【Ventus獄中書信】

爸爸問：「你有冇覺得自己揀錯咗路？」

今日探完劉頴匡，佢雖然受苦但都盡量保持精神，除咗頭髮厚到成個蓋咁，都幾靚仔😎 佢每日都會寫四頁信俾我，如果大家想睇多啲，又想支持下佢，歡迎訂閱佢嘅patreon: www.patreon.com/ventuslauwh 呢一段節錄我覺得幾有意思，所以都公開同大家分享🖤

佢話還押嘅生活都係千篇一律，尤其佢哋單獨囚禁，所以寫比我嘅嘢，大概都係自己嘅腦內交戰🥲希望佢唔好戰戰下精神分裂埋🥲 

依家佢申請咗工作，係將一張紙貼成信封😚據說，會考拔尖入中大嘅佢，呢份工作就處理得麻麻😅 比起年紀大佢一倍嘅囚友仲要慢一半有多😅 還望佢多加努力，用 $7/100個信封嘅工資幫補下自己啲坐監開支😂 佢一個月只要貼到10萬個信封，就夠俾佢自己嘅私飯錢啦，加油😂💪🏻 

Emilia Wong

《無聊寫寫字》

書信需時許久，約十天才收到第一封信。加上沒有郵票，只能利用一星期一封信對外溝通，家書、情書和無聊字一併寄出。太認真記事就會可能寄不出，所以只能寫些無聊字。報報喜，憂事就像飯菜一樣倒在胃裏，然後拉出來就好，只望別便秘就好。

我現時每天過着極端規律又無聊的生活。沒有選擇遲到的餘地，六時起床也不是難事。只是生理時鐘還未調整，三夜一眠令時間變得更多。反正精神疲累就自然能睡。

未如預期般飢渴地閱讀，實在沒法平靜下來專注。坐監適度浪費時間才是王道。閒時聽聽弱勢的故事，為他們代筆家書、情書和求情信。

現在只想平安度過荔枝角的武肺隔離，靜待轉移。再適應新環境，到時再數算日子。

只是，只好，只會……反正就只能這樣。反正我與人同在，反正神與我同在。

我期待收到大家的書信，但未必有心機回覆。請諒我的自私，我想收到祝福。

劉家棟

小編：家棟剛剛過左界喇，希望家棟去到新地方可以快啲適應到啦🙏🏻大家想祝福家棟可寄信比去石牆花或係《家棟家書》啲post下留言，留言我地會print 出黎寄比家棟，感謝大家🙇🏻‍♀️

----------------------------------
《讓我成為獨立社工》web
請點擊以下連結支持本人監獄手足支援工作。
https://www.patreon.com/katungsw

To 我最愛的XXX：

有唔少嘅筆友都係信之中問我，赤柱啲私飯聽聞係難食啲，唔係呀，赤柱嘅私飯同大棚飯好食過荔枝角N倍，所以論伙食，赤柱真係好太多了。喺間房嘅呢段日子，我都為自己未來出冊定下一個原則，就係一定唔會接受其他人食飯時夾餸俾我！大棚飯就唔使講啦，冇得揀，咁喺私飯時，小弟怕交唔切飯單同想有驚喜，都唔會自己揀，由屋企人同朋友揀，結果……

「_！乜_嘢啊？我阿媽唔知我唔食辣㗎咩？」我一打開飯盒，睇到有幾條辣椒就已經忍唔住_出嚟。「咩啊？你比我囉_」旁邊個新手足未講完，發仔已經插口「唔使理佢㗎，佢每餐飯都係咁㗎。」「喂，咁真係呀嘛，你睇吓個飯。」我講。「你阿媽就係知你唔食所以點囉，哈哈！」發仔已經喺度大笑。「應該係我阿媽知你鍾意食辣所以點俾你。」「你阿媽唔係唔鍾意我咩？」「係呀，所以就特登點俾我，等我唔鍾意俾你呀！」…所以私飯都冇得揀，出冊就當然要自己揀啦。

有一日，我食食吓飯同發仔講，「睇嚟我都唔係好鍾意香港。」「點解呀？」發仔問。「因為我仲care依盒飯好唔好食，我仲知道自己食緊乜。」原來，經歷咗3月1號同埋2號，我先知道食嘢真係可以無味，完全係物理上冇味嗰種。

喺依一封信落筆前，腦海裏都有n件事想寫，但最後都會浮出一個問題，好人出咗事，唔係寫On9 野掛。我睇解悶其中一篇訪問到一位26歲本地女作家，佢話喺依個時代，寫嘅內容可能都會自動與社會扣連左，寫自己鍾意嘅嘢好容易，但如果只係單單自己鍾意，就冇意思，有好多事會扣連。小弟最近開始落筆新故事題材，都會諗呢個問題，雖然最後可能都只係自己自high出唔到街，但都係會諗，冇任何事可以獨善其身。

依幾日睇新聞，隔離總會有一對人喺度笑住咁講「你啲老細俾人拉晒啦！」「woo~熱鬧啦今次！」好似係唔關佢哋事咁，不過見到入邊大部份人喺電視播《世上所有遺失的東西》嘅時候，都只係討論泳兒有冇波，我都懶得去解釋咁多，不要教驢子跳舞嘛。

發生咗咁大件事，相信每一個人都會出現喺歷史中，我係指任何人，唔係單單好人，歷史係點，冇人知，我相信睇《台灣之春》施明德好型咁插着褲袋上庭時，都冇諗過幾十年後會搞掂咗，正如而家一樣，冇人知，但冇人可以離開依一個故事，我連移民都離開唔到，大家可以攬住身邊嘅人喊，但故事唔會停，喊完又係要上路了。

故事未完，休息，揀角色，上路了。

尚千赴戎
木何懼火
05-03-2021

尋筆友 阿T
有手足回信 見字請PM
ps: 再次提醒大家要留聯絡方法啊😎

石牆花 Wall-fare

【來自荔枝角的信】

即使我都喺荔枝角，但我依然好著緊正面對法律程序嘅手足，由其是47人，今日係13/3（六）啱啱見到高院唔俾譚文豪保釋，心都up埋，諗返起佢係西九個保釋陳詞，真係想喊出嚟，呢度日日我都會喺蘋果睇度佢地嘅消息，老實講真係會睇到好絕望，見住之前積極從政嘅人，絕大部份都被囚於獄中，更係單獨囚禁，連同人講嘢嘅權利都被剝奪，唔知佢地仲可以點捱落去。但同時，我亦見到人性嘅光輝，佢地嘅家屬，戰友，朋友，乃至素未謀面嘅市民，都向佢地送上絕對嘅支持，同無限量嘅愛意。我同樣身在監獄，無能為佢地做d咩，只希望佢地可以充實活好每一天，撐住等待光明，出面嘅人一定一定會等佢地，唔會俾佢地被遺忘，仲有唔同嘅無名手足，我有喺呢度高喊頂住呀手足，雖然其餘還押嘅人未有用聲音回應，但我相信一定有手足聽到，希望佢地知道，即使身處監倉，都絕唔係孤單一但！但倉底真係夠人了，出面要人，手足們，自己保重，一齊撐住！

咸仔

【為羅手足送上生日祝福】

與家人和親友分離，面對未知的審訊和刑罰，有誰能體會那種煎熬？

羅手足因理大事件已還押近一個月，下月將於收押所渡過17歲生日，願我們用文字為他送上生日祝福，文字能夠送暖和觸動人心，讓他感受到我們在他身邊，不讓他孤單！

已截止

＜香港人，醒未？＞

中央決定閹割香港民主選舉，全國人大會議接近全票通過 『完善香港選舉制度的決定草案』，香港普羅大眾仍然在沉睡，以為香港還有民主選舉、以為歐美會出手幫香港爭取，香港人醒未呀？不要以為歐美制裁中國，中央就會給香港民主。中央只會越來越收緊香港的民主自由、法治 ......

國安法後，香港人要懂得在該法的框架下遊走，要沉著忍耐，不批評國家，等候時機待發，這樣才是香港的未來 ......

香港在 2020年取消了立法會選舉，香港人當時就要死了條心，不要相信香港再有選舉。就算有，都是有篩選的選舉，何來有民主可言呢？

香港人不要再以為政黨可以再為香港人爭取民主。他們爭取了二、三十年都爭取不到，那些路線和方法已經落伍了！中央今次給香港人有篩選的選舉，本人相信某些非親中保皇的政黨都會參加。他們可能覺得，無理由將九萬元人工(公帑)，白白送給紫驚黨、民賤聯、工賊黨，不選白不選。

一些泛民政黨的成員為了香港而被還柙，值得尊敬，要感激他們！但是，部份泛民政黨以前曾經作過一些錯的判斷，例如東北發展、明日大嶼這些。不過已經過去了，希望以後不要再錯！

一國兩制其實在2012年就入土為安，香港人天真地生活在平行時空 ...... 本人只深信一樣嘢，就是等價交換——幸福不是天跌落嚟，從來是要用抗爭來爭取的，世上沒有免費的民主自由，只有血與汗交疊而成的民主自由。香港人太過虛弱，要多些強身健體 ........

凱迪，要撐住，不要放棄！

傲暉，戒煙對身體好，不要再搣指甲啦！

家麒醫生，要抱處之泰然之心渡過每一天，不用太灰心，總有彩虹在明天。上天關了一道門，必會開另一道給閣下的。

影攝食
12-3-2021

＝＝＝＝＝＝＝＝＝＝＝＝＝＝＝＝

影攝食 on Patreon : 香港人，醒未？
https://www.patreon.com/posts/49016899

支持影攝食
https://www.patreon.com/moviesfeeding

【獄中書信：8位被送中港人返港前夕】

各位香港人：

當你們看見這段文字時，應該就是其中8位被送中港人理應刑滿返港的日子（22日）的前夕。儘管可以預視，他們返港後必定會繼續受到沒完沒了的政治迫害，至少當刻，我仍與大家一樣暗暗期待著他們回來的一刻。

回想過去7個月，在向家屬和12人提供協助的過程中，情緒一直被事態的發展牽動著：時而擔心，時而憤怒，時而失望。但現時不論是整個社會的關注度，還是一眾日漸堅強的家屬，都令我不再憂心。

遺憾地，我無法與大家站在關口一同迎接8人返港，即使如此，我仍與各位同在。Save 12 HK Youths和Bring Them Back是我們的承諾，直至12港人悉數回港前，我們都必定不能忘記他們。12人當中，只要尚有一位港人未能返港，我們都與一眾家屬一直等下去。

鄒家成
2021年3月17日

尋和你寫R.C.
見字收信！

石牆花 Wall-fare