告別前⋯

心意的味道！

「A手足 xx日出去，b手足xx日出去，c手足xx日出去⋯互留左聯絡方法，佢地出去前，我地一齊食散水餅，出去之後 我入面留低嘅 人工就請其他手足食野 ⋯」傑仔提及。

所謂散水餅，其實就係幾塊餅、魷魚絲，無大魚大肉，無精緻蛋糕，但係 已經係用獄中僅有人工買到最好嘅，物輕情意重嘅一餐，

係 心意嘅味道！！

kitjaihker

明天將會是判決的日子，事件發生接近三年終於有一個了結，百感交集不知道可以說什麼。

只能寄望身體能夠應付往後的壞情況，亦擔心自己家人的心理狀況，年事已高心血小。

作最壞的打算，最好的準備，多謝呢段時間支持過我照顧過我的人，麻煩左你地咁耐，希望各位都身體健康，遠離疾病，能夠做到自己想做的事。加油！我都會撐住。

希望大家繼續支持
https://www.patreon.com/join/Koalakoalas

koalasmarch

夏天到，赤柱工作坊用厠所水冲涼

回想自己冬天身在石壁，五月就過左界去赤柱，想知點解要留意我的日記，今次係回想起係赤柱時，小弟過了三日新人組之後，就去左車衣期。
赤柱係一座近一百年的舊式歐陸設計建築，倉房三層高，而工作坊就在對面的兩層高的大樓，有成幾萬呎一層，而我係屬2廠，而2廠地下分別有印刷期、口罩期及電腦房，而二樓就係車衣一，二，三期及儲存倉，由於大調動，車衣一期及三期已解散左，過界的過界，去期他期數的也走晒，只有二期約50人包括十多個ON 在內。
每日車衣期都係早上十點左右去球場，十一點左右就去冲涼大房冲身，但比較麻煩，大熱天氣行來行去，冲完又會出一身大汗，所以有大部份選擇在workshop 冲身，但workshop 係冇冲涼房，只有兩個厠所，可能由於係百年前的建築，冲厠也是用淡水的，所以囚友們都利用高水箱的厠格，張冲水位擰過來，咁水就不停流落來，再開返大明啲個水制便可，由於我係新人，負責洗厠所，每次大家冲完，我都要去拖乾個地下！石壁都有同樣情況，不過石壁厠所有水喉，可以直接冲涼，唔使用冲厠所嘅水來冲身！

#55巴 #55bar

55bar_300days_in_the_persion

謙謙想9月頭生日，希望大家拎起枝筆寫封信同佢聲「生日快樂！」

如果諗唔到寫咩，可以就搵張你覺得好好笑嘅memes圖寫兩句，送份少少禮物比佢吖

佢成日都講好想收memes圖，但冇人寄比佢！

連登地獄memes圖系列都係好選擇

#三粒星
#saamlapsing

三粒星

☀️為逸戰徵收中秋信☀️

時光荏苒，轉眼已還押一年，其實上年嘅中秋正正就係逸戰被捕與家人分離嘅第一日，雖然呢一年每次探訪逸戰都話自己過得好好，但大家都知獄中的日子不容易，今年嘅中秋逸戰仍未能與家人團圓，我哋希望可以趁着中秋佳節，為逸戰徵收一些信件與祝福，亦祈求9月24號嘅判刑能順順利利，願逸戰能早日回家。

-

❗️注意事項❗️

💌信件要求
❌釘書釘、貼紙、絲帶、相片
❌塗改液／帶
❌含閃亮墨水的筆
❌賀卡／感謝卡／生日卡
❌立體、印有閃粉的信紙／卡
❌大於 A4 大小、過厚信紙
❌立體設計、有夾層的紙張／卡
❌敏感經歷
❌有關逃獄、暴力及色情的資訊／暗示
❌抗爭口號
❌政治敏感的題材

希望大家明白如果信件過於敏感，逸戰係唔會收到㗎🙈而且有可能被警告，所以大家如果想寄信比逸戰，就要留意信件規格同埋內容喇～最好就分享一啲日常嘅嘢，或者講下近排興嘅嘢，等佢同外界保持聯繫！逸戰就話佢想收到有以下幾個元素嘅信👇🏻

✅畫嘅圖畫
✅歌詞
✅靚靚信紙（但同時要留意以上嘅信紙要求🙏🏻）

-

收信地址📮

❗️請勿於信封寫收信人姓名，只須寫郵寄地址❗️

👉🏻東涌郵政局郵政信箱246號

🔅溫馨提示：本地平郵信件（30克以下）嘅郵費已經加價為$2.2，記得痴足郵票啊～

❗️再次提醒，請勿於信封寫收信人姓名，只須寫郵寄地址❗️

或者可以寫完scan做pdf檔send email比我哋㗎📩 我哋會幫手印完寄俾佢～
👉🏻wongyatchin0213@gmail.com

麻煩大家寄信比我哋嘅時候，請喺信封入面裝多個無寫嘢嘅空信封同埋郵票比我哋🥺大量寄信嘅話，郵費都會成為親友嘅負擔😢望體諒🙏🏻

如果有任何地方唔明白，都可以inbox 問我哋㗎🤙🏻

-

Patreon：https://www.patreon.com/Wong_YatChin?fan_landing=true

王逸戰

咁其實由沙咀調過去塘福，其實有好多程序上既野要搞，要預早一兩日將啲身家執好哂，因為一到走嗰日做埋快測，就會有囚車押解我哋過塘福，負責押解既懲教👮🏻‍♂️都好巴閉架，🗡裝備🗡好全面,有電槍，防彈衣,唔講呢仲以為我地喺catA犯，要全副武裝戒備，但其實沙咀仔只係一班小朋友，懲教小事化大🤷🏻‍♂️，escort嗰班懲教又惡死騰騰，當正我地仇人咁，但算，對佢哋一兩個鐘姐，忍一忍就過啦。臨離開沙咀,有個阿sir突然同我地farewell,講到我地係最後一班識🇬🇧步操既沙咀仔，就話沙咀會摺埋，會有一段長時間喺塘福，唔會再返來，搞到場面好似好sad😭咁，因為唔係全部沙咀阿sir都會被調派去塘福，有部份要留低做抗疫先鋒😷，為我國出一分力，成件事即刻變得好偉大。但而家就梗係全部調返哂過沙咀✌️。原來其實都係吹水。
過到塘福之後，一入大閘見到既第一樣野，就係一大班老鬼（成人囚犯）用好奇既目光望住我地🤨，可能佢哋坐得太耐，見到𡃁仔呢啲嫩口野，覺得新奇la,咁我地都係你眼望我👀咁，就行入指模房做返d例行程序，保安搜查踢身呢啲就基本野，見怪不怪，搞掂哂就過醫院擺柳，俗稱「驗尿」，然後見醫生👨‍⚕️，之後就落飯堂食我哋期待已久既紅豆妹😋，但因為第一日，同埋已經差唔多兩點，d紅豆妹已經所餘無幾，每個人淨係分得半碗妹，咁之後就大家乖乖哋聽阿sir指示坐低食妹，一將啖妹放入口裏面，心諗仆街喇🤢，d紅豆妹又淡又稀🤮，成pat水咁，淡而無味，受過沙咀，發現自己嘴刁添，但最後都格硬食咗去，亦都冇要求或投訴，好又一餐，唔好又一餐，可能下餐會更好呢🤤，咁食晚餐前，我哋都係一直坐喺飯堂，悶都七彩，做咩都唔得，只係靜坐。
但喺電光火石之間，有個熟悉既身影行咗入來，氣勢不凡，全場鴉🐦無聲，我回眸一望，原來就係之前我喺post提及過既廉sir,之前既佢又叫我唱國歌又盛，心諗今次條數有排找，成個人即刻灰哂，但今次佢比我既見面禮，好彩只係抆耳仔，都鬆一口氣😮‍💨，冇話捉我去抓板（木尺feet腳板）。之後呢位大人物離開之後，d阿sir就綵排喺飯堂點樣維持返屬於沙咀文化既飯堂操，我心諗：「唉😫，來到塘福，仲要開新牌頭，搞少啲野，大家舒服啲la。」，排好哂位，recall拎🍚先，黃，藍，白牌博尾，嗰陣時每個人都好期待碟飯係咩樣😋，星期三係食🐣既，老鬼煮既飯係咪色香味俱全呢？定真係極之難食呢，一見真章，d飯好少，個汁極之稀，淡而無味，味同嚼蠟，失望😔，都知到出册後都係食呢d狗飯，睇來有排捱。
留返下篇講，請期待#3👍。

hksun_1204

很久沒有使用社交平台了，
十分掛念大家！
先跟大家來報個平安，
兩個女兒跟媽媽已經在泰國開展新生活，
一切安好。

我的生活也是這樣，沒多大改變，
時事和政治，我仍然是感興趣的。

所以，國家主席習近平在七一當日發表了的重要講話，對於這些年來香港發生的事情，亦有相當深層的意義。在這裡，真誠地與大家分享我的見解。

講話裡面提及到的「四個必須」：

1 .必須全面準確貫徹「一國兩制」方針。

這的確是香港由回歸以來的核心價值，我亦相信這並不只是50年不變，而是行穩致遠的。

2 .必須堅持中央全面管治權和保障特別行政區高度自治權相統一。

香港是中國不可分離的一個部分，這亦是基本法第一條所列明的，所以在此亦提醒大家，要小心並避免接觸到港獨思想，以免誤墮法網。

3 .必須落實「愛國者治港」。

在完善後的選舉制度下，相關的愛國者亦已經加入政府為大家服務，相信在不久的將來，大家就可以見到到新一屆政府帶來的政績。

4. 必須保持香港的獨特地位和優勢。

香港作為全球金融中心之一，
從小的教科書也有告知我們，維多利亞港，水深港闊。所以我們要繼續善用這個地位和優勢，發展不同產業，讓香港繼續成為國家對外的其中一道大門。

而我作為香港商界的一員，接著的日子，定當繼續為民所需，透過不同渠道，履行社會責任，但願人人平安，身體健康。

林景楠

話咁快又過完一個月，今個月過得超快，睇住新聞外界逐步放寬防疫政策，入境外國亦開始無需入住檢疫酒店，但我地，都仲係未有放寬額外探訪，信依舊要過三日冷河，男友收嘅信keep住錯次序，而d街信keep住以龜速到步，今日係25/8，非常期待既「馬鞍先生」又不給力，連半日假都放唔足，但另一方面都係好事黎，班浪浪唔使咁彷徨～不過點都好，晏晝返到工場我都係自己幫自己Day Off ~
今次容許我封家書短短地，又開始進入唔對路狀態，最近自己俾咗份功課自己，「試形容孤獨」，整理好大家又唔怕悶可以睇吓～Love you all~
Alice 25/8/2022

VU Coffee

同各位宣佈！受審完結 終於等待判決!!

依二十五日每日都要好早起身上庭審訊 真係勁攰(審中段唔舒服攰到以為自己中咗招..)其實係出面熱到出汗 法庭又凍到癲..自己真係好渣。。
講返審訊。。無可否認既係 喺事實中暴動罪依條罪真係好易罪成 加上當時自己係現場既衣著 裝備 疊加埋勝算更加唔會高。。。
律師都成日要我打定輸數 做最壞既準備 始終依單暴動相比其他地方既暴動真係多太多火😞可能比其他案件會更長刑期。。
如果一旦要入去 問心好對香港人同屋企人唔住，依幾年我要將要面對同承受入獄，休學一會。。
三年前會以為遙不可及既事 仲可以有大把時間先擔心 審咗二十五日 當控方終於表證完 法官宣判全部人表證成立既時刻
原來距離判決已經'殺'到埋身了...但自問自己已經盡咗力，都控制唔到，唯有聽天由命... 🥹

最後，無力地為咗九成入獄的我做準備,希望大家可以喺依家大部份既後援都冇哂嘅時候 除咗講句加油撐住之外，都可以毋忘初心咁直接支持到被控暴動的我。
Link in Bio（已更新）:
https://www.patreon.com/user?u=79112509

《壞與好都是你跟我 可以一起渡過》- 林家謙
下次再上庭係十一月,緊張地等待著判決結果。

navypotatohk

「放學」啦！ 3/9， 終於終於出到黎啦！
再次多謝🙏🏻各位一直關心！

kitjaihker

【本週預告】
#9月9日
吳生首次於高院申請保釋，沒有律師代表，會自己搞掂

#9月10日
中秋暨 #年年十八歲嘅吳政亨先生誕の日 🎂

👤：今個星期小編係～非～常～緊～張！😣希望9月9日吳生可以申請保釋成功🥺🥺咁就可以同家人過生日同中秋喇🥺

如果大家想為吳生打打氣，可以喺呢個post 度留言，我哋會收集好大家嘅說話轉達畀吳生的💛

另外，如果大家想為吳生送上一份小小嘅 #生日祝福🎁，可以考慮
👉Subscribe #Patreon，支持吳生 #聘請律師 🙇🏻‍♀️
https://www.patreon.com/GordonNgConcernGroup

----------------------------------------------
吳政亨（李伯盧）關注組：
Fb: https://bit.ly/3x300Ec
Ig: http://instagram.com/gordonngconcerngroup
#香港 #初選大搜捕 #47人 #吳政亨 #李伯盧

吳政亨（李伯盧）關注組

【上庭】

上庭有時都幾攰，因為要大清早起身食早飯，落指模房換衫，上手扣然後上車，有時要轉下車集合不同監獄的人，才會去要上庭的法院。

到達後，如果是court仔(裁判法院)就交俾警察看管；如果是地院就繼續懲教看管。

在車程中我會望下街道、大廈、周圍的環境，睇下香港有沒有改變到。

上庭當然希望審判有進展，不用再拖落去。唔同的囚有友不同的情況，有人會係想拖住受，好過泊正。

在庭上可以望下家人和朋友，感謝每位上庭支持我的人。雖然我因近視睇唔清大家的樣，但你們的到來都讓我內心好溫暖，知道我不是孤單一人。

如果早庭，返到荔枝角，係指模房換衫後，都仲可以入返活動室沖涼。如果中午庭，尾車就趕唔切無得沖。只能在倉中抹身。

二零二二年八月廿七日

原圖來源：網絡
---------------------------------------------
希望大家持續關注愛跑步的倉鼠和其他在囚政治犯、被捕被控手足。謝謝！
如果大家想支持倉鼠，歡迎訂閱、追踪他的patreon，謝謝！
www.patreon.com/runninghamster2022

runninghamster2022

大家好，我地係Jessica親友，而家正代管理呢個户口。相信大家都知道Jessica因為賢學思政案已經還押咗一個月，佢而家精神狀態還好，嚟緊開sem佢都準備開始自修了。大家唔洗擔心😌

以後我哋會喺呢度同大家update Jessica嘅近況💛 多謝大家對Jessica嘅支持同關心☺️🌸

朱慧盈

🥮 掛住佢唔該自己話俾佢知吖！

留在臉書上的問候、鼓勵、掛念，幸彤是看不見也無法回覆的。如果平時太忙太辛苦，中秋佳節會不會是一個時機，給自己一個機會坐下來、寫下你想對她說的話？

對於幸彤這樣一個思維活躍坐不定的人，牢獄生活最苦悶之處，就是沒人可談天說地、討論問題，從生活趣事到對她庭上表現的點評，她都很想讀到的。

寫信給幸彤：
📨 請寄往 馬鞍山郵局郵政信箱75號
🚫 無須在信封上寫「鄒幸彤收」
⭕️ 信件抬頭有稱呼即可
🉑 如想收到回信，請在「信內」，而非信封上，寫上回郵地址
❗️寄信請付充足郵資

注意：
⚠️信件會由懲教署人員拆開檢查，如能過審，只有信紙會給幸彤
🉑 如想收到回信，請在信內，而非信封上，寫上地址
🉑 用普通A4紙寫，不限張數
🉑 人名或可用簡稱/代號
🉑 手畫圖畫
🚫 請勿書寫逃獄、暴力、色情資訊/暗示、粗言穢語、政治敏感題材、個人敏感經歷、抗爭口號
🚫 請勿打印或貼上圖片/照片
🚫 請勿寫頁數，方便處理
🚫 不可用釘書機釘
🚫 不可黏貼任何東西，亦不可使用塗改液塗改帶
🚫 請勿使用含閃亮墨水的筆
🚫 信封内，除信紙外，不可以附有任何物件，例如：錢、郵票、回郵信封、食物、書簽、咭片等等

鄒幸彤後援會

因 47 人案被控煽動顛覆國家政權的張可森，他的兒子今日一歲生日，他的太太在電台點歌，與張可森隔空為兒子慶生，張太點選的歌曲是周國賢的《陽光燦爛的日子》。

主持人又代為讀出張太的留言，希望張可森能「賺多啲錢養我哋」。

張可森的兒子去年出生，當時張可森已因 47 人案被還押，至今未獲保釋。

《陽光燦爛的日子》

You're my sunshine
My only sunshine
一喊 一笑 光陰似水
踏入奇妙之旅 抱你然後安睡

祈求讓你了解 動盪年代有太多怪事情
凡人為每日艱苦生活拼 而你是吃苦的幹勁
明日是好動 還是好靜 讓我緊張你無止境
有日 隨年成熟了你方向未明
誰真心講個故仔你傾聽 誰跟你幸福觀天看星
無論是太平 還是革命 仍樂於新一天馳騁 看新的風景

You're my sunshine
My only sunshine
一歲 一歲 攀山涉水
玩具埋在心裡 你記得別恐懼

祈求讓你了解 自問成就我也不過是零
能維護你樂觀心境任性 談一次夢想追一次星
年月是冷酷 還是有情 仍樂於新一天馳騁

祈求讓你了解 日後如若我也心跳漸停
祈求在某地祝禱保護你 留給你是一彎的背影
熔岩撞廢城 還是放晴 讓我緊張你無止境

有日 隨年成熟了你方向未明
誰真心講個故仔你傾聽 誰跟你幸福觀天看星
明日是太平 還是革命 仍樂於新一天馳騁

You're my sunshine
My only sunshine
Forever sunshine, sunshine
搖籃曲於天空馳騁

ReNews

逸·記 ［2］
-
呢排涼爽左，逸戰話夜晚唔會再似以前焗桑拿咁熱，而佢好驚遲啲判刑之後要做嘢，搞到少咗時間做運動，所以依家日日都好俾心機操fit自己，原本每日淨係做到100吓掌上壓嘅佢依家進化到300吓，望落去終於有啲肌肉，小編會繼續督促佢！
-
另外啊，逸戰最近又發掘到新嘅興趣，就係捉象棋啦，話自己依家日日都好似個公園阿伯，雖然成日撩人挑機，但多數都輸～==
-
最後，逸戰話祝大家中秋節快樂，約定大家星期六夜晚一齊 仰望星空 細賞明月 共度佳節！
-
支持逸戰patreon👉🏻https://www.patreon.com/Wong_YatChin?fan_landing=true

收信地址：東涌郵政局郵政信箱246號

王逸戰

入嚟監房嘅日子差不多三個月了，記得係5月18日開始獄中生涯，冇話咩習五習慣，因為入到嚟冇得揀，冇得你五慣，逆來順受。反而最驚2年後出到嚟個社會五同曬，跟五上社會節奏。

就好似張家輝主演嘅《旺角監獄》咁，記憶與資訊停留未坐監之前，所以入書我都會入返D流行文化類雜誌，或者囚友借俾我睇。最近睇咗《號外》《美紙》《明報電影大道》《迴響》《字花》《鮮浪潮》等，本土資訊都跟得幾貼，係冇電話即時訊息，不過咁都幾好嘅，有時間將資訊慢慢消化，如果五係走馬看花咁今日睇咗D咩聽日都忘記。

監房生活夠曬老派啦，你寫封信俾我，最快嘅星期收到，慢嘅可能成個月，我再回信計埋前後大概一個月。分分鐘去完旅行再隔離完成都未收到回信五出奇，你話係咪好老派呢。一個月時間夠相識拍拖分手再復合再分手啦，所以我話小弟11月生日各位有興趣嘅10月就好寫埋寄埋俾小弟，感激不盡。

我老實同你哋講，今日生日願望係快D到下個生日(不解釋，明嘅明)。人越大越保守，希望30歲的我同20歲時一樣咁on9，心態保持冇變，緊記你五可以改變世界，但五好被世界改變你本身(同自己講)。

條路自己揀 仆街唔好喊

#最近看的書 《晚冬》作者：文於天 @long.bui.myt
(現代詩，很好看)

祝各人
安好

龍
13/8/2022

#獄中日記

李威龍

【手足徵筆友💌】

有2位手足想收信啊🫶🏻 想寫嘅dm我地🙏🏻

1️⃣喜好/想收到嘅信如下：
- 想收到新歌介紹
- 想了解有咩新動漫好睇
- 樂理（之後想學結他）

2️⃣興趣/喜好如下：
- 鍾意睇阿仙奴
- 鍾意陳奕迅嘅歌（想要歌詞）
- 鍾意打機、可以傾人中之龍

Dm @fung1seon3zi2 for details🤍

#為人送暖不求回報
#每一封信每份心意
#城市如何高牆聳立總會偶遇突破阻隔的陪伴🤍

封信子

《致 棨然的一封信》

兒子、哥:

轉眼一年又中秋，唔知度你嘅月亮有無屋企依邊咁圓呢？雖然唔知何年何月才能與你擁抱共聚，但不論如何家中總為你留下一席，要好好休息、保持身心健，返到屋企一齊食你最愛的菜式，好好暢談一番。

請務必持守你的信仰，千萬不要遺忘在你背後默默關心、支持你的香港人、朋友及家人❤️

祝
中秋節快樂
媽媽、弟上

#大家中秋節快樂 #人月兩團圓 #bringthemallback #yanbrother #撐手足撐到底 #save12hkyouths #我們不只一個數字 #鄧棨然
#12hkyouth #星火同盟 #尖沙咀郵箱98697號 #香港人 #香港人加油 #yanlegobrother

yanlegobrother