‏خير ماتبدأ بهِ يومك أذكار الصباح لن تأخذ منك وقتًا طويلًا وكذلك فهي خير ماتبدؤون به يومكم،فلا تعلم أيّ خير ستأتي به وأيّ شر ستحفظك منه اصبحنا و اصبح الملك لله ولا حول ولا قوة إلاّ بالله •

النومه بدري ونوضه على الفجر♡

تأدب فيا الكلية انا انسانه نخاف نتحشمش 😭

نحكيلكم اليوم بنواجه احد فوبياتي

حلوه فوبياتي هذي 😭

لغة الزهور>>

شنو كان عندي فوبيا من عرم حاجات بس الحمدلله واجهتهم كلهم قعدو ثلاثه الي هم
فوبيا الثقوب
وفوبيا المرتفعات
وفوبيا المستشفى واي حاجه شورها

خشو شوفو الثقوب توا تفهمو نقدرش نخش نوريكم 😭

المهم اليوم عندي تحاليل و تحاليل يعني ابرة 💀

وماما قالتلي نمشيش معاك راكي كبيرة خلاص امشي بروحك 💀
وبحكم بابا مش قاعد ف حنطر نمشي بروحي

خايفه اشوية (ميته من الخوف وهميه انا)

نذكر طعيمته ثالثة اعدادي كرست في الحمام وخش عليا المدير وهزبني وطلعتش برضو وتم طردي من مدرسة لمدة ثلاث ايام 💀

ولو نحكي مواقفي مع الابرة معش يكملوا

بس اليوم ان شاء الله ح نتخطى ونشطب الفوبيا هذي من النوته بتعي

ادعو تكون الممرضة يدها خفيفة وطيبه وتخليني نبكي و تضحكش عليا

قد يؤجل اللّٰه نجمة تمنيته ليجعلها مجرة

تمت العمليه بنجاح

يخيه الممرضة تهبل 💙😞

‏"يُؤجرُ المرءُ رغم أنفه
‏ليست كل الأُجورِ تأتي بمُتعة الطاعة،
‏كثير منها ما يأتيكَ من سَريرِ المَرضِ
‏وجرح القلب
‏وانكسار الخاطر
‏وقَهر الضّيم
‏ومَشقّة السَّير
‏وجُوع الفَقر
‏وسهر الهم
‏ومرارة الغربة
‏وحزن الفَقد
‏وحسن التسليم والاحتساب..
‏وتعب المُجاهدة
‏ومغالبة الهوى"

ـ أدهم شرقاوي