To我愛的XXX：
東京奧運終於開幕！記得剛入嚟時聽903，當時佢哋為咗迎接本來2020年舉辦嘅東京奧運，口號係「有體育，就精神」，可惜突然因疫情令奧運無法如期舉行，口號變成「世界在隔離，我在你隔離」此口號沿用至今。最後東京奧運係二一年舉行，同手足傾偈言談之間感到最可惜係泛睇到開幕禮。只係喺收音機之中得知，開幕禮當晚好多人沖曬出街睇開幕禮直播，氣氛熱鬧。隔日小弟食早餐時同手足吹水「前日先拉咗羊村，今時今日香港咁，如果我喺出面都未必開心到。」
當然，依句說話好快就被「下午的我」打倒，食完早餐全期數都投入喺奧運氣氛之中，全部電視播奧運，為期打氣同歡呼。小弟出面基手對奧運冇太大感覺，正確來講係對港隊冇太大感覺，除咗睇自己有興趣嘅項目，港隊嘅輸贏，好似事不關己。今年竟然對港隊多咗一份親切咁，好似講隊嘅每一得分都同自己有關係，見到女子重劍、男單乒乓波八強，尤其肉緊！最後男單乒乓波第七局8比10-分，更加係大叫出嚟，呢種感覺係以往唔會有。
有趣係，全枱手足都係「運動員」，單車，賽艇，劍擊，射箭，跆拳道。剛好首日嘅賽事好配合，電視聽唔到評述員旁白，全枱手足自行現場解釋，奧運賽事瞬間變得生動。「做咩啊？心郁郁呀？出冊連返打比賽囉！」我同一位手足邊睇射箭比賽邊問。「唔啦」手足斬釘截鐵咁講「唔係嗰個時候，人哋真係操到好爆㗎！」「我相信所有嘢都係努力同堅持姐。」「咁你畢業，寫低咗一個to do list，要學乜乜乜、要做乜乜乜，雖然最後大部份都有做，但亦有嘢做唔到，有啲都逼住要取捨，每個坐監嘅人，心中都一樣有一張「畢業to do list 」
係乜都做唔到嘅環境之下心中自然會萌生對解放嘅憧憬。呢頭應承咗朋友出冊要一齊學抱石，嗰頭話要學繩做一個一流繩獅，呢頭又plan出冊要打返ipsc 同日本劍，仲未計身上仲有N件責任。真係可能最終學一位囚友話「呢度諗嘅嘢出冊九成唔會做」。要做乜，要捨取乜，自問未有答案。不過有一件事係千真萬確，每一個手足嘅熱情都係真實。望住平時一騎講起電單車嘅興奮表情已經知道，今次奧運，見到手鐲講單車就熱血沸騰，講射箭就不同分享知識、講賽艇就屌鳩身邊唔識扮勁嘅人，小弟非常明白，因為自己睇劍擊嘅時候，腳步都會忍唔住郁起嚟。可能今年喺牆內睇奧運嘅意義，除咗係一份歸屬感，更係解放自己心中熱血嘅儀式。歡呼，吶喊加上「咁快更遠更強」六字，係充滿剛陽嘅男監之中，組合成浪漫嘅旋律，慢慢奏起。
尚千赴戎
木何懼火
東京奧運終於開幕！記得剛入嚟時聽903，當時佢哋為咗迎接本來2020年舉辦嘅東京奧運，口號係「有體育，就精神」，可惜突然因疫情令奧運無法如期舉行，口號變成「世界在隔離，我在你隔離」此口號沿用至今。最後東京奧運係二一年舉行，同手足傾偈言談之間感到最可惜係泛睇到開幕禮。只係喺收音機之中得知，開幕禮當晚好多人沖曬出街睇開幕禮直播，氣氛熱鬧。隔日小弟食早餐時同手足吹水「前日先拉咗羊村，今時今日香港咁，如果我喺出面都未必開心到。」
當然，依句說話好快就被「下午的我」打倒，食完早餐全期數都投入喺奧運氣氛之中，全部電視播奧運，為期打氣同歡呼。小弟出面基手對奧運冇太大感覺，正確來講係對港隊冇太大感覺，除咗睇自己有興趣嘅項目，港隊嘅輸贏，好似事不關己。今年竟然對港隊多咗一份親切咁，好似講隊嘅每一得分都同自己有關係，見到女子重劍、男單乒乓波八強，尤其肉緊！最後男單乒乓波第七局8比10-分，更加係大叫出嚟，呢種感覺係以往唔會有。
有趣係，全枱手足都係「運動員」，單車，賽艇，劍擊，射箭，跆拳道。剛好首日嘅賽事好配合，電視聽唔到評述員旁白，全枱手足自行現場解釋，奧運賽事瞬間變得生動。「做咩啊？心郁郁呀？出冊連返打比賽囉！」我同一位手足邊睇射箭比賽邊問。「唔啦」手足斬釘截鐵咁講「唔係嗰個時候，人哋真係操到好爆㗎！」「我相信所有嘢都係努力同堅持姐。」「咁你畢業，寫低咗一個to do list，要學乜乜乜、要做乜乜乜，雖然最後大部份都有做，但亦有嘢做唔到，有啲都逼住要取捨，每個坐監嘅人，心中都一樣有一張「畢業to do list 」
係乜都做唔到嘅環境之下心中自然會萌生對解放嘅憧憬。呢頭應承咗朋友出冊要一齊學抱石，嗰頭話要學繩做一個一流繩獅，呢頭又plan出冊要打返ipsc 同日本劍，仲未計身上仲有N件責任。真係可能最終學一位囚友話「呢度諗嘅嘢出冊九成唔會做」。要做乜，要捨取乜，自問未有答案。不過有一件事係千真萬確，每一個手足嘅熱情都係真實。望住平時一騎講起電單車嘅興奮表情已經知道，今次奧運，見到手鐲講單車就熱血沸騰，講射箭就不同分享知識、講賽艇就屌鳩身邊唔識扮勁嘅人，小弟非常明白，因為自己睇劍擊嘅時候，腳步都會忍唔住郁起嚟。可能今年喺牆內睇奧運嘅意義，除咗係一份歸屬感，更係解放自己心中熱血嘅儀式。歡呼，吶喊加上「咁快更遠更強」六字，係充滿剛陽嘅男監之中，組合成浪漫嘅旋律，慢慢奏起。
尚千赴戎
木何懼火
【 大欖遊記 Vol.1 】
親愛的大家，今日係Day4，落左山訓左一晚木板床。因為有體力勞動，尋晚都尚算安睡。比較惡頂嘅係張木板床，瞓半個鐘至一個鐘就會因為壓到patpat痛而要醒一醒轉個身。終於明白啲老友記bed bound轉唔身有幾慘，Ripple Bed真是個好東西。熱嗰方面都還好，林超英做到嘅野我都做到^_^風扇就夠～有啲同倉會熱到瞓地下，不過階磚都真係幾涼嘅。
......
呢個倉嘅電視daytime係長開嘅，睇到港隊張家朗攞咗花劍冠軍，好型呀佢！雖然唔識睇，不過總之就係型啦！大家都要畀心機做多啲運動，強身健體，裝備自己啊！可能下屆奧運有你地份㗎！
......
我突然醒起以前住hall嘅時候曾經參加過辯論隊，其中一條辯題係「中國應廢除死刑。」。當年好似係正方，嗰時有資料搜集睇過一啲刑罰嘅目的同埋原則，詳細唔記得，不過我記得刑罰唔應該只係「懲」，「教」嘅元素都好重要。同埋終身監禁比起死刑更有懲教作用，因為死咗就教唔到，而且終身監禁慘過死。而家入到嚟坐，邊樣慘啲阻嚇性大啲呢？恐怕到呢一刻，我都冇答案。我淨係覺得好對唔住我隻貓呀強，喺佢而家病重嘅日子，我卻未能盡本分照顧佢。講番轉頭，如果大家對呢條辯題有諗法，都歡迎來鴻砌磋～是日完！
——黎雯齡
2021-7-27
manlinthanks
親愛的大家，今日係Day4，落左山訓左一晚木板床。因為有體力勞動，尋晚都尚算安睡。比較惡頂嘅係張木板床，瞓半個鐘至一個鐘就會因為壓到patpat痛而要醒一醒轉個身。終於明白啲老友記bed bound轉唔身有幾慘，Ripple Bed真是個好東西。熱嗰方面都還好，林超英做到嘅野我都做到^_^風扇就夠～有啲同倉會熱到瞓地下，不過階磚都真係幾涼嘅。
......
呢個倉嘅電視daytime係長開嘅，睇到港隊張家朗攞咗花劍冠軍，好型呀佢！雖然唔識睇，不過總之就係型啦！大家都要畀心機做多啲運動，強身健體，裝備自己啊！可能下屆奧運有你地份㗎！
......
我突然醒起以前住hall嘅時候曾經參加過辯論隊，其中一條辯題係「中國應廢除死刑。」。當年好似係正方，嗰時有資料搜集睇過一啲刑罰嘅目的同埋原則，詳細唔記得，不過我記得刑罰唔應該只係「懲」，「教」嘅元素都好重要。同埋終身監禁比起死刑更有懲教作用，因為死咗就教唔到，而且終身監禁慘過死。而家入到嚟坐，邊樣慘啲阻嚇性大啲呢？恐怕到呢一刻，我都冇答案。我淨係覺得好對唔住我隻貓呀強，喺佢而家病重嘅日子，我卻未能盡本分照顧佢。講番轉頭，如果大家對呢條辯題有諗法，都歡迎來鴻砌磋～是日完！
——黎雯齡
2021-7-27
manlinthanks
被捕人士收信部
“On9啲無所謂喇，咁樣大家先睇得開心！” 不知不覺雯齡已經係裏面一星期。今日同平時一樣，正如其他探訪者投稿咁講，佢表現得好熱情，企晒起身咁大力揮手。不禁令我感到有點唏噓，深深感受到佢地對外面人同事嘅渴求；佢地內心嘅寂寞同無辜被奪取嘅自由，呢一輩子都冇人可以償還。 “你夜晚係咪凍呀？申請咗要被未？” “唔呀唔呀唔申請啦！申請咗要每朝摺被架！” “.......” “你IG而家有成1k followers啦，有冇嘢想同大家分享呀？” “哇！真係㗎？hmm...我希望大家都做多啲運動同...世界和平！”…
🐑羊村信箱is ready📨✨
慰問、心事、新聞、哲學、mirror、數獨、繪圖、笑話、心靈雞湯、是非、猜謎、學術討論、練字、音樂、旅遊、食譜、美容、宗教......
每一封都係一份心意，多謝各位嘅來信！(;´༎ຶД༎ຶ`)繼續一齊做#寫信師 ，用行動支持兩隻羊仔💗
信件請寄：油麻地彌敦道557號永旺行19樓
信封面註明：🐑羊村收信部🐑
（請標明寄予黎雯齡 或 楊逸意 ）
manlinthanks
慰問、心事、新聞、哲學、mirror、數獨、繪圖、笑話、心靈雞湯、是非、猜謎、學術討論、練字、音樂、旅遊、食譜、美容、宗教......
每一封都係一份心意，多謝各位嘅來信！(;´༎ຶД༎ຶ`)繼續一齊做#寫信師 ，用行動支持兩隻羊仔💗
信件請寄：油麻地彌敦道557號永旺行19樓
信封面註明：🐑羊村收信部🐑
（請標明寄予黎雯齡 或 楊逸意 ）
manlinthanks
Forwarded from T.N.T.X. 牆內分享平台
【剪頭髮】
今日會講吓喺牆內剪頭髮嘅情況
因為幹你娘塞爆最近剪左個靚頭
(佢自己覺得🤣)
P.S.圖文不符，唔係剪咗陸軍裝🤫
~~~~~~~~~~~~~~~~~~
各Tier分享內容相同，讀者可以按心目中價值加入
❤️🔥 Patreon: patreon.com/tntx ❤️🔥
TG: t.me/tntxplatform
FB: TNTX牆內分享平台
IG: @tntx.platform
今日會講吓喺牆內剪頭髮嘅情況
因為幹你娘塞爆最近剪左個靚頭
(佢自己覺得🤣)
P.S.圖文不符，唔係剪咗陸軍裝🤫
~~~~~~~~~~~~~~~~~~
各Tier分享內容相同，讀者可以按心目中價值加入
❤️🔥 Patreon: patreon.com/tntx ❤️🔥
TG: t.me/tntxplatform
FB: TNTX牆內分享平台
IG: @tntx.platform
《為鐵窗下的他和她，寫第一封信吧！ 》
//早前7月18日眾囚書的《飛鴿傳書》LIVE 中，大家有沒有看呢？（傳送門: shorturl.at/blsOU) 主持人Aaron跟更生人士Rizzy及Kerry，大談囚友收信的心情。他們說，每天在處所枯燥的生活中，最期待就是有人探訪與收信的時刻，讓囚友感到不被遺棄，仍與世界有所連結！但究竟如何給不認識的囚友寫第一信，送上不突兀又真摯的關心？不如就把當天LIVE關於寫信的重點，在這裡分享吧！
1️⃣ 先寫自己熟悉的話題
Rizzy教路，信的開首可先作自我介紹（不寫真名，只寫匿稱絕無問題！），分享個人興趣，如閱讀、徒手健身、唱歌、行山等。如此就能侃侃而談，不怕沒話題。
2️⃣ 手抄或打印你最近喜歡的歌
處所只在特定時間，囚友才能聽收音機。Kerry說當時在囚，要是能收到最新、燴灸人口或寫信人自己喜歡的歌曲歌詞，囚友就能傳閱及誦唱，既有寄託，精神上亦能跟外間有所連繫，是一份很好的心意。
3️⃣ 打印或手繪有趣圖畫
Rizzy 給囚友寄上網絡流行的MEME圖、搞笑圖畫等，都可打印或手繪，化成信件內容，必能為囚友帶來歡樂。用顏色筆給囚友繪畫，如家中寵物，又或當紅的明星（鏡仔XD），也是給因友很好的禮物。
4️⃣ 真情流露
記住不用刻意寫一些自己不熟悉的話題，例如高深的學術話題、不了解的時事或歷史等。 Rizzy 說只要「我手寫我心」就可，口語、書面語、英文甚至外語也可。
5️⃣ 有些文字不能寫
但處所作為高度看守的地方，一些字詞如口號、黑社會術語，又或被認為是有關逃獄資訊等敏感資料，佖記勿寫，因為都有機會令信件不能送達囚友手上。
6️⃣ 別強迫症上身
白紙或任何有顏色及圖案的信紙，黑筆藍筆都可以用來寫給囚友；但強迫症患者緊記，切記不能使用塗改液來遮蓋錯別字。貪靚的人也要注意貼紙、閃粉也不能使用哦！
7️⃣ 信寫去哪裡好？
無論寫給認識、不認識的在囚朋友，坊間都有不同平台及信箱收集信件；請不用害羞，快快拿起紙筆，寫第一封信給囚友吧！(地址及寫信須知請參考: https://bit.ly/3xnN8Yj) //
📌 全文：Readin'Mates 眾囚書
//早前7月18日眾囚書的《飛鴿傳書》LIVE 中，大家有沒有看呢？（傳送門: shorturl.at/blsOU) 主持人Aaron跟更生人士Rizzy及Kerry，大談囚友收信的心情。他們說，每天在處所枯燥的生活中，最期待就是有人探訪與收信的時刻，讓囚友感到不被遺棄，仍與世界有所連結！但究竟如何給不認識的囚友寫第一信，送上不突兀又真摯的關心？不如就把當天LIVE關於寫信的重點，在這裡分享吧！
1️⃣ 先寫自己熟悉的話題
Rizzy教路，信的開首可先作自我介紹（不寫真名，只寫匿稱絕無問題！），分享個人興趣，如閱讀、徒手健身、唱歌、行山等。如此就能侃侃而談，不怕沒話題。
2️⃣ 手抄或打印你最近喜歡的歌
處所只在特定時間，囚友才能聽收音機。Kerry說當時在囚，要是能收到最新、燴灸人口或寫信人自己喜歡的歌曲歌詞，囚友就能傳閱及誦唱，既有寄託，精神上亦能跟外間有所連繫，是一份很好的心意。
3️⃣ 打印或手繪有趣圖畫
Rizzy 給囚友寄上網絡流行的MEME圖、搞笑圖畫等，都可打印或手繪，化成信件內容，必能為囚友帶來歡樂。用顏色筆給囚友繪畫，如家中寵物，又或當紅的明星（鏡仔XD），也是給因友很好的禮物。
4️⃣ 真情流露
記住不用刻意寫一些自己不熟悉的話題，例如高深的學術話題、不了解的時事或歷史等。 Rizzy 說只要「我手寫我心」就可，口語、書面語、英文甚至外語也可。
5️⃣ 有些文字不能寫
但處所作為高度看守的地方，一些字詞如口號、黑社會術語，又或被認為是有關逃獄資訊等敏感資料，佖記勿寫，因為都有機會令信件不能送達囚友手上。
6️⃣ 別強迫症上身
白紙或任何有顏色及圖案的信紙，黑筆藍筆都可以用來寫給囚友；但強迫症患者緊記，切記不能使用塗改液來遮蓋錯別字。貪靚的人也要注意貼紙、閃粉也不能使用哦！
7️⃣ 信寫去哪裡好？
無論寫給認識、不認識的在囚朋友，坊間都有不同平台及信箱收集信件；請不用害羞，快快拿起紙筆，寫第一封信給囚友吧！(地址及寫信須知請參考: https://bit.ly/3xnN8Yj) //
📌 全文：Readin'Mates 眾囚書
牆內欣賞東京奧運🥇🥈🥉
自己早幾年跟朋友及人群一起觀賞球賽，是時候說一說今年觀賞東京奧運的情況。
說起來真諷刺，如果我此時此刻身在牆外，相信我會如常在家中自行上網欣賞個別賽事，不會再次感受到跟人群一起看比賽。
這次東京奧運的開幕禮中，聽說播放了不少經典的電玩遊戲音樂，我身在牆內，只有日間才有機會開電視看，因此夜晚舉行的開幕禮我無緣觀賞，在出冊前都難以感受到這股懷念感覺，對此十分遺憾，唯有期望自己可以早日出冊吧！
另外，由於這幾年的政治事件不斷發生，對身為香港人的認同感及對中國的負面情感有增無減，所以現在觀賞比賽時都全力支持港隊獲勝及中國落敗。雖然監房內人多，經常都十分嘈吵，但由於現在很多人都會一起觀賞賽事，對我來說，平時的吵鬧現在變成了熱鬧，現在很多人一起為港隊打氣，感受到比賽的氣氛。
而且奧運比賽有很多場，日間很多時間都身處這種氣氛當中，因此奧運舉行的這段期間，雖然身處牆內，但心情可以保持愉快真是十分難得。
Joe 26/8/2021
獨男空間 Indemanspace
自己早幾年跟朋友及人群一起觀賞球賽，是時候說一說今年觀賞東京奧運的情況。
說起來真諷刺，如果我此時此刻身在牆外，相信我會如常在家中自行上網欣賞個別賽事，不會再次感受到跟人群一起看比賽。
這次東京奧運的開幕禮中，聽說播放了不少經典的電玩遊戲音樂，我身在牆內，只有日間才有機會開電視看，因此夜晚舉行的開幕禮我無緣觀賞，在出冊前都難以感受到這股懷念感覺，對此十分遺憾，唯有期望自己可以早日出冊吧！
另外，由於這幾年的政治事件不斷發生，對身為香港人的認同感及對中國的負面情感有增無減，所以現在觀賞比賽時都全力支持港隊獲勝及中國落敗。雖然監房內人多，經常都十分嘈吵，但由於現在很多人都會一起觀賞賽事，對我來說，平時的吵鬧現在變成了熱鬧，現在很多人一起為港隊打氣，感受到比賽的氣氛。
而且奧運比賽有很多場，日間很多時間都身處這種氣氛當中，因此奧運舉行的這段期間，雖然身處牆內，但心情可以保持愉快真是十分難得。
Joe 26/8/2021
獨男空間 Indemanspace
寫呢一篇嘢既時間係香港奧運劍擊代表張家朗勇奪今屆奧運首面金牌冇幾耐之後。香港上一面奧運金牌係1996年李麗珊既滑浪風帆，隔左25，終於再有香港人喜得金牌，身為香港人，絕對感到非常自豪！諗返起今日日頭，都睇左幾場香港既比賽，張家朗以外既香港劍擊選手本身表現ok，但同對手撞一撞之後，表現水準下降，之後輸埋比賽，感覺好唔忿氣同可惜！
另外， 乒乓波比賽中，男女混合雙打比賽中喺爭議中落敗，男子單打乒乓波比賽既林兆恒(希望我無寫錯個名)前2日已經習慣喺逆境中反勝，見到佢面對日本選手局數落後3比1，本身期待佢會好似之前咁慢慢追上反勝，但結果都係輸，感覺港隊離勝利、金牌好遙遠，唯獨只有張家朗一路過關斬將不斷勝利，而佢既比賽最緊張莫過於對俄羅斯既8強賽，本身落後幾分，竟然不斷追上，最後14：14時，一度以為對方贏，最後竟然判港隊得分，直接勝出，真係奇跡！雖然決賽只能夠聽收音機直播係比較遺憾，但起碼冇錯過佢最精彩嗰場，算係彌補左小小遺憾。
另外，聽新聞得知有商場聚集大批人士一齊睇比賽直播，仲因為比賽結果而十分激動，我都好高興見到咁多香港人重視香港運動員，喺各方面黎講，加強對香港人既認同感絕對係好事，希望港隊繼續為港爭光！
ps:雖然食私飯福利好重要，但成日因為去指定地方食私飯搞到睇緊既比賽要中斷真係好sad。
Joe
26/8/2021
獨男空間 Indemanspace
另外， 乒乓波比賽中，男女混合雙打比賽中喺爭議中落敗，男子單打乒乓波比賽既林兆恒(希望我無寫錯個名)前2日已經習慣喺逆境中反勝，見到佢面對日本選手局數落後3比1，本身期待佢會好似之前咁慢慢追上反勝，但結果都係輸，感覺港隊離勝利、金牌好遙遠，唯獨只有張家朗一路過關斬將不斷勝利，而佢既比賽最緊張莫過於對俄羅斯既8強賽，本身落後幾分，竟然不斷追上，最後14：14時，一度以為對方贏，最後竟然判港隊得分，直接勝出，真係奇跡！雖然決賽只能夠聽收音機直播係比較遺憾，但起碼冇錯過佢最精彩嗰場，算係彌補左小小遺憾。
另外，聽新聞得知有商場聚集大批人士一齊睇比賽直播，仲因為比賽結果而十分激動，我都好高興見到咁多香港人重視香港運動員，喺各方面黎講，加強對香港人既認同感絕對係好事，希望港隊繼續為港爭光！
ps:雖然食私飯福利好重要，但成日因為去指定地方食私飯搞到睇緊既比賽要中斷真係好sad。
Joe
26/8/2021
獨男空間 Indemanspace
這位少年明天(8日)要接受判刑了，我希望大家用各自誠心的方式為他祈禱。
一般情況來講，即使被告或被告家屬，要從律師手上接過律政司提供的文件，都要經過一定程序。
當我去旁聽這位少年的案件時，律師見我陪伴家屬、提供支援，很快就將文件、錄影會面紀錄等資料直接交到我手上，而我並不是少年的監護人。當刻，我就知道原來的法律團隊肯定不會再跟進此案，原因可能掹車邊跟「國安法」相關。
後來我將一間在少年屋企附近的黃店餐廳飯券全數給予家屬，餐廳老闆奇怪為什麼使用飯券的不是「小朋友」，而是中老年人。我向他解釋少年已被還押，家屬需要花很多錢在在囚支援方面，故此依靠飯券能省錢就省錢，相信我提供的支援吧。
又再後來，家屬突患癌症，少年心急如焚，忍不住相隔鐵窗，自行申請高院擔保，最終駁回，聽到都心痛。
明天無法出席法庭旁聽，只能為你祈禱，天佑義民，祝早日團聚！🙏🏻🙏🏻🙏🏻
鄭錦滿
一般情況來講，即使被告或被告家屬，要從律師手上接過律政司提供的文件，都要經過一定程序。
當我去旁聽這位少年的案件時，律師見我陪伴家屬、提供支援，很快就將文件、錄影會面紀錄等資料直接交到我手上，而我並不是少年的監護人。當刻，我就知道原來的法律團隊肯定不會再跟進此案，原因可能掹車邊跟「國安法」相關。
後來我將一間在少年屋企附近的黃店餐廳飯券全數給予家屬，餐廳老闆奇怪為什麼使用飯券的不是「小朋友」，而是中老年人。我向他解釋少年已被還押，家屬需要花很多錢在在囚支援方面，故此依靠飯券能省錢就省錢，相信我提供的支援吧。
又再後來，家屬突患癌症，少年心急如焚，忍不住相隔鐵窗，自行申請高院擔保，最終駁回，聽到都心痛。
明天無法出席法庭旁聽，只能為你祈禱，天佑義民，祝早日團聚！🙏🏻🙏🏻🙏🏻
鄭錦滿
#寄信給志偉之新地址
大家好，由於多名區議員已經辭職，所以大家寫給志偉的信已不能寄到議員辦事處了。有見及此，志偉團隊開設了「郵政信箱」接收大家寄給志偉的信，郵箱地址和收信人如下：
長沙灣郵政局郵政信箱80205號
鄧惠強收
（提提大家，信件必須寫上「鄧惠強收」，因郵政局已清楚表明，若信件沒有人名是不會放入信箱）
「信件內容」
宜：分享時事/分享生活/個人感受
忌：評論案情/逃獄資訊/抗爭經歴
「信件格式」
•不能貼上貼紙
•不能有閃粉和立體信紙
•不能使用閃亮的筆書寫
•不能使用塗改液和改錯帶
「注意事項」
•可在信紙上寫有回郵電址，或將地址寫在其他空白的紙張或便利貼上並附在信內，方便志偉回信
•可將相片或圖畫印在信紙上，因信紙上是不能貼上任何物品，而相片亦不能是單人照
由於規限難以盡錄，我們收到信件後會拆開檢閱，以確保符合懲教署的規定後便會寄出信件。
胡志偉
大家好，由於多名區議員已經辭職，所以大家寫給志偉的信已不能寄到議員辦事處了。有見及此，志偉團隊開設了「郵政信箱」接收大家寄給志偉的信，郵箱地址和收信人如下：
長沙灣郵政局郵政信箱80205號
鄧惠強收
（提提大家，信件必須寫上「鄧惠強收」，因郵政局已清楚表明，若信件沒有人名是不會放入信箱）
「信件內容」
宜：分享時事/分享生活/個人感受
忌：評論案情/逃獄資訊/抗爭經歴
「信件格式」
•不能貼上貼紙
•不能有閃粉和立體信紙
•不能使用閃亮的筆書寫
•不能使用塗改液和改錯帶
「注意事項」
•可在信紙上寫有回郵電址，或將地址寫在其他空白的紙張或便利貼上並附在信內，方便志偉回信
•可將相片或圖畫印在信紙上，因信紙上是不能貼上任何物品，而相片亦不能是單人照
由於規限難以盡錄，我們收到信件後會拆開檢閱，以確保符合懲教署的規定後便會寄出信件。
胡志偉
《大欖遊記 Vol. 2 (節錄) 》
親愛嘅大家，今日係Day 5。尋晚行雷，唔知有冇落雨，但好似涼咗啲，繼續1個鐘起身Turning 1次。頭先中央廣播竟然有「單春」聽，但係播緊《陀飛輪》⏳，係咪玩嘢，攞景定贈興呢^_^ 原來係「音樂情人」，真係奸到出汁!!!
……
今日06:30準時起身，抹地、幫冷風機加水、做吓勞動，跟住就食早飯同沖涼(miss咗何詩蓓游200m😪)。因為而家係朝頭早沖涼，我費事沖完涼又標太多汗，所以之前叫朋友入嘅HIIT書我仲未用到，但我有揀定啲運動遲啲落山做，希望練到六舊腹肌而唔係瘦到現六舊腹肌。
......
早餐今日食連皮嘅佛掌瓜牛肉片，全部攝晒喺牙隙🤓💢，但我個牙套好似仲喺西九裁判法院唔知幾時拎得返(;_;) lunch幾好食，係紅豆沙，夠甜夠濃，仲有牛油麵包🍞。跟住又落山了，告別中轉站，去隔離14日。
去隔離室要自帶被鋪，將床單抽出嚟包住曬啲毛毯枕頭，就好似古人「執包袱」咁。我一開頭都包唔到，好彩同倉有睇古裝劇，所以佢識包lol 跟住就要將所有大家入畀我嘅物資(我好慳住用)堆喺個黃色膠盤入面帶去第二個倉。呢個任務都唔簡單，因為個盤好細，所以要棟高啲書📚加高個盤，再喺入面擺啲散收收嘅野，跟住就可以將個包袱(一張竹蓆、兩張毛毯、兩張被/床單、一個枕頭仔)揹上膊頭，再雙手攬住個膠盤遷徒🏋🏻♀️🧺。
今次個倉係新淨嘅，所以通風都唔錯，空間寛敞，終於可以唔洗用唔同嘅方法散熱，感覺好似碼頭等天星小輪咁，有少少風扇吹住涼涼地。同埋呢到係瞓膠纖維床，似乎有少少彈性，希望今晚可以2個鐘先醒一次啦❤️
……
最近同人講開廣東話有趣嘅phrases (唔識分類，諗咗好耐應該叫俗語、俚語、潮語、偈後語?) ，例如「你呃我膝頭哥唔食辣椒醬呀？」。歡迎大家寫信嚟同我笑談廣東話，分享吓你覺得有趣嘅用字句子。
—— 黎雯齡
2021-7-28
manlinthanks
親愛嘅大家，今日係Day 5。尋晚行雷，唔知有冇落雨，但好似涼咗啲，繼續1個鐘起身Turning 1次。頭先中央廣播竟然有「單春」聽，但係播緊《陀飛輪》⏳，係咪玩嘢，攞景定贈興呢^_^ 原來係「音樂情人」，真係奸到出汁!!!
……
今日06:30準時起身，抹地、幫冷風機加水、做吓勞動，跟住就食早飯同沖涼(miss咗何詩蓓游200m😪)。因為而家係朝頭早沖涼，我費事沖完涼又標太多汗，所以之前叫朋友入嘅HIIT書我仲未用到，但我有揀定啲運動遲啲落山做，希望練到六舊腹肌而唔係瘦到現六舊腹肌。
......
早餐今日食連皮嘅佛掌瓜牛肉片，全部攝晒喺牙隙🤓💢，但我個牙套好似仲喺西九裁判法院唔知幾時拎得返(;_;) lunch幾好食，係紅豆沙，夠甜夠濃，仲有牛油麵包🍞。跟住又落山了，告別中轉站，去隔離14日。
去隔離室要自帶被鋪，將床單抽出嚟包住曬啲毛毯枕頭，就好似古人「執包袱」咁。我一開頭都包唔到，好彩同倉有睇古裝劇，所以佢識包lol 跟住就要將所有大家入畀我嘅物資(我好慳住用)堆喺個黃色膠盤入面帶去第二個倉。呢個任務都唔簡單，因為個盤好細，所以要棟高啲書📚加高個盤，再喺入面擺啲散收收嘅野，跟住就可以將個包袱(一張竹蓆、兩張毛毯、兩張被/床單、一個枕頭仔)揹上膊頭，再雙手攬住個膠盤遷徒🏋🏻♀️🧺。
今次個倉係新淨嘅，所以通風都唔錯，空間寛敞，終於可以唔洗用唔同嘅方法散熱，感覺好似碼頭等天星小輪咁，有少少風扇吹住涼涼地。同埋呢到係瞓膠纖維床，似乎有少少彈性，希望今晚可以2個鐘先醒一次啦❤️
……
最近同人講開廣東話有趣嘅phrases (唔識分類，諗咗好耐應該叫俗語、俚語、潮語、偈後語?) ，例如「你呃我膝頭哥唔食辣椒醬呀？」。歡迎大家寫信嚟同我笑談廣東話，分享吓你覺得有趣嘅用字句子。
—— 黎雯齡
2021-7-28
manlinthanks
<Dear Joe >
在困難時我們總希望得到別人的支持，還押中的Joe會在八月上庭。
希望您會留下文字/DM message 給Joe，為他打氣，不要讓他感到孤單。
我們會集合留言並列印給他看。請相信文字的力量，文字的溫度。🤍🙏🏿
Photo Credit: 林真心
獨男空間 Indemanspace
在困難時我們總希望得到別人的支持，還押中的Joe會在八月上庭。
希望您會留下文字/DM message 給Joe，為他打氣，不要讓他感到孤單。
我們會集合留言並列印給他看。請相信文字的力量，文字的溫度。🤍🙏🏿
Photo Credit: 林真心
獨男空間 Indemanspace
【召喚寫信師✍🏻寄去新地址啦！🤩】
Frankie話好開心收到大家嘅來信，生日祝福都收到晒喇，多謝各位！而佢都想繼續收多啲信啊，所以如果大家有時間嘅都可以寄多啲信畀佢☺️！
另外，亦好多謝呢幾個月以嚟幫忙收信嘅李志宏及佢嘅助理們，而家我哋自己開通咗信箱，麻煩各位有意寄信嘅朋友們，記得寄去新地址喇📫：「長沙灣郵政局郵政信箱80112號」
【書信內容🌟】
除咗逃獄、色情、人身攻擊、粗口、仔細描述監內情況嘅內容，基本上寫任何內容都可以，譬如你想同佢講嘅關心鼓勵說話、香港發生緊嘅事、你嘅感受同想法、甚至關於利物浦球賽都得！
【寫信格式Dos And Don'ts📍】
1. 信紙不可有任何附貼物，如絲帶、喱士、閃粉、貼紙等；
2. 不可有額外裝置，如音樂裝罝、彈弓裝置、閃燈裝置等；
3. 不可是立體設計、迷你咭，摺紙、有夾層（即兩層紙黐埋一層）；
4. 不可用塗改液；
5. 尺寸不可大於 A4；
6. 不可寄書籍、郵票、回郵信封、書籤、咭片、日曆、含有賠率的體育新聞、貼上郵票和貼紙的紙歕；
7. 信紙不一定是白色，但請盡量選素色信紙
8. 請於每頁的頂端及底端預留少量空位，以便我哋寫上姓名、編號、頁數等
【請將信件寄至📤】
長沙灣郵政局郵政信箱80112號，註明「寫信畀Frankie」
✅如果希望收到回信，請留低回郵地址或聯絡方式，我哋會安排回信
馮達浚
Frankie話好開心收到大家嘅來信，生日祝福都收到晒喇，多謝各位！而佢都想繼續收多啲信啊，所以如果大家有時間嘅都可以寄多啲信畀佢☺️！
另外，亦好多謝呢幾個月以嚟幫忙收信嘅李志宏及佢嘅助理們，而家我哋自己開通咗信箱，麻煩各位有意寄信嘅朋友們，記得寄去新地址喇📫：「長沙灣郵政局郵政信箱80112號」
【書信內容🌟】
除咗逃獄、色情、人身攻擊、粗口、仔細描述監內情況嘅內容，基本上寫任何內容都可以，譬如你想同佢講嘅關心鼓勵說話、香港發生緊嘅事、你嘅感受同想法、甚至關於利物浦球賽都得！
【寫信格式Dos And Don'ts📍】
1. 信紙不可有任何附貼物，如絲帶、喱士、閃粉、貼紙等；
2. 不可有額外裝置，如音樂裝罝、彈弓裝置、閃燈裝置等；
3. 不可是立體設計、迷你咭，摺紙、有夾層（即兩層紙黐埋一層）；
4. 不可用塗改液；
5. 尺寸不可大於 A4；
6. 不可寄書籍、郵票、回郵信封、書籤、咭片、日曆、含有賠率的體育新聞、貼上郵票和貼紙的紙歕；
7. 信紙不一定是白色，但請盡量選素色信紙
8. 請於每頁的頂端及底端預留少量空位，以便我哋寫上姓名、編號、頁數等
【請將信件寄至📤】
長沙灣郵政局郵政信箱80112號，註明「寫信畀Frankie」
✅如果希望收到回信，請留低回郵地址或聯絡方式，我哋會安排回信
馮達浚
初選案會被判定為情節嚴重？
//DAY153
今日喺7月30號星期五，係首宗國案法案件被告唐英傑正式判刑嘅日子，法院判佢兩條罪合共監禁九年，唔知外面嘅人對於呢個刑期有咩反應呢？係會感到驚訝，定係已經預咗要判10年以上，所以九年都唔係咁過分？喺出面應該可以好快就上網睇到法院嘅量刑理由，但係入面只能靠聽電台每半小時嘅新聞簡報。由於記者撰稿需要時間，每半個鐘聽到嘅資訊就好似擠牙膏咁慢慢增多。一連聽咗好幾節新聞之後，先大致組織到法官講咗啲乜，有以下重點值得留意：
一、分開兩條控罪嚟睇，煽惑分裂國家判監六年半，而恐怖活動罪判監八年，兩條單獨嚟睇都係嚴重過絕大部份反修例運動期間嘅暴動案同傷人案，包括嚴重過7.21元朗站暴動案嘅所有被告同埋喺連儂隧道斬人嘅兇徒。法庭向社會發出極具威嚇力嘅訊息：危害國家安全肯定係比起暴動傷人更嚴重嘅罪行。日後其他國安法案件相信都難以判得輕過暴動好多。
二、法庭喺考慮有冇任何減刑因素嘅時候，有提及如果被告認罪嘅話，將會係最大嘅減刑理由，但當被告選擇唔認罪，其他嘅求情理據都無法採納。喺咁嚴重嘅罪行之下，定罪後先展現出嘅悔意、被告有良好品格、家庭因素等都不足以成為減刑原因。首先法庭確立咗認罪減刑原則喺國安法案件下仍然通用，其次亦都向所有國安法被告發放清晰訊息：唯有認罪先可以減到刑。
三、就煽動分裂國家罪而言，《國安法》規定情節嚴重嘅判監三至十年，情節輕微嘅就判處五年以下嘅監禁式或非監禁式刑罰。由於用電單車撞向警方防線嘅舉動應該列入恐怖活動罪判刑考慮，所以呢條罪考慮嘅行為應該限於被告插光時口號旗喺馬路上駕駛電單車嘅呢一部份，但法庭已經認為屬於情節嚴重嘅地步。
四、喺解釋煽動分裂國家罪嘅量刑標準時，法庭有解釋雖然案情嚴重，但又唔係最嚴重，因為被告只係單獨行事，而且只係宣示咗一句口號，並冇詳盡嘅計劃。按照呢個標準，日後最備受關注嘅兩宗國安案，即係黎智英案同初選案，都可以被視為有組織、有預謀，情節比唐英傑更嚴重，量刑起點理應長過唐就煽動分裂國家罪被判處嘅六年半。
綜合上述分析，我相信我要面對嘅總刑期會比之前預期嘅再稍長一啲，但又未至於長到會想即刻叫你快啲放棄我、唔好再等我嘅地步。比較肯定嘅係到我有可能放監嘅時候你一定都已經超過30歲嚕！雖然我真係非常非常非常想將來再有機會同你一齊生活，但係我都極唔忍心就此蹉跎你全部青春。//
📌 全文：劉頴匡Patreon
//DAY153
今日喺7月30號星期五，係首宗國案法案件被告唐英傑正式判刑嘅日子，法院判佢兩條罪合共監禁九年，唔知外面嘅人對於呢個刑期有咩反應呢？係會感到驚訝，定係已經預咗要判10年以上，所以九年都唔係咁過分？喺出面應該可以好快就上網睇到法院嘅量刑理由，但係入面只能靠聽電台每半小時嘅新聞簡報。由於記者撰稿需要時間，每半個鐘聽到嘅資訊就好似擠牙膏咁慢慢增多。一連聽咗好幾節新聞之後，先大致組織到法官講咗啲乜，有以下重點值得留意：
一、分開兩條控罪嚟睇，煽惑分裂國家判監六年半，而恐怖活動罪判監八年，兩條單獨嚟睇都係嚴重過絕大部份反修例運動期間嘅暴動案同傷人案，包括嚴重過7.21元朗站暴動案嘅所有被告同埋喺連儂隧道斬人嘅兇徒。法庭向社會發出極具威嚇力嘅訊息：危害國家安全肯定係比起暴動傷人更嚴重嘅罪行。日後其他國安法案件相信都難以判得輕過暴動好多。
二、法庭喺考慮有冇任何減刑因素嘅時候，有提及如果被告認罪嘅話，將會係最大嘅減刑理由，但當被告選擇唔認罪，其他嘅求情理據都無法採納。喺咁嚴重嘅罪行之下，定罪後先展現出嘅悔意、被告有良好品格、家庭因素等都不足以成為減刑原因。首先法庭確立咗認罪減刑原則喺國安法案件下仍然通用，其次亦都向所有國安法被告發放清晰訊息：唯有認罪先可以減到刑。
三、就煽動分裂國家罪而言，《國安法》規定情節嚴重嘅判監三至十年，情節輕微嘅就判處五年以下嘅監禁式或非監禁式刑罰。由於用電單車撞向警方防線嘅舉動應該列入恐怖活動罪判刑考慮，所以呢條罪考慮嘅行為應該限於被告插光時口號旗喺馬路上駕駛電單車嘅呢一部份，但法庭已經認為屬於情節嚴重嘅地步。
四、喺解釋煽動分裂國家罪嘅量刑標準時，法庭有解釋雖然案情嚴重，但又唔係最嚴重，因為被告只係單獨行事，而且只係宣示咗一句口號，並冇詳盡嘅計劃。按照呢個標準，日後最備受關注嘅兩宗國安案，即係黎智英案同初選案，都可以被視為有組織、有預謀，情節比唐英傑更嚴重，量刑起點理應長過唐就煽動分裂國家罪被判處嘅六年半。
綜合上述分析，我相信我要面對嘅總刑期會比之前預期嘅再稍長一啲，但又未至於長到會想即刻叫你快啲放棄我、唔好再等我嘅地步。比較肯定嘅係到我有可能放監嘅時候你一定都已經超過30歲嚕！雖然我真係非常非常非常想將來再有機會同你一齊生活，但係我都極唔忍心就此蹉跎你全部青春。//
📌 全文：劉頴匡Patreon