〈希望作品過時的作者〉
最近友人T寄來了某本城作家多年前出版的散文集的選篇。該書我斷斷續續地讀過，最近一次應該是2017年左右，即是說四至五年前，至於出版年份應該是十年前左右吧我猜。而當中收集篇章的寫作時間，就更是久遠了。不同年代的思考，可能有些地方是相同的，但也有相異的時候。碰巧我與T討論到某些問題，回想起我們都讀過某作家前輩的作品也許都有探討過（我其實不肯定T有沒有讀過，但以她的功力來說，肯定看過）。結果她真的寄來影印本（scan得很靚的，我有一段時間天天跟我老婆說我想要買那部掃描器），真的非常感激，對於所有寄文字給我的人，我都無比感激。
這麼多年過去了，重讀這書有refresh記憶的感覺，同時也有些位置覺得，唉哎能為此而爭拗，真幸福啊。例如其中有一篇，談到當時有人批評新生代（即是我那代或再上一代）「是虛無的，是沒有理想的，是物質主義的，是追求感官刺激的，是沉迷虛擬世界的，是疏離的，是膚淺的，是反智的，是脆弱的，是依賴的，是沒有毅力也沒有專注力的，是沒有承擔也沒有責任感的」，上述特質中，其實有些我是頗認同的，不過也很感動那作者反駁，新一代不是這樣的！——然而又回想，已經很久沒有這種論調了。仍然能理解他人的人們，此時此地，大概都不會懷疑下一代的能力與志向，面對他們甚至會自愧不如。差不多十年後重讀這篇文章，難免覺得它過時，但某程度上也是值得慶幸的。不過這個覺悟，如伴隨着沉重的代價，有時實在難以抉擇，到底哪個情境更好。
又有另一個作者，我常說她的作品彷佛是預言，問她對於自己筆下的事情於當下實現作何感想，她的回答是：「我覺得很悲哀。創作時總是帶着想將一些感悟戲劇化，推向極端。那麼若然劇中情境竟然在現實中實現了，即是意味着事情又變得更差了。」作品中總是蘊藏着作者心中的問題，這些問題又可能源自於一些現世中的觀察。假如作品「預言成真」即是世界變得更差，那麼更差的可能是一件作品永垂不朽，因為此意味着人類全沒改進，仍然在老問題中回轉。這樣想的話，對於一位作者來說，作品過時也可以是一個blessing。
Sam
原文：https://www.patreon.com/posts/55435666
我地張家
最近友人T寄來了某本城作家多年前出版的散文集的選篇。該書我斷斷續續地讀過，最近一次應該是2017年左右，即是說四至五年前，至於出版年份應該是十年前左右吧我猜。而當中收集篇章的寫作時間，就更是久遠了。不同年代的思考，可能有些地方是相同的，但也有相異的時候。碰巧我與T討論到某些問題，回想起我們都讀過某作家前輩的作品也許都有探討過（我其實不肯定T有沒有讀過，但以她的功力來說，肯定看過）。結果她真的寄來影印本（scan得很靚的，我有一段時間天天跟我老婆說我想要買那部掃描器），真的非常感激，對於所有寄文字給我的人，我都無比感激。
這麼多年過去了，重讀這書有refresh記憶的感覺，同時也有些位置覺得，唉哎能為此而爭拗，真幸福啊。例如其中有一篇，談到當時有人批評新生代（即是我那代或再上一代）「是虛無的，是沒有理想的，是物質主義的，是追求感官刺激的，是沉迷虛擬世界的，是疏離的，是膚淺的，是反智的，是脆弱的，是依賴的，是沒有毅力也沒有專注力的，是沒有承擔也沒有責任感的」，上述特質中，其實有些我是頗認同的，不過也很感動那作者反駁，新一代不是這樣的！——然而又回想，已經很久沒有這種論調了。仍然能理解他人的人們，此時此地，大概都不會懷疑下一代的能力與志向，面對他們甚至會自愧不如。差不多十年後重讀這篇文章，難免覺得它過時，但某程度上也是值得慶幸的。不過這個覺悟，如伴隨着沉重的代價，有時實在難以抉擇，到底哪個情境更好。
又有另一個作者，我常說她的作品彷佛是預言，問她對於自己筆下的事情於當下實現作何感想，她的回答是：「我覺得很悲哀。創作時總是帶着想將一些感悟戲劇化，推向極端。那麼若然劇中情境竟然在現實中實現了，即是意味着事情又變得更差了。」作品中總是蘊藏着作者心中的問題，這些問題又可能源自於一些現世中的觀察。假如作品「預言成真」即是世界變得更差，那麼更差的可能是一件作品永垂不朽，因為此意味着人類全沒改進，仍然在老問題中回轉。這樣想的話，對於一位作者來說，作品過時也可以是一個blessing。
Sam
原文：https://www.patreon.com/posts/55435666
我地張家
【我都好想去啊】😍😘😚😛
警務處國安處長蔡展鵬五月被爆出工作時間內光顧有色情服務的無牌按摩店，交由律政司審視後，指不涉刑事成份，8 月中後工、平調警務處人事及訓練處長，令文浩不由得不超級羨慕妒忌恨！
如果大家想支持文浩，歡迎訂閱：https://www.patreon.com/manhoinjail
//文浩於2020年8月底被捕，被指是「Sucker」，涉串謀煽惑他人刑事損壞、縱火罪等25項控罪，還柙至今一年了。
文浩在獄中，努力創作，資源有限，卻迸發無限創意，在信封上繪畫，會陸續分享給大家欣賞，希望大家多多支持文浩。
也希望大家持續關注其他在囚手足，還有很多正在排期上庭的手足！一個都不能少！//
文浩的365日 manhoinjail
警務處國安處長蔡展鵬五月被爆出工作時間內光顧有色情服務的無牌按摩店，交由律政司審視後，指不涉刑事成份，8 月中後工、平調警務處人事及訓練處長，令文浩不由得不超級羨慕妒忌恨！
如果大家想支持文浩，歡迎訂閱：https://www.patreon.com/manhoinjail
//文浩於2020年8月底被捕，被指是「Sucker」，涉串謀煽惑他人刑事損壞、縱火罪等25項控罪，還柙至今一年了。
文浩在獄中，努力創作，資源有限，卻迸發無限創意，在信封上繪畫，會陸續分享給大家欣賞，希望大家多多支持文浩。
也希望大家持續關注其他在囚手足，還有很多正在排期上庭的手足！一個都不能少！//
文浩的365日 manhoinjail
【鐵窗日記：六月五日 星期六 陰 】
（所有姓名均為化名）
喺荔枝角過咗3日幾，呢幾日都喺度摸索緊成人監嘅生態文化，每一刻都有更新嘅發現、更深嘅體會。一路觀察、一路整理，好似尼采嘅講法，喺混沌、無序、流變嘅記憶世界中，尋找、塑造出一個恆久嘅秩序。一連幾日都處理緊、沉澱緊，以致一直都無法去動筆寫低自己嘅感受。
雖然我係喺「白手」（初犯）嘅群體之中生活。但當中亦有一啲初次被定罪嘅慣犯，亦有初次入獄但天性古惑嘅奇怪人，對比喺少年監嘅生活複雜得多，喺呢度生存所需要嘅謹慎、警覺亦多好多。雖然「自由」，但就更加接近一個state of nature，大家各自都為自己嘅資源、榮耀、同埋人身安全去盤算、作出相應帶政治目的嘅行動。
喺呢個context底下，其中一個最深刻嘅體會就係呢句話：無事獻殷勤，非奸即盜。而喺短短嘅兩日入面，「奸」同「盜」都俾我哋見識到。首先係星期四第一次落Dayroom，啱先食完個早餐，我哋拎咗啲紙筆書簿出嚟做嘢，就有個大叔過嚟我哋張枱，話自己係深黃，心痛我哋呢啲年青人入嚟受苦，然後搭晒膊頭咁同我哋講有咩要注意、講解下一啲監獄文化咁。臨尾佢有個位講到有啲激動咁拍咗下枱，然後就行咗去，好彩我哋眼利發現得切阿薯枝筆唔見咗，即刻追出去問佢拎返先冇俾佢得逞。（事後嘅觀察係，呢條友係扮黃嚟R水吹，不過都唔係藍絲，而係一個傻鳩）
之後就係一個好熱心嘅有背景人士，後生嘅，好好傾，又成日請人食煙、提點其他人咁，但識耐咗（都係多一兩日）就發現除咗虛榮之外，佢都會透過刻意去巴結有朋友還柙其他倉嘅人，用佢哋嘅名義去搵佢哋嘅朋友攞著數。佢一開始嚟R我哋吹水嘅時候，都自稱係黃，有上過前線；但後來去R一個元朗黑幫嘅時候，就話自己覺得示威者唔啱，然後吹到自己有收利是七二一落場打人，不過就冇上到西鐵站云云。
除咗呢啲之外，監獄入面真係咩人都有，各式各樣嘅龍蛇混雜晒喺度。按懲教人員嘅講法，加埋自己同朋友嘅觀察，主要分幾個大類：首先當然係黑幫，犯嘅會係傷人、刑毀、恐嚇、藏毒之類，其中藏毒、運毒最多，按懲教嘅講法佔全部囚犯差唔多七成；之後係同入境、勞工嗰啲有關嘅，非法入境、做黑工、請黑工、逾期居留，諸如此類；仲有就係我哋呢啲政治犯，而家比例仲少，但就foresee到會越嚟越多；淨返嘅就係啲無辦法分類嘅，例如冇買第三者保險、虛假文書、打老婆，林林總總，咩都有。不過我而家見到嘅都尚少，當係參考就好。不過有樣嘢就肯定嘅，就係雖然黑幫未必對政治犯好友善，但食物鏈嘅底層永遠都係衰風化案嘅犯。
雖然身邊好多唔同種類嘅人，不過都冇咩特別意欲去認識、去埋堆，大部分時間我哋都係四個坐埋一齊睇下書、寫下嘢，一邊從旁觀察唔同嘅群體內嘅互動、唔同板塊之間暗藏嘅張力、磨擦，其他嘅嘢就隨緣啦。（待續）
建築生的鐵窗手記
（所有姓名均為化名）
喺荔枝角過咗3日幾，呢幾日都喺度摸索緊成人監嘅生態文化，每一刻都有更新嘅發現、更深嘅體會。一路觀察、一路整理，好似尼采嘅講法，喺混沌、無序、流變嘅記憶世界中，尋找、塑造出一個恆久嘅秩序。一連幾日都處理緊、沉澱緊，以致一直都無法去動筆寫低自己嘅感受。
雖然我係喺「白手」（初犯）嘅群體之中生活。但當中亦有一啲初次被定罪嘅慣犯，亦有初次入獄但天性古惑嘅奇怪人，對比喺少年監嘅生活複雜得多，喺呢度生存所需要嘅謹慎、警覺亦多好多。雖然「自由」，但就更加接近一個state of nature，大家各自都為自己嘅資源、榮耀、同埋人身安全去盤算、作出相應帶政治目的嘅行動。
喺呢個context底下，其中一個最深刻嘅體會就係呢句話：無事獻殷勤，非奸即盜。而喺短短嘅兩日入面，「奸」同「盜」都俾我哋見識到。首先係星期四第一次落Dayroom，啱先食完個早餐，我哋拎咗啲紙筆書簿出嚟做嘢，就有個大叔過嚟我哋張枱，話自己係深黃，心痛我哋呢啲年青人入嚟受苦，然後搭晒膊頭咁同我哋講有咩要注意、講解下一啲監獄文化咁。臨尾佢有個位講到有啲激動咁拍咗下枱，然後就行咗去，好彩我哋眼利發現得切阿薯枝筆唔見咗，即刻追出去問佢拎返先冇俾佢得逞。（事後嘅觀察係，呢條友係扮黃嚟R水吹，不過都唔係藍絲，而係一個傻鳩）
之後就係一個好熱心嘅有背景人士，後生嘅，好好傾，又成日請人食煙、提點其他人咁，但識耐咗（都係多一兩日）就發現除咗虛榮之外，佢都會透過刻意去巴結有朋友還柙其他倉嘅人，用佢哋嘅名義去搵佢哋嘅朋友攞著數。佢一開始嚟R我哋吹水嘅時候，都自稱係黃，有上過前線；但後來去R一個元朗黑幫嘅時候，就話自己覺得示威者唔啱，然後吹到自己有收利是七二一落場打人，不過就冇上到西鐵站云云。
除咗呢啲之外，監獄入面真係咩人都有，各式各樣嘅龍蛇混雜晒喺度。按懲教人員嘅講法，加埋自己同朋友嘅觀察，主要分幾個大類：首先當然係黑幫，犯嘅會係傷人、刑毀、恐嚇、藏毒之類，其中藏毒、運毒最多，按懲教嘅講法佔全部囚犯差唔多七成；之後係同入境、勞工嗰啲有關嘅，非法入境、做黑工、請黑工、逾期居留，諸如此類；仲有就係我哋呢啲政治犯，而家比例仲少，但就foresee到會越嚟越多；淨返嘅就係啲無辦法分類嘅，例如冇買第三者保險、虛假文書、打老婆，林林總總，咩都有。不過我而家見到嘅都尚少，當係參考就好。不過有樣嘢就肯定嘅，就係雖然黑幫未必對政治犯好友善，但食物鏈嘅底層永遠都係衰風化案嘅犯。
雖然身邊好多唔同種類嘅人，不過都冇咩特別意欲去認識、去埋堆，大部分時間我哋都係四個坐埋一齊睇下書、寫下嘢，一邊從旁觀察唔同嘅群體內嘅互動、唔同板塊之間暗藏嘅張力、磨擦，其他嘅嘢就隨緣啦。（待續）
建築生的鐵窗手記
2021年8月30日 (星期一) 2:30 p.m.
- 西九龍裁判法院-
被告: 黎雯齡 楊逸意
串謀刋印發布、分發、展示或複製煽動刊物
【大欖遊記Vol. 20 (節錄)】2021-8-16
今日係大欖遊記Day 24。尋日18:00-20:00港台1台嘅《萬千寵愛葉韻怡》入面會讀囚犯寄上去嘅信，或者係公眾畀囚犯嘅說話，仲有一啲監房知識、正面分享，都幾有意思，聽到有人講加油❤️星期日真係好唔得閒，由朝到晚都有唔同嘅讀信同點歌節目。到今朝電台播Ian新歌，唉我已經唔記得咗Melody同歌名，要聽多幾次先記到，好似叫《搞不掂》？(Admin笑到痴線，正確係《搞不𢤦》)
......
探訪講起頭幾封信(Day1-3)唔見咗，either閘咗又或者寄失咗，可能係Cookie Monster食咗。我又嬲又傷心，頭幾日係最多情緒、最思緒如泉湧，最畀心機寫信(當然依家都有)；依家消化左件事，調整左心態平復咗，要我re-visit返入嚟大欖前嗰幾日嘅心境再寫返出嚟都harsh :(
嗰幾日係廿幾歲人生以來最難捱、最多嘢諗、身心體力都透支嘅兩日。
人生第一次俾人朝早六點拍門嘈醒，嗰個情景，「砰砰砰！」急速嘅拍門聲，而家諗返都猶有餘悸；
人生第一次五花大綁落孖葉，原來嗰條鐵鏈係咁重，落喺腰間令人舉步為艱；
人生第一次黑布蒙頭一堆閃光燈同鏡頭隊埋嚟，嗰個視野，係幾咁躁動不安；
人生第一次入臭格，冇咗眼鏡之後迷矇嘅世界、2x4米嘅狹小空間、氣味濃郁嘅毛氈......；
第一次感受到時間流逝可以咁慢，每一秒都如坐針氈；
人生第一次坐喺犯人欄，望到旁聽席有咁多熟悉嘅面孔，然後坐囚車離開法庭望到鍥而不捨嘅送車師，心入面五味陳雜。
回想返嗰幾日嘅經歷，都有種消化不良、唔真實嘅感覺。嗰幾日我係點調整自己心態嘅呢？我諗起My Little Airport嘅《西西弗斯之歌》。希臘神話入面有個人叫西西弗斯，佢被天神懲罰要推一舊沉重嘅石頭上山，每當佢就到山頂，舊大石都會碌落山，然後佢要年復年日復日咁重複推舊石頭上山。有一日西西弗斯諗通咗，神係用觀念去懲罰佢，用「我永世要推石頭好慘」呢一個觀念去懲罰佢。當佢明白左呢個道理之後，佢就決定要蔑視呢個命運，用荒謬去對抗荒謬，於是佢感到自己係快樂嘅。將「推石頭」換成「坐監」、「返工」或 一切令我哋感到刻板、睇唔到盡頭、痛苦嘅事，我哋要調節心態去面對佢，令到「神」懲罰唔到我哋。
提返起嗰幾日嘅每個畫面，幾經辛苦喺心入面築好嘅堤壩難免有少少崩塌。今晚臨瞓前我會祈禱祈求呢封信平安寄到你哋嘅手上，唔好再比Cookie Monster食咗，唔好被漢堡神偷偷咗！事不過三，再寄唔到就發脾4喇(´･Д･)」
好啦講完正經嘢又鳩噏吓，今日臨食飯前好似火警鐘誤鳴，不過我吔聽唔到鐘聲，但見到有消防突然full gear入咗嚟。自從上次「鱷魚潭打交事件」，我發現夜晚鎖咗門，無論情況幾緊急都好，都要等值日官嚟到先有人開到門幫到我哋。我成日諗火燭點算，等得開門嚟都變晒燒豬啦。然後再諗深一層，囚室空間寬敞，所有傢俬都係膠(估計都係防火物料)，邊度會火燭吖，少年你太年輕了🙂 嬲到着咗就有～
晚飯係青豆汁煎蛋雞柳芥蘭飯，青豆汁真係好地獄，有四嚿肉都冇用零分唔使諗=_= 芥蘭又攝晒牙罅=_=
當你哋睇到呢封信嘅時候，我應該去咗羅湖lu。今日老細突然同我講聽日(17/8)要過界去羅湖，唔知點解，但又要on ocamp mode認識新朋友lu ^_^ 抱歉，咁就冇【私飯專業推介】啦，因為羅湖私飯出名貴(比大欖貴$1000) ，又難食，又食到人肚痾，反而懲教飯係羅湖煮得好食啲，所以應該唔訂私飯了～ 早唞，完！
——黎雯齡
manlinthanks
- 西九龍裁判法院-
被告: 黎雯齡 楊逸意
串謀刋印發布、分發、展示或複製煽動刊物
【大欖遊記Vol. 20 (節錄)】2021-8-16
今日係大欖遊記Day 24。尋日18:00-20:00港台1台嘅《萬千寵愛葉韻怡》入面會讀囚犯寄上去嘅信，或者係公眾畀囚犯嘅說話，仲有一啲監房知識、正面分享，都幾有意思，聽到有人講加油❤️星期日真係好唔得閒，由朝到晚都有唔同嘅讀信同點歌節目。到今朝電台播Ian新歌，唉我已經唔記得咗Melody同歌名，要聽多幾次先記到，好似叫《搞不掂》？(Admin笑到痴線，正確係《搞不𢤦》)
......
探訪講起頭幾封信(Day1-3)唔見咗，either閘咗又或者寄失咗，可能係Cookie Monster食咗。我又嬲又傷心，頭幾日係最多情緒、最思緒如泉湧，最畀心機寫信(當然依家都有)；依家消化左件事，調整左心態平復咗，要我re-visit返入嚟大欖前嗰幾日嘅心境再寫返出嚟都harsh :(
嗰幾日係廿幾歲人生以來最難捱、最多嘢諗、身心體力都透支嘅兩日。
人生第一次俾人朝早六點拍門嘈醒，嗰個情景，「砰砰砰！」急速嘅拍門聲，而家諗返都猶有餘悸；
人生第一次五花大綁落孖葉，原來嗰條鐵鏈係咁重，落喺腰間令人舉步為艱；
人生第一次黑布蒙頭一堆閃光燈同鏡頭隊埋嚟，嗰個視野，係幾咁躁動不安；
人生第一次入臭格，冇咗眼鏡之後迷矇嘅世界、2x4米嘅狹小空間、氣味濃郁嘅毛氈......；
第一次感受到時間流逝可以咁慢，每一秒都如坐針氈；
人生第一次坐喺犯人欄，望到旁聽席有咁多熟悉嘅面孔，然後坐囚車離開法庭望到鍥而不捨嘅送車師，心入面五味陳雜。
回想返嗰幾日嘅經歷，都有種消化不良、唔真實嘅感覺。嗰幾日我係點調整自己心態嘅呢？我諗起My Little Airport嘅《西西弗斯之歌》。希臘神話入面有個人叫西西弗斯，佢被天神懲罰要推一舊沉重嘅石頭上山，每當佢就到山頂，舊大石都會碌落山，然後佢要年復年日復日咁重複推舊石頭上山。有一日西西弗斯諗通咗，神係用觀念去懲罰佢，用「我永世要推石頭好慘」呢一個觀念去懲罰佢。當佢明白左呢個道理之後，佢就決定要蔑視呢個命運，用荒謬去對抗荒謬，於是佢感到自己係快樂嘅。將「推石頭」換成「坐監」、「返工」或 一切令我哋感到刻板、睇唔到盡頭、痛苦嘅事，我哋要調節心態去面對佢，令到「神」懲罰唔到我哋。
提返起嗰幾日嘅每個畫面，幾經辛苦喺心入面築好嘅堤壩難免有少少崩塌。今晚臨瞓前我會祈禱祈求呢封信平安寄到你哋嘅手上，唔好再比Cookie Monster食咗，唔好被漢堡神偷偷咗！事不過三，再寄唔到就發脾4喇(´･Д･)」
好啦講完正經嘢又鳩噏吓，今日臨食飯前好似火警鐘誤鳴，不過我吔聽唔到鐘聲，但見到有消防突然full gear入咗嚟。自從上次「鱷魚潭打交事件」，我發現夜晚鎖咗門，無論情況幾緊急都好，都要等值日官嚟到先有人開到門幫到我哋。我成日諗火燭點算，等得開門嚟都變晒燒豬啦。然後再諗深一層，囚室空間寬敞，所有傢俬都係膠(估計都係防火物料)，邊度會火燭吖，少年你太年輕了🙂 嬲到着咗就有～
晚飯係青豆汁煎蛋雞柳芥蘭飯，青豆汁真係好地獄，有四嚿肉都冇用零分唔使諗=_= 芥蘭又攝晒牙罅=_=
當你哋睇到呢封信嘅時候，我應該去咗羅湖lu。今日老細突然同我講聽日(17/8)要過界去羅湖，唔知點解，但又要on ocamp mode認識新朋友lu ^_^ 抱歉，咁就冇【私飯專業推介】啦，因為羅湖私飯出名貴(比大欖貴$1000) ，又難食，又食到人肚痾，反而懲教飯係羅湖煮得好食啲，所以應該唔訂私飯了～ 早唞，完！
——黎雯齡
manlinthanks
Forwarded from 星火同盟 抗爭支援
【從中國看守所回港過第二個還押中的生日】
12港人被送中案中，其中十人早前已被移送回港，除當中一人被判入教導所外，其餘九人目前仍被關押。
其中一名還押手足阿謙將於下月初生日，在這個孤立無援的生日裏，我們可以做的，就是送上生日的祝福；一句鼓勵說話，已可令他感覺不被遺忘。
20出頭的阿謙尤愛看漫畫，特別是打鬥類，近排迷上《我的英雄學院》漫畫，喜愛角落生物藍色的公仔（恐龍）。
阿謙和許多年輕人一樣，平時嗜好踢波、打機、打拳，也喜歡看感情文。如果大家來信和他分享感情問題的話，他會好開心好有動力，因為他很喜歡開解別人，雖然有時他的意見未必是最專業的。再深入一點說，謙也頗喜歡看甜文，還有腿長的美女。
同道們若想向阿謙送上生日祝福或與他成為筆友，可將信件及生日卡寄到本平台：尖沙咀郵箱98697號，我們會將收到的心意一一轉交到阿謙手上。
謙還說，若同道們跟他說自己的生日快到，謙就會叫你寄相給他，然後他會畫出來當作禮物，同道們屆時就可以看看他的畫功如何了。
只要每人多做一步，就可為被囚禁的手足送上無限溫暖；一句祝福問候，已可令他們感覺不被遺忘。身陷牢獄的這段漫長困苦日子，需要我們每一個人支持和陪伴他們一起撐過去。
https://www.facebook.com/1965117443775378/posts/3142347132719064/
12港人被送中案中，其中十人早前已被移送回港，除當中一人被判入教導所外，其餘九人目前仍被關押。
其中一名還押手足阿謙將於下月初生日，在這個孤立無援的生日裏，我們可以做的，就是送上生日的祝福；一句鼓勵說話，已可令他感覺不被遺忘。
20出頭的阿謙尤愛看漫畫，特別是打鬥類，近排迷上《我的英雄學院》漫畫，喜愛角落生物藍色的公仔（恐龍）。
阿謙和許多年輕人一樣，平時嗜好踢波、打機、打拳，也喜歡看感情文。如果大家來信和他分享感情問題的話，他會好開心好有動力，因為他很喜歡開解別人，雖然有時他的意見未必是最專業的。再深入一點說，謙也頗喜歡看甜文，還有腿長的美女。
同道們若想向阿謙送上生日祝福或與他成為筆友，可將信件及生日卡寄到本平台：尖沙咀郵箱98697號，我們會將收到的心意一一轉交到阿謙手上。
謙還說，若同道們跟他說自己的生日快到，謙就會叫你寄相給他，然後他會畫出來當作禮物，同道們屆時就可以看看他的畫功如何了。
只要每人多做一步，就可為被囚禁的手足送上無限溫暖；一句祝福問候，已可令他們感覺不被遺忘。身陷牢獄的這段漫長困苦日子，需要我們每一個人支持和陪伴他們一起撐過去。
https://www.facebook.com/1965117443775378/posts/3142347132719064/
最近香港陸續出現移民潮，所以想講吓自己對移民嘅睇法。首先強調返，本身曾經被捕面臨刑責風險或者認為自己有好高機率被捕，被迫離開香港嘅流亡人士不再討論範圍內。
大家都知道自從2019年之後，好多國家都放寬移民政策，甚至推出左專門為香港人而設嘅移民政策。
我睇法係即使外國唔推出新政策，仍然有能力符合移民條件嘅人，佢哋離開香港係佢哋個人嘅權利自由，冇得怪責，因為佢哋係憑自己或者家人嘅能力達成條件。佢哋移民後不參與香港嘅事務亦冇得批評。但係社會上肯定亦有一批人係靠外國放寬先符合條件，呢班人就唔同講法。外國願意放寬，絕對同2019年香港人嘅行動有好大關係，所以我會視呢啲移民政策，係一種人血饅頭，因為係靠好多人嘅血汗換取返嚟，藉住放寬後先有能力移民嘅人，佢哋嘅移民我認為係食緊人血饅頭。不過唔好誤會，我反對任何人食人血饅頭，相反我好支持食，因為饅頭已經有示威者給外國政府製造出來，唔食嘅話，係一種浪費。我認為應該好好品嚐，到食完之後，以自己嘅方式為香港前途出一分力，咁先對得住所有為咗香港而面臨牢獄之災，曾經為香港流血甚至失去性命嘅人。
我當然知有好多人身處外國都默默為香港付出，但由於不宜公開，可能受到指責時會感到冤枉，有啲難言，對此我只能向嗰啲人致敬意，同埋期望佢哋可以撐得住。同時我亦希望指責別人移民嘅人，指責時盡可能分清楚邊啲先係理應受到指責嘅人，另外亦希望指責者手下留情，以免在不知情下怪錯好人傷害到無辜人士。
相信一定有人認為喜歡香港的話就寧願留在香港，為改變香港而奮鬥，我好尊重同喜歡呢種睇法，以及抱住呢種睇法並且加以實踐嘅人，但我嘅睇法係用咩方法可以達成大家嘅共同目標，成功改變香港，世上冇人可以提供正確答案，離開香港去外國奮鬥到係其中一種方式，我唔會否定呢條路。
所以，喺移民與否話題上，我一樣採取冇大台原則，每個人自行決定，最理想情況係每個人都惜才適用，視乎自己嘅技能，專長選取合適崗位及地點，發揮最大後果一齊合力爭取理想中嘅香港。
Joe
15/08/2021
⋯⋯⋯⋯⋯⋯⋯⋯⋯⋯⋯⋯⋯⋯
FB: 獨男空間
IG: @indemanspace
個人patreon💪👇🏼
https://www.patreon.com/INDEMANSPACE
獨男空間 indemanspace
大家都知道自從2019年之後，好多國家都放寬移民政策，甚至推出左專門為香港人而設嘅移民政策。
我睇法係即使外國唔推出新政策，仍然有能力符合移民條件嘅人，佢哋離開香港係佢哋個人嘅權利自由，冇得怪責，因為佢哋係憑自己或者家人嘅能力達成條件。佢哋移民後不參與香港嘅事務亦冇得批評。但係社會上肯定亦有一批人係靠外國放寬先符合條件，呢班人就唔同講法。外國願意放寬，絕對同2019年香港人嘅行動有好大關係，所以我會視呢啲移民政策，係一種人血饅頭，因為係靠好多人嘅血汗換取返嚟，藉住放寬後先有能力移民嘅人，佢哋嘅移民我認為係食緊人血饅頭。不過唔好誤會，我反對任何人食人血饅頭，相反我好支持食，因為饅頭已經有示威者給外國政府製造出來，唔食嘅話，係一種浪費。我認為應該好好品嚐，到食完之後，以自己嘅方式為香港前途出一分力，咁先對得住所有為咗香港而面臨牢獄之災，曾經為香港流血甚至失去性命嘅人。
我當然知有好多人身處外國都默默為香港付出，但由於不宜公開，可能受到指責時會感到冤枉，有啲難言，對此我只能向嗰啲人致敬意，同埋期望佢哋可以撐得住。同時我亦希望指責別人移民嘅人，指責時盡可能分清楚邊啲先係理應受到指責嘅人，另外亦希望指責者手下留情，以免在不知情下怪錯好人傷害到無辜人士。
相信一定有人認為喜歡香港的話就寧願留在香港，為改變香港而奮鬥，我好尊重同喜歡呢種睇法，以及抱住呢種睇法並且加以實踐嘅人，但我嘅睇法係用咩方法可以達成大家嘅共同目標，成功改變香港，世上冇人可以提供正確答案，離開香港去外國奮鬥到係其中一種方式，我唔會否定呢條路。
所以，喺移民與否話題上，我一樣採取冇大台原則，每個人自行決定，最理想情況係每個人都惜才適用，視乎自己嘅技能，專長選取合適崗位及地點，發揮最大後果一齊合力爭取理想中嘅香港。
Joe
15/08/2021
⋯⋯⋯⋯⋯⋯⋯⋯⋯⋯⋯⋯⋯⋯
FB: 獨男空間
IG: @indemanspace
個人patreon💪👇🏼
https://www.patreon.com/INDEMANSPACE
獨男空間 indemanspace
「最重要係自己開心？」
24 August 2021
細個讀書嘅時候，會覺得「我的志願」係活得開心就夠，但稍為大個嘅時候會發現個世界並唔係咁簡單，並唔係咁非黑即白。複雜位並唔係在於人長大之後慾望多咗、難以滿足咗，而係我會諗快樂係咪真係凌駕一切？係咪個人開心就真係足夠？
呢個問題喺入咗牆內之後一直纏繞住我，近來開始好似可以得出結論。或者係因為觀察到好多牆內人士(even手足)都選擇採取一個相對歡樂mode應對現時呢個困境，嘻嘻哈哈又過一day，開口埋口討論話題都係圍繞住牆內世界。於我而言，呢啲都係個人選擇，nothing to blame, 而責怪人之前最重要係做好自己。但我會選擇銘記我地係因為喺牆外世界輸到碌柒咁所以先淪落成戰俘般嘅存在，我都唔希望當坐監係類似入camp一種舒適嘅另類生活。近期閲畢《美麗新世界》呢本小說，當中提及到快樂、舒適vs真理、藝術，永遠都係站於對立面，呢個殘酷嘅真相提醒咗我當要追求真理嘅時候就永遠有所取捨，而所拋棄嘅就係個人快樂。而選擇追逐快樂還是尋求真理兩者並無分對或錯，均屬個人選擇，但事實就係有得必有失，無論追求嘅係哪一方都必定有所捨棄。
而選擇追尋真理嘅人，亦如同小說中野蠻人最後嘅下場，需要承受清醒附帶來嘅痛苦。眼見好多人選擇以快樂來迴避面前困境所帶來嘅真實感，會突然覺得自己好孤獨，甚至乎懷疑自己不安於隨波逐流是否異類，但「坐監每個人都係一座孤島」呢句說話真係所言甚是，咁我就即管去面對坐監帶來嘅孤獨感，理直氣壯地。
有人早前探訪時提過好多同路人覺得坐監無咩大不了，我當時無出聲但內心好唔認同，起碼我自己唔係咁諗。Maybe it‘s really no big deal physically but not spiritually lor. 每一日我內心就好似天人交戰咁，經歷唔同嘅內心掙扎，好不容易先可以維持信念同精神面貌，同時我亦慶幸自己不致盲目。保持清醒，保持思考，that‘s what made us human.
U
#公開信
———————————————————
See more on Patreon👉🏻 www.patreon.com/walkwithu/
walkwithu__
24 August 2021
細個讀書嘅時候，會覺得「我的志願」係活得開心就夠，但稍為大個嘅時候會發現個世界並唔係咁簡單，並唔係咁非黑即白。複雜位並唔係在於人長大之後慾望多咗、難以滿足咗，而係我會諗快樂係咪真係凌駕一切？係咪個人開心就真係足夠？
呢個問題喺入咗牆內之後一直纏繞住我，近來開始好似可以得出結論。或者係因為觀察到好多牆內人士(even手足)都選擇採取一個相對歡樂mode應對現時呢個困境，嘻嘻哈哈又過一day，開口埋口討論話題都係圍繞住牆內世界。於我而言，呢啲都係個人選擇，nothing to blame, 而責怪人之前最重要係做好自己。但我會選擇銘記我地係因為喺牆外世界輸到碌柒咁所以先淪落成戰俘般嘅存在，我都唔希望當坐監係類似入camp一種舒適嘅另類生活。近期閲畢《美麗新世界》呢本小說，當中提及到快樂、舒適vs真理、藝術，永遠都係站於對立面，呢個殘酷嘅真相提醒咗我當要追求真理嘅時候就永遠有所取捨，而所拋棄嘅就係個人快樂。而選擇追逐快樂還是尋求真理兩者並無分對或錯，均屬個人選擇，但事實就係有得必有失，無論追求嘅係哪一方都必定有所捨棄。
而選擇追尋真理嘅人，亦如同小說中野蠻人最後嘅下場，需要承受清醒附帶來嘅痛苦。眼見好多人選擇以快樂來迴避面前困境所帶來嘅真實感，會突然覺得自己好孤獨，甚至乎懷疑自己不安於隨波逐流是否異類，但「坐監每個人都係一座孤島」呢句說話真係所言甚是，咁我就即管去面對坐監帶來嘅孤獨感，理直氣壯地。
有人早前探訪時提過好多同路人覺得坐監無咩大不了，我當時無出聲但內心好唔認同，起碼我自己唔係咁諗。Maybe it‘s really no big deal physically but not spiritually lor. 每一日我內心就好似天人交戰咁，經歷唔同嘅內心掙扎，好不容易先可以維持信念同精神面貌，同時我亦慶幸自己不致盲目。保持清醒，保持思考，that‘s what made us human.
U
#公開信
———————————————————
See more on Patreon👉🏻 www.patreon.com/walkwithu/
walkwithu__
「如果到時當庭釋放，唔知會唔會有人喺庭外等我」(發，2021)
連潤發由20191118被捕至今已經還柙左21個月。佢嘅案件聽日終於到裁決日，如果裁決係無罪的話，發仔將被當庭釋放！！話說早排拜山佢話想我地幫推下呼籲大家聽日9點半去區域法院旁聽，因為佢好有信心裁決會對佢有利，希望到時有機會同眾多一直支持佢嘅同路人講聲多謝🙏🏼
btw上次上庭大家送的生日祝福佢收到㗎，寫左信出嚟多謝大家，聽日見！
抗爭點滴 Stories of Resisance
連潤發由20191118被捕至今已經還柙左21個月。佢嘅案件聽日終於到裁決日，如果裁決係無罪的話，發仔將被當庭釋放！！話說早排拜山佢話想我地幫推下呼籲大家聽日9點半去區域法院旁聽，因為佢好有信心裁決會對佢有利，希望到時有機會同眾多一直支持佢嘅同路人講聲多謝🙏🏼
btw上次上庭大家送的生日祝福佢收到㗎，寫左信出嚟多謝大家，聽日見！
抗爭點滴 Stories of Resisance
8.30.2021
回來荔枝角兩個多月
一向對食沒什麼要求的他
最近也決定吃私飯
這次信中他便說了原因
-----------------------------------
順道分享一下餐單
現時已由每餐三選一
改為只有葷素兩個選項
價錢倒是跟一年前不大變化
仍是不太划算...但也比赤柱便宜些了
也想說說這家私飯商
他們向家屬收集膳食意見
間中推出新款式
也算是頗有心思的了
（絕非賣廣告😂）
hkerganggang
回來荔枝角兩個多月
一向對食沒什麼要求的他
最近也決定吃私飯
這次信中他便說了原因
-----------------------------------
順道分享一下餐單
現時已由每餐三選一
改為只有葷素兩個選項
價錢倒是跟一年前不大變化
仍是不太划算...但也比赤柱便宜些了
也想說說這家私飯商
他們向家屬收集膳食意見
間中推出新款式
也算是頗有心思的了
（絕非賣廣告😂）
hkerganggang
【鐵窗日記：六月七日 星期一 晴】
有人嘅地方就有政治，監獄都有政治，但唔係講緊黃藍、左右翼，而係爭奪資源、權力嘅政治。
喺監獄，每一個囚犯都會被分派到一個所屬「期數」，即係工作組。我哋幾個喺隔離期間，加上只係短暫逗留，所以我哋幾個嘅所屬期數並唔需要工作，純粹係去一個Dayroom食三餐、睇下電視同書，過下日辰咁，到夜晚就會返倉。
喺期數入面有個角色叫做「B仔」，簡單講就係協助懲教管理期數嘅囚犯，喺我哋所屬嘅期數就由一個阿叔帶住我哋幾個年輕人做B仔。咁做B仔有咩好呢？B仔係會協助懲教安排值日生嘅工作，同埋負責派飯，詳情就唔多講喇。
事源就係有個黑底嘅，姑且叫阿A啦，幾後生好似都係廿尾，就住派飯嘅問題同其他人抱怨，俾阿叔聽到，阿叔就同其他人講阿A壞話，但又俾阿A聽到（好白痴點解大家講人壞話都唔識細聲講 = , =），然後兩個人之間就係咁因為派飯而生嫌隙。
接落嚟嘅日子，佢哋兩個就開始針鋒相對：阿A就不斷去捉阿叔偷懶嘅位去搵懲教報串，去challenge阿叔作為B仔嘅地位，又好踴躍咁撲出去幫手搞啲B仔嘢（清潔、派飯除外）；阿叔就不斷捉阿A亂掉煙頭，係咁搵阿Sir投訴；... ...總之就精彩過宮廷劇啦LOL
隨住時間推移，佢哋之間嘅張力越嚟越大，一幕幕嘅宮鬥情節越演越烈，令到當值嘅懲教都冇辦法唔介入（主要都係因為煩到佢哋）。而其他B仔呢？就當然係繼續坐埋一齊睇書、寫嘢，同埋食住花生睇宮廷劇啦～（待續）
建築生的鐵窗手記
有人嘅地方就有政治，監獄都有政治，但唔係講緊黃藍、左右翼，而係爭奪資源、權力嘅政治。
喺監獄，每一個囚犯都會被分派到一個所屬「期數」，即係工作組。我哋幾個喺隔離期間，加上只係短暫逗留，所以我哋幾個嘅所屬期數並唔需要工作，純粹係去一個Dayroom食三餐、睇下電視同書，過下日辰咁，到夜晚就會返倉。
喺期數入面有個角色叫做「B仔」，簡單講就係協助懲教管理期數嘅囚犯，喺我哋所屬嘅期數就由一個阿叔帶住我哋幾個年輕人做B仔。咁做B仔有咩好呢？B仔係會協助懲教安排值日生嘅工作，同埋負責派飯，詳情就唔多講喇。
事源就係有個黑底嘅，姑且叫阿A啦，幾後生好似都係廿尾，就住派飯嘅問題同其他人抱怨，俾阿叔聽到，阿叔就同其他人講阿A壞話，但又俾阿A聽到（好白痴點解大家講人壞話都唔識細聲講 = , =），然後兩個人之間就係咁因為派飯而生嫌隙。
接落嚟嘅日子，佢哋兩個就開始針鋒相對：阿A就不斷去捉阿叔偷懶嘅位去搵懲教報串，去challenge阿叔作為B仔嘅地位，又好踴躍咁撲出去幫手搞啲B仔嘢（清潔、派飯除外）；阿叔就不斷捉阿A亂掉煙頭，係咁搵阿Sir投訴；... ...總之就精彩過宮廷劇啦LOL
隨住時間推移，佢哋之間嘅張力越嚟越大，一幕幕嘅宮鬥情節越演越烈，令到當值嘅懲教都冇辦法唔介入（主要都係因為煩到佢哋）。而其他B仔呢？就當然係繼續坐埋一齊睇書、寫嘢，同埋食住花生睇宮廷劇啦～（待續）
建築生的鐵窗手記
【仍有我同行】
Hello(˶‾᷄ ⁻̫ ‾᷅˵)各位好！
呢個page會用嚟分享工程巴嘅日常點滴（潛台詞：佢嘅9up絕對會佔大部分），仲會不定時分享下佢嘅小畫作～
乜工程巴畫畫咁qq嘅～（um...其實呢幅係女朋友畫嘅～掌聲👏👏）唔知大家會唔會淨係想睇佢本人嘅畫作呢嗚嗚(｡ ́︿ ̀｡) 講笑咋～女朋友嘅畫都會時不時出現呢～
言歸正傳 希望所有手足都好似呢幅畫嘅熊仔鼠一樣，同身邊嘅同路人互相扶持 陪伴對方 大家都要平安幸福呢💛💛
在最壞的時代 感謝有著最好最溫暖的大家同行～～
——————————————————
分享一些工程巴的牆內日常、隨筆以及小畫作。
他被控五項罪名，已還押超過一年，案件排期至明年二月審訊。
收入會用作其訟費及生活開支。
感激大家的支持(T_T)＼(^-^)
歡迎大家支持佢嘅patreon💛
http://www.patreon.com/engineers9up
Instagram：@engineers9up
#engineers9up
engineers9up
Hello(˶‾᷄ ⁻̫ ‾᷅˵)各位好！
呢個page會用嚟分享工程巴嘅日常點滴（潛台詞：佢嘅9up絕對會佔大部分），仲會不定時分享下佢嘅小畫作～
乜工程巴畫畫咁qq嘅～（um...其實呢幅係女朋友畫嘅～掌聲👏👏）唔知大家會唔會淨係想睇佢本人嘅畫作呢嗚嗚(｡ ́︿ ̀｡) 講笑咋～女朋友嘅畫都會時不時出現呢～
言歸正傳 希望所有手足都好似呢幅畫嘅熊仔鼠一樣，同身邊嘅同路人互相扶持 陪伴對方 大家都要平安幸福呢💛💛
在最壞的時代 感謝有著最好最溫暖的大家同行～～
——————————————————
分享一些工程巴的牆內日常、隨筆以及小畫作。
他被控五項罪名，已還押超過一年，案件排期至明年二月審訊。
收入會用作其訟費及生活開支。
感激大家的支持(T_T)＼(^-^)
歡迎大家支持佢嘅patreon💛
http://www.patreon.com/engineers9up
Instagram：@engineers9up
#engineers9up
engineers9up
〈咪錶失竊案〉
第一次聽見這宗事，是睡前十點鐘的電台新聞。我躺在床上，燈已經熄了。只剩下耳邊的聽筒傳來新聞報道員的聲音：「警方接報於尖沙咀有一咪錶懷疑失竊⋯⋯」——「吓！」我不禁說了出聲。
彷彿是一粒萬樂珠被拌到可樂之中，萬樂珠順着地心吸力往瓶底沉下去，霎眼看已經被可樂吞噬，但不一會兒，氣泡不斷冒升，是無限，瓶蓋是最後的阻撓但已經擋不住，累積的壓力瞬間釋放，突破，至半空。遲疑到新聞報道完畢後兩個廣告的時間，睡意已經來不及了，腦內寄出無限、比大腦容量更多的問題。
到底甚麼人會偷咪錶？
大學住宿舍的時候，我曾經在朋友的房間看過各樣物件。「小心地滑」牌是常客，還有地盤膠欄杆上的橙色警示燈，在雪櫃上一閃一閃，好像小星星。有一次，推開房門，看見一個本應安裝在小安全島邊，指示車輛行車路線的黃白色膠燈箱，它那藍底白字的箭咀，朝左下方指着我朋友的床。——不過當年，也許都是貪玩而已，我倒是真的沒有見過咪錶。我第一直覺是覺得，那個咪錶應該是被人帶回家了。是甚麼人會帶咪錶回家？
可能是一個迷戀咪錶的人，我想像他的家裏四面牆壁都貼滿各式各樣、各國各地的咪錶的照片，入銀仔的，到後來用八達通的，甚至外國用credit card的都有。「咪錶，是一個金錢—時間—空間的三角關係，是存在的範式。入咪錶，是我與咪錶之間的純粹、臨時關係，由中央電腦監控是一種沾污。我不要在應用程式上俯瞰式看有多少車位未被佔用，我要徒步、以雙眼逐個逐個咪錶交流，安撫慰問⋯⋯」但說到底他還是愛咪錶的，這份愛甚至能容下一切背叛，於是那一夜，他終於忍不住，沒有事先計劃，完全出於一瞬的感覺——帶了那個命定的智能咪錶回家。
只可惜，現實沒有想像中精采，慘。
我地張家
第一次聽見這宗事，是睡前十點鐘的電台新聞。我躺在床上，燈已經熄了。只剩下耳邊的聽筒傳來新聞報道員的聲音：「警方接報於尖沙咀有一咪錶懷疑失竊⋯⋯」——「吓！」我不禁說了出聲。
彷彿是一粒萬樂珠被拌到可樂之中，萬樂珠順着地心吸力往瓶底沉下去，霎眼看已經被可樂吞噬，但不一會兒，氣泡不斷冒升，是無限，瓶蓋是最後的阻撓但已經擋不住，累積的壓力瞬間釋放，突破，至半空。遲疑到新聞報道完畢後兩個廣告的時間，睡意已經來不及了，腦內寄出無限、比大腦容量更多的問題。
到底甚麼人會偷咪錶？
大學住宿舍的時候，我曾經在朋友的房間看過各樣物件。「小心地滑」牌是常客，還有地盤膠欄杆上的橙色警示燈，在雪櫃上一閃一閃，好像小星星。有一次，推開房門，看見一個本應安裝在小安全島邊，指示車輛行車路線的黃白色膠燈箱，它那藍底白字的箭咀，朝左下方指着我朋友的床。——不過當年，也許都是貪玩而已，我倒是真的沒有見過咪錶。我第一直覺是覺得，那個咪錶應該是被人帶回家了。是甚麼人會帶咪錶回家？
可能是一個迷戀咪錶的人，我想像他的家裏四面牆壁都貼滿各式各樣、各國各地的咪錶的照片，入銀仔的，到後來用八達通的，甚至外國用credit card的都有。「咪錶，是一個金錢—時間—空間的三角關係，是存在的範式。入咪錶，是我與咪錶之間的純粹、臨時關係，由中央電腦監控是一種沾污。我不要在應用程式上俯瞰式看有多少車位未被佔用，我要徒步、以雙眼逐個逐個咪錶交流，安撫慰問⋯⋯」但說到底他還是愛咪錶的，這份愛甚至能容下一切背叛，於是那一夜，他終於忍不住，沒有事先計劃，完全出於一瞬的感覺——帶了那個命定的智能咪錶回家。
只可惜，現實沒有想像中精采，慘。
我地張家
//今天應該要天氣好的。卻是連綿細雨。這個不該忘記的日子，大概連天都要來悼念。今天本應要平安的，卻是這樣的情況。但謝謝大家的到來，也謝謝大家一起堅持。希望大家也繼續堅持下去。也祝其他手足平安。// 朋友代發書
(假如你不知誰是連潤發)2016年大年初一，發仔25歲，在魚革挺身而出，判囚3年。2019年6月他剛出獄便投身反送中，在理大一役中被捕，還柙至今(20210831)，罪成判囚4年。
後悔嗎？談不上後悔，因為再來一次也會作出同樣選擇。
勇敢？義士？他和其他人一樣，只想堅守信念，捍衛我城。
未來？無論身在何處，學習不能停。
承前帖文，其實發沒有預計過裁決會對他不利。拜山時交代了，如果罪成，就由朋友代筆為他寫幾句，朋友明白他的。
掛念發的，動筆寫信吧，他雖然懶回信，但對每封來信都珍而重之。
來信請寄九龍中央郵政局郵政信箱70320號
抗爭點滴 Stories of Resistance
(假如你不知誰是連潤發)2016年大年初一，發仔25歲，在魚革挺身而出，判囚3年。2019年6月他剛出獄便投身反送中，在理大一役中被捕，還柙至今(20210831)，罪成判囚4年。
後悔嗎？談不上後悔，因為再來一次也會作出同樣選擇。
勇敢？義士？他和其他人一樣，只想堅守信念，捍衛我城。
未來？無論身在何處，學習不能停。
承前帖文，其實發沒有預計過裁決會對他不利。拜山時交代了，如果罪成，就由朋友代筆為他寫幾句，朋友明白他的。
掛念發的，動筆寫信吧，他雖然懶回信，但對每封來信都珍而重之。
來信請寄九龍中央郵政局郵政信箱70320號
抗爭點滴 Stories of Resistance
Forwarded from 囊螢
《無序之有》
我舆8.31有著共榮辱的關係。
我的故事也發生在。。。。。
當我在將要服刑完畢前的一個星期。
非常深刻的印象，晴朗的星期三，媽媽完成探訪，我和同案正在探訪等候室等待離開，我在看著叔本華(Arthur Schopenhauer)的演講原文，懲教職員氣急的尋找我的行蹤。原來是公務探訪的查詢，人物不詳。
脛自走到公務探訪室的一個房間，三位警員已經好整以暇地像要等待送我第二張鬼門關的入場券。我是否欠了一句 : thank you sir !
福無重至，禍不單行⋯⋯屋漏兼逢連夜雨。在放學後沒有多久的日子裡，又再被檢控若干的控罪。人生再次跌進另一個冰河時期，迎來的只是夕陽的不一樣美麗，等待的或者只有黑暗。
今天的<<囊螢>>來之不易，稍一不慎便會踏進法律的地雷陣，紅線仿似早已架在我的脖子上，但我確實迫切地想用我心所想，藉文字和筆桿來觸碰你的內心，換取心中的烙印。希望在心靈的互相交集中得到大家慷慨的支持以支援本人正在面對的各項法律費用 / 基本生活開支 / 在囚同路人的援助經費。
<<囊螢>>的基礎 :
1) 個人在囚分享 / 生活點滴
2) 寫信 / 探訪 / 旁聽 的歷程和甜酸苦辣
3) 牆內小百科，Q & A (包括審訊過程須知)
4) 牆內 / 外手足和家屬的心語
5) 社會和時事的點評 / 感想
6) 書評，影音分享 (包括手足推介)
衷心感謝大家的支持，盼望大家能在《囊螢》中找到光與熱。
我不孤獨，因為有你。
==============================
Patreon: patreon.com/lumos_hkers
TG: @lumos_hkers
FB: https://www.facebook.com/profile.php?id=100071666506239
IG: https://www.instagram.com/lumos_hkers/
我舆8.31有著共榮辱的關係。
我的故事也發生在。。。。。
當我在將要服刑完畢前的一個星期。
非常深刻的印象，晴朗的星期三，媽媽完成探訪，我和同案正在探訪等候室等待離開，我在看著叔本華(Arthur Schopenhauer)的演講原文，懲教職員氣急的尋找我的行蹤。原來是公務探訪的查詢，人物不詳。
脛自走到公務探訪室的一個房間，三位警員已經好整以暇地像要等待送我第二張鬼門關的入場券。我是否欠了一句 : thank you sir !
福無重至，禍不單行⋯⋯屋漏兼逢連夜雨。在放學後沒有多久的日子裡，又再被檢控若干的控罪。人生再次跌進另一個冰河時期，迎來的只是夕陽的不一樣美麗，等待的或者只有黑暗。
今天的<<囊螢>>來之不易，稍一不慎便會踏進法律的地雷陣，紅線仿似早已架在我的脖子上，但我確實迫切地想用我心所想，藉文字和筆桿來觸碰你的內心，換取心中的烙印。希望在心靈的互相交集中得到大家慷慨的支持以支援本人正在面對的各項法律費用 / 基本生活開支 / 在囚同路人的援助經費。
<<囊螢>>的基礎 :
1) 個人在囚分享 / 生活點滴
2) 寫信 / 探訪 / 旁聽 的歷程和甜酸苦辣
3) 牆內小百科，Q & A (包括審訊過程須知)
4) 牆內 / 外手足和家屬的心語
5) 社會和時事的點評 / 感想
6) 書評，影音分享 (包括手足推介)
衷心感謝大家的支持，盼望大家能在《囊螢》中找到光與熱。
我不孤獨，因為有你。
==============================
Patreon: patreon.com/lumos_hkers
TG: @lumos_hkers
FB: https://www.facebook.com/profile.php?id=100071666506239
IG: https://www.instagram.com/lumos_hkers/
【羅湖遊記Vol. 21 (節錄)】2021-8-17
今日係被還柙第25日，結束左我嘅大欖staycation，踏入羅湖嘅Day 1。
估唔到係我逐漸習慣大欖生活之際，又要我過界，踏上未知嘅旅途，重新適應新地方新文化，計落羅湖係我第五個轉嘅倉。面對未知嘅前路，要離開啱啱建立嘅舒適圈，的確會不安同不捨。不過講到底，我哋都只係呢度嘅過客，不停流動逼使自己「唔好慣」都應該嘅。
今朝食嘅飯係南乳汁雞翼椰菜飯，個汁出奇地濃，雞翼都稍為大隻咗，冇上個禮拜咁冇陰公，可能係想Farewell我^_^ 喺飯堂食埋最後一餐我就先行離開，走嘅時候大家都同我揮手道別，「好搞笑婆婆」都有叫我保重、照顧自己，個種氛圍真係有一秒覺得自己係今日出冊😆
過界嘅安檢好嚴緊，因為驚啲人偷運違禁品 (我就覺得係難過登天，但好似真係有人試過)，所有開過包裝嘅嘢，包括紙巾、M巾、零食同埋我海量信件都要仔細檢查，我同保安都覺得好辛苦。搞完一大輪安檢同埋見值日官終於可以出車，好耐冇見過外面嘅景色喇。最近落完雨個天好藍，萬里無雲，加埋翠綠嘅山巒，都幾賞心悅目。我盡量保持清醒，希望喺呢有限嘅半小時車程入面，望清楚我愛嘅香港。由大欖出發上高速公路，沿路經過屯門、錦田、上水，直到我望到深圳灣嘅高樓大廈，我就知我差唔多到。
羅湖懲教所係一座大型嘅綜合監獄，同喺山谷入面依勢而建嘅大欖女懲教所唔同。羅湖係一座向橫發展嘅建築，四周都係平原，所以冇大欖嘅湖光山色，亦都冇陣陣微風輕拂。呢度被正午嘅陽光曬到發滾嘅外牆、風扇吹出嚟嘅風，都係令人窒息嘅熱氣；加上好似迷宮咁嘅通道，縱橫交錯，千篇一律嘅通道外貌，呢個異世界更易令人迷失。
羅湖嘅囚倉係三人床，一張碌架床加一張膠床，床嘅後面就係洗手盆同座廁，擺埋三個人嘅糧箱，真係連轉身嘅位置都冇，同大欖嘅「豪宅」唔同，簡直係監獄界劏房。房間入面無裝風扇，後面嘅鐵窗亦被膠板圍封咗(好似防蟲)，所以成間房嘅唯一鮮風來源，就係囚倉外面嘅大風扇同風機。瞓覺嘅時候，頭唔向門口都真係幾熱。
好似講到好差咁，但都有優勝之處。呢度嘅懲教飯係好食啲嘅。今日晏晝嘅黃豆粥幾清甜，亦可能係因為頻撲左一朝，所以特別覺得好食。晚飯就係食甜酸汁魚柳油麥菜飯，個汁唔重芡但都夠味，魚柳係有少少日式嘅炸法；大欖就係中式炸法，菜量較少，各有千秋。宵夜方面，羅湖個麵包較為鬆軟同多提子(明明都係同一個供應商)，奶都濃味少少，羅湖勝出。
夜晚擒上碌架床發現都幾牙煙，得半格樓梯(即係F形唔係H形)，好似踩唔到下面嗰格噉，好彩啲同倉提議擺張凳方便我上落。講返啲同倉，係好人嘅Auntie x2。我今日摺毯嘅時候Auntie 1號話唔係咁摺，就請纓話摺一次畀我睇，真係摺靚咗，我決定下次再出個「和你摺毯2.0」 。
......
跟住我開貓諗住聽吓903搵啲精神食糧，一開嚇死點解碌嚟碌去都係講「煲冬瓜」嘅呢？！？！我以為好似去偏僻地方行山噉，個訊號頻道會俾啲深圳台搶晒。喂！冇得聽廣東爆谷聽住jerb嘅情深演繹真係大獲㗎！！！跟住Auntie2號叫我唔好心急，慢慢追台會追到嘅。果然，商台匿埋咗喺一堆「煲冬瓜」台入面。唉希望商台假以時日啲訊號會改善啦，尋日喺大欖又係沙沙地。我依家要不停轉位追台，如果有超能力睇到啲電波喺邊就好了 :( 熄燈了，今日頻頻撲撲有啲攰，唔做靈性反思了，早唞聽日再講。
——黎雯齡
manlinthanks
今日係被還柙第25日，結束左我嘅大欖staycation，踏入羅湖嘅Day 1。
估唔到係我逐漸習慣大欖生活之際，又要我過界，踏上未知嘅旅途，重新適應新地方新文化，計落羅湖係我第五個轉嘅倉。面對未知嘅前路，要離開啱啱建立嘅舒適圈，的確會不安同不捨。不過講到底，我哋都只係呢度嘅過客，不停流動逼使自己「唔好慣」都應該嘅。
今朝食嘅飯係南乳汁雞翼椰菜飯，個汁出奇地濃，雞翼都稍為大隻咗，冇上個禮拜咁冇陰公，可能係想Farewell我^_^ 喺飯堂食埋最後一餐我就先行離開，走嘅時候大家都同我揮手道別，「好搞笑婆婆」都有叫我保重、照顧自己，個種氛圍真係有一秒覺得自己係今日出冊😆
過界嘅安檢好嚴緊，因為驚啲人偷運違禁品 (我就覺得係難過登天，但好似真係有人試過)，所有開過包裝嘅嘢，包括紙巾、M巾、零食同埋我海量信件都要仔細檢查，我同保安都覺得好辛苦。搞完一大輪安檢同埋見值日官終於可以出車，好耐冇見過外面嘅景色喇。最近落完雨個天好藍，萬里無雲，加埋翠綠嘅山巒，都幾賞心悅目。我盡量保持清醒，希望喺呢有限嘅半小時車程入面，望清楚我愛嘅香港。由大欖出發上高速公路，沿路經過屯門、錦田、上水，直到我望到深圳灣嘅高樓大廈，我就知我差唔多到。
羅湖懲教所係一座大型嘅綜合監獄，同喺山谷入面依勢而建嘅大欖女懲教所唔同。羅湖係一座向橫發展嘅建築，四周都係平原，所以冇大欖嘅湖光山色，亦都冇陣陣微風輕拂。呢度被正午嘅陽光曬到發滾嘅外牆、風扇吹出嚟嘅風，都係令人窒息嘅熱氣；加上好似迷宮咁嘅通道，縱橫交錯，千篇一律嘅通道外貌，呢個異世界更易令人迷失。
羅湖嘅囚倉係三人床，一張碌架床加一張膠床，床嘅後面就係洗手盆同座廁，擺埋三個人嘅糧箱，真係連轉身嘅位置都冇，同大欖嘅「豪宅」唔同，簡直係監獄界劏房。房間入面無裝風扇，後面嘅鐵窗亦被膠板圍封咗(好似防蟲)，所以成間房嘅唯一鮮風來源，就係囚倉外面嘅大風扇同風機。瞓覺嘅時候，頭唔向門口都真係幾熱。
好似講到好差咁，但都有優勝之處。呢度嘅懲教飯係好食啲嘅。今日晏晝嘅黃豆粥幾清甜，亦可能係因為頻撲左一朝，所以特別覺得好食。晚飯就係食甜酸汁魚柳油麥菜飯，個汁唔重芡但都夠味，魚柳係有少少日式嘅炸法；大欖就係中式炸法，菜量較少，各有千秋。宵夜方面，羅湖個麵包較為鬆軟同多提子(明明都係同一個供應商)，奶都濃味少少，羅湖勝出。
夜晚擒上碌架床發現都幾牙煙，得半格樓梯(即係F形唔係H形)，好似踩唔到下面嗰格噉，好彩啲同倉提議擺張凳方便我上落。講返啲同倉，係好人嘅Auntie x2。我今日摺毯嘅時候Auntie 1號話唔係咁摺，就請纓話摺一次畀我睇，真係摺靚咗，我決定下次再出個「和你摺毯2.0」 。
......
跟住我開貓諗住聽吓903搵啲精神食糧，一開嚇死點解碌嚟碌去都係講「煲冬瓜」嘅呢？！？！我以為好似去偏僻地方行山噉，個訊號頻道會俾啲深圳台搶晒。喂！冇得聽廣東爆谷聽住jerb嘅情深演繹真係大獲㗎！！！跟住Auntie2號叫我唔好心急，慢慢追台會追到嘅。果然，商台匿埋咗喺一堆「煲冬瓜」台入面。唉希望商台假以時日啲訊號會改善啦，尋日喺大欖又係沙沙地。我依家要不停轉位追台，如果有超能力睇到啲電波喺邊就好了 :( 熄燈了，今日頻頻撲撲有啲攰，唔做靈性反思了，早唞聽日再講。
——黎雯齡
manlinthanks