LA XDLA DENUNCIA QUE L'ASTURIANU VA CUNTAR MENOS QU'OTRES LLINGÜES NOS BAREMOS D'OPOSICIONES DE SECUNDARIA
La Xunta pola Defensa de la Llingua Asturiana (XDLA) acaba de conocer un datu esmolecedor nel borrador de la baremación de les oposiciones de reposición n’Educación Secundaria que va entamar el Gobiernu del Principáu d’Asturies l’añu que vien. Anque’l borrador nun ye públicu entá, la XDLA supo tamién de la intención firme de la Conseyería d’Educación d’afitar unes condiciones mui negatives pa col asturianu.
Les certificaciones d’asturianu regulaes pol decretu 47/2019, de 21 de xunu, qu’en teoría tán adaptaes a los niveles del Marcu Común Européu de Referencia de les Llingües (MCERL), van cuntar nun apartáu que valora “formación”, en xeneral, sección que los aspirantes avecen a tener cubierta y, polo tanto, nos más de los casos, la conocencia d’asturianu nun va tener munchu impactu nos méritos finales. Los demás títulos d’escueles oficiales d’idiomes —esto ye, llingües estranxeres como l’inglés o’l francés y otres llingües del Estáu como’l catalán o’l euskera, nenguna oficial n’Asturies— tienen un apartáu propiu. ¿Por qué l’asturianu non?
Amás, si reparamos na puntación del baremu en “formación”, cada certificación d’asturianu (ensin distinguir el nivel —que, como diximos, teóricamente tan adaptaos al MCERL—) va cuntar 0,25 puntos, mentes qu’un títulu C1 de cualesquier otra llingua va sumar 0,5.
Con estos datos, según la nuestra visión, hai dos interpretaciones pa esplicar por qué Educación valora menos l’asturianu qu'otres llingües:
a) que consideren menos al asturianu porque ye una llingua de segunda (nun val equí la sida de que nun seya oficial, porque'l catalán o l'inglés o'l chinu nun son oficiales n'Asturies y teóricamente les certificaciones d’estes llingües y les d’asturianu tienen el mesmu valor alministrativu al tar regulaes pol MCERL).
b) que consideren que les titulaciones qu'Educación da son de menos calidá que les otres.
La llingua asturiana sigue ensin tener especialidá docente, un grau propiu na Facultá de Filoloxía y, depués de que la Conseyería anunciare y s’enchipare pola creación de les pruebes específiques del idioma, paez que tampoco tien una certificación equiparable a les demás llingües.
Esiximos una rectificación al Gobiernu primero de qu’esti baremu salga a la lluz pa que nun seya otru casu de minorización y minusvaloración del asturianu. Si nun dan marcha atrás, van tener qu’esplicanos el porqué d’esta discriminación.
La Xunta pola Defensa de la Llingua Asturiana (XDLA) acaba de conocer un datu esmolecedor nel borrador de la baremación de les oposiciones de reposición n’Educación Secundaria que va entamar el Gobiernu del Principáu d’Asturies l’añu que vien. Anque’l borrador nun ye públicu entá, la XDLA supo tamién de la intención firme de la Conseyería d’Educación d’afitar unes condiciones mui negatives pa col asturianu.
Les certificaciones d’asturianu regulaes pol decretu 47/2019, de 21 de xunu, qu’en teoría tán adaptaes a los niveles del Marcu Común Européu de Referencia de les Llingües (MCERL), van cuntar nun apartáu que valora “formación”, en xeneral, sección que los aspirantes avecen a tener cubierta y, polo tanto, nos más de los casos, la conocencia d’asturianu nun va tener munchu impactu nos méritos finales. Los demás títulos d’escueles oficiales d’idiomes —esto ye, llingües estranxeres como l’inglés o’l francés y otres llingües del Estáu como’l catalán o’l euskera, nenguna oficial n’Asturies— tienen un apartáu propiu. ¿Por qué l’asturianu non?
Amás, si reparamos na puntación del baremu en “formación”, cada certificación d’asturianu (ensin distinguir el nivel —que, como diximos, teóricamente tan adaptaos al MCERL—) va cuntar 0,25 puntos, mentes qu’un títulu C1 de cualesquier otra llingua va sumar 0,5.
Con estos datos, según la nuestra visión, hai dos interpretaciones pa esplicar por qué Educación valora menos l’asturianu qu'otres llingües:
a) que consideren menos al asturianu porque ye una llingua de segunda (nun val equí la sida de que nun seya oficial, porque'l catalán o l'inglés o'l chinu nun son oficiales n'Asturies y teóricamente les certificaciones d’estes llingües y les d’asturianu tienen el mesmu valor alministrativu al tar regulaes pol MCERL).
b) que consideren que les titulaciones qu'Educación da son de menos calidá que les otres.
La llingua asturiana sigue ensin tener especialidá docente, un grau propiu na Facultá de Filoloxía y, depués de que la Conseyería anunciare y s’enchipare pola creación de les pruebes específiques del idioma, paez que tampoco tien una certificación equiparable a les demás llingües.
Esiximos una rectificación al Gobiernu primero de qu’esti baremu salga a la lluz pa que nun seya otru casu de minorización y minusvaloración del asturianu. Si nun dan marcha atrás, van tener qu’esplicanos el porqué d’esta discriminación.
Marchónos Damián Barreiro. Morriónos un amigu y nun nos salen les palabres. Él que trabayaba con elles, que con aquella facilidá discurría llibros, artículos, comunicaos... y nós agora tamos con un ñudu nel corazón que nun nos dexa falar. ¡Qué pena, compañeru! ¡Cuánto te vamos echar en falta!
😢23😭5😱2
Pasaron unos díes, pero tovía nun nos facemos a la idea que Damián nun ta con nós. Fomos a A Estrada a despidilu y a dar el nuestru pésame a la familia. Fomos tamién a llevar la bandera col corazón de colores que tanto-y gustaba, pa que quedara con él.
Damián Barreiro yera muncho más qu'un compañeru de la Xunta pola Defensa de la Llingua Asturiana. La so personalidá, la so actividá pública, diba más allá de la so militancia na nuestra organización, sabémoslo, pero esa faceta vital de compromisu llingüísticu yera una parte fundamental de Damián y gracies a ella pudimos conocelu, tratalu y querelu.
Ente los sos intereses taba'l papel de la televisión pública na normalización del idioma y ehí dionos muncho: conocimientu y perspectiva d'otres comunidaes billingües, espíritu críticu y una montonera d'idees y propuestes. Pero tamién nos dio una capacidá de trabayu escomanada... y munchu humor.
Pa una organización de xente voluntario, que depende de la implicación personal de mui poca xente, la falta d'un pegollu como él dexa la casa taramellando. Tamos viendo cómo nos recomponer y cómo nos despidir d'él recordándolu. Mentanto, queremos dar les gracies a toa esa xente que nos escribió estos díes o que publicó artículos nos medios y redes sociales falando de Damián. Esos mensaxes de ciñu dannos fuercia pa siguir y confirmen la buelga imborrable que dexa n'Asturies.
Damián Barreiro yera muncho más qu'un compañeru de la Xunta pola Defensa de la Llingua Asturiana. La so personalidá, la so actividá pública, diba más allá de la so militancia na nuestra organización, sabémoslo, pero esa faceta vital de compromisu llingüísticu yera una parte fundamental de Damián y gracies a ella pudimos conocelu, tratalu y querelu.
Ente los sos intereses taba'l papel de la televisión pública na normalización del idioma y ehí dionos muncho: conocimientu y perspectiva d'otres comunidaes billingües, espíritu críticu y una montonera d'idees y propuestes. Pero tamién nos dio una capacidá de trabayu escomanada... y munchu humor.
Pa una organización de xente voluntario, que depende de la implicación personal de mui poca xente, la falta d'un pegollu como él dexa la casa taramellando. Tamos viendo cómo nos recomponer y cómo nos despidir d'él recordándolu. Mentanto, queremos dar les gracies a toa esa xente que nos escribió estos díes o que publicó artículos nos medios y redes sociales falando de Damián. Esos mensaxes de ciñu dannos fuercia pa siguir y confirmen la buelga imborrable que dexa n'Asturies.
💔21💘3
LA XDLA DENUNCIA OTRU CASU DE DISCRIMINACIÓN LLINGÜÍSTICA
Dende la Xunta pola Defensa de la Llingua Asturiana (XDLA) queremos denunciar un casu nuevu de discriminación pol usu del asturianu. El Conceyu de Colunga refugó l'escritu d'una asociación local, La Llastra, por tar escritu n'asturianu si nun presenten tamién la traducción al castellanu. Esta decisión básase nuna interpretación mui restrictiva de la llei, que garantiza en teoría a la ciudadanía la posibilidá de presentar escritos n'asturianu a les Alministraciones. El casu de Colunga confirma lo que llevamos denunciando dende hai décades: ensin oficialidá, nun hai garantíes reales pal exerciciu de los derechos llingüísticos.
Munchos partíos políticos ufierten nos sos programes electorales un compromisu cola protección y la dignificación de la llingua asturiana, ente ellos Foro Asturias, que gobierna'l Conceyu de Colunga. Nestes selmanes últimes, al calor de la propuesta de reforma del estatutu, volvimos a ver declaraciones d'unos pidiendo la oficialidá y d'otros pidiendo la reforma de la Llei d'Usu o defendiendo l'eslogan imposible de "oficialidá non, asturianu sí". Sicasí, la realidá quíta-yos la mázcara a tantes bones palabres: los gobiernos municipales siguen negando escritos n’asturianu, esmantelen Servicios de Normalización Llingüística, incumplen sistemáticamente la toponimia oficial y inoren dafechu l’asturianu nes sos comunicaciones, redes sociales y imaxe institucional.
La Llei d’Usu, que munchos defenden como instrumentu abondu pa garantizar l’usu llibre del asturianu, ye na práctica papel moyao. La so aplicación parcial, cuando non restrictiva, dexa a la ciudadanía ensin la posibilidá de dirixise a l’Alministración na so propia llingua. Casos como’l que denunciamos güei en Colunga son un exemplu más qu'evidencia la necesidá urxente d’un marcu xurídicu que dea garantía efectiva a los derechos llingüísticos de la ciudadanía.
Esiximos un cambiu real, compromisos firmes, más allá de declaraciones, programes electorales y promeses incumplíes. L’asturianu nun puede siguir siendo una llingua de segunda pa les Alministraciones, que precisamente son les que tien qu'asegurar la so supervivencia. La oficialidá ye la única vía pa que los derechos llingüísticos pasen de les bones intenciones a los fechos.
Animamos a la ciudadanía a siguir denunciando esti tipu de discriminaciones y a reivindicar el so derechu a vivir n'asturianu.
Dende la Xunta pola Defensa de la Llingua Asturiana (XDLA) queremos denunciar un casu nuevu de discriminación pol usu del asturianu. El Conceyu de Colunga refugó l'escritu d'una asociación local, La Llastra, por tar escritu n'asturianu si nun presenten tamién la traducción al castellanu. Esta decisión básase nuna interpretación mui restrictiva de la llei, que garantiza en teoría a la ciudadanía la posibilidá de presentar escritos n'asturianu a les Alministraciones. El casu de Colunga confirma lo que llevamos denunciando dende hai décades: ensin oficialidá, nun hai garantíes reales pal exerciciu de los derechos llingüísticos.
Munchos partíos políticos ufierten nos sos programes electorales un compromisu cola protección y la dignificación de la llingua asturiana, ente ellos Foro Asturias, que gobierna'l Conceyu de Colunga. Nestes selmanes últimes, al calor de la propuesta de reforma del estatutu, volvimos a ver declaraciones d'unos pidiendo la oficialidá y d'otros pidiendo la reforma de la Llei d'Usu o defendiendo l'eslogan imposible de "oficialidá non, asturianu sí". Sicasí, la realidá quíta-yos la mázcara a tantes bones palabres: los gobiernos municipales siguen negando escritos n’asturianu, esmantelen Servicios de Normalización Llingüística, incumplen sistemáticamente la toponimia oficial y inoren dafechu l’asturianu nes sos comunicaciones, redes sociales y imaxe institucional.
La Llei d’Usu, que munchos defenden como instrumentu abondu pa garantizar l’usu llibre del asturianu, ye na práctica papel moyao. La so aplicación parcial, cuando non restrictiva, dexa a la ciudadanía ensin la posibilidá de dirixise a l’Alministración na so propia llingua. Casos como’l que denunciamos güei en Colunga son un exemplu más qu'evidencia la necesidá urxente d’un marcu xurídicu que dea garantía efectiva a los derechos llingüísticos de la ciudadanía.
Esiximos un cambiu real, compromisos firmes, más allá de declaraciones, programes electorales y promeses incumplíes. L’asturianu nun puede siguir siendo una llingua de segunda pa les Alministraciones, que precisamente son les que tien qu'asegurar la so supervivencia. La oficialidá ye la única vía pa que los derechos llingüísticos pasen de les bones intenciones a los fechos.
Animamos a la ciudadanía a siguir denunciando esti tipu de discriminaciones y a reivindicar el so derechu a vivir n'asturianu.
😡11🌭1🖕1💊1
Estos son dalgunos exemplos (BOPA del 21/3/25) de los "olvidos" nel usu de la toponimia oficial pol Principado de Asturias y, más concretamente, de delles direcciones xenerales dependientes d'Ordenación del Territoriu, Urbanismu, Vivienda y Derechos Ciudadanos, conseyería d'IX.
Nun ye nenguna novedá: sigue incumpliéndose la llegalidá.
Fálennos d'oficialidá (amable, eso sí) y nun son capaces siquiera de respetar topónimos que, en dalgunos casos, son les úniques formes oficiales dende va venti años.
Nun ye nenguna novedá: sigue incumpliéndose la llegalidá.
Fálennos d'oficialidá (amable, eso sí) y nun son capaces siquiera de respetar topónimos que, en dalgunos casos, son les úniques formes oficiales dende va venti años.
❤7😡5
L'actu qu'entamemos pal 2 de mayu n'Avilés ta fechu d'amistá. Ta fechu por xente que queríemos a Damián y que vamos recordalu a la so manera: con toles coses qu'a él-y gustaben y sobre les qu'escribía y pa les que militaba.
Esti ye'l cartel que-y fixo un amigu como homenaxe y recuerdu pa un día que va ser mui especial.
Tai sollertes porque diremos adelantándovos más coses...
Esti ye'l cartel que-y fixo un amigu como homenaxe y recuerdu pa un día que va ser mui especial.
Tai sollertes porque diremos adelantándovos más coses...
❤14👍1
Yá ta disponible na nuestra canal de YouTube'l videu coles intervenciones de la Xunta pola Defensa de la Llingua Asturiana na comisión parllamentaria énte la propuesta de reforma del Estatutu d'Autonomía.
https://m.youtube.com/watch?v=STXs1ZWlJWA&pp=0gcJCdgAo7VqN5tD
https://m.youtube.com/watch?v=STXs1ZWlJWA&pp=0gcJCdgAo7VqN5tD
❤9
La Xunta pola Defensa de la Llingua Asturiana construyéronla los militantes qu'ayudaron na so actividá en dalgún momentu de los sos 40 años d'historia. El nuestru amigu Troski foi munchu tiempu una d'eses persones. Vamos echalu en falta na manifestación d'anguaño. D. E. P.
This media is not supported in your browser
VIEW IN TELEGRAM
El vienres 2 de mayu, vamos recordar a Damián tola xente que lu queríemos. N'escenariu de la Casa la Cultura d'Avilés van tar les coses que-y prestaben. Va haber alcordances, amigos y amigues... y música en directo.
#UniversuDamián
#UniversuDamián
❤8😢1
This media is not supported in your browser
VIEW IN TELEGRAM
Natalia Suárez Ríos anúncianos "Universu Damián", un espectáculu n'alcordanza de Damián Barreiro al que vais poder dir esti vienres 2 de mayu na Casa la Cultura d'Avilés, a les siete y media. ¡Entrada llibre!
👏12
🚲Les comparaciones son odioses...
Si hai unos meses destacábemos que La Vuelta respetaba la toponimia oficial asturiana, nun podemos facer lo mesmo con la "Vuelta a Asturias", la nuestra, la Vueltina, qu'empieza güei n'Uviéu.
❌ Nel llibru de ruta y nos perfiles de les etapes nun hai presencia nenguna de la toponimia oficial.
❓Sicasí, nel cartelu oficial intentáronlo... Ensin nengún aciertu:
-Denominaciones dobles inexistentes (¡Llanes/Llanes! o ¡Pola de Lena/La Pola Ḷḷena!).
-Fallos ortográficos (¡Úvieu!).
-"Apellíos" non oficiales o inventaos (Benia de Onís, ¡A Veiga d'Eo!)
¿De verdá ye tan difícil facelo bien?
Vese qu'hai una mínima intención, pero la execución ye de suspensu claru. Con voluntá y profesionalidá, el cumplimientu de la toponimia ye mui fácil.
➡️ Pal 2026, recomendamos el buscador de Política Llingüística Principáu d'Asturies: https://politicallinguistica.asturias.es/toponimia-buscador
Si hai unos meses destacábemos que La Vuelta respetaba la toponimia oficial asturiana, nun podemos facer lo mesmo con la "Vuelta a Asturias", la nuestra, la Vueltina, qu'empieza güei n'Uviéu.
❌ Nel llibru de ruta y nos perfiles de les etapes nun hai presencia nenguna de la toponimia oficial.
❓Sicasí, nel cartelu oficial intentáronlo... Ensin nengún aciertu:
-Denominaciones dobles inexistentes (¡Llanes/Llanes! o ¡Pola de Lena/La Pola Ḷḷena!).
-Fallos ortográficos (¡Úvieu!).
-"Apellíos" non oficiales o inventaos (Benia de Onís, ¡A Veiga d'Eo!)
¿De verdá ye tan difícil facelo bien?
Vese qu'hai una mínima intención, pero la execución ye de suspensu claru. Con voluntá y profesionalidá, el cumplimientu de la toponimia ye mui fácil.
➡️ Pal 2026, recomendamos el buscador de Política Llingüística Principáu d'Asturies: https://politicallinguistica.asturias.es/toponimia-buscador
😡8