【寫信101】
話說我都有幫某啲手足收開信，收完信就會篩信（篩信原因會放最尾，當頭盔又好乜都好，有興趣先睇就得），呢篇嘢就想分享過程中一啲發現同諗法。
歡迎share比一啲有意想寫信比手足嘅朋友，暫時無諗住寫信都可share，當了解多啲手足收信或日常 😉
［以下係一啲我收到後唔會轉寄比手足嘅信同原因］
*不代表其他負責篩信的人
1️⃣ 純粹得主流新聞嘅信，即係入面無個人見解、無嘢想講，純粹分享主流新聞消息
2️⃣ 一堆聖經經文而且無其他文字內容嘅信
3️⃣ 有口號 / 講發夢經歷嘅信
4️⃣ 乜都無，得一句「手足撐住」或者「等你出嚟」嘅街站信，有時連抬頭都無
［對於初試寫信嘅建議］
1️⃣ 如果想寄新聞資訊類嘅嘢
🔸 曾經收過一啲都係講新聞資訊嘅信，但內容係一啲比較非主流又有趣嘅新聞嚟，例如Happy伯復出，嗰位寫信師仲好有心機畫埋配圖排埋版。雖然唔係每個人都有畫畫天份，但寫一啲非主流、電視報紙電台未必會講嘅花邊新聞，都可以幫手足解悶
🔸 即使寫主流新聞，亦可以多啲喺信中加入對嗰篇新聞嘅個人意見或想法，當討論吓或互相分享想法咁，但都唔好成篇只有新聞而無其他內容
🔸 不過記得記得！唔好因為想入花邊而入fake news同content farm，手足見到應該會嬲 🙈
2️⃣ 如果想分享經文 (任何宗教)
🔸 無論信徒定非信徒都好，每人對經文都會有唔同理解，如果想分享經文，最好唔好一大段，幾句咁短短地會好啲，而且可以寫吓自己點解想分享呢段經文、對你嚟講有咩意思、你覺得呢段經文同而家有無咩related嘅地方
🔸 最好當然可以喺信中禮貌地問句對方係咪信徒、想唔想收到經文之類，甚至可以問佢有無聖經/經書喺手、平時有無睇，如果有嘅下次同佢分享章節或選句都得，唔一定要成篇經文抄落嚟做信件內容
🔸 無論如何，寫信都係以分享為主較好
3️⃣ 其他內容建議
🔸 寫信前做少少資料搜集先，唔肯定嘅就查一查，唔知嘅嘢就唔一定要寫，但都唔好亂寫一通 （試過有人成封信都寫錯手足個名，佢亦知自己寫錯，所以改咗個抬頭，但內文無改，於是我用返同一隻色嘅筆 + 扮返佢嘅筆跡去逐個改，希望收信人無發現 🥲）
🔸 其實除咗某神徒之外🤣🤣🤣 有好多在囚手足都有追星嘅習慣，本地同外國嘅都有。如果真係唔知寫咩好，不妨問吓對方想睇啲咩、有無追開邊個明星/follow開邊啲page，然後用copy & paste新聞嘅時間嚟幫佢cap低偶像嘅ig story同ig post 🤩 例如有睇開小薯茄嘅手足，都會想睇吓啲新片消息同一眾小薯茄明星嘅近況，我諗收信人睇到時會開心好多 ❤️❤️
🔸 再進一步嘅，可以分享下自己嘅嘢，由工作、家庭、愛情、學業，到日常生活經歷同自己嘅興趣都可以講吓分享吓。見過有人寫自己同另一半拗交，將件事講晒出嚟叫手足幫佢評吓理，睇吓邊個啱，雖然手足未必可以回信/回信時已經過時，但呢啲內容會比較似返個「筆友」
4️⃣ 有關事務嘢嘅溫馨提示
🔸 寫信唔使話一定要做得好密，但希望可以持之以恆。大部份手足剛入冊時收到嘅信係每星期幾十封(較出名嗰啲)，兩個月後已經得返一個月兩三封 🥲 關心手足唔係一時三刻嘅事，可以持續地寫信，就算每月或隔月一封，其實都已經好好
🔸 無論咩信都好，請比足郵費。曾經收過一封，個信封係用兩張A4紙痴埋製成的，寄信人只係比咗$2，但4張A4紙嘅重量已經超過咗$2。嗰次見只係差$1.4就幫手比埋，但平時比唔足郵費嘅信係唔會收的 🙏🏼
📌 全文：Chan On Yi
話說我都有幫某啲手足收開信，收完信就會篩信（篩信原因會放最尾，當頭盔又好乜都好，有興趣先睇就得），呢篇嘢就想分享過程中一啲發現同諗法。
歡迎share比一啲有意想寫信比手足嘅朋友，暫時無諗住寫信都可share，當了解多啲手足收信或日常 😉
［以下係一啲我收到後唔會轉寄比手足嘅信同原因］
*不代表其他負責篩信的人
1️⃣ 純粹得主流新聞嘅信，即係入面無個人見解、無嘢想講，純粹分享主流新聞消息
2️⃣ 一堆聖經經文而且無其他文字內容嘅信
3️⃣ 有口號 / 講發夢經歷嘅信
4️⃣ 乜都無，得一句「手足撐住」或者「等你出嚟」嘅街站信，有時連抬頭都無
［對於初試寫信嘅建議］
1️⃣ 如果想寄新聞資訊類嘅嘢
🔸 曾經收過一啲都係講新聞資訊嘅信，但內容係一啲比較非主流又有趣嘅新聞嚟，例如Happy伯復出，嗰位寫信師仲好有心機畫埋配圖排埋版。雖然唔係每個人都有畫畫天份，但寫一啲非主流、電視報紙電台未必會講嘅花邊新聞，都可以幫手足解悶
🔸 即使寫主流新聞，亦可以多啲喺信中加入對嗰篇新聞嘅個人意見或想法，當討論吓或互相分享想法咁，但都唔好成篇只有新聞而無其他內容
🔸 不過記得記得！唔好因為想入花邊而入fake news同content farm，手足見到應該會嬲 🙈
2️⃣ 如果想分享經文 (任何宗教)
🔸 無論信徒定非信徒都好，每人對經文都會有唔同理解，如果想分享經文，最好唔好一大段，幾句咁短短地會好啲，而且可以寫吓自己點解想分享呢段經文、對你嚟講有咩意思、你覺得呢段經文同而家有無咩related嘅地方
🔸 最好當然可以喺信中禮貌地問句對方係咪信徒、想唔想收到經文之類，甚至可以問佢有無聖經/經書喺手、平時有無睇，如果有嘅下次同佢分享章節或選句都得，唔一定要成篇經文抄落嚟做信件內容
🔸 無論如何，寫信都係以分享為主較好
3️⃣ 其他內容建議
🔸 寫信前做少少資料搜集先，唔肯定嘅就查一查，唔知嘅嘢就唔一定要寫，但都唔好亂寫一通 （試過有人成封信都寫錯手足個名，佢亦知自己寫錯，所以改咗個抬頭，但內文無改，於是我用返同一隻色嘅筆 + 扮返佢嘅筆跡去逐個改，希望收信人無發現 🥲）
🔸 其實除咗某神徒之外🤣🤣🤣 有好多在囚手足都有追星嘅習慣，本地同外國嘅都有。如果真係唔知寫咩好，不妨問吓對方想睇啲咩、有無追開邊個明星/follow開邊啲page，然後用copy & paste新聞嘅時間嚟幫佢cap低偶像嘅ig story同ig post 🤩 例如有睇開小薯茄嘅手足，都會想睇吓啲新片消息同一眾小薯茄明星嘅近況，我諗收信人睇到時會開心好多 ❤️❤️
🔸 再進一步嘅，可以分享下自己嘅嘢，由工作、家庭、愛情、學業，到日常生活經歷同自己嘅興趣都可以講吓分享吓。見過有人寫自己同另一半拗交，將件事講晒出嚟叫手足幫佢評吓理，睇吓邊個啱，雖然手足未必可以回信/回信時已經過時，但呢啲內容會比較似返個「筆友」
4️⃣ 有關事務嘢嘅溫馨提示
🔸 寫信唔使話一定要做得好密，但希望可以持之以恆。大部份手足剛入冊時收到嘅信係每星期幾十封(較出名嗰啲)，兩個月後已經得返一個月兩三封 🥲 關心手足唔係一時三刻嘅事，可以持續地寫信，就算每月或隔月一封，其實都已經好好
🔸 無論咩信都好，請比足郵費。曾經收過一封，個信封係用兩張A4紙痴埋製成的，寄信人只係比咗$2，但4張A4紙嘅重量已經超過咗$2。嗰次見只係差$1.4就幫手比埋，但平時比唔足郵費嘅信係唔會收的 🙏🏼
📌 全文：Chan On Yi
〈讀英文書的原因：續〈善用性格缺陷〉一文〉
讀完上篇<善用獅子座的性格缺陷>，眼利的讀者可能留意到，我提到兩本書《Critique of Pure Reason》&《In Search of Lost Time》都是英文版的。對於獅子座來說，這是必須的。
在牢中讀英文書有很多原因，有些比較實際。例如因為赤柱這裏一般來說每個月只能入六本書，除開大約五日一本，逢三十一號放假，但是放假又有甚麼好做？結果都是看書，而且由六點半起床至晚上十點，除卻一小時放風，每天大概有14.5小時，看書以外其實無啥可做，因此書本的消耗可以很快的。我曾經看過一本翻譯小說，不太厚也不太薄，結果那天我由荔枝角移往赤柱的一天日程內就看完了，加上寫讀後感也約莫只可消費兩三天時間。中文書讀得過於順暢，是不太理想的。因此後來，我入書盡量避開讀得太快的流行讀物（雖然我很喜歡看亦舒，但是也唯有從這裏圖書館借。很多人以為亦舒是女性向言情小說，但是其實男性，由其是直男，更需要讀亦舒，詳細他日再談），另一個入書條件，就是盡量入英文。不是因為我英文好或者發奮想學好英文，而是因為看得比較慢，就不怕消耗得太快以至無書可讀。還有是關於翻譯的，可能是沒有翻譯，或者翻譯不太理想。大學一年級修某科創作班，導師力陳讀英文之重要彷如打開另一個世界的大門，此言非虛。
不過以上理由都太過實際，推動力反而平平。讀英文比中文當然更艱難，我一向英文都不太好，AL只取得一個D，就我所認識的英文我會稱之為「paper English」，只用來讀&寫paper，讀《In Search of Lost Time》好似是第一次挑戰英文小說，結果是不斷揭字典，揭完再揭，然後忘掉了再揭。真正令我一直堅持下去的原因，最重要的動機，其實是「虛榮感」啊！好像打機時，完成了某些目標便能取得trophy，目標是甚麼其實不重要，重要的是取得trophy的提示及其「叮」的一聲清脆。我是抱着這種心態讀英文書的：「坐監睇《追憶逝水年華》是基本啦，讀英文好似再型啲喎！」如果懂得善於利用獅子座愛虛榮的心理，其實係好好用，起碼能夠教人堅持讀下去——只是前提可能真的要比較得閒。
Sam
2021年7月12日
我地張家
讀完上篇<善用獅子座的性格缺陷>，眼利的讀者可能留意到，我提到兩本書《Critique of Pure Reason》&《In Search of Lost Time》都是英文版的。對於獅子座來說，這是必須的。
在牢中讀英文書有很多原因，有些比較實際。例如因為赤柱這裏一般來說每個月只能入六本書，除開大約五日一本，逢三十一號放假，但是放假又有甚麼好做？結果都是看書，而且由六點半起床至晚上十點，除卻一小時放風，每天大概有14.5小時，看書以外其實無啥可做，因此書本的消耗可以很快的。我曾經看過一本翻譯小說，不太厚也不太薄，結果那天我由荔枝角移往赤柱的一天日程內就看完了，加上寫讀後感也約莫只可消費兩三天時間。中文書讀得過於順暢，是不太理想的。因此後來，我入書盡量避開讀得太快的流行讀物（雖然我很喜歡看亦舒，但是也唯有從這裏圖書館借。很多人以為亦舒是女性向言情小說，但是其實男性，由其是直男，更需要讀亦舒，詳細他日再談），另一個入書條件，就是盡量入英文。不是因為我英文好或者發奮想學好英文，而是因為看得比較慢，就不怕消耗得太快以至無書可讀。還有是關於翻譯的，可能是沒有翻譯，或者翻譯不太理想。大學一年級修某科創作班，導師力陳讀英文之重要彷如打開另一個世界的大門，此言非虛。
不過以上理由都太過實際，推動力反而平平。讀英文比中文當然更艱難，我一向英文都不太好，AL只取得一個D，就我所認識的英文我會稱之為「paper English」，只用來讀&寫paper，讀《In Search of Lost Time》好似是第一次挑戰英文小說，結果是不斷揭字典，揭完再揭，然後忘掉了再揭。真正令我一直堅持下去的原因，最重要的動機，其實是「虛榮感」啊！好像打機時，完成了某些目標便能取得trophy，目標是甚麼其實不重要，重要的是取得trophy的提示及其「叮」的一聲清脆。我是抱着這種心態讀英文書的：「坐監睇《追憶逝水年華》是基本啦，讀英文好似再型啲喎！」如果懂得善於利用獅子座愛虛榮的心理，其實係好好用，起碼能夠教人堅持讀下去——只是前提可能真的要比較得閒。
Sam
2021年7月12日
我地張家
「唔經唔覺就八月，計一計時間已經四個多月，之前提及既大暑小暑都不知不覺間過左，就好似立秋已靜靜悄悄來臨， 都係咁熱，都係日日成身汗。石牆花之前既聯署雖然懲教處冇公開發表，但都有改善，加裝同更換左更強勁既牛角扇，但冰巾方面，申請就申請左，但可能收到是天氣已經變涼😆
同大家分享下我既近況啦～我而家係一個整皮鞋既工場工作，近期亦由搽膠水枱轉左衣車位，我未接觸過衣車，但記得媽咪同我講佢以前都係輕工業一分子，所以當我開始學用衣車時好開心馬上同媽咪分享「梳仔」，「線芯」枝針長坑短坑要點裝…..由有想開間咖啡店既想法開始就一直想間個位買部衣車比媽咪退休可以幫人補下衫冇咁悶，而家我都可以幫手啦～一開始試用衣車時未識控制腳踏個力度，望住塊練習布唔係d線向左走向右走就係條線出埋布出面😩到開始上手就要開始出貨，第一步係車size牌係舌度，即係平時波鞋寫size果塊牌，又細又窄，但都開始越車越快，而家又轉左位車曲線，又係由一開始一針一針咁車到而家可以慢慢咁車，唔使一下一下咁龜速～不過媽咪係車衫我係車皮，出到黎要再跟媽媽學習下先！
人工開始都加左一級，唔係多但係都叫可以買下零食。我d整齊症又出現，食完包餅有d有間隔既膠兜發現可以一格剛剛好放到三條朱古力，唔長唔濶剛剛好～心情好舒暢～牆內既生活都開始適應，亦開始有生理時鐘，幾點會醒，幾點開始眼瞓，準時肚餓😆睡眠質素…….都ok啦～腰骨問題竟然有好轉，睇來我妹仔命瞓唔得靚床😆
唔知大家有冇聽開收音機？好想推介大家晚上9點至11點打開收音機聽903既「廣東爆谷」，兩小時播下流行同深入民心既廣東歌，大家來信推介我聽既新歌有時都會聽到～好似同大家有種連結咁，以歌會友～
講完開心野就講下慘野，玩部衣車玩到太忘我，右手背脊舊雞翼骨肌肉痛，連「烏低身拎野都痛」最慘情係喺背脊，我搽唔到喜療妥😆我班所員有幫我，不過一邊幫我一邊恥笑我咁囉！另外轉左上車位，坐又坐多左，有一日發現我引以為傲既屁股（sorry太自戀）出疹，之後就不停FF會留疤，男朋友會嫌棄，冇得着三點式同男朋友去沙灘…..第二日咁啱男朋友黎探訪，我喊到傻左，搞到男朋友都唔開心，佢有少少重語氣話我唔會介意，叫我唔好再亂諗，探訪時間完左我都繼續喊，嚇親d姑娘，果時我好討厭自己，令男朋友覺得我唔信任佢，我就不停煩佢，質疑佢，比壓力佢，不過過左一排，keep住搽藥膏，而家已經靚返一大半～我又重生啦～
最後最後，我個嘟嘟男朋友8月23號生日啦！等我好厚面皮咁麻煩大家同我男朋友講句生日快樂啦，接下來幾年都冇得陪男朋友過，我祝佢每次出海一航風順，釣魚永冇雞泡魚，fit中魷唔會噴墨，返到室內或者屋企先打石湖，同埋會夢見我陪佢切蛋糕😘（係我又要大家帶返副黑超啦）多謝收看，晚安啦各位😉下個月再會～
13/8/2021 9:00p.m.」
VU Coffee
同大家分享下我既近況啦～我而家係一個整皮鞋既工場工作，近期亦由搽膠水枱轉左衣車位，我未接觸過衣車，但記得媽咪同我講佢以前都係輕工業一分子，所以當我開始學用衣車時好開心馬上同媽咪分享「梳仔」，「線芯」枝針長坑短坑要點裝…..由有想開間咖啡店既想法開始就一直想間個位買部衣車比媽咪退休可以幫人補下衫冇咁悶，而家我都可以幫手啦～一開始試用衣車時未識控制腳踏個力度，望住塊練習布唔係d線向左走向右走就係條線出埋布出面😩到開始上手就要開始出貨，第一步係車size牌係舌度，即係平時波鞋寫size果塊牌，又細又窄，但都開始越車越快，而家又轉左位車曲線，又係由一開始一針一針咁車到而家可以慢慢咁車，唔使一下一下咁龜速～不過媽咪係車衫我係車皮，出到黎要再跟媽媽學習下先！
人工開始都加左一級，唔係多但係都叫可以買下零食。我d整齊症又出現，食完包餅有d有間隔既膠兜發現可以一格剛剛好放到三條朱古力，唔長唔濶剛剛好～心情好舒暢～牆內既生活都開始適應，亦開始有生理時鐘，幾點會醒，幾點開始眼瞓，準時肚餓😆睡眠質素…….都ok啦～腰骨問題竟然有好轉，睇來我妹仔命瞓唔得靚床😆
唔知大家有冇聽開收音機？好想推介大家晚上9點至11點打開收音機聽903既「廣東爆谷」，兩小時播下流行同深入民心既廣東歌，大家來信推介我聽既新歌有時都會聽到～好似同大家有種連結咁，以歌會友～
講完開心野就講下慘野，玩部衣車玩到太忘我，右手背脊舊雞翼骨肌肉痛，連「烏低身拎野都痛」最慘情係喺背脊，我搽唔到喜療妥😆我班所員有幫我，不過一邊幫我一邊恥笑我咁囉！另外轉左上車位，坐又坐多左，有一日發現我引以為傲既屁股（sorry太自戀）出疹，之後就不停FF會留疤，男朋友會嫌棄，冇得着三點式同男朋友去沙灘…..第二日咁啱男朋友黎探訪，我喊到傻左，搞到男朋友都唔開心，佢有少少重語氣話我唔會介意，叫我唔好再亂諗，探訪時間完左我都繼續喊，嚇親d姑娘，果時我好討厭自己，令男朋友覺得我唔信任佢，我就不停煩佢，質疑佢，比壓力佢，不過過左一排，keep住搽藥膏，而家已經靚返一大半～我又重生啦～
最後最後，我個嘟嘟男朋友8月23號生日啦！等我好厚面皮咁麻煩大家同我男朋友講句生日快樂啦，接下來幾年都冇得陪男朋友過，我祝佢每次出海一航風順，釣魚永冇雞泡魚，fit中魷唔會噴墨，返到室內或者屋企先打石湖，同埋會夢見我陪佢切蛋糕😘（係我又要大家帶返副黑超啦）多謝收看，晚安啦各位😉下個月再會～
13/8/2021 9:00p.m.」
VU Coffee
［久違了］
曼德拉2.0 手足信件曾經流通於多個平台，但近日社會狀況影響，令部分平台無法再將手足既信件比牆外手足睇到⋯
獨角獸會重新將手足既信件轉載，希望多多支持！
今日更新至5月尾既信件，講述手足經轉介下得以同新加坡監獄署署長及台灣犯罪學博生黃維賢先生通訊，喺牆內既第572日，願你平安！
獨角獸 Indicorn union
曼德拉2.0 手足信件曾經流通於多個平台，但近日社會狀況影響，令部分平台無法再將手足既信件比牆外手足睇到⋯
獨角獸會重新將手足既信件轉載，希望多多支持！
今日更新至5月尾既信件，講述手足經轉介下得以同新加坡監獄署署長及台灣犯罪學博生黃維賢先生通訊，喺牆內既第572日，願你平安！
獨角獸 Indicorn union
【大欖遊記Vol. 11 (節錄)】2021-8-6
親愛的大家，今日係大欖遊記Day14。
話說尋晚瞓着咗冇郁過，成個人痺晒，痹到行去廁所嘅時候差啲失平衡PK🧎🏻♀️所以話老友記去柯夜尿真係要小心，一唔留神就會做唔到世界冠軍。
今朝做清潔嘅時候，發現啲越南靚女識廣東話但係扮唔識，諗住唔使做(呢招要學，係辦公室生存秘技)；不過最後都畀人發現咗，結果都係要做。聽聞佢地好團結，打交好狠，所以都係維持一個和平嘅關係比較好 (佢哋都真係由朝到晚都圍喺角落頭傾計，角落生物?)。
「倒立阿婆」今朝上court，應該保到出去唔會返嚟，佢成日話我咁後生坐監好慘，係噉逼我抄低佢電話地址，話要搵朋友攞$2000入嚟畀我，又話要請我屋企人飲茶。不過佢亦都成日話坐監舒服，要坐到133歲(阿婆都慘嘅，冇人冇物)，所以我叫佢下一梘入嚟搵我，我到時應該仲坐緊😆。
今日早餐早嚟咗(08:45)，真係還得神落，所以杯檸水都未浸到澀晒，飲得到。主食係五香肉丁叉燒餐肉米粉，雖然好sad係米粉 ，不過我相信大家係因為知我鍾意食餐肉所以嗌畀我❤️❤️ 餐肉薄咗少少，即係好似唐老鴨切麵包個gif噉，不過有得食餐肉都開心。
跟住攤屍咗幾個鐘好快就到午餐時間，係食紫菜豆腐湯飯~ 話說之前已經收到信話呢個餐係大家特登訂畀我，因為我平時成日喺屋企煲紫菜湯，貪佢方便又通便(押韻!)。我試過因為想飲蕃茄湯，又想飲紫菜湯，所以煲咗蕃茄紫菜湯，仲邀請咗朋友一齊飲，結果我肚痛SL咗半日=.=
好啦講返個飯，真係夠齋，如果有少少肉碎或者蝦米吊下味會好啲～ 總結：我煮得好食啲😆
(Admin: 廚藝詳情可參考11/8 IG post嘅3張signal對話截圖)
......
每次行去探訪同返嚟都見到大欖靈貓，好似叫文文？佢係一隻黑白貓，瞓得勁冧，我喺探訪室留咗半個鐘有多，出到嚟佢都冇轉過姿勢，好想摸吓佢😢 好掛住屋企兩位主子，有時見到探訪室有親子探訪，屋企人可以抱BB嚟探，噉貓呢～?
探訪完返到去就夠鐘食晚飯，不過今餐私飯又遲咗上，飯未到就幫姑娘執下啲衫，每日洗完啲衫返嚟都要按碼數去整理。呢件事大家千祈唔好睇小，因為極混亂極多溝通breakdown (聽錯碼、衫執錯咗做褲、執少咗、冇碼 etc.)，執完先明做U記嗰啲sales真係唔簡單～我出冊都可以去連鎖服裝店見工: 有兩年喺大欖boutique執衫經驗^_^
......
下晝嘅時間通常比較充實，過得快啲，跟住就到每日最期待嘅收信時刻❤️ 今日收到一堆信，有認識嘅，亦有素未謀面嘅，多謝你哋。我會慢慢睇同每日預留返啲時間同信期覆下各位長腿叔叔🧍🏻♂️見到好多人講「朱古力保衛戰」😆 保衛戰暫時告一段落喇，因為個小偷已經被擊退咗^_^ 喺監房學識保護自己同埋Say No好重要，聽聞啲人坐完監出嚟都會tough and strong啲。
人生就係一場修煉，喺唔同嘅環境成就更好嘅自己。
——黎雯齡
manlinthanks
親愛的大家，今日係大欖遊記Day14。
話說尋晚瞓着咗冇郁過，成個人痺晒，痹到行去廁所嘅時候差啲失平衡PK🧎🏻♀️所以話老友記去柯夜尿真係要小心，一唔留神就會做唔到世界冠軍。
今朝做清潔嘅時候，發現啲越南靚女識廣東話但係扮唔識，諗住唔使做(呢招要學，係辦公室生存秘技)；不過最後都畀人發現咗，結果都係要做。聽聞佢地好團結，打交好狠，所以都係維持一個和平嘅關係比較好 (佢哋都真係由朝到晚都圍喺角落頭傾計，角落生物?)。
「倒立阿婆」今朝上court，應該保到出去唔會返嚟，佢成日話我咁後生坐監好慘，係噉逼我抄低佢電話地址，話要搵朋友攞$2000入嚟畀我，又話要請我屋企人飲茶。不過佢亦都成日話坐監舒服，要坐到133歲(阿婆都慘嘅，冇人冇物)，所以我叫佢下一梘入嚟搵我，我到時應該仲坐緊😆。
今日早餐早嚟咗(08:45)，真係還得神落，所以杯檸水都未浸到澀晒，飲得到。主食係五香肉丁叉燒餐肉米粉，雖然好sad係米粉 ，不過我相信大家係因為知我鍾意食餐肉所以嗌畀我❤️❤️ 餐肉薄咗少少，即係好似唐老鴨切麵包個gif噉，不過有得食餐肉都開心。
跟住攤屍咗幾個鐘好快就到午餐時間，係食紫菜豆腐湯飯~ 話說之前已經收到信話呢個餐係大家特登訂畀我，因為我平時成日喺屋企煲紫菜湯，貪佢方便又通便(押韻!)。我試過因為想飲蕃茄湯，又想飲紫菜湯，所以煲咗蕃茄紫菜湯，仲邀請咗朋友一齊飲，結果我肚痛SL咗半日=.=
好啦講返個飯，真係夠齋，如果有少少肉碎或者蝦米吊下味會好啲～ 總結：我煮得好食啲😆
(Admin: 廚藝詳情可參考11/8 IG post嘅3張signal對話截圖)
......
每次行去探訪同返嚟都見到大欖靈貓，好似叫文文？佢係一隻黑白貓，瞓得勁冧，我喺探訪室留咗半個鐘有多，出到嚟佢都冇轉過姿勢，好想摸吓佢😢 好掛住屋企兩位主子，有時見到探訪室有親子探訪，屋企人可以抱BB嚟探，噉貓呢～?
探訪完返到去就夠鐘食晚飯，不過今餐私飯又遲咗上，飯未到就幫姑娘執下啲衫，每日洗完啲衫返嚟都要按碼數去整理。呢件事大家千祈唔好睇小，因為極混亂極多溝通breakdown (聽錯碼、衫執錯咗做褲、執少咗、冇碼 etc.)，執完先明做U記嗰啲sales真係唔簡單～我出冊都可以去連鎖服裝店見工: 有兩年喺大欖boutique執衫經驗^_^
......
下晝嘅時間通常比較充實，過得快啲，跟住就到每日最期待嘅收信時刻❤️ 今日收到一堆信，有認識嘅，亦有素未謀面嘅，多謝你哋。我會慢慢睇同每日預留返啲時間同信期覆下各位長腿叔叔🧍🏻♂️見到好多人講「朱古力保衛戰」😆 保衛戰暫時告一段落喇，因為個小偷已經被擊退咗^_^ 喺監房學識保護自己同埋Say No好重要，聽聞啲人坐完監出嚟都會tough and strong啲。
人生就係一場修煉，喺唔同嘅環境成就更好嘅自己。
——黎雯齡
manlinthanks
【「和你做筆友」計劃 最新消息】
「和你做筆友」計劃繼續進行中，❗❗❗最近兩個月筆友信件持續減少❗❗❗，以致出現一些最新還押的手足欠缺筆友進行配對。現正呼籲各位持續地寫信撐手足！「和你做筆友」計劃現已有超過 350名手足參與，並成功配對了 4000 對筆友，現時牆內仍有約300名在囚/還押手足。
除了呼籲大家與手足成為筆友之外，我們亦希望大家能夠更掌握牆內手足的需要，所以早前聯同Jimmy Jungle 合輯升級版寫信攻略。此攻略乃眾人之心血，希望大家寫信前可仔細閱讀：https://cutt.ly/qnm7Vnb
參與和你做筆友計劃，請把信寄到：
荔枝角青山道485號九龍廣場1101室
（Room 1101, Kowloon Plaza, 485 Castle Peak Rd, Lai Chi Kok）
石牆花 Wall-fare
「和你做筆友」計劃繼續進行中，❗❗❗最近兩個月筆友信件持續減少❗❗❗，以致出現一些最新還押的手足欠缺筆友進行配對。現正呼籲各位持續地寫信撐手足！「和你做筆友」計劃現已有超過 350名手足參與，並成功配對了 4000 對筆友，現時牆內仍有約300名在囚/還押手足。
除了呼籲大家與手足成為筆友之外，我們亦希望大家能夠更掌握牆內手足的需要，所以早前聯同Jimmy Jungle 合輯升級版寫信攻略。此攻略乃眾人之心血，希望大家寫信前可仔細閱讀：https://cutt.ly/qnm7Vnb
參與和你做筆友計劃，請把信寄到：
荔枝角青山道485號九龍廣場1101室
（Room 1101, Kowloon Plaza, 485 Castle Peak Rd, Lai Chi Kok）
石牆花 Wall-fare
【為伍健偉收生日祝福】
伍健偉因国安惡法身陷囹圄，
至今已還押近半年，
九月初是他的生日，
唔知街坊們仲記唔記得呢位年輕人？
嚟緊天水連線會為佢徵收 生日信件
街坊可以親身去到以下地址放低封信：
1️⃣ 寵幸市集 (即日!!!)***
日期：2021年8月21日(六)
時間：1200-1900
地址：元朗教育路118號地下
2️⃣ Yeah爐Pop-Up市集x夠薑媒體
日期：2021年8月27-29日(五-日)
時間：1300-2300
地址：旺角砵蘭街240號MPM商場地下
3️⃣ 不定期天水連線街站
截至日期：2021年8月30日-
—
*由於懲教規限，只收信件，不收卡片
*如果沒法親身前來，請聯絡天水連線
天水連線
伍健偉因国安惡法身陷囹圄，
至今已還押近半年，
九月初是他的生日，
唔知街坊們仲記唔記得呢位年輕人？
嚟緊天水連線會為佢徵收 生日信件
街坊可以親身去到以下地址放低封信：
1️⃣ 寵幸市集 (即日!!!)***
日期：2021年8月21日(六)
時間：1200-1900
地址：元朗教育路118號地下
2️⃣ Yeah爐Pop-Up市集x夠薑媒體
日期：2021年8月27-29日(五-日)
時間：1300-2300
地址：旺角砵蘭街240號MPM商場地下
3️⃣ 不定期天水連線街站
截至日期：2021年8月30日-
—
*由於懲教規限，只收信件，不收卡片
*如果沒法親身前來，請聯絡天水連線
天水連線
【真•大欖遊記Vol. 12 (節錄)】2021-8-7
親愛的大家，今日係大欖遊記day 15。今朝電台有《Its ok to be sad》同埋《水刑物語》❤️❤️❤️正呀❤️❤️❤️～ 仲有《我們不chok》睇嚟weekend電台會播多啲Mirror Error呢個傳聞係真嘅～
......
今日便便暢通～ 大清潔完就等食早餐啦，今日早餐係鹹肉糭＋皮蛋瘦＋凍檸水走甜。繼尋日全日高纖之後，今朝又重碳水，不過鹹蛋黃好正。食完就覺得超眼瞓，迷下迷下又瞓咗陣。跟住一齊洗自己房嘅風扇，因為人多所以好快搞掂。經過2日嘅相處，啲越南靚女姐姐都好配合我哋，有一齊做清潔，絕對冇馬虎㗎～ 我地仲學咗3個越南話：/a1 mui1/ = 妹妹, /tsit3 oi1/ = 姐姐, /mo6 oi1/ = 朋友
做完運動就差唔多食lunch，今日私飯又突然準時到喎，即係0900食早餐，1245食午餐。今日係食咖哩薯仔西蘭花飯＋凍奶茶，咖哩好味嘅，但係齋餐真係齋到冇protein，畀少少豆/豆腐我都好吖，搞到好似嘥咗先頭做啲運動噉☹️都係懲教啲膳食均衡啲，每餐都有碳水、纖維、蛋白質，我建議餐廳請返個營養師設計下個餐單，好味係好味嘅，營養方面可以改善下。當然，有得食私飯已經好好😆❤️我見大家話想睇食評，我食埋星期日先總結啦。
跟住食完飯會試走犯鐘 (逢星期六下晝)，好似啲戰爭片嘅空襲警報噉。聽前輩講，以前喺喜靈定唔知芝麻灣真係試過響真·走犯鐘，有個犯游水走，跟住俾人捉返。以前啲保安系統冇咁先進同嚴密，都真係有可能發生嘅。今時今日就真係冇可能喇，滴水不漏嘅保安系統，落到樓都當係贏，成十幾個閘，每個閘都要人開😆
......
今日探訪完私飯未到，所以就執住衫先。執衫幾好玩，但真係幾煩，派完衫又話啲碼唔啱，明明照住個size chart嚟執=,= 唔通啲人再度發育？今日啱著聽日唔啱着=,=
執完岩岩好私飯就到了，鬧咗佢幾餐，終於有均衡飲食，今日係白菜仔+鹹魚蒸肉餅❤️ 正
......
早排睇解悶工廠，睇一篇講科學家做時間感知嘅實驗，自己入咗山窿生活，冇時鐘，分唔到日夜，結果佢嘅作息時間亂晒，有時醒好耐，有時瞓好耐；後來實驗結果係佢自己估計嘅逗留日子比實際嘅少，即係佢覺得時間過得慢咗。我依家都時不時有呢種感覺，明明傾咗好耐計，但竟然只係過咗幾分鐘，不過我諗坐監無鐘好過有鐘嘅，望住時間流逝仲難堪。
P.S. 《大欖遊記》可能有時會skip 1日，因為要慳返啲信紙回信比咁多位長腿叔叔🧍♂️🌈
—— 黎雯齡
manlinthanks
親愛的大家，今日係大欖遊記day 15。今朝電台有《Its ok to be sad》同埋《水刑物語》❤️❤️❤️正呀❤️❤️❤️～ 仲有《我們不chok》睇嚟weekend電台會播多啲Mirror Error呢個傳聞係真嘅～
......
今日便便暢通～ 大清潔完就等食早餐啦，今日早餐係鹹肉糭＋皮蛋瘦＋凍檸水走甜。繼尋日全日高纖之後，今朝又重碳水，不過鹹蛋黃好正。食完就覺得超眼瞓，迷下迷下又瞓咗陣。跟住一齊洗自己房嘅風扇，因為人多所以好快搞掂。經過2日嘅相處，啲越南靚女姐姐都好配合我哋，有一齊做清潔，絕對冇馬虎㗎～ 我地仲學咗3個越南話：/a1 mui1/ = 妹妹, /tsit3 oi1/ = 姐姐, /mo6 oi1/ = 朋友
做完運動就差唔多食lunch，今日私飯又突然準時到喎，即係0900食早餐，1245食午餐。今日係食咖哩薯仔西蘭花飯＋凍奶茶，咖哩好味嘅，但係齋餐真係齋到冇protein，畀少少豆/豆腐我都好吖，搞到好似嘥咗先頭做啲運動噉☹️都係懲教啲膳食均衡啲，每餐都有碳水、纖維、蛋白質，我建議餐廳請返個營養師設計下個餐單，好味係好味嘅，營養方面可以改善下。當然，有得食私飯已經好好😆❤️我見大家話想睇食評，我食埋星期日先總結啦。
跟住食完飯會試走犯鐘 (逢星期六下晝)，好似啲戰爭片嘅空襲警報噉。聽前輩講，以前喺喜靈定唔知芝麻灣真係試過響真·走犯鐘，有個犯游水走，跟住俾人捉返。以前啲保安系統冇咁先進同嚴密，都真係有可能發生嘅。今時今日就真係冇可能喇，滴水不漏嘅保安系統，落到樓都當係贏，成十幾個閘，每個閘都要人開😆
......
今日探訪完私飯未到，所以就執住衫先。執衫幾好玩，但真係幾煩，派完衫又話啲碼唔啱，明明照住個size chart嚟執=,= 唔通啲人再度發育？今日啱著聽日唔啱着=,=
執完岩岩好私飯就到了，鬧咗佢幾餐，終於有均衡飲食，今日係白菜仔+鹹魚蒸肉餅❤️ 正
......
早排睇解悶工廠，睇一篇講科學家做時間感知嘅實驗，自己入咗山窿生活，冇時鐘，分唔到日夜，結果佢嘅作息時間亂晒，有時醒好耐，有時瞓好耐；後來實驗結果係佢自己估計嘅逗留日子比實際嘅少，即係佢覺得時間過得慢咗。我依家都時不時有呢種感覺，明明傾咗好耐計，但竟然只係過咗幾分鐘，不過我諗坐監無鐘好過有鐘嘅，望住時間流逝仲難堪。
P.S. 《大欖遊記》可能有時會skip 1日，因為要慳返啲信紙回信比咁多位長腿叔叔🧍♂️🌈
—— 黎雯齡
manlinthanks