我幻想自己去了灣仔散步，並在汕頭街寫生

riotercreation

紙片有話兒1️⃣4️⃣

hker_ic101

【就七一立法會暴動案陳情】

李志豪法官閣下：

本人孫曉嵐就涉2019年7月1日於立法會綜合大樓內參與香港法例第245條《公安條例》第19條(1)及(2)所列的暴動，有以下陳述。

身為一個熱愛香港，以香港前途為己任的香港人，投身反修例倡議是一件自然而然、義不容辭的事。有獨立理性思考的公民，皆會關心法治與人權發展，並在以上價值面臨嚴峻挑戰時挺身而出。我一直被教導關心時事，積極參與社會事務，2019年正修讀人權法碩士的我，深信憑知識及真誠的實踐，會帶來改變的可能，盼在影響香港深遠的修例爭議中盡己所能，力守社會珍視的核心價值。

本案的特殊意義在於，時值政權慶祝主權移交的日子，抗爭者進入了昔日曾帶來民主幻覺的議事廳，叩問香港政治問題的核心，亦即反送中爭議一再揭示的政制缺陷 ── 欠缺符合國際標準的真正雙普選下，立法會議員難以制衡及監察行政機關，遑論捍衛市民權利，致使長官意志凌駕一切。人民在運動中展現清晰明確的政治改革訴求和決心，絕非任何政黨團體所能動員或操控的結果。反送中運動展開，源於一群高度自發、對香港未來有所覺悟與承擔的年輕人，這亦是使缺乏民意授權的政權不安，對一代人窮追猛打的底因。

我決定認罪，因我了解法律條文的字面含義 ── 即使我當日實際上沒有作出任何損毁死物、破壞社會安寧的行為，並且由始至終基於對人的尊嚴重視而從未使用任何暴力，我亦已觸犯了定義寬鬆的「暴動罪」。然而在政權眼中，抗爭者真正的罪名卻是控罪未有明言的：追求民主、自由的思想和意志有罪。我不為我的異見作辯解，因為那是我堅信的價值；但我不希望我的沉默或委曲，令法庭可一再借用當權者的敘事修辭 ── 諸如「黑暴」、「受煽動」等等，將反送中運動的源起、政治性及抗爭者的個人獨立意志一一封殺。

真誠面對自我的人，不能逃避思考和作出判斷。這幾年間我從未停止觀察、學習、理解和反思。我承認在沒有預謀或組織事前策劃下，自己進入中門大開的立法會議事廳。以非暴力、公民不服從方式抵抗的策略失敗，僅喚起了關注，卻未有帶來更加民主、自由的香港。1996年諾貝爾文學獎得主、波蘭詩人辛波絲卡在其詩作寫道：「所有你的、我們的、你們的／日常和夜間事務／都是政治的事務……你說的話，有政治的回音。」雖然法庭常稱不作政治判斷或評論，但本案的政治性卻是無從忽視，於正確與錯誤之間，違法與否以外，更應有相關「犯罪意圖」的道德考量。

我明白法庭不是追求歷史真相的平台，我只是認為自己有責任將我所知、所信如實道出，以保存事實。案發至今逾四年，我沒有放棄追求公義，一直在兒童權利工作上奮鬥。我將永遠敞開心窗，永遠保持對他人的關愛，並盼望於承擔代價後，能早日回歸自由和愛我的人身旁。未來我將會繼續活在真實當中，過光明磊落的生活，以貢獻及回報我所深愛的人和地方。

孫曉嵐

註：陳情於2024年2月6日，將呈交法庭存檔

Althea Suen

 《終於來到1/3的路上⏳》

好耐無同大家UPDATE一下小黑嘅近況啦～
時間比想像中過得快，小黑已經入學一年啦 ，
同大家分享下佢呢1年黎小小感受先～

「入學嘅時間已經過左1/3啦!! 😆呢一年嘅翻學生活比自己想像中過得容易同快，應該話學識左點樣令自己過得舒服啲同易捱啲，所以日子都真係無咁難過! 失去左幾年更加想賺翻啲時間，所以一年前Set左啲目標俾自己，雖然仲未完全達成到，需時實踐緊，但至少有信守對自己嘅承諾自己🤙🏻無浪費呢１年嘅時間向目標進發緊，仲有好好做到應承小新嘅野！ 總算有努力過日子😎

回想起當日同屋企人、小新同朋友分離嘅畫面都仍然歷歷在目，呢段時間感謝佢地不辭勞苦咁黎探我❤️為我打點一切，仲有要感謝所有寫信俾我嘅朋友仔、筆友，每一封信都係心靈雞湯黎🫶🏻多謝大家陪伴住我💛黎緊仲有2/3嘅旅程, 我會繼續努力生活照顧好自己，繼續期昐平凡清早嘅黎臨，依然都係未來見🙆🏽（希望時間再快啲, 可以同大家講到下年見🤣）」

-
如果大家想了解更多小黑生活同支持小黑
歡迎訂閱,follow:
Patreon :http://patreon.com/lazysmallblack

lazy.smallblack

 來自普羅的新年祝福🥹🥹🙏🏻

一直冇更新，普羅之前因為一啲事被三個月單獨囚禁😔過左段不太開心的日子，所以依家先再同大家update💛

Admin都係到祝大家新年快樂、開開心心呀🧧🌸✨

（普羅啲畫好q🥹)

be.your.light.2022

 Hello 大家好，呢個IG：draw.mud.ho係記錄哈皮嘅畫作貼堂！

因為呢5年嚟，環境苦悶而引發佢用鉛筆掃描能力！
不定期更新，視乎admin懶惰程度(◐‿◑)

歡迎大家FOLLOW🉐🉐🉐

draw.mud.ho__

 首先，先祝大家新年快樂同情人節快樂!

真係好多謝大家係聖誕同新年都有寄卡同佢過節日，小編同WINNIE衷心多謝大家嘅關心與祝福。

雖然前排發生冇人想見到嘅事，亦都有感而發。

作為公眾人物，好似背負住要鼓勵大家要positive，不斷散發正能量，但背後或者內心其實蘊藏住好多負能量，正宗"對人歡笑背人愁"，到某日要爆嘅時候已經係太遲，無法挽回嘅地步.../_\

好彩嘅係，我都會有EMO嘅時刻，但我好快就調節到，可能始終一直都係"被俘虜"狀態? 如果冇關係到屋企人，其他都係小事...係咪叫做好? 哈哈...我諗我只會遇強越強吧=) 嘩哈哈哈!!!!

Anyway, 大家其實真係唔使勉強自己，好喜歡有篇文章其中兩句講 "勉強冇幸福，究竟明唔明白? 明唔明白，我唔係講緊垃圾!" 、"你咁大個人，用吓個腦解答" =)

最後，多謝仍然堅持嘅各位。

#命運從來未預告 #見攰就唞

wy_winnieyu

 新年快樂！Comson寄咗封信嚟同大家拜年，同講下佢牆內的生日點過(牆內的小朋友們so sweet🥹❤️）呢封信其實剛好年三十晚已經到咗，寄信的時間計到啱啱好🤪不過我自主收爐放假所以今日先出😗祝大家新年快樂🧧🎉~

——————————————————

各位親友，恭賀新禧！小弟在此向大家拜個早年。農曆新年期間，我們計劃「夾食」，哈哈！到時再與大家分享我們怎樣過年。

昨天是小弟的誕辰，原先想要低調過，反正從前也未曾重視自己的生日。但昨日是周日，而逢周日是「大圍day」（即各期數放假，不用工作的日子），期數中的同路人一大早工作過後，便拿著不同小食整美食，昨日他製作的是布朗尼（bronnie），作為我的生日🎂。下午時，當製作完畢後，大家便一起唱生日歌，手足話要儀式感，於是便以2支火柴代替蠟燭，並著我許願及吹蠟燭。這次出錢出力的手足更叫我在佢身家袋中任意擇一作為我的禮物。另一位手足亦讓我選維他奶或高鈣低脂奶作為禮物。

「一窗之隔」的另一個同案朋友吩咐我晚上洗完碗後過來找他，稱準備了另一份生日禮物，但他不願透露那是什麼。直至昨晚工作過後他便拿出了一隻紙鶴，叫我好好收藏，是他摺了一整天的作品，哈哈！

在期數等待返倉時，有人談到我的生日願望，有手足猜「一定係出冊」啦！我說「當然不是！是希望將來來個大特赦，所有riot的人一齊出XD」。當刻大家哄堂大笑，有人說：「咁就慘啦，有特赦冇出冊，大L鑊」，其實，我許願時頭腦完全一片空白，在大家唱畢生日歌後，根本尚未反應過來（笑喊）。

在塘福已待了整整一個月，每日圍繞著工作、閱讀、運動和寫信，空閒、無所事事的時間不多，一天的節奏很快。除了時間有點不夠之外，最大的不適應就是睡眠時間長，但仍常感覺疲倦，相信與飲食和睡眠質素有關。我估計很快便能取得收音機，到時日子可能比現時更好捱。這封信主要是分享小弟生日當天的狀況，其他閑事將另一封家書中與各位分享。如果想寫信給我，歡迎寄至郵政信箱，感謝！

p.s.不得不公開表揚親友（特別是姐姐）每天為我製作newsletter，不但讓我每一日也過得充實，還使其他囚友羨慕不已，因為每天我也有份收信，哈哈！

Comson
2024.1.29
-—————

如果大家寫信比Comson，請郵寄至以下信箱，或pm我轉達🙆：

尖沙咀郵政信箱 98847 號
PO Box 98847, Tsim Sha Tsui Post office, Kowloon, Hong Kong

誠徵連登旅遊台、軟件/硬件台（手機/電腦資訊）！

如果大家想支持Comson，可以訂閱佢的ko-fi (link in bio👆)，亦都有d物品喺上面出售，幫補一下Comson在囚期間家人的開支，同佢放學後的生活🙇

在此感謝各位🙇

comsonor

 「寫在裁決前」

相信收到這封信時，已經知道我最終判刑是多少了。提筆的這個瞬間我卻是未知自己甚麼時候歸家，但無論刑期是甚麼，也只有一步一腳印走完這段路。

所以寫在裁決前，我只能回望自己這數月的還押時間，有沒有做到一個堅持自我的人，又有沒有進步？每天望著飛在屋上、鐵絲網上的海鳥、飛鷹，我就知道自己沒有一刻忘記自由是甚麼味道。身處鐵窗內，最折磨人的大概就是那百無聊賴的生活，不斷令你回想自由是甚麼。有些人被折磨久了，就會順應那無聊，成為個甚麼都不去想的人，每天抬頭看看電視，吸兩三口煙又一天。

有段時間病了，在病好後也無所事事了一個禮拜，有天同樣望著電視甚麼都沒有做時，想起這個動作不正正就是被折磨到沒有了稜角的人嗎？所以好快那天就做了運動，也拿起書看，至少令自己不是放空到甚麼都沒有想。

再前些天，某個監房老手突然走近我，感概地說了句「你泊正之後，我哋應該唔會再有機會見面啦？」我本想說些甚麼導人向善的話時，他又一句「除非你搵我買dd啦哈哈」我就明白，我們應該真的不會見面了，這次見面真的是場美麗的誤會了。但我和他相處融洽，他佩服我，我也理解他，而我也知道，自己也不是三年前還押時的自己了，最起碼我與人相處的能力進步了。

監房也是個小型社會，也更像是個惡的縮影。保持到自我的同時，又在這個小型社會中吸收能力，是書簿中學不到的吧。在這個獨特地屬於我自己的旅程中，真希望可以拿到很多東西離開！

K致上
2024年01月18日

ksleaving

 外星人s～

Yo～好耐冇寫信～之前一路都因為某條自己set比自己嘅線，好多嘢我都唔會表達，唔想連累其他人LoL sosad～

講起「線」，有睇開新聞嘅應該都知某個活動因為上年提到「紅線」而俾人話「意有所指」就cut晒資助？我成個腦都係「？」😑

一路話自己言論自由係😂😂😂但就因為人哋話你有「紅線」所以採取行動？...wow ~~~叻🤣不過轉個角度⋯起碼冇話佢哋犯法吖🙃開心～

我而家周不時都好嬲，嬲自己做唔到隻豬😂 如果我淨係追求吃喝玩樂咪好～起碼我唔使嬲或sad咁多次⋯

再講～

keep住冇肥之鬼

PS：非意指世上任何地方，純屬虛構🙃擺明搵嘢寫🙃🙃🙃

話說⋯今年叱咤⋯好多筆友話Ian 拎咗兩個銅獎係好勁⋯但唔知係咪我太💙 Ian？我真心覺得佢係值得更好！LoL by the way sosad Sica 咩都冇~~~

編註： Sica係有新力軍女歌手銅獎啊
💛Ian 新抱仔唔止女仔，仲有男仔🙈

saamlapsing

各位阿匡嘅朋友：

阿匡前幾日被送到赤柱監獄，離開咗呢三年嘅「家」荔枝角收押所。如果有朋友要繼續寫信比佢，請記得要改一改地址了！

另外，上星期立法會7.暴動1案嘅求情再度押後，最新日期係3月6日上午10點，西九龍法院。如無意外，阿匡將於當日親自求情，然後3月16日就會判刑。

如果想知道更多關於匡嘅消息，可以小額訂閱Patreon： www.patreon.com/ventuslauwh

劉頴匡

兩年半後全部同案終於都重獲自由。

今天早上7時按原定計劃到羅湖懲教所迎接她回來，但在途中卻收到親友通知她已經獲釋，被懲教署安排乘坐警察私家車。懲教署一般都會在早上9點安排釋放，不過這次沒有任何通知下，安排她獨自獲釋，在沒有任何選擇下她乘坐警方私家車離開。

若非她借到電話通知親友，根本就無人得知她已經獲釋。幸好幾經波折後能夠尋回她，並且與她相擁。見面後的她除了外貌上變得瘦削外，一切也如當初一樣，臉上帶著稚氣，話中帶著憧憬。

願你繼續以這份真誠渲染世界

#welcomeback朱同志😂

陳枳森

 大家好，今日的塘福好熱鬧，好多人趕在二月的尾巴去探家人哩❤️今日探完離開時出面好大霧，搭車出東涌的山路就同香港一樣前路茫茫，好似入緊silent hill咁🤨

以下為大家帶嚟Comson的信🫶🏻

————————————-

各位龍年大吉！原諒我遲了向大家拜年，新一年希望好人繼續平安、健康、快樂。這是我在監房渡過的首個農曆新年，仍須在這裡渡過另一次新年。以六隻雞脾來計算，我已吃了兩隻。以日子計算，我已服畢十分之一的刑期。這六十多天，說慢，並不慢，一開始我花了2周調整心理，正面迎接不自由的日子，然後有周是等「過界」，「過界」後花了2周習慣工作、又有2周是看看電視便過了，再有這2周是農曆新年前後，像一浪接一浪。說快，並不快。事實上，我仍有90%刑期，距離重獲自由有一段頗長的時間。

儘管如此，我時常想像2025年「出冊」的情景和之後的計劃。首先，「出冊」當天當然是要到東涌市區享受美好的早餐，並與前來接我的親友們閑聊。直至約中午時回家用「碌柚葉」洗澡，去除身上的霉運，在家與父母用膳，休息一會，視乎時間安排，外出吃個下午茶。接著數天，便要陸續與朋友們相聚，及一一向曾向我施以援手的同道致謝和請客。長遠來說，獲釋後我要找一份工作、準備再考入學試並計劃好升學事宜。那時的Iphone型號應已是17了；Goole Pixel估計那時已是第10代了，想著自己見證著Pixel系列從一數到十，慨嘆時間眨眼便過去，老了 🥲

近來，我看了Grammy’s Award，當中有Miley Cyrus的演出，實在太耐冇聽，故此感到十分高興。另外，於年二及初三期間viu6播出了Mama即Kpop的頒獎典禮。惟在演出《Fast Forward》時碰巧「殺到」，於是我只係聽到10秒（有好過冇啦）。

於年初二時，我期數搞「團年飯」。當晚的餸菜十分豐富，有咖喱雞，肉醬（用牛肉球製作），仲有多2碟菜。飯後有「pizza」食（真係幾似的……）。新年期間幾乎每日也有「夾食」，如千層麵、不同口味的蛋糕、木糠布丁（勁似），飽到連夜晚個提子包都食唔落。

4日連假一結束，我就要離開原本的期數了。情人節的早上當我正在洗碗時，獲告知我已「收工」，「執包伏轉期數」。現在我被安排到廠期，體驗了一整天過後，感覺較為悠閑、「慢活」，有更長的睡眠時間。可惜的是，剛好我的囚號排在最後，因此暫時未「埋機」（埋到機有E位糧！），但點都高過之前啦。老實點，轉期數後反而想念原本的期數，主要是與那些手足混熟了，有點不捨🥹還有要與另一位好友分開呢。

此外，現時我的倉友大多是「ON (oversea nationals)」或「II (illegal immigrant)」，別以為是「聯合國」，實際上是「中非聯盟」，當然也有其他國籍的「ON」。昨晚 (2月14日晚)，我與一位蘇利南人聊天，他們大都很好相處。另外，這邊的Day Room接收音機訊號頗佳，回到倉後卻只聽到沙沙聲，以前則是相反，Day room收唔到，回到倉反而收到（我個床位靚掛）。始終無一個期數是完美的吧，哈哈！唯有將就一下。

今次講住咁多先！歡迎大家瘋狂寄信俾我！如果諗唔到寄咩，可以寄遊記（好想睇lihkg旅遊台）俾我睇，或者與我分享一些投考美國大學的心得。謝謝

Comson
2024年2月15日

小知識#1
（Comson話特登加呢欄比大家認識下D術語，咁就唔會唔明佢D信有時寫咩啦)
「大圍」 / 「大棚」：即係指公用 / 公家咁解，亦都有成人圍聚的意思。例子是「大圍Day」指紅日 / 公眾假期，大家唔洗返工就喺Day room或飯堂度9 hea / 睇電視 / 玩下咁。也有「大圍牙膏」、「大圍牙刷」，即指呢度有得派的牙膏同牙刷，當然同拜山入到的唔係同款！「大棚」意思相近，我地瞓的倉係叫「大棚」，即20幾人一個倉好L多人咁，有時講「食大棚飯」即係大家都係食嗰D野，「洗大棚」指同其他人全部人D衫一齊洗。

-—————

如果大家寫信比Comson，請郵寄至以下信箱，或pm我轉達🙆：

尖沙咀郵政信箱 98847 號
PO Box 98847, Tsim Sha Tsui Post office, Kowloon, Hong Kong

誠徵連登旅遊台、軟件/硬件台（手機/電腦資訊）！

如果大家想支持Comson，可以訂閱佢的ko-fi (link in bio👆)，亦都有d物品喺上面出售，幫補一下Comson在囚期間家人的開支，同佢放學後的生活🙇

在此感謝各位🙇

comsonor

［家成已被轉移至赤柱監獄還押］
敬請各位寫信師、探訪者垂注🙏🏾

鄒家成

 今天，我幻想自己在茶記享用了一杯港式熱奶茶，渡過了平凡而幸福的一天。

riotercreation

 3月11日，我將就一宗暴動案件受審。

一直無同大家講過，雖然其實只要喺Google search我中文全名，撇除同浸大有關嘅新聞，就會見到相關法庭新聞。

據非正式統計，每個因為社運案件上庭嘅人，總有擔心過被人search全名，特別係搵工或搵書讀時。

「無罪推定」原則，被告在經過公平審訊而被定罪前，應被視為無罪。但事實上，好多時候哪怕未經定罪，某些人早已審先判，為「我哋」貼上「暴徒」標籤。

呢一年間，我接受過唔少訪問，感謝各位記者朋友願意為我保守呢個「秘密」。百般無奈，要來嘅始終要來。下星期一就開審，諗過繼續避而不談，但比起大家到時從報導中得知，我想自己親口講出嚟。

而家呢宗暴動案，發生於2019年7月。我被拘捕、以及後來「踢保」前每月到警署報到時，罪名一直都係「非法集結」。直至2022年1月，當時距離我另一宗刑事毁壞案裁決尚餘一星期，我被上門再拘捕，罪名先突然改為「暴動」。

此外，我有過另一單刑事毁壞案。本來我諗過以後唔再提起，始終事過境遷、案件已完，當日法庭嘅判決為：罪名不成立。然而，琴日突然傳出另一則噩耗。

律政司將就判決入稟法庭上訴。

距離開審尚餘一星期，此時此刻提上訴，一切同兩年前比顯得多麼相似，又多麼諷刺。刑毁案就嚟完結，突然間殺出暴動案。到暴動案就咁開審，刑毁案又捲土重來。四年來，兩宗案件，從來無間斷過。唔知要到幾時，我先可以徹底擺脫官非。

自從2020年5月開始，我一直處於保釋候審狀態。呢四年保釋候審歲月裏，我要嚴格遵守各項保釋條件。除咗繳交保釋金，我守過宵禁令，曾經試過晚上7點後唔可以出街。一日有24個鐘，有11個鐘必須留喺屋企。雖然保釋條件經過幾次爭取下，亦有改善。但有部分係改變唔到，例如每星期到警署報到，風雨不改，甚至連十號風球都無面畀，一樣要乖乖報到。

而最令人煎熬嘅，莫過於不得離開香港、交出旅遊證件。所以對「我哋」嚟講，莫講話移民、去外國讀書，連想去轉旅行，呼吸一口自由嘅空氣，也只是希冀。幾年來對我嚟講最大嘅誘惑，一定係今年初台灣大選。作為一個政治系學生，我真係好撚想去睇選舉！！（在此特別鳴謝各位去咗台灣嘅朋友影相同帶手信畀我）

最近又睇到一則令人沮喪嘅新聞，懲教署正研究修例：禁止須遵守監管令人士離開香港。可憐嘅香港人，未來可能服刑完畢後都唔可以立即到外地開始新生活。

候審會令人失去對未來嘅盼望。唔認罪打官司一定贏？咪講經啦。候審期間，排期後突然改期，改期後再排期，唔會知/預計到幾時完晒司法程序。如果罪成，坐監要坐幾耐？出嚟後個世界變成點？一旦罪成仲會留案底，仲有咩工作可以揀？無力感太重，可以估量、控制嘅嘢實在太少。今日唔知聽日事，好難做有效嘅未來規劃。

甚至唔需要諗得咁複雜，睇返最貼地嘅生活例子。假如你遇到一個好啱feel嘅女仔，兩個人好投契，佢唔介意你嘅一切，而你亦真係好鍾意佢。

但你身負一宗暴動案件，半年後開審，案情唔樂觀。

你仲敢唔敢放膽去追求呢段感情？「去馬啦，愛本是無罪！」

就算俾你哋有緣一齊到，對方亦唔介意等，但你入咗去，仲點樣陪伴佢？佢每個人生重要嘅時刻、喜怒哀樂，你都無辦法與佢同喜同悲。每一封由佢手中寄出嘅信，須要等上一星期，經過懲教人員審核，先至落到你手。甚至佢要洗錢入物資俾你，每個星期，山長水遠，用上一日時間，入嚟大嶼山探你，你會成為對方嘅負擔。上面講嘅嘢唔係誇大、唔係亂噏，而係每對被高牆分隔嘅愛侶都要面對嘅磨難。呢幾年，社運案件已經打散過亂世中無數對鴛鴦。

自從被捕後，整個人生軌跡被打亂，多咗份沒明日的恐懼。曾經我好怕要到牆內考DSE，幸好罪名不成立，可以順利應考。入到大學想上學生會，試吓囉！上唔到學生會，唯有繼續嘗試做自己想做、認為應做嘅事。至於將來畢業後返咩工？會唔會讀Master？坦白講因為案件，我想像唔到，亦唔敢想像。可以做嘅，或許只有盡己所能喺呢個閪到盡嘅時代做個好人，好好生存，並且努力令自己變得更好。

曾經，我好怕被人知道自己嘅案件。特別喺一年前準備/啱啱上仼學生會嗰時，好怕因為有案在身而無得上莊，接受訪問都要確保字裏行間無提過單案。而家望返轉頭，一切已成過眼雲煙，滄溟之路終成未竟之志。

一年後，再一次面對案件曝光問題，我唔想再逃避了。

我行緊嘅路，面對嘅各種壓力、憂慮、掙扎，已經有無數人堅強地咬緊牙關走過。

今日，到我了。

我堅信眼前嘅審訊係我人生必須經歷嘅難關。一如既往，縱使前路崎嶇不平，我亦會一直向前行，絕不輕言放棄。面對眼前嘅「長命審訊」，我將勇敢、自信地坦然面對接下來嘅磨鍊。

最後一段，想留啲說話俾最愛嘅人。

由第一日起，呢單案對我嚟講，就有如一根拔唔走嘅刺，令我經常對未來失去希望，甚至對感情失去信心。我唔想成為你嘅負擔，害怕俾唔到你最基本嘅陪伴。所以想過離開，以為咁樣先係對大家最好。但係你一直無放棄過，以行動、說話去安撫我嘅不安，一步一步重建我因為案件而喪失嘅信心。呢兩年嚟，我每次上庭無論係提堂、答辯還是審前覆核，你都從不缺席。當我坐喺被告欄嘅時候，係你陪伴著我屋企人，嘗試減輕佢哋嘅焦慮，每一幕我都看得清楚、無忘記過。一路走來，感謝你一直不離不棄，陪伴我走過一個又一個難關，讓我不再孤單，有勇氣面對一切。

我愛你！

edwindaikp

 「塘福·新身份」

仲記得當日一聲六年量刑起點，再加上一句「泯滅人性也不為過」嘅形容，就好似一盆冷水咁淋熄咗旁聽席上親友嘅熱切關心，好心情瞬間消失。坐係犯人欄入面嘅我反而心情平靜，可能做好晒心理準備，知道無論判幾多都係要坐，只不過真係聽到六年量刑嗰刻，心都難免顫了一下。

好彩有成班好朋友一齊，一班人又返到幾年前嘅相識之地荔枝角，同幾年前帶住愁容入到藍色閘相比，呢次係指模房互相說笑，取笑對方著棕色衫好睇啲，又取笑對方終身號碼好難聽，就好似入咗營地咁；又一齊過咗幾晚無憂嘅日子，因為所有嘢都塵埃落定，最壞嘅結果都唔會再差過宜家了。

就帶住咁嘅好心情，又黎到既熟悉又陌生嘅塘福。望住個熟悉嘅綠色閘，回想起自己有幾多次係閘後面嘅探訪室等；又望到個熟悉嘅嶼南道，又回想起自己有份係山下嘅巴士站接朋友出冊；又望到下長沙沙灘，又回想起一班朋友係沙灘玩耍，講笑話到時泊正去塘福定石壁。不過宜家身份已經唔係嗰個自由出入嘅訪客，係一個要還自己幾年前債嘅人。

到今日差唔多到塘福一段時間了，心情說起其實唔錯，但仲適應緊成為定罪人士嘅唔同。入面時間好似過得好快，但覺得自己同世界脫離咗嘅程度又大咗，一黎資訊只有新聞，二黎友人同家人嘅消息有時差了，漸漸對外界嘅變化有無力感，但正如朋友同我講，專心坐監，係我宜家唯一可以做嘅！

說起塘福節奏好慢，但又好簡單。想學習、想運動、抑或想沉淪，都係靠自己嘅定力，呢度好少人會鼓勵你，又好少人會打沉你，因為大家都做自己嘢。但坐監咪就係咁，所以希望自己可以好似上封信咁講。最後可以帶走好多有用嘅嘢離開監房啦。

K 致上
2024年2月

ksleaving