小編探訪札記 #30
#2022年1月30日
#荔枝角收押所
#30
今日探訪異常咁快，0915登記1022就已經離開收押所，破咗我等候最短記錄，最長試過2小時15分鐘。見到快必（瘦咗好多）、吳靄儀、張超雄，好似見到明星咁，當然其實大家都唔應該屬於呢個地方。另外今日有位懲教非常好禮貌，同我講「早晨」同埋「bye bye」，受寵若驚。
入探訪室，小杰一拎起電話就話：「幫我入私飯錢同埋去餐廳幫我揀餐，我唔記得咗交餐單。」其實早幾日發生咗件事，我收到懲教打電話嚟話私飯餐廳冇送到某一日嘅午飯俾小杰，小杰希望我打電話去餐廳跟進。其實當日小杰要去公立醫院覆診，於是懲教就同餐廳講佢「上庭」，因此餐廳就唔會送餐，然後當小杰十二點幾番到嚟就冇飯食，唔只係冇私飯食，係直頭無飯食。即其實根本係懲教同餐廳之間溝通有問題，產生誤會，經過我打電話理解之後餐廳就確保小杰晚飯可以繼續有私飯。
小杰就住呢件事寫咗封信俾我，去形容呢件事對佢嚟講有幾panic，原來牆內發生嘅事唔係有冇飯食咁簡單。私飯嘅囚友會被安排去A班房食，普通飯嘅就會安排喺B班房食。只要你有一餐唔係食私飯（例如餐廳漏單），你就會被調離原本班房，你會離開原本圍埋食開嘅朋友，你會去新嘅環境，見一啲你完全唔識嘅囚友，甚至乎你當日會冇飯食，早上7點食完早餐就要等到晚上6點先食到晚餐。對於小杰嚟講最痛苦嘅係佢覺得喺裡面冇一件事係自己可以控制，所有事情嘅發生你都唔能夠知道原因，「點解今日冇咗私飯嘅？咁今晚有冇飯㗎？出面嘅人唔係俾哂錢㗎咩？」小杰好panic，佢覺得自己變咗個廢人，咩都做唔到成日要靠人先可以解決問題，然後所有嘢都要狂等，等物資到手，等探訪名單齊名，等睇醫生，就好似牆內人嘅時間永遠都唔係時間，係可以浪費嘅，任人擺佈。
因此佢千叮萬囑叫我跟實啲私飯嘅事，喺裡面彷彿少少事都會掀動到牆內人嘅情緒。
小杰提到另一邊嘅10月1日黃大仙案件（原本同案後來太多人所以拆案審），當中有一位被告只穿著黑衫黑裙冇裝備，因此被判無罪。小杰話自己直頭喺倉入面大叫：「咁點解我要坐監呀？」然後小杰喺電話裡面就好聲同我講：「我一定會上訴！」我知係好難過，大家都好痛苦，但對我嚟講「希望」係一件危險的東西，事到如今最驚希望愈大失望愈大，每次見到佢為自己上訴的事咁擔心，咁激動，我就覺得好心痛。大家心知整場官司都係一種賭博，如果付出咗好多但唔能夠換嚟好結果，嗰時嘅失落我唔知大家仲可唔可以面對得到，至少我好驚要再一次面對失望。但無論如何，佢嘅決定我都會義無反顧咁支持，大家都係想買一個自由嘅機會。
講完公務，小杰就交代一下自己近況，最近食得唔好，主要係無胃口。而家有自己嘅收音機會聽耐啲先瞓。交代完之後，再同探訪嘅朋友傾多一陣就差唔多夠鐘，「仲有10秒咋，我愛你！」小杰話。大家一同望望計時器，停止計時，意味再聽唔到對方嘅聲音。我哋慢慢放低聽筒，純熟地不慌不忙不急不趕咁慢慢左右行，揮手俾心心。途中見到同案第三被告Calvin，Calvin一嘢攬住小杰肚腩並且拍打。我都好掛住。
－－－－－－－－－－－－－－－
後記：
去餐廳幫小杰續私飯到2月13日，揀餐嘅時間職員問我初一要唔要額外加訂支紅酒俾佢，嘩哈有啲咁嘅嘢㗎？於是我幫小杰初一訂紅酒，初二就訂啤酒，等佢開心一下。
小杰 SiuuKit Patreon
#2022年1月30日
#荔枝角收押所
#30
今日探訪異常咁快，0915登記1022就已經離開收押所，破咗我等候最短記錄，最長試過2小時15分鐘。見到快必（瘦咗好多）、吳靄儀、張超雄，好似見到明星咁，當然其實大家都唔應該屬於呢個地方。另外今日有位懲教非常好禮貌，同我講「早晨」同埋「bye bye」，受寵若驚。
入探訪室，小杰一拎起電話就話：「幫我入私飯錢同埋去餐廳幫我揀餐，我唔記得咗交餐單。」其實早幾日發生咗件事，我收到懲教打電話嚟話私飯餐廳冇送到某一日嘅午飯俾小杰，小杰希望我打電話去餐廳跟進。其實當日小杰要去公立醫院覆診，於是懲教就同餐廳講佢「上庭」，因此餐廳就唔會送餐，然後當小杰十二點幾番到嚟就冇飯食，唔只係冇私飯食，係直頭無飯食。即其實根本係懲教同餐廳之間溝通有問題，產生誤會，經過我打電話理解之後餐廳就確保小杰晚飯可以繼續有私飯。
小杰就住呢件事寫咗封信俾我，去形容呢件事對佢嚟講有幾panic，原來牆內發生嘅事唔係有冇飯食咁簡單。私飯嘅囚友會被安排去A班房食，普通飯嘅就會安排喺B班房食。只要你有一餐唔係食私飯（例如餐廳漏單），你就會被調離原本班房，你會離開原本圍埋食開嘅朋友，你會去新嘅環境，見一啲你完全唔識嘅囚友，甚至乎你當日會冇飯食，早上7點食完早餐就要等到晚上6點先食到晚餐。對於小杰嚟講最痛苦嘅係佢覺得喺裡面冇一件事係自己可以控制，所有事情嘅發生你都唔能夠知道原因，「點解今日冇咗私飯嘅？咁今晚有冇飯㗎？出面嘅人唔係俾哂錢㗎咩？」小杰好panic，佢覺得自己變咗個廢人，咩都做唔到成日要靠人先可以解決問題，然後所有嘢都要狂等，等物資到手，等探訪名單齊名，等睇醫生，就好似牆內人嘅時間永遠都唔係時間，係可以浪費嘅，任人擺佈。
因此佢千叮萬囑叫我跟實啲私飯嘅事，喺裡面彷彿少少事都會掀動到牆內人嘅情緒。
小杰提到另一邊嘅10月1日黃大仙案件（原本同案後來太多人所以拆案審），當中有一位被告只穿著黑衫黑裙冇裝備，因此被判無罪。小杰話自己直頭喺倉入面大叫：「咁點解我要坐監呀？」然後小杰喺電話裡面就好聲同我講：「我一定會上訴！」我知係好難過，大家都好痛苦，但對我嚟講「希望」係一件危險的東西，事到如今最驚希望愈大失望愈大，每次見到佢為自己上訴的事咁擔心，咁激動，我就覺得好心痛。大家心知整場官司都係一種賭博，如果付出咗好多但唔能夠換嚟好結果，嗰時嘅失落我唔知大家仲可唔可以面對得到，至少我好驚要再一次面對失望。但無論如何，佢嘅決定我都會義無反顧咁支持，大家都係想買一個自由嘅機會。
講完公務，小杰就交代一下自己近況，最近食得唔好，主要係無胃口。而家有自己嘅收音機會聽耐啲先瞓。交代完之後，再同探訪嘅朋友傾多一陣就差唔多夠鐘，「仲有10秒咋，我愛你！」小杰話。大家一同望望計時器，停止計時，意味再聽唔到對方嘅聲音。我哋慢慢放低聽筒，純熟地不慌不忙不急不趕咁慢慢左右行，揮手俾心心。途中見到同案第三被告Calvin，Calvin一嘢攬住小杰肚腩並且拍打。我都好掛住。
－－－－－－－－－－－－－－－
後記：
去餐廳幫小杰續私飯到2月13日，揀餐嘅時間職員問我初一要唔要額外加訂支紅酒俾佢，嘩哈有啲咁嘅嘢㗎？於是我幫小杰初一訂紅酒，初二就訂啤酒，等佢開心一下。
小杰 SiuuKit Patreon
小編探訪札記 #33＆34
#2022年2月2日及2月3日
#荔枝角收押所
#Day33
#Day34
#初二初三
繼初一因為收押所有探訪者確診，需要全面消毒停止探訪後，初二初三都可以探到小杰。
初二探小杰時，樣子明顯冇乜精神同埋冇心機，可能加上小杰啲頭髮長咗，佢整個外觀都頹廢咗，而且紅日冇得收信寄信，小杰表示悶上加悶。小杰話多謝我為佢加訂紅酒做晚餐，但支紅酒真係唔好飲。我問年初一牆內嘅氣氛係點㗎？佢話啲懲教會同囚友講「恭喜發財」，我話攞景定贈慶呀喺入面仲「恭喜發財」？小杰話：「啲懲教都會講新年快樂嘅，但我一啲都唔快樂囉。」聽到呢到我自己都內心一沉，仲可以講咩呢？
小杰話佢已經向懲教申請轉做「Non-smoker」了，正式進入冇煙食嘅日子，為了可以被派入「無煙監倉」（環境衛生一點，而且較少潛規則），唯有順便戒煙。小杰亦提到佢喺牆內遇到嗰位「七一香港回歸紀念日禮賓府發生孤狼式縱火案」嘅「朋友仔」，呢位「朋友仔」喺荔枝角「拋」（還柙）咗好耐，小杰同佢傾完計之後，覺得呢位「朋友仔」真係好需要牆外嘅人幫忙，所以小杰希望affordable嘅朋友都去Patreon search「Phoenix_e」，支持一下佢。
交代完公務，與同行探訪朋友閒聊幾句就已經夠鐘離開。明白始終大時大節，牆內嘅人點都會有啲難受，即使小杰已經有哂心理準備喺牆內過2個年（12月31日及大年初一），初二見佢嗰時都令到我心覺得唔舒服，而我唯一可以做嘅，就係陪伴佢，記住佢。希望初四佢會收爆信。
－－－－－－－－－－－－－－
今日初三，係我一個人探小杰嘅時間，哈，佢狀態又好番啲喇喎。今日一見面就識笑，可能因為得我一個人佢冇咁害羞。今日被編去15號窗探訪，係我最唔鍾意嘅探訪位置。我頭頂就係風口，吹到我凍之餘仲要吹走我啲紙令我寫唔到嘢，而且15號窗係最近囚友進出門口，好多人喺後面行過，探訪完畢之後懲教最先趕人走嘅又係由15號窗開始，因此最難發生「左右行」嘅tricks。Anyway，計時開始，電話接通對方聲音，我問做咩今日好似開心咗嘅？佢話因為淨係見我，然後我話「咁不如我幫你彈走哂啲朋友，日日淨係見我好冇？」佢笑說「好呀！」哈哈，我知佢講笑喇，小杰點都需要見下唔同嘅朋友嘅，只係我探佢嘅比例要高啲啫。
小杰表示裡面呢幾晚都超級凍，係喇一定喇，然後佢又投訴我為佢喺初二晚餐加訂咗嘅啤酒好難飲，因為基本上係擺到唔凍先送到囚友手上，又叫我下次唔好浪費錢訂呢啲，我話「下次？冇下次喇，你下個新年都冇私飯食喇老友，人一世物一世，咪試下喺收押所飲酒係咩滋味囉！」佢成日好擔心出面嘅我為佢花費好多，係有支出嘅，但幸好真係有好多有心人support住（多謝每一位有份夾私飯錢的朋友），即使唔係富可敵國咁誇張，但至少私飯都仲可以唔洗憂嘅。
交代完公務，我又講下我呢個新年做過咩，令我諗起以前晚上傾電話嘅情形，日子耐咗，生活模式變咗，當適應咗之後未必每事都會感觸落淚，但思念就一定係無限嘅，好想念從前每晚都可以text／講一句：「good night」先瞓。
15分鐘又過去，冇得講good night，唯有講goodbye。我發現我哋兩個傾計嘅時候，都會望實對方雙眼，凝視彼此。最後我哋兩個都係笑住咁收線，係一次滿足嘅對談。
－－－－－－－－－－－－－－
補充：
小杰在牆內打聽到求情與判刑可能未必同一日會完成，言下之意2月11日2:30可能只會完成求情，然後小杰需要回到荔枝角「拋」多一兩個星期，再上庭處理判刑。
小杰 SiuuKit Patreon
#2022年2月2日及2月3日
#荔枝角收押所
#Day33
#Day34
#初二初三
繼初一因為收押所有探訪者確診，需要全面消毒停止探訪後，初二初三都可以探到小杰。
初二探小杰時，樣子明顯冇乜精神同埋冇心機，可能加上小杰啲頭髮長咗，佢整個外觀都頹廢咗，而且紅日冇得收信寄信，小杰表示悶上加悶。小杰話多謝我為佢加訂紅酒做晚餐，但支紅酒真係唔好飲。我問年初一牆內嘅氣氛係點㗎？佢話啲懲教會同囚友講「恭喜發財」，我話攞景定贈慶呀喺入面仲「恭喜發財」？小杰話：「啲懲教都會講新年快樂嘅，但我一啲都唔快樂囉。」聽到呢到我自己都內心一沉，仲可以講咩呢？
小杰話佢已經向懲教申請轉做「Non-smoker」了，正式進入冇煙食嘅日子，為了可以被派入「無煙監倉」（環境衛生一點，而且較少潛規則），唯有順便戒煙。小杰亦提到佢喺牆內遇到嗰位「七一香港回歸紀念日禮賓府發生孤狼式縱火案」嘅「朋友仔」，呢位「朋友仔」喺荔枝角「拋」（還柙）咗好耐，小杰同佢傾完計之後，覺得呢位「朋友仔」真係好需要牆外嘅人幫忙，所以小杰希望affordable嘅朋友都去Patreon search「Phoenix_e」，支持一下佢。
交代完公務，與同行探訪朋友閒聊幾句就已經夠鐘離開。明白始終大時大節，牆內嘅人點都會有啲難受，即使小杰已經有哂心理準備喺牆內過2個年（12月31日及大年初一），初二見佢嗰時都令到我心覺得唔舒服，而我唯一可以做嘅，就係陪伴佢，記住佢。希望初四佢會收爆信。
－－－－－－－－－－－－－－
今日初三，係我一個人探小杰嘅時間，哈，佢狀態又好番啲喇喎。今日一見面就識笑，可能因為得我一個人佢冇咁害羞。今日被編去15號窗探訪，係我最唔鍾意嘅探訪位置。我頭頂就係風口，吹到我凍之餘仲要吹走我啲紙令我寫唔到嘢，而且15號窗係最近囚友進出門口，好多人喺後面行過，探訪完畢之後懲教最先趕人走嘅又係由15號窗開始，因此最難發生「左右行」嘅tricks。Anyway，計時開始，電話接通對方聲音，我問做咩今日好似開心咗嘅？佢話因為淨係見我，然後我話「咁不如我幫你彈走哂啲朋友，日日淨係見我好冇？」佢笑說「好呀！」哈哈，我知佢講笑喇，小杰點都需要見下唔同嘅朋友嘅，只係我探佢嘅比例要高啲啫。
小杰表示裡面呢幾晚都超級凍，係喇一定喇，然後佢又投訴我為佢喺初二晚餐加訂咗嘅啤酒好難飲，因為基本上係擺到唔凍先送到囚友手上，又叫我下次唔好浪費錢訂呢啲，我話「下次？冇下次喇，你下個新年都冇私飯食喇老友，人一世物一世，咪試下喺收押所飲酒係咩滋味囉！」佢成日好擔心出面嘅我為佢花費好多，係有支出嘅，但幸好真係有好多有心人support住（多謝每一位有份夾私飯錢的朋友），即使唔係富可敵國咁誇張，但至少私飯都仲可以唔洗憂嘅。
交代完公務，我又講下我呢個新年做過咩，令我諗起以前晚上傾電話嘅情形，日子耐咗，生活模式變咗，當適應咗之後未必每事都會感觸落淚，但思念就一定係無限嘅，好想念從前每晚都可以text／講一句：「good night」先瞓。
15分鐘又過去，冇得講good night，唯有講goodbye。我發現我哋兩個傾計嘅時候，都會望實對方雙眼，凝視彼此。最後我哋兩個都係笑住咁收線，係一次滿足嘅對談。
－－－－－－－－－－－－－－
補充：
小杰在牆內打聽到求情與判刑可能未必同一日會完成，言下之意2月11日2:30可能只會完成求情，然後小杰需要回到荔枝角「拋」多一兩個星期，再上庭處理判刑。
小杰 SiuuKit Patreon
小編探訪札記 #35
#2022年2月4日
#荔枝角收押所
#35
今日收到最差嘅消息就係由聽日（初五）開始停止所有探訪。學邵家臻話齋：「一刀切停止所有探監活動（還柙和定罪人士），則未免太粗疏和粗暴了。」今日直接地成為咗判刑前最後一次嘅探訪，有冇搞錯呀？判刑後身份唔同咗就即時變做一個月得2次親友探訪，唔能夠再日日都探。冇喇喇今日係Last Day，真係令人又嬲又沮喪。我即刻腦運轉，我有冇咩要話俾佢知？我有冇嘢要入但未入俾佢？好panic。
好在今個月要入嘅物資初二嘅時候已經入咗，書本方面都叫做入咗本國家地理雜誌俾佢等佢冇咁悶，可惜2月11日上庭嗰套衫，我入唔到俾佢喇，佢只可以穿著番12月31日入還柙時嘅衣服，又臭又污糟又多塵，最緊要係唔夠暖呀，冇喇，而家冇得入新一套衫俾佢喇，真係唔明，又學邵家臻話齋：「院所的防疫的方法有很多。例如分流、訂出每日探監名額、視象探訪、不准探訪但准入物資（每月月頭是入物資的日子）等。總之，一下就停止所有探監活動，叫人情何以堪。」唉，想喊。
今日一見面就同小杰講咗呢個壞消息，大家都好無奈，都係覺得低能政策，但可以點呢？梗係唔捨得喇。今日冇咩公務要匯報，好快就已經係閒聊，小杰表示都係食唔安瞓唔落，私飯碟飯好大兜，佢成日食唔哂（其實佢真係唔大食，唔好俾佢身型呃到），裡面好凍，冇信收好悶。佢開始見到另一邊10月1日黃大仙案件嘅人，相認之後都係一齊唏噓。小杰2月7日下午需要覆診，小杰就話通常一早就會帶佢去醫院等，等到下午，我話「吓？咁浪費時間嘅！」真係等到懷疑人生。我話「不如試下去醫院捕你」佢話可以㗎，因為佢都冇特別通道走，其實反而係鎖住鐵鏈好招搖咁坐喺到等見醫生。佢講完之後我即時諗番起2019年10月2日凌晨5點我飛的去QE捕佢嘅嗰一刻，嗰一個畫面係我永遠都會記住：
離遠見到佢喺急症室大堂一張病床上面，兩邊企住警察，佢手腕鎖上手扣連住病床，佢冇咗副眼鏡，我去到嘅時候佢未能夠第一眼就見到我。由於我唔能夠同佢對話，我只可以保持距離咁觀察佢，或者等到小杰留意到我。嗰一刻就係我第一次明白乜嘢叫做「最遙遠嘅距離」，的確係我企喺小杰前面，但小杰唔可以同我交流。我一直喺急症室大堂徘徊，佢終於朦朧地見到我，佢睜大那雙小小的眼睛彷彿唔相信眼前見到嘅人係我，係嘅，凌晨5點喎，咁都捕到佢喺QE。我對佢微笑，當然伴隨住兩行眼淚，佢造口形叫我走，叫我番屋企，痴線，嗰一刻唔會有人山長水遠飛的嚟然後只係望一眼就走囉。我一路徘徊，甚至乎行近佢床邊，扮哂嘢，總之就係俾小杰知道「I am here with you」，一陣佢就見醫生，然後我就目送佢上骨科病房。冇任何嘅說話可以講，警察不停盯住我，但嗰陣每一個眼神已經means a lot。當時喺醫院自己一個喊咗好耐，朝早7點先離開醫院，基本上由事發一刻都第二日都係冇瞓過。
言歸正傳，所有回憶都好似flashback咁，到而家呢一刻仍然歷歷在目。ok，最後6秒我先醒起係真係「最後」嘅時間，我爭住講咗一句「我愛你！」佢回應同樣嘅字句，又一次「咇」一聲，夠鐘放低聽筒，同探訪朋友一齊左右行，依依不捨咁揮手。下一次見面已經係2月11日1430。
小杰 SiuuKit Patreon
#2022年2月4日
#荔枝角收押所
#35
今日收到最差嘅消息就係由聽日（初五）開始停止所有探訪。學邵家臻話齋：「一刀切停止所有探監活動（還柙和定罪人士），則未免太粗疏和粗暴了。」今日直接地成為咗判刑前最後一次嘅探訪，有冇搞錯呀？判刑後身份唔同咗就即時變做一個月得2次親友探訪，唔能夠再日日都探。冇喇喇今日係Last Day，真係令人又嬲又沮喪。我即刻腦運轉，我有冇咩要話俾佢知？我有冇嘢要入但未入俾佢？好panic。
好在今個月要入嘅物資初二嘅時候已經入咗，書本方面都叫做入咗本國家地理雜誌俾佢等佢冇咁悶，可惜2月11日上庭嗰套衫，我入唔到俾佢喇，佢只可以穿著番12月31日入還柙時嘅衣服，又臭又污糟又多塵，最緊要係唔夠暖呀，冇喇，而家冇得入新一套衫俾佢喇，真係唔明，又學邵家臻話齋：「院所的防疫的方法有很多。例如分流、訂出每日探監名額、視象探訪、不准探訪但准入物資（每月月頭是入物資的日子）等。總之，一下就停止所有探監活動，叫人情何以堪。」唉，想喊。
今日一見面就同小杰講咗呢個壞消息，大家都好無奈，都係覺得低能政策，但可以點呢？梗係唔捨得喇。今日冇咩公務要匯報，好快就已經係閒聊，小杰表示都係食唔安瞓唔落，私飯碟飯好大兜，佢成日食唔哂（其實佢真係唔大食，唔好俾佢身型呃到），裡面好凍，冇信收好悶。佢開始見到另一邊10月1日黃大仙案件嘅人，相認之後都係一齊唏噓。小杰2月7日下午需要覆診，小杰就話通常一早就會帶佢去醫院等，等到下午，我話「吓？咁浪費時間嘅！」真係等到懷疑人生。我話「不如試下去醫院捕你」佢話可以㗎，因為佢都冇特別通道走，其實反而係鎖住鐵鏈好招搖咁坐喺到等見醫生。佢講完之後我即時諗番起2019年10月2日凌晨5點我飛的去QE捕佢嘅嗰一刻，嗰一個畫面係我永遠都會記住：
離遠見到佢喺急症室大堂一張病床上面，兩邊企住警察，佢手腕鎖上手扣連住病床，佢冇咗副眼鏡，我去到嘅時候佢未能夠第一眼就見到我。由於我唔能夠同佢對話，我只可以保持距離咁觀察佢，或者等到小杰留意到我。嗰一刻就係我第一次明白乜嘢叫做「最遙遠嘅距離」，的確係我企喺小杰前面，但小杰唔可以同我交流。我一直喺急症室大堂徘徊，佢終於朦朧地見到我，佢睜大那雙小小的眼睛彷彿唔相信眼前見到嘅人係我，係嘅，凌晨5點喎，咁都捕到佢喺QE。我對佢微笑，當然伴隨住兩行眼淚，佢造口形叫我走，叫我番屋企，痴線，嗰一刻唔會有人山長水遠飛的嚟然後只係望一眼就走囉。我一路徘徊，甚至乎行近佢床邊，扮哂嘢，總之就係俾小杰知道「I am here with you」，一陣佢就見醫生，然後我就目送佢上骨科病房。冇任何嘅說話可以講，警察不停盯住我，但嗰陣每一個眼神已經means a lot。當時喺醫院自己一個喊咗好耐，朝早7點先離開醫院，基本上由事發一刻都第二日都係冇瞓過。
言歸正傳，所有回憶都好似flashback咁，到而家呢一刻仍然歷歷在目。ok，最後6秒我先醒起係真係「最後」嘅時間，我爭住講咗一句「我愛你！」佢回應同樣嘅字句，又一次「咇」一聲，夠鐘放低聽筒，同探訪朋友一齊左右行，依依不捨咁揮手。下一次見面已經係2月11日1430。
小杰 SiuuKit Patreon
小編探訪札記 #63
#2022年3月4日
#荔枝角收押所
#63
今篇札記實為「小編冇得探訪札記」。
小杰牆內修煉已經去到第63日，距離小編2月4日最後一次見佢，已經足足有一個月嘅時間冇見過佢了。呢一個月嘅日子相信比起泊正嘅日子更艱難，因為泊正之後起碼每個月都有2次探訪，而家停止探訪足足一個月，仲要擔驚受怕小杰喺牆內嘅疫情。信件又嚴重濟後，平均一星期先收到一次佢寄出嘅信，即使維持有書信來往，卻永遠都追唔上雙方生活嘅步伐，基本上我哋真係生活喺兩個時空咁。小編希望而家，已經係我哋經歷最差嘅景況，將來唔會有更差嘅出現。
昨日收到小杰俾小編嘅信，都略略同大家交代一下佢喺牆內嘅情況：
//荔枝角疫情嚴重，昨天有廚房人中咗，然後全世界食普通飯嘅人都變成有得食私飯外賣，不過都只係大家樂，我啲飯都係好食啲嘅。有啲黑手話咁多年嚟都未試過咁嘅安排。聽聞我哋期數係全收押所幸存嘅2個期數，冇人感染，其他全部有確診。而家我哋每日都會做檢測，我今日報咗名打疫苗喇，最後我都選擇打復必泰，我唔想日後因為疫苗問題影響探訪，我擔心出面嘅你哋呀，我呢到反而好安全，我擔心我媽同bb（澄清係小杰妹妹個bb，小編冇bb），啲新聞都幾得人驚，幫我問候signal gruop裡面我所有嘅朋友，我很想你們！
呢個星期我沉迷咗《炎炎消防隊》，同埋東野圭吾《沉默的遊行》，我成日都有睇相，原來相片一個月最多可以入60張，20張收到之後我可以額外再申請多20張，咁以後可以入多啲俾我喇！我知道好多人俾利是我，幫我逐一多謝佢哋，多謝佢哋咁照顧我，我下世都還唔完人情債。裡面好多人都冇信收，我其實每次收信都差唔多十幾廿封，有點開心。// 寫於22年2月22日。
仲記得第一日去收押所探訪時候，聽到一位阿姐問：「阿蛇，想問你哋初一至初三開唔開㗎？」白髮高級懲教阿蛇相當冷靜睿智地回答咗一句：「地球唔爆炸，我哋唔放假。講完。」當日簡而精嘅說話，今日俾一場疫症破攻了。裡面啲黑手話收押所咁耐以嚟係未試過停運作，相信世上只有人為COVID嚴重過地球爆炸。
最後，思念係無限嘅。我哋幾時會再見？
－－－－－－－－－－－－－－
歡迎大家寫信俾小杰！詳情請留意之前發佈嘅文章🌻
小杰 SiuuKit Patreon
#2022年3月4日
#荔枝角收押所
#63
今篇札記實為「小編冇得探訪札記」。
小杰牆內修煉已經去到第63日，距離小編2月4日最後一次見佢，已經足足有一個月嘅時間冇見過佢了。呢一個月嘅日子相信比起泊正嘅日子更艱難，因為泊正之後起碼每個月都有2次探訪，而家停止探訪足足一個月，仲要擔驚受怕小杰喺牆內嘅疫情。信件又嚴重濟後，平均一星期先收到一次佢寄出嘅信，即使維持有書信來往，卻永遠都追唔上雙方生活嘅步伐，基本上我哋真係生活喺兩個時空咁。小編希望而家，已經係我哋經歷最差嘅景況，將來唔會有更差嘅出現。
昨日收到小杰俾小編嘅信，都略略同大家交代一下佢喺牆內嘅情況：
//荔枝角疫情嚴重，昨天有廚房人中咗，然後全世界食普通飯嘅人都變成有得食私飯外賣，不過都只係大家樂，我啲飯都係好食啲嘅。有啲黑手話咁多年嚟都未試過咁嘅安排。聽聞我哋期數係全收押所幸存嘅2個期數，冇人感染，其他全部有確診。而家我哋每日都會做檢測，我今日報咗名打疫苗喇，最後我都選擇打復必泰，我唔想日後因為疫苗問題影響探訪，我擔心出面嘅你哋呀，我呢到反而好安全，我擔心我媽同bb（澄清係小杰妹妹個bb，小編冇bb），啲新聞都幾得人驚，幫我問候signal gruop裡面我所有嘅朋友，我很想你們！
呢個星期我沉迷咗《炎炎消防隊》，同埋東野圭吾《沉默的遊行》，我成日都有睇相，原來相片一個月最多可以入60張，20張收到之後我可以額外再申請多20張，咁以後可以入多啲俾我喇！我知道好多人俾利是我，幫我逐一多謝佢哋，多謝佢哋咁照顧我，我下世都還唔完人情債。裡面好多人都冇信收，我其實每次收信都差唔多十幾廿封，有點開心。// 寫於22年2月22日。
仲記得第一日去收押所探訪時候，聽到一位阿姐問：「阿蛇，想問你哋初一至初三開唔開㗎？」白髮高級懲教阿蛇相當冷靜睿智地回答咗一句：「地球唔爆炸，我哋唔放假。講完。」當日簡而精嘅說話，今日俾一場疫症破攻了。裡面啲黑手話收押所咁耐以嚟係未試過停運作，相信世上只有人為COVID嚴重過地球爆炸。
最後，思念係無限嘅。我哋幾時會再見？
－－－－－－－－－－－－－－
歡迎大家寫信俾小杰！詳情請留意之前發佈嘅文章🌻
小杰 SiuuKit Patreon