مٰہٰٖشہاعہرَ بّارَيہسہيہهٰہٰٖ℡

السلام عليكم.👋👋👋
وجمعه مباركه.💍 عليكم اخواني جميعا
كيف احوالكم🙆🏻‍♂🙆🏻👋

به موضوع .ومشكله واقعيه في مجتمعنا
الموضوع طويل شويه. بس اقرأوه للاخير
جو نتحاكى شويه.
وارسلو لي ملاحضاتكم لهانا. @ALfkamah

مشكلة الشباب اليمني مشكله كبيره
تضرهم وتضر المجتمع، وحلها بسيط قوي..

مشكلتنا انحنا شعب بسيط قوي
وجاهل بنفس الوقت، ما نفكرش أبداً
تفكيرنا ما يتعداش سقف غرفنا،
بمعنى أن الشاب اليمني همه الأكبر
هو كيف يدبر تخزينة غدوه
وهذه تعتبر مشكله كبيره في حياته
وإذا تدبرت خلاص أموره سابره ولا يهم شيء
يسير يشتري له قات
وسار ابسر له اطرف بقعه يخزن بها
وفي آخر التخزينه تبسره مطنن وبيحك راسه
ويقلك لا متى ياخي عنجلس هكذا
لا بلاد ساع الناس ولا عيشتنا عيشه
ولا به رواتب ولا به أشغال.. أين نسير؟
ياخي لازم الواحد يتغير..
وخلاص يبدأ يرسم بباله انو من غدوه عيتغير ويشتحط على نفسه
يسير يرقد وقد الرازم بينحزه وبيهرمه كيف عيدبر تخزينة غدوه
يبكر الصبح وسار دبر له حق تخزينه ورجع يمارس روتينه المُعتاد..

طيب وكلام أمس والتغيرات وو أين سارين؟
يقلك مش وقت ياخي لا تهرمني خليني اخزن..
وعليها هكذا لا متى مشنا داري..

ويقلك الله يلعنها بلاد ذي ما عزتنا!
بالعكس ياسيد الناس الله يلعنه شعب ذي ماعز بلاده..
مش أي مشكله معانا نرجمها لا ظهر البلاد حقنا ونشتمها
بلادنا مالها اي دخل بمشاكلنا، احنا سبب مشاكلها
والمشكلة بحد ذاتها، واحنا الحل
وتذكر أنك عايش وسط صدر البلاد هذه ذي بتلعنها وتشتمها كل يوم
ولو ما هي إنك مشرد في اي دوله
وكل من مر من جنبك بسر لك بنص عين..
ومشكلتنا انحنا ما نعرف قيمة بلادنا إلا لما نخرج منها ونعرف وقتها أن مابش لنا أي قيمه الا في بلادنا..

لو بيفكر كيف يفتح له مشروع يشتغل به مثل ما بيفكر بتخزينته أن قد تخارج.. ذلحين يجي واحد يقلي مشروع ايش؟ مابش معي حق تخزينه وكل المشاريع في اليمن فاشله
شاقلك يا برميل ماحد خرج من بطن أمه تاجر
كل التجار والناجحين في هذه البلاد ذي بتبسرهم لو تسأل عن أول شغلات اشتغلوهن عيقولوا لك كانوا بساطين وأصحاب عربيات وشغالين في الجولات..

وقتها عتعرف أنو ماحد عيوصل للقمه
الا وقد تجعجع وتبهذل واشتغل..
أنت لو نيتك تتخارج والله لا تفعل لك بسطه في أي مكان وطلبت الله
وكل ما اشتغلت كلما تقوى ضمارك
ومعك معك عتوصل للي تشتيه حتى ولو تعبت وتبهذلت
تحمل، الشقى والبهذله حق الرجال
لا تقلي ماشي مابش معي زلط
الا به معك ذي دبر تخزينتك عيدبر لك قيمة مشروع صغير..

ولا تقلي بين اخزى أنا ابن فلان
ولا أنا يعرفوني اني فلان. الفلاني وجدي فلان
عيب اخرج اشتغل بساط
شاقلك والله ان العيب جلستك هكذا معطل
لسترت تخارج نفسك ولا تبني مستقبلك ولا استرت تجمع نفسك وتتزوج، هذا هو العيب.
العيب انك رجال مسبع مربع ومابش معك حق صرفتك
أو انك بتمد يدك لناس، هذا هو العيب
أما الشغل مشو عيب نهائياً مهما كان
واللي عيقلك عيب أنت ابن فلان ولا انت فلان
خليه يدخل العيب حقه جحره
وقله عتصرف عليّا وانا ما عششتغلش وابسر ما عيقلك
والله ما يدي لك حق حبه ماء..

لذلك اطلب الله على نفسك
مش حاليه يكون وجهك ملان شعر وابوك بيصرف عليك،
يارجال استحي على وجهك كيف تجزم تدخل لا عند ابوك بكامل جثتك وتقله ادي لي زلط؟
قسماً بالله انو خزى ..

ولو تجي تشوف أغلب أصحاب ريمه وأصحاب وصاب وعتمه وإب وتعز وغيرهم والبراغله كما تسموهم،
تشوفهم كلهم رجال وشغالين في بسطات وفي محلات وفي كل شيء
وأكثرهم تُجار، ناس حق شغل، وحق طلبة الله
اتحداك تبسر واحد منهنم فارغ ولا بيشحت!
مابش! ما عتبسر الا ذي هم أشباهك و مثلك والله،
ذي بيمكنوها تعزاز وتشراط وعيب
ويشتوا شغل في مكان محترم ويمكنوها قبيله

ياخي أشقى اشتغل الشغل مُش عيب
ركز الشُغل مُش عيب ورب الكعبة
العيب انك تمد يدك وتطلب، بينما أنت بعافيتك وقوتك وقادر تصرف على نفسك..

وشلوها مني وعتتذكروها مع الأيام..
"الشغل يدي شغل والنوم يدي نوم"

وشكراً. لكم مني انا اخوكم ومحبكم
#فـخـامـة_صـنـعـانـي. @ALfkamah

22 viewsفُـ,ـځـٌٌـٌٌآمـْـْْـْة ∆ صُـ,ـنـِِـِـعٌـِـِِـِـآنـِِـِـي % •💚, 12:41