今日之後，呢個倉的人可能會各散東西唔知大家去邊度，同埋地方易會污糟啲，我喺隔離倉呢邊，間房整得好乾淨，間房又唔臭！

喺依度周圍都見到貓貓，佢哋係唔俾人摸嘅，我成日撩佢哋都唔睬我嘅，串到西咁😌

同埋有信收，睇到你啲信同見到你15分鐘係我每日食糧！再睇埋我哋啲相可以令我心情開心啲，我每日都係咁令我自己好過啲～

小小心意唔區既訂閱連結：
https://www.patreon.com/Buxmas2021

豬仔包 buxmas2021

各位寫信師請留意，原信箱地址為姜牧師借出作收信用途，因姜牧發生事情，收信位置將再作安排，如信件已寄出請通知admin,另外在此祝願大a及姜牧師平安，一齊等待回復自由既一日

大a宅男上船週記

賣菜絲有有信比大家

13/1/2022（第十五日）
1. 終於入咗嚟半個月～時間過得都幾快，過多兩日就要同喺度識同樣被告riot嘅女仔say goodbye，希望之後羅湖可以同倉～

2. 今日零運動時間，要坐喺櫈到由朝到傍晚，可以睇書、電視、畫畫、寫信、發呆同瞓覺。不過嚟到非常嘈吵而且極強煙味，遲早肺癌，要喺呢10幾日認真諗清楚去唔去煙倉，我愛我個肺。

3. 發現啲friend都唔寫信俾我，然後嚟探我就會一臉歉意咁😆建議無寫可以唔使咁淆😼寫返道歉信賠罪就可以啦～

4. 今日收到六封信～非常高興啊🤩無論係親手寫定影印，我都咁開心㗎！！

5. 今日聽佢哋講已經有人問拎朱古力😨好彩我仲未，我嗰間房嘅人都好nice下～我問乜都答我～仲會傾吓計～

6. 私飯得15分鐘時間，好chur，尤其係晚餐，要搣橙，要快速吞

7. 遇到之前細倉姑娘們，佢哋分別都語重心長叫我努力啲，小心啲，呢度咩人都有，唔好學壞

8. 聽人分享一間房曾經26人，真係好迫，見到自己仲瞓緊單人床（非上下床），真係算好彩

9. 聽講大家收到我嘅信～基本上我每日都有出信～（除非寄失）啲字唔靚sor😝可以印啲硬筆書法俾我練字～等我寫得一手好字

10. 間房無枱用～但聽講大家睇畫睇得好開心，麻煩核突照收貨，尤其係我依家借唔到擦膠啊😖

P.S. 因為我屋企人好鍾意呢兩隻貓，所以我學畫佢畫滿兩頁紙，不過係單得簿到～

本土野 Local Yeah

小編探訪札記 #15

#2022年1月15日

#荔枝角收押所

#15

等咗個半鐘，終於可以見小杰。今日明顯佢個樣有啲攰，應該係因為感冒，不過懲教每晚都有俾感冒藥佢食，所以還好喇。今日有好多公務事要處理，主要關於屋企人即將見感化官的事。跟進郵票終於到小杰手上，收音機、包頭袋依然等緊。私飯方面終於攞咗批文，探訪完畢之後亦都已經去咗餐廳幫佢揀好咗食咩，ok 係有雞煲同羊腩煲食嘅，都有少少開心喇。

今日企喺我隔離嘅係小杰爸爸。講完公事之後，爸爸交代一下屋企狀況，循例叫小杰唔洗擔心媽媽，阿爸都會好好照顧自己等等嘅說話。爸爸又提供下意見關於Patreon上的文章可以寫啲咩，令到多啲人有追看性。都幾搞笑，我同小杰對望微笑，爸爸好似好認真咁。當個計時器仲有1分鐘嘅時候，爸爸依然講緊點樣寫文章可以寫得好啲，小杰見況就索性打斷爸爸，講一啲最後一分鐘佢想講嘅說話。佢話1月21號就係佢隔離完嘅日子（疫情下的措施），佢會「升班」，由2樓升去3樓，加入正式期數（班房），會去第二棟Building生活（都係荔枝角收押所喇當然），適應新嘅人，新嘅環境。佢而家係同同案的第三被告一齊生活一齊瞓，由朝對到晚咁話喎。最後十秒，「記得保暖呀！」「你都係！我愛你！」「我都愛你！」，韓式心心，斷線，離開視窗。

小杰 SiuuKit Patreon

【叱咤🎖】

聽叱咤（頒獎禮）有好多搞笑的事呢，包括我認為最好笑的艾粒，他們講自己是歷史最久的組合時笑死我😆林海峰也好有趣，好符合他的性格和作風。我好喜歡的Rubber Band和黃妍也有得獎，可惜黃妍只是拿銀獎呢～而Rubber Band的《Ciao》真的好有意思，拿到第一真的是實至名歸。

//他一直很留意和欣賞黃妍，覺得她的唱功很有個人風格，特別是她擁有一把甜美清新的聲線💕每逢黃妍有新歌（例如最近的《兩個月亮》）他都會特別留意電台呢(｡･ω･｡)

懇請每天 好好地過安定還是冒險
好好掛牽 來日後見
說了再見 約定再見
就會再見//

詳細版本同埋工程巴親手寫嘅信件內容 可以喺佢嘅patreon睇到💕
——————————————————
歡迎大家支持工程巴嘅patreon💛
http://www.patreon.com/engineers9up
Instagram：@engineers9up

不實用Engineer’s 9up

即日起停止收信啦！
多謝各位寫信師陪伴咗佢咁耐
仲有一段直路
佢就放學啦！
等佢到時再親自同大家講多謝啦！
男朋友都多謝各位比我有機會罰抄懲教地址
有得抄好過冇得抄🥸

1.490

唔好意思，好耐無同大家update了，小編有件事想請大家幫幫忙 🙏🏼

Lester在2020年1月至2021年5月期間任職荃灣海濱區區議員，與大家一起經歷全城口罩荒的時期，也一起在地區的大小議題上努力。

現因Lester的藐視法庭案開審在即，希望各位當區街坊可以就他在任期間的努力，每人撰寫一封感謝信（不用提及案件），以作在庭上求情之用 🙇🏻‍♀️🙏🏼

上款：敬啟者

下款：身份及署名
- 身份：荃灣區居民 / 海濱區居民 / 海濱店舖店主
- 署名：全名

內容：Lester任職區議員期間的貢獻（不用提及案件）

格式要求：普通信件格式，手寫或電子均可

收集日期：由於法庭程序需時，收集日期為即日起至本月底（1月31日）

遞交方法：
- 郵寄至 上環郵政信箱33854號 陳小姐收；或
- 電郵至 hoibunchange@gmail.com

十分感激 🙇🏻‍♀️🙇🏻‍♀️🙏🏼🙏🏼🙏🏼

岑敖暉

多謝咁多位回應 我總結下大家嘅回應
結論係個個院所都唔同 但女監最近係嚴咗

1.印嘢最好點都手寫啲字喺隔離 或者可以印單面畫個大交叉當廢紙 另一面手寫😂
2.內容重覆或者入面收到多過一份會大啲機會被ban
3.喺紙上面print相會當咗入相嘅quota(未fact check)
4.手寫信同印嘅嘢建議分開寄 等手足至少可以收到手寫信
🙏🏻🙏🏻🙏🏻

walkwithu__

🥚蛋之初體驗🥚

喺上星期，阿蛋終於過界返赤柱。

再一次見到穿著啡色衫嘅阿蛋，精神狀態明顯比之前好，對話反應亦漸漸回復過往，相信佢已經捱過之前喺荔枝角嘅「虛空期」。

😺：蛋哥，冇見十幾日，望落精神幾好啵😄
終於返到嚟赤柱，環境同之前有冇咩大分別呀？

🥚：OK 啦！咪又係咁。返咗嚟都差唔多成個禮拜，環境梗係唔同還柙嗰邊啦！但暫時都係二人倉！

😺：二人倉？你駛唔駛又跳芭蕾舞先？😂
講笑咋！點解嘅？

🥚：哦！因為我轉咗身份過嚟，都當係新仔，懲教怕有人「度頸」，所以會安排B仔陪新仔同倉一段時間，之後就會轉番單人倉。

😺：咁都好丫，咁呢段時間至少喺倉入面多個人陪你傾計，冇咁悶。

🥚：都OK啦👌🏻

😺：咁而家你去咗咩期數做嘢呀？

🥚：我去咗整鞋😂😂（阿蛋反應勁大😂）

😺：一講起做嘢，你好似好興奮啵😂

🥚：未試過嘛！幾好玩丫😂之前喺還柙嗰邊就係痴圖書封面，工作比較簡單；而家整鞋，做咗幾日，感覺幾新鮮😂

😺：咁就好啦😄同囚友相處OK嘛？

🥚：幾好丫，有啲囚友係還柙時識落，而家又撞番埋一齊，都叫有人傾下計，冇咁悶，好快又一日。

😺：咁你仲會唔會被調過界？定係留喺度直至出冊？

🥚：唔知懲教點安排，不過都理唔到咁多，佢要調我都冇辦法。

😺：咁又係！諗唔到嘅嘢就唔好諗！做好目前就夠啦！

🥚：啱呀！係呀，原來呢邊收信快過還柙嗰邊㗎！（又係勁興奮😍）

😺：有啲咁嘅事？

🥚：係呀！收齊哂信呀！😍

😺：咁正😄即係繼續一個信封一個筆友啦！

🥚：無錯👍🏻

😺：咁你回得切信嘛？夠唔夠郵票？

🥚：郵票暫時夠嘅！我收到信後會盡快回啦！因為要做嘢嘛！但我都怕回唔切😂😂

😺：盡做啦！

🥚：真係盡做咋！懲教出信有Quota🙈

😺：等你回信啦！下次見你就要等過年後，老土都要講句：「保重身體！」

🥚：收到👌🏻大家都要保重！

～～～～～～～～～～～～～～
Facebook ：ArDaan
Instagram : ar_daan_
阿蛋郵箱： 九龍中央郵箱 71488號
Email : lego_ardaan@protonmail.com
👇🏻如想繼續支持手足，可按心目中價值加入👇🏻
Patreon: www.patreon.com/ArDaan
～～～～～～～～～～～～～～

阿蛋 ar_daan_

寫這封信的時候也想不到有什麼東西可以寫或者能寫岀來😢

回信時間已系系上年十月，睇嚟真系一封家書以外的信，佢都收唔到🤬

願你都可以好好的、坦蕩蕩的過每一天！！！

#bringthemallback #yanbrother #zippo #windprooflighter #lego #撐手足撐到底 #save12hkyouths #我們不只一個數字 #鄧棨然 #喬映瑜 #wolrdwideshipping
#12hkyouth #星火同盟 #尖沙咀郵箱98697號 #香港人 #香港人加油 #yanlegobrother #saamlapsing #團結一致 #永不言敗

Yan's Lego Brother

‼️‼️‼️暫停收實體信安排‼️‼️‼️‼️

由於Crewbowl 地址於2月起唔可以再用
加上糖妹31號判刑
所以代理人決定開始暫停收呀妹既實體信
如果有新地址再通知大家收實體信安排

不過大家可以繼續做2件事：
1. 係糖妹既留言post 留言，代理人會cap 俾糖妹睇
2. 影你地既信俾代理人，代理人負責print 同寄

代理人會於新年後寄出新一堆信
另外感激呢段時間 @crewbowl 借左地址俾呀妹收信
同時都呼籲大家快啲幫手去懲罰下老闆娘

烘焙小店2.0 shirleyswine_2.0

//筆友大召集//

【梁婆婆 , Summer , Autie Sandy , Candy , Chris , Richard Woo , Mr Ronnie Lee, Pamela Ho , Siu Wai , Gloria.HK , 鷹姑姑 , Bear Bear , 蝌蚪坪 , Esther Ho , Vivian , Frankie Lau , 小木 】

P.S 除了以上朋友,如會長期寫信給子見的也請見字聯絡小編C🙏🏻🙏🏻

徐子見

「即使係呢到我都要學啲野，因為學到既，操到既先係自己既！」

睇到你咁積極面對，都放心左，keep住團🔥丫～

其次睇到minion個一段，真係覺得你好得意🤣

http://www.patreon.com/running__hand/
👆🏻👆🏻可以訂閱我既Patreon

運轉手 running__hand

尋筆友 格仔媽咪
請聯絡我地收信💛🙏🏻
@fung1seon3zi2

封信子 fung1seon3zi2

⭐️⭐️⭐️再次被保安部落order，唔准講入面嘅嘢，唔准講政治，唔准講国安！

小編致邪教：不如加埋唔俾講粗口同唔俾提人老母吖！On99! ☺️

外星人s~

Wuhu ，熱烈慶祝香港又多一位世一！😆🎉 正吖～唔知會唔會掀起一陣游水熱呢@@點都好，再一次祝大家Merry Christmas！

大家會點慶祝呢？@@我本身係一個唔在乎節日嘅人黎的，但有左Apple之後，我就好期待節日了～因為當佢嘅朋友約佢出去玩，我就可以彈一句「節日梗係陪男友啦！！！」HHH 😆

而咁多個節日，我最鍾意過嘅就係聖誕～因為Apple最鍾意…

就黎21號，又又又又又上court…上court本身都夠煩…最煩係我可能要同個條老千同cell 同一日…😵媽吖～呢啲老千死不悔改，仲要講到好似冤枉咁…不過好彩仲有一個智商76陪住我～唉…

再次祝大家聖誕快樂😊

Aka （靚仔星）😊

And 好多謝（好cute的）小強，恐龍，ISS，Koyuki ，小樸，（無限復合）Roy，Emiya, (??太潦了) hleludy, 同埋阮生☺️我收到你地嘅祝福了！感謝你地😆

P.S. 仲有封內容實在太無聊，無聊到應該無咩like嘅Aka絕密分享會喺Patreon 分享！記得Subscribe 三粒星Patreon!

三粒星 saamlapsing

☀️為逸戰徵收生日信☀️

踏入新一年，逸戰嘅21歲生日（13/2）亦將至，滿21歲的還押/在囚者需要「過界」至成人監倉，而且懲教所職員亦表明信件如果喺過界後先寄到，就會隨即棄置，唔會轉寄至逸戰新的還押院所，所以我哋而家提早為逸戰徵收生日信🙆🏻‍♂️

‼️截信日期：2月5號（請大家預留時間寄出信件，我哋2月5號或之前就會準備將所有信件寄俾逸戰）‼️

❗️注意事項❗️

💌信件要求
❌釘書釘、貼紙、絲帶、相片
❌塗改液／帶
❌含閃亮墨水的筆
❌賀卡／感謝卡／生日卡
❌立體、印有閃粉的信紙／卡
❌大於 A4 大小、過厚信紙
❌立體設計、有夾層的紙張／卡
❌敏感經歷
❌有關逃獄、暴力及色情的資訊／暗示
❌抗爭口號
❌政治敏感的題材

希望大家明白如果信件過於敏感，逸戰係唔會收到㗎🙈而且有可能被警告，所以大家如果想寄信比逸戰，就要留意信件規格同埋內容喇～最好就分享一啲日常嘅嘢，或者講下近排興嘅嘢，等佢同外界保持聯繫！逸戰就話佢想收到有以下幾個元素嘅信👇🏻

✅畫嘅圖畫
✅歌詞
✅靚靚信紙（但同時要留意以上嘅信紙要求🙏🏻）
-
我哋暫時提供兩個信箱收信📮
👉🏻東涌郵政局郵政信箱246號
👉🏻九龍旺角郵政局郵政信箱79265號
🔅溫馨提示：暫時本地平郵（30克至50克）嘅郵費係大約$2~$3.7，記得痴足郵票啊～

❗️請勿於信封寫收信人姓名，只須寫郵寄地址❗️

或者可以寫完scan做pdf檔send email比我哋㗎📩 我哋會幫手印完寄俾佢～
👉🏻 wongyatchin0213@gmail.com

麻煩大家寄信比我哋嘅時候，請喺信封入面裝多個無寫嘢嘅空信封同埋郵票比我哋🥺大量寄信嘅話，郵費都會成為親友嘅負擔😢望體諒🙏🏻

如果有任何地方唔明白，都可以inbox 問我哋㗎🤙🏻

-
支持逸戰Patreon👉🏻 https://www.patreon.com/Wong_YatChin?fan_landing=true

王逸戰

小編探訪札記 #18

#2022年1月18日

#荔枝角收押所

#18

有睇之前嘅札記就會知道，小杰而家係病咗，有咳有流鼻水。而家每日懲教都會派三轉藥，囚友自己舉手攞嚟食，主要係必理痛之類，小杰話佢個倉有一半嘅人都病咗，梗係喇，因為佢哋會交換嘢食喇，一支煙share幾個人食喇，基本上喺裡面冇人戴口罩喇，夜晚又凍，病都真係好正常。佢話自己會食多啲橙，飲多啲水，希望快啲好番，叫嚟探佢嘅朋友都唔洗擔心。除咗感冒之外，小杰嘅頭皮都有啲發炎，頭皮好乾，以致有頭皮出現（佢以前冇頭皮屑的），主要係用唔慣「花王飛逸」洗頭水，洗完頭髮feel到好乾旱，不過都冇計。沖涼時啲水溫得0同100㗎啫，冇中間，一係就淥熟，一係就凍到震，所以沖涼係好講技巧，又要乾淨又要快手。呢幾日見到佢件厚衫左邊心口白色格，寫住「KIT」（自己用原子筆寫），覺得幾搞笑，佢終於有件有佢名嘅衫，因為之前一直係著其他人名嘅衫。

17號開始轉食私飯，味道係比收押所嘅飯好，小杰表示為到半個月以來終於飲到咖啡而覺得好感動，頓時覺得杯熱咖啡真係好好飲。而裡面啲人對於小杰嗰杯熱齋啡不感興趣，所以佢都唔擔心被人搶走。今日探訪時佢話我知，見到隔離嗰個食韓國辛辣麵佢又好想食，不過以我所知今個星期五佢將會有雞煲嘅。

我日日探佢，當然就唔太覺得佢瘦咗，但身邊嘅朋友就係一個客觀嘅指標，已經有幾位朋友都覺得小杰係瘦咗，主要係塊面冇咁圓喇，肚腩細咗。我同佢講「唔好瘦呀！要keep圓，可愛啲先唔會俾人蝦呀！」，so far而家都有黑手（有背景的人）好關照佢，佢人緣都不錯，犀利。（雖然我記得Day1問佢有冇俾人蝦佢話有嘅）

另外有一個時刻我都一定要記低。佢將我入俾佢嘅4R相，當中有全家幅喇、我同河粉、河粉自己，佢將呢三張相都貼咗喺佢本記事簿嘅第一頁封面皮後面，佢隔住塊玻璃show俾我睇，眼淺嘅我當然即刻又感動流淚喇，佢就喺窗嘅對面笑我喊。我諗咁多次探訪時間裡面，都的確有啲moment係會令我唔記得咗大家身處嘅地方，唔係懶浪漫，而係大家經過連日嘅適應之後，喺個電話傾談裡面都盡量想講番閒話家常嘅事。佢一味叫我玩多啲，約多啲朋友。除咗公務，大家都希望講番啲會笑嘅嘢。

每次嚟探訪嘅朋友，都表示好期待嗰個「左右行」係乜鬼，而每次15分鐘完之後佢哋都會跟實我行，大家都覺得呢個trick好有趣。有唔少朋友都話探訪前一晚係會瞓唔著，有啲緊張，好驚浪費咗個寶貴嘅15分鐘，「真係囉囉攣好似去見初戀咁」。其實探訪氣氛比大家想像中更加輕鬆同歡欣，小杰嘅狀態轉變咗，相對上冇第一篇探訪札記所形容嘅咁恐怖，佢都真係好努力令自己喺裡面生活到，我諗佢比大家想像中叻嘅。探訪室嘅電話聽筒係好鬼死細聲，每次15分鐘完之後隻耳仔都會紅哂，我要好大力好大力將個電話聽筒壓落自己耳仔到，先可以聽得清楚小杰講咩。

I miss you, see you tomorrow.

小杰 SiuuKit Patreon

17號果個星期一因傷口問題去左覆診，因為每個月都係keep住痛🤦🏻‍♂️，醫生都話未有方法可以根治住，咁我唯有靠自己頂契下等佢好返。
黎緊而幾個月仲有好多不同科要覆診，睇見都攰…..

大家新年要身體健康啊，唔好凍親 飲多d熱水食多d有益既野。保重

如可以請繼續支持我的patreon
https://www.patreon.com/Koalakoalas

Koalasmarch_

【十大我最喜愛香港歌2021】

無論從咩角度去睇，2021年都係艱難嘅一年。自三月起，我一直被獨立囚禁，一日二十四小時之中有超過九成時間只能留喺七十呎左右嘅囚室內活動，囚室之內固然冇電話亦冇電腦，被獨立囚禁嘅我亦同電視無緣，收聽電台節目於是就成為咗我在囚生活嘅主要娛樂之一。一首首透過大氣電波傳入耳中嘅香港歌，喺過去呢十個月陪我捱過多個情緒低谷，撫平我嘅思緒。

說來慚愧，縰使以往不強調香港人要支持本地音樂，我自己聽開嘅歌路都比較窄，exactly係去到年尾頒奬禮見到唔識嘅歌手攞奬就只係識拋低一句「冇聽過」嘅嗰種人。但由於聽電台我無法控制DJ播咩歌，今年我接觸到嘅香港歌可謂比以往闊得多，聽到更多不同類型嘅音樂，認識到值得更多人支持嘅歌手。所以我都希望趁年尾各大平台開始派發樂壇成績表，㨂出十首今年我最喜愛嘅香港歌，記錄我嘅2021。

（以下排名不分先後）

〈Ciao〉RubberBand
離散係2021年嘅主題，時代、疫情、生死將我哋同珍重嘅人分隔。每一次講再見，都冇人能夠寫包單下一次係幾時，仲要下次再見可能喺監獄嘅探訪室、外國或者來世。物理上被囚禁，我冇辦法同將要移民或者離世嘅親友好好道別。呢種情況叫人無奈，但正如歌詞提到，我相信「說了再見，就會再見」，若果唔抱住定必重聚嘅盼望，日子只會更離過。（在此特別多謝 RB 喺四月嘅演唱會上唱咗〈夏令時間〉）

〈It’s OK to be sad〉衞蘭
還記得陷獄一兩個月後，當時遇上外公離世，又適逢一批朋友因為六四集案而被重判入獄，情緒一度非常低落。呢首歌就好似及時雨咁，陪伴我渡過咗呢段艱難嘅時間。喺高牆之內，有時為咗唔想出面嘅人擔心而收起自己嘅情緒。我諗呢首歌就係提醒我哋，如果唔將積聚喺內心嘅悲傷釋放，只會舉步維艱，無法前行。

〈勿念〉岑寧兒
第一次聽〈勿念〉係10月某個午後，窗外正落住毛毛雨，當播到「靠於窗邊聽雨天 望著難落墨的信紙」呢句就被trigger了，眼淚不停咁流。之後每次聽到呢首歌個心都有種戚住戚住嘅感覺。縰使好努力適呢到嘅生活，每次諗起在外嘅愛人、家人、朋友，聽見佢哋嘅消息，都有種落寞嘅感覺。何以自己唔喺佢哋身邊；何以無法出席佢哋喺信中提過嘅場合；何以無法好似舊日咁互相陪伴。而家每當想家都會用呢首歌去安慰一下自己，信「當一切也過去，可再見。」

〈反對無效〉張天賦
〈記憶棉〉當然出色，但今年我最鍾意嘅MC作品始終係〈反對無效〉。第一次聽嘅時候已經比佢帶點Vintage味嘅曲風吸引。世上冇風平浪靜嘅愛情，途中可能有人反對，亦可能有客觀條件嘅限制。但我相信一段愛情能否行落去全靠雙方點去經營，只要願意投入、相信同包容，即使中間有高牆轟立，仍然可以維持熱度。（P.S. 希望MC拎到叱咤男新人金，到時唱呢首)

〈孤獨之塔〉Per Se
如果要用一首歌去形容坐監這回事，我會揀〈孤獨之塔〉。雖然比起喺荒野中搜索嘅王子，我嘅處境近似被困塔尖內嘅長髮公主，但呢首歌好準確咁描繪左場內人嘅心理狀態。入冊之後，身邊嘅人都曾經遭逢巨變，相比起千言萬語，佢哋其實只需要我相伴在旁，偏偏失去自由卻令我無法做到，甚至連佢哋嘅消息都要隔日先傳到入監獄，箇中無力感大到難以承受，亦教人非常自責。熏天格地，仍想依靠住你。

〈狂人日記〉柳應廷
呢首歌派台嘅時候，絕對可以用經驗來形容，無論係曲風定係演繹手法都打破咗我對香港個嘅固有形象。記得6月「明日之廣東歌」展覽期間，DJ Colin 每晚都會請歌手上廣東爆谷做live唱歌，每一晚：都會問嘉賓心目中嘅「明日之廣東歌」係點，當時某個歌手（好似係泳兒）揀咗〈狂人日記〉。呢首歌所展示嘅係香港歌嘅可塑聲，本地樂壇一定只有慘情歌，或者so called嘅K歌。希望阿Jer可以繼續做好SOLO作品，但下次可以試吓唔好搵Supper作曲😄。

〈深夜浪漫〉張蔓姿
唔知大家仲記唔記得以往嘅WhatsApp冇得熄last seen、hide status，講陣時偷睇自己鍾意嘅人嘅last seen 時間同WhatsApp status，大概同而家stalk人IG story一樣，都係掌握心上人動態，甚至心情嘅重要資訊。好多戀情都係有咁樣你stalk下我，我stalk下你開始，借意展開對話，傾到通宵達旦，雙方都唔捨得講一句Good Night。張蔓姿將屬於呢個階段嘅甜蜜同忐忑唱出來，感覺好似返咗去戀愛啱啱萌芽嘅時光咁，甜到漏。

〈留下來的人〉C AllStar
如果要為2021年揀一首時代曲，〈留下來的人〉呢個選擇相信都唔會引起太大爭議。呢一年離開香港嘅人的確多咗，移民與否亦成為飯桌上最熱門嘅話題，大家亦可能變返好似疫情錢咁頻繁地出入機場，只不過唔係去旅行，而係送走一個有一個親友。〈留下來的人〉點出移民嘅本質 — 就係留低定離開都唔係容易嘅決定。留低嘅要喺壓迫之城中掙扎，離開嘅就要面對同故土割裂嘅痛苦，只能話係有得必有失，最緊要對自己嘅抉擇負責。

〈聖馬力諾之心〉Dear Jane
如果2021年係一對波，佢大概已經炒緊我哋20比0。由年頭到年尾，好似每一日都比呢個世界衝擊緊，到底上一次打開報紙頭版見到值得高興嘅新聞係幾時，我都已經唔記得要。對我自己來講， 2021年遇到嘅挫敗可謂前所未有，我亦睇唔到短期內會有咩轉機，但當聖馬力諾都搶到分，喺奧運贏到獎牌，實在冇乜嘢稱得上完全不可能。我唔會叫大家堅持，因為今時今日比人知你仍然堅持可能好危險，但我會希望大家做個更好的人，「明日或到我翻身。」

〈神奇的糊塗魔藥〉林家謙
初入獄之時，由於事出突然，覺得自己在愛上有大量未完成嘅事務，有對未來、在囚生活感到極度不安。果斷時間有好多不同嘅問題係腦海中浮現，唔計馬拉松式深信嗰幾日被炸干體力之外，幾乎每晚都輾轉反側，難以入睡。當然世上並唔存在所謂神奇的糊塗魔藥，煩惱亦唔會隨着聽完一首歌而消失，但生活充斥煩擾，有時我哋的確要糊塗一下為自己留一個喘息空間。叉過電，又再起步。

以上就係10首今年我最喜愛嘅香港歌，唔知你又會揀邊10首呢？作為記錄時代同傳承本土文化嘅媒介，來年希望大家可以繼續支持本地音樂，之前默默耕耘嘅香港音樂人。

梁晃維
30.12.2021
荔枝角收押所

【吉吉特別推介】

吉吉為你特別呈獻「吉吉特別推介」！

其實吉吉同我都好鍾意聽Death Metal同Heavy Metal，當中以前特別鍾意Lost in Las Vegas，但到左今日，自從我發現左一支本地樂隊後，wow，不得了！有D不能自拔既感覺呀！

佢地樂隊名叫 Instinct of Sight (簡稱IOS) ！佢地係早排啱啱出左新歌叫「白黑」！係Youtube都有得聽到佢地既作品架：)。當中個人認為非常特別既係vocal，有一種好獨特既聲線，而且係女音，因為我中意既Band一般都係男音，所以呢點非常吸引我：)，但重點不在此，而係原來香港都有咁高音質既Band而自己一直都發現唔到先係一個大問題呀！

香港目前可以玩到Band既空間越來越細，亦非常困難咁去創作音樂，而且Heavy Metal係香港個market唔大，所以我認為今次係個好機會介紹一下呢支本地樂隊：)。

而同時我亦立下決心，係出返黎之後會用佢地既歌做成之前仲紹既音樂遊戲osu入面既Map，將佢地既哥推向全世界XDD。

呢度講講，因為osu係好食節拍既Game，所以Heavy Metal係非常適合用黎做Map，而osu亦有非常多既map係用metal music。當然la，會做osu map都係因為「愛」呀！XDD，呢度提一提，大家非常中意既Mirror都可以用黎制作成osu map架：)。

當然，要做mapping係要有一定難度同要求，仲要花好多心機，但我相信有愛就無問題la！而香港亦有唔少既osuer，我相信呢件事一定行得通：p。

好la，希望大家欣賞下佢地既作品。@instinctofsight

本身想推介多一首歌，但我搵唔到歌名同唱既人，只得一句歌詞，「身軀細小就是可愛！」(小編按：FIESTER--形意標籤：往往打扮標緻 身軀細小 便界定為可愛)呢首近期推出既歌我都好中意：)。好la，下次見~

#吉吉特別推介
#吉吉特.
#Metal
#osu
#Heavy Metal

2022-1.3
--------------------------------
如果大家想支持文浩，歡迎訂閱、追踪：
patreon: https://www.patreon.com/manhoinjail
FB:文浩的365日
IG:manhoinjail

文浩的365日 manhoinjail