El vienres pasáu, la Xunta pola Defensa de la Llingua Asturiana tuvo una misión escomanada y mui difícil pola emoción que nos apoderaba, pero tamién dende'l puntu de vista técnicu y loxísticu. L'oxetivu, crear l'Universu Damián. Y esi propósitu pudimos cumplilu gracies a muncha xente a quien queremos estimar la so participación y la so ayuda.
A tolos músicos y amigos n'escenariu: Fruela 757, Algaire, Rodrigo Cuevas, Beatriz Rodríguez, Mariluz Cristóbal, Llorián García, Vanessa Gutiérrez, Xune Elipe, Laura Fernández y Xosé Magariños.
A la Conceyalía de Cultura y la Conceyalía de Política Llingüística del Conceyu d'Avilés poles facilidaes y pola acoyida.
Al personal de soníu (Movusic), personal de la Casa la Cultura d'Avilés, acomodación, lluces...
A Pablo Quiroga pola parte audiovisual y por facenos rir y llorar con Horros y Frixuelos.
A Edu Carruébano pol cartelu col qu'empecemos a entrar nel universu.
A Pepe Espiña por un escenariu ablucante, evocador, inmeyorable.
A la familia y amigos de Damián por acompañanos.
A Natalia Suárez Ríos por tresportanos dafechu al Universu Damián.
A tol públicu que vieno a Avilés y tola xente qu'ayudó na difusión en redes sociales y medios de comunicación.
A la militancia de la Xunta, porque ensin trabayu voluntariu, organizaciones como la nuestra nunca diben poder construyir universos nuevos.
A tolos músicos y amigos n'escenariu: Fruela 757, Algaire, Rodrigo Cuevas, Beatriz Rodríguez, Mariluz Cristóbal, Llorián García, Vanessa Gutiérrez, Xune Elipe, Laura Fernández y Xosé Magariños.
A la Conceyalía de Cultura y la Conceyalía de Política Llingüística del Conceyu d'Avilés poles facilidaes y pola acoyida.
Al personal de soníu (Movusic), personal de la Casa la Cultura d'Avilés, acomodación, lluces...
A Pablo Quiroga pola parte audiovisual y por facenos rir y llorar con Horros y Frixuelos.
A Edu Carruébano pol cartelu col qu'empecemos a entrar nel universu.
A Pepe Espiña por un escenariu ablucante, evocador, inmeyorable.
A la familia y amigos de Damián por acompañanos.
A Natalia Suárez Ríos por tresportanos dafechu al Universu Damián.
A tol públicu que vieno a Avilés y tola xente qu'ayudó na difusión en redes sociales y medios de comunicación.
A la militancia de la Xunta, porque ensin trabayu voluntariu, organizaciones como la nuestra nunca diben poder construyir universos nuevos.
❤17🥰1
Yá, sabémoslo de sobra. La reivindicación d’una llingua, pa bien ser, tien que se facer tolos díes. Primero falándola y escribiéndola siempre, claro, non namás en fiestes de guardar. Y falándola colos fíos y fíes, nietos y nietes, pa qu’ésta se tresmita y se siga falando nel futuru. Y aprovechando cualquier presencia en redes sociales, en medios de comunicación, en publicaciones de toles menes, n’actos públicos... pa usala y ayudar a que seya más normal na sociedá. Nun ta de más recordalo.
Pero hai ocasiones en que fai falta salir a la cai. Salir y dexar claro qu’hai una reclamación ciudadana n’Asturies que lleva décades pendiente. Que pasen los años y la vitalidá de les nuestres llingües propies ye cada vez más precaria. Que los avances qu’hubo nel so reconocimientu son ruinos en comparanza con tolo que fadría falta pa frenar el procesu de sustitución llingüística que tamos viendo en tiempu real. Qu’hai una parte importante de la sociedá asturiana a la que-y sigue dando más qué pase col so patrimoniu llingüísticu.
Por eso hai que salir a la cai dacuando. A xuntanos y dicir bien alto que l’asturianu y el gallego-asturianu tienen que ser oficiales, que les fuercies polítiques asturianes son responsables por nun se poner d’alcuerdu en toes estes décades pa iguar esta inxusticia flagrante.
Esti sábadu 10 de mayu, a les 12 del mediudía, aguardámoste na Estación del Norte d’Uviéu pa manifestanos pola oficialidá de les nuestres llingües propies, pa defender los nuestros derechos.
Pero hai ocasiones en que fai falta salir a la cai. Salir y dexar claro qu’hai una reclamación ciudadana n’Asturies que lleva décades pendiente. Que pasen los años y la vitalidá de les nuestres llingües propies ye cada vez más precaria. Que los avances qu’hubo nel so reconocimientu son ruinos en comparanza con tolo que fadría falta pa frenar el procesu de sustitución llingüística que tamos viendo en tiempu real. Qu’hai una parte importante de la sociedá asturiana a la que-y sigue dando más qué pase col so patrimoniu llingüísticu.
Por eso hai que salir a la cai dacuando. A xuntanos y dicir bien alto que l’asturianu y el gallego-asturianu tienen que ser oficiales, que les fuercies polítiques asturianes son responsables por nun se poner d’alcuerdu en toes estes décades pa iguar esta inxusticia flagrante.
Esti sábadu 10 de mayu, a les 12 del mediudía, aguardámoste na Estación del Norte d’Uviéu pa manifestanos pola oficialidá de les nuestres llingües propies, pa defender los nuestros derechos.
❤12
El sábadu, n'acabando la manifestación na plaza La Escandalera, si'l nuberu nos dexa, vamos cuntar con una actuación de 6 Riales. Con un cedé en mercáu, «Sutripar», esta formación de cuatro moces lleva al escenariu un repertoriu de cantares tradicionales y cantares nuevos, con panderetes, panderos y otres percusiones. Pa nun perdelo y pa baillalo. 😉
👏8🥰1
This media is not supported in your browser
VIEW IN TELEGRAM
El 10 de mayu les cais van volver glayar #oficialidá.
Una reclamación ciudadana que lleva décades pendiente.
Aguardámoste esi sábadu a les 12 na Estación del Norte d’Uviéu pa manifestanos pola oficialidá de les nuestres llingües propies. Pa defender los tos derechos.
Xunta pola Defensa de la Llingua Asturiana.
Una reclamación ciudadana que lleva décades pendiente.
Aguardámoste esi sábadu a les 12 na Estación del Norte d’Uviéu pa manifestanos pola oficialidá de les nuestres llingües propies. Pa defender los tos derechos.
Xunta pola Defensa de la Llingua Asturiana.
😍4❤2🔥1
Acullá de lo que digan los hooligan de la intolerancia que punxeron el recursu, la sentencia esplica que nun se debate la necesidá de promocionar l'asturianu sinón el procedimientu.
La estrema derecha celebra un error de la derecha como si fora un trunfu de la so cruzada contra la diversidá y la llibertá llingüística. El reconocimientu de la protección del asturianu tien qu'avanzar. La llucha pola oficialidá ye imparable. Otra razón pa venir a la manifestación del sábadu.
La estrema derecha celebra un error de la derecha como si fora un trunfu de la so cruzada contra la diversidá y la llibertá llingüística. El reconocimientu de la protección del asturianu tien qu'avanzar. La llucha pola oficialidá ye imparable. Otra razón pa venir a la manifestación del sábadu.
🔥7
Dexónos Fran Gayo, músicu y escritor n'asturianu. La so música sonó nes actividaes de la Xunta, en discos y en conciertos, y el so recuerdu va siguir presente en nós.
Que la tierra seya llixero pa él.
Que la tierra seya llixero pa él.
😢9😭1
Visto que la prensa derechista asturiana anda regular de comprensión llectora... Ehí va'l discursu de la mani d'ayer.
Pa tar al tanto de lo que facemos, puedes siguinos nes nuestres redes sociales: Facebook, Instagram, Bluesky y X.
Pero si quies que la información te llegue directamente, apúntate a la nuestra canal de Telegram equí:
👉 https://t.me/xunta
Pero si quies que la información te llegue directamente, apúntate a la nuestra canal de Telegram equí:
👉 https://t.me/xunta
👍7
SOBRE LA NON REFORMA DEL ESTATUTU
Esti 12 de xunu una delegación de la Xunta pola Defensa de la Llingua Asturiana (XDLA) tuvo presente ente’l públicu qu’asistió a la votación na Xunta Xeneral de la reforma del Estatutu d’Autonomía y la inclusión nél de la oficialidá. Del resultáu de la votación pue facese una llectura optimista porque nunca hubo tantos votos a favor en tola historia parllamentaria d’Asturies, pero la llectura realista ye que nun había la mayoría de 3/5 que se precisaba. Una parte de les fuercies de la derecha ta encantada nel so papel de supremacismu llinguísticu castellanista y la otra, quiciás menos sobreactuada, sigue na contradicción de dicir que respeta muncho la nuestra llingua, pero al empar niégase a reconoce-y l’estatus xurídicu que tienen otres llingües del Estáu, lo que lleva, de facto, a la desapaición progresiva d’esi patrimoniu que tanto dicen querer.
Llevamos cuasi cuatro décades reclamando na cai la oficialidá. Nos movimientos sociales que lleven tantu tiempu lluchando por un derechu ciudadanu básicu ensin que se llogre, siempre apaez el debate ente’l posibilismu y el maximalismu, anque les más de les veces ye una cuestión más bien de coxuntura o d’oportunidá política. Nel movimientu de reivindicación llingüística sabemos d’eso. Ye evidente que naide pue refugar cualquier avance en política llingüística. Na XDLA siempre los emponderemos y mesmamente nós, como organización, fiximos munches veces d’axentes de normalización en campos como la música, el comerciu, la hostelería, l’alfabetización d’adultos... cuando’l Gobiernu asturianu nun cumplía esi papel. Pero la nuestra obligación como organización social ye la llucha por un derechu básicu: la igualdá énte la llei pa los falantes d’asturianu (y, por solidaridá y coherencia democrática, pa los falantes de gallego-asturianu). Agora nun la hai y depués de la votación del 12 de xunu va siguir ensin habela.
La conocida como Llei del Bable, aprobada en 1998, llegó como contrapartida al fracasu de la posibilidá que s’abriera de que los dos partíos mayoritarios aceptaren reformar l’Estatutu incluyendo nél la oficialidá. Esa llei dio pie a qu’empezara’l procesu de recuperación toponímica y garantizó polo menos el derechu pa la ciudadanía de dirixise n’asturianu a les Alministraciones. Agora paez que se vuelve a repetir la mesma secuencia. Como nun se pudo llograr la oficialidá, a otru día ofrécennos una Llei del Bable, versión 2.0. Amás, quieren que s’apruebe col consensu de PP y Foro, colo que nun paez que los avances vaigan ser munchos cuando estes dos fuercies tan tán enfotaes na bondá de la Llei del Bable actual. Tenemos mieu que pa lo único que valga seya pa entamar más comisiones, más comparecencies, más debates, más tribunes... y más campañes mediátiques de la hinchada intolerante. Al final, lo único nuevo que va trayer esa Llei remocicada va ser cambiar llegalmente’l nome al gallego-asturianu, una obsesión etnófoba que les fuercies polítiques van aceptando mansamente ensin reparos. Y pa esi viaxe nun facíen falta les alforxes.
Paeznos innecesario dar más vueltes al marcu xurídicu de segunda categoría que yá tenemos. Sí, el marcu actual ye meyor que’l marcu xurídicu de tercer categoría, que ye la inexistencia de marcu, pero ¿paga la pena buscar más gradaciones intermedies ente la non oficialidá que tenemos agora y la oficialidá que nun tenemos? Nun necesitamos que nos consuelen con una Llei del Bable 2.0 por esti fracasu nuevu na Xunta Xeneral, un fracasu, otra manera, que ye namás de los partíos políticos que nun foron quien a entendese, non del movimientu ciudadanu que pide un derechu básicu dende hai cuatro décades.
Esti 12 de xunu una delegación de la Xunta pola Defensa de la Llingua Asturiana (XDLA) tuvo presente ente’l públicu qu’asistió a la votación na Xunta Xeneral de la reforma del Estatutu d’Autonomía y la inclusión nél de la oficialidá. Del resultáu de la votación pue facese una llectura optimista porque nunca hubo tantos votos a favor en tola historia parllamentaria d’Asturies, pero la llectura realista ye que nun había la mayoría de 3/5 que se precisaba. Una parte de les fuercies de la derecha ta encantada nel so papel de supremacismu llinguísticu castellanista y la otra, quiciás menos sobreactuada, sigue na contradicción de dicir que respeta muncho la nuestra llingua, pero al empar niégase a reconoce-y l’estatus xurídicu que tienen otres llingües del Estáu, lo que lleva, de facto, a la desapaición progresiva d’esi patrimoniu que tanto dicen querer.
Llevamos cuasi cuatro décades reclamando na cai la oficialidá. Nos movimientos sociales que lleven tantu tiempu lluchando por un derechu ciudadanu básicu ensin que se llogre, siempre apaez el debate ente’l posibilismu y el maximalismu, anque les más de les veces ye una cuestión más bien de coxuntura o d’oportunidá política. Nel movimientu de reivindicación llingüística sabemos d’eso. Ye evidente que naide pue refugar cualquier avance en política llingüística. Na XDLA siempre los emponderemos y mesmamente nós, como organización, fiximos munches veces d’axentes de normalización en campos como la música, el comerciu, la hostelería, l’alfabetización d’adultos... cuando’l Gobiernu asturianu nun cumplía esi papel. Pero la nuestra obligación como organización social ye la llucha por un derechu básicu: la igualdá énte la llei pa los falantes d’asturianu (y, por solidaridá y coherencia democrática, pa los falantes de gallego-asturianu). Agora nun la hai y depués de la votación del 12 de xunu va siguir ensin habela.
La conocida como Llei del Bable, aprobada en 1998, llegó como contrapartida al fracasu de la posibilidá que s’abriera de que los dos partíos mayoritarios aceptaren reformar l’Estatutu incluyendo nél la oficialidá. Esa llei dio pie a qu’empezara’l procesu de recuperación toponímica y garantizó polo menos el derechu pa la ciudadanía de dirixise n’asturianu a les Alministraciones. Agora paez que se vuelve a repetir la mesma secuencia. Como nun se pudo llograr la oficialidá, a otru día ofrécennos una Llei del Bable, versión 2.0. Amás, quieren que s’apruebe col consensu de PP y Foro, colo que nun paez que los avances vaigan ser munchos cuando estes dos fuercies tan tán enfotaes na bondá de la Llei del Bable actual. Tenemos mieu que pa lo único que valga seya pa entamar más comisiones, más comparecencies, más debates, más tribunes... y más campañes mediátiques de la hinchada intolerante. Al final, lo único nuevo que va trayer esa Llei remocicada va ser cambiar llegalmente’l nome al gallego-asturianu, una obsesión etnófoba que les fuercies polítiques van aceptando mansamente ensin reparos. Y pa esi viaxe nun facíen falta les alforxes.
Paeznos innecesario dar más vueltes al marcu xurídicu de segunda categoría que yá tenemos. Sí, el marcu actual ye meyor que’l marcu xurídicu de tercer categoría, que ye la inexistencia de marcu, pero ¿paga la pena buscar más gradaciones intermedies ente la non oficialidá que tenemos agora y la oficialidá que nun tenemos? Nun necesitamos que nos consuelen con una Llei del Bable 2.0 por esti fracasu nuevu na Xunta Xeneral, un fracasu, otra manera, que ye namás de los partíos políticos que nun foron quien a entendese, non del movimientu ciudadanu que pide un derechu básicu dende hai cuatro décades.
👏5
L’oxetivu agora ye siguir trabayando pa convencer a la parte menos acérrime de la derecha pa que, más pronto que tarde, entienda que la oficialidá ye la única vía llegal qu’hai pa tentar d’iguar la situación de sustitución llingüística que tamos viviendo en tiempu real. Mentanto, los partíos que defenden la oficialidá pueden facer tolo muncho que se pue facer dientro del marcu llegal que tenemos agora. Hai amás partíos que yá gobiernen, tanto a nivel autonómicu como local, y la so política llingüística ye, en munchos casos, inexistente. Cuando nin los parllamentarios que defenden l’asturianu y el gallego-asturianu los usen públicamente, cuando los conseyeros y directores xenerales d’esi Gobiernu tan favorable nunca falen neses llingües, cuando los conceyos que gobiernen nun faen nada por elles nin nelles, esos cantos en favor de lleis nueves suénennos a distracción, a fueos artificiales. Hai munchu llabor que facer, que nun se fai y que podía facese mañana ensin falta de más comisiones nin grupos d’análisis, namás con voluntá política real.
👏8