我的漫長staycation
Week 3
//大家好呀！又係我！話咁快就嚟到第三個星期了，大家是咪好掛住我呢hehe 上回講到我啱啱轉倉加第一日停探訪，到今日已經停咗6日探訪了 :( 不過冇探訪嘅日子又冇我想像中難捱，可能係因為呢到都有好多野可以做！例如寫信傾計畫畫睇書睇報紙訓覺，仲有一日三餐嘅食飯時間，計計下都幾忙下！有時為咗趕信期 連熄咗燈之後都繼續寫，真心喺喺呢到三個星期已經寫咗我一年嘅寫信字量！（我出返去應該有寫字恐懼症）......
呀！寫到呢到隻手已經痛痛地啦，啲字愈寫愈醜樣唔好問點解啦haha 近日我都繼續食得好（頭先食完粥好飽 有啲頂住個肚），不過都係訓得唔太好，唔知點解每晚我都會醒好多次（次次都起身執被，張床太細）而呢個時候都係我每日最唔開心嘅時間，因為發夢嘅世界好美好（其實我唔記得發咗咩夢大部分時間都），但只要喺外面我都覺得好好，一訓醒就發覺自己一直都身處呢個空間，有好大失落咁。但又唔好誤會，我唔係唔願接受現實，只係太想返出去做我未做完嘅野，講我未講完嘅說話，你地又明唔明白？
好啦唔講啲衰嘢講下其它嘢先！呢個星期慢慢收到唔少信了！開心！仲要好多都用kitty信紙寫，好有愛呀！💛💛望住咁多kitty真係回信都回得特別開心！喺呢到有唔少kitty知音，kitty畫冊超受歡迎呀！以前大家成日都嫌棄我鍾意kitty真係唔識貨！
呀！我呢排有個新發現！就係明報嘅體育新聞係A版入面，冇抽走！所以嚟緊都要訂明報睇（雖然佢體育得兩頁 ）今日睇報紙見到林柏特第二場帶領愛華頓就輸咗波，同埋曼聯比般尼迫和哈哈！可以睇到體育新聞嘅感覺好好，好似自己冇脫節得咁多。最近都睇咗唔少冬奧，但唔係好捕捉到港隊出場嘅時間，有冇人話返比我聽佢地成績點？
講開體育，我尋日喺呢度上咗第一堂嘅體育堂！感覺都幾新奇，會有PE衫比我地著，褲仲係得短褲嚟 一開始都幾凍，但郁多兩郁就暖了！我哋打咗陣羽毛球都幾好玩，等我下星期都join下先！喺到做運動嘅機會真係超難得啊！ ！ ！日日咁坐法真係唔知肥咗幾多:( 除咗體重之外喺呢度皮膚都差咗超多，唔開心呀！！！有冇人有洗面同護膚嘅好方法可以提供？？？
最後，大家覺唔覺得呢兩張信紙好靚呢？係我親手畫的！獨一無二的Hello Kitty信紙，咁樣寫信真係人都開心啲！好啦攰啦，寫住咁多先，下次見💛 PS記得要掛住我呀💛//
kristy_laihing
10/02/2022
等緊食晚飯好餓
Week 3
//大家好呀！又係我！話咁快就嚟到第三個星期了，大家是咪好掛住我呢hehe 上回講到我啱啱轉倉加第一日停探訪，到今日已經停咗6日探訪了 :( 不過冇探訪嘅日子又冇我想像中難捱，可能係因為呢到都有好多野可以做！例如寫信傾計畫畫睇書睇報紙訓覺，仲有一日三餐嘅食飯時間，計計下都幾忙下！有時為咗趕信期 連熄咗燈之後都繼續寫，真心喺喺呢到三個星期已經寫咗我一年嘅寫信字量！（我出返去應該有寫字恐懼症）......
呀！寫到呢到隻手已經痛痛地啦，啲字愈寫愈醜樣唔好問點解啦haha 近日我都繼續食得好（頭先食完粥好飽 有啲頂住個肚），不過都係訓得唔太好，唔知點解每晚我都會醒好多次（次次都起身執被，張床太細）而呢個時候都係我每日最唔開心嘅時間，因為發夢嘅世界好美好（其實我唔記得發咗咩夢大部分時間都），但只要喺外面我都覺得好好，一訓醒就發覺自己一直都身處呢個空間，有好大失落咁。但又唔好誤會，我唔係唔願接受現實，只係太想返出去做我未做完嘅野，講我未講完嘅說話，你地又明唔明白？
好啦唔講啲衰嘢講下其它嘢先！呢個星期慢慢收到唔少信了！開心！仲要好多都用kitty信紙寫，好有愛呀！💛💛望住咁多kitty真係回信都回得特別開心！喺呢到有唔少kitty知音，kitty畫冊超受歡迎呀！以前大家成日都嫌棄我鍾意kitty真係唔識貨！
呀！我呢排有個新發現！就係明報嘅體育新聞係A版入面，冇抽走！所以嚟緊都要訂明報睇（雖然佢體育得兩頁 ）今日睇報紙見到林柏特第二場帶領愛華頓就輸咗波，同埋曼聯比般尼迫和哈哈！可以睇到體育新聞嘅感覺好好，好似自己冇脫節得咁多。最近都睇咗唔少冬奧，但唔係好捕捉到港隊出場嘅時間，有冇人話返比我聽佢地成績點？
講開體育，我尋日喺呢度上咗第一堂嘅體育堂！感覺都幾新奇，會有PE衫比我地著，褲仲係得短褲嚟 一開始都幾凍，但郁多兩郁就暖了！我哋打咗陣羽毛球都幾好玩，等我下星期都join下先！喺到做運動嘅機會真係超難得啊！ ！ ！日日咁坐法真係唔知肥咗幾多:( 除咗體重之外喺呢度皮膚都差咗超多，唔開心呀！！！有冇人有洗面同護膚嘅好方法可以提供？？？
最後，大家覺唔覺得呢兩張信紙好靚呢？係我親手畫的！獨一無二的Hello Kitty信紙，咁樣寫信真係人都開心啲！好啦攰啦，寫住咁多先，下次見💛 PS記得要掛住我呀💛//
kristy_laihing
10/02/2022
等緊食晚飯好餓
鎖倉日子2⛓
‘’而家收押所好似每日都有人中招 望落操場間唔中都會有啲着晒保護衣嘅職員對住某一兩個所員一路行一路噴啲消毒噴霧直至佢哋上旅遊巴運往其他作隔離用的監獄。
睇見呢幕有時會覺得佢哋好慘，係一個杳無音信嘅地方被單獨隔離直至好返，短極都三兩個月，完全無法想像其難捱程度⋯⋯宜家仲要停晒court ，政府啲應對措施又差，有資源都會用喺外面嘅市民先，呢班染疫而被長期隔離嘅所員日後遭遇可想而知會幾咁慘⋯⋯‘’
***
☠️
希望快啲恢復探訪，在囚人士唔洗再被隔離，佢哋入面已經無電話/娛樂，再單獨隔離真係會顛☠️
神算子Patreon
‘’而家收押所好似每日都有人中招 望落操場間唔中都會有啲着晒保護衣嘅職員對住某一兩個所員一路行一路噴啲消毒噴霧直至佢哋上旅遊巴運往其他作隔離用的監獄。
睇見呢幕有時會覺得佢哋好慘，係一個杳無音信嘅地方被單獨隔離直至好返，短極都三兩個月，完全無法想像其難捱程度⋯⋯宜家仲要停晒court ，政府啲應對措施又差，有資源都會用喺外面嘅市民先，呢班染疫而被長期隔離嘅所員日後遭遇可想而知會幾咁慘⋯⋯‘’
***
☠️
希望快啲恢復探訪，在囚人士唔洗再被隔離，佢哋入面已經無電話/娛樂，再單獨隔離真係會顛☠️
神算子Patreon
【沙門】
今日純粹係啱啱聽完陳蕾隻新歌「沙門」後，突然有靈感而出黎，於正如陳蕾呢隻係一首表達佛教中「沙門」既修行中既狀態一樣。我係吉吉既元素入面試下加入「修行僧」既元素入去，咁啱睇緊「overlord」入面到左攻打Lizard man既部份，其中一隻叫zenbru、gugu既角色職業亦係修行僧，於是幫吉吉戴上僧帽同佛珠：P。另外嘗試將「毛筆書法字體」同「沙」既呢2個元素融合，但我發現我對毛筆字係幾乎「0認識」，最後只勉強做到咁Em....感覺可以做得更加好，或者下次試下同「沙畫」結合試下點~目前就咁收住貨先la ：P。
仲有件事想提一下，今日見到報紙話有鋪頭受襲，實在令人憤怒，但並不代表處於被動就咩防備都無，正所謂「防人之心不可無」，你都要注意下呀，如果你D朋友有開鋪頭，係門口加多2-3個cam，做好最起碼既自我保障呀！
2022.2.14
沙門，陳蕾 ：)。
文浩的365日manhoinjail
今日純粹係啱啱聽完陳蕾隻新歌「沙門」後，突然有靈感而出黎，於正如陳蕾呢隻係一首表達佛教中「沙門」既修行中既狀態一樣。我係吉吉既元素入面試下加入「修行僧」既元素入去，咁啱睇緊「overlord」入面到左攻打Lizard man既部份，其中一隻叫zenbru、gugu既角色職業亦係修行僧，於是幫吉吉戴上僧帽同佛珠：P。另外嘗試將「毛筆書法字體」同「沙」既呢2個元素融合，但我發現我對毛筆字係幾乎「0認識」，最後只勉強做到咁Em....感覺可以做得更加好，或者下次試下同「沙畫」結合試下點~目前就咁收住貨先la ：P。
仲有件事想提一下，今日見到報紙話有鋪頭受襲，實在令人憤怒，但並不代表處於被動就咩防備都無，正所謂「防人之心不可無」，你都要注意下呀，如果你D朋友有開鋪頭，係門口加多2-3個cam，做好最起碼既自我保障呀！
2022.2.14
沙門，陳蕾 ：)。
文浩的365日manhoinjail
【初選案還押一周年】
望望日曆，上年嘅今日係初選案47人去警署報到嘅日子。
猶記得報到前同吳生嘅最後一次對談，佢好凝重咁話今次報到佢都唔知出唔出得返嚟。吳生不嬲都好少「過份憂慮」，面對呢個情況，我唔識得回應，淨係講：「無事嘅！🥲」
事實證明，佢真係無「過份憂慮」。
呢一年，相信除咗47人之外，每一位家人嘅生活都有翻天覆地嘅改變。除咗要面對好多自己從來無諗過有需要學習嘅法律程序，仲要奔波勞碌去探訪、搵物資、同埋學習適應屋企「少咗一個人」嘅日常生活。呢一切一切都非常唔簡單。
至於朋友，都過得唔容易。小編最大嘅感想係:「現實真係一顆煉金石，但我未準備好被煉呀…😅」
小編無想像過自己有一日會做小編，亦無諗過原來做朋友都需要無比毅力，要持之以恆咁關注同投放心力。坦白講，喺正常嘅日子小編邊有咁多時間得閒就問下朋友「近況如何呀？」、「心情如何呀？」。但喺呢啲日子，自己都會重新思考，如果每個人嘅關心都唔表現出嚟，唔得閒「煩」下朋友，朋友根本唔會知道自己有人關心佢，特別係喺呢啲日子，如果「被遺忘」，感覺應該會更難受。
雖然每個人嘅經歷都唔同，但同時亦都大同小異。一年剛剛過去，小編想同每一位關心47人案嘅親友講聲：
「辛苦了🙇🏻♀️」
同時亦都想感謝每一位仍然關注吳生嘅朋友。小編知道，能夠到而家呢一刻都堅持默默關注都已經係一件非常唔容易嘅事，亦都好感激呢一年嚟曾經幫助過吳生或者關注組嘅朋友，雖然現實係充斥住巨大嘅無力感，但起碼我哋唔係孤獨，我哋仍然可以互相扶持🫂。
最後，希望各人都可以平安，案中嘅每一位都可以盡早歸來同親友團聚💛。
⭐ 支持吳政亨(李伯盧)關注組 Patreon：
https://www.patreon.com/GordonNgConcernGroup
---------------------------------
吳政亨（李伯盧）關注組
望望日曆，上年嘅今日係初選案47人去警署報到嘅日子。
猶記得報到前同吳生嘅最後一次對談，佢好凝重咁話今次報到佢都唔知出唔出得返嚟。吳生不嬲都好少「過份憂慮」，面對呢個情況，我唔識得回應，淨係講：「無事嘅！🥲」
事實證明，佢真係無「過份憂慮」。
呢一年，相信除咗47人之外，每一位家人嘅生活都有翻天覆地嘅改變。除咗要面對好多自己從來無諗過有需要學習嘅法律程序，仲要奔波勞碌去探訪、搵物資、同埋學習適應屋企「少咗一個人」嘅日常生活。呢一切一切都非常唔簡單。
至於朋友，都過得唔容易。小編最大嘅感想係:「現實真係一顆煉金石，但我未準備好被煉呀…😅」
小編無想像過自己有一日會做小編，亦無諗過原來做朋友都需要無比毅力，要持之以恆咁關注同投放心力。坦白講，喺正常嘅日子小編邊有咁多時間得閒就問下朋友「近況如何呀？」、「心情如何呀？」。但喺呢啲日子，自己都會重新思考，如果每個人嘅關心都唔表現出嚟，唔得閒「煩」下朋友，朋友根本唔會知道自己有人關心佢，特別係喺呢啲日子，如果「被遺忘」，感覺應該會更難受。
雖然每個人嘅經歷都唔同，但同時亦都大同小異。一年剛剛過去，小編想同每一位關心47人案嘅親友講聲：
「辛苦了🙇🏻♀️」
同時亦都想感謝每一位仍然關注吳生嘅朋友。小編知道，能夠到而家呢一刻都堅持默默關注都已經係一件非常唔容易嘅事，亦都好感激呢一年嚟曾經幫助過吳生或者關注組嘅朋友，雖然現實係充斥住巨大嘅無力感，但起碼我哋唔係孤獨，我哋仍然可以互相扶持🫂。
最後，希望各人都可以平安，案中嘅每一位都可以盡早歸來同親友團聚💛。
⭐ 支持吳政亨(李伯盧)關注組 Patreon：
https://www.patreon.com/GordonNgConcernGroup
---------------------------------
吳政亨（李伯盧）關注組
今日上庭，家成托家人向各位朋友傳達以下口訊：
「我ok嘅，狀態都幾好，係一開頭隔離21日到宜家『釘倉』[1] 基本上冇得出去『行街』[2]、做運動，條腰、啲肌肉有啲壞壞地，但其他所有野都ok嘅唔使太擔心！最緊要大家平平安安、身體健康、逍遙法外啦！」
編按：一年前的今日，包括家成在內的47位民主派人士被落案起訴、審訊、還柙，當中不少人已被未審先囚一年。這一年間不論香港抑或是整個世界都經歷翻天覆地的轉變，每天的新聞都不斷衝擊著我們既有的世界觀。前路不見得平坦，但不管如何，都希望大家能繼續關注一眾正在或即將為香港失去自由的手足，同時要繼續保持希望與鬥志，千萬不要被紛亂的世界擊潰。
[1] 即獨立囚禁
[2] 亦稱「放風」，意指離開囚倉到室外地方做運動
-----
📢關心家成的朋友，歡迎訂閱patreon，支援家成：https://www.patreon.com/owenchow
📮歡迎寫信師們寫信俾家成
✅請計算好郵費，將郵票同埋一個空白信封，連同信件一同寄去：
「荃灣郵政局郵政信箱1342號」
❌信封不要註明「鄒家成」
詳情請參閱：
https://www.facebook.com/owenchowkashing/photos/a.114295539977826/697048778369163
鄒家成
「我ok嘅，狀態都幾好，係一開頭隔離21日到宜家『釘倉』[1] 基本上冇得出去『行街』[2]、做運動，條腰、啲肌肉有啲壞壞地，但其他所有野都ok嘅唔使太擔心！最緊要大家平平安安、身體健康、逍遙法外啦！」
編按：一年前的今日，包括家成在內的47位民主派人士被落案起訴、審訊、還柙，當中不少人已被未審先囚一年。這一年間不論香港抑或是整個世界都經歷翻天覆地的轉變，每天的新聞都不斷衝擊著我們既有的世界觀。前路不見得平坦，但不管如何，都希望大家能繼續關注一眾正在或即將為香港失去自由的手足，同時要繼續保持希望與鬥志，千萬不要被紛亂的世界擊潰。
[1] 即獨立囚禁
[2] 亦稱「放風」，意指離開囚倉到室外地方做運動
-----
📢關心家成的朋友，歡迎訂閱patreon，支援家成：https://www.patreon.com/owenchow
📮歡迎寫信師們寫信俾家成
✅請計算好郵費，將郵票同埋一個空白信封，連同信件一同寄去：
「荃灣郵政局郵政信箱1342號」
❌信封不要註明「鄒家成」
詳情請參閱：
https://www.facebook.com/owenchowkashing/photos/a.114295539977826/697048778369163
鄒家成
💌
好想你減到肥變大隻仔
之後見到我會開心到喊個日快啲到🥺
我已經差唔多一個月冇見得你了
http://www.patreon.com/running__hand/
👆🏻👆🏻可以訂閱我既Patreon
運轉手running__hand
好想你減到肥變大隻仔
之後見到我會開心到喊個日快啲到🥺
我已經差唔多一個月冇見得你了
http://www.patreon.com/running__hand/
👆🏻👆🏻可以訂閱我既Patreon
運轉手running__hand
郭小杰榮獲第三十屆香港舞台劇獎提名
小編在此為大家帶來好消息，郭小杰憑《通菜街喪屍戰》（風車草劇團），榮獲第三十屆香港舞台劇獎提名，最佳男配角（喜劇 / 鬧劇）。
總算在艱苦的日子中帶來一點甜，小編跟大家一樣，都希望透過文字恭喜小杰，那就事不宜遲，快寫信給小杰吧！
－－－－－－－－－－－－－－－－
由於近期場地再度關閉至4月20日，第三十屆香港舞台劇頒獎典禮需再度延期，詳情有待公佈。
小杰 SiuuKit Patreon
小編在此為大家帶來好消息，郭小杰憑《通菜街喪屍戰》（風車草劇團），榮獲第三十屆香港舞台劇獎提名，最佳男配角（喜劇 / 鬧劇）。
總算在艱苦的日子中帶來一點甜，小編跟大家一樣，都希望透過文字恭喜小杰，那就事不宜遲，快寫信給小杰吧！
－－－－－－－－－－－－－－－－
由於近期場地再度關閉至4月20日，第三十屆香港舞台劇頒獎典禮需再度延期，詳情有待公佈。
小杰 SiuuKit Patreon
最近郵政既問題真係delay 得好嚴重
代理人3月1號先收到糖妹7號寄出黎既信
大家有信都可以寄住去個郵箱先
不過應該要等疫情好返啲先可以去到收信
因為代理人表示最近如非必要都不出家門
最後提提大家大欖既消毒郵件方式係霧氣同打燈
所以寄俾糖妹既信可以放心寫
祝大家身體健康
烘焙小店2.0 shirleyswine_2.0
代理人3月1號先收到糖妹7號寄出黎既信
大家有信都可以寄住去個郵箱先
不過應該要等疫情好返啲先可以去到收信
因為代理人表示最近如非必要都不出家門
最後提提大家大欖既消毒郵件方式係霧氣同打燈
所以寄俾糖妹既信可以放心寫
祝大家身體健康
烘焙小店2.0 shirleyswine_2.0
🤒
今日收到褔利官電話…
話你確診…而且第三日了..
擔心中…..
http://www.patreon.com/running__hand/
👆🏻👆🏻可以訂閱我既Patreon
運轉手running__hand
今日收到褔利官電話…
話你確診…而且第三日了..
擔心中…..
http://www.patreon.com/running__hand/
👆🏻👆🏻可以訂閱我既Patreon
運轉手running__hand
【下次再見啦～唔知幾時呢～】
上庭日期又改咗，多謝一眾朋友對佢嘅關心。我哋都唔敢答實下次係幾時，今次都係上庭前一日先收到通知會改😵💫疫情爆得太嚴重。由於隔離左右有囚友確診，所以都需要隔離，倉內有隔離措施。
佢叫我哋唔駛擔心佢。亦希望大家都健康🙇🏼
詳細內容可以喺patreon瀏覽👇🏻
——————————————————
歡迎大家支持工程巴嘅patreon💛
http://www.patreon.com/engineers9up
Instagram：@engineers9up
不實用Engineer’s 9up
上庭日期又改咗，多謝一眾朋友對佢嘅關心。我哋都唔敢答實下次係幾時，今次都係上庭前一日先收到通知會改😵💫疫情爆得太嚴重。由於隔離左右有囚友確診，所以都需要隔離，倉內有隔離措施。
佢叫我哋唔駛擔心佢。亦希望大家都健康🙇🏼
詳細內容可以喺patreon瀏覽👇🏻
——————————————————
歡迎大家支持工程巴嘅patreon💛
http://www.patreon.com/engineers9up
Instagram：@engineers9up
不實用Engineer’s 9up
【FIESTER】
今日同你介紹一隊我終於搵到個名既本地女子band la！佢地就係---「FIESTER」！
亦就係我之前所講，「身軀細小就是可愛！」既樂隊la。值得一提既係佢地所有成員都係女仔黎既，令我諗起日本嗰隊叫「Scandal」既女子樂隊，當年仲以著校服作為生招牌…如今仲係經常有好成績仲非常活躍添。呀…句歌詞應該係「身軀細小就界定為可愛」先啱。BTW細細粒的確係會感覺可愛D~❤。
另外我有D驚喜既地方係居然會係最新歌「形意標纖」入面加入左screaming既部份，而另一有D意外既部份係佢地係一支「重型樂隊」，呢點亦令我印象有D深刻，而screaming嗰part或者係對人地Tag上去比佢地既「標纖「作出反擊既怒吼，呢一part既構思亦十分有意思同大膽…要知道一隊band想走主流路線係須要考慮受眾既問題，係呢一點上面要堅持自己既音樂又有種挑戰大家接受程度能力既玩味係一種加分因素：)而且亦比呢隻歌震撼左我耳仔一下，所以就成為2月份「吉吉特」既推薦la~
請你都留意下佢地la：)
2022.2.5
-------------------------------
如果大家想支持文浩，歡迎訂閱、追踪：
patreon: https://www.patreon.com/manhoinjail
FB:文浩的365日
IG:manhoinjail
文浩的365日manhoinjail
今日同你介紹一隊我終於搵到個名既本地女子band la！佢地就係---「FIESTER」！
亦就係我之前所講，「身軀細小就是可愛！」既樂隊la。值得一提既係佢地所有成員都係女仔黎既，令我諗起日本嗰隊叫「Scandal」既女子樂隊，當年仲以著校服作為生招牌…如今仲係經常有好成績仲非常活躍添。呀…句歌詞應該係「身軀細小就界定為可愛」先啱。BTW細細粒的確係會感覺可愛D~❤。
另外我有D驚喜既地方係居然會係最新歌「形意標纖」入面加入左screaming既部份，而另一有D意外既部份係佢地係一支「重型樂隊」，呢點亦令我印象有D深刻，而screaming嗰part或者係對人地Tag上去比佢地既「標纖「作出反擊既怒吼，呢一part既構思亦十分有意思同大膽…要知道一隊band想走主流路線係須要考慮受眾既問題，係呢一點上面要堅持自己既音樂又有種挑戰大家接受程度能力既玩味係一種加分因素：)而且亦比呢隻歌震撼左我耳仔一下，所以就成為2月份「吉吉特」既推薦la~
請你都留意下佢地la：)
2022.2.5
-------------------------------
如果大家想支持文浩，歡迎訂閱、追踪：
patreon: https://www.patreon.com/manhoinjail
FB:文浩的365日
IG:manhoinjail
文浩的365日manhoinjail
小編探訪札記 #63
#2022年3月4日
#荔枝角收押所
#63
今篇札記實為「小編冇得探訪札記」。
小杰牆內修煉已經去到第63日，距離小編2月4日最後一次見佢，已經足足有一個月嘅時間冇見過佢了。呢一個月嘅日子相信比起泊正嘅日子更艱難，因為泊正之後起碼每個月都有2次探訪，而家停止探訪足足一個月，仲要擔驚受怕小杰喺牆內嘅疫情。信件又嚴重濟後，平均一星期先收到一次佢寄出嘅信，即使維持有書信來往，卻永遠都追唔上雙方生活嘅步伐，基本上我哋真係生活喺兩個時空咁。小編希望而家，已經係我哋經歷最差嘅景況，將來唔會有更差嘅出現。
昨日收到小杰俾小編嘅信，都略略同大家交代一下佢喺牆內嘅情況：
//荔枝角疫情嚴重，昨天有廚房人中咗，然後全世界食普通飯嘅人都變成有得食私飯外賣，不過都只係大家樂，我啲飯都係好食啲嘅。有啲黑手話咁多年嚟都未試過咁嘅安排。聽聞我哋期數係全收押所幸存嘅2個期數，冇人感染，其他全部有確診。而家我哋每日都會做檢測，我今日報咗名打疫苗喇，最後我都選擇打復必泰，我唔想日後因為疫苗問題影響探訪，我擔心出面嘅你哋呀，我呢到反而好安全，我擔心我媽同bb（澄清係小杰妹妹個bb，小編冇bb），啲新聞都幾得人驚，幫我問候signal gruop裡面我所有嘅朋友，我很想你們！
呢個星期我沉迷咗《炎炎消防隊》，同埋東野圭吾《沉默的遊行》，我成日都有睇相，原來相片一個月最多可以入60張，20張收到之後我可以額外再申請多20張，咁以後可以入多啲俾我喇！我知道好多人俾利是我，幫我逐一多謝佢哋，多謝佢哋咁照顧我，我下世都還唔完人情債。裡面好多人都冇信收，我其實每次收信都差唔多十幾廿封，有點開心。// 寫於22年2月22日。
仲記得第一日去收押所探訪時候，聽到一位阿姐問：「阿蛇，想問你哋初一至初三開唔開㗎？」白髮高級懲教阿蛇相當冷靜睿智地回答咗一句：「地球唔爆炸，我哋唔放假。講完。」當日簡而精嘅說話，今日俾一場疫症破攻了。裡面啲黑手話收押所咁耐以嚟係未試過停運作，相信世上只有人為COVID嚴重過地球爆炸。
最後，思念係無限嘅。我哋幾時會再見？
－－－－－－－－－－－－－－
歡迎大家寫信俾小杰！詳情請留意之前發佈嘅文章🌻
小杰 SiuuKit Patreon
#2022年3月4日
#荔枝角收押所
#63
今篇札記實為「小編冇得探訪札記」。
小杰牆內修煉已經去到第63日，距離小編2月4日最後一次見佢，已經足足有一個月嘅時間冇見過佢了。呢一個月嘅日子相信比起泊正嘅日子更艱難，因為泊正之後起碼每個月都有2次探訪，而家停止探訪足足一個月，仲要擔驚受怕小杰喺牆內嘅疫情。信件又嚴重濟後，平均一星期先收到一次佢寄出嘅信，即使維持有書信來往，卻永遠都追唔上雙方生活嘅步伐，基本上我哋真係生活喺兩個時空咁。小編希望而家，已經係我哋經歷最差嘅景況，將來唔會有更差嘅出現。
昨日收到小杰俾小編嘅信，都略略同大家交代一下佢喺牆內嘅情況：
//荔枝角疫情嚴重，昨天有廚房人中咗，然後全世界食普通飯嘅人都變成有得食私飯外賣，不過都只係大家樂，我啲飯都係好食啲嘅。有啲黑手話咁多年嚟都未試過咁嘅安排。聽聞我哋期數係全收押所幸存嘅2個期數，冇人感染，其他全部有確診。而家我哋每日都會做檢測，我今日報咗名打疫苗喇，最後我都選擇打復必泰，我唔想日後因為疫苗問題影響探訪，我擔心出面嘅你哋呀，我呢到反而好安全，我擔心我媽同bb（澄清係小杰妹妹個bb，小編冇bb），啲新聞都幾得人驚，幫我問候signal gruop裡面我所有嘅朋友，我很想你們！
呢個星期我沉迷咗《炎炎消防隊》，同埋東野圭吾《沉默的遊行》，我成日都有睇相，原來相片一個月最多可以入60張，20張收到之後我可以額外再申請多20張，咁以後可以入多啲俾我喇！我知道好多人俾利是我，幫我逐一多謝佢哋，多謝佢哋咁照顧我，我下世都還唔完人情債。裡面好多人都冇信收，我其實每次收信都差唔多十幾廿封，有點開心。// 寫於22年2月22日。
仲記得第一日去收押所探訪時候，聽到一位阿姐問：「阿蛇，想問你哋初一至初三開唔開㗎？」白髮高級懲教阿蛇相當冷靜睿智地回答咗一句：「地球唔爆炸，我哋唔放假。講完。」當日簡而精嘅說話，今日俾一場疫症破攻了。裡面啲黑手話收押所咁耐以嚟係未試過停運作，相信世上只有人為COVID嚴重過地球爆炸。
最後，思念係無限嘅。我哋幾時會再見？
－－－－－－－－－－－－－－
歡迎大家寫信俾小杰！詳情請留意之前發佈嘅文章🌻
小杰 SiuuKit Patreon
🐷今日呢封信都係食飽dinner先寫俾你，今日起身流鼻水喉嚨痛，琴晚可能太凍啦，凍到流鼻水啲鼻水倒流。
今朝先同佢決定兩張床拍埋一齊瞓，搞完一大輪安頓好晒，突然話有大粒野殺到，拍床嘅分翻開，灰咗機！跟住就到派藥，食完藥就不停咁瞓，瞓到天昏地暗，瞓到食早餐，今朝早餐食漢堡扒午餐肉蛋公仔麵，菠蘿包！好食，個湯仲要係咖喱湯超正！
🤦🏻♀️呢個係21號嘅信呢
小小心意唔區既訂閱連結：
https://www.patreon.com/Buxmas2021
豬仔包buxmas2021
今朝先同佢決定兩張床拍埋一齊瞓，搞完一大輪安頓好晒，突然話有大粒野殺到，拍床嘅分翻開，灰咗機！跟住就到派藥，食完藥就不停咁瞓，瞓到天昏地暗，瞓到食早餐，今朝早餐食漢堡扒午餐肉蛋公仔麵，菠蘿包！好食，個湯仲要係咖喱湯超正！
🤦🏻♀️呢個係21號嘅信呢
小小心意唔區既訂閱連結：
https://www.patreon.com/Buxmas2021
豬仔包buxmas2021
四五個月來循環循環的上庭，倒真是很好的練習，讓我終於好像克服到一點上庭說話的緊張和壓力。
哈哈，其實我真不是大家想像中那種典型的大狀，什麼口才一流、雄辯滔滔、反應神速，從小到大都沒我的份。講話又快、又懶音、又口齒不清的才是我。但正正是知道自己口才不好，所以才更要逼自己面對和克服自己的弱點吧，選這麼個行業，未嘗沒有逼自己，去面對自己所恐懼的事之意（當然也不只是有這個自虐的原因啦）。慚愧的是，執了幾年業但上庭時的緊張依舊，還是未能夠揮灑自如、我口講我心。於是總是想避開出庭，只躲房裏寫文件，所以，我大概算比較悶蛋型、研究型的大律師？
才華不夠只能靠準備功夫搭救，起碼，我有信心，我的法律知識還是算扎實的。現在倒好，成了被告人就不可能只躲房間寫陳詞啦。但大概真是船到橋頭自然直，現在上庭腿不抖了，心也不亂跳了。也許是工多藝熟，但更可能是多得大家一直在外支持我，給我信心吧。
所以呢，寫那麼一大段話，想講的其實是，口才不好也可以做大律師的，千萬不要被各種定型限死自己。
鄒幸彤
哈哈，其實我真不是大家想像中那種典型的大狀，什麼口才一流、雄辯滔滔、反應神速，從小到大都沒我的份。講話又快、又懶音、又口齒不清的才是我。但正正是知道自己口才不好，所以才更要逼自己面對和克服自己的弱點吧，選這麼個行業，未嘗沒有逼自己，去面對自己所恐懼的事之意（當然也不只是有這個自虐的原因啦）。慚愧的是，執了幾年業但上庭時的緊張依舊，還是未能夠揮灑自如、我口講我心。於是總是想避開出庭，只躲房裏寫文件，所以，我大概算比較悶蛋型、研究型的大律師？
才華不夠只能靠準備功夫搭救，起碼，我有信心，我的法律知識還是算扎實的。現在倒好，成了被告人就不可能只躲房間寫陳詞啦。但大概真是船到橋頭自然直，現在上庭腿不抖了，心也不亂跳了。也許是工多藝熟，但更可能是多得大家一直在外支持我，給我信心吧。
所以呢，寫那麼一大段話，想講的其實是，口才不好也可以做大律師的，千萬不要被各種定型限死自己。
鄒幸彤
Apple 的話：
知道仲要延遲到3月20號先有得探，近排收信又收小左，想知近況都難左好多。
不過謙仔都好有心透過褔利官每日打黎報平安，話自己檢測結果係陰性，健健康康啊！只係近排鎖倉，咩都冇得做，心情都好鬱悶咁。
仲有叫我同大家都要好好保重身體！人冇事先可以做到世界冠軍架嘛！
編註：呢d畫都係謙謙畫Apple最愛嘅卡通人物，素描係呢兩個月努力被迫閉關練習嘅成果。最後一幅係實物...都幾似吖...hhh🙈
三粒星saamlapsing
知道仲要延遲到3月20號先有得探，近排收信又收小左，想知近況都難左好多。
不過謙仔都好有心透過褔利官每日打黎報平安，話自己檢測結果係陰性，健健康康啊！只係近排鎖倉，咩都冇得做，心情都好鬱悶咁。
仲有叫我同大家都要好好保重身體！人冇事先可以做到世界冠軍架嘛！
編註：呢d畫都係謙謙畫Apple最愛嘅卡通人物，素描係呢兩個月努力被迫閉關練習嘅成果。最後一幅係實物...都幾似吖...hhh🙈
三粒星saamlapsing