🇺🇿 Yo'l harakati qoidalari |Rasmiy Kanal🚦🇺🇿

Kunduz kuni chiroq yoqtirishdan maqsad nima?

Kun koʻrmagan kun koʻrsa,
kunduz kuni chiroq yoqar.

Xalq maqoli.

Avtomobillar savdosidagi monopoliyadan tushayotgan daromadlar agar davlat xazinasiga tushayotgan boʻlsa, demak, bu – xalqning istar-istamas davlatga qilayotgan xizmati hisoblanadi.

Odamlarning bir amallab qarz-havola qilib erishgan mashinasini rasmiylashtirishlardagi kassaga toʻla-toʻlalarga xursandchilik kunlarida koʻp ham eʼtibor qilmasdir balkim. Mashinaga yetishdim, murod-maqsadga erishdim, deb oʻylagan haydovchi “chuchvarani xom sanagani”ni yoʻl harakati qoidalarga duch kelganda tushunib yetadi.

Yangidan-yangi paydo boʻlayotgan qoidalarni oʻqir ekanman, nazarimda, mashina mingan inson gunohkordek tuyuladi. Avtomobillar oldi-sotdisi va yoʻl qoidalari toʻgʻrisidagi qonunlarni chiqarayotganlar xuddiki, jinoyatchilarga qatʼiy tartibdagi qonunlarni qabul qilishayotgandek oʻzlarini his qilishsa kerak, nazarimda.

Mashina haydamaganligim bois boʻlsa kerak, shu vaqtgacha yoʻl harakati qoidalarining barchasi haydovchilarning xavfsizligi uchun deb oʻylardim. Ammo haydovchilarga chiqarilgan soʻnggi qoidaning ahamiyati va sababini har qancha oʻylamay baribir topa olmadim. Bu qoida hayotda oʻta xotirjam kaminaning ham gʻashini keltirdi. Yaʼni kunduz kuni chiroqlarni yoqib yurish majburiyligi toʻgʻrisidagi qarorning hayotga tatdiq etilishi menda ham qonunlarga boʻlgan ishonchsizlikni uygʻotdi. Bu qarorni shunday tariflash mumkin: Fuqarolarning adashishi yoki yodidan koʻtarilishidan unumli fodalanib qolish va jarimaga tortish. Chunki, kunduz kuni chiroqni oʻchirib yurishda hech qanday jinoyat yoki insonlar hayotiga rahna soluvchi subyektiv va obyektiv sabablar umuman koʻrinmayapti.

Ushbu qoidani oʻylab topgan mutasaddilarning fikricha kunduz kuni chiroqni yoqib yurish koʻrimlilikni oshirar ekan. Rivojlangan davlatlarda xuddi shunday qonun mavjud emish. Uraaa, biz ham rivojlanishning sirli yoʻlini topdik. Endi kunduz kuni chiroqni yoqib yursak, albatta rivojlanib ketamiz. Bir zamonlar rivojlangan davlatlarga taqlid qilib inson qadami yetmagan choʻllarda kollejlarni ochib tashlagan edik. Natijasi esa, barchaga ayon.

Kunduz kuni chiroq yoqib yuradigan oʻsha rivojlangan davlatlarda nega chiroq yoqib yurishini surishtirishga tarjimon topisha olmaganmi shekilli, sababini haydovchilardan sir tutishdi. Oʻsha rivojlangan davlatlar aholidan jarimalar undirish yoki rivojlanish uchun bu qonunni oʻylab topishmagan. Aksincha, kunduz kuni chiroq yoqib yurish ular uchun juda zarur. Chunki oʻsha rivojlangan davlatlarda iqlim shuni taqozo etadi. Yaʼni, yilning yarmidan koʻpi tumanli ob-havodan iborat. Tuman boʻlmagan vaqtda ham yogʻingarchilik moʻl boʻladi. Ulardan biz olishni istamagan jihati shuki, chiroq yoqilmay qolgan taqdirda ham fuqarolari zor-qaqshatib jarimaga tortilmaydi. Aksincha, eslatib qoʻyiladi.

3.6K views16:26

Mutasaddilarning fikricha, kunduzi chiroq yoqib yurish yoʻl transport hodisalarini 15 foiz kamayishiga olib kelar ekan. Haydovchilarning hayotini oʻylayotgan oʻsha gʻamxoʻr rahbarlar Oʻzbekistondagi yoʻl transport hodisalarining 40 foizi yoʻldagi nosozliklar tufayli sodir boʻlayotganligini bilishmaydi desam, yolgʻonchi boʻlaman. Benzinga yoʻl uchun qoʻyilayotgan 3% ustama, byudjetdan ajratiladigan mablagʻlar, haydovchilardan undirilayotgan jarimalar hisobiga yurtimizning har bir qarich yerini giyoh oʻsmaydigan qilib asfalt qilib tashlasa boʻladi, aslida. Balkim, taxlam-taxlam qogʻozlarda shundaydir ammo, haqiqiy hayot uydim-chuqurdan iborat.

Agar rostdan ham mutasaddilar haydovchilarga qulaylik yaratish maqsadida ushbu qonunni oʻylab topishgan boʻlsa, unda ular tunda yoqilgan mashina chiroqlari haydovchiga qanchalik xalaqit qilishini ham bilishadi-yov hoynahoy. Qarama-qarshi yoʻldan kelayotgan hamda orqadagi mashinaning chirogʻi ham orqani koʻrsatuvchi oynadan koʻzni qamashtirishini haydovchining barchasi biladi. Yoʻq, aslo unday emas. Bu qoidani maslahat berib millionlab insonlar qargʻishiga qolishni istamayman. Ammo meni xavotirga solayotgan boshqa bir qonun bor. Yaʼni, kunduz kuni koʻrimlilikka taʼsir qilishini inobatga olib oq rangdagi mashinalarning taqiqlanishi Oʻzbekiston aholisi uchun juda xatarli boʻladi. Balkim, mashina ranglarini ishlab chiqaradigan zavodlar ushbu qonun hujjatini tayyorlashayotgan boʻlsa ham ajab emas.

Qisqasi, qonun va qoidalarni ishlab chiqayotganlarga eʼtirozim yoʻq. Ularni qabul qilayotganlarga iltimosim shuki, qonunlar fuqarolarning xatosidan unumli fodalanib qolish maqsadida emas, aksincha, fuqarolar qonunlardan foydalanishi uchun chiqarilishi kerak.

@Yolbelgi
Asosiy kanal
👇👇👇
https://t.me/joinchat/AAAAAFhx9ETQB1oTfclkJA

3.7K viewsedited 16:26

🇺🇿 Yo'l harakati qoidalari |Rasmiy Kanal🚦🇺🇿

По видео, присланным в телеграм-бот, меры приняты

➡️ https://yhxb.iibb.uz/ru/news/po-video-prislannym-v-telegram-bot-mery-prinjaty

@Yolbelgi
Asosiy kanal
👇👇👇
https://t.me/joinchat/AAAAAFhx9ETQB1oTfclkJA

3.6K views17:09