2
وخابرو اهل حسين
واجو اخوته وابوهم خابرو عليه بالدوام
ولمو السالفة
وتكفلو باجر يروحون للمحكمه يعقدون
ويلمون الموضوع
حسين اشبه بالفاقد واخذوه اخوته ميعرف شي
وصلو للبيت
الحجي واللوم والرزاله عليه
راح ينام
ابوه وصه ولده اذا مامشه وياهم الصبح للمحكمه يكسروه
الصبح كعدته امه
ام حسين .... الناس منتضرينك بالمحكمه يله اكعد روح الهم
حسين .... يامحكمه
ام حسين .... حقك مو انت البارحه متدري باي شي فاقد
دكوم روح ويه اخوتك بدون حجي ابوك راح ينجلط من وىاك
حسين ..... غير افتهم شكو بالمحكمه
ام حسين ..... تعقد على سارة
حسين ...... اعقد شنو منو خطبها حتى اعقد عليها
ام حسين ..... انت متعرف شنو سويت
من لزموك اهلها
دكوم لاتفضحنه كدام العالم
البنيه متستاهل هيج تسوي كتلك خلي نخطبها مقبلت ولا رضيت بيها
حسين .... مااريدها
ام حسين ..... مو بكيفك خلي اخوتك يتفاهمون وياك
اني تعبت منك
وصاحت على اخوته
حسن .... ولك سوينه كلشي بس مسوينه مثلك
ليش تبهذلنه تريد
دكوم يله البس وامشي ويانه
حسين ..... مااروح
عباس ..... كوه طمطمنه السالفه
واتفقنه تتزوجها والبنت مامسوية شيء بس انت بعملك هذا خليت اهلها بموقف الله يساعدهم
دكوم لا نكومك بالقوة
حسين .... مااروح شنو تردون سووه
حسن .خابر على ابوه
حسن .... بابا حسين ميقبل يروح .ابو حسين .... هذا ميجي بالاحترام
اخذوه بطريقتكم
واذا مراح اني جاي هسه مجاز واقتله واخلص منه
اخوته اخذوه بالقوه
وراح للمحكمه
وكان مهرها 100 مليون حاضر250 مليون
المؤخر
3

3
وتوقيعه على كمبيالات بالمبلغ خارج العقد
في حال عدم التزامه يدفعهن
دخلو للقاضي ووقع
واول مطلعو لاكاه شاب
الشاب .... مبروك
حسين باوع عليه
الشاب ضحك
حسين ..... لاتضحك بعدنا بالبدايه
وبتول الي
وعافهم وطلع
من رجع امه مسويه حفله
عازمه كل نسوان المنطقه واخواتها
واجت ام امير اختها
والعصر اجه ابوه
فاير دمه
ابو حسين ..... خلي اشوف صرفه بال 100مليون الي ورطتنه بيها
حسين ... ماادفع ولا فلس
ابو حسين ..... اكسرك من العشيره وهم يجازون وياك انطيهم صك براءه منك
شجد جنت خايف وتوقعت كلشي بس مثل هاي الوكعه ما متصورها
ساره وامها فرحانات
ام ساره .... موكتلج يصير حل
وهسه بكيفه هو
ساره .... اني مااتزوجه
ام ساره ..... منو كلج راح تتزوجينه
خلي يدفع ال 100 مليون
والمؤجل ويطلك
مثل مابهذلنه نبهذله
حسين كل باله الي صار يشوفه مثل الحلم
وكلشي مدبر
والجني الاسود هو الي وصله لهاي النتيجه
يتبع ___ القاء بالبارت 9

البارت 9
الشيطان
حسن الكاتب
//////////
البيت هوسه مسوين حفلة
ام حسين .... ابو حسين روح جيب ساره لبيت وامها وشوف منو تجي وياهن من كرايبهن وصديقاتها
اتفقت وياها تدز ساره للصالون وبدله
لازم حفله خطوبة هيج الاصول
ابو حسين ..... اني بيا حال وانتي بطرانه
افكر بال 100 مليون وانتي مسويه حفله
ام حسين .... وعد انطيته لاختي الله يرحمها ام حسين راح اسوي حفلة خطوبه لحسين
والخطوبه ملحكت عليها كلت العقد هو خطوبه
خلي اختي تفرح وهي ميته
لاتفكر بالفلوس
احنه اذا سوينه هيج اكيد راح يراعونه بالمهر
اهم شي نبين الهم احنه مشترين البينت مو مفروضة علينا
ابو حسين ... طبعا اذا ردتي شي تسوينه وليش اتعب نفسي اروح اجيبهن احسن انتي مرتبه كلشي بدون ماادري
ام حسين ..... ادري بيك ماتعترض
ابو حسين .... هو اني اكدر اعترض يله رايح
حسين من جو الحفلة ضاج ولبس وراد يطلع .
ام حسين ..... وين رايح
حسين .... اختنكت اريد اشتم هوه
ام حسين ..... حسن دزيه ياجر لك بدله
راح تجي ساره وامها
الحفله العصر
روح جيب هديه لساره تقدمها الها بالحفلة
حسين .... فوكاها
ام حسين .... وليش يابه البنيه تستاهل
ولاتفكر بالمهر
جمال وثقافة واهل احمد ربك وافقو عليك
ليش انت شنو
خليها عليه واني ارتب لك
حسين ..... شترتبين
انا مااتزوجها
وخله وطلع
وراح ابوه وجابهن
وبالحفلة سالو عليه وجان العذر راح للحلاق
وخلصت الحفلة ورجعوهن
ساره .... شفتي يمه حتى ماكلف نفسه واجه
ام ساره ..... بياوجه يجي دعوفيه اني مكاتلتني الا خالته
شلون تحجي معلك
وتبسمر
وخشمها ميكصه الطبر
ساره .... بس ام حسين فقيره وطيبه وفرحانه صدك وشالتنه من الكاع
ام ساره .... شنو الفايدة ابنها موخوش ادمي
ساره .... حتى ابو حسين خوش رجال
ام سارة ..... خطية مسكين حتى تعبان
وصاني بيج يكول بنتي ساره بعد مالكم علاقة بيها
وراح يجي بعد شويه يتفاهم ويه ابوج
يمه بصراح الناس مشترينه وعلى فطرتهم
حتى اخوته واخواته
ساره .... مشفتي اخته شسوت بخالتها
مخلتها تحجي حجايه وحده
حسين ظل يفتر بالسياره وراح لبيت خالته
ودك الباب
وطلعت خالته
ام امير . .. خيرك قبل شويه جنت عدكم شنو الصار خلاك تجي
حسين .... ماصارشي اني من العصر مرايح للبيت
بتول نزلت من غرفتها تعبانه ويبين عليها جانت تبجي
بتول ... الف مبروك ليش معزمتني اركص بخطبتك
حسين .... اني ما جنت بالحفلة
ولا ادري امي سويتها
بتول ..... حقها تريد تفرح بابنها العزيز
من زمان تريد تزوجك واخيرا فكت الجبسه
حسين ...... تعذريني مجان الامر بيدي مموافق بس ابوي واخوتي هم الجبروني
ام امير .... خاله مو وكت هذا الحجي
بتول ... . فرحت لك هواي
حسين ....على شنو فرحتي
بتول ...على زواجك
حسين .... مراح اتزوج
بتول ..... والخطبه والعقد شنو
حسين ..... راح تنتهي اني مكدر اتزوج غيرج
ام امير .... ماكو داعي لهذا الحجي
بتول ... وين حجيك تكول مااعوفج
اشو اول وحده حلوه بعتني
حسين .... شغلة الخطوبه مو بكيفي اجت غصب عليه
وانتي هم مرايدتني
بتول .... نسيت كلشي كلته الي
من سمعت الخبر مصدكت بس امي راحت وكالت صدك
10سنوات منتظرتك وانت تعوفني
حسين ممصدك الي تكوله
مجانت تطيقه وهسه هيج تحجي
حسين كلشي واضح عنده مو هي الي تحجي
الجني هو الي يحجيها
ام امير راحت عدها شغل
وبتول راحت للمطبخ وعافن حسين وحده كاعد
حسين راح وره بتول للمطبخ
وحول يخلي ايده على متنها
ويكلها
.....احبج ومكدر اعوفج
مسالة ساره وقت وانتظري شوفي شلون راح يخلص منها
بتول ..... مااصدك بيك
حسين .... تقرب اكث
ر بتول دارت وجها عليه
وراد يحظنها
ما شاف الا رادي قوي من بتول وكعه بالكاع
وشاف عيونها حمر وكلهن شر
وخاف
وما كام من الارض
بتول خشن صوتها وتغيرت طريق كلامها
بتول ..... شنو تتصور بخرزه ممكن تكدر تخليني ارجع الك
روح حباب
انت والخرزة والي بيها ما تكدر تسوي لي شي
حسين صافن مامستوعب الي صار
بتول .... شفتك تقربت عفت كلشي واجيتك
بتول راحت لغرفتها
حسين بالكوه كام
ومشى صعد سيارته ورجع للبيت
ام حسين .... ليش خليتني بموقف كلهم يسالون عليك واتعذر
حسين ساكت
يريد يفتح حلكه ميكدر
ام حسين .... هاي شيه فجك اعوج
ابو حسين حسن عباس تعالو شوفو حسين شبيه
واجو
حسين يريد يحجي ميكدر
ابو حسين .... هذا بيه شرجي
لازم ناخذه للدكتور
واخذوه
الدكتور ... كل الفحوصات ماتاكد اصابته بالتهاب العصب السابع الي يسمونه شرجي
مبيه شي
اعتقد حاله نفسيه
انطاه ادوبه ورجعوه
ام حسين ... حالته كلش تعبانه
المي يوكع من حلكه
حلكه اعوج وميكدر يحجي
0

0
اخذوه للعراف
واخذوه لمجيد
مجيد ..... ممكن تخلوني بس ويه حسين
وطلعو
مجيد .... شبيك
حسين اشر بيده وميكدر يحجي
مجيد .... افتهم منه
مجيد ..... انت ضربك الجني الاسود لان وصلت الى مكان قريب من بتول
بتول من يبتعد عنها الجني ترجع لحالتها الطبيعيه ومن يقترب تتغير
هي مع نفسها تحبك
واذا حظرت الها راح يحظر الجني ويراقبك
وتشوفها تكرهك
حسين اشر اله شنو الحل
مجيد ..... ماكو حل بس تملك الخرزة
حسين كله بالاشاره .... هي عندي الخرزه
وملكي
مجيد .... لا هي ملك شخص ثاني بس عندك هي حصوة
لازم تعقد على الجنية الي بداخلها
كتلك رجعها عوفها الخرزه مااخذت بكلامي
ماكو حل
تبقى هيجي
واذا حاولت بعد تقترب من بتول راح يكون الرد اكبر
بالليل
ابوحسين راح لابوساره
ابو حسين .... انسى كل الي صار واعتبره مصار
ابو ساره .... مفتهمت شنو تردون تنسحبون
ابو حسين .... ننسحب شنو
اقصد اعتبرني اليوم جايك اخطب بنتك ساره لابني حسين ومتكفل بكلشي
وانت شنو تطلب حاضر
ابو ساره ..... اطلب شنو مو اتفقنا بعد شنو هذا الحجي
ابوحسين ..... اتفاقنا شي والي جاي بيه شي اخر
ابو ساره ..... سولف بوضوح
لان مامطمئن لكلامك
ابو حسين ..... المهر 100مليون صحيح
ابو ساره .... صحيح
ابو حسين .... ممكن نخليه دفعات
انت يهمك مصلحت بنتك
فكرنا بالموضوع
مانكدر ندبر المبلغ الا نبيع البيت
واذا بعنا البيت وين راح نكعد بنتك ساره شلون تعيش
ابو سارة ..... مشكلتك هاي
الك مده حسب الاتفاق تدبر ال 100 مليون
وحضرت ام ساره وكعدت ساكته
ابو حسين ... احنه صعبه علينه ندفع لك كل المبلغ
كلت اذا ندبر لكم 10مليون
وكل شنه 10مليون
ونمشي الحال
ابو ساره .... اني مجاي اجدي منك بعدين انتم اذا مو كد الحجايه ليش تحجون
حسب الاتفاق واذا ملتزمتو بالاتفاق ممكن نلجا الى امور اخرى
خليني ساكت
ام ساره ..... ممكن نساعدك بشي واحد
لاتبيع البيت
هو شكد يسوه
ابو حسين ...... 50 مليون بالهوايه السوك ميت ماكو حركه للبيع هسه
ام ساره .... نحسبه 80 مليون
وتدفع 20 مليون
يصير 100 مليون
البيت تبيعه النا
والعشرين نجهز بيهن ساره
ابو حسين ..... واحنه وين نروح
ام ساره ..... تضلون بالبيت تدفعون ايجار
شكد ايجار البيوت انتم تدفعون نصها
وبعقد سنوي
ابو حسين ..... انتم هم خلو ببالكم احنه صرنا نسابه
ابو ساره .... اني ممقتنع باي كالته ام ساره بس مع هذا خليتها تحجي
حسب الاتفاق لانشتري ولانبيع بيوت
ابو حسين طلع ضايج
ورجع لبيته
ام حسين ..... ها بشر مو كتلك ممكن يتغيرون
ابو حسين .... ياتغيرو ذوله تغ.و بينه قبل لانتعشه بيهم
وهاي ام ساره طلعت ماتنحزر
تكلي بيع البيت النا واكعد بيه بالايجار
حسين اشر بيده مراضي
ابو حسين ... كله من وراك تف عليك على الجابك لان معرف يربيك
1

1
وبقه حسين على هاي الحاله اسبوع
ام سارة .... شفتي شلون حوبتج بحسين
حلكه اعوج وميكدر يحجي
ساره ..... بعد وبعد
ام ساره ..... يستاهل بابو زايد
الا ابيعهم كلي وراهم والكدامهم
بعده حسين ميعرف منو اقبال
ابو ساره ..... هواي قسينه عليهم
هو الولد جان سكران ودخل بالغلط للبيت
ام سارة ..... معليك انت لاتصير لي ابو كلب الطيب
هو من وراه جان قتلت بنتي
تتذكر من منعتك من تقتلهم
خابر على ابوه
ذكره بالاتفاق باجر لازم يحضر المبلغ
ابو ساره اتصل بابوحسين
ابو ساره .... ابو حسين باجر اخر يوم
انتم طلبتو اسبوع والاسبوع خلص
المبلغ جاهز
ابو حسين .... مبلغ جبير وماينجمع باسبوع
انطينه مده اخرى
خلي ندبر امورنا
ابو ساره .... ولا يوم
اخر موعد باجر العصر
وبعدها بعد لاتجي ولا تتصل ابد
وحتى اذا دبرت المبلغ اضعاف
ابو حسين ..... مرايدين شي بس المده تزيد
ابو ساره .... ولا دقيقة
وسد التلفون
ابو حسين حاول يتصل مفتح خط
وكلف ناس عليه
وماكو حل
ابو حسين يسولف ويه ولده ومرته .... هذا يوم واحد مينطي صعب حيل
حسن .... اذا مدفعنا شي سوي خلي ترمينه
ابو حسين ...... هذا مو غبي ويضيع حقة
هو اكيد يشتكي بالمحكمه بالكمبيالات الي عنده
المبلغ جبير
راح يحجز البيت والراتب مالي
الكميالات تكسر الظهر
ام حسين ... وشراح تسوي
ابو حسين .... الدلال مال البيوت يكلي وصل البيت 45 مليون
وميسد المبلغ ولا هم يقبلون بيه
والحل تبيعه لابو ساره
انتم شتكولون
حسن وعباس وامهم .... بكيفك
وراح على ابو ساره
ابو حسين ..... احنن موافقين نبيع الكم البيت
ابو ساره ..... لا منشتري انتم بيعوه وانطونه فلوسنا
ابو حسين .... السوك ميت ومينباع بيوم واحد يحتاج شهور
وانتم متنطونه مجال
اخذوه انتم
ابو ساره حجه ويه ام ساره
..ام سارة .... البيت تعبان وميسوه
منحتاجه
ابو حسين ... ماعدنا حل
لو تشترونه لو تنطونه مجال لمن ينباع
ابو ساره ..... بس منشتريه 80 مليون
ابو حسين ..... بكيفكم
البيت يسوه فوك 100مليون بس لان السوك ميت
ننطي البيت وفوكه 10 ملايين
وتسوونا عقد ايجار خمس سنوات ب 100 الف شهريا
ابو ساره ..... ميفيدنا
ابو حسين .... البيت مو باسمي باسم صديقي حولته اله بوكاله
وانتم اشتكو علينه معدنا بس الراتب
ذبونه بالسجن
وبكيفكم
ام ساره .... جايب وياك 10مليون وعقد البيت
ابو حسين .... موجودات
ام ساره .... خلي نروح نسوي مكاتبه عند الدلال
وتكاتبو وسجلو البيت باسم ام ساره
من رجعو
ابو حسين ..... يمته نجي ناخذها لساره
ابو ساره ..... الاسبوع الجاي
ابو حسين .... انشاء الله
ابو ساره .... باجر حول البيت باسم ام ساره
حتى نسلمك نص الكمبيالات والنص الثاني وره العرس
ورجع ابو حسين
وحسين بقى على وضعه
حتى بعد مراح لبيت خالته لان شكله مخيف
2

2
حسين ثاني يوم راح لصديقه محمد
وميكدر يحجي
هو يراسله بالمبايل وويمس الرساله وعينه على محمد اخاف يحفظها الرساله او ياخذ الها سكرين
حسين يكتب ..... محمد جايك بشغله سهله
محمد يرد .... وهي
حسين شنو رايك بعشره مليون
محمد .... شني اقتل الك واحد
حسين ... لا
بس اجيبلك وحده تصورها وهي عاريه وبحالة زنا
بحيث الي يقوم بالتصوير ميضهر شي بس المراة
تكمل العمليه تستلم 5 مليون تنطيني الفديو انطيك 5 الباقيات
واتتكفل متنشر شي من الفديو
محمد .... تجي غصب لو بارادتها
حسين ..... طبعا غصب
بس تتخدر وتبين بارادتها
شتكول
محمد .... المكان منين
حسين .... .برها انت بمعرفتك
محمد .... سويهن 15
5 للمكان والمصور
حسين ... 12 مليون اخر كلام
محمد ..... يمته التنفيذ
حسين ..... اني اخبرك بس انت جهز نفسك
محمد ..... انطيني 6 هسه
حسين ... لا
من اجيبها الك انطيك
محمد .... انطيني 2 مليون لازم اجهز المكان
حسين سلم محمد مليون
محمد .... هذا المليون غير قابل للرد لان راح اصرفه
حسين .... هو محسوب بس ميرجع اذا اني بطلت
محمد ... اوك
محمد جهز الشقة ونصب الكامرات
وانطه علم لحسين
حسين راسل ام سارة
حسين .... عمه لازم تجين وياي نشتري شغلات للعرس ولازم على ذوقج
ام ساره ردت ..... تعال اخذني
منتظرتك
حسين وكف بباب ام ساره
ودك هورن ونزلت ام ساره وصعدت بالسياره
راسل محمد
حسين ... انت جاهز
محمد .... منتظر وهذا العنوان
وحرك السياره
ونص الطريق طلع عطر
وكتب لام ساره
.... شلونه هذا العطر وصيت يجيبون منه لساره
ام ساره ..... بله خلي اجربه
حسين رش عليها من العطر فقدت الوعي جزئيا
واخذها للشقه
وبعد ساعتين
رجعها للبيت
نزلها
متخربطه ودخلت ونامت
حسين سلم 11 مليون لمحمد
واخذ الفديو
ابو حسين وابوساره فتحو ضريبه وروجعو لمعاملة بيع البيت بس مكملوها
ابو حسين عنده اوراق نقص ولازم يكملهن .
حسين بالليل راسل ام ساره
حسين .... تلغين شراء البيت مالنا وتنطيني الكمبيالات
وباجر تحضر ساره للمحكمه تكول متنازله عن كلشي واريد الطلاق
ام ساره .... شنو شارب شي
حسين ... لا اوكفي
خلي البيت باسمج وبعدين تنازلي اليه وعوفي مسالة الطلاك
ام ساره ..... شنو هذا الحجي اكو اتفاق بيننه ولازم تلتزمون بالاتفاق
بعيدين اني معليه بحجيك ابو هو الكفيل
حسين .... عوفي الاتفاق وابوي
ليش اطول وياج بالحجي
واني تعبان بس راح ادز لج شي وانتي بكيفج
لوتنفذين كل حجايه لو انشر
ودز الفديو
يتبع ___ القاء بالبارت 10

البارت 10
الشيطان
حسن الكاتب
/////////
ام سارة شافت الفديو
عيونها صارت بكصتها مكدرت تحجي
حسين راسلها..... فديو متعوب عليه من الاخراج والتصوير
مصمم الفديو فنان
المفروض هسه بهوليود بس معنده حظ
مثل هيج فديو اذا انعرض اكيد راح تكون نسبة المشاهدات ملايين
ليش هيج ست اقبال تسويين
مفكرتي بسمعتج وانتي عندج بنت مخطوبه
مسالتي نفسج خطيب بنتج اذا شاف هيج فديو راح يترك بنتج
بس يله الحق مو عليج على عمي
ابو ساره ممنطيج حقج
لان عاطل خطية معذور
ام ساره من الصدمة متكدر تحجي
حسين ... وينه لسانج وشروطج علينه لو بس على ابوي شفتيه فقير
ام ساره ..... شكد تصورتك دوني بس متوصل لهذا الحد
حسين .... اسالي نفسج اني اتفاجئت بالفديو من دزوه الي
ام ساره .... هذا اكيد من تدبيرك فوتوشوب
حسين ..... تصوري اني هم كلت هيج وعرضته على مختصين كالو حقيقي
ام ساره ..... ماعندك عرض تخاف عليه
حسين ..... عرضي اذا يسوي هيج الا افصل راسه
بس انتي منو يحاسبج قابل المكرود عمي ابو ساره يكدر يفك حلكه وياج
ام ساره .... ليش تسوي هيج
حسين .... شمسوي
دشوفي الفديو
ام ساره .... اكيد مخدره جنت مو بوعيي
حسين .... مخدره شنو متشوفين شلون متفاعله بالفديو وبرغبتج وحتى تدرين بالتصوير
بس ليش تسوين هيج
ام ساره ...... اكيد مو اني هذا تشابه بس
حسين ..... شوفي كل زغيره وجبيره بجسمج وانتي تعرفين انه حقيقي انتي
راح ادز الفديو لعمي وهو يعرف حقيقي لو تشابه
ام ساره .... منو دز لك الفديو
حسين ..... واحد دزلي
مااعرفه
اكيد انتي تعرفيه لان جنتي وياه بالمكان ممعقوله تروحين ويه واحد متعرفينه
ام ساره ...... انت شيطان
لا الشيطان ميفكر مثلك
فبركتها وصرت براسي شريف
حسين .... اذا انعرض الفديو نعرف منو الشريف
ام ساره ..... جاي تهدد مو
ميهمني اعرض
حسين .... مخسران شي
الفديو خلال ثواني راح ينشر
قدمتي لي خدمه من زمان اريد شي يخليني اطش
ام ساره ..... متكدر
حسين ..... مو اني الي انشره صاحب الفديو هو يز
نشره
طلب مني مبلغ واذا مدفعت له راح ينشر
اني طباب خير
ام ساره ...... خطيه انت
طباب خير
طلباتك
حسين .... هذا الحجي المفيد
باجر تسوين لي وكالة عامه بالمحكمه
وانتي تستمرين باجراءات الشراء للبيت من ابوي
وتسلميني كل الكمبيالات
وتمشي الامور عاديه
بدون ميدري احد وخصوصا اهلي وساره وابوها الاتفاق سري بيننا
تلتزمين بالاتفاق اتكتم على موضوع اي خلل راح اتصرف
ام ساره .... شورطني وياك
حسين .....حظج غير
ام ساره ..... اتفقنه وشلون احوله بسمك
حسين خليه بسمج هسه بعدين من اتزوج ساره
انتي تحولين البيت بسمي على اعتبار رجل بنتج
ام ساره ..... اوك
1

2واستمر الحال على هذا الوضع
حسين تعب حيل ميكدر يطلع من البيت
شكله مخيف فجه مايل
الا يلبس لثام ميكدر يحجي
اكل قليل ضعف
تهستر ممستقر
حاول يتعالج ماكو فايده
وخلص شهور ومتزوج ساره
هي متقبل
حتى فلوس مبقت عنده
مينام بالليل
يفكر بالانتحار
بيوم طلع الخرزه
وراد يكسرها ايس من الحياة
بدأء تظهر عليه علامات الجنون
طلع من بيتهم ميعرف وين يروح
يمشي والجهال تركض وراه وتشمر عليه طابوك وحجاره
وتصيح عليه مخبل مخبل
صدك نفسه مخبل
من يرجع لاهله يسوي مشاكل
ملو منه
2

3
حسين طالع من البيت
والجهال تشمر عليه طابوك ملابسه مبهذلات وهو مبهذل
طلعت مره جبيره من بيت وطردت الجهال
وجابت اله مي وكعدته
المراة ... جوعان
حسين ... اكلت بالبيت بس ليش الجهال يضربوني ممسوي شي
المراة .... يمه هاي جهال بله تربيه انت مبيك شي
حسين .... صدك اني مخبل
المراة ..... لا مبيك شي بس هي الناس هيجي ماتخلي واحد بحاله
وين اهلك
حسين ..... بالعبيدي والشارع العريض
المراة ..... بعيده شلون راح ترجع شطلعك
حسين .... يومية اطلع وارجع مشي
المراة ...... لو ابني هنا جان خليته وصلك
حسين .... ابنج جاي بالطريق
المراه .... وين جاي صار اله خمس سنوات ماكو
من جان عمره 10 سنوات رحنه للزياره وضاع
حسين ..... هو بالطريق يوصل بعد ساعة
المراه .....روح خاله اني بس عوزي بس المخابيل
ورجع حسين للبيت
وره ساعه اجت المراة وراه تسال عليه
انطت اوصافه وكلولها ببته
طبت المراة بالهلاهل والحنه
ام حسين .... شكو
المراة .... عندك ولد يعرف كلشي
هيج هو جنت مخبل بس هو مو مخبل
ام حسين .... بس لا حسين
المراة .... مااعرف اسمه
ام حسين .... شسوه بس هو مياذي احد
المراة ..... هو كلي على ابني يجي اليوم واجه
ام حسين .... هو ميحجي
وصاح على حسين
ام حسين ..... هاي المراة تكول حاجي وياها وكايل الها على ابنها
حسين راد يحجي بس ماكدر
ام حسين .... شوفي ميحجي
المراة ..... هو حجه وكلي واجه ابني
ام حسين ..... اكلج ميحجي
المراة ...... متاكده حجه
ام حسين .... بكيفج
حسين عرفها المراة
هاي الجنية الي بالخرزة
ولا ابن عدها ولا شي
وراحت
والمنام اجته نفس المراة

اسف عن التاخير، بتكملة القصة والتوقف عن كتابتها
ضروف مرت بي

غريبة الروح
لموسى علي
_____
ميس اكملت 29 سنة
المكان بيت اهلها
ام ميس مخبوصة ولازمة التلفون وتخابر
بمكالمة جماعية مع بناتها واولادها
احنه حظرنا كلشي ولازم تجون والا اازعل عليكم
بس ديرو بالك تكولون لميس خليها مفاجئة
هههههههه مو تجون ايد وره وايد كدام
صلاح الابن الاكبر ___العصر اني والاهل يمكم تتدلل ميس شعدنا غيرها
منى الاخت الكبرى __ اني لو محمد مجود هسه اجي والجهال وياي جان ساعدتج ماما
سيف الابن الاوسط __ غير تتدلل الغالية ميس
اخر العنقود
بس اخلص شغل اني يمكم
ميس متدري بشي بس هي تتذكر انه اليوم عيد ميلادها
وتريد تشوف اهلها بعدهم مهتمين بيها لو كبرت وراحت عليها
ابو ميس رجع من الشغل
ابو ميس __ شنو شو البيت مخبوص وصار ساعة لا جاي لا غده
ام ميس __ اليوم عدنا مناسبة بس تريدها مفاجئة انت متتذكر شي اليوم شكد بالشهر
ابو ميس ___ اعرف حسبت احسابي وهدية ميس موجوده بجيبي شلون اكدر انسى حبيتي ميس
ام ميس ___ فكرت بخطة حتى المفاجئة تكمل
ابو ميس ___ شني الخطة بله خلي اشوف
ام ميس ___ اتغده والعصر اخذ ميس وياك بالسيارة وافتر بيها
ولا ترجع الا بالمغرب
تلكاني محظره كلشي
ابو ميس ___ شلون خطة هاي شنو انتي تخوفين ههههههه
ام ميس _ يعني موافق
ابو ميس __ طبعا موافق اهم شي اسوي شي يفرح ميس ويطلعها من الجو الي عايشة بيه
ميس متعودة تكعد العصر
العصر راح ابو ميس على ميس وكعدها من النوم
ميس __ صباح الخير بابا
ابو ميس _ههههههه صح النوم الوكت العصر مساء الورد على حبيبة بابا
يله غسلي وجهج وبدلي
ميس __ خير بابا شكو
ابو ميس ___ هههههههه جايج عريس
ميس ___ تتشاقه بابا مو
ياعريس الي يجي على بين فاتها القطار وحتى ممكملة دراستها وفوكها مريضة بالقلب
ابو ميس __ حيل اتذى وضاج لانه حس هو جرحها بكلامه
بابا صار هواي مطالعه انتي من البيت اجه ببالي اخذج نفتر بالسيارة
ميس __ بابا تعبانه مابيه حيل
ابو ميس __ بابا انتي من تكولين تعبانه اني اتعب بالزايد انتي مبيج شيء يا احلى ودره روح بابا
لبسي وتعاي وياي امج ماقبلت تروح ويانه بيني وبينج اني كيفت مالي خلك مغثتها تشلع كلبي بالطلعة
ههههههههه
ميس __ هيجي الا اكول ماما وهي تعرفه شراح تسوي
ابو ميس ___ ماما مصيبة بس نتحملها ههههههه يله بلا كسل كومي
وغسلت وجهها واكلت ولبست وطلعت ويه ابوها
بالسيارة
مبس بالسيارة ابوها يسولف وهي مو ببالها شي صافنه
وبالليل رجعت وياه للبيت
وفتحو الباب ابوها عنده مفتاح
وجان هدوء وظلمة
اول مادخلت ميس
شغلو الاناره والديجي
والهلاهل وصفكات
واحتفال
والاطفال لابسين ملابس خاصة باعياد الميلاد
وميس من الصدمة سرح فكرها ممصدكة
واخها اخوها صلاح من ايدها
وقطعت الكيكة
وطفت الشموع
وهي ممصدكة شنو المناسبة
ابوها طلع هديتها من جيبه وانطاها
امها واخوتها كل انطاها هدية وباركو الها عيد ميلادها
فرحت حيل بس فكرها شارد بدت تتذكر محطات حياتها
تتذكر فترة الطفولة شلون ابوها يحبها ويفضلها على اخوتها وجانو شلون يغارون منها ويهيه جانت تفتن عليهم ويكول لابوها بنتك
هو يكلهم انتم هم اولادي وبس ميس زغيرة واخر العننقود ولازم يهتم بيها
حتى امها جانت تغار منها لان محد يكدر يحجي وياها بنت ابوها والعزيرة
ومتنام الا بحضنه
وكبرت ميس ودخلت المدرسة
وجانن البنات يغارن منها لان تلبس افضل لبس وابوها ياخذه ويرجعها بسيارته
وهي جانت حلوة وناعمة
ومن وصلت للاعدادية
ظهر محمود بحياتها
محمود صديق اخوها سيف
يتردد دايما لبيت سيف
كان يسهر معهم وهي تدخل وتجلس معهم بلا احراج
متعوده على وجوده
جانت تكول لسيف اجه التك مالك
محمود جان يتشاقه وياها ويحرجها بالمزح بوجود اخوها واهلها والامر عادي
في يوم هي رجعت من المدرسة
بالصدفة شافت محمود وجانت تمشي ويه صديقاتها وسلم عليها ودرت السلام وسولفت وياه وضحكت وهو هم ضحك
سالها عن سيف
ميس __ سيف بالبيت تلكاه نايم لا شغل ولا عمل
وانت هم مثله هههههههه
ثاني يوم البنات شاعن خبر بعلاقة محمود وميس
وكامن يسمعنها حجي
هنا انتبهت الى محمود واخذت تنظر اله يغير نظره
وتشتاقق لمن يتاخر ودوم تسال اخوها عنه اذا غاب
صارت مهتمة بمحمود وتنتظر الدقايق حتى تشوفه
محمود مو بباله يعتبرها صديقة اخوه مثل اخته متعود على وجودها
حاولت تلمح اله بس ماانتبه
بيوم رجعت من المدرسة تعبانه
ومجان احد بالبيت بس سيف
اخوها
وتخربطت وسيف خابر ابوه
سيف __ بابا ميس تخربطت ومااعرف شبيها يمكن فقدت الوعي ومااعرف شسوي
ابو ميس __ بابا احنه نتاعرعليك اني وماما بعدين هسه

اخذ تكسي واخذها للمستشفى
احنه نلحكك بسرعه
سيف محتار شيسوي
شال ميس ونزل للشارع اجر تكسي للمستشفى
وبالصدفه شافه محمود وصاح عليه واجاه يركض
وشاف ميس متمدده بالسيارة
سيف ____ يلهث من الركض خيرها ميس شبيها
سيف __ تخربطت ماعندي وقت بعدين اسولف لك
وكل للسايق اطلع بسرعة للمستشفى
محمود جلب بالباب وفتحه وصعد يم ميس
ميس تحركت شويه
وخلت راسها على رجلين محمود
وانتبهت شويه وفتحت عينها وشافت وجه محمود
ميس تحجي بصعوبه بكلام مفهوم ____ محمود هم زين اجيت اريد اشوفك قبل لا اموت
محمود استحى وتفاجيء بكلام ميس
محمود ____ ميوسه كولي يالله مبيج شيء هسه نوصل للمستشفى
سيف انتبه لكلام اخته وكامت الافكار تدور براسه
وثكل وجهة على محمود
وبهاي الاثناء وصلو للمستشفى
سيف شال ميس ودخلها للمستشفى
محمود راد يساعده بس محمود مقبل
ووجهه ثكيل على محمود
سيف ___ ابقى هنا لاتدخل ميصير تدخل لردهة النساء
سيف حسس محمود هو غريب
محمود بقى بباب ردهة الطواريء
الدكتورة طلعت سيف من الغرفة على مود تفحص ميس
سيف راح على محمود ___ محمود روح منا ولا تبقى
وبعدين نتفاهم
محمود ___ هاي شبيك سيف قابل اني غريب
سيف ___ روح والله كريم
سيف راح من يمه وحس بانه افتهم كلام ميس اله تفسير اخر
محمود بقه بالاستراحه مكدر يعوف صديقة وكلام ميس نبهه هواي امور
هي مجانت تنظر اله كصديق اخوها وانما هي تحبه وبقه باله مشغول عليها
ويسولف وي نفسه ___ معقوله كل هاي السنين كدامي ومانتبهت هي ورده مفتحة وكاملة مكمله شكد اني غبي
وتذكر من جانت تتشاقه وياه وتضحك وتضربه بالمخدة ويطشر عليه الصوف
هو ميكدر يروح يسال عليها
بس من طلعت الدكتورة راح عليها بدون ميدري سيف
محمود __ دكتوره قبل شويه جبنه بنت اسمها ميس وفحصتي عليه رحمه الوالديج طمنيني عليها
الدكتورة ___ ها البنت الفاقدة الوعي
محمود ___ اي هي
الدكتورة ____ خطية وضعها تعبان
عدها نقص بالدم وبعد مامكمة فحوصات نعتقد قلبها تعبان
وخطية نوع دمها نادر واهلها يدورون على متبرع ماكو
دمها نادر _o
محمود ___ اني دمي O سالب ومستعد اتبرع
الدكتورة طلعت ورقة وكتبت عليها وانطتها لمحمود __ بسرعة لمصرف الدم استعجل وضع البنية تعبان
وراح محمود بسرعة وتبرع وجابه للدكتور
كلت له اخذه للردهة البنات كداماك
ومن دخل محمود للردهة وشايل الدم لاكاه ابو ميس وامها وسيف
وسلم عليهم
وانطه الدم للمرضة
سيف مكدر يمنعه لان ميريد ابوه وامه تعرف بسالفة ميس ومحمود
محمود بقة يترد على ميس بغياب اهلها ويطمىن عليها
هي صارت زينه بس قلبها تعبان وبالعناية المركزة
وبالمستشفى محمود اعترف الها بحبه وهي هم
واتفق وياها اول ما تطلع من المستشفى يجي يخطبها
وطلعت من المستشفى ومحمود اجه يزور سيف سيف منعه وحذره بعد ميوصل لان يعتبره خاين الصداقة
محمود فاتح اهله بموضوع ميس
اهله تعذرو بان بعد وقت وعمرهم زغير مو مال زواج
بالاخير اضطرو يوافقون
ام محمود اجت على ام ميس تفاتحها بالخطبة
ام ميس كالت لابو ميس واخوتها
ابو ميس رفض الزواج لان ماجان متوقع يجي يوم يتروح من البيت وميشوفها يومية
هي عزيزة بابا
سيف جان ماخذ موقف من محمود بس ام سيف اقنعت ابنها سيف بان الولد جاي من الباب
اهل محمود عرفو بمرض ميس وعجز قلبها ورفضو الخطوبة
ميس تدهورت حالتها وعافت المدرسة
ومرت السنين
ومحمود تزوج ونسى ميس واصبحت ذكريات
ميس بقت منتظرته
وعينها على الباب
وانبهت على نفسها
بالحفلة
ام ميس ___ هاي شبيج بنتي ميس كل هاي المناسبة والاهتمام وانتي مو يمنه
ميس ___ احس روحي غريبة بيناتكم
وعيني على الباب ومنتظره محمود يجي جايب هديه
ام ميس ___كل هاي السنين وبعدج منتظره
ميس __ اعرف مايجي بس الروح متصدك ميس عافت الحفلة وصعدت لغرفتها
بالصدفة فتحت الموبايل وطلعت اغنية حسين نعمة
غريبه الروح
وكامت تردد وياه
لاطيفك يمر بيها
ولا ديره تلفيها
غدت وي ميل هجرانك
ترد وتروح
وعذبها الجفا وتاهت
حمامة دوح
اه غريبه الروح
وفتحت الشباك وشافت الهلال اول يوم
كالت
كم هلال هَلن !!! وأنت ماهَليت
كثير أعياد مرن وأنت مامريت
سنين الصبر حًنن وأنت ماحنيت
ترف ما حسبت بي
وأنه وغربتي وشوقي
نسولف بيك ليليه
نقول يمر .. نقول يحن وتظل عيونه ربيه
يالمامش الك جيه ... الك جيه
تفز جروح محنه تفوح
وغريبه الروح ... وغريبه الروح .
////////
انتهى
تاليفي موسى علي

الشيطان
بارت 11
__///////////____
نام حسين
حسين نومه خفيف ويتكلب ويتفزز
وكل شويه يختنك ويفز
سمع حركة اقدم باتجاهها
فتح عيون شاف شي اسود يتحرك باتجهه
بس مواضح الغرف ضلمة
راد يكوم مكدر خله اديه بالكاع ايديه موصلن للكاع
راد يرجع لي وره مكدر
الشي تقدم اله المسافة قريبه من الباب اله خطوات سرعه بس وقت هواي
اختنك راد يكح مكدر
هو حجاره ونايمه ميكدر يحرك شي
السواده شويه شويه كامت تبين شوية شويه
نفس المرة العجوز
الي اجته للبيت وامه كالت الها ميحجي
هو ساكت ومنتظر ومستسلم كلشي ميكدر ايسوي بس يباوع بعيونه
كعدت كباله الغرفه ظلمة بس العجوز يشوها شي ينطي ضوه احمر تعكس على نفسها وتبين كل معالمها
رفعت ايدها خاف اتصور هاي نهاية حياته
راح يشوف شلون يموت
ممتندم على شي ولا مخوفه الموت بس المنظر راعبه
خلت ايدها على راسه
ايدها ثكيله حيل ماممكن احد يتحمله يتصور انبك راسه على الكاع وركبته انفصلت
وراسه بيد العجوز وجسمه بعيد عنه
العجوز رفعا ايدها
اخذ نفس عميق
العجوز حجت وياه انت شلون عرفتني
وعفتني يم امك
رد عليها بصوت لان اني مااحجي شلون حجيت وياج وسولقت ببتج
ومن اجيتي لبيتي وحجيتي ويه امي مكدرت احجي
العجوز **** اي اني نفس العجوز
حسين **** ليش ما جيتيني بشكلج الحقيقي
العجوز **** ماكدر اني محجوزه داخل الخرزه .واجيتك مره قبل العجوز بصوره شاب من جنت كاعد على الشط
حسين **** شلون حجيتي ويه امي
وشافتج
العجوز * مو اني الي اجيت هاي العجوز هي اجت لامك
حسين **** انتي هسه منو
العجوز **** انا سلسا
حسين ****سلسا منو
العجوز **** الجنية الي بداخل الخرزه اسمس سلسا
حسين **** انتي وين هسه مو العجوز
سلسا **** لا اني بداخل الخرزه وهاي العجوز خيال
حسين كعد ومد ايده على العجوز مالمس شي
كلها ايده خلاها فوك راس العجوز نزلت ايده ماكو شي مجرد وهم وصورة
كام مشه باتجاه العجوز اخترقها ووصل الباب
ورجع لماكانه ولا اكو شي بس شي اسود ينطي نور احمر
وخاف وارتجف
سلسا **** لاتخاف مااذيك اني
العجوز الي شفتها بيتها هي حقيقة عجوز مضيعه ابنها قبل 5 سنوات
واني عرفت ابنها بالطريق ونطقت بلسانك
وانت حجيت
حسين *دخن اني ماجاي افتهم شي
سلسا **** العجوز حقيقية هي نفسها الي اجت لبيتك وحجت ويه امك
اني جنت مسيطره عليك اتكلم بلسانك
العجوز متعرف كلشي وكل تصرفاتها طبيعية
وصار صمت وانفتح الباب واشتعل الضوه
حسين نايم بمكانه وفاتح عيونه
وعينه على الي اجه
شافها الي اجت
امه تقربت منه وسلسا (العجوز ) بمكانها
اخترقتها ام حسين وماحست بيها
حسين خايف على امه لاتشوف تنرعب وتضرب
سلسا ساكته ولا حركه مجرد صورة
يشوفها حسين
امه وصلت اله
ام حسين """"" يمه حسين سمعتك تحجي بس مفتهمت منك شي
حسين متمدد واشر له بان هو محاجي شي هي تتخيل
ام حسين """"" اني متكد انت جنت تحجي بس ويامن مااعرف يمكن ويه نفسه
صوتك اعرفه قابل اني غريبه غير امك بس ليش هسه ساكت ومتحجي وتاشر بيدك
حسين كللها جان كاعد حتى منايم ومحاجي شي وهي جانت نايمه وتحلم
هو اتاكد انه هي ما تشوف سلسا
ولا هو يحجي الا لمن سلسا تريد
وطلعت امه وخلت الضوه مشتعل
وسدت الباب
وتسولف ويه نفسها هذا حسين يحجي وي نفسه تخبل بعد متصير له جاره
حسين * سلسا هم زين امي ماشافتج جان تخبلت
سلسا """" متكدر تشوفني ولا انت تكدر اني وياك بكل مكان بس ماتشوفني
بعدك خايف مني لو امنت
حسين """" اكيد انت تعرفين كلشي الي ببالي ميحتاج اسولف لج
سلسا """" كل الي ببالك اعرفه انت هسه بشك بين تصدك بيه لو لا
تتصورني الجني الاسود
جاي بصورة عجوز
وتتصورني اني اي بالخرزة
وعقلك محتار متكدر تامن بيه
حسين اني هسه صورة والكلام انت متسمعه من اذنك لا الكلام بداخل عقلك
اني خيال وحقيقة
حقيقه موجوده بس خيال تشوفني
حسين """"" شنو الي ايخليلي اصدك بيج ماكو ضمان
سلسا """ لاتكمل اني كلشي يرور بعقلك اعرفه
انت اختارك القدر وخلانا بطريقك اني والجني
واكلك ليش تتعب الحجي
وهي الي احجي براسك واني الي ارد على نفسي
انت الوحيد الي تكدر تقاوم الجني الاسود والي تكدر اتسيطر عليه
حاول وياك هواي بس مكدر انت اقوه منه
انت لحد الان هو ممسيطر الا على جزء بسيط منك
وهو مراح يكدر يسويلك اكثر من هيج ولاتخاف ميكدر يقتلك
ويخاف منك لا تستعيد قوتك وتسيطر عليه
اني تعبت هسه واسواط الجني اذتني
بعد مكدر اكمل وياك اروح ارجع لداخل الخرزه ارتاح
اخ اخ ضهري السوط موتني
بس اكلك شي
ماجد وبتول لازم يختفون من الدنيا يله نرتاح كلنا
واختفت الصورة مال العجوز
وحسين راد يرجع ينام الضوه مخلاه ينام كام طفاه ورجع لفراشه بس راح الخوف عنه
نام مرتاح شويه

الصبح ققبل طلوع الفجر
ماصحى حسين الا على ضربات قويه على ضهره
فز لكه مفسه مربط على الجربابة من رجليه وايده
والسوط يلعب على ظهره ويصيح بس ميطلع الصوت
اكو شي ساد حلكه
سمع صوت من الخزرة الي لابسها بركبته
تحمل تحمل هذا اخر شي يكدر يسويه
سابا
انتبه على الصوت هو صوت الجنية سلسا
سلسا جاوبتها قبل لايسال
هذا الجني الاسود اسمه سابا
وانت تريد تعرف ليش الاسماء كلها بالسين
الجواب كنا من قبيله واحده من عالم الجن العلوي
حتى سينو جني مجيد هم منا اختطفه مجيد وسخرة تحت امره
تحمل الحل كله عند حبطرش
بعدين هو يعرفك بنفسه حبطرش
مااكدر اسويلك شي
بس الزم الخرزة بقوه راح تخفف عنك عذاب السوط
واتحمل وياك الالم
حسين سحب ايده ونفتح الحبل الي مربوط بيه بالجرباية ولزم الخرزه بكل قوة
سابا راد ياخذها ميكدر حسين قافل عليها بيده حيل
الجني فتح الحبال عن حسين
واخذ اطول حبل بيهن
كل لحين الوي الحبل شناطه على ركبتك
حسين ما سوه الي طلبه
الجني ضربه بسوط قوي احسين وكف وسواه الحبل شناطه وخلاها بركبترته والجنه سبه وحسين يمشي وراه
ولازم الخرزه بيده
الجني كل لحسين جيب هاي الطبله
حسين جانت طبله يمه جابها بيده الثانية
الجني كله خليها جوه البنكة
حسين خلاها
الجنه كله اصعد فوك الطبله علك الحبل بالبنكه
حسين راد فتهم ضربه بسوطين على السريع بقوه
حسين علكها بالبنكه
الجني كله كله ارفس الطبله
حسين عرف شنو رايد منه
سلسا كالت له لاترفسها تموت
الجني بلا رحمه كام يضرب بفوة حس الجلد مال ظهره ينشلع ويه السوط
وسابا كام ينفخ على ضهرة
هوه حار بارد مالح حامض
الام ميحمل وسابا ميتوقف ضرب
حسين ارتبك وتحرك وانكلبت الطبله
ونزل حسين معلك بالحبل
انقطع نفسه وعيونه انتفخن وطلعن لبره
ورقبته طالت لمن استقر
وانطلع النفس
امه سمعت الصوت مال الطبله وشهكة مالته
واجت تركض
فتح الباب وشغلت الضوة
وصرخت
وكعدو كل البيت على صريخها
وامه شلعت شعرها وشككت خدودها بضافرها وتصيح يمه حسين منو ليش انتحرت وعفني
منو الي بقه بالدنيا
ولعايله كلها شافته بمنظر معلك بحبل شانق نفسه بحبل شاده بالبنكة ومفتح عيونه حيل وعاظ لسانه
حسن صاح على اخوته نزلوه ونزلوه وخابرو عل الشرطه والاسعاف
واخذوه للمستشفى الدكتور كال هذا ميت منتحر
الشرطه سوت تحقيق اتهمت اهله بس ماكو دليل
ودزوه للطب العدلي
وبوكتها دكتور التشريح عنده مشكله وماله خلك يشرحه
ولا اكو بديل اله
اجاه الدكتور وشاف ايده بيها شي
صامها بقوه راد يفتحها مكدر
حاول مرات وساعدوه العمال لكن ايده متنفتح ابد الى يكصون اصابعه والدكتور خاف لان هاي مسؤوليه
واكتفه بكتابه التقرير
وحتى ميشرحه لان معده خلك سوه تقرير وكل الادله تدل على انه هو انتحر بارادته
وبالمركز ضابط التحقيق بناء على التقرير ما اتهم احد
ابوه واخوته واهله استلموه من الطب العدلي
وجابو للبيت ودزوه بتابوت للمكبره وغسلوه ودفنوه والخرزة وياه
ورجعو قامو الفاتحة عليه
وبالفاتحه اجت خالته ام امير
ام حسين """"" هو شبيه ابني غير بسحورتج كتلتنه مشرباته خرز ماادري شنو
بس وين تروحين من الله (نصيره )اسم ام امير خالته ام بتول
وام حسين طردت اختها من الفاتحه
ورجعت للبيت ام امير وولدها وعافو الفاتحه
وبتول لاكتهم تهلهل مكيفه بموت حسين
ام سارة وسارة اجنه للفاتحه وتشمتن بحسين وام حسين بس ساكته وتبجي
زينب عرفت بموت حسين ولطمت وبجت
ومكدرت تجي للفاتحه بس ضلت حصرة بكلبها
ماجد ارتاح من حسين لان يطالبه بالمليون
سيارة حسين اخذها اخوته وكامو يطربكون بيها
وشويه شويه وانست سالفت حسين
وصارت السبعة والاربعين
واجو للكبر مال حسين
وبجو ولطمو وشعلو بخور وذبو مي ورد
حسين انتبه يسمع هوسه يمه هو وين ظلمه كلشي مينشاف
كعد وكام ونفض التراب و طلع وشاف امه وابوه واخوته داير مداير الكبر
وايده لازم شي فتح ايده شاف محفظه بيها شي صلب
ومعلكه بركبته فتحر المحفظه شاف خرزه
اتذكر الخرزة مالت ماجد
وسد المحفظه واجه على ابوه
ابوه مداير له بال
لزم ابوه من جتفه """" ها يابه شعدكم هنا
ابوه ملا مهتم لكلامه
حسين ^^^^^ بعدك زعلان عليه متحاجيني مو
وراح لامه وصار كبالها فتح ذراعاته ايريد يحظنه ^^^^^ يمه شكد مشتاق الك
وحضن امه
امه ولا يمها السالفه دايرت وجهه على ابوه
^^^^ ابو حسين لازم تسوي الكبر مال حسين وتخلي قمرية
تدري اني كل اسبوع يمه مااكدر افاركه
ابو حسين يبجي ويكلها حاظر
حسين تفاجيء شنو مرحوم حسين شنو كبر
ليش محد يعبره ولا يهتم بوجوده
هسه كول ابوي زعلان امي شبيها
اخوتي هم زعلانين بله

وراح على اخوه حسر وصاركدامه وحجه وياه حسن حسن هاي شبيك مترد حسن مو يمه السالفه
حسين ضرب حسن راشدي ولاانتبه ولا اهتز
حسين ضاج كال اهلي ميريدوني وكعد فوك الكبر
ولمن خلصو زياره الكبر صعدو بسيارتهم وراحو
وحسين يباوع ولا واحد كله تعال اصعد
حسين بقه يفتر بالمكبره ويقرء اسماء الي بالقبور
ولمن طلع من المكبره
وشاف محد يهتم الوجوده
حتى دخل للحمامات وطب يسبح
وميدري حمامات نساء والنساء يمه يطبن ويطلعن ولا مستحيات
ولا مهتمات لوجوده
حسين يكول شنو السالفه اليوم اشو ولا واحد يحجي وياي يرد السلام
يستحي مني
مشه حسين للكراج وسمع السايق يصيح واحد بغداد
حسين صعد وقبطت السيارة
والسايق بعده يصيح
وحسين يكله مو قبطت السياره
ميرد عليه
واجه نفر وفتح الباب وكعد فوك حسين
حسين يكله يمعود وين صعدت ميرد
ومشت السيارة وحسين ميحس بالي صعد فوكه بس يشوفه
وصلت لبغداد حسين تعبان
وبس متعجب شلون السايق مكله على الكروة
حسين ضاج وراح يمشي لاهله وتذكر هم ميريدونه وصار عنده واهس يمشي على الشط بشارع ابو نؤاس

الشيطان
بارت 12
***
حسين جاي يفتر على المحلات ودخل محل بس ماكدر يشوفه ابو المحل وطلع وكعد على الشط
واجاه رجال مربوع اربعيني
وسلم عليه وحسين تعجب اول واحد يسلم ورد السلام
وكعد يمه الرجال
الله بالخير الله بالخير
حسين ****صدك حجي اليوم شي غريب
صار لي اذا اسولف بيه يمكن متصدك
اني حسين بيتنه بالعبيدي
الرجال *** مالي كلك للسوالف خليني شويه مرتاح لاتطير الربع الي براسي
حسين * شنو بس السكارى يشووفوني ههههههه
شعجب انت تسمع مني وتشوفني
الرجل * مو كتلك لا تدوخني اسكت
حسين **** انت اجيت عليه ما داز عليك اني كاعد وحدي
الرجل كام وكعد شوية عن حسين بس موبعيد وطلع جكارة ودخن
حسين اجاه **** حجي بلا ما اضوجك انطيني جكارة من الصبح ممدخن
الرجل طلع جكاره وانطاها لحسين بدون كلام
حسين **** ادري بيش اشعلها انطيني الجداحه خلي اشعلها بس اوكف اشو اجكاره بيدي شلون لزمتها
هي حتى الجكارة اليوم هم مدري شبيها
الرجل * متكلي اليوم شراح تخلص وياك
الا اكوب اضربك يله اخلص منك
حسين * هههههههه كوم حجي خلي
احس بشيء لان مااحس اليوم مادري شنو الصاير
الحجي * متكلي منين اجيت عليه
حسين * ليش اني ادري اشو نمت ومكعدت الا بمكبرة النجف شجابني مادري للنجف
الرجل * هسه انت ببغداد يانجف عمي انت شبيك وياي اليوم الا تطيرهن من راسي
حسين **** اي مو جيت بسيارة من النجف .
الرجل * بيك شي عمي متولي من وجهي
حسين حس الرجال ميريده ولا يطيقة بس اكو شي يجذب حسين
يخليه يجي يم الرجل
حسين ا* انت مكتلي شسمك حجي
الرجل **** بله شنو تريد تناسبني مثلا
يابه خلصني اسمي حيدر ويسموني حبطرش
ارتاحيت يله كوم مناه
حسين من سمع اسم حبطرش افتر راسه وتذكر اخر شي الجنية سلسا من كالت له بس حبطرش يخلصك
هو ينتظرك
حسين بسرعه حجه ويه الرجل **** انت جني لو انسي
حبطرش * انت الي انتظرك من زمان
وهسه اتاكدت سولف لي شنو سالفتك
وحجاله حسين شنو الي صار له من نام وكعد على اسواط الجني سابا
وشلون تثصور نفسه علكه بالبنكه و نام ومكعد الا بصوت اهله جايين للنجف
حبطرش * وينها الخرزه طلعها
حسيزن حس بشي يرتجف بداخل الخرودزه
وفتح المحفظة وطلعها وانطاها لحبطرش
حبطرش كام يدمدم بكمات وجان تطلع من الخرزة شي صغيير لمن صار كبير وشكله مخيف
حسين ماخاف ولا اهتم كانما الشي عادي
حسين **** انتي سلسا
سلسا تتراجف وخايفه **** اي
حبطرش ** انتي ليش تسوين هيج
منو الي وصل حسين لهيج
سلسا * اطلب الامان
حسين **** من منو تطلبين الامام وليش
سلسا **** اطلب الامان منك واني اكون ملك لك
مااحجي الا تطيني الامان
حبطرش **** حسين دير بالك هاي متامن
حسين * تعرف شي حبطرش
حبطرش **** لا مااعرف بس انتي منظرك من زمان
حسين * وشنو تكدر تسويلي سلسا
وتنظرني ليش ومنه اني حتى تنتظره وليش ما اجيتني من قبل
حبطرش *** مااعرف الي تكدر تسويه
سلسا
ومنتظرك من زمان انطوني وصفك
كالو عنده الحل
انت منو هاي تجاوب عليه الجنية
وانت مااجيت قبل تاخرت هواي
سلسا خايفه وتتراجف متتحرك من مكانها
حسين **** راح انطيج الامان بس بشرط تحجين كلشي
وتنفذين الي اطلبه منج
سلسا * شنو الي تريد تعرفه
حسين * ليش متعرفين مو انتي تعرفين الي افكر بيه بعقلي
سلسا **** هاي من قبل هسه انت تحررت ومااعرف شي عندك
حسين **** ليش خايفة
سلسا **** خايفة تحاسبني على كل شيء
حسين *وشنو الي سويتيه انتي
سلسا *** هواي
حسين * احجي شنو
سلسا **** خايفه منك هواي
حسين * ** شنو هذا اليحصل لي اليوم
كعدت الصبح ومحد يشوفني
سلسا ** انت صار لك 40 يوم من انتقلت من عالم الانس وجبناك ويانه سجين لعالم الجن
حسين **** منو انتم وشلون جبتوني
وليش هسه مو بالسجن
سلسا **** اني وسابو جبناك
جبناك على اساس منتحر ميت
ومكدرنا نوضعك بالسجن لان انت اقوة منا
حسين ا*ني ميت هسه موسمعت اهلي يقرون الفاتحه على قبل مكتوب عليه اسمي اني مصدكت كلت اكيد سكران ويتخيل لي
سلسا * كنت طايع النا ومستسلم لكن فجاة طلعت قوتك ومكدر نا الك
انت مو ميت هسه لا انت منتقل الى عالم الجن
حسين * حبطرش وانت هسه بياعالم
حبطرش **** اني بعالم الانس
بشر عادي
حسين **** شنو تريده مني وشلون انت الوحيد شفتني وحجيت وياه
حبطرش * اني كنت اخظر جن وطلعت انت واني منتظرك تخلصني اني سجين بعالم بين الجن والانس
حسين * خلي اخلص نفسي الاول
سلسا * انت منو يكدر يسويلك شي
حسين * الجني الاسود وينه هسه
سلسا ** خايف ومرعوب منك ويطلب الامان

حسين * شنو الي ياكدلي اني مو ميت
سلسا * تعال شوف
وشاف حسين نفسه كاعد بغرفة بمستشفى المجانين
حسين **** هذا منو الكاعد يشبهني
سلسا * هذا انت بنسخه في عالم الانس
حسين * شلون وصلت الى المستشفى
سلسا * انت ممتت من انتحرت واخذوك حي وبالمستشفى انتبهت
وطلعت ولزموك بالشارع لا تعرف لك اسم ولاعنوان
ودزوك للمستشفى
حسين * والي بالقبر
سلسا * هذا شبيه الك صورة بس سابا هي الي سواها هيج
حسين **** انتي ليش خايفة مني شنو الي سويتيه وتخافين اعرفه

سلسا ** انتي جنت تحت امر سابا
وانفذ كل يطلبه مني
حسين **** وشنو الي سويتيه
سلسا *انت كنت تحت تصرفي
واني الي ردتك تموت وتنتحر وخليتك تلزم الخرزه حيل حلى تضعف قوتك
بعد ما استنزف سابا كل قوته وياك
بس مع كل هذا انت مارفست الطبله
وفتحت الحبل وطلعت للشارع
حسين **** منو الي انتحر
سلسا **** صورتك سابا تقمصها وهو الي اخذوه للمستشفى ميت بس هو كل شي مبيه
واخذ نسخة الثانية من روحك وهاي الي انت بيها نسخة الجنية
والانسية هسه بالمستشفى
حبطرش * شنو المطلوب مني
حسين * مااعرف بس لازم اخلصك
سلسا * حبطرش مسجون بعالم الجن السفلي وهذا العالم خطر وصعب
حسين * حبطرش منو عندك هناك من اتباع
حبطرش **** بس زاكو جني مطيع الي
حسين ***خليه يحظر
وانتي سلسا خلي يحظر سابوه
وحظر سابو يتراجف وخايف
سابو **** انطيني الامان اكون الك خادم مطيع
حسين **** تعرف شنو حكم الخيانه
سابو * الموت
حسين ** بعدين نتحاسب وراح اكلف وشي اذا نفذته ونجحت راح اسامحك
شكد تكدر تجهز من اتباع الك من القبيلة وتجيبهم يخدون عندي
سابو **** هواي لان اني ابن ملك الجن العلوي

حبطرش *** كنت منتظر من زمان ان تجي وتخلصني
يله خلصنيى
حسين **** انت متلبس بيك جني ومحطم كل حياتك
لازم يصير عندك قوة وشجاعة حتى تساعدني واخلصك منه
حبطرش **** هواي جربو يطلعون الجني بس مكدرو واذوني
حسين **** بعد مايطلع منك الجني ترجع لك حياتك الطبيعة بس بعد متكدر تسولف وياي
ولا تشوفني
بس لاتحجي وتكشف السر
حبطرش * منو الي سوالي سحر
حسين * زوجتك جانت متريدك اهلها جابريها بيك .
وتحب ولد هو صديقك هي سوتلك عقد ماتوصل الها
باتفاق ويه عشيقها وتريد تخليك تطلكها وتتزوجه
حبطرش* اني الها الا اخليها لا للسما ولا للكاع
طلاك مااطلكها
حسين * اذا ماطلكتها راح تتفق ويه عشيقها ويقتلونك
حبطرش * والاطفال شلون اذا طلكتها تاخذهم مني شرطها
حسين **** الاطفال مو منك من عشيقها
خلي تاخذهم وياها
حسين خله ايده على راس حبطرش
حبطرش وكع مغمي عليه ويرفس برجيه وايده
حسين *** مامن تكسن هذا الجسد اخرج
نطق حبطرش *** لا مااخرج
حسين **** كتلك اخرج
اعرف بيك وين تسكن ومنو انته
ونادي على سابا
سابا جاه وطلب حسين منه ابن يخرج الجني من طبطرش
وسابا دخل وطلع بوضع تعبان كلس وكل لحسين مااكدر اسويله شي واذا دخلت بعد يقتلني
حسين ساله ليش سابا جاوب يسكن هذا الجسد جني اسمه زاكو وهن الجن السفلي
حسين اني ادخل اله واخرجه
حسين * اخر مره اكلك اخرج ووراها بعد تحترك
حسين تكلم بكلمات كام يصرخ حبطرش
وصراخه هو صراخ الجني
وحبطرش كام يرفس مثل الطير المذبوح
حسين مد ايدةه على اس حبطرش وتكلك اهدء اهدء انتها الجني
للابد بعد مابيك
وغط حبطرش بنوم
وتركه حسين ومشه
حسين سال سلسا عن جبطرش وشنو هو وليش ذكرتي انه هو الي عنده
سلسا ردت انه هي كانت تكذب عليه واخترعت اسم من عندها حتى يضعف حسين امام سابا
متعرف منو حبطرش
حسين رجع لهله وشافهم وشاف بيت خالته وشاف بتول نفس وضعها بس الفرق حسين
ماله علاقه بيها وماعنده اي ميول الها
وراح لام سارة وشافها وسارة
هم بس شاف اكو ميول منه الها راد يتقرب منها بس ما تشوفه هي ولا تحس بيه
وعافها وراح لزينب لكاها مريضة وتعبانه ومن المرض تتكلم بكمات هو افتهما
حسين حسين ليش عفتني ورحت مو كلت اجيب اهلي واخطبك
هي تهلوس
وراح للمستشفى يشوف نفسه
كله نفسه مبهذل وسخ
ساكت ميعرف كلشي
صافن على شي بس مايعرف شنو
ونادى على الجنية سلسا
واجته وكللها ليش هيج مااحجي
وليش بتول بعدها ممتغيره متحبني
سلسا كالت له بتول لحد الان مطالع منها سابا
وتحت تاثيره
وانت متحجي لان سابا مسويلك غقد لسان
حسين دخل بنفسه وورتعش ورفس من الم راد يصيح مكدر
ونادى سلسا واجت
سلها ان تخرج منه وتدخل للخرزة واذا طلبها تجي
ودخلت سلسا بالخرزه
حسين فكر ان سلسا بعد يتفيده لان هو اخطا ودخلها للخرزة
وبعد متاخذ منه امر لانها معقوده لصديقه ماجد
فكر شلون يتخلص من ماجد
وخرج من جسمه وراح لماجد بروح الجن
وترك روح الانس بجسمه بالمستشفى
وصل لبيت ماجد
ماجد جان عنده طيور بالبرج يطير
حسين بروح الجن اثر على احله طير عنه وخلاه يوكف على ستارة السطح
ماجد راد يدخل الطيور شاف الطير
حاط على الستاره راد يكشه منكش الطير
الطير طار على ستارت جيرانهم
الستاره مو بعيد عن ستارة بيت ماجد مسافه قليله
وماجد متعود يطفر على جيرانه هم مرات طيور يوكفن وهم جان مصاحب بتهم
ماجد صعد على ستاره مالتهم وراد يطفر حسين اثر على عقله ودوخه
وماجد وكع من السطح على راسه ملحكو عليه صار عنده نزيف ومات بالاسعاف