【沖涼文化】
話說琴晚發生咗件小事，班ON（oversea national）。即「外國勢力」人士們話我沖涼沖太耐，要佢哋喺出邊等我，又話我唔跟佢哋隊排沖涼，brbrbrbrbr…。之後我就問返佢，喂，明明有3個沖涼位，點解要等你先？之後佢先喺不斷重複你見唔見到好多人等緊沖涼嘅廢話，又話咩尊重唔尊重。講到底，其實只喺佢哋想「獨佔」成個廁所啫。但成個room成20人，好在最近夜晚唔算太熱啫，否則一個人一晚沖三四次，輪住嚟，咁佢哋咪死得？加上成件事都完全無正當性，條rules唔知邊個set，而行呢條rules對3個沖涼位嘅意義亦完全失去，成件事完全低效率化。據聞遲啲又有新人嚟，另外有兩個人會由其他地方返嚟，個room隨時衝到上23人up，Max 23120人，結果成件事就好搞笑咁。我又無唔俾你沖，你自己唔沖又走嚟怪我做咩唔跟你個rules行，要一個個過嚟，有少少9388 (─‿‿─)。你話成個廁所得1個沖涼位就話啫，否則成件事一啲都唔合理，喺咁想獨佔，到咗夜闌人靜，無人再用嘅時候，你咪自己佔飽佢囉。講到好似我霸住咗個廁所咁… ( ≖.≖)。 Any肥，你哋人多，OK，咪你哋沖先lor，沖遲一陣就唔會死～
《1984》終於睇到一半，踏入講如同啲邪教聖典一樣，講「寡頭集團政治主義」，算喺高潮位？成本書花咗好大嘅篇幅去講點樣同女主角偷情嚟營造「Big Brother is watching you」嘅氣氛，唔知之後會點呢？
2022.9.19
--------------------------------------------
如果大家想支持文浩，歡迎訂閱、追踪：
patreon: https://www.patreon.com/manhoinjail
FB:文浩的365日
manhoinjail
話說琴晚發生咗件小事，班ON（oversea national）。即「外國勢力」人士們話我沖涼沖太耐，要佢哋喺出邊等我，又話我唔跟佢哋隊排沖涼，brbrbrbrbr…。之後我就問返佢，喂，明明有3個沖涼位，點解要等你先？之後佢先喺不斷重複你見唔見到好多人等緊沖涼嘅廢話，又話咩尊重唔尊重。講到底，其實只喺佢哋想「獨佔」成個廁所啫。但成個room成20人，好在最近夜晚唔算太熱啫，否則一個人一晚沖三四次，輪住嚟，咁佢哋咪死得？加上成件事都完全無正當性，條rules唔知邊個set，而行呢條rules對3個沖涼位嘅意義亦完全失去，成件事完全低效率化。據聞遲啲又有新人嚟，另外有兩個人會由其他地方返嚟，個room隨時衝到上23人up，Max 23120人，結果成件事就好搞笑咁。我又無唔俾你沖，你自己唔沖又走嚟怪我做咩唔跟你個rules行，要一個個過嚟，有少少9388 (─‿‿─)。你話成個廁所得1個沖涼位就話啫，否則成件事一啲都唔合理，喺咁想獨佔，到咗夜闌人靜，無人再用嘅時候，你咪自己佔飽佢囉。講到好似我霸住咗個廁所咁… ( ≖.≖)。 Any肥，你哋人多，OK，咪你哋沖先lor，沖遲一陣就唔會死～
《1984》終於睇到一半，踏入講如同啲邪教聖典一樣，講「寡頭集團政治主義」，算喺高潮位？成本書花咗好大嘅篇幅去講點樣同女主角偷情嚟營造「Big Brother is watching you」嘅氣氛，唔知之後會點呢？
2022.9.19
--------------------------------------------
如果大家想支持文浩，歡迎訂閱、追踪：
patreon: https://www.patreon.com/manhoinjail
FB:文浩的365日
manhoinjail
＜影攝食生日＞
今天是影攝食的生日，生日快樂！
好快可以出來行山影相了！
＝＝＝＝＝＝＝＝＝＝＝
影攝食 on Patreon : 影攝食生日
https://www.patreon.com/posts/73396512
支持影攝食
https://www.patreon.com/moviesfeeding
影攝食 - 盧建民
今天是影攝食的生日，生日快樂！
好快可以出來行山影相了！
＝＝＝＝＝＝＝＝＝＝＝
影攝食 on Patreon : 影攝食生日
https://www.patreon.com/posts/73396512
支持影攝食
https://www.patreon.com/moviesfeeding
影攝食 - 盧建民
有段故，可以同大家分享下。
話說929當日俾人拉嗰陣，個頭盔捱咗幾下棍終於頂唔住打甩咗，然後我就受到當頭棒喝，應棍倒地而下。媒體報道影到我頭破血流嘅畫面，一地都係血，都相當震撼㗎。當時網上仲不斷流傳該張相片，有啲又話我俾警察打死咗，又有曰我俾催淚彈射爆眼，諗返都覺好笑。
回歸正題，被捕過後要等佢哋登記呢樣嗰樣，中間有警察嘅急救員幫我包紮傷口。咁等咗一大輪，由金鐘道押咗返去警總嗰度，愈過得耐愈覺頭昏腦脹，咁就舉手同阿sir申請入醫院啦，再等分流上救護車，都已經好晏了。入到瑪麗醫院急症室，當熱心嘅護士姐姐幫我拆開個包紮嘅時候，我終於意識到原來頭暈又作嘔唔係因為失血又或是腦震盪，而係個頭俾人包太緊，屌。
咁爆咗頭，就當然要縫番埋個傷口，於是乎我就喺急診室度等醫生嚟。等待期間有幾個護士交頭接耳，然後同我講：「當值醫生今日唔喺度，會有另一位醫生嚟幫你縫針，但你可能要等多等。」咁我當時都冇深究啦，總之有醫生幫我縫針就可以。
喺醫院訓咗日，然後確定身體無恙後就要返去警署等候發落了。落到北角警署，又係漫長嘅等待，然後終於被告知律政司要控告我哋暴動罪，然後第二朝早要到西九法院上庭。難捱嘅十幾粒鐘過去後，終於押我哋上車去到西九。西九嘅臭格相當大，容納得哂我哋咁多人。控方趕住拉人上庭，根本預備唔切一次告哂我哋一百人所用嘅文件。是故原定朝早九點開嘅庭，押後到晚上先開得到。
中間漫長嘅時間，我哋一眾被告為咗解悶，唯有同身邊人互相認識social一下啦。我諗當日係西九臭格有史以來最熱鬧嘈吵嘅一日。咁我聽到政總嗰邊被捕有位係醫生，自然過去r兩句水吹。佢話我知，佢喺瑪麗醫院度做，我好奇再問佢係做專科定啲咩，佢答我：「我做急症室醫生㗎，原本嗰晚要當值添。」
估唔到，我喺瑪麗醫院錯過咗嘅急症室醫生，會喺西九法院臭格撞見返。世事就係咁奇妙。
故事就到呢度，希望佢平平安安，望鄭官從輕發落。
Choco Kiu Chun Chu
話說929當日俾人拉嗰陣，個頭盔捱咗幾下棍終於頂唔住打甩咗，然後我就受到當頭棒喝，應棍倒地而下。媒體報道影到我頭破血流嘅畫面，一地都係血，都相當震撼㗎。當時網上仲不斷流傳該張相片，有啲又話我俾警察打死咗，又有曰我俾催淚彈射爆眼，諗返都覺好笑。
回歸正題，被捕過後要等佢哋登記呢樣嗰樣，中間有警察嘅急救員幫我包紮傷口。咁等咗一大輪，由金鐘道押咗返去警總嗰度，愈過得耐愈覺頭昏腦脹，咁就舉手同阿sir申請入醫院啦，再等分流上救護車，都已經好晏了。入到瑪麗醫院急症室，當熱心嘅護士姐姐幫我拆開個包紮嘅時候，我終於意識到原來頭暈又作嘔唔係因為失血又或是腦震盪，而係個頭俾人包太緊，屌。
咁爆咗頭，就當然要縫番埋個傷口，於是乎我就喺急診室度等醫生嚟。等待期間有幾個護士交頭接耳，然後同我講：「當值醫生今日唔喺度，會有另一位醫生嚟幫你縫針，但你可能要等多等。」咁我當時都冇深究啦，總之有醫生幫我縫針就可以。
喺醫院訓咗日，然後確定身體無恙後就要返去警署等候發落了。落到北角警署，又係漫長嘅等待，然後終於被告知律政司要控告我哋暴動罪，然後第二朝早要到西九法院上庭。難捱嘅十幾粒鐘過去後，終於押我哋上車去到西九。西九嘅臭格相當大，容納得哂我哋咁多人。控方趕住拉人上庭，根本預備唔切一次告哂我哋一百人所用嘅文件。是故原定朝早九點開嘅庭，押後到晚上先開得到。
中間漫長嘅時間，我哋一眾被告為咗解悶，唯有同身邊人互相認識social一下啦。我諗當日係西九臭格有史以來最熱鬧嘈吵嘅一日。咁我聽到政總嗰邊被捕有位係醫生，自然過去r兩句水吹。佢話我知，佢喺瑪麗醫院度做，我好奇再問佢係做專科定啲咩，佢答我：「我做急症室醫生㗎，原本嗰晚要當值添。」
估唔到，我喺瑪麗醫院錯過咗嘅急症室醫生，會喺西九法院臭格撞見返。世事就係咁奇妙。
故事就到呢度，希望佢平平安安，望鄭官從輕發落。
Choco Kiu Chun Chu
。
放咗學呢段時間以嚟，一直以為隨住時間過去就可以慢慢適應返往昔嘅生活，但最後發現原來根本冇往昔呢樣嘢。打從離開嗰一刻開始，所有嘢注定唔會有原本。
//
仲記得放學嗰日返屋企，去到樓下居然唔識路，可能關我天生路痴事，但對於唔認得自己屋企條路呢樣嘢我覺得好心酸。去到而家為止，其實我都仲未認認真真咁喺樓下個商場兜個圈，之前聽家母講變咗好多，唔係幾想面對嗰種衝擊，所以我都係選擇逃避。
//
放學嗰日夜晚自己出咗去行下，可能對自己太有信心，一嚟就揀咗出曬名多人嘅旺角。其實一出門口嗰下就feel到瀨嘢，沿途一路都超多人超多人，仲記得喺地鐵站到見到好多人嗰下直頭個人震埋CLS，透唔到氣又驚恐好想逃離現場…其實去到而家都仲係好唔慣，只係開始進步到可以稍為掩飾一下內心嘅不安咁，但都呢一刻我仍然非常懷疑其實我係咪真係屬於呢個人類文明。
//
放學之後見到身邊人嘅生活都唔同咗，只有我一個原地踏步、甚至倒退，頂，嗰一刻我真係好想大大隻字刻喺額頭到，我係一擗屎。
//
生活上有好多嘢要追回進度，有好多嘢要繼續努力適應。但坦白講，我覺得自己做唔到但唔想其他人擔心，所以我好努力咁努力適應中。但我發現其實咁樣係一件好辛苦嘅事嚟，所以我都係放棄做陽光正面勵志好例子，放下負做下廢柴反而比較真實貼地。
//
啊，仲有。放學之後對接觸社運嘅嘢其實有啲陰影，所以當初都掙扎咗好耐究竟開唔開呢個ac…放學之後再望住其他人入學，原來成件事嘅emo程度係以前嘅唔知幾多倍。可能因為作為一個過來人但偏偏乜都幫唔到、而我又都算係叫做明白個痛苦喺邊度，尤其是我呢啲情感缺陷玻璃心脆弱撚，睇得越多越emo/_\不過又想嘗試為大家做少少嘢，所以最後都係喺不斷掙扎+友人半推半就之下開咗ac。算啦唉，其實本身都emo開，為咗其他人都冇乜所謂，同埋至少呢啲係我覺得有意義嘅事嚟。
//
入學呢樣嘢本身就好似武肺咁，出事當下冇乜嘢，但之後好返後遺症就一大堆。當初入學嘅時候喊都冇喊，而且迅速融入監房生活，我都對自己嘅適應能力同埋橫空出世嘅強大心臟感到震驚；反而放學之後諸多問題諸多不適應，講得難聽啲，我懷疑自己坐慣咗，罹患咗放學恐懼症。
//
其實有好多嘢都想講但偏偏個腦好似朝早條紅隧咁塞到係咁響安都搞唔掂，又有少少眼瞓…點都好，多謝大家俾我spam然後又咁有愛，句號衝去瞓覺先再見。
ngohaigeoihou
放咗學呢段時間以嚟，一直以為隨住時間過去就可以慢慢適應返往昔嘅生活，但最後發現原來根本冇往昔呢樣嘢。打從離開嗰一刻開始，所有嘢注定唔會有原本。
//
仲記得放學嗰日返屋企，去到樓下居然唔識路，可能關我天生路痴事，但對於唔認得自己屋企條路呢樣嘢我覺得好心酸。去到而家為止，其實我都仲未認認真真咁喺樓下個商場兜個圈，之前聽家母講變咗好多，唔係幾想面對嗰種衝擊，所以我都係選擇逃避。
//
放學嗰日夜晚自己出咗去行下，可能對自己太有信心，一嚟就揀咗出曬名多人嘅旺角。其實一出門口嗰下就feel到瀨嘢，沿途一路都超多人超多人，仲記得喺地鐵站到見到好多人嗰下直頭個人震埋CLS，透唔到氣又驚恐好想逃離現場…其實去到而家都仲係好唔慣，只係開始進步到可以稍為掩飾一下內心嘅不安咁，但都呢一刻我仍然非常懷疑其實我係咪真係屬於呢個人類文明。
//
放學之後見到身邊人嘅生活都唔同咗，只有我一個原地踏步、甚至倒退，頂，嗰一刻我真係好想大大隻字刻喺額頭到，我係一擗屎。
//
生活上有好多嘢要追回進度，有好多嘢要繼續努力適應。但坦白講，我覺得自己做唔到但唔想其他人擔心，所以我好努力咁努力適應中。但我發現其實咁樣係一件好辛苦嘅事嚟，所以我都係放棄做陽光正面勵志好例子，放下負做下廢柴反而比較真實貼地。
//
啊，仲有。放學之後對接觸社運嘅嘢其實有啲陰影，所以當初都掙扎咗好耐究竟開唔開呢個ac…放學之後再望住其他人入學，原來成件事嘅emo程度係以前嘅唔知幾多倍。可能因為作為一個過來人但偏偏乜都幫唔到、而我又都算係叫做明白個痛苦喺邊度，尤其是我呢啲情感缺陷玻璃心脆弱撚，睇得越多越emo/_\不過又想嘗試為大家做少少嘢，所以最後都係喺不斷掙扎+友人半推半就之下開咗ac。算啦唉，其實本身都emo開，為咗其他人都冇乜所謂，同埋至少呢啲係我覺得有意義嘅事嚟。
//
入學呢樣嘢本身就好似武肺咁，出事當下冇乜嘢，但之後好返後遺症就一大堆。當初入學嘅時候喊都冇喊，而且迅速融入監房生活，我都對自己嘅適應能力同埋橫空出世嘅強大心臟感到震驚；反而放學之後諸多問題諸多不適應，講得難聽啲，我懷疑自己坐慣咗，罹患咗放學恐懼症。
//
其實有好多嘢都想講但偏偏個腦好似朝早條紅隧咁塞到係咁響安都搞唔掂，又有少少眼瞓…點都好，多謝大家俾我spam然後又咁有愛，句號衝去瞓覺先再見。
ngohaigeoihou
【分享一下】
坐左超過一年半時間，都要慢慢重新適應個世界，加上過去一星期要處理家事、私事，所以一直都未有更新社交媒體同patreon，對各位支持同鼓勵我既朋友們，實在非常抱歉。對於坐監既經歷同學習，之後再係patreon分享比大家。到時會有大把好書推介，同埋分享下係入面既思考，會盡量一星期一篇，希望一直訂閱既朋友，繼續留意。
呢家先分享一下出黎超過一星期既事。相信有坐過監既手足，應該非常之同意，坐監係有後遺症，不論生理或心理都需要重新適應。
———
先講生理
我坐監既地方係大嶼山石壁，出黎坐的士番市區，已經立即體驗所謂後遺症，就係暈車浪。頭暈同想嘔已經係基本，而我既嚴重程度係手腳抽筋，全身出冷汗，差啲想叫白車，辛苦到我心入面不停講不如比我番去監獄啦，點解人出冊我出冊咁辛苦。直到出黎超過一星期，情況先慢慢改善。
其次，就係坐監必有後遺症：肚痾。因為為左節省金錢，就連還柙期間，我都無買私飯，經歷長時間非常清淡既生活，除左係少油少鹽少糖，仲有少菜少肉少飯，所以出黎不論食乜都痾，過左一星期，情況先有少少改善，仲需要慢慢調適，所以連親朋好友約食飯都迫不得已推左好多。
另外，就係作息問題。出番黎雖然高床暖枕，但因為係入面習慣九點多瞓教，六點九起身，而且張床係硬，所以出番黎頭幾日瞓唔慣之外，仲要不論幾點瞓，都係六點九起身，之後就全日完全瞓唔番。直至今日先適應到。
仲有空氣問題，正如我所講，石壁係大嶼山，少車少人，所以空氣非常之清新，但一番黎市區，鼻敏感同氣管敏感就搵左我好多日，要靠食藥先開始慢慢解決到。
當然仲有好多其他野習慣，包括：安心出行（用左兩日習慣）、閂電掣（到呢家都係經常唔記得）……….
———
心理方面
對於重新適應個世界，已經係一種好大既心理壓力，比著以前一定搵好多親朋好友相陪渡過，但係我坐監既呢段時間，發生太多事，亦都非常多朋友離開香港，心理上有好多野都要自己一個重新適應，同接受一啲好難接受既人事，確實非常辛苦。如果件事資訊太多，或太爆既，都需要好長時間去消化，例如家父過身，或者好事就係朋友已結婚生仔。
另外，係我入去之前，都仲有立場、蘋果，但今日睇新聞，或資訊，長期都好迷惘，尤其睇社交媒體，好多時都唔明唔知大家講緊咩，有種脫節同好似自己係另一個世界咁，有種孤獨既感覺。
其次仲有係人群恐懼症，太耐無係市區，見到條街好多人同車，頭幾日真係出哂冷汗，兼心跳加速，恐懼既程度係出左十分鐘，立即番歸，真心係驚，而且感覺周圍好嘈，好辛苦。
———
分享以上，並非想大家同情，係想大家知道，其實除左要關心面對判刑同坐緊既人，仲希望大家多關心坐完監既人，而且可以既話，提供工作機會比佢哋，等佢哋更易投入社會，同重新適應。
———
至於有人PM同DM，叫我移民，真係唔好意思，多謝大家好意。對於離港既朋友，我係遵重，而且都會去旅行探下親朋好友。但要我移民真係做唔到。
一方面家人在港，過去花太多時間專注社會運動，忽略左屋企人，直到家父係我坐監期間過身，更加反思自己，好想未來日子陪多啲家人，唔想自己有太多遺憾。
而同時重要既係責任問題，今時今日香港既改變，自己都有好大責任，雖然留下來未必改變到咩，但同大家一齊經歷，做得幾多得幾多，我都覺得好重要。所以，各位留下來的人，留番個位比我，不論高山定低谷，都齊上齊落！
https://www.patreon.com/figochan
陳皓桓
坐左超過一年半時間，都要慢慢重新適應個世界，加上過去一星期要處理家事、私事，所以一直都未有更新社交媒體同patreon，對各位支持同鼓勵我既朋友們，實在非常抱歉。對於坐監既經歷同學習，之後再係patreon分享比大家。到時會有大把好書推介，同埋分享下係入面既思考，會盡量一星期一篇，希望一直訂閱既朋友，繼續留意。
呢家先分享一下出黎超過一星期既事。相信有坐過監既手足，應該非常之同意，坐監係有後遺症，不論生理或心理都需要重新適應。
———
先講生理
我坐監既地方係大嶼山石壁，出黎坐的士番市區，已經立即體驗所謂後遺症，就係暈車浪。頭暈同想嘔已經係基本，而我既嚴重程度係手腳抽筋，全身出冷汗，差啲想叫白車，辛苦到我心入面不停講不如比我番去監獄啦，點解人出冊我出冊咁辛苦。直到出黎超過一星期，情況先慢慢改善。
其次，就係坐監必有後遺症：肚痾。因為為左節省金錢，就連還柙期間，我都無買私飯，經歷長時間非常清淡既生活，除左係少油少鹽少糖，仲有少菜少肉少飯，所以出黎不論食乜都痾，過左一星期，情況先有少少改善，仲需要慢慢調適，所以連親朋好友約食飯都迫不得已推左好多。
另外，就係作息問題。出番黎雖然高床暖枕，但因為係入面習慣九點多瞓教，六點九起身，而且張床係硬，所以出番黎頭幾日瞓唔慣之外，仲要不論幾點瞓，都係六點九起身，之後就全日完全瞓唔番。直至今日先適應到。
仲有空氣問題，正如我所講，石壁係大嶼山，少車少人，所以空氣非常之清新，但一番黎市區，鼻敏感同氣管敏感就搵左我好多日，要靠食藥先開始慢慢解決到。
當然仲有好多其他野習慣，包括：安心出行（用左兩日習慣）、閂電掣（到呢家都係經常唔記得）……….
———
心理方面
對於重新適應個世界，已經係一種好大既心理壓力，比著以前一定搵好多親朋好友相陪渡過，但係我坐監既呢段時間，發生太多事，亦都非常多朋友離開香港，心理上有好多野都要自己一個重新適應，同接受一啲好難接受既人事，確實非常辛苦。如果件事資訊太多，或太爆既，都需要好長時間去消化，例如家父過身，或者好事就係朋友已結婚生仔。
另外，係我入去之前，都仲有立場、蘋果，但今日睇新聞，或資訊，長期都好迷惘，尤其睇社交媒體，好多時都唔明唔知大家講緊咩，有種脫節同好似自己係另一個世界咁，有種孤獨既感覺。
其次仲有係人群恐懼症，太耐無係市區，見到條街好多人同車，頭幾日真係出哂冷汗，兼心跳加速，恐懼既程度係出左十分鐘，立即番歸，真心係驚，而且感覺周圍好嘈，好辛苦。
———
分享以上，並非想大家同情，係想大家知道，其實除左要關心面對判刑同坐緊既人，仲希望大家多關心坐完監既人，而且可以既話，提供工作機會比佢哋，等佢哋更易投入社會，同重新適應。
———
至於有人PM同DM，叫我移民，真係唔好意思，多謝大家好意。對於離港既朋友，我係遵重，而且都會去旅行探下親朋好友。但要我移民真係做唔到。
一方面家人在港，過去花太多時間專注社會運動，忽略左屋企人，直到家父係我坐監期間過身，更加反思自己，好想未來日子陪多啲家人，唔想自己有太多遺憾。
而同時重要既係責任問題，今時今日香港既改變，自己都有好大責任，雖然留下來未必改變到咩，但同大家一齊經歷，做得幾多得幾多，我都覺得好重要。所以，各位留下來的人，留番個位比我，不論高山定低谷，都齊上齊落！
https://www.patreon.com/figochan
陳皓桓
屬於平行線上嘅陌生人，生命本應唔會有交叉點，但因為2019年9月29日下午4點48分出現喺金鐘，有96人彼此走進大家嘅生命，成為咗命運共同體。
感謝各位對暴徒嘅關心🙇🏼♀️🙇🏼♀️尋日屋企人同一班好朋友嘅陪伴下，10月17日暴徒開始咗佢未來幾年入（牆內）學嘅日子
📪暴徒專用信箱由即日起開始接收信件 💌
Gang gangssssssssss&各位朋友&寫信師歡迎練字📨
東涌郵政信箱24號 （不用寫收信人）
riotercreation
感謝各位對暴徒嘅關心🙇🏼♀️🙇🏼♀️尋日屋企人同一班好朋友嘅陪伴下，10月17日暴徒開始咗佢未來幾年入（牆內）學嘅日子
📪暴徒專用信箱由即日起開始接收信件 💌
Gang gangssssssssss&各位朋友&寫信師歡迎練字📨
東涌郵政信箱24號 （不用寫收信人）
riotercreation
#店長有話兒
@hk9cake
首先好多謝、好多謝9cake嘅每一位手足，辛苦大家了、為咗我忙左兩日。
呢兩日裏面嘅共同進退同埋點點滴滴都會深深銘刻喺我嘅腦海裏面，會係我值得用餘生去回味嘅記憶。
雖然比起上一次已經多咗啲時間、但係小弟嘅安排仍然係好倉猝，麻煩到大家真係唔好意思了，雖然應該冇下一次、但係小弟都深感抱歉並且下不為例。
可能因為經歷過上一次嘅店長活動，小弟今次終於進步咗少少、夠膽同大家大聲啲講嘢同埋傾偈，希望冇辜負到大家對我嘅期望。
係呢兩日裏面都收到好多好多鼓勵嘅祝福、心意卡同埋偉大嘅利是✨✨✨
都有好多意料之外嘅surprise
衷心向每一位道謝 謝謝您們！
係您地俾咗我繼續面對呢個世界嘅勇氣同埋力量，其實係呢段時間裏面都一直有發生緊好多令我好唔開心嘅事，如果唔係有你哋我真係好想去逃避晒所有嘢，其實真係好攰。
好啦我stop咗先🤣再講落去就偏離左感謝文嘅原意
無論將來係點樣，好多謝您地嘅出現同埋幫助，我會帶着您地嘅祝福、努力掙扎生存下去，謝謝。
題外：
文章排版混亂 敬請原諒
小弟今次都係用語音輸入、發自內心諗到咩就講到咩，可能都係會有遺漏同埋九唔搭八，希望大家唔好介意。
稍後會喺story度做返補充/後記
#hk9cake #黃店 #一日店長
hker_ic101
@hk9cake
首先好多謝、好多謝9cake嘅每一位手足，辛苦大家了、為咗我忙左兩日。
呢兩日裏面嘅共同進退同埋點點滴滴都會深深銘刻喺我嘅腦海裏面，會係我值得用餘生去回味嘅記憶。
雖然比起上一次已經多咗啲時間、但係小弟嘅安排仍然係好倉猝，麻煩到大家真係唔好意思了，雖然應該冇下一次、但係小弟都深感抱歉並且下不為例。
可能因為經歷過上一次嘅店長活動，小弟今次終於進步咗少少、夠膽同大家大聲啲講嘢同埋傾偈，希望冇辜負到大家對我嘅期望。
係呢兩日裏面都收到好多好多鼓勵嘅祝福、心意卡同埋偉大嘅利是✨✨✨
都有好多意料之外嘅surprise
衷心向每一位道謝 謝謝您們！
係您地俾咗我繼續面對呢個世界嘅勇氣同埋力量，其實係呢段時間裏面都一直有發生緊好多令我好唔開心嘅事，如果唔係有你哋我真係好想去逃避晒所有嘢，其實真係好攰。
好啦我stop咗先🤣再講落去就偏離左感謝文嘅原意
無論將來係點樣，好多謝您地嘅出現同埋幫助，我會帶着您地嘅祝福、努力掙扎生存下去，謝謝。
題外：
文章排版混亂 敬請原諒
小弟今次都係用語音輸入、發自內心諗到咩就講到咩，可能都係會有遺漏同埋九唔搭八，希望大家唔好介意。
稍後會喺story度做返補充/後記
#hk9cake #黃店 #一日店長
hker_ic101
差不多19個月既時間，1年7個月，不知不覺間過左。時間呢樣嘢真係好相對，每個人對時間流動既感觀都可以唔同，甚至同一個人係不同時間點對時間流動既快慢所感亦都可以不同。而我面對住未過既時間總是覺得好漫長，但到原來已經過左1年7個月後，我有種「究竟呢段時間我做左乜春？」嘅感覺。坦白地講我冇覺得自己知識增長上突飛猛進左，亦冇覺得自己對世界既認知深化左，更甚既係我冇覺得自己成長左好多，但19個月就係我眼前流走左。
原本都冇諗住做咩回顧，但睇左其他人做既小記後，我更加覺得自己有需要記錄一下當刻呢個時間點，入左黎差不多19個月既所思所感。作為一個比較sentimental同sensitive既人，呢段時間既情緒經常如瀑㳍般傾瀉，所以如果不作一個階段性回顧，我怕自己將來望返自己逗留係呢個地方既時光會係一片空白，會再次出現翻「我究竟做咗乜春？」呢個問題。
而呢個回顧主要既命題係「滯留」呢2個字，因為近日意識到原來人唔單只可以好explicit地滯留係一個地方，更加既係滯留係一段時光，亦即係記憶。入左黎之後可能因為多左時間同機會面對自己既思緒，繼而發現原來自己都有partly停留左係3年前，包括不受控制地呈現眼前既清晰畫面，包括各種令我想痴線大叫既後遺情緒，亦包括不能抹掉既愧疚感，原來係唔會因為我坐監而消失。
近排都睇到唔少人提及停留係 2019年而失去自己生活甚至人生呢個問題，但我會認為究竟牢牢記住2019其實係咪必然壞事先？當然我指嘅並唔係單純高舉創傷，傷痛，我相信2019年帶比我地嘅遠超於此，牢牢記住嘅原因除了要記住當年嘅決心與勇氣，更重要嘅應該係對當年每一步嘅反思與檢討，方仲賢早前接受嘅訪問寫得好好，我覺得每個人（絕對包括我自己）都需要反思自己其實可唔可以做得更好？ 有咩係我地唔應該做？ 有咩係我地應該做但無做？ 而唔係依家咁空白化當年發生左嘅事。
近排係903聽到一個艾粒show promo, 講到呢 20年嘅回憶，其中關於 2019年個段竟然係深呼吸嘆一口氣之後講咗句 「仲要講呀？」 其實我唔明白咩叫「仲要講呀？」 正正係因為好多人每當提及2019年都空白化、去內容化、真空化，我地更加需要將呢段記憶牢牢記住，不過當然亦都相當視乎如何帶住呢段記憶與及對其反思所得而負重前行，絕非希望如同陷進泥濘一樣沉溺於過去，不過我亦明白其實我自己無資格講呢番説話，因為我無法體會每個未能move on 嘅人所受之困苦同難處，亦都明白由上而下嘅壓迫所帶來輾壓式恐懼，實在唔能夠要求其他人點點點，只不過我真係非常唔希望見到 2019成為一段不可言喻嘅空白，而係一段能夠帶我地向未來行得更遠嘅過去。
套用早前係明報《星期日生活》睇到戈爾巴喬夫所講過嘅一段説話（希望我無記錯啦），希望並唔係盲目地認為眼前所有就係最好嘅，而係即使面對住成蘿爛橙都不低頭，選擇去改變個世界 （用我嘅interpretation啦hahahaha）
Ps講下無聊嘢先，近排聽收音機聽到yosobeit放題勁開心，播咗半個鐘一連 4首歌，聽到自己想聽嘅歌真係好似中咗獎咁，係度趁機做下promotion先 XD
開心 share 下其中一首我好鐘意嘅歌，係《秋分》 from Yosobeit
(又多左一個原因鐘意秋天，電台會因為近排秋天而播多咗《秋分》)
//零碎沙丘 記錄了沒法避開的荒謬
缺憾裡埋沒出口
如此劫數道盡沒遺漏
窩心的過去若然
清清爽爽瀟瀟灑灑去
漠然地徹走//
walkwithu__
原本都冇諗住做咩回顧，但睇左其他人做既小記後，我更加覺得自己有需要記錄一下當刻呢個時間點，入左黎差不多19個月既所思所感。作為一個比較sentimental同sensitive既人，呢段時間既情緒經常如瀑㳍般傾瀉，所以如果不作一個階段性回顧，我怕自己將來望返自己逗留係呢個地方既時光會係一片空白，會再次出現翻「我究竟做咗乜春？」呢個問題。
而呢個回顧主要既命題係「滯留」呢2個字，因為近日意識到原來人唔單只可以好explicit地滯留係一個地方，更加既係滯留係一段時光，亦即係記憶。入左黎之後可能因為多左時間同機會面對自己既思緒，繼而發現原來自己都有partly停留左係3年前，包括不受控制地呈現眼前既清晰畫面，包括各種令我想痴線大叫既後遺情緒，亦包括不能抹掉既愧疚感，原來係唔會因為我坐監而消失。
近排都睇到唔少人提及停留係 2019年而失去自己生活甚至人生呢個問題，但我會認為究竟牢牢記住2019其實係咪必然壞事先？當然我指嘅並唔係單純高舉創傷，傷痛，我相信2019年帶比我地嘅遠超於此，牢牢記住嘅原因除了要記住當年嘅決心與勇氣，更重要嘅應該係對當年每一步嘅反思與檢討，方仲賢早前接受嘅訪問寫得好好，我覺得每個人（絕對包括我自己）都需要反思自己其實可唔可以做得更好？ 有咩係我地唔應該做？ 有咩係我地應該做但無做？ 而唔係依家咁空白化當年發生左嘅事。
近排係903聽到一個艾粒show promo, 講到呢 20年嘅回憶，其中關於 2019年個段竟然係深呼吸嘆一口氣之後講咗句 「仲要講呀？」 其實我唔明白咩叫「仲要講呀？」 正正係因為好多人每當提及2019年都空白化、去內容化、真空化，我地更加需要將呢段記憶牢牢記住，不過當然亦都相當視乎如何帶住呢段記憶與及對其反思所得而負重前行，絕非希望如同陷進泥濘一樣沉溺於過去，不過我亦明白其實我自己無資格講呢番説話，因為我無法體會每個未能move on 嘅人所受之困苦同難處，亦都明白由上而下嘅壓迫所帶來輾壓式恐懼，實在唔能夠要求其他人點點點，只不過我真係非常唔希望見到 2019成為一段不可言喻嘅空白，而係一段能夠帶我地向未來行得更遠嘅過去。
套用早前係明報《星期日生活》睇到戈爾巴喬夫所講過嘅一段説話（希望我無記錯啦），希望並唔係盲目地認為眼前所有就係最好嘅，而係即使面對住成蘿爛橙都不低頭，選擇去改變個世界 （用我嘅interpretation啦hahahaha）
Ps講下無聊嘢先，近排聽收音機聽到yosobeit放題勁開心，播咗半個鐘一連 4首歌，聽到自己想聽嘅歌真係好似中咗獎咁，係度趁機做下promotion先 XD
開心 share 下其中一首我好鐘意嘅歌，係《秋分》 from Yosobeit
(又多左一個原因鐘意秋天，電台會因為近排秋天而播多咗《秋分》)
//零碎沙丘 記錄了沒法避開的荒謬
缺憾裡埋沒出口
如此劫數道盡沒遺漏
窩心的過去若然
清清爽爽瀟瀟灑灑去
漠然地徹走//
walkwithu__
929暴動案手joke，今日終於認罪還押，有啲嘢想同大家講下
大家好，我係929政總暴動案嘅其中一位被告，今日上庭答辯我連同其他幾位手足最後決定認罪，放棄抗辯，正式被法庭要求即時入羈押所隔離一個禮拜還押，等待餘下兩名手足抗辯後等待判刑
未來呢個連登戶口會交由我另一位朋友暫時保管直至到重獲自由嘅一日，喺呢度我要多謝所有曾經支持過我哋嘅香港人、多謝一班到而家仍然出錢出力支援在囚機構嘅朋友對我哋不離不棄
大家唔使擔心，我哋頂得住暫時仲好樂觀，雖然仲未判刑預咗最壞打算五年，但係一早已經做曬心理準備會繼續支撐住，希望咁多位真正嘅香港人至少喺心理上都唔好認輸同放棄
未來呢個A/C定期舉辦下你問我答，透過書信方式分享下坐監嘅經歷同埋體驗，希望多啲香港人可以了解在囚手足而家最需要啲乜嘢，同埋可以點樣幫到佢哋；同時可以為一啲有機會面對牢獄之災嘅朋友提前有心理準備了解下入面會有啲乜嘢情況
假如大家有乜嘢想同我講或者有嘢想問，將會交由我嘅朋友幫我寫書信傳達，日後逐一解答
喺度我想藉呢個機會呼籲咁多位有財政能力嘅香港人可以慷慨解囊，每個月盡量支持下一啲真正幫助坐監手足嘅機構，有能力嘅可以幫，冇能力嘅得閒share下佢哋嘅post或者多啲留言分享我哋嘅資訊都已經係好大嘅幫助，follow多啲協助在囚人士機構嘅post可以了解下佢哋需要啲乜嘢
大家都知，而家唔少幫助真正手足嘅機構已經越嚟越少而且受到唔少嘅打壓，不論喺社會生存空間同埋財政壓力都極之大，唔少機構每個月都要告急甚至乎逐一倒閉，坐監手足唔同大家可以自由使用自己嘅財產購買物資，佢哋生活所用嘅每一支筆每一條毛巾每一條底褲都要經過懲教署要求規格底下先可以喺出面寄入去或者入面購買，所以希望大家如果真係有能力可以每個月出少少錢資助呢啲真正幫助手足嘅機構，冇能力嘅都可以盡量share下follow佢哋等多啲人可以幫助佢哋
暫時有幾個支持再投手足嘅機構同埋黃店都好需要大家幫助，不能盡列，希望大家可以補充下，遲啲會自定留言方便大家參考，排名不分先後
燕子生命
https://www.swallowlife.org/
呢個機構會唔會星期兩次收集連登好笑嘅post轉達畀坐緊監嘅手足睇，同埋收集同配對筆友同手足書信聯絡保持聯絡，而且幫手收集唔同書籍供應在囚手足，佢哋目前唔接受眾籌但係如果有人每個月以50蚊請佢哋飲咖啡佢哋會好多謝
細葉榕
https://www.banyanaid.org/
每個月趕緊希望大家可以捐50蚊，唔係好多就可以幫到手足及其家屬，最近資金量已經開始不足需要大家幫助
石牆花
多次被關照同點名已經解散
好可惜但係要俾credit佢哋，日後其他人會繼續幫手
HK9CAKE
https://instagram.com/hk9cake?igshid=YmMyMTA2M2Y=
https://m.facebook.com/FreeHcaKe/
葵涌廣場二樓黃店，間唔中有限定店長活動，會搵一啲啱啱出冊或者準備入冊嘅手足去做店長，目的係用最直接方法幫補下佢哋嘅財政負擔，可惜引來身份不明嘅黑社會襲擊，更加被商場管理處多次針對，最近仲要畀藍絲k.o.l. 黃世澤老屈為藍店呼籲人唔好支持，呢啲碩果僅存真正幫助手足嘅黃店好需要大家大力懲罰
候鳥
https://asonehk.com/collections/waitingbird
總合咗再籌手足或者還押手足需要嘅物資包方便大家直接幫助身邊有需要嘅朋友，而且有唔少嘅產品係本港製造，收入得益都係幫助在囚手足，如果身邊有朋友唔知道邊度可以買物資可以share，有能力嘅都可以購買佢哋嘅指定產品支持下佢哋
如果大家仲有任何支援在囚手足嘅機構可以補充歡迎大家留言我整合之後會一次過置頂留言，方便咁多位善長人翁慷慨解囊幫一幫手
秋意龍
大家好，我係929政總暴動案嘅其中一位被告，今日上庭答辯我連同其他幾位手足最後決定認罪，放棄抗辯，正式被法庭要求即時入羈押所隔離一個禮拜還押，等待餘下兩名手足抗辯後等待判刑
未來呢個連登戶口會交由我另一位朋友暫時保管直至到重獲自由嘅一日，喺呢度我要多謝所有曾經支持過我哋嘅香港人、多謝一班到而家仍然出錢出力支援在囚機構嘅朋友對我哋不離不棄
大家唔使擔心，我哋頂得住暫時仲好樂觀，雖然仲未判刑預咗最壞打算五年，但係一早已經做曬心理準備會繼續支撐住，希望咁多位真正嘅香港人至少喺心理上都唔好認輸同放棄
未來呢個A/C定期舉辦下你問我答，透過書信方式分享下坐監嘅經歷同埋體驗，希望多啲香港人可以了解在囚手足而家最需要啲乜嘢，同埋可以點樣幫到佢哋；同時可以為一啲有機會面對牢獄之災嘅朋友提前有心理準備了解下入面會有啲乜嘢情況
假如大家有乜嘢想同我講或者有嘢想問，將會交由我嘅朋友幫我寫書信傳達，日後逐一解答
喺度我想藉呢個機會呼籲咁多位有財政能力嘅香港人可以慷慨解囊，每個月盡量支持下一啲真正幫助坐監手足嘅機構，有能力嘅可以幫，冇能力嘅得閒share下佢哋嘅post或者多啲留言分享我哋嘅資訊都已經係好大嘅幫助，follow多啲協助在囚人士機構嘅post可以了解下佢哋需要啲乜嘢
大家都知，而家唔少幫助真正手足嘅機構已經越嚟越少而且受到唔少嘅打壓，不論喺社會生存空間同埋財政壓力都極之大，唔少機構每個月都要告急甚至乎逐一倒閉，坐監手足唔同大家可以自由使用自己嘅財產購買物資，佢哋生活所用嘅每一支筆每一條毛巾每一條底褲都要經過懲教署要求規格底下先可以喺出面寄入去或者入面購買，所以希望大家如果真係有能力可以每個月出少少錢資助呢啲真正幫助手足嘅機構，冇能力嘅都可以盡量share下follow佢哋等多啲人可以幫助佢哋
暫時有幾個支持再投手足嘅機構同埋黃店都好需要大家幫助，不能盡列，希望大家可以補充下，遲啲會自定留言方便大家參考，排名不分先後
燕子生命
https://www.swallowlife.org/
呢個機構會唔會星期兩次收集連登好笑嘅post轉達畀坐緊監嘅手足睇，同埋收集同配對筆友同手足書信聯絡保持聯絡，而且幫手收集唔同書籍供應在囚手足，佢哋目前唔接受眾籌但係如果有人每個月以50蚊請佢哋飲咖啡佢哋會好多謝
細葉榕
https://www.banyanaid.org/
每個月趕緊希望大家可以捐50蚊，唔係好多就可以幫到手足及其家屬，最近資金量已經開始不足需要大家幫助
石牆花
多次被關照同點名已經解散
好可惜但係要俾credit佢哋，日後其他人會繼續幫手
HK9CAKE
https://instagram.com/hk9cake?igshid=YmMyMTA2M2Y=
https://m.facebook.com/FreeHcaKe/
葵涌廣場二樓黃店，間唔中有限定店長活動，會搵一啲啱啱出冊或者準備入冊嘅手足去做店長，目的係用最直接方法幫補下佢哋嘅財政負擔，可惜引來身份不明嘅黑社會襲擊，更加被商場管理處多次針對，最近仲要畀藍絲k.o.l. 黃世澤老屈為藍店呼籲人唔好支持，呢啲碩果僅存真正幫助手足嘅黃店好需要大家大力懲罰
候鳥
https://asonehk.com/collections/waitingbird
總合咗再籌手足或者還押手足需要嘅物資包方便大家直接幫助身邊有需要嘅朋友，而且有唔少嘅產品係本港製造，收入得益都係幫助在囚手足，如果身邊有朋友唔知道邊度可以買物資可以share，有能力嘅都可以購買佢哋嘅指定產品支持下佢哋
如果大家仲有任何支援在囚手足嘅機構可以補充歡迎大家留言我整合之後會一次過置頂留言，方便咁多位善長人翁慷慨解囊幫一幫手
秋意龍
感謝 @tictactoast_hk @bugle.2019
比機會我可以做一日店長🫣
係舊年提堂之後，我打住3份工去籌律師費同生活費，其中一份就係tictactoast🫣,雖然只係返咗幾日就轉左去舊公司，當年我係玩左老細好多盒奶去解鎖咖啡拉花嘅技能，仲喺嗰度學識左點揸刀，佢竟然記得仲同毋鳴推薦我做一日店長🥺
毋鳴嘅靚仔哥哥事前又會問我有咩需要，當日由朝到晚坐係底sell寄賣野仲要捱餓🫣所以真係非常感激佢哋🙏🏻
同埋唔知你哋有冇見到當日嘅收銀姐姐係咪好靚呢，冇錯啦佢就係極度關心我情緒，知我有啲驚見人所以為咗我拋頭露面嘅靚女fd 子啦👏🏻👏🏻
非常感謝咁多位嘅支持同光臨🙏🏻的確係減輕左生活費嘅負擔🫣起碼有咩事放學之後可以躺平一陣🤫
最開心係聽到人哋同我講有睇我嘅刺繡🥲有人仲送咗刺繡嘅郵票俾我，仲有一個好靚仔嘅男仔送花比我添啊😍你哋寫俾我嘅嘢都有認真睇😎
最後真係好多謝以下咁多page 捐佢地嘅靚靚貨我去寄買分別係：
@kobdandan @teatogether.hk @yingseuimi @raw_handmadesoap @ceot1maau1zi2 @the_lights_in_you @illugulu_
尋日真係賣哂啦，下次想賣就記得去其他手足嘅寄賣啦🙏🏻🙏🏻
chik_diary_hk
比機會我可以做一日店長🫣
係舊年提堂之後，我打住3份工去籌律師費同生活費，其中一份就係tictactoast🫣,雖然只係返咗幾日就轉左去舊公司，當年我係玩左老細好多盒奶去解鎖咖啡拉花嘅技能，仲喺嗰度學識左點揸刀，佢竟然記得仲同毋鳴推薦我做一日店長🥺
毋鳴嘅靚仔哥哥事前又會問我有咩需要，當日由朝到晚坐係底sell寄賣野仲要捱餓🫣所以真係非常感激佢哋🙏🏻
同埋唔知你哋有冇見到當日嘅收銀姐姐係咪好靚呢，冇錯啦佢就係極度關心我情緒，知我有啲驚見人所以為咗我拋頭露面嘅靚女fd 子啦👏🏻👏🏻
非常感謝咁多位嘅支持同光臨🙏🏻的確係減輕左生活費嘅負擔🫣起碼有咩事放學之後可以躺平一陣🤫
最開心係聽到人哋同我講有睇我嘅刺繡🥲有人仲送咗刺繡嘅郵票俾我，仲有一個好靚仔嘅男仔送花比我添啊😍你哋寫俾我嘅嘢都有認真睇😎
最後真係好多謝以下咁多page 捐佢地嘅靚靚貨我去寄買分別係：
@kobdandan @teatogether.hk @yingseuimi @raw_handmadesoap @ceot1maau1zi2 @the_lights_in_you @illugulu_
尋日真係賣哂啦，下次想賣就記得去其他手足嘅寄賣啦🙏🏻🙏🏻
chik_diary_hk
大家唔好意思呢久等了🐈⬛
媽既既第一版postcard 終於出世了！
但佢前後有點錯版了🥺真係好對不起！
幸運既事，由於呢個係第一批所以無印好多～
-
-
如果大家仲有興趣想買可以睇下邊詳情：
• Postcard一套3張發售
• 定價為42HKD一套
• 會以郵寄送出（包郵）
• 如欲購買可DM我（講明要多少，收信地址，名字）
• 請注意，Card的背面是上下錯版的
-
-
-
多謝大家一直支持媽咪，係爸B做得唔好搞到第一版錯左，而且又小更新媽咪近況🙏🏻但媽咪依家好精神健康的，讀緊營養學課程！
3.meowsters
媽既既第一版postcard 終於出世了！
但佢前後有點錯版了🥺真係好對不起！
幸運既事，由於呢個係第一批所以無印好多～
-
-
如果大家仲有興趣想買可以睇下邊詳情：
• Postcard一套3張發售
• 定價為42HKD一套
• 會以郵寄送出（包郵）
• 如欲購買可DM我（講明要多少，收信地址，名字）
• 請注意，Card的背面是上下錯版的
-
-
-
多謝大家一直支持媽咪，係爸B做得唔好搞到第一版錯左，而且又小更新媽咪近況🙏🏻但媽咪依家好精神健康的，讀緊營養學課程！
3.meowsters
對不起這個Account荒廢了一萬年
今天是福兒哥哥貝絲媽媽 @3.meowsters 的生日
總是說著
還好臭格是和她一起
不明白為什麼在沒有沖涼幾天身上十分刺痛的情況下我們還笑得出
然後一起吃完又瞓瞓完又吃好難食的通粉
在上庭的日子她教了我勾織/一齊玩藍染/擺市集
才有了這個ig shop
然後她是個好好好好好好厲害的人類
就算現在在牆內仍然在努力
學了寵物美容、現在學營養學、畫功又一直一直在進步
然後她畫了三張哥哥福兒貝絲的畫
製成了postcard
$42/1 set 3張 包郵到你家
有興趣想支持的朋友可以DM我或 @3.meowsters
［需註明數量、收信地址、名］
所有所有收入我都會過番比爸B不用擔心🫶🏻
希望各位支持或轉發下
比人羨慕下我有個好出色的MW Family
itssohardtobeaperson
今天是福兒哥哥貝絲媽媽 @3.meowsters 的生日
總是說著
還好臭格是和她一起
不明白為什麼在沒有沖涼幾天身上十分刺痛的情況下我們還笑得出
然後一起吃完又瞓瞓完又吃好難食的通粉
在上庭的日子她教了我勾織/一齊玩藍染/擺市集
才有了這個ig shop
然後她是個好好好好好好厲害的人類
就算現在在牆內仍然在努力
學了寵物美容、現在學營養學、畫功又一直一直在進步
然後她畫了三張哥哥福兒貝絲的畫
製成了postcard
$42/1 set 3張 包郵到你家
有興趣想支持的朋友可以DM我或 @3.meowsters
［需註明數量、收信地址、名］
所有所有收入我都會過番比爸B不用擔心🫶🏻
希望各位支持或轉發下
比人羨慕下我有個好出色的MW Family
itssohardtobeaperson
「除認罪外沒有任何減刑理由」
「明白長期入獄家人會傷痛，唯需判處阻嚇性刑罰」
「其他判刑對本席無約束力」
「判斷暴動突發與否是考慮事件而非個別被告的情況」
「當日損失無法估計，需阻嚇此種無理破壞公共秩序的行為」
「判刑四十五個月」
「即時監禁」
𝐒 𝐇 𝐈 𝐊 𝐄 𝐍 子謙
「明白長期入獄家人會傷痛，唯需判處阻嚇性刑罰」
「其他判刑對本席無約束力」
「判斷暴動突發與否是考慮事件而非個別被告的情況」
「當日損失無法估計，需阻嚇此種無理破壞公共秩序的行為」
「判刑四十五個月」
「即時監禁」
𝐒 𝐇 𝐈 𝐊 𝐄 𝐍 子謙
正式向大家介紹一下版主 ，
大家寫信時可以稱呼佢做Sang/阿生
以下係Sang 喜好& 興趣sssss，
如果大家有時間又可以幫到手寫信、print 相關嘅IG post寄入去，幫Sang解悶🙇🏼♀️
漫畫/書:
加旋
尼采
銀魂
興趣&喜好:
水彩/素描畫
彈琴
打鼓
手工藝
動漫
特攝
聽歌:
J rock
J pop
city pop
舊粵語歌
IG:
Jojo Wu
Memes
郵政信箱: 東涌郵政信箱24號（不用寫收信人）
先代Sang 感謝各位寶貴時間，歡迎按讚留言分享
riotercreation
大家寫信時可以稱呼佢做Sang/阿生
以下係Sang 喜好& 興趣sssss，
如果大家有時間又可以幫到手寫信、print 相關嘅IG post寄入去，幫Sang解悶🙇🏼♀️
漫畫/書:
加旋
尼采
銀魂
興趣&喜好:
水彩/素描畫
彈琴
打鼓
手工藝
動漫
特攝
聽歌:
J rock
J pop
city pop
舊粵語歌
IG:
Jojo Wu
Memes
郵政信箱: 東涌郵政信箱24號（不用寫收信人）
先代Sang 感謝各位寶貴時間，歡迎按讚留言分享
riotercreation
今日探訪得知，阿匡喺獄中修讀嘅語言及翻譯學位，最新一份嘅語法功課，獲得94.5分佳績☺️🙌🏻 因為有點難以置信，所以女朋友再三確認，滿分唔係200，真係100😂🎉
教授仲喺評語寫到，阿匡表現極佳，「成績斐然」✨🤩
我話等陣一定要將呢個消息公開，阿匡就話唔好下下少少嘢就公開講 （佢怕羞）😆 我唔理啦，已經冇乜嘢好嘅消息，坐監情況大多數亦不方便透露，相信好多支持阿匡嘅朋友，都想喺苦中聽到一點好消息，亦想知道阿匡有繼續自強不息、保持身心健康頭腦靈活💪🏼
如果大家想支持下阿匡讀書學費，懇請小額訂閱patreon🙌🏻 www.patreon.com/ventuslauwh
劉頴匡
教授仲喺評語寫到，阿匡表現極佳，「成績斐然」✨🤩
我話等陣一定要將呢個消息公開，阿匡就話唔好下下少少嘢就公開講 （佢怕羞）😆 我唔理啦，已經冇乜嘢好嘅消息，坐監情況大多數亦不方便透露，相信好多支持阿匡嘅朋友，都想喺苦中聽到一點好消息，亦想知道阿匡有繼續自強不息、保持身心健康頭腦靈活💪🏼
如果大家想支持下阿匡讀書學費，懇請小額訂閱patreon🙌🏻 www.patreon.com/ventuslauwh
劉頴匡
外星人～
Hay～又係我了～～～上個星期終於終於答左辯了～終於唔洗再比人拖了！Happy~答辯完返返下面嗰Court Cell~我毫不意外(?）地開心咗20 mins LOL 但嗰20分鐘之後湧上嚟嘅就係一陣好疲倦嘅無力感 LOL
咁樣就已經入咗黎2年，等到開審唔知又要幾耐呢～審完之後會唔會又係另一個2年呢......反正都真係feel到好攰 LOL 以我嘅心理調節能力都調咗幾日先無咗個低氣壓～
BTW 方向報啲社評真係勁搞笑😂 我每日睇方向都一定要睇嗰堆「磚家」嘅高見😂 如果大家唔開心就去望一望la，相信你哋睇完都會笑住講「點解佢哋咁戇鳩嘅？」😂 LOL
Hola～入秋了～大家保重！
Aka 😊
#三粒星
#saamlapsing
#未審先囚
saamlapsing
Hay～又係我了～～～上個星期終於終於答左辯了～終於唔洗再比人拖了！Happy~答辯完返返下面嗰Court Cell~我毫不意外(?）地開心咗20 mins LOL 但嗰20分鐘之後湧上嚟嘅就係一陣好疲倦嘅無力感 LOL
咁樣就已經入咗黎2年，等到開審唔知又要幾耐呢～審完之後會唔會又係另一個2年呢......反正都真係feel到好攰 LOL 以我嘅心理調節能力都調咗幾日先無咗個低氣壓～
BTW 方向報啲社評真係勁搞笑😂 我每日睇方向都一定要睇嗰堆「磚家」嘅高見😂 如果大家唔開心就去望一望la，相信你哋睇完都會笑住講「點解佢哋咁戇鳩嘅？」😂 LOL
Hola～入秋了～大家保重！
Aka 😊
#三粒星
#saamlapsing
#未審先囚
saamlapsing
洗碗固然係我地沙咀既J仔每日要做嘅工作，因為基本上都要同老鬼拍住做，工作既流程就係老鬼會拎上圍既碗碗碟碟，餸頭餸尾比我地🥣，我哋自然就要洗咗去，同埋處理咗啲廚餘去，但其實洗碗都要分成三個位置架，一個位就係負責清洗大型器皿，例如有啲大藍桶🪣，係裝住d汁，菜，晏晝啲粥，飯咁，第二個位就係傾倒廚餘，有好多人成日都食淨好多野，可以成碟飯都唔食架，真係好誇張，我心諗：你哋唔肚餓架，但明眼人緊係知因為劃飛先所以冇咁多人食皇家飯,人哋食菜心炒牛肉，我哋就清菜牛肉🥺，真係悲哀，第三個位呢就係將倒清咗廚餘d碗碟過水，再用百潔布同洗潔精刷下去，咁就洗完架啦。途中其實都可以同到好多老鬼有近距離接觸，有陣時入去廚房嗰啲位置分飯既時候更加可以同佢哋傾計添🤩，可以了解到佢地既心態，受靶既經歷，有一個我仲有好深刻記憶既係沙咀既師兄來架，咁啱塘福裏面有個阿sir係曾經沙咀既PE教練,已經係2000年既事仲話我地而家沙咀好hea,好悠閑喇，佢仲分享咗件趣事，話佢受嗰陣時既沙咀有個肥仔，好肥好肥，1下掌上壓都做唔到😱，有一日佢做掌上壓，一壓落去嗰下，瀬咗💩💩，有個阿sir就叫佢捧住舊屎double time,(double time係沙咀一個好經典既體能動作，每個沙咀仔一定識既👍，聽到呢個故仔真係笑L咗出來。
本身仲以為d老鬼會對住我哋小朋友擺架子添，原來傾起上來都幾融洽架😌，雖然我哋唔可以喺班懲教面前同佢哋傾計，因為好驚我哋同佢地私相授受，但其實分飯嗰陣已經做唔少喇，又有煙食，又有朱古力，仲有特製奶茶飲,d奶茶☕️個味道，真係好似出面茶記d奶茶又香又滑😋，絲襪奶茶咁款，飲過一定會想返尋味架，唔到你唔信😉，其實老鬼橫頭唔係想像中咁黑暗姐，都唔係好似睇(壹獄壹世界）咁😂，有啲野真係要親身接觸體驗先知係咩既一回事，老鬼對細路仔真係好好架，成日話我地受靶好慘，但其實都係自己攞嚟姐🤦♂️。不過有陣時派飯去唔同期數嗰陣時，d老鬼成日都圍埋哂喺閘邊😂，其中一次對答內容如下
老鬼💁♂️問：細佬你食唔食煙阿？整支歎下啦！
我就答👦🏻：阿叔，留比你自己啦！食咁多冇益阿🚬🚬
老鬼💁♂️又答：diu,食就食啦，而家請你阿，唔好咁多嗲！
我回覆：唔想返倉找數阿，唔好搞9我la
最後我就比阿sir叫走咗，咁就完結咗我地既對話喇。
所以老鬼真好，同佢地傾計都唔洗特登就住就住，暢所欲言就得，佢地成日都將一句說話掛喺口邊：［唔好學我地咁，坐完又坐，終身監禁，分期執行，有咩意思🤷♂️］
下篇就最後一篇，寫埋就完咗成個系列去，我都要乖乖地準備入去受靶先🎯。仲有求情信要準備🤦♂️
hksun_1204
本身仲以為d老鬼會對住我哋小朋友擺架子添，原來傾起上來都幾融洽架😌，雖然我哋唔可以喺班懲教面前同佢哋傾計，因為好驚我哋同佢地私相授受，但其實分飯嗰陣已經做唔少喇，又有煙食，又有朱古力，仲有特製奶茶飲,d奶茶☕️個味道，真係好似出面茶記d奶茶又香又滑😋，絲襪奶茶咁款，飲過一定會想返尋味架，唔到你唔信😉，其實老鬼橫頭唔係想像中咁黑暗姐，都唔係好似睇(壹獄壹世界）咁😂，有啲野真係要親身接觸體驗先知係咩既一回事，老鬼對細路仔真係好好架，成日話我地受靶好慘，但其實都係自己攞嚟姐🤦♂️。不過有陣時派飯去唔同期數嗰陣時，d老鬼成日都圍埋哂喺閘邊😂，其中一次對答內容如下
老鬼💁♂️問：細佬你食唔食煙阿？整支歎下啦！
我就答👦🏻：阿叔，留比你自己啦！食咁多冇益阿🚬🚬
老鬼💁♂️又答：diu,食就食啦，而家請你阿，唔好咁多嗲！
我回覆：唔想返倉找數阿，唔好搞9我la
最後我就比阿sir叫走咗，咁就完結咗我地既對話喇。
所以老鬼真好，同佢地傾計都唔洗特登就住就住，暢所欲言就得，佢地成日都將一句說話掛喺口邊：［唔好學我地咁，坐完又坐，終身監禁，分期執行，有咩意思🤷♂️］
下篇就最後一篇，寫埋就完咗成個系列去，我都要乖乖地準備入去受靶先🎯。仲有求情信要準備🤦♂️
hksun_1204