#Jurnal_arxividan

Adabiyotimiz darg‘alari! Kimlarni tanidingiz?

@yoshlikjurnali
yoshlikjurnali.uz

Yuqoridagi suratda: Komil Yashin,laziz Qayumov, Abdulla Oripov, Erkin Vohidov, Pirimqul Qodirov, Vahob Ro'zimatov, Xurshid Davron, Temur Po'latov, G'affor Hotam, Shukur Xolmirzayev, Husniddin Sharipov, Xayriddin Sultonov, Po'lat Mo'min, Sharof Ubaydullayev, Nosir Fozilov, Jumaniyoz Jabborov, Normurod Narzullayev. 80-yillar

Ота. Хуршид Даврон шеъри. Азим Муллахонов мусиқаси. Диёр Муродов куйлаган
Хуршид ДАВРОН
ОТА

Деразамнинг остида тонгда
Сайраган қуш сизмасми, ота?

Ё тўнимга кўклам, мозорда
Ёпишган гул сизмасми, ота?

Ўн йилдир-ки дунёда йўқсиз,
Юрагимда қолган фироқсиз.

Кўрмагансиз менинг ўғлимни,
Эркатойим, шўхим, тўқлимни.

Мен ҳам ёшим ошгани сайин
Бошимга оқ тушгани сайин

Баъзан қўмсаб сизни ич-ичдан,
Юрак титраб соғинч,илинждан,

Отам дея, алқаб ўғлимни,
Кўтараман ўзим кўнглимни.

1982

Илтимосларга биноан, бир неча кун олдин видеоси тақдим этилган шеъримнинг матни / Iltimoslarga binoan, bir necha kun oldin videosi taqdim etilgan she’rimning matni

ХУРШИД ДАВРОН
ГУЛ ҲАҚИДА ҚЎШИҚ
Николас Гиленга татаббуъ

Биласизми, баъзан тунлари
соғинаман сизни жудаям...
Истайман мен шунда:
Тун каби
Сизни маҳкам бағримга боссам.

Истайман мен: томчи
ёш бўлиб
Юзингиздан ўтсам сирғалиб.
Рашк қиламан сизни: қанчалар
Чиройингиз очар сирғалар.

Шамол сочган сочларингизнинг
Оловида кетсайдим куйиб.
Кечалари босиб бағримга,
Умр қисқа эканин туйиб –

Далли, телба бўлгим келади
Ишқингиздан, ҳасратингиздан.
Ва соғинчдан ўлгим келади
Кўзим узмай суратингиздан.

Бола бўлиб қолсаму сизни
Йиғлай дейман маҳкам қучоқлаб,
Ўлгим,
Ўлгим,
Ўлгим келади
Ўз-ўзимни тиғлаб, пичоқлаб.

Қонимдан-да бир гул ундириб
(Баҳорнингмас, бўлсин кузники)
Шивирлагим келади аста:
“Олинг, олинг...
Бу гул сизники!..”

XURSHID DAVRON
GUL HAQIDA QO‘SHIQ
Nikolas Gilenga tatabbu’

Bilasizmi, ba’zan tunlari
sog‘inaman sizni judayam...
Istayman men shunda:
Tun kabi
Sizni mahkam bag‘rimga bossam.

Istayman men: tomchi
yosh bo‘lib
Yuzingizdan o‘tsam sirg‘alib.
Rashk qilaman sizni: qanchalar
Chiroyingiz ochar sirg‘alar.

Shamol sochgan sochlaringizning
Olovida ketsaydim kuyib.
Kechalari bosib bag‘rimga,
Umr qisqa ekanin tuyib –

Dalli, telba bo‘lgim keladi
Ishqingizdan, hasratingizdan.
Va sog‘inchdan o‘lgim keladi
Ko‘zim uzmay suratingizdan.

Bola bo‘lib qolsamu sizni
Yig‘lay deyman mahkam quchoqlab,
O‘lgim,
O‘lgim,
O‘lgim keladi
O‘z-o‘zimni tig‘lab, pichoqlab.

Qonimdan-da bir gul undirib
(Bahorningmas, bo‘lsin kuzniki)
Shivirlagim keladi asta:
“Oling, oling...
Bu gul sizniki!..”

Абдулла Орипов

ЭСКИ МУХЛИСЛАР

Шоирнинг тўрт сатр шеърини айтиб,
Бағрини чиндан ҳам тиғлаган авлод.
Оз эмас, беш юз йил нарига қайтиб,
Мақомга қўшилиб йиғлаган авлод.

Кўҳна Варахшаю Афросиёбнинг
Тошини ёстиғин остига қўйган.
Бир кун оч қолса ҳам, лекин китобнинг
Маъносин симириб, мағзига тўйган.

Сиз, эски мухлислар, бормисиз омон,
Сиз ўша тарихнинг оҳ-зоридасиз.
Бирингиз Чорсуда очгансиз дўкон,
Бирингиз “Отчопар” бозоридасиз.

Янги замонларни олқишлаб сизлар,
Ўтган йилларни ҳам эсга олгайсиз.
Турфа хонишларни тинглаган кезлар,
Юнус Ражабийни қўмсаб қолгайсиз.

Ҳар битта давроннинг ўз араваси,
Ўз дарди, армони, ашуласи бор.
Митти набиранинг орзу ҳаваси
Сизнинг қолипларга тушмоғи душвор.

Лекин ишонаман бешак, муқаррар
Яшарсиз насллар ақлу ҳушида.
Улар “Муножот”ни куйлашса агар,
Ҳазрат Навоийни кўргай тушида.

✍️2010 йил 23 июнь

@abdullaorifijodi

Ҳайитингиз муборак бўлсин! / Hayitingiz Muborak bo'lsin!
Ла Илаҳа Иллаллоҳ. Аёллар ансамбли ижро этган (Фарғона) / La ilaha illalloh. Ayollar ansambli ijro etgan (Farg'ona)

Улуғбек Ҳамдамдан Очиқ дарс: Истиқлол даври ўзбек шеърияти / Ulug‘bek Hamdamdan Ochiq dars: Istiqlol davri o‘zbek she’riyati

Юнгфрау. Болгар ёзувчиси Богомил Райнов асари асосида тайёрланган радиоспектакль. 1964 йили радио тасмасига ёзиб олинган. Режисёр: Шариф Қаюмов. Ролларда: Шариф Қаюмов, Яйра Абдуллаева, Турғун Азизов, Ёқуб Аҳмедов. / Yungfrau. Bolgar yozuvchisi Bogomil Raynov asari asosida radiospektakl. 1964 yili radio tasmasiga yozib olingan. Rejisyor: Sharif Qayumov. Rollarda: Sharif Qayumov, Yayra Abdullayeva, Turg'un Azizov, Yoqub Ahmedov.