
何來同路人陪着吸入刺鼻的空氣
遺物已所餘無幾 念舊亦是無味
忘掉緣由後再將過程忘記
假設未曾活於昔日故地
要是舊時拿得起也可以逃離
像塵土四散後落入無人之地
在地圖上找不到你遺留過任何香味
歷史書裏面未曾尋獲有什麼可記
是最普通的過客不發一言又遠飛 *
面前是條越行越黑的絕路 仍然未相信命數
堅決得押上一生與神去對賭
抱着過太緊所以很不慣不用抱 放手確實有難度
嫌回憶都不夠好 才傻到自掘墳墓
Repeat *
記得要忘記 最初的自己
劉頴匡
請小額支持阿匡創作👉🏻 www.patreon.com/ventuslauwh
《記得要忘記》 （原曲: 某種老朋友 - 林家謙）
別回望誰在途上誇口日後重來
講過的缺一不可再難存在
很愛很愛不過亦不想受害 人其實需要自愛
原來光景可變改 原來這叫做時代
別人在亡命時活得很自在 無遺憾需要負載
得你一個捨不得遠洋過海
困在最狹小的被鋪中 再等被愛 痛苦痛在有期待
長情得不到喝采 頑強到寂寞難耐
*如未能承受記得要忘記
不要讓前事捆綁自己
今天天氣多明媚 為何一貫愁眉
明明很清楚輕煙只得你記起
自虐完太陽之後一樣升起
何來同路人陪着吸入刺鼻的空氣
遺物已所餘無幾 念舊亦是無味
忘掉緣由後再將過程忘記
假設未曾活於昔日故地
要是舊時拿得起也可以逃離
像塵土四散後落入無人之地
在地圖上找不到你遺留過任何香味
歷史書裏面未曾尋獲有什麼可記
是最普通的過客不發一言又遠飛 *
面前是條越行越黑的絕路 仍然未相信命數
堅決得押上一生與神去對賭
抱着過太緊所以很不慣不用抱 放手確實有難度
嫌回憶都不夠好 才傻到自掘墳墓
Repeat *
記得要忘記 最初的自己
劉頴匡
外星人～
Hay~唔知大家知唔知我同章魚升左Cat A未呢？反正我已經係一個Cat A了😵以後成日都要坐鐵威龍？⋯諗起都頭痛！
近排報紙成日報有啲關於國安法啲case等開審等好耐⋯唔坐唔知程序慢，地院等2-3年開審大家知la! High Court Case 嗰啲隨時要等個4,5年先開審！點解冇人會表示關注嘅呢？？我真係R晒頭~
BTW我新落嘅期數得20人😑其中30歲以後下嘅得3個⋯我瞬間覺得自己入咗老人院LOL 😂
好！悶！吖 😴
唔孤獨嘅浮標～（靚仔星）
#三粒星
#save12hkyouths
saamlapsing
Hay~唔知大家知唔知我同章魚升左Cat A未呢？反正我已經係一個Cat A了😵以後成日都要坐鐵威龍？⋯諗起都頭痛！
近排報紙成日報有啲關於國安法啲case等開審等好耐⋯唔坐唔知程序慢，地院等2-3年開審大家知la! High Court Case 嗰啲隨時要等個4,5年先開審！點解冇人會表示關注嘅呢？？我真係R晒頭~
BTW我新落嘅期數得20人😑其中30歲以後下嘅得3個⋯我瞬間覺得自己入咗老人院LOL 😂
好！悶！吖 😴
唔孤獨嘅浮標～（靚仔星）
#三粒星
#save12hkyouths
saamlapsing
8-5-2022（第一百三十日）⭐️日 母親係自私又無私嘅偉大生物☺️
1. 母親節快樂❤️祝各位媽媽身體健康❣️
一陣可以見媽咪，梳好啲個頭（平時是旦梳反正唔洗見人）
我個期數好多媽媽，所以一大早就祝各位母親節快樂😆 有個話：「我有個仔！」我：係。佢：「三十幾歲！」我：係，佢：「同我個仔一齊好唔好？靚仔！」我：好嘅奶奶！氹得佢幾開心XD佢話要聽日比佢個仔張相我睇下～
2. 見咗媽咪了，講咗句：「母親節快樂」就忍唔住喊☹️
實在唔想佢本身係慶祝嘅日子仍然嚟探我，着住囚犯衫嘅我，家人同媽咪一齊嚟。媽咪比較少講嘢，家人話：「你有無咩想同X講？」媽咪：「我望下你（佢對住我講）。」☹️
我就是一個幸福的小孩子。
3. 今日想同大家分享一啲小想法：（廢話mode～嘻～）
有一日我同一個有抑鬱嘅人傾偈，佢話：「唔係我想出世係嚟個世界上，我嘅出世係嚟至於成人嘅自私，佢哋x嘢個陣有無問過我啊！」
我並唔否認佢嘅說法，每個人生於世上並唔係基於自願，生育一個生命有好多背後嘅原因，例如：我想做媽媽，長輩帶來嘅壓力，唔想得一個小朋友想有個弟妹陪伴佢成長等等。無論任何原因，都係成人嘅想法，自私嗎？我認同自私的，不過成人可以選擇點樣去養育自己嘅孩子。用無私傾盡自己所有嘅愛比自己嘅孩子。
我都諗過好多次到底我生存係呢個世界嘅意義係乜？我唔知啊，我只係世間其中一粒不顯眼嘅微塵。但我感恩我有生存嘅機會去經歷感受世界。如果我家人對我唔係咁好，我又會唔會尋死？我諗唔會，生命係自己嘅。出生我無得揀，離世我有得揀。不過遲早我都死，係死之前我想做我未試過，覺得應該要做嘅，做咗我會心安理得嘅，無悔此生嘅😊
我感激媽咪自私地將我帶嚟呢個世界。
教我做一個正直嘅人，堅強去面對自己嘅難關。比我隨心所欲嘅生活，任由我做人做得咁自我😆✨
養兒防老？
哈哈！我少令佢擔心一日都偷笑XD
可以做你嘅女兒，係我嘅幾生修到，好撚幸福。
媽，我愛你😊❤️
想試下唔寫到喊，好難XD
Local Yeah本土野
1. 母親節快樂❤️祝各位媽媽身體健康❣️
一陣可以見媽咪，梳好啲個頭（平時是旦梳反正唔洗見人）
我個期數好多媽媽，所以一大早就祝各位母親節快樂😆 有個話：「我有個仔！」我：係。佢：「三十幾歲！」我：係，佢：「同我個仔一齊好唔好？靚仔！」我：好嘅奶奶！氹得佢幾開心XD佢話要聽日比佢個仔張相我睇下～
2. 見咗媽咪了，講咗句：「母親節快樂」就忍唔住喊☹️
實在唔想佢本身係慶祝嘅日子仍然嚟探我，着住囚犯衫嘅我，家人同媽咪一齊嚟。媽咪比較少講嘢，家人話：「你有無咩想同X講？」媽咪：「我望下你（佢對住我講）。」☹️
我就是一個幸福的小孩子。
3. 今日想同大家分享一啲小想法：（廢話mode～嘻～）
有一日我同一個有抑鬱嘅人傾偈，佢話：「唔係我想出世係嚟個世界上，我嘅出世係嚟至於成人嘅自私，佢哋x嘢個陣有無問過我啊！」
我並唔否認佢嘅說法，每個人生於世上並唔係基於自願，生育一個生命有好多背後嘅原因，例如：我想做媽媽，長輩帶來嘅壓力，唔想得一個小朋友想有個弟妹陪伴佢成長等等。無論任何原因，都係成人嘅想法，自私嗎？我認同自私的，不過成人可以選擇點樣去養育自己嘅孩子。用無私傾盡自己所有嘅愛比自己嘅孩子。
我都諗過好多次到底我生存係呢個世界嘅意義係乜？我唔知啊，我只係世間其中一粒不顯眼嘅微塵。但我感恩我有生存嘅機會去經歷感受世界。如果我家人對我唔係咁好，我又會唔會尋死？我諗唔會，生命係自己嘅。出生我無得揀，離世我有得揀。不過遲早我都死，係死之前我想做我未試過，覺得應該要做嘅，做咗我會心安理得嘅，無悔此生嘅😊
我感激媽咪自私地將我帶嚟呢個世界。
教我做一個正直嘅人，堅強去面對自己嘅難關。比我隨心所欲嘅生活，任由我做人做得咁自我😆✨
養兒防老？
哈哈！我少令佢擔心一日都偷笑XD
可以做你嘅女兒，係我嘅幾生修到，好撚幸福。
媽，我愛你😊❤️
想試下唔寫到喊，好難XD
Local Yeah本土野
晨早流流，千里迢迢，赤柱探監，俾人串爆，我求之不得，甚至樂上半天。因為，串我的人叫黃之鋒。
1，跟之鋒說好耐冇見：他說不是啊，每次上庭都見到我，只是傾不到偈，打不到招呼而已。他說他十分留意來旁聽的人，而6月1日和2日正是他上庭的日子，希望大家關注。
2，問之鋒在監獄的適應情況：他說反正不是第一次坐監，所以物資上和心理上的適應沒有問題，況且屋企人處境安全，心裏更是了無牽掛。
3，問之鋒對判刑的準備：他說我跟他認識已11年， 11年前根本不能想像11年後的今天景象，而今天又豈能預測11年後會是怎樣的一個香港/世界。
4，之鋒問我去或留：他留意之前社會對去或留有很大爭論，他一面對留下來的人表示尊敬，因為留下來的人承受很大的壓力。另一方面又認為去或留都不是真議題，真議題其實是去也好留也好，之後會為香港幹什麼。
5，問之鋒在監獄的生活如何：他有讀寫障礙，又不喜歡運動，大多時間都在聽收音機。他串我不懂得〈大日如來〉，這是梁佰堅填的詞，李芷君唱的歌，電台節目經常播，內容關於放監。之鋒十分感謝此時此刻仍有這些歌在唱。
附上幾句歌詞，算是之鋒給牆外的你點歌：
//心中想到不止有我一個人 當天為著信念而狂奔 疲憊過痛過 幾百千天啞忍 仍沒放棄那不變初心 衝出這四面牆人沒罣礙 離開池塘追逐大海 灌溉不更改 有日牆上花開 別怕一個人黑暗中比賽//
邵家臻
1，跟之鋒說好耐冇見：他說不是啊，每次上庭都見到我，只是傾不到偈，打不到招呼而已。他說他十分留意來旁聽的人，而6月1日和2日正是他上庭的日子，希望大家關注。
2，問之鋒在監獄的適應情況：他說反正不是第一次坐監，所以物資上和心理上的適應沒有問題，況且屋企人處境安全，心裏更是了無牽掛。
3，問之鋒對判刑的準備：他說我跟他認識已11年， 11年前根本不能想像11年後的今天景象，而今天又豈能預測11年後會是怎樣的一個香港/世界。
4，之鋒問我去或留：他留意之前社會對去或留有很大爭論，他一面對留下來的人表示尊敬，因為留下來的人承受很大的壓力。另一方面又認為去或留都不是真議題，真議題其實是去也好留也好，之後會為香港幹什麼。
5，問之鋒在監獄的生活如何：他有讀寫障礙，又不喜歡運動，大多時間都在聽收音機。他串我不懂得〈大日如來〉，這是梁佰堅填的詞，李芷君唱的歌，電台節目經常播，內容關於放監。之鋒十分感謝此時此刻仍有這些歌在唱。
附上幾句歌詞，算是之鋒給牆外的你點歌：
//心中想到不止有我一個人 當天為著信念而狂奔 疲憊過痛過 幾百千天啞忍 仍沒放棄那不變初心 衝出這四面牆人沒罣礙 離開池塘追逐大海 灌溉不更改 有日牆上花開 別怕一個人黑暗中比賽//
邵家臻
我準備進入倒數180日階段了，731日終於捱剩180日。回望返真係好快。話說我成日俾人話似世界第一筆個主持 盧學叡同埋保錡，你覺得似唔似？好啦唔講住喇～
PS 我已經諗緊第一餐食乜
PS 幫我搵下無間道傻強戴果款眼鏡嘅相同邊度有得買
大耳
1-5-2022
lil.saiyan
PS 我已經諗緊第一餐食乜
PS 幫我搵下無間道傻強戴果款眼鏡嘅相同邊度有得買
大耳
1-5-2022
lil.saiyan
【📅六月之星 - 尹兆堅-希望能收到你送來的生日信💌！】
久久沒有更新阿尹的消息了！說起來小編也十分抱歉！🙇🏻♀️
因第五波疫情影響了在囚人士的探訪，也因為疫情的緣故，郵局送信的速度也受到阻延。在恢復探訪後，小編和尹相見時才發現，小編多次寄信給阿尹，阿尹竟未能收足，而阿尹寄出來的信，也面對同樣的情況。所以在這段日子裡，團隊跟阿尹的接觸幾乎截斷。
幸好，5月初疫情緩和，探訪也陸續正常了！我們終於也看到阿尹了！久久沒有見，阿尹看起來更MAN了！肌肉比之前更為很結實！當然精神很不錯！由在囚身份變回了還押，他每天最期待的還是跟朋友相聚的短短15分鐘時間。阿尹更特別提到，之前他在上庭時看到有石蔭的街坊哭了，促小編和秘書仔要好好照顧每位街坊。阿尹在囚已經一年多了，街坊們到此時此刻仍然對阿尹不離不棄，每每阿尹上庭，都會抽空到庭上支持阿尹，你們的心意，阿尹完完全全感受到，阿尹很堅強，你們不用擔心，同時希望你們可以好好保重身體，一起堅強撐下去。
2022年6月快來臨，有人記得是甚麼日子嗎？對！除了是47人案再上庭外，也是阿尹的生日月。第二個年頭在牆內，沒有家人和朋友陪伴下渡過生日，心情難免傷感。大家的信件往往是牆內人士的寄託和支持，就在6月7日到來前，可以請大家寄一封生日信，跟阿尹分享你近半年來的喜與樂，給阿尹送上最真摯的生日祝福嗎？
⚠️註：由於還押人士接收咭類數量有限制，請以信紙方式代替生日卡
⚠️⚠️完成信件後，可郵寄到：
九龍彌敦道778號恆利商業大廈4樓（註明 尹兆堅 收）
尹兆堅
久久沒有更新阿尹的消息了！說起來小編也十分抱歉！🙇🏻♀️
因第五波疫情影響了在囚人士的探訪，也因為疫情的緣故，郵局送信的速度也受到阻延。在恢復探訪後，小編和尹相見時才發現，小編多次寄信給阿尹，阿尹竟未能收足，而阿尹寄出來的信，也面對同樣的情況。所以在這段日子裡，團隊跟阿尹的接觸幾乎截斷。
幸好，5月初疫情緩和，探訪也陸續正常了！我們終於也看到阿尹了！久久沒有見，阿尹看起來更MAN了！肌肉比之前更為很結實！當然精神很不錯！由在囚身份變回了還押，他每天最期待的還是跟朋友相聚的短短15分鐘時間。阿尹更特別提到，之前他在上庭時看到有石蔭的街坊哭了，促小編和秘書仔要好好照顧每位街坊。阿尹在囚已經一年多了，街坊們到此時此刻仍然對阿尹不離不棄，每每阿尹上庭，都會抽空到庭上支持阿尹，你們的心意，阿尹完完全全感受到，阿尹很堅強，你們不用擔心，同時希望你們可以好好保重身體，一起堅強撐下去。
2022年6月快來臨，有人記得是甚麼日子嗎？對！除了是47人案再上庭外，也是阿尹的生日月。第二個年頭在牆內，沒有家人和朋友陪伴下渡過生日，心情難免傷感。大家的信件往往是牆內人士的寄託和支持，就在6月7日到來前，可以請大家寄一封生日信，跟阿尹分享你近半年來的喜與樂，給阿尹送上最真摯的生日祝福嗎？
⚠️註：由於還押人士接收咭類數量有限制，請以信紙方式代替生日卡
⚠️⚠️完成信件後，可郵寄到：
九龍彌敦道778號恆利商業大廈4樓（註明 尹兆堅 收）
尹兆堅
❗️傑斯懇請（斯友及真香港人）者，可以為佢撰寫求情信❗️
讓斯叔知道，他絕不孤單🙏🏻🙏🏻
關於網台主持傑斯（尹耀昇）案件
法官郭偉健押後至9月1至2日處理認罪答辯、求情和沒收令。
「不是因為看見希望而堅持，而是因為堅持才看見希望」
憑藉信念，不管「求情信」幫到幾多，請珍惜呢個機會，正所謂坐多一日都嫌多，幫斯叔盡早釋放回家。
信中請不提 ‘’政治及D100 ‘’。
著眼點在他個人操守，誠信，待人接物，家庭，友誼及貢獻等等。又例如深信他不再犯法，給機會照顧家人等等。
求情信是上庭文件，
請留意以下細則：
接受書寫中文或英文
信紙簡單清雅
手寫有誠意
要正本，影印，打印都不要。
上款「法官大人閣下」
當事人「尹耀昇先生」
下款「全名，簽名及日期」
（不需要身份証號碼）
由於9月1至2日開庭，請於7月10日之前，將信件寄到以下郵政信箱，等律師有時間處理和準備。
【GPO box 7739 Central HK】
信封,祗填寫以上地址，‘’不用收信人名字‘’
信封,寄件人姓名和地址都 ‘’不用寫‘’。
Ps 如想收到斯叔回覆感謝，請附加回郵信封，註明收信人及地址，最重要是貼上郵票。
如此這般，在此，
謹代表斯叔
向各位致以萬二分感謝🙏
祝福各位
幸福愉快，身體健康！
同行搬屋
讓斯叔知道，他絕不孤單🙏🏻🙏🏻
關於網台主持傑斯（尹耀昇）案件
法官郭偉健押後至9月1至2日處理認罪答辯、求情和沒收令。
「不是因為看見希望而堅持，而是因為堅持才看見希望」
憑藉信念，不管「求情信」幫到幾多，請珍惜呢個機會，正所謂坐多一日都嫌多，幫斯叔盡早釋放回家。
信中請不提 ‘’政治及D100 ‘’。
著眼點在他個人操守，誠信，待人接物，家庭，友誼及貢獻等等。又例如深信他不再犯法，給機會照顧家人等等。
求情信是上庭文件，
請留意以下細則：
接受書寫中文或英文
信紙簡單清雅
手寫有誠意
要正本，影印，打印都不要。
上款「法官大人閣下」
當事人「尹耀昇先生」
下款「全名，簽名及日期」
（不需要身份証號碼）
由於9月1至2日開庭，請於7月10日之前，將信件寄到以下郵政信箱，等律師有時間處理和準備。
【GPO box 7739 Central HK】
信封,祗填寫以上地址，‘’不用收信人名字‘’
信封,寄件人姓名和地址都 ‘’不用寫‘’。
Ps 如想收到斯叔回覆感謝，請附加回郵信封，註明收信人及地址，最重要是貼上郵票。
如此這般，在此，
謹代表斯叔
向各位致以萬二分感謝🙏
祝福各位
幸福愉快，身體健康！
同行搬屋
我跟Winnie （余慧明）都係雙子座，她五月底生日，我六月初生日，難怪有種難以名狀的親切。今日下午一見面，即來一句生日快樂。
之前她在羅湖，違反保釋條件再入獄之後，就在大欖女懲教所（最高設防女子監獄）。還柙人士可以選擇工作還是不工作，她選擇工作，時間用來看書飲水做運動。
坐監的人都知道，出咗嚟再入返去是件十分痛苦的事。Winnie錯有錯着，三月入大欖就中招，結果單獨隔離，雖然發燒一星期頗為辛苦，但變相給她一個不錯的適應階段。現在她頗適應監獄生活，物資足夠，勿念。
她明天後天（6月1日2日）都要喂47人案上庭。聆訊不能透露（或者進展連她自己都不肯定），她只是連續說了兩次：「每個人都有屬於自己的戰場，我會努力打好這一場仗。」監房是個鬼地方，想盡快離開是人之常情，對於同案的人的選擇，她都會尊重，也請他們保重。而她，本性如此，有這決定，不會後悔。至於在外邊的人，她希望大家謹守崗位，做好每一件可以做的事，這就是支持，就是給她圍爐。
邵家臻
之前她在羅湖，違反保釋條件再入獄之後，就在大欖女懲教所（最高設防女子監獄）。還柙人士可以選擇工作還是不工作，她選擇工作，時間用來看書飲水做運動。
坐監的人都知道，出咗嚟再入返去是件十分痛苦的事。Winnie錯有錯着，三月入大欖就中招，結果單獨隔離，雖然發燒一星期頗為辛苦，但變相給她一個不錯的適應階段。現在她頗適應監獄生活，物資足夠，勿念。
她明天後天（6月1日2日）都要喂47人案上庭。聆訊不能透露（或者進展連她自己都不肯定），她只是連續說了兩次：「每個人都有屬於自己的戰場，我會努力打好這一場仗。」監房是個鬼地方，想盡快離開是人之常情，對於同案的人的選擇，她都會尊重，也請他們保重。而她，本性如此，有這決定，不會後悔。至於在外邊的人，她希望大家謹守崗位，做好每一件可以做的事，這就是支持，就是給她圍爐。
邵家臻
作為邦的家人，
我們一直堅持不會放棄他！
希望你們都可以...
有些事情會隨着時間淡忘...
有些人想你們忘記.. 沒發聲不代表不想發聲...
而是在困境不能發聲...
我們都沒有選擇權利...
但是香港曾發生的一切...
請大家不要淡忘...
（我應該沒有觸犯國安法吧🤔️🤔️）
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
大家請抽少少空閒時間寫信給邦🙏🏻🙏🏻
可以是分享日常生活的一切，
也可以分享工作上面的喜與樂，
這是給邦精神的食糧📩📩
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
3C維修工作室 維修手機服務 仍在營業中！
（雖然不知道什麼時候會結業😢😢）
家人努力不放棄地堅守著！
希望仍然可以為你們服務！
有什麼改善的地方，也可以訊息給我們！💌💌
3C維修工作室
我們一直堅持不會放棄他！
希望你們都可以...
有些事情會隨着時間淡忘...
有些人想你們忘記.. 沒發聲不代表不想發聲...
而是在困境不能發聲...
我們都沒有選擇權利...
但是香港曾發生的一切...
請大家不要淡忘...
（我應該沒有觸犯國安法吧🤔️🤔️）
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
大家請抽少少空閒時間寫信給邦🙏🏻🙏🏻
可以是分享日常生活的一切，
也可以分享工作上面的喜與樂，
這是給邦精神的食糧📩📩
⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️
3C維修工作室 維修手機服務 仍在營業中！
（雖然不知道什麼時候會結業😢😢）
家人努力不放棄地堅守著！
希望仍然可以為你們服務！
有什麼改善的地方，也可以訊息給我們！💌💌
3C維修工作室
今次5係“假期free free free”，係。。。。
徵徵徵，生日祝福，漫畫祝賀 chit 仔💪💪💪
話說chit仔自入“學堂”後，愛上左畫漫畫（知道佢之前都有d興趣），仲入左d漫畫掃描書比佢自學添😛
711係佢响“裡面”既第一個生日（講到呢處已經又想喊了🥺😭）
我要令佢不孤單（可以的話，整個7月日日都炸爆佢🤣🤣🤣）💪💪💪💪希望你／妳可以幫忙，您地既祝福會係對佢好大好大既支持。
想請幫忙：
1. 手繪漫畫／卡通祝福（攪笑既當然可以呢🤭）請用信紙或A4代替“賀咭”🙏🙏（火柴人公仔都得呀😛）
2. Band隊同結他手既相片：
由香港indie去世界guitar hero🤣🤣
（例如：VIRT、Blaster、Nowhere Boys，李拾壹。。。）
3.（識人好過識字，知道自己好貪心下，但好想比到驚喜佢呢👉👈，渺茫都要一試)，有人幫忙可以7月10日晚上既“ 咆哮山莊”點唱比
幫5到既都多謝關注，幫到既梗係萬分感激啦🙏🙏🙏（可直接訊息我，謝謝）
祝大家都身體健康，平平安安💛💛💛
chit_ma_handcraft
徵徵徵，生日祝福，漫畫祝賀 chit 仔💪💪💪
話說chit仔自入“學堂”後，愛上左畫漫畫（知道佢之前都有d興趣），仲入左d漫畫掃描書比佢自學添😛
711係佢响“裡面”既第一個生日（講到呢處已經又想喊了🥺😭）
我要令佢不孤單（可以的話，整個7月日日都炸爆佢🤣🤣🤣）💪💪💪💪希望你／妳可以幫忙，您地既祝福會係對佢好大好大既支持。
想請幫忙：
1. 手繪漫畫／卡通祝福（攪笑既當然可以呢🤭）請用信紙或A4代替“賀咭”🙏🙏（火柴人公仔都得呀😛）
2. Band隊同結他手既相片：
由香港indie去世界guitar hero🤣🤣
（例如：VIRT、Blaster、Nowhere Boys，李拾壹。。。）
3.（識人好過識字，知道自己好貪心下，但好想比到驚喜佢呢👉👈，渺茫都要一試)，有人幫忙可以7月10日晚上既“ 咆哮山莊”點唱比
幫5到既都多謝關注，幫到既梗係萬分感激啦🙏🙏🙏（可直接訊息我，謝謝）
祝大家都身體健康，平平安安💛💛💛
chit_ma_handcraft
上星期四26號就住案件的結案陳詞再次上庭，法庭再次播出十一月當日的片段，事發到而家都唔敢睇每當在法庭上播果時都令我心跳加速嚴重時可以透氣有困難🤦🏻♂️🤦🏻♂️🤦🏻♂️，當天亦安排了判決在8月29日。
事隔差不多3年結果即將會揭曉，亦都前所未有咁緊張，都在擔心2個月後會怎樣，這一星期都因這件事訓得不太好，過份緊張自己的身體。
3月出院後體重由52下降至49，即刻現在已經出院兩個月體重仲係上唔返去真係唔知點解，我已經盡量食多啲野，奈何中槍手術後引致好多唔同嘅問題，令到我係想食都食唔到，唔敢去食驚食完肚會痛跟住份院，我都唔知點算好。
當時出院幾日後散步隨手影到覺得幾靚既的相😂😂😂
希望大家可以繼續支持
https://www.patreon.com/Koalakoalas
Koalasmarch_
事隔差不多3年結果即將會揭曉，亦都前所未有咁緊張，都在擔心2個月後會怎樣，這一星期都因這件事訓得不太好，過份緊張自己的身體。
3月出院後體重由52下降至49，即刻現在已經出院兩個月體重仲係上唔返去真係唔知點解，我已經盡量食多啲野，奈何中槍手術後引致好多唔同嘅問題，令到我係想食都食唔到，唔敢去食驚食完肚會痛跟住份院，我都唔知點算好。
當時出院幾日後散步隨手影到覺得幾靚既的相😂😂😂
希望大家可以繼續支持
https://www.patreon.com/Koalakoalas
Koalasmarch_
To 我愛的XXX：
2022年，好多19年被捕嘅手足被判刑，有唔少新，未拋過嘅手足走入監房，小弟身邊都多咗幾個未還押過嘅手足，係佢哋臉，彷彿見到當初初走入牆內嘅自己。從未拋過，一開始就要正式開game上路，可以話連新手村都未入過，就要去打怪。給予援手係自己嘅責任吧。由出面突然失去自由，好多野係新事物。只能一步步來，唔可以一開始太高要求。當時間過咗一排，「點啊？你習慣咗未呀？」小弟向一位入咗黎一陣嘅手足問。「唔係習慣，係適應。」依位手足諗都冇諗就秒答我。大佬！又係依個答案，小弟問過幾個啱啱入黎嘅手足，幾個都係答我依句。其實係咪有張list，入冊前要背答案㗎？姐係好似被人拉之後答「我冇嘢講」一樣。我眉頭一皺，再問「咁你覺得習慣同適應有乜分別？」好啦！終於冇model answer啦。個手足呆咗陣，口中不斷「呃...呃...」應該腦內正高速運轉中，大概2分鐘後終於開口「適應係短期，習慣係長時間。」佢個語氣仲係唔太確定。「所以如果你坐老終就會習慣？」「都冇得唔習慣啦。」我聳聳肩，「唔緊要，坐多陣再諗。但，字面上嘅分別係冇意義，重點唔係講乜，係做乜。」
習慣同適應喺兩年多嘅囹圄生活中已經聽過無數次，成日話係適應唔係習慣，但做嘅嘢又睇唔出有乜分別，真係聽到厭。唔知係咪兩年內太大無力感，慢慢要潛意識喺字面上尋找精神勝利。文字，語言係厲害嘅事物，日本古有「言靈」一詞，語言可以無意中改變人心，世界，可以成為潛意識嘅暗示，「言靈」唔係動漫中二病詞語，而係古人嘅超越智慧，係當時未發明現代心理學「心錨」，「巴達姆效應」等詞時，已經用「言靈」去代表言詞嘅力量。但言詞有力量，係因為明白言詞背後嘅意思，若只執著字面漂亮，根本係浪費言詞嘅力量。小弟間中拎東方日報社論黎睇，可以話係一堆打飛機文，睇完嘅人極其量係自我滿足咗。依個亦係言詞嘅力量，意識型形態嘛。但如果問睇完嘅人明唔明白堆字up乜，可能答唔出。咁係啊嘛，成日笑人，其實我地可能都係一樣。講出口嘅話，連自己都唔明，亦不能說服。明明言詞係偉大嘅力量，依家變得好似精神嗎啡一樣，實在不值。
習慣同適應，自然有分別，但分別唔在於文字上，係行動及感受上。分別喺邊？或者下次有時間機會再講。依幾年，我地都受傷了。無可否認尋找療治係自然反應，只係真正嘅良藥在於行動中，唔係媚俗嘅打飛機，仲要打完飛機都唔知仲有高潮。喺講之前，請先好好思考背後嘅所為。唔知，寧願唔好講。畢竟，行動會喺時間中顯現。
尚千赴戎
木何懼火
09-02-2022
—————————————
Patreon: https://www.patreon.com/wood_wordbeyondwall
Facebook: 尚千赴戎 木何懼火
Instagram: Word.beyond.wall
MeWe: wood_wordbeyondwall
請大家多多支持🙏🏼💪🏻❤️
words.beyond.wall
2022年，好多19年被捕嘅手足被判刑，有唔少新，未拋過嘅手足走入監房，小弟身邊都多咗幾個未還押過嘅手足，係佢哋臉，彷彿見到當初初走入牆內嘅自己。從未拋過，一開始就要正式開game上路，可以話連新手村都未入過，就要去打怪。給予援手係自己嘅責任吧。由出面突然失去自由，好多野係新事物。只能一步步來，唔可以一開始太高要求。當時間過咗一排，「點啊？你習慣咗未呀？」小弟向一位入咗黎一陣嘅手足問。「唔係習慣，係適應。」依位手足諗都冇諗就秒答我。大佬！又係依個答案，小弟問過幾個啱啱入黎嘅手足，幾個都係答我依句。其實係咪有張list，入冊前要背答案㗎？姐係好似被人拉之後答「我冇嘢講」一樣。我眉頭一皺，再問「咁你覺得習慣同適應有乜分別？」好啦！終於冇model answer啦。個手足呆咗陣，口中不斷「呃...呃...」應該腦內正高速運轉中，大概2分鐘後終於開口「適應係短期，習慣係長時間。」佢個語氣仲係唔太確定。「所以如果你坐老終就會習慣？」「都冇得唔習慣啦。」我聳聳肩，「唔緊要，坐多陣再諗。但，字面上嘅分別係冇意義，重點唔係講乜，係做乜。」
習慣同適應喺兩年多嘅囹圄生活中已經聽過無數次，成日話係適應唔係習慣，但做嘅嘢又睇唔出有乜分別，真係聽到厭。唔知係咪兩年內太大無力感，慢慢要潛意識喺字面上尋找精神勝利。文字，語言係厲害嘅事物，日本古有「言靈」一詞，語言可以無意中改變人心，世界，可以成為潛意識嘅暗示，「言靈」唔係動漫中二病詞語，而係古人嘅超越智慧，係當時未發明現代心理學「心錨」，「巴達姆效應」等詞時，已經用「言靈」去代表言詞嘅力量。但言詞有力量，係因為明白言詞背後嘅意思，若只執著字面漂亮，根本係浪費言詞嘅力量。小弟間中拎東方日報社論黎睇，可以話係一堆打飛機文，睇完嘅人極其量係自我滿足咗。依個亦係言詞嘅力量，意識型形態嘛。但如果問睇完嘅人明唔明白堆字up乜，可能答唔出。咁係啊嘛，成日笑人，其實我地可能都係一樣。講出口嘅話，連自己都唔明，亦不能說服。明明言詞係偉大嘅力量，依家變得好似精神嗎啡一樣，實在不值。
習慣同適應，自然有分別，但分別唔在於文字上，係行動及感受上。分別喺邊？或者下次有時間機會再講。依幾年，我地都受傷了。無可否認尋找療治係自然反應，只係真正嘅良藥在於行動中，唔係媚俗嘅打飛機，仲要打完飛機都唔知仲有高潮。喺講之前，請先好好思考背後嘅所為。唔知，寧願唔好講。畢竟，行動會喺時間中顯現。
尚千赴戎
木何懼火
09-02-2022
—————————————
Patreon: https://www.patreon.com/wood_wordbeyondwall
Facebook: 尚千赴戎 木何懼火
Instagram: Word.beyond.wall
MeWe: wood_wordbeyondwall
請大家多多支持🙏🏼💪🏻❤️
words.beyond.wall
To 我愛的XXX：
冬奧開幕咗一個星期，亦係小弟人生中第一次睇冬奧。畀著之前喺出面真係開咗幕都唔知。冬奧喺入面好受歡迎，主要係冬奧啲女運動員特別靚女（雖然大部分嘅金髮美女係戴咗Gear後我都認唔到樣）。一大班仔喺入面就係咁膚淺㗎啦！尤其係「冰雪公主」谷愛凌飛翔於飛雪天際嘅身影，係小弟腦海中念念不忘，依種大概就係稱為被神祝福嘅人吧。又靚女又有天才。不過天才唔係大晒，只係「天才」小弟唔會如此深刻。喺決賽最後一跳前，谷愛凌嘅教練（即佢老母）叫谷愛凌安全做一個穩陣嘅動作，拎咗個銀牌算。但係，谷愛凌冇「袋住先」，選擇唔聽話，喺決賽，鼓起決心做咗一個佢未試過成功嘅動作。放棄「安全」，選擇「冒險」！終於，谷愛凌成功咗！拎咗佢人生中第一面奧運金牌！幾咁傳奇色彩嘅一次冒險！絕對唔係天才二字就能造就谷愛凌依面金牌，99%天才，仲有1%冒險。可惜，世上99%嘅人都唔揀冒險，所以金牌只得一位。
有人成功，自然會有人殞落。今次冬奧最吸引小弟嘅唔係靚女，而係一位靚仔——羽生結弦，一個冇拎任何獎牌嘅運動員，卻比任何人都要耀眼，比任何參賽選手都更明白奧運會「更高，更快，更強」精神！初頭喺新聞睇到羽生結弦賽前練習時不斷失敗跌倒嘅畫面，已經非常渴望可以喺直播見證依位「冰王水」能否喺正式比賽中完成4A「阿克賽爾四周跳」。唔知你知唔知依個4A係咩，等小弟講下先，4A係唯一一個比正面起跳，喺空中旋轉四周半嘅動作。最令人激動嘅係，4A係花式滑冰嘅傳說，佢又係一個幻想，如傳說嘅天空城，阿特蘭特斯，噴火龍一樣，冇人見過。因為，冇人從來冇人完成過！如此一個傳說，連傳奇「冰王子」都位能喺練習中成功，竟然，羽生結弦依舊選擇比賽之中冒險。明明只要「冰王子」願意，唔做4A至少有牌拎。但羽生結弦放棄安全，去喺全球60億人眼前冒險，依個無人，甚至佢自己亦未成功嘅傳說。
多謝「冰王子」喺2022年頭為我地獻上咗如此精彩一刻。小弟相信如果羽生結弦願意，一定有牌，令小弟諗起《浪客行》之中嘅劇情，點解武藏可以超越吉岡，因為武藏每次決鬥都係真刀嘅以命相搏，吉岡只係木刀自high。唯有喺每次冇退路，輸就結束，係永遠結束，勝利可以向前，先可以造就巔峰。「冰王子」一係4A，一係返屋企。活出武士精彩，如此耀眼。雖然羽生結弦未成功，但神話，已由佢親手創造，喺佢完結時以冰洗面，成敗已唔重要，唔係比賽，而將比賽昇華做儀式，溜冰場就係「冰王子」嘅祭台。「努力未必有回報，但努力不會撒謊」，小弟會銘記於心。
尚千赴戎
木何懼火
16-2-2022
—————————————
Patreon: https://www.patreon.com/wood_wordbeyondwall
Facebook: 尚千赴戎 木何懼火
Instagram: Word.beyond.wall
MeWe: wood_wordbeyondwall
請大家多多支持🙏🏼💪🏻❤️
words.beyond.wall
冬奧開幕咗一個星期，亦係小弟人生中第一次睇冬奧。畀著之前喺出面真係開咗幕都唔知。冬奧喺入面好受歡迎，主要係冬奧啲女運動員特別靚女（雖然大部分嘅金髮美女係戴咗Gear後我都認唔到樣）。一大班仔喺入面就係咁膚淺㗎啦！尤其係「冰雪公主」谷愛凌飛翔於飛雪天際嘅身影，係小弟腦海中念念不忘，依種大概就係稱為被神祝福嘅人吧。又靚女又有天才。不過天才唔係大晒，只係「天才」小弟唔會如此深刻。喺決賽最後一跳前，谷愛凌嘅教練（即佢老母）叫谷愛凌安全做一個穩陣嘅動作，拎咗個銀牌算。但係，谷愛凌冇「袋住先」，選擇唔聽話，喺決賽，鼓起決心做咗一個佢未試過成功嘅動作。放棄「安全」，選擇「冒險」！終於，谷愛凌成功咗！拎咗佢人生中第一面奧運金牌！幾咁傳奇色彩嘅一次冒險！絕對唔係天才二字就能造就谷愛凌依面金牌，99%天才，仲有1%冒險。可惜，世上99%嘅人都唔揀冒險，所以金牌只得一位。
有人成功，自然會有人殞落。今次冬奧最吸引小弟嘅唔係靚女，而係一位靚仔——羽生結弦，一個冇拎任何獎牌嘅運動員，卻比任何人都要耀眼，比任何參賽選手都更明白奧運會「更高，更快，更強」精神！初頭喺新聞睇到羽生結弦賽前練習時不斷失敗跌倒嘅畫面，已經非常渴望可以喺直播見證依位「冰王水」能否喺正式比賽中完成4A「阿克賽爾四周跳」。唔知你知唔知依個4A係咩，等小弟講下先，4A係唯一一個比正面起跳，喺空中旋轉四周半嘅動作。最令人激動嘅係，4A係花式滑冰嘅傳說，佢又係一個幻想，如傳說嘅天空城，阿特蘭特斯，噴火龍一樣，冇人見過。因為，冇人從來冇人完成過！如此一個傳說，連傳奇「冰王子」都位能喺練習中成功，竟然，羽生結弦依舊選擇比賽之中冒險。明明只要「冰王子」願意，唔做4A至少有牌拎。但羽生結弦放棄安全，去喺全球60億人眼前冒險，依個無人，甚至佢自己亦未成功嘅傳說。
多謝「冰王子」喺2022年頭為我地獻上咗如此精彩一刻。小弟相信如果羽生結弦願意，一定有牌，令小弟諗起《浪客行》之中嘅劇情，點解武藏可以超越吉岡，因為武藏每次決鬥都係真刀嘅以命相搏，吉岡只係木刀自high。唯有喺每次冇退路，輸就結束，係永遠結束，勝利可以向前，先可以造就巔峰。「冰王子」一係4A，一係返屋企。活出武士精彩，如此耀眼。雖然羽生結弦未成功，但神話，已由佢親手創造，喺佢完結時以冰洗面，成敗已唔重要，唔係比賽，而將比賽昇華做儀式，溜冰場就係「冰王子」嘅祭台。「努力未必有回報，但努力不會撒謊」，小弟會銘記於心。
尚千赴戎
木何懼火
16-2-2022
—————————————
Patreon: https://www.patreon.com/wood_wordbeyondwall
Facebook: 尚千赴戎 木何懼火
Instagram: Word.beyond.wall
MeWe: wood_wordbeyondwall
請大家多多支持🙏🏼💪🏻❤️
words.beyond.wall
23-5-2022（第一百四十五日）⭐️一
1. 入嚟之後，真係好易發炎，今朝手掌筋發炎痛到醒，姑娘問我點整親，我都答唔到-_-我都想知點解。（搽咗藥膏，食咗止痛藥，假如聽日仲痛會睇醫生，勿擔心）
2. 今日竟然收到5封信😨，謝天謝地，但發現寄失問題好嚴重。
有fd寫「今次係我寫嘅第三封信」我依家先收到第一封。🧎♀️（所以大家記得Mark Number ）而有位成日問赴湯我有無回信嘅追車朋友仔（請自己對號入座）我一早回咗了。應該係寄失咗😣唔開心，我仲一直諗你做乜追車都唔回我信>_<
統計下5月份（截至今日）收到16封信， 17封被截，辛苦大家寫信比我，我會努力回信，有得回信好幸福。🥰（P.S. 如果大家手寫信請寄之前影低留底，我收唔到的話影印比我～）
3. 收到已出冊嘅囚友來信，想回信但有一個好大嘅難題。
香港寄重慶要幾錢郵票？有無人可以話我知>_<我嚟口罩期佢一路都好照顧我der。
4. 今日放風時同Minion坐係長櫈傾偈，傾傾下我郁動下有個隻手，將手放係大肶（手掌向上），就係個下，天降黃金✋🏻⬅️中咗落手指，好少，我仲話：「一定係播緊種，你睇，有4小粒」Minion：「雀屎咁細嘅？」我：「佢應該肚屙？」然後我就去咗洗手，洗完手我忽然有感：「真係好好彩，就係我放隻手係大肶，條褲先無污糟到！」Minion：「咁係好彩定唔好彩？」我：「一定係好彩！保持正面！ 」懷疑佢跟得我多會比我啲奇怪思維感染。
5. 嚇死……寫寫下有飛蟻係啲信上面，我當時（如圖），我即刻（如圖）。受驚嘅我（尖叫加踢箱走）
然後隔離床友一邊笑一邊幫我滅蟲>_<
啲囚友仲取笑我：「呢到已經好好，其他期數有老鼠曱甴，好多添啊，你之前仲話要走（去其他期數），走啦，仲唔走？」😣好壞啊！把口！
我愛呢個期數，走咩走>_<
完
Local Yeah本土野
1. 入嚟之後，真係好易發炎，今朝手掌筋發炎痛到醒，姑娘問我點整親，我都答唔到-_-我都想知點解。（搽咗藥膏，食咗止痛藥，假如聽日仲痛會睇醫生，勿擔心）
2. 今日竟然收到5封信😨，謝天謝地，但發現寄失問題好嚴重。
有fd寫「今次係我寫嘅第三封信」我依家先收到第一封。🧎♀️（所以大家記得Mark Number ）而有位成日問赴湯我有無回信嘅追車朋友仔（請自己對號入座）我一早回咗了。應該係寄失咗😣唔開心，我仲一直諗你做乜追車都唔回我信>_<
統計下5月份（截至今日）收到16封信， 17封被截，辛苦大家寫信比我，我會努力回信，有得回信好幸福。🥰（P.S. 如果大家手寫信請寄之前影低留底，我收唔到的話影印比我～）
3. 收到已出冊嘅囚友來信，想回信但有一個好大嘅難題。
香港寄重慶要幾錢郵票？有無人可以話我知>_<我嚟口罩期佢一路都好照顧我der。
4. 今日放風時同Minion坐係長櫈傾偈，傾傾下我郁動下有個隻手，將手放係大肶（手掌向上），就係個下，天降黃金✋🏻⬅️中咗落手指，好少，我仲話：「一定係播緊種，你睇，有4小粒」Minion：「雀屎咁細嘅？」我：「佢應該肚屙？」然後我就去咗洗手，洗完手我忽然有感：「真係好好彩，就係我放隻手係大肶，條褲先無污糟到！」Minion：「咁係好彩定唔好彩？」我：「一定係好彩！保持正面！ 」懷疑佢跟得我多會比我啲奇怪思維感染。
5. 嚇死……寫寫下有飛蟻係啲信上面，我當時（如圖），我即刻（如圖）。受驚嘅我（尖叫加踢箱走）
然後隔離床友一邊笑一邊幫我滅蟲>_<
啲囚友仲取笑我：「呢到已經好好，其他期數有老鼠曱甴，好多添啊，你之前仲話要走（去其他期數），走啦，仲唔走？」😣好壞啊！把口！
我愛呢個期數，走咩走>_<
完
Local Yeah本土野
《共同、記憶、勇氣》
來到今日，咩美麗島、709、甚至南非等等對政治審判的刻板幻想，應該（終於）徹底退散。係，香港民主運動中的政治審訊，不會有咁悲壯嘅場面出現。
而更多令人不知如何面對的場面還在後頭。不同的案件中會有更多意想不到的控方證人。香港真係會出現判成十幾廿年的政治犯。
正如在看不見改變可能的絕望中，人會變得無力；在難以承受的傷痛之中，人自然會渴望「結束」，只求身上的痛苦可以盡快消退，想引發痛苦的外因——如果不能與之割斷——可以盡快停止、消失。咩都好啦，「回復」到好的狀態唔敢諗，總之希望件事快啲完。會引發更多痛苦的事，最好不要出現。
但是，不會的——只要還有一個政治犯在獄中，香港就無法真正徹底「復常」。而也總有那麼幾個冥頑不靈的人，堅持要延長這份集體痛苦。有咩為呢？
*
覺得落筆越來越難，因為好多位都好尷尬。當我想要address牆外人時，我能用甚麼字眼？「共同體」？「運動」？已經寫唔落手，甚至連「同路人」都開始寫唔出。即使隔絕如我，都感覺到這些字眼已經退入記憶。
究竟我在address的是誰？我認為自己所屬的那個群體還存在嗎？「運動」唔係收咗皮十世啦咩？當我想要address「同路人」時，我想對話的究竟是誰？有同樣信念的人？對事態有同樣認知的人？向着同樣目標努力的人？對「真相」有共同記憶的人？
無論是哪一個，於我而言，「同路人」的概念在2021 ，已是搖搖欲墜。從47人案引爆的集體恐慌開始，我就覺得很奇怪，部份人係咪已經唔記得初選本身係投緊咩的…？應該都係，否則就唔會竭力將不同派系者「獄內一笑泯恩仇」的大團結FF放大來當作一種慰藉。講到當日一切關於運動與未來的爭議，都只是無關痛癢的選舉語言一樣。
不啊。不可以因為後續之慘烈超乎想像，就連自己當日所相信的都推翻。堅持也好，放棄也罷，仍在尋找努力空間也好，想休養生息也罷，都可以，但連自己的記憶都修改，有必要嗎？
我不相信真有那麼多人真的放棄，但可能是有很多人後悔了吧？
定還是，我們對2019年以降的經歷、記憶和理解，本來就真的完全不一樣呢？
一開始我不是很明白。譬如以往大家都會講一句「武運昌隆」，但現在更常見的卻是「唔好做無謂嘢啦」；明明見識過幾多千百人面對實彈的槍口都不言退後，在法庭上多講幾句又算甚麼勇敢呢。突然想連平時好憎再提的721都拎埋出嚟講：其實我有諗過，如果我唔係做記者而係睇直播嗰個，我應該唔敢去元西……這麼說來，倒是無數觀眾比個記者還要勇敢了。
後來我想，其實是那個生死關頭式的危機，與不容辯駁的絕對善惡使人勇敢。是那種怯就輸一世，但進又有一絲希望的逼切令人可以衝破日常與恐懼的枷鎖。
但當一切都沉寂下來，再沒有那麼多急逼和絕對，當抉擇的reaction time延長，人就很難回到那種狀態當中。抉擇變得細碎但稍有不慎便是深淵，日常變成無限延伸的心靈折磨，誰說決定不說一句諂詞、不貼一張海報的決定，就一定比坦然面對牢獄更容易？這本就是極權滲入社會肌理要造成的局面。
而我只是因為進入了一個異界。在審訊的一切終於塵埃落定之前，我彷彿置身於一個永續的生（2）死（0） 關 （1）頭（9）。那些已過去的事件，已經無人再提起的字眼，非常直觀的不義的壓迫，就幾乎是生命唯一還matter的全部。
*
其實勇氣真的不是那麼本質化的東西。如果此時此刻我還在牆外，我又會點呢？應該都係喺度dadadada緊。
雖然看不見讀不到也感受不到，但卻隱約知道牆外似乎已經摸索到並形成了一種更貼合當下形勢的節奏。我是聽出來的，那聲音大概就是dadadada，dadadada，這樣。
認知到末世已經降臨，不再奢想「回到」甚麼美好的時代。適應日月無光，暗中偷偷生火，讓隱秘但堅定的節奏慢慢傳開。可以這樣，就已經很夠了。
但如果係已經無法暗中點點點的人呢？不論企硬還是妥協，一字一句都還是要清清楚楚讓全世界看得見的人呢？可以點？？？被迫滯留在一個已消失的時空的人，還有沒有可能與「當下」形成對話？而不只是將已經在竭力尋找新路的人，突然又拉回2019的邏輯，引起內疚的反應？已經「move on」的人應該怎樣看待我，而我又如何可以脫離某種道德包袱的角色？
*
我常想，點解2019的記憶，會引起咁多「情緒勒索」（及相應指責）、咁多愧疚、咁多負擔同失落。它好像變成了某種必須傳承和延續的東西，但除了很多空泛的價值，又不知道要延續的究竟是甚麼，甚至慢慢變成一個包袱，變成一個會限制人去尋找新方向的束縛。
那些沒有達成的目標，那些曾經高喊的口號，那個在生死關頭可以非常勇敢的自己——今日便通通成為了喪志的理由。好像無論做甚麼，嘗試甚麼，都回不去那麼極致的時候。此時見到一些彷彿從未脫離2019那種狀態的人，這種落差就更加明顯。
但2019其實也就只是一場經歷而已。如果你曾經在這場經歷當中不可逆轉地徹底改變，那你今日所做的事就已經是2019的延伸；而如果你從未真正被改變，隨時可以倒退回經歷2019前的狀態，那麼你對這段經歷的理解很可能只停留在幾個字詞的字面意義，輕易就可推翻。
究竟是怎樣的改變？就是每個人都完全不一樣的啊。
我們共享過一段經歷，有了各自的成長，如今在不同的角落，面對各自的戰場。不論世界如何改變，曾有過的經歷都不會是假的，無法推翻的是已經內化了的價值，而不是簡化二元的成敗勝負；要延續的是我們自身的成長，而不是2019本身。
認罪有咩問題？咪喺入邊睇晒全套康德或普魯斯特，出返嚟做政哲 / 文研大師囉。當然做第樣都可以。唔認咪唔認囉，唔使吹到咁大嘞，你見唔到有咩為啫，我見到喎。
若記着這一切結果只是令你更加無力，咁不如算啦。其實真係唔需要特別去「記住」，如果佢根本冇改變到你的話。而如果有，咁記唔記已經唔重要啦。
*
要說我是如何因2019而改變，其實很簡單：因為見識過香港人可以有幾勇敢，所以我都想試吓勇敢一點；因為見識到原來幾莫名其妙的場域都可以爆到意想不到的行動出來，所以相信呢個世界永遠唔會「冇嘢做到」。
不是為了守住甚麼捍衛甚麼或強行延續甚麼，而係想去試吓睇吓有冇新嘢爆到出嚟。
選擇不認罪不是為了任何事或任何人，而係我對自己的一份期許：幾限制重重，幾無可能都好，我都信只要夠認真同努力，我都可以搵到缺口，打出新嘅空間。
唔係有意志先可以去行動，行動嘅過程都可以產生意志；而愧疚同無力感都可以係comfort zone嚟嘅 [1]。我冇為你做任何嘢，你亦冇欠我任何嘢，各自努力 is OK，前線自己決定啦。
雖然都很難達成，但我最希望的是不要有任何人為了我而內疚，不是客套，而是我真的好討厭成為任何人愧疚同無力的理由。值唔值得本身唔係由他人去決定，但若有人會因為我做的一切以更勇敢去做自己所想做的，就更加值了。
如果真係要為來為去的話，就為了我而更勇敢吧。
[1] 斑戈，《端傳媒》，「訪談猶太活動家：因為支持巴勒斯坦抗爭，我被起訴「反猶」」，2021年5月21日。
何桂藍
來到今日，咩美麗島、709、甚至南非等等對政治審判的刻板幻想，應該（終於）徹底退散。係，香港民主運動中的政治審訊，不會有咁悲壯嘅場面出現。
而更多令人不知如何面對的場面還在後頭。不同的案件中會有更多意想不到的控方證人。香港真係會出現判成十幾廿年的政治犯。
正如在看不見改變可能的絕望中，人會變得無力；在難以承受的傷痛之中，人自然會渴望「結束」，只求身上的痛苦可以盡快消退，想引發痛苦的外因——如果不能與之割斷——可以盡快停止、消失。咩都好啦，「回復」到好的狀態唔敢諗，總之希望件事快啲完。會引發更多痛苦的事，最好不要出現。
但是，不會的——只要還有一個政治犯在獄中，香港就無法真正徹底「復常」。而也總有那麼幾個冥頑不靈的人，堅持要延長這份集體痛苦。有咩為呢？
*
覺得落筆越來越難，因為好多位都好尷尬。當我想要address牆外人時，我能用甚麼字眼？「共同體」？「運動」？已經寫唔落手，甚至連「同路人」都開始寫唔出。即使隔絕如我，都感覺到這些字眼已經退入記憶。
究竟我在address的是誰？我認為自己所屬的那個群體還存在嗎？「運動」唔係收咗皮十世啦咩？當我想要address「同路人」時，我想對話的究竟是誰？有同樣信念的人？對事態有同樣認知的人？向着同樣目標努力的人？對「真相」有共同記憶的人？
無論是哪一個，於我而言，「同路人」的概念在2021 ，已是搖搖欲墜。從47人案引爆的集體恐慌開始，我就覺得很奇怪，部份人係咪已經唔記得初選本身係投緊咩的…？應該都係，否則就唔會竭力將不同派系者「獄內一笑泯恩仇」的大團結FF放大來當作一種慰藉。講到當日一切關於運動與未來的爭議，都只是無關痛癢的選舉語言一樣。
不啊。不可以因為後續之慘烈超乎想像，就連自己當日所相信的都推翻。堅持也好，放棄也罷，仍在尋找努力空間也好，想休養生息也罷，都可以，但連自己的記憶都修改，有必要嗎？
我不相信真有那麼多人真的放棄，但可能是有很多人後悔了吧？
定還是，我們對2019年以降的經歷、記憶和理解，本來就真的完全不一樣呢？
一開始我不是很明白。譬如以往大家都會講一句「武運昌隆」，但現在更常見的卻是「唔好做無謂嘢啦」；明明見識過幾多千百人面對實彈的槍口都不言退後，在法庭上多講幾句又算甚麼勇敢呢。突然想連平時好憎再提的721都拎埋出嚟講：其實我有諗過，如果我唔係做記者而係睇直播嗰個，我應該唔敢去元西……這麼說來，倒是無數觀眾比個記者還要勇敢了。
後來我想，其實是那個生死關頭式的危機，與不容辯駁的絕對善惡使人勇敢。是那種怯就輸一世，但進又有一絲希望的逼切令人可以衝破日常與恐懼的枷鎖。
但當一切都沉寂下來，再沒有那麼多急逼和絕對，當抉擇的reaction time延長，人就很難回到那種狀態當中。抉擇變得細碎但稍有不慎便是深淵，日常變成無限延伸的心靈折磨，誰說決定不說一句諂詞、不貼一張海報的決定，就一定比坦然面對牢獄更容易？這本就是極權滲入社會肌理要造成的局面。
而我只是因為進入了一個異界。在審訊的一切終於塵埃落定之前，我彷彿置身於一個永續的生（2）死（0） 關 （1）頭（9）。那些已過去的事件，已經無人再提起的字眼，非常直觀的不義的壓迫，就幾乎是生命唯一還matter的全部。
*
其實勇氣真的不是那麼本質化的東西。如果此時此刻我還在牆外，我又會點呢？應該都係喺度dadadada緊。
雖然看不見讀不到也感受不到，但卻隱約知道牆外似乎已經摸索到並形成了一種更貼合當下形勢的節奏。我是聽出來的，那聲音大概就是dadadada，dadadada，這樣。
認知到末世已經降臨，不再奢想「回到」甚麼美好的時代。適應日月無光，暗中偷偷生火，讓隱秘但堅定的節奏慢慢傳開。可以這樣，就已經很夠了。
但如果係已經無法暗中點點點的人呢？不論企硬還是妥協，一字一句都還是要清清楚楚讓全世界看得見的人呢？可以點？？？被迫滯留在一個已消失的時空的人，還有沒有可能與「當下」形成對話？而不只是將已經在竭力尋找新路的人，突然又拉回2019的邏輯，引起內疚的反應？已經「move on」的人應該怎樣看待我，而我又如何可以脫離某種道德包袱的角色？
*
我常想，點解2019的記憶，會引起咁多「情緒勒索」（及相應指責）、咁多愧疚、咁多負擔同失落。它好像變成了某種必須傳承和延續的東西，但除了很多空泛的價值，又不知道要延續的究竟是甚麼，甚至慢慢變成一個包袱，變成一個會限制人去尋找新方向的束縛。
那些沒有達成的目標，那些曾經高喊的口號，那個在生死關頭可以非常勇敢的自己——今日便通通成為了喪志的理由。好像無論做甚麼，嘗試甚麼，都回不去那麼極致的時候。此時見到一些彷彿從未脫離2019那種狀態的人，這種落差就更加明顯。
但2019其實也就只是一場經歷而已。如果你曾經在這場經歷當中不可逆轉地徹底改變，那你今日所做的事就已經是2019的延伸；而如果你從未真正被改變，隨時可以倒退回經歷2019前的狀態，那麼你對這段經歷的理解很可能只停留在幾個字詞的字面意義，輕易就可推翻。
究竟是怎樣的改變？就是每個人都完全不一樣的啊。
我們共享過一段經歷，有了各自的成長，如今在不同的角落，面對各自的戰場。不論世界如何改變，曾有過的經歷都不會是假的，無法推翻的是已經內化了的價值，而不是簡化二元的成敗勝負；要延續的是我們自身的成長，而不是2019本身。
認罪有咩問題？咪喺入邊睇晒全套康德或普魯斯特，出返嚟做政哲 / 文研大師囉。當然做第樣都可以。唔認咪唔認囉，唔使吹到咁大嘞，你見唔到有咩為啫，我見到喎。
若記着這一切結果只是令你更加無力，咁不如算啦。其實真係唔需要特別去「記住」，如果佢根本冇改變到你的話。而如果有，咁記唔記已經唔重要啦。
*
要說我是如何因2019而改變，其實很簡單：因為見識過香港人可以有幾勇敢，所以我都想試吓勇敢一點；因為見識到原來幾莫名其妙的場域都可以爆到意想不到的行動出來，所以相信呢個世界永遠唔會「冇嘢做到」。
不是為了守住甚麼捍衛甚麼或強行延續甚麼，而係想去試吓睇吓有冇新嘢爆到出嚟。
選擇不認罪不是為了任何事或任何人，而係我對自己的一份期許：幾限制重重，幾無可能都好，我都信只要夠認真同努力，我都可以搵到缺口，打出新嘅空間。
唔係有意志先可以去行動，行動嘅過程都可以產生意志；而愧疚同無力感都可以係comfort zone嚟嘅 [1]。我冇為你做任何嘢，你亦冇欠我任何嘢，各自努力 is OK，前線自己決定啦。
雖然都很難達成，但我最希望的是不要有任何人為了我而內疚，不是客套，而是我真的好討厭成為任何人愧疚同無力的理由。值唔值得本身唔係由他人去決定，但若有人會因為我做的一切以更勇敢去做自己所想做的，就更加值了。
如果真係要為來為去的話，就為了我而更勇敢吧。
[1] 斑戈，《端傳媒》，「訪談猶太活動家：因為支持巴勒斯坦抗爭，我被起訴「反猶」」，2021年5月21日。
何桂藍