السلام عليكم. ياحبايبنا الكرام

👈 معانا فقره. نقاشيه
واتمنى من الجميع الحضور والمشاركه🩵

✿لييييييش مغالاة المهور الوضع لا يحتمل
اكثر الشباب مايقدر يجمع مهر البنت
مافيش اعمال ولا اشغال ولا رواتب
والحركه التجاريه راكده ومابش وسائل دخل
والاسعار في ارتفاع والطلبات تتزايد كل يوم
اكثر الشباب يشتوا العفه والبنات يشتين الستر
ومغالاة المهور اكبر عائق بين الحب والنصيب وتخلق اليأس في اوساط بناتنا وشبابنا


✿لماذا بعض الاهالي عندما ياتوا يخطبوا بناتهم
يطلبوا مهر مبالغ خياليه وشروط تعجيزيه
ويحملوا العريس مالا يطيق وكأنه جاء يحقق لهذه الاسرة مستقبلها وطموحاتها
ولما يسيروا يخطبوا لعيالهم يشتوا على مزاجهم
يشتوا اقل مهر وأقل تكلفه وأقل خساره
ويزعلوا اذا رفعوا عليهم المهر⁉️

✿ يرجى ارسال أرائكم على @ALFkamah

والنشر. بيكون. باحلى قناه في عالم التليجرام
قناة فقرات #فخامـة_صنـعـانـي. @FkamhSnaane2

حُب عظيم للناس الذي لوما نبسرهم نحس ان همومنا كملت وجروحنا طابت او بالاصح نتعافى بهم من كل امراضنا.♡゙
الحب حالي بس يكون للناس اللي تستحق الحب 😴
الحياة عتكون حالية في نظرنا لو لقينا شخص يحبنا صدق من قلبة وما يسخاش علينا
الشخص اللي يجلس معانا في المره قبل الحلوه
لو لقينا الشخص اللي يدعمنا ويساندنا ومستحيل يفلتنا مهما حصل وعنبسر الدنيا حالية لو لقينا الي يقول لنا انا معك وما شاافلتك♡ اللي يقول لنا. مالك يامالي من غثاك♡ دعيت لك خيرات♡
بين احنجك خيرات♡ جبرك وخلاااك لي ♡

وفعلاً ماعيفلتنا ابداً و لو ظروف حياتة اثقل من الجبال عيواجهها ويتخطاها ويضحي عشاننا وعشان انه يبقى معانا وبوجودة معانا عنبسر الدنيا حالية لأنهُ عيكون سبب لضحكتنا و بسبب حبنا له احببنا الحياة• فالحب يغير كل شي•♡
الحُب نعمة عظيمه وحياة لنا والله•😴♥️

@ALFkamah

أســــــــــــــــــــــــأل الله أن
يـجـــــــــعل لنــــا ولـكــــم
في كـــل أمــــر يســـــــــــر
وفي كـل رزق بـركـــــــــــه
ويـرزقنـــــا ويـرزقـكــــــــم
نعـــــيم الدنيـــا والآخــرة

📿 جمعةٌ مــباركة
@ALFkamah

هيا السلام عليكم.
وجمعه مباركه 💝🌹

بعض.المزوجيين يجلس يوزوز في راس مرته
عتتزوج عليش اشتي اتزوج عليش نفسي اتزوج بالثانيه للمه وانت فارح تدي لك وجع راس لداخل
قال مابتستبك له ساع اللبنانيات والسوريات
وعيسير يتزوج عليها لانها مهمله له وما بتهتم به ومابتدلله وما بتحسسه انه متزوج قولته

وهي مسكينه ماعاد تدرى كيف تفعل بروحها
نظافة بيت ومطبخ وبزا ونظافه وتربيه وتعليم جهال ويشتيها تخدم ابوه وتخدم امه وتخدم اخوته وخواته. ويشتيها توحم من جديد ويشتيها تنتبه له ولعياله ويشتيها تبيض بوجهه لا جاء عنده ضيف حين يجو اهل البلاد عندهم. ويشتيها تشتغل قرعه ليل نهار تقل مكينيه ومايشتي تقله انها تعبت
وسمه لا قالت له كملت الدبه الغاز. وكسر راسه لاقالت المصروف حق البيت كمل يااخي خاف الله فيها. انت ضويتها.بعقد زواج مش بعقد عمل

وهذا المسكين بيدمر نفسه بنفسه لما يجلس يهدد مرته عتتزوج عليش. وهو ماعيتزوج اصلا طقيع على الفاضي جيبهز عطل. وركبه عطل وما قد بيكفي الاوله بس دبوور كيف تعرف عقي والديه قال بااعماله
يااخي ليش.بتهدد اتزوج.وسكهنا هيا اسكه اما انك تهددها ليل نهار انك عتتزوج عتتزوج. ومابش معك قلب تتزوج فاانت فتحت على نفسك حرب كبرى عالميه تدمرك اقتصاديا وماعتكن تخليك توالف زلط بجيبك وكلما توالفت تطايرها لك. لو ماتخليك على الطاوه ولا قد حست ان معك قرشين ادعت المرض وهي بخير عشان تدي حق الاسعاف والعلاجات وكل ماحست انك مزلط. تمكنك خرجني السوق.اشتي واشتي وتشتري ملابس وتوزعهن وعتكون تشتري حاجات مالها داعي وعتمكنك ادي كل يوم دجاجه. وترجم نصها للدم ونصحها للكلب وترجع تتصلك ادي غداء جاهز من المطعم وعتمكنك جعالة الجهال في اليوم ثلاث مرات ساع العلاج وعتكون تخزن في اليوم فترتين. مع الماء والمعسل والببس والقرون والتحليه وتخزينه لها ولجاراتها حق العماره من ضهرك وعتمكنك كسوة وملابس ومعارض ومكياجات وتكون توزعهن. وترجع تقلك مابش معي ماالبس

تستااااهل ياملقوف ليش تهددها عتتزوج وانت مش قدها ولا انت حق زواجه كنت عتحمدالله عليها وتقنع. وتسلم زلطك وتسلم جيبك
لكن #هي_تقع

@ALFkamah

اضرب المره بالمره قانون ضالم يعملوا به الرجال
بعض الرجال اذا عصته مرته او زعلته يتزوج عليها ليش تزوجت قال اضرب المره بالمره
شفتو الغرض من الزواجه بالثانيه. هو تأديب الزوجه الاولى فقط وليس من اجل حب وقناعه
واذا تعدلت الزوجه الاولى يرجع يطلق الثانيه
ليش طلقتها قال قد المره الاوله سبرت

شوفو. هذا من اشد انواع الظلم انك تتزوج بالثانيه لغرض انك تربي الزوجه الاولى و تقهر الاوله لأيام محدوده و لما تبرد قلبك فيها وتحس انك قهرتها تطلق الثانيه وترجمها لاهلها وكأنه انتهى عملها عندك وكأن الثانيه كانت عندك ايجار أو اداة تأديب مو زوجه لا اكثرر

لذلك نصيحتي ولاذمتي لا تزوجوا رجال متزوج
الا بعد ما تعرفوا انه راغب في نسبتكم وبنتكم
مش عشان ان مرته الاوله عاصيه له حسب قوله
ولا تزوجوا ذيك اللي يجي يستعطفكم و يعدد عيوب مرته الاوله ويشكي لكم مرتي فاعله ومرتي تاركه ومرتي مسبره عشان ترحموه و تقبلوه وتزوجوه
(وقد يعلم الله ان مرته الاوله مظلومه)
لانه بايجي اليوم اللي تتصلح عيوب مرته الاوله
وبيتصالحوا ويسير يرجعها وبايكون شرطها الوحيد للمصالحه انه يطلق المره الجديده وبيستغني عن المره الجديده بنتكم ويطلقها
ومثل ماعدد عيوب مرته الاوله عندكم لما زوجتوه عيرجع يعدد عيوب بنتكم مرته الجديده سعما الاوله ويدي فيها عيوب البغله. عشان يبرر طلاقه لها وهولا اخس انواع الذكور

هذا علمي ولا جاكم شر @ALFkamah

بعض النسوان دبور على زوجها
مافي قلوبهن شفقه ولا رحمه على ازواجهن

تساير لها من اللي ازواجهن يستلموا بالدولار
او اللي معاهم عماير ومحلات وايجارات او اللي معاهم اراضي ورايث ومعاهم جمعيات
وتبدأ تقارن نفسها بهن. وتطرح راسها بروسهن
عيونها زايغات يمنه يسره اسكه ما معاهن
اسكه ماادوا لهن ازواجهن اسكه ماهن لابسات
وتضوي لاعند زوجها وقدها عتقرح في وشه
وقد في راسها كتلوج تمكنه اشتي ساع فلانه
فلانه اشترى لها زوجها. فلانه معها فلانه لابسه
واشتي ساعها ماعيقعش حق فلانه احسن مني
واشتي اشتريهن من حيث اشترتهن فلانه
ماتحسب حساب حالة زوجها الماديه انه يرحم
واذا ادى لها شي بقدر استطاعته مايعجبها مابلا تشتي ساع حق فلانه وتقلب عليه وتعايره وتبهذله. وتحسسه بعجزه وتسير تشكي وتملي قلوب اهلها منه مابيدي لي. مابيفعل لي مابيسوي لي وهو مسكين قده في جهده و تصغره عند اهلها. وتصوره انه عاجز

وعاد بعضهن عندها قاعده. في كل مناسبه تشتري كسوه خاصة حق مناطقنا صنعاء وما جاورها وبدون تقدير لضروف أزوجهن واستطاعتهم حسب حالتهم الماديه
حين تتزوج تشتي اربع زنين الشراره والجرز وال وال وال وحين تخرج من الولاد تشتي زنه. وحين تتزوج اختها تشتي زنه وتتزوج بنت اختها تشتي زنه يتزوج اخوها تشتي زنه وتتزوج خالتها تشتي زنه. تتزوج عمتها تشتي زنه وحين تتنزوج بنت عمها او ابن عمها تشتي زنه وحين تتزوج بنت خالتها او ابن خالتها او خالها تشتي زنه وحين تتزوج بنت جارتها تشتي زنه. تتزوج صاحبتها تشتي زنه وحين تتزوج بنت عمة خالة جدة امها. تشتي زنه وفي كل عيد زواجها تشتي زنه وحين يتزوج ابن اخوها او اختها تشتي زنه
المهم توالف المعرض كله لا دولابها. لوما قد معاها 50زنه وتلقاها قد قسمتهن. واحده عند اختها. وثنتين عند اختها الثانيه. وااحده مع بنت عمتها. وواحده مع بنت خالتها وواحده مع اختها اللي بالبلاد وواحده نسيتها عند بنت خالتها من العرس الاول وعاد اختها اللي عادها تزوجت بتقلها اجهزي زنه وتقسمهن ولا منظمه الزنين😂 ولما يجي عرس ولا يقلها زوجها البسي لي تقول جحفه مالقيت ماالبس.
خافي الله وارحمي نفسش وارحمي زوجش قد سوق البز بكله عندش وزوجها مسكين. هو تزوج بمره. ولا بمنظمه. ولا بجمعيه خيريه😁
هذا ظلللم حملتي الرجال فوق طاقته. واللي مايرحم لا رحمه هذا علمي ولا جاكم شر🤗
تشتي اكتب وانشر بقناتك
كلمني @ALFkamah

خۣۗہآصۣۗہ لَقۣۗہنۣۗہآة↓
بّـآبّــ ⛩ آلَيّمِـــنٌ♪ Yemen door🇾🇪

ما_ أحلى _ هواك .

ما أحلى هواك لكن حولك أشواك
سواك نَكّاني بها ونكاك
جرحت لكن ما أزال أهواك
والحب عافى جرحتى وعافاك
*
خلِّ الندى فوقك عليك يهمي
واترك همومك لي فأنت همي
شاشل غرمك في الهوى وغرمي
قسمك حناني والجراح قسمي
هذا عطا قلبي قَسَمْ وأعطاك
*
ما أنتاش ملومي انت أو خصيمي
كيف أحسبك أو أكتبك غريمي
وأنت زرع الحب في صميمي
أزهرت واعشوشبت في هثيمي
وأنت من بين الضباء ريمي
أتأملك بين الضبا وأرعاك
***
يا أنت يا من أنت لا أُسَمِّي
يا صدق حبي لا سراب وهمي
ويا خليطي في دمي ولحمي
أغويتني حتى حروف أسمي
ما تَكْتَتبْش( ) إلا إذا تهجَّاك

اللهم أحفظ اليمن ❤

المهم زيدوا ادخلو القناه تيه . @FkamhSnaane2
وراعوا لي لوما اجي. علشان انزل لكم فيها فقره

والله يحلي اوقاتكم 🤤❤️🌹


« @FkamhSanaane1 ​​❥ ⁽♛₎┊↷ »

ماذا تعرف عن بيت سيدي
(بيت جدي أبو الام)⁉️

1- حقهم الكيس الطحين يخلص بسرعه
وكل اسبوع يشلوا كيس طحين
2- مايوقع للغواث طعم الا ببيت سيدي😂
3- يوميه مليان نسوان ويجين النسوان وعيالهن وبناتهن ويوقع غاغه ساع بيت العرس
4-البيت والحوش حقهم ساع حديقة السبعين
5-مرافق البيت شغاله كلها سعما السوق في رمضان
6-كل اسبوع يغيروا حنفيات ومفاتيح للكهرب
ومغالق للابواب وزجاج للطياق وقناديل جدد
7-الخال يشتري الجعاله والكيك والعصير بالكرتون
كان فماه الخال والد. هذه ضريبه كلمة ياخال
8-الجهال مجتمعين واذا احد ضرب جاهل يا جناه حلقي واصربي وانعثي وكود المناقيد توصلهم عيالهم ضربوا عيالنا😂

✿ من يزيد يضيف لاهانا @ALFkamah

وننشرهن لا هانا @FkamhSnaane2

اسعد مساء الحااااالي لحيث ماااا حل😉💚

وفقرتنا. اليووووووم نقاشيهه🥳🤩

✿ لو جاء لك شخص .. يسألك عن صديق لك عشان موضوع زواج وأنت عارف انه صديقك هذا .. سيئاته كثير وعارف حقيقة هذا صديقك
هل بتقول الحقيقة او بتكذب ..!⁉️

✿ زوّجوه لعلّه يعـقل
عقِّلـوه ثمّ زوّجوه
مارايكم اين هي المقوله الصحيحه ولماذا⁉️

للمشاركه لا هانا @ALFkamah

والنشر هانا بهذه القناه @FkamhSnaane2

أحياناً أجمل شي بالحب لما تحب بنت حنونة
لأنُها مجنونة وقت تكونوا متزاعلين أول ماتعرف أنك مش بخير تجنن وترسل لك. وبتطمّن عليك
حنّيتها وطيبة قلبها ماباتسمحلها تبعّد عنك حتى لو قالت أنُ هي ضابحه منك بس ما بتقدر تتركك
هذه البنت نعمة بالحُب الزّايد وعطوفة وحنونة
مافيش اجمل من شعور الاحتواء والحنيه

💙 @ALFkamah 💙

والله انه ضبطها اعظم من النسوان انفسهن😂
ضيع النسوان وتفوق عليهن بالانوثه😂

زفة المشجب
@ALFkamah

كمسيتو
اليوم نتكلم على البنات العزبات المولعيات بالانتره

اللي أول ماتفتح عينها ومن يا الله رضاك اول حاجه تفعلها تشل ابنها من جنبها ولا من تحت الوساده اللي هو📲(التلفون)
بدل ماتقوم تذكر الله وتصلي على رسوله حمله صلا التلفون تبسر من رسل ومن رد ومن علق ومن صبن ومن اتصبن☺

وتجلس نص ساعه تشيك ماوقع وماحدث وترد على الرسايل وتسير تشل التلفون سكته وتكتب صباحكم انا ولو تبسرو شعفلتها لاتقلو لازد وقع به صباح 😂😂
المهم ترجع امها تفعلهة زفة هياااا عتطرحي التلفون ولا اقوم اكسر ابوه ما هذا قدو جنان واااااصل فوق التلفون قدي ولعه مامعش 24 ساعه وهو في يدش 😂😂😂
وقتها البنت تسكت وتقوم تعجن بيد وتانتر بيد تغسول بيد وتكتب بيد تحشوش وتطبخ بيد وتفعل تسجيل بيد. 😂😂
المهم يجي ذيك بعد الظهر إلا وعاد نص الغداء نية ونصه حارق واللي قد الملح فيه زياده. واحيان تلقم ملح للشاي بدل السكر المهم عندها لا يفوتها شي ومن قرح يقرح يتغدو ولا لهم ناغد

وقبل ما تقرب الغداء تجلس تقرب ساعه وتزين وتانتر علاسب تصور الغداء وتكتب عمل يدي وماعد تقرب الغداء إلا وقدي 3 وقد في البيت ثوره أين الغداء وكل من يشتي يرحله وكل من بسرها يدي لها كلمه وهي ولا ☺

المهم جت المرحله الأصعب وقت رفاع الغداء ترفع وترجع تصور وتقل جنه كملت وترجع تشل نفسها وتمتد فوق السرير وقد ظهرها مكسور ومن دخل النت شكت له اقتتلت عمل اليوم ووووو مشهم دارين ماهو الخبر هذا وهي واصل متصل الان كيف اقتتلت مدري😜😜

@ALFkamah

السلام عليكم
ونتكلم عن المزوجات والتلفونات💁‍♀📱

به بعض المزوجات قدهن مصوعات ماعادبش حس من كثر الجلسه فوق التلفونات📲 وماعاد بيجاوبين ازواجهن الا على رابع خامس صوت 📣🧔🏻حسها عند مراسلة تيه وتيه📲
تقلها ان الفستان حق بنتها صغر. وانها عترجعه وماعجبها وتكلم الثانيه اين عيسيرين يتفرطين وتكلم الثالثه تقلها من عادهن الوالدات اللي ماقد سارين عندهن وتكلم الرابعه. ايحين رجعت لزوجها بعد الحنق وتحاضر الخامسه عن طاعه الزوج وانها مابتخليه يستنقص شي وهومسكين له نص ساعه يصيح لها تدي له قلص ماء
وتكلمها ترسل لها حالات تفعلهن لزوجها وزوجها جنبها حالته حاله ويدخلين حقهن ذيك القروب. ياسعم يتعلمين الطبخ ولوما تتبع الوصفات يقع في زوجها وعيالها تسمم غذائي😜
ويحشين بالقروبات وهات من ندش يندشين لهن الخلق فلانه فستانها قد جت به اربع مرات للصاله وفلانه حااانقه حين زوجها بيراسل بنات وفلانه تصايحت مع عمتها وخوات زوجها وحنقت وفلانه تزوج عليها زوجها. الخاين ويتقابلين له بالدعاء واحده تدعي والثانيه تقل امين ولا تقلوا الا.بيتشاعرين والا بيدين زامل 😂😂😜

اتخيلو به بعض المزوجات لما ترقد. وحين يقومها ابنها عاطش نص الليل يشتي يشرب ماتدي له يشرب طوالي اول ما به تقوم تفتح التلفون تشوف اخر الواردات والمستجدات تبسر من علق. ومن رد. ومن اعجبه حقها النكته وابنها ذيك مسكين قد لقفه يابس من العطش وترجع تشربه وتبسر وان قد رجع يرقد عاطش من كثر المطالبه

@ALFkamah

مساء الخيرات
حياة بعض المزوجات اللي مدمنات على النت

بعضهن أول ماتقوم تسير صلا التلفون لي بتهتم به اعظم من عيالها وتجلس فوق التلفون تانتر من الصبح لوما يااذن ضهر وبعدا تقوم تفعل الغدا وحسها مع المحادثات ومش داريه كيف بتفعل الغدا يد تصلح غدا ويد تأنتر وعيونها وحسها مع التلفون وتفعل الغدا بدون ماتغسول وتخبز. وعاد العجينه ماقد خمرت و تخبز بدون ماتكفت شعرها وتشووفوا اللقمه و قدها ملان شعر. وتخلي بعض الاكل مملوح زياده وبعضه بدون ملح وتنسى وتلقم بدل الشاي قحطه ولا حوايج مرق
وبعضهن الله يستر. تنسى تحرق الرز والدبيخ وتنسى اللحمه داخل الضغاطه وستر الله لا تقرح بها وبعضهن تقرب الغدا وبدل ماتلقمهم ترجع فوق التلفون وتحترف وقد ابنها خلط الدبيخ بالشفوت. وخلطهن مع الشاي وشعتر الرز ملان السفره وحرقت يده بالضغاطه وتحترف وقد الدجاجه شلتها الدمه وهي حسها عند التلفون

وبعضهن تخرج تسكب القمامه خارج وهي بتانتر وتخلي ابنها في يد. والقمامه والتلفون في يد وتوصل ترجم ابنها خارج بدل القمامه😂 وترجع والقمامه معها. وبعضهن حين ترضع ابنها. تمسك الرضاعه بيد واحده ساع الصنم. ويدها الثانيه فوق التلفون وحسها مع القروبات وقد ابنها خرجت الرضاعه من لقفه وبيصيح. وهي ساع الصنم ماتبسر ماللجاهل الا وقد رقد من كثر البكاء وهي ساع المحنطه

وبعضهن تسيير تتفرط وترجع من عند التفرطه وقد معاها قروبات جديده واول ماتوصل البيت ترقد الجهال من مغرب ساع الدجاج علشان تسمر مع القروبات الجديده وزوجها يصيح يامررره اشتي عشاء وتقل له مابش غاز. مابش مصروف مابش والديمه ملان من كل شي. وكله كسل منها عشان ماتسوي له عشاء وترجع تكتب حاله. اميره مملكة زوجي كيف اميرة زوجها وهي رقدت الملك بدون عشاء ايتها الجاريه😂😜

@ALFkamah

السلام عليكم ورحمة الله وبركاته💝

يا منعاااه. عيب يامنعاااه استحي .. !!

علموا اولادكم الادب والحياء والالفاظ الحسنه وعدم السب والشتم وعدم استخدام الكلمات البذيئة والخارجة عن الادب في اي حديث سواء في البيت او الشارع، وحتى في المزاح مع اصدقائه لأنه للاسف انتشر استخدام هذه الالفاظ وصرنا نسمعها اثناء حديث الكثيرين في الشارع وباصوات مرتفعة، ليس من الاولاد فقط بل من شباب وعمال وحتى من ناس كبار. واحيان من نسوان للاسف

اخجل كثيرا وأتألم اكثر من سماع تلك الكلمات البذيئة والخادشة. وحين ترتفع اصواتهم بها في الشارع وفوق الباصات ويتكلموا كلام كله ايحاءات باافعالهم في غرف النوم بصوت عالي فوق الباصات. والباص ملان نسوان وعوايل ويسمعها بعض الناس ويضحكوا ولا يستنكروا
بل يزيدوا ويتكلموا بصوت مرتفع. في مشهد يومي يكشف اين وصلت اخلااق البعض 😔🥲

الحرج الاكثر عندما يسمعها اولادك واهلك، او عند مرور النساء والعائلات، ومن يتلفظ بها مازال يكررها مرارا بلا خجل ولا حياء ولا يجد من يقول له عيب او استحي
لذلك اقله انا يا منعااه..عيب يا منعاااه. استحي

@ALFkamah

مساء الخير يا وجيه الخير

فقرة #نقاشية

شباااااااااب 🙎🏻‍♂ بناااااااات 👩🏻
معانا فقره من ارشيفي والكل يجاوب عليها

‏لنفترض أن رجل متزوج بأربع نساء
الجميلة والمطيعة والمثقفة والثرية

✪لمن سيميل قلبه❓ولماذا ⁉️


ازغفوا مشاركاتكم لا هانا @ALFkamah

وسيتم النشر. بقناتكم انتم. @FkamhSnaane2

كانوا الاولين بسبب ماعاشوه من جوع
يخبوا كل شي للزمن ( عيجي وقته)
لا شي بطانية او مفرشه حاليه رفعوها وخبوها قالوا لما يجي ضيف ويكتسبوا القدور والدسوت الكبار وما يخرجوهن الا بالعزايم الكبار
ويخلسوا الثوب والكوت لوما يجي العيد الثاني العيد الكبير والجنبية الصيفانيه محرم على احد من العيال انه يلبسها واذا شي سيارة توقف لاما تذحل ماحد يقربها حتى ابواب الغرف الخشب ماحد يقربها وما احد يزيد الفتح والغلاق
والمداعة ماحد يلمسها الا وقت الطلب
ويشتروا الاراضي ويكتسبوا الجنابي والبنادق ويخبوهن بسابع ارض عشان مااحد يوصلهن وكانوا يخبوا الحب في مدافن وفي البراميل وهكذا عاشوا مكتفيين موفرين
حتى جاء جيلنا وفرطنا في كل شي. الجنبية باعوها والسيارة صدموا بها والبطانيات والمفارش تقاسموهن والابواب صروعوهن والجنابي والبنادق زلجوهن والاراضي كملوهن لبنه قفا لبنه لوما كملوا الفصول
فعلا. مااكتسبه الاباء ضيعه الابناء

@ALFkamah

عندنا باليمن
مايتزوجوا الا بمواسم الاعياد ساع السمك 😂
الأجنبي يرتبط ويحب ويتزوج ويخلف ولا من شاف ولا من دري يكون مليونير وما يخسر الا ٧٦$ قيمة البيرة و٢٣ $ حق الكيكة ولا وقت العرس وشل 6 من خبرته ولبسو بدلات وسارو الكنيسة هو ومرته ويجلس البابا يقرا عليهم ساع الي عيخرج الجن منهم وقامو يلبسوا بعض الدبله ويبوسو بعض ويفعلوا 4 صور تذكاريه وصلى الله وبارك وروحو البيت يحتفلو وخلصنا وكمل العرس🤗

جي لك لعند ابو يمن لا راتب ولا عمل ولا دخل ولا صورة ولا صوت وفي الخطبة يفعلوا حفلة وحشيرة وفي العقد حفلة وحشيرة في جلسة التصوير حفلة وحشيرة ويسير يتحمم وينتقع نص شهر بحمام البخار ساع الفاصوليا حق المنظمه وكله كوم والعرس كوم ثاني اعظم من مؤتمر جامعة الدول العربية زحمة وحشيرة زفة بالشارع زحمة وحشيرة زفة سيارات زحمة وحشيرة وكمل العرس وقده حراف انتف متدين لخلق الله ويبكر يبيع الذهب ومن اول اسبوع بعد العرس يسدد الديون اللي عليه حق العرس ويرجع يشلها الحديدة شهر عسل هو ويتسبح وهي تتفرج عليه ويبيع ذهبها وهي تتفرج عليه وسار يتزوج عليها وهي تتفرج عليه
وبعد العرس الحريوه ماتحل ويطلقها من اول شهر وعاد قيمتها دين وتلقاهم اول نص شهر قبل العرس يفتحوا زفات واغاني واول نص شهر بعد العرس يفتحوا رقيه شرعيه للمه قالوا سحروهم والا وقعت فيهم عين بسبب الجنان حقهم والحشيره والزوكه حقهم
للمه هذا كله. للمه هذه الحشيره وكلها والتعب والقتله بكلها للمه قال المثل.عيد القبيلي مرض وعرسه سكرة من سكرات الموت🤎

@ALFkamah

#رفقا_بالرجال
الرجل هو أجمل مخلوق خلقه الله
معظم النساء لا تعرف قيمته الا بعد موته
_فهو يضحي بجميع الأشياء التي بين يديه
ليعطيها لأمه او اخته او زوجته او اباه او حفيده
_وهو الذي يضحي بشبابه وصحته من أجل زوجته وأولاده لبناء حياة عائلته ومستقبل أولاده
_وهو الذي يكافح ويناضل بشكل دائم فاذا خرج للترفيه عن نفسه قليلا فهو انسان غير مسؤل
_واذا بقي في المنزل فهو كسول.... واذا.... واذا... واذا.....وإذ سمع كلام امه فهو خاضع. واذا سمع كلام زوجته فهو خانع ورغم ذلك... هو الأب :يتمنى ان يصبح أبناءه افضل منه
فإاذا كانت الام تحمل أطفالها 9 اشهر في احشائها
فالاب يحملهم في عقله وقلبه العمر كله♥️
احترموا كل رجل أو اب في حياتكم
فأنتم لن تعلموا ابدا كم التضحيات التي يبدلها
ارحموه لأنكم لن تعوضوه اذا ذهب وتمسكوا به لا تتركوه اذا ضاقت عليه الدنيا وضغطت عليه هموم الحياه فهو بشر

وتحية لكل رجل (الأب...الأخ.. الزوج.. الابن) على قيد الحياه. ورحم الله كل أب وزوج وأخ وأبن فارق الحياة)

@ALFkamah

‏لا تخوفوا الناس من الفقر ..
بل ‏خوفوهم من الذنوب التي تجلب الفقر ‏
(الشيطان يعدكم الفقر. ويأمركم بالفحشاء
والله يعدكم مغفرة منه وفضل والله واسع عليم)
❀فما نزل بلاء إلا بذنب ولا رفع إلا بتوبة ﴿وَأَن لَوِ استَقاموا عَلَى الطَّريقَةِ لَأَسقَيناهُم ماءً غَدَقًا﴾
ننام ونستيقظ والهواتف بين أيدينا ذهبت العقول وشردت الأذهان المساجد خاويه لا تلاوة للقرآن؛ ولا ذكر ولا وافل ولا دعاء ؛ولا توبة
فاللهم ألطف بحالنا وأصلح قلوبنا وردنا إليك رداً جميلًا و إرفع عنا الغلاء و البلاء و الغلاء
وأستغفر الله العظيم الذي لا إله إلا هُوَ الحيُّ القيوم من كل ذنب عظيم و أتوب إليه