18號既信～
佢話收到我好多回覆既電話紙真係好開心 我都好開心可以留到咁多言俾你🥲❤️

佢又話覺得sorry 情人節冇送花俾我
但其實我收到個張情人節咭 仲開心過收其他嘢 畢竟你又真係好少將心思放係le方面
可能呢啲就係好簡單既幸福❤️❤️

訂閱我地既Patreon 支持下💛 :
https://www.patreon.com/tangdan0411

letterofchihong

情人節咭❤️
你既小女孩會一直堅強的💛
等你💙

訂閱我地既Patreon 支持下💛 :
https://www.patreon.com/tangdan0411

letterofchihong

【🦉主席尋筆友 3 📬】

見到自己個名聯絡我地喇～

📮信件請寄：
- 郵政信箱78731號 旺角郵政局
- Mong Kok Post Office Box 78731, Hong Kong
‼️信封面只需註明地址‼️

最近疫情嚴峻，希望大家同身邊人都平安。唔好懶，毋望初衷，互相守望，繼續支持黃店。

🪄You can also find us on Patreon

manlinthanks

今個月13號就係阿喬嘅生日🙏🏻因應物流狀態緊張（？）， 信件要至少七日以上先可以寄到入去，大家可以提早少少寄生日咭入去俾佢🙏🏻 可以寄去：

新蒲崗大有街 2 號旺景工業大廈 12/F, F室
本土新聞
李譯喬收
** （一定要寫 "本土新聞" !）

🙏🏻感謝

Ting Lok Yee

Day 221 - 2022-2-19

你地好嘛!!! 唔好死!!!
我上星期懶咗冇寫信，唔係死咗，放心我都冇事！

疫情安排呢，本身上星期封信想總結下上上星期冇探訪純開工嘅感受，點知呢知星期初時係用「假日管理mode」，工都唔洗開已經係一個全新境界，然後今日連倉都鎖埋，用咗鎖倉管理mode」，又再一次刷新我對坐監嘅想像。

呢個星期初嘅感想好像又唔update了，只能夠總結一句，就係人嘅適應力係好強，而香港人奴性係重嘅。上上星期探訪+擂車衣擂到70/日，本來係OK嘅，即係仲有啲成就感同滿足感，時間亦過得快啲，仲一心諗住aim 80/日，突破自己，但又有少少後悔之前日日有探訪而冇珍惜，覺得大家有時可以唔洗嚟，畀大家唞下，反正有寄托🪡👕。

而家冇得探，係掛住大家，好想親眼見到大家確認大家一切安好 #我有說話未曾講你這剎那在何方 Wuuu～好巴😩 再到上星期連工場都唔洗去，但都仲叫有啲正常routine嘅，出飯堂食下飯，行下街，日間喺Dayroom坐下無所事事噉，寫下信睇下電視，適逢有冬奧都有啲嘢睇下嘅。本人就剩係對花式溜冰有興趣⛸，尤其是雙人，好合拍有美感，會諗境何韻詩首《韻律泳》，其他項目就略嫌無聊，即係鬥快兜圈嗰啲，好悶der～

其實坐到第3-4日已經開始坐到悶，好像開工時間快過啲嘅感覺，雖然當Annual Leave噉就其實都爽嘅，但香港人出名奴性重，耐唔返工會身痕，尤其是好似我呢啲事業線咁長嘅人^_^ 然後到呢1-2日突然變成鎖倉，將平日嘅角色調轉，我哋唔洗郁，啲姑娘行上行落派飯、茶水、做檢測etc，忽然變大爺有「room service」真係有啲唔慣～ 啲姑娘都做到索晒氣，跑上跑落，呢個Ω真係避唔到一齊捱👀

喺倉成日有咩搞？人生真係得返「食、瞓、痾」，呢幾日咁凍但又未到夜晚唔可以拆開晒入氈嚟瞓，大家好似露宿者噉搵啲褸冚住自己攤喺床。某程度上真係「慘過瞓街」，啲窗閂唔實，啲風唔知喺邊捐入嚟，瞓喺張膠床凍冰冰，聽日得返8度的話真係要冚報紙，諗到都覺得巴，明明喺室內都餐風露宿。但喺醫院外等入院嘅病人仲巴，全香港淪陷，將香港千瘡百孔嘅醫療體系面目揭露出嚟。日日睇住報紙同新聞報導疫情，又唔知牆外親友嘅情況都煎熬嘅😫 冇探訪又冇信收，完全係處於極被動狀態 #身不由己。

又直擊報導返鎖倉先，講遠咗～ 我瞓樓上離部電視好遠，基本上字幕都係一半睇到一半靠估，要睇一定要痴埋閘邊，一係就要嗌落去問樓下部電視講緊乜，估唔到同期數都要long D，呢種鎖倉生活幾時完？瞓得太多又驚夜晚瞓唔著，日頭又冇咁多嘢好做，得已經有個gym buddy一日三次運動㗎喇，但啲時間都係好難捱，再噉鎖法，要練到captain噉㗎喇😧

好彩早幾日入嘢有入書&雜誌，原來《Jessica》都幾好睇，但個總編都幾自戀，本雜誌以自己名去命名...... 定係呢間雜誌社請總編一定要叫Jessica😆 入面啲衫褲鞋襪幾靚（tho幾千至幾萬不等，人生最貴嘅衫應該唔過$500），啲訪問就圍繞成功女性嘅故事，帶出女性嘅知性美etc，好睇得出佢target audience係咩。以前我對呢類雜誌零興趣嘅，莫非我成長咗，將要成為成功嘅知識型女性，所以覺得佢幾好睇☺️？又講遠咗～本Jessica係厚，但一日點都睇得晒，得已經係連廣告都睇晒，每年衫幾錢帶咩retail咩牌子都lun過，到底幾時開返倉呢？姑娘又慘我哋又慘😩

C飯，呢個星期食返C飯，闊別3個月，好食咗好多👍🏻懷疑轉咗老細/廚師/間嘢終於良心發現，好味到我想用一個寶貴嘅信期去寫封讚賞信表揚間茶記，雖然未有$2800/week嘅水準，但總算似返間正常茶記，有$40/餐嘅水準，已經 #感恩❤️然後聽講佢仍然係用外賣仔踩單車風雨不改由上水踩入嚟，非常有港式風味同獅子山精神，集體回憶簡直無價❤️

今週美味榜如下：

第🥉位：支竹火腩飯
支竹唔會太鞋口；火腩炆得夠耐，皮腍晒面且索晒啲汁嘅精華，火腩亦揀得好好，肥瘦均衡，夠五層嘅好似，都嫩滑嘅又唔會太肥；個汁都好夠濃又唔會太油，撈咗半盒飯，啲肉多到食唔晒：P 💯4.5/5分

第🥈位：咖喱薯仔雞飯
螢光色嘅咖喱充滿茶記風味，有奶香同適中嘅辣味非常開胃；薯仔有煎過，亦煮得好腍同咖喱好夾。之前嘅咖喱雞係用雪藏雞扒啖啖肉但冇雞味，今次係雞件，有骨嘅，多咗雞味，監房啲雞柳真係冇雞味㗎。仲有洋蔥同青椒好足料，撈咗2/3盒飯😋 💯4.75/5分

第🥇位：鹹蛋肉餅飯
肉餅純度高，啖啖肉有肥有瘦有口感唔會成口粉，用辣鮮豬肉食到家的感覺，又唔會出好多油，係鹹蛋黃細粒粉系，撈剩2啖飯 💯4.95/5分👍🏻

希望下星期唔好再鎖倉了，悶到人都癲，想哭😢

manlinthanks

獨語《四》

而家得返監房有得剪頭毛同晚市堂食，發仔出返黎會唔會唔慣🤣🤣
話說佢頭髮幾硬，好易豎起，一耐無剪就會向上生長，個人都高兩寸，每次探監我(地)都會笑佢

#佢心諗到底識左咩人

Faat Gor chloros_tukyintukyu

👨🏻‍🔧
落雨既天氣總會令人心情鬱悶…
更何況在入面十分抑壓既情緒…
真想見見你…
另外睇到你描述你既「水利工程」，應該非常成功😀

http://www.patreon.com/running__hand/
👆🏻👆🏻可以訂閱我既Patreon

運轉手running__hand

致各人：

每天看着各份報章的報導，文字和相片不斷從紙張中散發着大家的難過、不安、迷惘或驚慌失措。在獨囚的房間中，或許是天災人禍降下整片土地的一方淨土，我孤獨的感受着大家的情緒，無力感恐怕是連結我們其中一道腐朽的失修木橋，人人自危。

越發艱難的時代，不免令人氣餒、懷疑、失望透極，但人間最美好的人和事，總是在黑暗中併發着令人難以忽視和溫暖的火光。此刻，除了感激和鼓勵一眾在最前線支援的各個員工，堅守崗位並竭力維持市民所需。我相信各位香港人也一定正各盡其力，各施各法地協助周遭的香港人。

「要記得，我們已不再需要高大上的口號式指令和運動，請記得，我們可以抱着自救和互助的態度，團結行動。」

我深信大家是有足夠智慧、韌力和同理心來渡過困境，請優先協助、支援和照顧長者、小朋友及有需要人士。

願平安，各位香港人，風雨同路，加油。

P.S. 見到Lester postcard好葡萄，如果可以同me仔「全家福」就…(笑)

伍健偉 K
20-2-2022

（小編：原來琴日信箱收到20/2嘅信件！收信真係好慢…🥲 唔少街坊朋友都會經常問起啊K嘅精神/身體現況，依家見到佢仲識表演「花式自殺」，大家有冇安心少少…Btw 冇咩事我都係走先……..…）

14/2/2022(第四十七日)

1. 情人節快樂？今日嘅情人節禮物係比姑娘開咗2個窿抽血，但唔成功抽血。以前去捐血試過俾捐血姑娘鬧我血管咁幼捐咩血😩本身有捐開血嘅我因為嗰次冇再去捐血～依家周不時見到血庫唔夠血就會諗起捐血得益者好多非港人，仲要俾人鬧，就捐血不了，驚咗🙂唔小心扯開左個話題，個姑娘話搵唔到血管😑玩咗好耐，最後抽血時發現我凝血好勁，搞唔掂sosad

2. 終於食返私飯，食多返好多嘢～開胃！！食大欖野太單一，勾唔起食慾～

3. Hk9cake好味啊，判之前有去買嚟食☺️知道佢哋暫時休店，希望佢哋開返之後，你哋代我去食😋 利申：嘴刁，話好食真係好食

4. 見到新聞寫有家屬不滿「一刀切」禁探監，啱啊～我都好不滿，又唔監管啲姑娘放工周圍去，去買士多啤梨🙂行街街，但又唔俾探話驚傳染，最好笑係律師探訪唔cut，律師探訪係密閉空間見一個鐘，有塊通窿嘅膠板，你可以見到個律師，竟然唔cut，反而cut完全接觸唔到嘅家屬探訪，當然我明白家屬多人啲，咪安排視像囉，又話無回應🙂

本土野 Local Yeah

由於疫情影響郵局輪流關門
我就諗 郵局關門
咁寄街邊的郵筒又有無影響？
同埋好多好奇的問題
所以我就打左電話去問一問

我好煩膠狂問超多問題
但熱線職員都好有禮貌逐一回答☺️
（打左兩次電話☺️😅）

1）屋企附近的郵局關門，但郵局外的信箱會否收信？
答：按人手安排會去關閉的郵局收信

2）關閉的郵局附近的街道的郵筒會否受影響？
答：不會，街道郵筒維持番隔日收箱

3）街道郵筒收箱時間係咪跟番原本郵筒上所標示的時間？（因為郵局提早關門，所以順便問）
答：收箱時間會因應最近人手問題而有所不同

4）郵局係咪都係隔日收信？截郵時間一樣？
答：（有開門的郵局）有開門的日子就會收信，跟番每間郵局截郵時間

5）而家隔日收信有無固定星期幾收？例如星期一三五？
答：每個地區收信日子編排不同，亦因人手問題日子會有所調動

知多一點點🤏
郵局的信箱由郵局職員負責收信
街道郵筒則由其他部門負責

最後佢仲貼心建議
由於疫情加上人手緊張，現時平均寄信時間為8-10日，如果擔心郵寄時間太耐/信件下落不明，建議前往郵局櫃位用掛號信的方式郵寄！

大家有問題都可以打去熱線問清楚！
努力寫信！
最穩定又規律請去有開門的郵局寄信！！

handwritingletters

【為Kristy收集生日信🎁🎂】

4月2日Kristy將會迎接佢嘅26歲生日🎂，由於防疫措施關係，所有信件派遞都會有所延遲，所以我哋希望提早收集各方嘅生日祝福信件💌為Kristy送上溫暖❤️。

❗截信日期：3月23日（請大家預留時間寄出信件，我哋將於3月23日或之前將所有信件寄出）❗

各位可以將生日信郵寄至：
「郵政總局郵政信箱5730號」
(⭐信封毋須註明收信人姓名)

如果有朋友無法以郵寄方法送上生日信，亦可以電郵至：
kristyclh2022@gmail.com
我哋會幫手列印出嚟寄比Kristy！

寫信注意事項：
📪 只收信件，不收其他物品。由於牆內朋友收卡會有Quota，所以我地只收生日信
📪 懲教署會預先審查每封信嘅內容，各位記得好好保護個人私隱，勿提發夢經歷、監獄情況
📪 請幫忙計算所需郵費，並將郵票放在信封內，連同信件一同寄出
📪 請喺信件上方每一頁預留空白位置，方便處理
📪 如有意收到回信嘅筆友，可以喺信內寫回郵地址
📪 如因私隱問題唔方便寫喺信內，回郵地址同聯絡資料可用另一張紙書寫，一同寄出

❌ 請勿使用塗改液或改錯帶
❌ 不要使用過厚的信紙，信紙不能大於A4
❌ 不要用閃亮墨水書寫
❌ 不要使用賀咭、硬咭紙、立體信紙
❌ 信紙上不能有貼紙、金粉或立體裝置
❌ 請勿寫任何有關監獄情況或逃獄內容，亦不要寫抗爭口號
❌ 請勿寫粗言穢語

如果有咩問題想問，歡迎大家inbox我哋🥰！

kristy_laihing

這裏的生活其實真沒太多可寫，所以只能跟你聊聊瑣事。話說前些時日我們還可以上天台「行街」（放風）的時候，有一次實在沒事幹我就借了張瑜珈蓆，打算躺下來做做sit up什麼的，然後大概是剛好挑了個好位置，一躺下，正好望見牆外的藍天青山，有麻鷹在飛翔，然後看看身旁也是綠油油的（放風場的地面是那種運動場的綠色），很容易就可以想像自己是躺在青草地上看藍天白雲曬太陽，突然就覺得很寫意，懶洋洋的不想動了......好吧寫那麼多，其實就是在解釋自己為何偷懶了，由做sit up變成攤下來......不過躺草地真是人生一大樂事來的！

另一件在這裏的「樂事」大概是窩被子裏看小說了，尤其是剛上完庭的週末，正好有藉口什麼正經事都不做了，借本無無聊聊的書，把所有被舖攤開，看個天昏地暗，舒爽極了。反而在外面時都沒那麼多閒散時間，做這樣的事總多少有點內疚感，現在可是大條道理的享受世界。坐牢做到我這樣是不是有點太囂張了？（不過老這樣也不行，還是得發憤學習下）

好，睏了，就講到這，我回被窩裏看書去了。

鄒幸彤

探監日常by金毛豬

有成一個月冇見過富仔喇…都唔知下次見面會係幾時…唉 而家唯一可以做嘅係入物資同寫信🥲

新年初一嗰日諗住去探，講聲新年快樂。但因為武肺突然取消..佢地咁就過左一個沉悶，冇人祝賀嘅新年🥲

上次講緊日常野夠鐘，都唔知幾時先可以再傾計，呢刻只能靠寫信。希望大家都踴躍寫信比牆內手足，佢哋而家乜人都見唔到啊，需要大家寫多啲信俾佢哋同大家溝通下同埋解悶🙇🏼‍♂️

今日入左好多物資俾富仔！希望下次嚟唔再係得返入物資，可以直接探訪見到佢啦！

富仔呢段時間估計係努力讀緊書，已經差唔多到佢交功課嘅時間！ 希望佢唔好計數計到頭都大埋啦🤣大家寫開信俾富仔嘅都可以一齊鞭策下佢呀！🤣

*
*
*

請多多支持三粒星嘅Patreon
#save12hkyouths
#saamlapsing
#Threestars

https://www.patreon.com/saamlapsing

三粒星 saamlapsing

⚠️緊急警示⚠️

小編的話：啱啱福利官打嚟表示曼德拉2.0已經第13天冇收到我哋嘅信😥其實我哋一直都有寄信比佢，已經個幾月冇得探，現在連信都收唔到......

曼德拉2.0 Mandela 2.0

小編最新消息！

鑒於文浩正被隔離中，家人決定申請延期審訊！

#再有新消息會通知大家

文浩的365日manhoinjail

見字PM，有信收

Mount
小露
Jamber
Leung Lai
魔人77
Q太朗.PP
Constance
S.T. Kwok

#saamlapsing
#三粒星

三粒星saamlapsing

請邱宏達博士筆友 Tora 同學與我聯絡🙏🏻

有回信給你，你一直都沒有你的回信地址。

李傲然

尋晚發覺太多嘢做，所以夜晚冇寫到信俾你，今晚補寫俾你，沖完涼返到倉好似大概係五點通知我哋要搬期數，我哋本身份雙人房，而家搬咗去Day Room瞓，而家差唔多40人一個Day Room起居飲食，我哋本身分嘅地方變咗隔離確診姐，尋晚執房執返啲嘢，都好多嘢執，去到新地方又要一齊搞下衛生，要執床位，跟住啲人勁自私，夜晚10點熄燈之後仲喺度傾偈超大聲，我忍唔住屌鳩佢哋，我話傾夠味，嘈住人瞓覺，群體生活都唔識，都唔知啲人咩心態，痴撚線㗎，跟住今朝起身我就勁大聲嘈住佢哋瞓覺💤哈哈🤣🤣

今朝收到你入咗相同書簿，我隻靚靚豬，瞓之前再睇多次先！

小小心意唔區既訂閱連結：
https://www.patreon.com/Buxmas2021

豬仔包buxmas2021

在囚者家屬：監獄爆疫鎖倉 囚犯與家屬身心受創

//我們是6名在赤柱監獄及其他監獄在囚人士之家屬。懲教署轄下20多個院所自今年2月5日起至今，已封閉一個多月，家屬探訪還會再停止至3月20日，律師探訪亦受影響。作為還未定罪就被還押人士的家屬，我們明白疫情嚴重，必須果斷切斷傳播鏈，但我們擔心、也關注被羈押者會否因為疫情，及監獄人手不足，長期被剝奪「放風」（戶外運動）時間，以致影響身心健康；並且對於當局未有適時公布監獄疫情，也沒有主動及適時向家屬通報親人狀况（譬如何時搬倉、有沒有放風時間、是否已經染疫、染疫後有否得到適當醫治、是否能按法庭要求上庭）感到憤慨和難過。

我們呼籲當局緊急為懲教署加派人手、加送物資，並確保囚犯及還押人士每天都有在牢房範圍之外的「放風」時間；建立公開透明的機制，向家屬通報監獄疫情和家人狀况，或考慮准許囚犯或還押人士在長時間沒有家屬探望情况下，特別恩恤以電話、電郵、視像會議或其他方式聯繫家屬。

其實世界各地的監獄都有推行特別措施，讓囚友與家人在疫情下保持聯繫，可惜香港懲教署仍然限定只許以書信往來；但由於疫情和信件需消毒，目前書信郵遞最少延誤14天，如同中斷囚友與外間的聯繫。

國際人權聯盟（International Federation for Human Rights）早於2020年已呼籲世界各地政府採取緊急措施，維護被拘留者的健康。該組織認為，政府應釋放感染風險最大、輕罪、待審，及違反國際準則但被拘留的人。

受刑人被關在很容易成為病毒熱點的拘留設施內，是最容易受到新冠病毒威脅的群體。拘留設施風險特別大，因當中的多人牢房人滿為患屬常態，根本不可能保持必要的社交距離；收押待審者人數眾多，監獄的醫療體制亦無法負荷。每個監獄、看守所和收容中心都可能爆發疫情，每個被收押或正在服刑的在囚人士，亦面對隨時受感染的風險。因此，當局必須採取緊急措施降低風險，否則病毒將不可避免地在監獄傳播。

最後也是最重要的，我們希望政府高層及社會各界，關注監獄封鎖下可能引起的人道問題。囚犯長期缺乏「放風」戶外運動，被關在狹隘囚室，對身心都會造成嚴重創傷。家屬由於長期未能探望親人或直接了解親人近况，又收不到信件，大都瀕臨情緒崩潰邊緣。

與此同時，我們也關注監獄職員因疫情而工作量大增，職員染疫人數若持續高企，當值職員容易身心疲乏，亟需緊急增加人手以協助維持監獄正常運作。

我們呼籲當局在面對這世紀疫情，封鎖監獄減低傳播的同時，也應照顧囚犯、在囚人士及家屬的最基本需要（每天一小時的戶外活動時間，及維持與家人雙向接觸和互動溝通），並且採取嶄新思維，採納世界普遍使用的電子通訊模式，讓囚友與家人、律師聯繫！當局必須制定明確的方案及時間表，盡早重開監獄，讓監獄回復較為正常的運作，不至影響囚友上庭和應訊的基本權利，避免影響司法公正。

[在囚者家屬]//

📌 信件全文：《明報》

17/2/2022(第五十日)

1. OMG.由聽日起要鎖倉，佢話冇電視睇🙂好癲，冇得探訪， OK.疫情嚴重，但冇電視睇係咩玩法呢？依家係咪有喪屍？資訊都唔俾收，佢叫我哋睇書喎😑玩咩？坐監同外界完全隔絕？

2. 收到探子回報， 27號前都冇Court上。第三次判唔到期，我知大家會話還押好啊，可以唔使轉新環境，唔使做，有得日日寫&寄信。
但係，好多人排緊上庭，好多人日盼夜盼就係等上庭早日解決。我曾經都係等上庭嘅人，由19等到20到21 ，見唔到未來。俾人問過點解唔諗下日後做乜，點解唔為未來打算，佢哋唔理解，我哋嘅發展被限制。我等咗2年幾終於判有罪，而呢到有人等2年、有人等3年、等正審，要排到法庭個期真係好難。佢哋等咗咁耐叫做有啲曙光，一個停court，又要排過。 佢哋有家人，到底幾時先可以重聚？希望法庭可以視像court,唔好要佢哋重新排。立法會都可以視像會議，court又有何不可？

3. 講完沉重嘅話題，想講下今日係Dayroom玩左成日！教咗新嚟嘅小黃人玩波子棋，傳承捉跳棋&食棋😝佢玩得好開心！話要寫信出去講俾人知。我哋笑話：你之後會發現日日都寫捉波子棋，之後會悶(點知鎖倉冇得再玩☹️仲要唔同倉，相逢恨晚啊😣佢嚟咗冇耐咋，好sad) 我哋仲成堆人玩狼人殺！玩玩下發現大家太誠實（美德嚟）我同新小黃人都不約而同拎住村民扮壞人😝我死前嘅遺言：「你哋成班人古古惑惑！」佢哋即刻懷疑人生，好玩呢！本身諗住聽日再玩，但無啦唉。

4. Btw鎖倉有咩用？同一個通風系統，我哋都唔會出去，好地地點會有病毒？有嘅點都係新嚟嘅囚友同姑娘。咁應該分building隔開新囚友同上court返嚟嘅，以及唔俾姑娘離開。姑娘嘅傳播率先係最高，成日諗點令我哋唔互相傳染，應該先處理姑娘染病嘅可能性。

5. 準備瞓，但想交代第一件事，今年清明，可唔可以代我去沙嶺公墓，謝謝。

本土野hklocalyeah

【召喚寫信師】

好不幸地，工會前主席Winnie 余慧明 因為被指違反47人案嘅保釋條件，早前被法庭撤回保釋許可，而家再次要重回獄中。原本還押人士係可以每日有15分鐘親友探訪，但懲教署以疫情嚴重為由暫停所有探訪，呢段期間，在囚人士唯一可以接觸外界就係透過大家嘅書信，所以我哋喺度邀請大家寫信俾Winnie！！

請將信件寄至：
荃灣郵政局郵政信箱1201號（封面毋須注明收信人｜今次轉咗地址，千祈唔好寄錯🙏🏻）

寫信給Winnie注意事項：

‼️ 用不大於 A4 的信紙；信紙不一定是白色，Winnie 中意收多圖/花碌碌信紙💓
‼️ 懲教署會審閱每封書信，各位寫信師記得好好保護個人私隱
‼️由於部份懲教院所會使用消毒噴霧消毒信件，請盡量不要使用易化墨的墨水筆書寫，在此謹推薦部分品牌的筆：包括秀麗筆、Pilot Juice/Juice up等

❌ 請勿使用塗改液或改錯帶
❌ 勿附加任何裝飾，信紙不能有貼紙、金粉或立體裝置
❌ 信封内勿附加任何物品，如書籤及釘書機釘、錢、郵票、回郵信封、咭片等
❌ 勿用賀咭、硬咭紙、立體信紙或過厚信紙
❌ 切勿透露任何個人資料、發夢經歷、其他監獄情況、涉及逃獄的訊息及抗爭口號
❌ 避免寄直接列印、原文直出的新聞。如想寄新聞或者評論文章，請在文章上下寫上自己給Winnie的訊息，這才會被視為「個人信件」而獲准接收

⭕ 來信請於右下方註明頁數，方便處理
⭕ 內容可多寫感受、生活點滴、社會動態、個人近況
⭕ 請在信件上方預留空白位置，方便處理
⭕ 如希望Winnie回信，請於信封上留下回郵地址/聯絡方法

醫管局員工陣線