هواي جاي يكولون ننسى الي قريناه
نخاف
نرتبك
نقلق
نتاثر بسبب هذا الشعور
تجينا افكار احنا ما قارين
تجينا افكار انو ما نحصل النتيجة الي نريدها
نرجع احيانا نقرا من جديد ونطلع ع المادة الي اصلا كملناها من ايام
تصير عدنا رجفة
كل هاي الامور خطا وامر مبالغ بيه
بس خن افهمك
انتبهلي
اولا انت صارلك فترة
قريت افصل ومواضيع و مواد
ما تطلع من البيت يجوز
روتين ممل
ضغط
تحاول تحافظ ع توقيتاتك
وتحافظ ع جدولك بشكل صحيح وتمشي عليه
فما معقولة العقل
يكدر يحفظ كل الاشياء بدقة متناهية وتريد تسترجعها بكيفك
حتى الحاسبات والموبايلات بهارداتها ما تكدر تسوي هيج
اكيد تحتاج وقت
انت مادام قاري زين
لا تهتم.
بالامتحان
راح ترجع تقرا
بهداوة
ترتب امورك وتنطلق
راح تقرا من جديد
بس تحس الامور جاي تمشي بسلاسة وطبيعية
وترجع تحفظها بشكل ملفت
بشرط
تحافظ ع نومك صح
تقلل من الضغط والقلق
من ترجع من الامتحان
ترجع تنام فد ساعتين او 3 ساعات
حتى ترست العقل
وتعيد نظامه شوي
ارجع واكول اقرا بشكل صح
والباقي حتى لو نسيته
بالامتحان تتذكره
امجد سلمان
@xymath
@Amjed2017
Anst:- @amjads86

يراد نجيب لاستاذ امجد هيج ساعة يستاهل❤️

شلون نقرا الرياضيات
كل انسان واله طريقته
المهم شنو
تقسيم الوقت بشكل صح
كل فصل اله وقت محدد
اجيب الملازم الي انا قاريء بيها وضابطها.
اخلي الوزاريات يمي ايضا
ابدي شلون اقرا
اقرا جمع وطرح وضرب والاس للاعداد المركبة
واحل سؤال واحد عن كل حالة بورقة وقلم.
بعدها اقرا موضوع x.y الحقيقيتين واحلي فد سؤالين او ثلاثة لان موضوع مهم
واحل الاسئلة المركزة جدا.
بعدين امر مرة خاطفة على الوزاريات اشوفهن اذا بيهن فكرة غريبة.
وهكذا باقي المواضيع
لما نكمل الفصل الاول ضمن الوقت المحدد
وننتقل للفصل الثاني والثالث والرابع
كل موضوع ينقري ينحل عليه فد سؤالين او ثلاثة بخط اليد
ولا تصير اينشتاين وتكول ما يحتاج
والله تروح للامتحان وتجفص جفصات حتى ابو الاول ما يسويها.
لذلك الثقة الزايدة ابتعد عنها
وحل حتى تنطبع الخطوات ابالك وتتذكر كل خطوة.
مع مراعاة الوقت.
اذا شفت الوقت مايكفي تقرا وزاريات وسابقا انت مطلع عليهن
مايحتاج عوف الوزاري واقرا ملزمتك بس.
واذا كنت قاري و ضابط المادة اكثر من مرة
وعندك مراجعة مركزة
عادي اقرا المراجعة واضبط الاسئلة وحلهن بايدك.
والسلام.
@xymath

اذا شفت نفسك تحچي انكليزي احسن من امك وأبوك فهاي لان هم وفرولك تعليم زين

اذا شفت نفسك تفهم بالتكنولوجيا احسن من امك وابوك فهاي لان ما بخلوا عليك بشي

اذا شفت نفسك ناجح بشغلك وتكبر بيه وصار عندك فلوس اكثر من امك وابوك فهذا لان اسسولك وفتحولك كل الطرق الي يگدرون عليها

من الأخير إذا شفت نفسك صرت احسن من امك وابوك بأي شي فلازم تعرف انو هم السبب الاول بهذا الشي وهم كل حلمهم يشوفوك احسن منهم وكانوا يسعون لهذا الشيء

ف أبد لاتنسى فضلهم عليك.. اللهم احفظ اهالينا و ارحم المتوفين منهم 🙏
منقول.

السلام عليكم طلاب
ان شاء الله جاي تمشون على الجدول مالتكم ، لا تخلون التعب والملل يتسرب الكم ، الموبايلات قدر الامكان ابعدوها عنكم.
مابقى شيء هذا الشهر الخامس بدأ، وبعدين 37 يوم ، صدكوني ماتحسون الا وانتم بالامتحانات.
كلها شهرين من التعب بس تعب جميل
لان يحدد مستقبلك ويخليك بمكانك الي يليق بيك.
الي قرا وامتحن نفسه وتعب على روحه اكيد يجيب نتيجة ترضيه
اما الي كضاها يقرا صفحة ويراسل ساعة ، بعدين لا يلوم الا نفسه.
المؤمنين سيماهم في وجوههم من اثر السجود
كذلك الطالب الي تعبان ع نفسه
ياخي مبين
تتناقش وياه شويه ، تحس هو مسيطر ومكمل مواده ،و يمشي على جدوله ، وحتى بالاستراحة من يقرا او يكنك او يسال، يسال بوقت استراحته ، لان مايريد يضيع وقته.

بعدين تطلع معدل ٧٠
لا تكول انا مظلوم
هذا استحقاقك اقتنع بيه.
اكو مرات طلاب تعبان ع نفسه
جان متوقع يطلع معدل ب٩٠
يتفاجيء بمعدل ٩٥
بس انا اكول ابدا ماكو مفاجئة
هو تعب ع روحه وهذا الشيء هو يستحقه
بس هو جان مقلل من شأنه.
السادس هواي مضخمينه الطلاب ومصعبينه
ماكو طلاب تكول عليه بسيط
لذلك حتى الزين بيه خايف
مع العلم هو ما يستحق هذا الخوف ابدا
الاسئلة كدامك لكل السنوات
وتكدر تقرا وتقيم نفسك
اقرا مادة كملها
وشوف اسئلة ٢٠١٨ او ٢٠١٩ -20-22-23
هي نفسها ونفس الافكار ٩٠% من الكتاب
واكو افكار خارجية ١٠%
حاليا تغير الوضع للاسهل وصار ١٠٠% من الكتاب او مقارب جدا له مع اسئلة بيها ترك هواي.
الوقت يمشي
اصبر هاي الفترة
مابقى شيء
وراح تشوف العراق كله يحجي بيكم وبنتائجكم
حلوة لما تشوف نتيجتك اعلى مما انت متوقع
حلوة لما يكولون
علي عبد الله مثلا
عربي ٩٩
انكليزي ٩٨
احياء ٩٦
رياضيات ١٠٠
كيمياء ١٠٠
فيزياء ١٠٠
بهاي اللحظة علي عبد الله بوده يكوم يشبك الحايط من كد الحنين والفرح
شهر كامل يبقى مبتسم
يمشي وهو يضحك .
الله يضحككم بحياتكم كلها.

#خــبــر |

المتحدث باسم وزارة التربية كريم السيد :-

▪️الوزارة حدّدت رسوم الاشتراك بالمدرسة الإلكترونية بـ200 ألف دينار تُدفع بطريقة الدفع الإلكتروني.

▪️الوزارة قررت إعفاء أبناء الشهداء والحشد الشعبي من رسوم الاشتراك بها.

▪️إقبال كبير من قبل الطلبة منذ افتتاح المدرسة الإلكترونية رسمياً في الأول من نيسان الحالي.

▪️الوزارة خصّصت رابطاً إلكترونياً خاصاً داخل تطبيق المدرسة الإلكترونية للطلبة الراغبين بالتقديم عليها.

▪️المشروع الذي يعد من المشاريع المهمة الداعمة للتعليم الافتراضي والإلكتروني والتعليم المدمج الذي يوازي التعليم الحضوري والتعليم عن بعد يأتي لمواكبة التطورات الحديثة في هذا المجال.

▪️الوزارة تسعى من خلال مشروع المدرسة الإلكترونية للقضاء على التدريس الخصوص والتقليل من نسبة تسرب الطلبة من العملية التعليمية.

#شبكة_نيوتن_التعليمية
https://t.me/Newton1998

يعني طلاب اقروا زين
الاسئلة من المنهج بس مركزة
يختارون الاسئلة الي بيها افكار
فانتم ركزوا بالقراءة زين

بقي شهر واحد
للامتحانات
اذا جنت تسخت او ضعفت الهمة عندك
حاول تنتبه لنفسك ولجدولك زين
حرامات
كلهن 30 يوم وانت بباب القاعة تحمل نفسك وعقلك واحلامك واهدافك
اصفن زين وانت تقرا هذا الكلام
كول انا جاي امشي صح
انا راح اكون فخور بنفسي
انا راح اكون شخص الكل يفتخرون بيه مع تحفظي لهذا الشيء لان الانسان لازم يهتم بنفسه ولنفسه فقط.
مع ذلك جميل جدا وشعور اكثر من رائع لما يكونون اهلك فخورين بيك
اخوانك اخواتك امك ابوك
حلوة تزرع السعادة بقلوبهم لايام واشهر
وهم يمشون والناس تهني بيهم
صح هم ما راح يستفادون
بس اكيد يعرفون انو انت بالمكان الصحيح .
لذلك فكر زين
واقرا ولا تتكاسل ولا تتعب ولا تخلي اي شيء يقلل من ارادتك
بالمناسبة التفكير الزايد خل يولي
مالت خاف ما يجي وخاف وخاف صعبة وخاف بيهن لوفة
وخاف ما اتذكر
انت اقرا بكل جهدك وقوتك
والباقي ع الله
ترى هواي تفكير زايد ماله داعي
والله الاسئلة من ملازمكم نصا لا منا ولا منا
ومرات تغيير ارقام بس.
اقرا ملزمتك واضبطها تضمن 100 والله العظيم .
والسلام عليكم
امجد سلمان
@xymath
@Amjed2017

▪️وزارة التربية تُحدد دروس النجاح أو الاكمال للصفوف غير المنتهية (المرحلة الابتدائية والثانوية)

طلاب الخامس علمي الي مقبلين ع السادس
اتمنى تشوفون حل المعالات ذات المجهول الواحد
وشلون تحلون التجربة واساسيات الرياضيات حتى ما تتعبون بموضوع xy الي راح تاخذونه

4-اساسيات الرياضيات-حل المعادلات بالتعويض
https://youtu.be/yBd1nQePWig

1-اساسيات الرياضيات- حل المعادلات بالتجربة-جزء 1
https://youtu.be/M1qlEGArB68