Osnova startapimiz uchun yangi marra — 1 kunda biz bir yil davomida erishgan natijamizdan ham ko‘proq foydalanuvchiga ega bo‘ldik va bunga bir tiyin ham sarflamadik.

Rasmdagi grafik startapchi hayotining qanday kechishini ko‘rsatadi. Mehnat, ishlaydigan narsa topishga urinishlar va shafqatsiz haqiqat. Eng qattiqqo‘l hakam - bu raqamlar, mijozlaringiz yoki foydalanuvchilaringiz mahsulotingizga qiziqmaganini ko‘rsatadigan ko‘rsatkich. Demak, hali muvaffaqiyatga erisholmabsiz.

Aprel oyida biz nimanidir aniqladik va platformamizda oldingi oylarga nisbatan 5 baravar ko‘p foydalanuvchi ro‘yxatdan o‘ta boshladi. Bir oydan so‘ng biz buni kengaytirdik - natijada, o‘tgan hafta davomida 12 mingdan ortiq yangi foydalanuvchiga ega bo‘ldik va bunga marketing byudjetidan bir tiyin ham sarflamadik. Taqqoslash uchun, dastlabki 10 ming foydalanuvchiga ega bo‘lish uchun bizga bir yil kerak bo‘lgan edi.

"Bir yil oldin bugun erishgan yutuqlarimizga erisha olamiz deb o‘ylamagandik" - sherigim, "Osnova" asoschisining so‘zlari. Endi bu yilgi maqsadlarimiz (100 ming foydalanuvchiga erishish) unchalik ulkan tuyulmayapti va biz bu marrani yanada ko‘tarishni rejalashtirmoqdamiz.

Startaplarning kuchi nimada? Bu ko‘plab tajribalar o‘tkazish, doimiy izlanishlar hamda tezkor iteratsiyalar va gipotezalarni tekshirishda. Bu growth-hacking va millionlab odamlar foydalanadigan mahsulot yaratish uchun ajoyib imkoniyat.

Kichik g‘alabamiz hamkorlarimiz — Osnova yaqinda qo‘shilgan Click va Hambi super-ilovalar bilan birinchi qo‘shma aksiyamiz tufayli ro‘yobga chiqdi. Dam olish kunlarida biz butun birinchi yildagiga qaraganda ko‘proq foydalanuvchilarga ega bo‘ldik.

Bizning vazifamiz — O‘zbekistonning har bir fuqarosi uchun mamlakatning har bir burchagida sifatli va zamonaviy ta’lim olish imkoniyatini yaratishdir. Va bu ulkan maqsadga sheriklik orqali tezroq erishish mumkin. Missiyamizni qo‘llab-quvvatlaydigan kompaniyalar borligi va ular bunday hamkorlik orqali O‘zbekistonda inson kapitalini rivojlantirishga muhim hissa qo‘shayotgani quvonarlidir.

Bugungi kunga qadar Osnova butun mamlakat bo‘ylab foydalanuvchilar uchun 100 000 dan ortiq kurslarni tatbiq etdi. Ishonchim komilki, bu hali boshlanishi!

🥷 @yangimark

⚠️ Agar siz bu ko‘nikmalarni o‘rganmasangiz, kelajakda aniq ish joyingizni yo‘qotasiz!

💼 Bu — asosiy soft va hard skill’lar: masalan, Excelda ishlash yoki yetakchilik ko‘nikmasi.

🎯 13 ta muhim ko‘nikmani atigi 599 000 so‘m evaziga, Osnova Plus yillik obunasi doirasida qo‘lga kiriting.

👉 Quyidagi HAVOLA orqali o‘ting va imkoniyatdan foydalanib qoling.

⏳ Taklif 15-iyungacha amal qiladi. Shoshiling!