這兩年，好似發了場夢。
離開那裡已經一個月，多謝大家的關心與慰問，有許多事想分享，但需要時間沉澱，還是寫點日常吧。
在那裡每日需要穿全啡色衫，現在重新擁有選擇衣著的權利，可以穿不同顏色的衫，很開心。
這兩年最大的成就可能是看了過百本某些人認為不會危害國家安全的書，身體因做運動而變結實了一點，曬黑了許多，還有學懂了珍惜。
在那裡我寫了個To do list，這個月便去了行山、參觀展覽、看舞台劇、聽演唱會···
其中一日去了沙灘燒烤，吃飽後在海邊散步，再去果欄買榴蓮作宵夜，那晚不善言辭的弟弟突然很認真地說「今日喺呢兩年最開心放鬆嘅一日」，我即時回了句「咩料吖」，而內心所想的是，我也是。
現在的日子平淡，但自由。
至於未來，我不敢奢想太多，但是固執的我仍有想做的事。
老土點說，連監都坐過，還有什麼可懼怕。
請不要勸我離開，仍有許多不能離開的人，我想陪伴他們。
沒時間去影相，決定用兩年前的照片，順便提醒自己不要忘記曾經歷的事。
十一月有機會與大家見面，期待。
Credit：Reuters
-
我的Patreon： https://www.patreon.com/Wong_YatChin?fan_landing=true
多謝已訂閱Patreon的人，未來會多些更新，但是懇請大家優先訂閱仍在牆內的朋友，再考慮訂閱我。
wyc_0213
離開那裡已經一個月，多謝大家的關心與慰問，有許多事想分享，但需要時間沉澱，還是寫點日常吧。
在那裡每日需要穿全啡色衫，現在重新擁有選擇衣著的權利，可以穿不同顏色的衫，很開心。
這兩年最大的成就可能是看了過百本某些人認為不會危害國家安全的書，身體因做運動而變結實了一點，曬黑了許多，還有學懂了珍惜。
在那裡我寫了個To do list，這個月便去了行山、參觀展覽、看舞台劇、聽演唱會···
其中一日去了沙灘燒烤，吃飽後在海邊散步，再去果欄買榴蓮作宵夜，那晚不善言辭的弟弟突然很認真地說「今日喺呢兩年最開心放鬆嘅一日」，我即時回了句「咩料吖」，而內心所想的是，我也是。
現在的日子平淡，但自由。
至於未來，我不敢奢想太多，但是固執的我仍有想做的事。
老土點說，連監都坐過，還有什麼可懼怕。
請不要勸我離開，仍有許多不能離開的人，我想陪伴他們。
沒時間去影相，決定用兩年前的照片，順便提醒自己不要忘記曾經歷的事。
十一月有機會與大家見面，期待。
Credit：Reuters
-
我的Patreon： https://www.patreon.com/Wong_YatChin?fan_landing=true
多謝已訂閱Patreon的人，未來會多些更新，但是懇請大家優先訂閱仍在牆內的朋友，再考慮訂閱我。
wyc_0213
探訪日常
大家好，好耐冇見，轉季記得唔好凍親呀！
富仔近排調咗過去赤柱，佢話未習慣到，規矩同荔枝角係有差異，要調節下。赤柱衛生好過荔枝角，但佢個期數望唔到海，感覺蝕左。
我之前嚟過赤柱探其他手足，同富仔分享過赤柱登記探訪之後，係要搭哥爾夫球車入去。佢好好記性，同我講話：「呀！我過界入嚟個陣見到喇！真係幾盞鬼，小學雞畢業營咁🤣」
過界後私飯餐廳都轉左，揀左一間coffee shop，富仔嘅評價係：野食一般，咖啡好飲！
佢本身好少飲咖啡，而家可以飲多d喇！唔知會唔會引起佢咖啡嘅興趣呢？
赤柱有3間私飯，但個menu係可以1個-1個半月都唔轉，諗下都覺厭⋯希望3間餐廳會轉餐牌頻密d
南區近海，入面都會凍D！
赤柱Cat A 唔知點解連還押人士睇電視嘅權利剝削埋，得16:00-17:30 可以睇。所以黎緊連CCTVB新聞都冇得睇，接收外界資訊就得返報紙
希望大家可以寫多啲信關心下三粒星！冇嘢講都print下網上見到嘅有趣新聞佢哋睇吖🙏🏼
#三粒星
#寫信師
#探監日常
saamlapsing
大家好，好耐冇見，轉季記得唔好凍親呀！
富仔近排調咗過去赤柱，佢話未習慣到，規矩同荔枝角係有差異，要調節下。赤柱衛生好過荔枝角，但佢個期數望唔到海，感覺蝕左。
我之前嚟過赤柱探其他手足，同富仔分享過赤柱登記探訪之後，係要搭哥爾夫球車入去。佢好好記性，同我講話：「呀！我過界入嚟個陣見到喇！真係幾盞鬼，小學雞畢業營咁🤣」
過界後私飯餐廳都轉左，揀左一間coffee shop，富仔嘅評價係：野食一般，咖啡好飲！
佢本身好少飲咖啡，而家可以飲多d喇！唔知會唔會引起佢咖啡嘅興趣呢？
赤柱有3間私飯，但個menu係可以1個-1個半月都唔轉，諗下都覺厭⋯希望3間餐廳會轉餐牌頻密d
南區近海，入面都會凍D！
赤柱Cat A 唔知點解連還押人士睇電視嘅權利剝削埋，得16:00-17:30 可以睇。所以黎緊連CCTVB新聞都冇得睇，接收外界資訊就得返報紙
希望大家可以寫多啲信關心下三粒星！冇嘢講都print下網上見到嘅有趣新聞佢哋睇吖🙏🏼
#三粒星
#寫信師
#探監日常
saamlapsing
乞衣
出左去之後想乞衣，叫人捐啲唔要嘅衫俾我。
一黎想慳錢，都冇收入左咁耐。
二黎想試下quit fast and cheap fashion。雖然估計就算有人肯捐，大部分都係fast and cheap fashion，但至少到我手變二手，或者可以用呢倒學倒嘅車衣技巧去DIY，改變左佢成為無用之物嘅本質。
事緣係一直都對呢方面嘅議題有啲興趣，見到啲人成衣櫃都放唔落嘅衫，仲有啲冇着過，見到嘅只有貪婪的辛苦同浪費；或者自己都成日心思思想買衫，人地着呢啲，間鋪賣呢啲，買與不買之間，對於擁有嘅掙扎，有時好花費時間同心力。
睇左本書《Overdressed: The Shocking High Cost of Cheap Fashion》，其實冇睇完，😆太難睇，太多資訊，好似睇學術文章，最後頂唔順冇睇完~ 或者我都只係想搵個觸發點去叫自己開始去quit fast and cheap fashion，咁呢本書係一個好用具。
講時裝店行銷手法，新產品快速推出，價錢平到你覺得着兩次就掉都唔肉赤。血汗工廠、污染，提番起孟加拉成個製衣大廈倒塌，死左好多人，我都記番起呢件嚇人之事。明星、KOL、YouTube、雜誌，all about fashion，點解Y2K? 潮流界轉得快到都冇新野，連vintage都搬上枱😆 永遠追不上的潮流。最後，好多年前已經由綠色和平得知，捐出去嘅衫根本就多到連所謂「第三世界國家」都要唔落，或者cheap fashion嘅質素爛到送都冇人要。捐衫已經唔係一種「救贖」，抗衡或者加入環保、人道元素先係出路同解決方法!
哇哈哈 捐衫俾我啦~
莉莉心室
出左去之後想乞衣，叫人捐啲唔要嘅衫俾我。
一黎想慳錢，都冇收入左咁耐。
二黎想試下quit fast and cheap fashion。雖然估計就算有人肯捐，大部分都係fast and cheap fashion，但至少到我手變二手，或者可以用呢倒學倒嘅車衣技巧去DIY，改變左佢成為無用之物嘅本質。
事緣係一直都對呢方面嘅議題有啲興趣，見到啲人成衣櫃都放唔落嘅衫，仲有啲冇着過，見到嘅只有貪婪的辛苦同浪費；或者自己都成日心思思想買衫，人地着呢啲，間鋪賣呢啲，買與不買之間，對於擁有嘅掙扎，有時好花費時間同心力。
睇左本書《Overdressed: The Shocking High Cost of Cheap Fashion》，其實冇睇完，😆太難睇，太多資訊，好似睇學術文章，最後頂唔順冇睇完~ 或者我都只係想搵個觸發點去叫自己開始去quit fast and cheap fashion，咁呢本書係一個好用具。
講時裝店行銷手法，新產品快速推出，價錢平到你覺得着兩次就掉都唔肉赤。血汗工廠、污染，提番起孟加拉成個製衣大廈倒塌，死左好多人，我都記番起呢件嚇人之事。明星、KOL、YouTube、雜誌，all about fashion，點解Y2K? 潮流界轉得快到都冇新野，連vintage都搬上枱😆 永遠追不上的潮流。最後，好多年前已經由綠色和平得知，捐出去嘅衫根本就多到連所謂「第三世界國家」都要唔落，或者cheap fashion嘅質素爛到送都冇人要。捐衫已經唔係一種「救贖」，抗衡或者加入環保、人道元素先係出路同解決方法!
哇哈哈 捐衫俾我啦~
莉莉心室
Hey everyone 我已經由荔枝角轉到去塘福懲教所繼續服刑 仲有差唔多28個月就刑滿岀獄 話長唔長 話短都真係唔短 呢度已經係我最後要去嘅地方 希望可以盡快適應到呢度嘅環境 因為直至宜家為止 每個停留嘅地方都唔超過兩個星期 所以到咗塘福之後都真係叫安定落嚟
呢個acc同 @duex.film 都係我女朋友負責打理一切 唔該大家比個big clap佢先 簡直係坐監背後嘅女人 唔知佢幫我po咗啲信未啦 不過宜家總算安定咗落嚟lu 所以嚟緊都可以寫多少少嘢~ 書呢我都睇咗5-6本 包括有《挪威的森林》，《食草家族》同埋《豐乳肥臀》等等 遲啲可以寫下啲讀書報告咁啦~
呢度嘅天氣真的不錯 最啱係去養老用 同埋呢度基本上係日日都有耶穌聖光睇 因為都近大澳嘛 同埋都有幾隻貓貓睇下 啲貓貓都係差唔多咁上下懶haha
同埋呢度啲健身風氣都好勁 真係都有不少人係大隻過我(即係咁講) 我哋下封信再講啦~
nataaadecocooooooooo
呢個acc同 @duex.film 都係我女朋友負責打理一切 唔該大家比個big clap佢先 簡直係坐監背後嘅女人 唔知佢幫我po咗啲信未啦 不過宜家總算安定咗落嚟lu 所以嚟緊都可以寫多少少嘢~ 書呢我都睇咗5-6本 包括有《挪威的森林》，《食草家族》同埋《豐乳肥臀》等等 遲啲可以寫下啲讀書報告咁啦~
呢度嘅天氣真的不錯 最啱係去養老用 同埋呢度基本上係日日都有耶穌聖光睇 因為都近大澳嘛 同埋都有幾隻貓貓睇下 啲貓貓都係差唔多咁上下懶haha
同埋呢度啲健身風氣都好勁 真係都有不少人係大隻過我(即係咁講) 我哋下封信再講啦~
nataaadecocooooooooo
「全世界都有暴動的青年，但香港幾時先出現？」---my little airport
那一年，我選擇了不再做旁觀的青年。
為甚麼？
我只是單純享受在有限的時間感受每一段不會回頭的夢，不論是喜是悲是樂是愁。
在命運注定的路上，
相遇的每一個人，
發生的每一件事，
我相信有其獨一的意義。
要知道世上沒有永恆,
恆常不變的只有期限。
今年，是我另一段夢的開始，也是我的選擇。
//
當大家睇到我嚟個post嘅時候，我已經正式入學啦。
多謝大家一直以為對我嘅支持同鼓勵。
april_little_otter
那一年，我選擇了不再做旁觀的青年。
為甚麼？
我只是單純享受在有限的時間感受每一段不會回頭的夢，不論是喜是悲是樂是愁。
在命運注定的路上，
相遇的每一個人，
發生的每一件事，
我相信有其獨一的意義。
要知道世上沒有永恆,
恆常不變的只有期限。
今年，是我另一段夢的開始，也是我的選擇。
//
當大家睇到我嚟個post嘅時候，我已經正式入學啦。
多謝大家一直以為對我嘅支持同鼓勵。
april_little_otter
😺
Hello，好耐冇更新了。最近比左個長假期自己，小貓同男朋友最近都還好，多謝關心。
有得見面的時候同樣地欣喜若狂，冇得見果陣都冇太感到失落。
近來既信件見到佢係度數已經入學過左1/4既時間，有咩感覺呢？就係佢都習慣左入面既生活了。
仲有3/4既時間佢感覺應該會好快過。如果有部時光機，一跳就跳到2026年就好啦～
見到王逸戰既訪問提及對家人既感慨都覺得好心痛……
雖然日常物品唔需要男朋友屋企人奔波，但上次佢屋企人去探訪果陣跌傷腳流左好多血果下，我見到都打曬冷震。希望男朋友以後出黎都要珍惜同屋企人相處既時光啦～
hong_kongcatndog
Hello，好耐冇更新了。最近比左個長假期自己，小貓同男朋友最近都還好，多謝關心。
有得見面的時候同樣地欣喜若狂，冇得見果陣都冇太感到失落。
近來既信件見到佢係度數已經入學過左1/4既時間，有咩感覺呢？就係佢都習慣左入面既生活了。
仲有3/4既時間佢感覺應該會好快過。如果有部時光機，一跳就跳到2026年就好啦～
見到王逸戰既訪問提及對家人既感慨都覺得好心痛……
雖然日常物品唔需要男朋友屋企人奔波，但上次佢屋企人去探訪果陣跌傷腳流左好多血果下，我見到都打曬冷震。希望男朋友以後出黎都要珍惜同屋企人相處既時光啦～
hong_kongcatndog
30歲前你有咩成就？實現咗啲咩？
我同其他人唔同，時間對我嚟講好緊要，雖然坐監3年，但計埋保釋候審講緊嘅係5-6年，好多計劃都會被打斷，其實坐完出嚟好可能同你同輩嘅stage斷咗層，所以我要靠保釋兩年努力實現自己嘅計劃，向前行，起碼出翻嚟都唔會後悔自己嘥時間，可以繼續發展自己嘅興趣同計劃。唔想等到28歲出翻嚟先由頭開始
好佩服自己一路以嚟嘅成長，見證住自己由不可能變成好welcome, 由起初好emo, 心理壓力好大，心靈受創，慢慢變堅強，自己一步一步變勇敢，努力去面對所有難題 好多時第一下面對轉變嘅時候 都會覺得好難頂 但當你逐啲逐啲去搵辦法解決 放低執着 最後當你再遇到難關個時 你就會睇開咗 如果唔係生老病死 其實要面對嘅困難都可以解決 或者一定有解決嘅方法 只係睇你願唔願意做
如果現實係改變唔到 咁你就要改變自己心態 抱怨係無用 就好似有人日日都呻自己份工好辛苦 大壓力 日日OT 翻工無咗自己
咁咪諗吓辦法解決 一係轉工 一係努力捱到升職 如果唔係自己想要嘅工作環境 比你做多兩年都唔會改變 咁不如早啲轉工 搵份啱自己節奏嘅工 唔通又捱兩年發現唔對路先走？唔好嘥時間 太奢侈啦 你想生活過得好定唔好 完全係自己話事
好似我咁 除咗單案 我真係過得好幸福 起碼係按住自己心目中嘅生活方式發展 唔係求大富大貴 但有個美滿家庭 好老公 事業穩定 身體健康 已經過得非常開心 我擁有嘅嘢都係自己爭取翻嚟 係靠自己嘅一次又一次嘅決定爭取翻嚟
希望你係好down 好emo嘅時間諗起我嘅故事 希望我可以為你哋帶嚟生活嘅動力 努力實現自己理想嘅生活
再見喇各位🫶🏻
monieechann
我同其他人唔同，時間對我嚟講好緊要，雖然坐監3年，但計埋保釋候審講緊嘅係5-6年，好多計劃都會被打斷，其實坐完出嚟好可能同你同輩嘅stage斷咗層，所以我要靠保釋兩年努力實現自己嘅計劃，向前行，起碼出翻嚟都唔會後悔自己嘥時間，可以繼續發展自己嘅興趣同計劃。唔想等到28歲出翻嚟先由頭開始
好佩服自己一路以嚟嘅成長，見證住自己由不可能變成好welcome, 由起初好emo, 心理壓力好大，心靈受創，慢慢變堅強，自己一步一步變勇敢，努力去面對所有難題 好多時第一下面對轉變嘅時候 都會覺得好難頂 但當你逐啲逐啲去搵辦法解決 放低執着 最後當你再遇到難關個時 你就會睇開咗 如果唔係生老病死 其實要面對嘅困難都可以解決 或者一定有解決嘅方法 只係睇你願唔願意做
如果現實係改變唔到 咁你就要改變自己心態 抱怨係無用 就好似有人日日都呻自己份工好辛苦 大壓力 日日OT 翻工無咗自己
咁咪諗吓辦法解決 一係轉工 一係努力捱到升職 如果唔係自己想要嘅工作環境 比你做多兩年都唔會改變 咁不如早啲轉工 搵份啱自己節奏嘅工 唔通又捱兩年發現唔對路先走？唔好嘥時間 太奢侈啦 你想生活過得好定唔好 完全係自己話事
好似我咁 除咗單案 我真係過得好幸福 起碼係按住自己心目中嘅生活方式發展 唔係求大富大貴 但有個美滿家庭 好老公 事業穩定 身體健康 已經過得非常開心 我擁有嘅嘢都係自己爭取翻嚟 係靠自己嘅一次又一次嘅決定爭取翻嚟
希望你係好down 好emo嘅時間諗起我嘅故事 希望我可以為你哋帶嚟生活嘅動力 努力實現自己理想嘅生活
再見喇各位🫶🏻
monieechann
【🎅🏻Christmas Letter 2023】
時光飛逝，眨多兩眼就到2024，今次係我地第3年為手足收聖誕信。強烈建議寄信多於寄卡，除咗手足keep卡有quota之外，信件總比聖誕卡上幾句「加油、撐住、聖誕快樂」來得有意義及有溫度。大家可以將聖誕信當成筆友信咁寫，只係將聖誕作為引入💛
除非有指定收信人，否則信件將由我地隨機分配，務求令我地接觸到嘅手足人人有信收！冇指定收信人嘅話，最好將信紙上款漏空，俾我地補返手足個名上去🫶🏻
截止收信日期︰2023年12月15日
Dm @fung1seon3zi2 for details!!
#聖誕信件2023
#為人送暖不求回報
#每一封信每份心意
#城市如何高牆聳立總會偶遇突破阻隔的陪伴🤍
封信子
時光飛逝，眨多兩眼就到2024，今次係我地第3年為手足收聖誕信。強烈建議寄信多於寄卡，除咗手足keep卡有quota之外，信件總比聖誕卡上幾句「加油、撐住、聖誕快樂」來得有意義及有溫度。大家可以將聖誕信當成筆友信咁寫，只係將聖誕作為引入💛
除非有指定收信人，否則信件將由我地隨機分配，務求令我地接觸到嘅手足人人有信收！冇指定收信人嘅話，最好將信紙上款漏空，俾我地補返手足個名上去🫶🏻
截止收信日期︰2023年12月15日
Dm @fung1seon3zi2 for details!!
#聖誕信件2023
#為人送暖不求回報
#每一封信每份心意
#城市如何高牆聳立總會偶遇突破阻隔的陪伴🤍
封信子
很久不見。今屆亞運曲終人散，即便喺高牆之内，我都有透過唔同媒介跟進比賽嘅最新消息。感激香港運動員喺呢次大賽中嘅表現，無論最終能否踏上頒獎台，係咪穿金掛銀也好，你哋已經創造咗無數令香港人感到自豪嘅時刻。喺呢個唔太明朗嘅世道之中，鼓動我城嘅每一位住民。
出於私心，本屆賽事中我最關心嘅項目必然係男子足球。幾個月前分組抽籤結果出爐之際，睇見港隊同三支中、⻄亞球隊編入同組，我心底裡其實頗為擔心港隊入唔入到十六強。當然大家都知後來因同組有兩隊退賽，港隊喺開賽前已確定出線十六強。如果話港隊從小組賽突圍帶有運氣成分，咁十六強、八強先後擊退巴勒斯坦同伊朗，就證明咗港隊絕非泛泛之輩。質疑者或者會搬出各種原因話港隊贏得僥倖，但面對傳統勁旅、世界盃常客伊朗，若港隊喺將士用命、運氣之上冇一定實力的話，根本把握唔到贏波嘅機會。
到四強對日本，以及銅牌戰再遇烏茲別克之時，賽事已成為全城焦點，但竟然冇任何電台安排轉播。因此我只能聽實每半個鐘一次嘅新聞報道，得知最新嘅比數。每一節聽到新聞報道前奏我都坐立不安，期望會聽到港隊入波、追平同反超嘅消息。雖然港隊喺力戰下最後兩場都輸0比4 ，無法更進一步，但希望大家唔好忘記打入四強已經係非常出色嘅成績。自1954年第二屆亞運開始派隊參加男子足球項目，香港此前嘅最佳戰績已經要數到1958年嘅八強，而當時更係香港足球水平仍被視為亞洲一線嘅年代（註：不過當時唔少一線球員選擇咗代表 「 中華⺠國隊 」， 而非 「香港隊」 )。 今次港隊喺賽前被睇低一線，本地球市亦非暢旺嘅時候創造奇蹟，更顯難能可貴。
呢六場波入面，其中一位令人留下深刻印象嘅球員係門將謝家榮。除咗話喺場上東飛⻄撲，力挽狂瀾，佢喺媒體訪問之中亦點出咗一個重要問題。就係點樣將今次大眾對香港足球嘅關注轉化為推動香港足球長遠發展嘅動力，令到有朝一日，我哋唔再係雖敗猶榮嘅一方，而係贏波企上頒獎台、捧起獎盃嘅一方。喺2009年東亞運奪金後，政府曾經推出「鳳凰計劃」等措施推動本地足球發展。關於嗰個嘗試嘅成敗，又或者未來應該採取咩政策振興本地足球運動，已經有好多人做過深入嘅探討，喺到就唔獻醜了。我亦唔係戰術大師，唔敢斷言香港應該建立點樣嘅足球風格。我只係一介球迷，可以做到嘅只係入場支持港隊同睇港超聯（而家都不行了），同盡力呼籲更多人一齊入場。先此聲明，港隊同港超賽事嘅水平同大家睇開嘅英超歐聯相差甚遠，港隊亦唔係咩長勝之師，唔會不斷為球迷帶嚟勝利嘅快感，但我仍希望大家先將嗰抽唔入場嘅理由放埋一邊，入場睇一次香港波。我保證大家必定會喺90分鐘內揾到去睇第二次、第三次，繼續睇落去嘅理由，但冇第一次，就永遠冇第二次。而我入場嘅理由係乜？好簡單，我係香港人，如果我哋都唔撐香港足球，咁邊個撐？
嚟緊好快有一次機會比大家身體力行撐港足，港隊將會喺星期四（10月12日）於香港大球場對不丹，上演2026年世界盃外圍賽首戰。除咗主帥安達臣，相信亦會有部份亞運隊成員入選今期嘅名單。無論係為咗答謝港隊喺亞運嘅表現，定係將呢場波當做支持香港足球嘅起點，都希望大家可以踴躍入場，令大家可以化為一片紅海，香港繼續勁揪！
補充：由於維仔寄信需時，10月12日港隊嘅世界盃外圍賽賽事已經順利喺主場4:0勝出。其後，10月17日港隊作客不丹以2:0落敗，不過總計兩回合仍順利晉級第二圈外圍賽。港隊嚟緊會喺11月16日作客伊朗，以及11月21日主場迎戰土庫曼。希望大家可以繼續支持。
Photo credits: Philip Fong/AFP
梁晃維
出於私心，本屆賽事中我最關心嘅項目必然係男子足球。幾個月前分組抽籤結果出爐之際，睇見港隊同三支中、⻄亞球隊編入同組，我心底裡其實頗為擔心港隊入唔入到十六強。當然大家都知後來因同組有兩隊退賽，港隊喺開賽前已確定出線十六強。如果話港隊從小組賽突圍帶有運氣成分，咁十六強、八強先後擊退巴勒斯坦同伊朗，就證明咗港隊絕非泛泛之輩。質疑者或者會搬出各種原因話港隊贏得僥倖，但面對傳統勁旅、世界盃常客伊朗，若港隊喺將士用命、運氣之上冇一定實力的話，根本把握唔到贏波嘅機會。
到四強對日本，以及銅牌戰再遇烏茲別克之時，賽事已成為全城焦點，但竟然冇任何電台安排轉播。因此我只能聽實每半個鐘一次嘅新聞報道，得知最新嘅比數。每一節聽到新聞報道前奏我都坐立不安，期望會聽到港隊入波、追平同反超嘅消息。雖然港隊喺力戰下最後兩場都輸0比4 ，無法更進一步，但希望大家唔好忘記打入四強已經係非常出色嘅成績。自1954年第二屆亞運開始派隊參加男子足球項目，香港此前嘅最佳戰績已經要數到1958年嘅八強，而當時更係香港足球水平仍被視為亞洲一線嘅年代（註：不過當時唔少一線球員選擇咗代表 「 中華⺠國隊 」， 而非 「香港隊」 )。 今次港隊喺賽前被睇低一線，本地球市亦非暢旺嘅時候創造奇蹟，更顯難能可貴。
呢六場波入面，其中一位令人留下深刻印象嘅球員係門將謝家榮。除咗話喺場上東飛⻄撲，力挽狂瀾，佢喺媒體訪問之中亦點出咗一個重要問題。就係點樣將今次大眾對香港足球嘅關注轉化為推動香港足球長遠發展嘅動力，令到有朝一日，我哋唔再係雖敗猶榮嘅一方，而係贏波企上頒獎台、捧起獎盃嘅一方。喺2009年東亞運奪金後，政府曾經推出「鳳凰計劃」等措施推動本地足球發展。關於嗰個嘗試嘅成敗，又或者未來應該採取咩政策振興本地足球運動，已經有好多人做過深入嘅探討，喺到就唔獻醜了。我亦唔係戰術大師，唔敢斷言香港應該建立點樣嘅足球風格。我只係一介球迷，可以做到嘅只係入場支持港隊同睇港超聯（而家都不行了），同盡力呼籲更多人一齊入場。先此聲明，港隊同港超賽事嘅水平同大家睇開嘅英超歐聯相差甚遠，港隊亦唔係咩長勝之師，唔會不斷為球迷帶嚟勝利嘅快感，但我仍希望大家先將嗰抽唔入場嘅理由放埋一邊，入場睇一次香港波。我保證大家必定會喺90分鐘內揾到去睇第二次、第三次，繼續睇落去嘅理由，但冇第一次，就永遠冇第二次。而我入場嘅理由係乜？好簡單，我係香港人，如果我哋都唔撐香港足球，咁邊個撐？
嚟緊好快有一次機會比大家身體力行撐港足，港隊將會喺星期四（10月12日）於香港大球場對不丹，上演2026年世界盃外圍賽首戰。除咗主帥安達臣，相信亦會有部份亞運隊成員入選今期嘅名單。無論係為咗答謝港隊喺亞運嘅表現，定係將呢場波當做支持香港足球嘅起點，都希望大家可以踴躍入場，令大家可以化為一片紅海，香港繼續勁揪！
補充：由於維仔寄信需時，10月12日港隊嘅世界盃外圍賽賽事已經順利喺主場4:0勝出。其後，10月17日港隊作客不丹以2:0落敗，不過總計兩回合仍順利晉級第二圈外圍賽。港隊嚟緊會喺11月16日作客伊朗，以及11月21日主場迎戰土庫曼。希望大家可以繼續支持。
Photo credits: Philip Fong/AFP
梁晃維
整頓好思緒, 就同大家報告下早排探訪水獺子嘅情況~
就如早幾日story 所見, 佢個人都幾樂觀
仲問可唔可以入多幾本日本妹/台灣妹寫真
我見佢仲識講笑,同面帶笑容 (應該唔係扮出嚟)
我見到都好放心,始終好擔心佢唔習慣
依家起碼佢瞓好,食就唔太好 (好怕佢繼續瘦)
但係都好努力適應入面嘅生活, 得閒做下運動
佢每日都睇下報紙了解外面嘅世界,好怕自己脫節
所以希望可以多多支持水獺子,等佢可以繼續有報紙睇下
最後水獺子12月又會上庭,希望一切順利
april_little_otter
就如早幾日story 所見, 佢個人都幾樂觀
仲問可唔可以入多幾本日本妹/台灣妹寫真
我見佢仲識講笑,同面帶笑容 (應該唔係扮出嚟)
我見到都好放心,始終好擔心佢唔習慣
依家起碼佢瞓好,食就唔太好 (好怕佢繼續瘦)
但係都好努力適應入面嘅生活, 得閒做下運動
佢每日都睇下報紙了解外面嘅世界,好怕自己脫節
所以希望可以多多支持水獺子,等佢可以繼續有報紙睇下
最後水獺子12月又會上庭,希望一切順利
april_little_otter
🐱👧🏻
放鬆左一年多，事情開始要進入下一個階段。。。
再次分別，好耐冇試過既焦慮感同無助再襲。
擔心所有野，驚自己做漏野，事情處理得唔好，但同時代表事情好快結束，所以未嘗唔係一件好事。
收到好多人既關心同支持，感恩同時，亦係我撐住自己既動力，所以多謝你哋❤️
無論結果如何，是好，是壞，或極壞，都欣然接受。
希望快啲完哂所有野，期待再重逢既一日❤️❤️
多謝你哋嘅加油，我地會撐落去❤️🫡
訂閱我地既Patreon la :
https://www.patreon.com/tangdan0411
letterofchihong
放鬆左一年多，事情開始要進入下一個階段。。。
再次分別，好耐冇試過既焦慮感同無助再襲。
擔心所有野，驚自己做漏野，事情處理得唔好，但同時代表事情好快結束，所以未嘗唔係一件好事。
收到好多人既關心同支持，感恩同時，亦係我撐住自己既動力，所以多謝你哋❤️
無論結果如何，是好，是壞，或極壞，都欣然接受。
希望快啲完哂所有野，期待再重逢既一日❤️❤️
多謝你哋嘅加油，我地會撐落去❤️🫡
訂閱我地既Patreon la :
https://www.patreon.com/tangdan0411
letterofchihong
想幫波吉收下聖誕卡(*｀･з･´)
⭐️可以分享下聖誕有咩慶祝活動
⭐️覺得聖誕有咩必食必玩(佢鍾意睇燈飾)
⭐️最近網絡上嘅花生
⭐️連登post
⭐️最近興啲咩(佢前排有問過我，我剩係諗到啲人興返大陸，周街都係手打檸檬茶🤗有人諗到可以幫我補充比佢聽😂😂)
內容避免鼓勵說話(例手足、撐住，佢唔係好鍾意聽呢啲🥴)
11/12截止
想寄可以Pm拎地址，無言感激🫶🏻💓
princebojiiii
⭐️可以分享下聖誕有咩慶祝活動
⭐️覺得聖誕有咩必食必玩(佢鍾意睇燈飾)
⭐️最近網絡上嘅花生
⭐️連登post
⭐️最近興啲咩(佢前排有問過我，我剩係諗到啲人興返大陸，周街都係手打檸檬茶🤗有人諗到可以幫我補充比佢聽😂😂)
內容避免鼓勵說話(例手足、撐住，佢唔係好鍾意聽呢啲🥴)
11/12截止
想寄可以Pm拎地址，無言感激🫶🏻💓
princebojiiii
「荔枝角·貳」
今天又回到「熟悉」的荔枝角，和兩年半前的期數差不多，因此又看見那群白鴿們。牠們依然貪婪地聚集在那一角，依然有人閒時就投餵牠們，所以牠們依然樂此不疲地飛進又飛出這監房。牠們仍然是這監房裡最自由的，像是嘲笑著這些反被困在籠裡的人。
在這裡睡了幾天，精神都不錯。陸續收到家人和朋友入的物資，也收到了書，就不致於太過苦悶，也可以找點事情做。兩年半前有過經驗，所以心理準備得充足，知道開頭會怎麼難捱，所幸是雖然這裡和之前有少少不同，但都幸運地遇上了很多好人，艱難的時間也很快過去了。
下午時刻太陽照射進期數的房間內，白鴿們仍然頂著陽光低著頭搶食，我頂著這一道夕陽斜入寫著這封信，心情卻沒有了之前的鬱悶，大概是知道這次是漫長案情的最後一哩路了；白鴿們儘管飛入監房吧，我到時候也會是個自由人，不用再羨慕牠們了。
K 致上
2023年11月4日
ksleaving
今天又回到「熟悉」的荔枝角，和兩年半前的期數差不多，因此又看見那群白鴿們。牠們依然貪婪地聚集在那一角，依然有人閒時就投餵牠們，所以牠們依然樂此不疲地飛進又飛出這監房。牠們仍然是這監房裡最自由的，像是嘲笑著這些反被困在籠裡的人。
在這裡睡了幾天，精神都不錯。陸續收到家人和朋友入的物資，也收到了書，就不致於太過苦悶，也可以找點事情做。兩年半前有過經驗，所以心理準備得充足，知道開頭會怎麼難捱，所幸是雖然這裡和之前有少少不同，但都幸運地遇上了很多好人，艱難的時間也很快過去了。
下午時刻太陽照射進期數的房間內，白鴿們仍然頂著陽光低著頭搶食，我頂著這一道夕陽斜入寫著這封信，心情卻沒有了之前的鬱悶，大概是知道這次是漫長案情的最後一哩路了；白鴿們儘管飛入監房吧，我到時候也會是個自由人，不用再羨慕牠們了。
K 致上
2023年11月4日
ksleaving
（信件係水獺寫給大家的第一封信）
這裏的一切，就是如此平常。
這裏的平常，郤又是如此無常。
這裏的無常，或許才是正常。
不經不覺，已在牆內度過了16天，恰好為半個月，總算簡單體驗了牆內的正常生活（生存？），也是時候分享一下這段期間的故事。問題是，該從哪裏開始呢？如果直接從最可憐的地方說起又感覺有點嬌情，但畢竟我已承認了我的罪，就算過得可憐也理所當然吧。更何況剛開始的牆內生活（不對，我應該用「生存」這一詞才貼切）就真的是我十多天的體驗中最差勁的，所以現在能提筆寫出這個故事亦可以表示當下已經比開始沒那麼糟了，至少「我」已身在一個相對安穩的環境，能夠感受得到空氣的清新和呼吸的頻率。
頭數天，我會選擇用「生存」來形容那裏——荔枝角，為甚麼是「生存」？因為這個地方有自成一派的規則且物資貧乏，坦白說，我有一種像是置身在一個生存遊戲的參賽者的錯覺，拼命在明或潛規則之下找尋生存的方程式，拼命搜集可供生存之基礎物品，拼命在牆內「享受」這場盛大的遊戲。
當然，這只是「我」的主觀感受，不可作準。
要簡潔易明理解「我」身處的環境，你可以幻想「我」就似一位無意穿越去異世界冒險的故事主人翁一樣。儘管說著同一種語言，卻有著與牆外與眾不同的生活文化。如果有天可以將這個故事出版成本小說，我會致敬《Re：從零開始的異世界生活》（Re：Life in a different world from zero），將書本名字定為《Re：從零開始的監獄生涯》，哈哈哈⋯⋯
說得這麼輕描寫，其實也是自己面如斯生活僅僅可做的自嘲罷了，畢竟這個故事中「我」說沒有特殊能力的加成，也沒有美麗動人的女僕與我同行，只有一個患「病」的殘破身軀鎖住了自己。
對了，「我」忘了跟大家說明一下，牆內的時間是虛無的一在我的可視範圍內從沒有出現過時鐘之類的物體，唯有有時在電視的新聞台中看見幾時幾分，但要知道「我」沒有電視轉台的主導權，而且看電視的時間也有限，所以我只能憑著些微線索才得知大概時間，例如透過上次看到新聞台的時間，「轉更」、「試鐘」、「放飯」，亦可從窗戶看一看太陽位置等方法，像一個偵探般從蛛絲馬跡中粗略估計一下時間，當然總有人對時間比較敏銳，但我應該不是這一類型的人，更不想成為這樣的人，你可能問對時間敏銳不是一個優點嗎？假設我是一個運動員、音樂家，或是一個以「時間就是金錢」為宗旨的上班族來說，顯然是一個彌足珍貴的優點吧。
只可惜我是一名在石牆內苟涎殘存的囚犯，你有聽過「度日如年」這成語吧，更何況我「大概」會被囚3年左右，即是「365日X3年＝1095日」。對應「度日如年」這個成語，即是1095年左右。可想而知，「時間敏銳」這個優點對「我」來說，只是一個咀咒，一個被時間之神的懲罰而已。
幸好，我沒有這個優點。
//寫下諗下，又做下其他工作，原來太陽都就快落山，未有時間同大家分享晒「我」嘅體驗，唯有照post住咁多先，寄住吸封出去，聽日寫埋落去。
//
最後小編幫佢同蝦尾再宣傳下佢啲聖誕咭
希望大家可以多多支持🦭
聖誕咭整走晒IG方便大家入去學校🎅🏻
雖然大家未必有寫卡習慣
但鼓勵大家把你溫暖嘅文字去感染更多嘅人
#張相係小編係前往探訪見到海洋公園諗起佢
april_little_otter
這裏的一切，就是如此平常。
這裏的平常，郤又是如此無常。
這裏的無常，或許才是正常。
不經不覺，已在牆內度過了16天，恰好為半個月，總算簡單體驗了牆內的正常生活（生存？），也是時候分享一下這段期間的故事。問題是，該從哪裏開始呢？如果直接從最可憐的地方說起又感覺有點嬌情，但畢竟我已承認了我的罪，就算過得可憐也理所當然吧。更何況剛開始的牆內生活（不對，我應該用「生存」這一詞才貼切）就真的是我十多天的體驗中最差勁的，所以現在能提筆寫出這個故事亦可以表示當下已經比開始沒那麼糟了，至少「我」已身在一個相對安穩的環境，能夠感受得到空氣的清新和呼吸的頻率。
頭數天，我會選擇用「生存」來形容那裏——荔枝角，為甚麼是「生存」？因為這個地方有自成一派的規則且物資貧乏，坦白說，我有一種像是置身在一個生存遊戲的參賽者的錯覺，拼命在明或潛規則之下找尋生存的方程式，拼命搜集可供生存之基礎物品，拼命在牆內「享受」這場盛大的遊戲。
當然，這只是「我」的主觀感受，不可作準。
要簡潔易明理解「我」身處的環境，你可以幻想「我」就似一位無意穿越去異世界冒險的故事主人翁一樣。儘管說著同一種語言，卻有著與牆外與眾不同的生活文化。如果有天可以將這個故事出版成本小說，我會致敬《Re：從零開始的異世界生活》（Re：Life in a different world from zero），將書本名字定為《Re：從零開始的監獄生涯》，哈哈哈⋯⋯
說得這麼輕描寫，其實也是自己面如斯生活僅僅可做的自嘲罷了，畢竟這個故事中「我」說沒有特殊能力的加成，也沒有美麗動人的女僕與我同行，只有一個患「病」的殘破身軀鎖住了自己。
對了，「我」忘了跟大家說明一下，牆內的時間是虛無的一在我的可視範圍內從沒有出現過時鐘之類的物體，唯有有時在電視的新聞台中看見幾時幾分，但要知道「我」沒有電視轉台的主導權，而且看電視的時間也有限，所以我只能憑著些微線索才得知大概時間，例如透過上次看到新聞台的時間，「轉更」、「試鐘」、「放飯」，亦可從窗戶看一看太陽位置等方法，像一個偵探般從蛛絲馬跡中粗略估計一下時間，當然總有人對時間比較敏銳，但我應該不是這一類型的人，更不想成為這樣的人，你可能問對時間敏銳不是一個優點嗎？假設我是一個運動員、音樂家，或是一個以「時間就是金錢」為宗旨的上班族來說，顯然是一個彌足珍貴的優點吧。
只可惜我是一名在石牆內苟涎殘存的囚犯，你有聽過「度日如年」這成語吧，更何況我「大概」會被囚3年左右，即是「365日X3年＝1095日」。對應「度日如年」這個成語，即是1095年左右。可想而知，「時間敏銳」這個優點對「我」來說，只是一個咀咒，一個被時間之神的懲罰而已。
幸好，我沒有這個優點。
//寫下諗下，又做下其他工作，原來太陽都就快落山，未有時間同大家分享晒「我」嘅體驗，唯有照post住咁多先，寄住吸封出去，聽日寫埋落去。
//
最後小編幫佢同蝦尾再宣傳下佢啲聖誕咭
希望大家可以多多支持🦭
聖誕咭整走晒IG方便大家入去學校🎅🏻
雖然大家未必有寫卡習慣
但鼓勵大家把你溫暖嘅文字去感染更多嘅人
#張相係小編係前往探訪見到海洋公園諗起佢
april_little_otter
「赤柱」
又再回到這個地方，在赤柱曾經待過，所以這次沒有太大的恐懼感。那天由荔枝角出發的車上，人數很多。大家對於漫長的車程，都是以昏睡來應對，只有我一人望著車窗外，想望多眼外面的世界。那條經常去朋友家的路，那條經過區域法院的路，和那條幾乎天天去探朋友時經過的路，都刺激著大腦，呼喚起那些記憶。曾經在巴士上戴著耳機聽歌時路過，都不會珍惜那些倒退的街景；如今手上多了個銬，卻久久不願離去般欣賞，真是有點諷刺。
這次來到赤柱不少東西都改變了，包括自己都改變了。上次拼了命想離開這個地方，今次因為自知不會再有保釋，反而覺得赤柱舒服了，可能是荔枝角的對比實在很大，無論是環境，又或是食物。
這次來到赤柱也見到熟悉的面孔，有見到依然瘦削的Eddie Chu，也有見到精神不錯的徐子見。也有新面孔，有見到很精神的李卓仁，才發現他們也十分適應了這環境了。我也很快就適應了監房，但我也知道我不屬於監房，希望我不會虛度這幾年時間啦。
祝
安好
K致上
2023年11月15日
ksleaving
又再回到這個地方，在赤柱曾經待過，所以這次沒有太大的恐懼感。那天由荔枝角出發的車上，人數很多。大家對於漫長的車程，都是以昏睡來應對，只有我一人望著車窗外，想望多眼外面的世界。那條經常去朋友家的路，那條經過區域法院的路，和那條幾乎天天去探朋友時經過的路，都刺激著大腦，呼喚起那些記憶。曾經在巴士上戴著耳機聽歌時路過，都不會珍惜那些倒退的街景；如今手上多了個銬，卻久久不願離去般欣賞，真是有點諷刺。
這次來到赤柱不少東西都改變了，包括自己都改變了。上次拼了命想離開這個地方，今次因為自知不會再有保釋，反而覺得赤柱舒服了，可能是荔枝角的對比實在很大，無論是環境，又或是食物。
這次來到赤柱也見到熟悉的面孔，有見到依然瘦削的Eddie Chu，也有見到精神不錯的徐子見。也有新面孔，有見到很精神的李卓仁，才發現他們也十分適應了這環境了。我也很快就適應了監房，但我也知道我不屬於監房，希望我不會虛度這幾年時間啦。
祝
安好
K致上
2023年11月15日
ksleaving
【重要公告】
由於使用率太低及租約期滿，以下郵箱地址會於今日（30/11）開始停用：
郵政信箱342號
屯門中央郵政局
如果想寫信俾Choco，可以pm fb/ IG/ Signal；
或者聯絡 Locha Chan📬
——————————————
上年嘅聽日係正式還押、揮別自由嘅日子，咁就一年了。要話時間過得好快、唔辛苦係假嘅，但都有好好捱過去，努力鍛鍊自己，喺監房渡過嘅2023年，將會係好重要嘅經歷。
See you guys in 2024.【重要公告】
由於使用率太低及租約期滿，以下郵箱地址會於今日（30/11）開始停用：
郵政信箱342號
屯門中央郵政局
如果想寫信俾Choco，可以pm fb/ IG/ Signal；
或者聯絡 Locha Chan📬
——————————————
上年嘅聽日係正式還押、揮別自由嘅日子，咁就一年了。要話時間過得好快、唔辛苦係假嘅，但都有好好捱過去，努力鍛鍊自己，喺監房渡過嘅2023年，將會係好重要嘅經歷。
See you guys in 2024.
Choco Kiu Chun Chu
由於使用率太低及租約期滿，以下郵箱地址會於今日（30/11）開始停用：
郵政信箱342號
屯門中央郵政局
如果想寫信俾Choco，可以pm fb/ IG/ Signal；
或者聯絡 Locha Chan📬
——————————————
上年嘅聽日係正式還押、揮別自由嘅日子，咁就一年了。要話時間過得好快、唔辛苦係假嘅，但都有好好捱過去，努力鍛鍊自己，喺監房渡過嘅2023年，將會係好重要嘅經歷。
See you guys in 2024.【重要公告】
由於使用率太低及租約期滿，以下郵箱地址會於今日（30/11）開始停用：
郵政信箱342號
屯門中央郵政局
如果想寫信俾Choco，可以pm fb/ IG/ Signal；
或者聯絡 Locha Chan📬
——————————————
上年嘅聽日係正式還押、揮別自由嘅日子，咁就一年了。要話時間過得好快、唔辛苦係假嘅，但都有好好捱過去，努力鍛鍊自己，喺監房渡過嘅2023年，將會係好重要嘅經歷。
See you guys in 2024.
Choco Kiu Chun Chu