MAX ဘိလပ်မြေ တစ်အိပ် ၂၀၀၀၀ နှုံးဖြင့် နေပြည်တော် MAX ရုံး ( စည်ပင်ရိပ်သာရှေ့) တွင် ငလျင်ကြောင့် အမှန်တကယ်အိမ်ပြုပြင်လိုသူများအား ရောင်းချပေးလျှက်ရှိပြီး အသေးစိပ်သိလိုက MAX ရုံး ၀၉၉၆၉၉၂၇၉၁၇ သို့ ဆက်သွယ်မေးမြန်းနိုင်ကြောင်း သတင်းရရှိပါသည် ။

သက်ဆိုင်ရာ တာဝန်ရှိလူကြီးမင်းများ သိရှိစေရန်...

#yyh

April-23

▪️လဝါးကျေးရွာအနီး ပြည်သူ့စစ်တပ်ဖွဲ့နှင့် KIA၊PDF ပူးပေါင်းအဖွဲ့ကြား စစ်ရေးတင်းမားနေ၍ ဒေသခံပြည်သူများ လယ်ယာစိုက်ပျိုးနိုင်ခြင်းမရှိသေး

EPN
တနိုင်း၊ ဧပြီ - ၂၃ (၂၀၂၅)

တနိုင်းခရိုင်၊ တနိုင်းမြို့နယ်၊ လဝါးကျေးရွာအုပ်စုအတွင်း၌ ပြီးခဲ့သည့်လအတွင်းကစပြီး ပြည်သူ့စစ်တပ်ဖွဲ့နှင့် KIA၊ PDF ပူးပေါင်းအဖွဲ့တို့ကြား တိုက်ပွဲများဖြစ်ပွားခဲ့ပြီး လက်ရှိအချိန်ထိ စစ်ရေးတင်းမာနေ၍ ဒေသခံပြည်သူများမှာ ယနေ့အချိန်ထိ လယ်ယာစိုက်ပျိုးခြင်း၊ တောင်ယာလုပ်ငန်းခွင်သို့ သွားလာခွင့်မရှိခြင်းတို့ကြောင့် ဝမ်းရေးအတွက် အခက်အခဲရှိနေကြောင်း ဒွန်ဘုန်းခ ကျေးရွာနေ ပြည်သူတစ်ဦးက ဆိုသည်။

တနိုင်းမြို့နယ်၊ ဝါရာဇွတ်ပြည်သူ့စစ်တပ်ဖွဲ့နှင့် KIA၊ PDF ပူးပေါင်းအဖွဲ့တို့ကြား မတ်လ ဒုတိယ အပတ်ကစ၍ တိုက်ပွဲဖြစ်ပွားခဲ့၍ ကျေးရွာ လေးရွာအတွင်းက ဒေသခံပြည်သူများမှာ ယနေ့အချိန်ထိ လယ်ယာစိုက်ခွင့်၊ တောင်ယာသို့ သွားလာခွင့်မရရှိ၍ စားသောက်ရေးအခက်အခဲရှိလာကြောင်း ဒွန်ဘန်ကျေးရွာပြည်သူတစ်ဦးက EPN သတင်းဌာနသို့ ဆက်သွယ်ပြောသည်။

" တိုက်ပွဲတွေကြောင့် တစ်လကျော်နေပြီ ဘာမှ လုပ်ကိုင်မရဘူး။ လက်နက်ကိုင် နှစ်ဖက်စလုံးက အခုအချိန်ထိ စစ်ရေးတင်းမာနေတယ်။
လယ်ယာလည်း မလုပ်ရဘူး။ တောင်ယာကိုလည်း မသွားရဘူး။ အခုဆို ဝမ်းရေးအတွက် ခက်ခဲလာပြီ။ ကလေးတွေလည်း နွေရာသီ ကျောင်းပိတ်ရက် ဘယ်မှ သွားလာလို့မရဘူး " ဟု ၎င်းကရှင်းပြသည်။

တနိုင်းမြို့နယ်၊ လဝါးကျေးရွာအုပ်စုအတွင်း ဝါရာဇွတ် ပြည်သူ့စစ်တပ်ဖွဲ့နှင့် KIA၊ PDF ပူးပေါင်းအဖွဲ့တို့ကြား တိုက်ပွဲပြင်းထန်ခဲ့၍ လဝါး ကျေးရွာအတွင်းက ဒေသခံပြည်သူများ၏ နေအိမ်တစ်ရာနီးပါး မီးလောင်ပျက်စီးခဲ့ပြီး၊ ကျေးရွာနေပြည်သူများမှာ ဘေးလွတ်ရာ ထွက်‌ပြေးတိမ်းရှောင်ခဲ့ရကြောင်း သိရသည်။

▪️ပြည်သူ့စစ်တပ်ဖွဲ့နှင့် KIA၊ PDF ပူးပေါင်းအဖွဲ့တို့ကြား ယနေ့အချိန်ထိ စစ်ရေးတင်းမာနေ၍ လဝါးကျေးရွာအုပ်စုအတွင်းက ဒွန်ဘုန်းခ၊ ဖဝါလဂေါင်၊ ဆင်ဘွမ်း၊ ဒွန်ဘန်စသည့် ကျေးရွာလေးရွာမှ ဒေသခံပြည်သူများ ယနေ့အထိ လယ်ယာစိုက်ပျိုးနိင်ခြင်းမရရှိ၍ စားသောက်ရေးအတွက် ခက်ခဲလျက်ရှိနေကြောင်း သိရသည်။

▪️ရန်ကျော်

-
▪️ဒီရက်ပိုင်း တွေ့ရတဲ့  မီဒီယာတွေမှာ တရုတ်အကြောင်းက မပါမဖြစ် ရေးနေကြတာ တွေ့ရတယ်။ ငြိမ်းချမ်းရေး တည်ဆောက်ချိန်မှာ မလိုလားအပ်တာတွေ ဖြစ်မှာစိုးလို့ ကူမင်း ဆွေးနွေးပွဲကတည်းက နှစ်ဖက် သတင်းထုတ်ပြန်မှုတွေကို တရားဝင် ချမပြတာကို ကြည့်ရင်.....ဒီလုပ်ငန်းစဉ်ရဲ့  လေးနက်မှုက ဘယ်လောက်ရှိသလဲ ဆိုတာ သိနိုင်တယ်။
------
လားရှိုးမြို့ပေါ်ကို တပ်တွေ ခြေချချိန်အထိ ဘယ်လို အပေးအယူ တွေ ရှိခဲ့ကြသလဲ ဆိုတာ ဘယ်ဘက်ကမှ တရားဝင် ချမပြခဲ့ကြဘူး။ အကောင်းဘက်က ကြည့်ရင်တော့ ဗိုလ်ချုပ်ဇော်မင်းထွန်းပြောသလို ငြိမ်းချမ်းရေး လုပ်ငန်းစဉ်ဆွေးနွေးမှု တွေ အောင်မြင်မှု ရှိလို့သာ အရွေ့ ရှိနေတာလို့ သုံးသပ်ရမယ်။ သေချာတာကတော့ ဆွေးနွေးမှု မအောင်မြင်ရင် အသံ တခုခု ထွက်လာမှာပဲ။ ကြည့်ရသလောက်တော့ အဆင်ပြေနေဟန်ရှိတာ တွေ့ရတယ်။
------
ဒီလို အထိအခိုက်မခံတဲ့ ကြားကာလ အကူးအပြောင်းတွေမှာ ဘယ်ဘက်ကိုမှ ပိုပိုသာသာ မပြောမိအောင် သတိထားဖို့ လိုအပ်တယ်လို့ မြင်မိတယ်။ ၁၀၂၇ ရှမ်းမြောက်ကျူးကျော်စစ်ရဲ့ နောက်ခံ သမိုင်းကြောင်းတွေကို မမေ့ထားသလို လက်ရှိ ဖြစ်ပေါ်နေတဲ့ နိုင်ငံရေး အခင်းအကျင်းကိုလည်း မျက်ခြေ မပြတ်စောင့်ကြည့်ဖို့ပဲ  ရှိနေလိမ့်မယ်။ ဒါက တရုတ်နဲ့ ကိုးကန့်အပေါ်မှာ ချစ်ခြင်း၊ မုန်းခြင်းကို အခြေမခံဘဲ ကြားနေပြည်သူလူထုအတွက် အသင့်လျော်ဆုံးဆိုတဲ့ အခြေအနေတစ်ခုရဲ့ ရှုထောင့်ဘက်ကသာ တွေးပေးနေခြင်း ဖြစ်တယ်။
-------
တချို့က လားရှိုးဟာ တိုက်မယူဘဲ ရတာ ဖြစ်လို့ မကျေနပ်ကြဘူးလို့ဆိုကြတယ်။ ဒီနေရာမှာ မေးစရာ ရှိတာက....ခင်ဗျားတို့ စိတ်အာသာပြေဖို့အတွက်  ဒီမြို့တွေ ထပ်ကြေ ပေးဖို့ လိုသလား၊ စစ်သားတွေ ထပ်သေပေးဖို့ လိုအပ်လားလို့ပဲ ပြန်မေးရမယ်။ လားရှိုးနဲ့ပတ်သက်ပြီး မြန်မာ့လွတ်လပ်ရေး ဖြစ်စဉ်ကို ပြန်အောင်းမေ့မိတယ်။  အင်္ဂလိပ်တွေဆီက  မြန်မာပြည်လွတ်လပ်ရေးရတော့.... နှစ်ပေါင်း ၁၀၀ သူကျွန်မခံဘဲ ပြန်တိုက်ခဲ့ကြတဲ့ သမိုင်း ဖြစ်စဉ်တွေကို လစ်လျူရှုပြီး ဆွေးနွေးပွဲကို အခြေခံတာမို့လို့ ရွှေရည်စိမ် လွတ်လပ်ရေးဆိုပြီး  သမုတ်ခဲ့ကြဖူးတယ်။ တကယ်တော့ အကျိုးမရှိတဲ့ စစ်ပွဲတွေ ဖန်တီးနေကြတာတွေကို  ရပ်တန့်သင့်ပါပြီ။ ဒီနေရာမှာ အိုးအိမ်ပစ်ပြီး ပြေးရတဲ့ ပြည်သူတွေရဲ့ ဘဝတွေကို စာနာထောက်ထားသင့်ပါပြီ။
------
နိုင်ငံရေး လိုလားချက်တွေကို ဂုဏ်သိက္ခာ ရှိရှိ ညှိနှိုင်းနိုင်ကြရင် ကြားပြည်သူတွေ မြေစာပင် မဖြစ်တော့ဘူးပေါ့။ အမုန်းတရားတွေ ကြီးထွားမလာနိုင်ဘူးပေါ့။ ဒီလိုပဲ ရိုးရိုးသားသား မြင်မိတယ်။


(နရီမိုး)