𝐋𝐀 𝐗𝐔𝐍𝐓𝐀 𝐏𝐎𝐋𝐀 𝐃𝐄𝐅𝐄𝐍𝐒𝐀 𝐃𝐄 𝐋𝐀 𝐋𝐋𝐈𝐍𝐆𝐔𝐀 𝐀𝐒𝐓𝐔𝐑𝐈𝐀𝐍𝐀 𝐏𝐈𝐃𝐄 𝐀 𝐀𝐃𝐈𝐅 𝐘 𝐑𝐄𝐍𝐅𝐄 𝐔𝐍 𝐔𝐒𝐔 𝐌𝐀́𝐒 𝐂𝐔𝐈𝐃𝐀𝐃𝐎𝐒𝐔 𝐃𝐄 𝐋𝐀 𝐓𝐎𝐏𝐎𝐍𝐈𝐌𝐈𝐀 𝐎𝐅𝐈𝐂𝐈𝐀𝐋
La organización recuerda que la Viceconseyería d’Infraestructures y el CTA tienen un papel fundamental na normalización toponímica
Depués de facese un añu dende qu’ADIF (xestora de la infraestructura ferroviaria) y RENFE (operadora de la rede de ferrocarril) empezaren a usar la toponimia oficial d’Asturies, la Xunta pola Defensa de la Llingua Asturiana (XDLA) pide a dambes entidaes un usu más rigorosu y integral, con atención especial a les redes sociales, páxines webs y aplicaciones móviles.
N’avientu del 2020 la XDLA presentó l'𝘐𝘯𝘧𝘰𝘳𝘮𝘦 𝘴𝘰𝘣𝘳𝘦 𝘭’𝘪𝘯𝘤𝘶𝘮𝘱𝘭𝘪𝘮𝘪𝘦𝘯𝘵𝘶 𝘥𝘦 𝘭𝘢 𝘵𝘰𝘱𝘰𝘯𝘪𝘮𝘪𝘢 𝘰𝘧𝘪𝘤𝘪𝘢𝘭 𝘯𝘢 𝘳𝘦𝘥𝘦 𝘥𝘦 𝘧𝘦𝘳𝘳𝘰𝘤𝘢𝘳𝘳𝘪𝘭 𝘥’𝘈𝘴𝘵𝘶𝘳𝘪𝘦𝘴 (https://t.co/peaW0clf2Q).
En febreru del 2021, tuvimos la oportunidá de presentá-ylu al director xeneral de Política Llingüística, Antón García, que mostró interés nél y comprometióse a trabayar col Ministeriu de Tresportes pa que se respetare lo más rápido posible la toponimia oficial.
Como resultáu d’esi procesu, empezaron a vese los topónimos oficiales nes pantalles informatives de munches estaciones de la rede y tamién nos cartelos esquemáticos d’horarios n’apeaderos y estaciones. Sicasí, esti avance nun ta presente en toles instalaciones: por exemplu, nes estaciones d’Uviéu y Xixón les pantalles de RENFE nun respeten la toponimia oficial y les de FEVE, sí. Tampoco detectemos tovía que s’use nes pantalles y avisos sonoros dientro de los trenes.
Un campu con muncha difusión y al que tovía nun llegó la normalización toponímica son les aplicaciones móviles oficiales de les dos compañíes (ADIF y Renfe Cercanías), les páxines webs (nel casu de les Cercaníes Renfe nun hai presencia nenguna de la toponimia oficial; nel casu de FEVE, sí apaez nel buscador d’estaciones pero de manera incorrecta porque figura a continuación de la forma que yá nun ye oficial) y les redes sociales.
El papel de la Viceconseyería d’Infraestructures
La Viceconseyería d’Infraestructures, Movilidá y Territoriu, dependiente de la Conseyería de Mediu Rural y Cohesión Territorial, xestiona’l Consorciu de Tresportes d’Asturies (CTA), entidá que manexa cientos de topónimos na so actividá diaria en vehículos, anuncios, señales, horarios, web, etc. Sicasí, depués de cuasi venti años de la oficialización de los primeros topónimos, el CTA sigue incumpliendo la llegalidá toponímica. Cuando na señalización de carreteres de titularidá autonómica se tán respetando les denominaciones oficiales, resulta inesplicable esi desdexamientu por parte de los responsables políticos. Ye fundamental el papel de normalización social que xuega una entidá que xestiona la movilidá de cientos de miles de persones usuaries. El Gobiernu asturianu, si de verdá quier demostrar el so compromisu cola recuperación toponímica, tendría que dase cuenta de la importancia que la CTA tien nesti aspectu. Ye una de les munches coses que’l Gobiernu d’Adrián Barbón podía tener feches yá nesta llexislatura. Nun ye cuestión de consensos nin d’amabilidaes. Trátase de cumplir cola llegalidá.
La organización recuerda que la Viceconseyería d’Infraestructures y el CTA tienen un papel fundamental na normalización toponímica
Depués de facese un añu dende qu’ADIF (xestora de la infraestructura ferroviaria) y RENFE (operadora de la rede de ferrocarril) empezaren a usar la toponimia oficial d’Asturies, la Xunta pola Defensa de la Llingua Asturiana (XDLA) pide a dambes entidaes un usu más rigorosu y integral, con atención especial a les redes sociales, páxines webs y aplicaciones móviles.
N’avientu del 2020 la XDLA presentó l'𝘐𝘯𝘧𝘰𝘳𝘮𝘦 𝘴𝘰𝘣𝘳𝘦 𝘭’𝘪𝘯𝘤𝘶𝘮𝘱𝘭𝘪𝘮𝘪𝘦𝘯𝘵𝘶 𝘥𝘦 𝘭𝘢 𝘵𝘰𝘱𝘰𝘯𝘪𝘮𝘪𝘢 𝘰𝘧𝘪𝘤𝘪𝘢𝘭 𝘯𝘢 𝘳𝘦𝘥𝘦 𝘥𝘦 𝘧𝘦𝘳𝘳𝘰𝘤𝘢𝘳𝘳𝘪𝘭 𝘥’𝘈𝘴𝘵𝘶𝘳𝘪𝘦𝘴 (https://t.co/peaW0clf2Q).
En febreru del 2021, tuvimos la oportunidá de presentá-ylu al director xeneral de Política Llingüística, Antón García, que mostró interés nél y comprometióse a trabayar col Ministeriu de Tresportes pa que se respetare lo más rápido posible la toponimia oficial.
Como resultáu d’esi procesu, empezaron a vese los topónimos oficiales nes pantalles informatives de munches estaciones de la rede y tamién nos cartelos esquemáticos d’horarios n’apeaderos y estaciones. Sicasí, esti avance nun ta presente en toles instalaciones: por exemplu, nes estaciones d’Uviéu y Xixón les pantalles de RENFE nun respeten la toponimia oficial y les de FEVE, sí. Tampoco detectemos tovía que s’use nes pantalles y avisos sonoros dientro de los trenes.
Un campu con muncha difusión y al que tovía nun llegó la normalización toponímica son les aplicaciones móviles oficiales de les dos compañíes (ADIF y Renfe Cercanías), les páxines webs (nel casu de les Cercaníes Renfe nun hai presencia nenguna de la toponimia oficial; nel casu de FEVE, sí apaez nel buscador d’estaciones pero de manera incorrecta porque figura a continuación de la forma que yá nun ye oficial) y les redes sociales.
El papel de la Viceconseyería d’Infraestructures
La Viceconseyería d’Infraestructures, Movilidá y Territoriu, dependiente de la Conseyería de Mediu Rural y Cohesión Territorial, xestiona’l Consorciu de Tresportes d’Asturies (CTA), entidá que manexa cientos de topónimos na so actividá diaria en vehículos, anuncios, señales, horarios, web, etc. Sicasí, depués de cuasi venti años de la oficialización de los primeros topónimos, el CTA sigue incumpliendo la llegalidá toponímica. Cuando na señalización de carreteres de titularidá autonómica se tán respetando les denominaciones oficiales, resulta inesplicable esi desdexamientu por parte de los responsables políticos. Ye fundamental el papel de normalización social que xuega una entidá que xestiona la movilidá de cientos de miles de persones usuaries. El Gobiernu asturianu, si de verdá quier demostrar el so compromisu cola recuperación toponímica, tendría que dase cuenta de la importancia que la CTA tien nesti aspectu. Ye una de les munches coses que’l Gobiernu d’Adrián Barbón podía tener feches yá nesta llexislatura. Nun ye cuestión de consensos nin d’amabilidaes. Trátase de cumplir cola llegalidá.
Google Docs
[AST] Informe Toponimia Ferrocarril.pdf
LA XUNTA POLA DEFENSA DE LA LLINGUA ASTURIANA DENUNCIA LA DESAPAICIÓN DEL ASTURIANU DE LA CASA DE LAS
LENGUAS
La XDLA denuncia otru ataque más a la llingua asturiana dientro de la Universidá d'Uviéu, onde l'asturianu desapaez de la ufierta formativa d'idiomes de La Casa de las Lenguas. La organización alvierte de que, sele que sele, siguen les aiciones escontra la cultura asturiana dende que llegó'l nuevu rectoráu al mandu de la Institución académica.
Dende la XDLA fai un llamáu al nuevu equipu rectoral pa que dexe de vulnerar los drechos llingüísticos de la sociedá que vienen marcaos nel estatutu d’autonomía, la llei d’usu y promoción del asturianu y los propios estatutos de la universidá.
LENGUAS
La XDLA denuncia otru ataque más a la llingua asturiana dientro de la Universidá d'Uviéu, onde l'asturianu desapaez de la ufierta formativa d'idiomes de La Casa de las Lenguas. La organización alvierte de que, sele que sele, siguen les aiciones escontra la cultura asturiana dende que llegó'l nuevu rectoráu al mandu de la Institución académica.
Dende la XDLA fai un llamáu al nuevu equipu rectoral pa que dexe de vulnerar los drechos llingüísticos de la sociedá que vienen marcaos nel estatutu d’autonomía, la llei d’usu y promoción del asturianu y los propios estatutos de la universidá.
LA XDLA DENUNCIA QUE RPA LLEVA ENSIN EMITIR EL BOLETÍN INFORMATIVU DIARIU N'ASTURIANU DENDE'L 27 D'OCHOBRE
·La organización reclama la dimisión de Francisco Orejas y el so equipu directivu énte los pasos atrás de contino nel usu del asturianu en RTPA
La Xunta pola Defensa de la Llingua (XDLA) denuncia que la Radio Televisión del Principáu d'Asturies (RTPA) lleva ensin emitir dende'l 27 d'ochobre pasáu l'únicu espaciu informativu que producía, 'Les noticies n'asturianu'. Tratábase d'un espaciu de diez minutos n'asturianu que s'emitía de llunes a vienres na RPA a les 12.00 hores. La so desaparición vien a sumase a los pasos atrás que dio l'asturianu na RTPA nesta llexislatura, na que nun se dobló nenguna película o serie de dibuxos animaos y tampoco nun se retresmitió nengún partíu de fútbol n'asturianu, iniciatives éstes que, con too, siempre se programaron de forma simbólica y anecdótica, ensin nenguna continuidá.
Hai selmanes, el director xeneral de RTPA, Francisco Orejas, anunció que nos meses vinientes diba incorporase de forma “gradual” l'asturianu a 'TPA Noticias' cola emisión de dalguna pieza del informativu. Agora, depués de 16 años d'emisión, dicen que tán estudiando cómo introducir l'asturianu nos informativos de TPA, pero al empar desaparez el noticieru n'asturianu de RPA. La situación muestra que l'anunciu d'Orejas nun ye más qu'una cortina de fumu pa disimular una programación qu'incumple la Llei d'Usu y los principios rectores de RTPA, que señalen que l'asturianu ha tar presente nel so funcionamientu normal como reflexu de la garantía del derechu de la ciudadanía a disponer de medios de comunicación social n'asturianu.
Quiciás d'equí a un añu veamos a Orejas diciendo que 'TPA Noticias' nun pue emitir información n'asturianu porque nun tienen redactores formaos pa facelo -anque sí los hai pa dar la información metereolóxica y el fútbol n'asturianu, pero tampoco nun se fai-. Nel 2005, la XDLA yá avisó que la convocatoria pública de pruebes selectives pa trabayadores de RTPA, onde nun se valoraba como méritu puntuable'l conocimientu d'asturianu, suponía que diba conformase una plantiya ensin la garantía de que l'idioma tuviera una presencia mínima. Nesti tiempu tampoco nun miraron de planificar la formación llingüística de xente de la plantiya interesao pa llevar a la práctica eses obligaciones que tien l'ente públicu pa col idioma.
La XDLA quier recordar que RTPA cuesta cada añu millones d'euros a los asturianos y, anque ye verdá que ye una de les cadenes más barates, eso nun pue valir como sida pa incumplir la llexislación y dexar de llau la llingua y la cultura asturiana. Si la dirección de RTPA nun sabe o nun quier xestionar unos medios públicos comprometíos cola medría de les nuestres industries culturales, cola normalización llingüística y cola promoción del nuestru patrimoniu, ye'l momentu de que los sos responsables dimitan. Asturies, la so cultura, la so llingua y la so industria audiovisual nun puen esperar otros 16 años.
·La organización reclama la dimisión de Francisco Orejas y el so equipu directivu énte los pasos atrás de contino nel usu del asturianu en RTPA
La Xunta pola Defensa de la Llingua (XDLA) denuncia que la Radio Televisión del Principáu d'Asturies (RTPA) lleva ensin emitir dende'l 27 d'ochobre pasáu l'únicu espaciu informativu que producía, 'Les noticies n'asturianu'. Tratábase d'un espaciu de diez minutos n'asturianu que s'emitía de llunes a vienres na RPA a les 12.00 hores. La so desaparición vien a sumase a los pasos atrás que dio l'asturianu na RTPA nesta llexislatura, na que nun se dobló nenguna película o serie de dibuxos animaos y tampoco nun se retresmitió nengún partíu de fútbol n'asturianu, iniciatives éstes que, con too, siempre se programaron de forma simbólica y anecdótica, ensin nenguna continuidá.
Hai selmanes, el director xeneral de RTPA, Francisco Orejas, anunció que nos meses vinientes diba incorporase de forma “gradual” l'asturianu a 'TPA Noticias' cola emisión de dalguna pieza del informativu. Agora, depués de 16 años d'emisión, dicen que tán estudiando cómo introducir l'asturianu nos informativos de TPA, pero al empar desaparez el noticieru n'asturianu de RPA. La situación muestra que l'anunciu d'Orejas nun ye más qu'una cortina de fumu pa disimular una programación qu'incumple la Llei d'Usu y los principios rectores de RTPA, que señalen que l'asturianu ha tar presente nel so funcionamientu normal como reflexu de la garantía del derechu de la ciudadanía a disponer de medios de comunicación social n'asturianu.
Quiciás d'equí a un añu veamos a Orejas diciendo que 'TPA Noticias' nun pue emitir información n'asturianu porque nun tienen redactores formaos pa facelo -anque sí los hai pa dar la información metereolóxica y el fútbol n'asturianu, pero tampoco nun se fai-. Nel 2005, la XDLA yá avisó que la convocatoria pública de pruebes selectives pa trabayadores de RTPA, onde nun se valoraba como méritu puntuable'l conocimientu d'asturianu, suponía que diba conformase una plantiya ensin la garantía de que l'idioma tuviera una presencia mínima. Nesti tiempu tampoco nun miraron de planificar la formación llingüística de xente de la plantiya interesao pa llevar a la práctica eses obligaciones que tien l'ente públicu pa col idioma.
La XDLA quier recordar que RTPA cuesta cada añu millones d'euros a los asturianos y, anque ye verdá que ye una de les cadenes más barates, eso nun pue valir como sida pa incumplir la llexislación y dexar de llau la llingua y la cultura asturiana. Si la dirección de RTPA nun sabe o nun quier xestionar unos medios públicos comprometíos cola medría de les nuestres industries culturales, cola normalización llingüística y cola promoción del nuestru patrimoniu, ye'l momentu de que los sos responsables dimitan. Asturies, la so cultura, la so llingua y la so industria audiovisual nun puen esperar otros 16 años.
La XDLA reclama que les rutes dixitales de Xixón incorporen l'asturianu
La Xunta pola Defensa de la Llingua Asturiana (XDLA) reclama que la ruta nueva de realidá aumentada del Muséu del Pueblu d'Asturies (MPA) incorpore la llingua asturiana. Esta ruta, dirixida pa la reciella y qu'utiliza a los seres mitolóxicos pa mostrar los espacios del recintu xixonés, ta disponible en castellanu, inglés y francés.
Trátase de la cuarta ruta de realidá aumentada que ponen en marcha dende'l Conceyu depués de 'Cimavilla AR', 'Gijón/Xixón entre siglos AR' y 'Los secretos del Botánico', a les qu'hai que sumar les apps 'Gijón romano' y 'Gijonomía'. Toes elles permiten l'usu del castellanu, inglés y francés, pero non l'asturianu.
Pa la XDLA, llama l'atención que nel casu de la ruta pel MPA s'use una parte tan importante de la cultura asturiana como ye la mitoloxía pa conocer, amás, un espaciu tan vinculáu a la nuestra identidá, y que depués se marxine'l nuestru patrimoniu llingüísticu. Ye tovía más ablucante la situación cuando ye una ruta dixirida a neñes y neños, un sector de la población fundamental pa la normalización.
Dellos estudios del Conceyu de Xixón recomendaron l'usu de la llingua propia como ferramienta de diferenciación nes iniciatives turístiques. Por eso, la organización reclama la incorporación del asturianu a les rutes dixitales y apps de Xixón, amás d'una política de discriminación positiva hacia l'idioma nestes iniciatives. El Conceyu dispón d'un Serviciu de Normalización Llingüística precisamente pa dar respuesta a esa clas de necesidaes, lo que fai entá más inesplicable esta marxinación de la nuestra llingua.
La Xunta pola Defensa de la Llingua Asturiana (XDLA) reclama que la ruta nueva de realidá aumentada del Muséu del Pueblu d'Asturies (MPA) incorpore la llingua asturiana. Esta ruta, dirixida pa la reciella y qu'utiliza a los seres mitolóxicos pa mostrar los espacios del recintu xixonés, ta disponible en castellanu, inglés y francés.
Trátase de la cuarta ruta de realidá aumentada que ponen en marcha dende'l Conceyu depués de 'Cimavilla AR', 'Gijón/Xixón entre siglos AR' y 'Los secretos del Botánico', a les qu'hai que sumar les apps 'Gijón romano' y 'Gijonomía'. Toes elles permiten l'usu del castellanu, inglés y francés, pero non l'asturianu.
Pa la XDLA, llama l'atención que nel casu de la ruta pel MPA s'use una parte tan importante de la cultura asturiana como ye la mitoloxía pa conocer, amás, un espaciu tan vinculáu a la nuestra identidá, y que depués se marxine'l nuestru patrimoniu llingüísticu. Ye tovía más ablucante la situación cuando ye una ruta dixirida a neñes y neños, un sector de la población fundamental pa la normalización.
Dellos estudios del Conceyu de Xixón recomendaron l'usu de la llingua propia como ferramienta de diferenciación nes iniciatives turístiques. Por eso, la organización reclama la incorporación del asturianu a les rutes dixitales y apps de Xixón, amás d'una política de discriminación positiva hacia l'idioma nestes iniciatives. El Conceyu dispón d'un Serviciu de Normalización Llingüística precisamente pa dar respuesta a esa clas de necesidaes, lo que fai entá más inesplicable esta marxinación de la nuestra llingua.
LA XDLA RECLAMA LA INCORPORACIÓN DEL ASTURIANU A LES AUDIOGUÍES DEL CONVENTÍN DE VALDEDIÓS
La Xunta pola Defensa de la Llingua Asturiana (XDLA) reclama que les audioguíes nueves pa les visites al Conventín de Valdediós incorporen l'asturianu. L'itinerariu, que percuerre los caminos esteriores del conxuntu, pue sentise en castellanu, inglés, francés y alemán, pero non n'asturianu.
Pa la XDLA, ye ablucante qu'un espaciu dependiente del Principáu, y más en concreto de la Conseyería de Cultura, Política Llingüística y Turismu, dexe de llau'l nuestru idioma. Esti mesmu xueves, la conseyera Berta Piñán afirmaba na Xunta Xeneral que l'Executivu autonómicu tenía una estratexa turística y recursos pa ponela en marcha. Paez que, nesti casu, dientro d'esa estratexa turística nun tenía espaciu'l nuestru patrimoniu llingüísticu.
Dellos estudios recomienden l'usu de la llingua propia como ferramienta de diferenciación nes iniciatives turístiques. Por eso, la organización reclama la incorporación del asturianu en toles audioguíes disponibles, amás de na cartelería y nos cartafueyos informativos, de los equipamientos culturales dependientes de la Conseyería de Cultura, Política Llingüística y Turismu.
Casos como'l d'esta audioguía son exemplos de la situación de precariedá que vive'l nuestru idioma y de lo necesario d'una política de normalización llingüística sistemática y ambiciosa, qu'otra vuelta ye evidente que, más allá de palabres guapes, sigue faltando.
La Xunta pola Defensa de la Llingua Asturiana (XDLA) reclama que les audioguíes nueves pa les visites al Conventín de Valdediós incorporen l'asturianu. L'itinerariu, que percuerre los caminos esteriores del conxuntu, pue sentise en castellanu, inglés, francés y alemán, pero non n'asturianu.
Pa la XDLA, ye ablucante qu'un espaciu dependiente del Principáu, y más en concreto de la Conseyería de Cultura, Política Llingüística y Turismu, dexe de llau'l nuestru idioma. Esti mesmu xueves, la conseyera Berta Piñán afirmaba na Xunta Xeneral que l'Executivu autonómicu tenía una estratexa turística y recursos pa ponela en marcha. Paez que, nesti casu, dientro d'esa estratexa turística nun tenía espaciu'l nuestru patrimoniu llingüísticu.
Dellos estudios recomienden l'usu de la llingua propia como ferramienta de diferenciación nes iniciatives turístiques. Por eso, la organización reclama la incorporación del asturianu en toles audioguíes disponibles, amás de na cartelería y nos cartafueyos informativos, de los equipamientos culturales dependientes de la Conseyería de Cultura, Política Llingüística y Turismu.
Casos como'l d'esta audioguía son exemplos de la situación de precariedá que vive'l nuestru idioma y de lo necesario d'una política de normalización llingüística sistemática y ambiciosa, qu'otra vuelta ye evidente que, más allá de palabres guapes, sigue faltando.
LA XDLA RECLAMA RECOYER NOS PRESUPUESTOS POLÍTIQUES CLARES A FAVOR DEL ASTURIANU Y DEL GALLEGO-ASTURIANU
El casu de Xicu Ilesies muestra les consecuencies de la falta de derechos llingüísticos que sufrimos los asturfalantes
La Xunta pola Defensa de la Llingua Asturiana reclama al Gobiernu autonómicu y a toles formaciones polítiques con representación parllamentaria qu'entiendan d'una vez la llingua y la cultura asturiana como un exe prioritariu pal futuru y entamen midíes proactives p'asegurar el so futuru. Estes van tener que vese nos presupuestos autonómicos pal 2023.
La organización, pola mor del debate sobre los cuentes na Xunta Xeneral, quier recordar que'l sector de la industria de la llingua axunta a profesoráu, investigadores, escritores, programadores, actores, periodistes, músicos, llingüistes, traductores y profesionales técnicos de dellos ámbitos, ente otros.
Por eso, más allá de les partíes contemplaes pa la política llingüística y les enmiendes posibles que presenten los grupos parllamentarios, la XDLA quier recordar que l'asturianu sigue ensin ser llingua vehícular nes escueles y que, nesi sentíu, nesta llexislatura la presencia del idioma dio pasos atrás cola fin del Plan Pilotu d'Asturianu que se punxera en marcha col Executivu de Javier Fernández.
Otra manera, TPA sigue ensin emitir dibuxos animaos n'asturianu y nun hai informativos nin retresmisiones deportives nel nuestru idioma, mentes que nestos momentos RPA nun tien conteníos específicos sobre música asturiana. Ye más, los minutos radiaos nesti idioma puen contase lliteralmente colos deos d'una mano.
Esta situación y el casu de Xicu Ilesies -al que la xusticia nun permitió rexistrar el nome y los apellíos na so llingua materna- muestra que'l derechu a usar l'asturianu nun ta reconocíu nesta comunidá autónoma. La XDLA quier recordar la responsabilidá que tienen les alministraciones públiques, pero tamién los grupos parllamentarios, en toes estes cuestiones, polo que ye urxente que dende los medios de comunicación públicos y dende'l sistema educativu se tomen midíes proactives a favor del usu de les nuestres llingües propies.
Y too esto tien que facese independientemente del llugar de residencia, situación socioeconómica, orixe o entornu sociollingüísticu. Quier dicise, l'asturianu y el gallego-asturianu tienen que ser non solo un patrimoniu cultural sinón tamién un símbolu de cohesión social ente asturianes y asturianos. Pa eso, el curriculu educativu tien qu'incluyir l'asturianu y el gallego-asturianu, amás de la cultura asturiana, como exes vertebradores.
Nesi sentíu, a pesar de les palabres guapes hacia'l patrimoniu llingüísticu que vienen dende los dirixentes de la FSA-PSOE, los presupuestos nun contemplen partíes pa fortalecer la Dirección Xeneral de Política Llingüística con más filólogos y traductores pa encarar les iniciatives normalizadores na Alministración pública, tanto nel so personal como nes sos campañes, publicaciones y webs. La Dirección Xeneral de Política Llingüística nun pue convertise nuna axencia de subcontratación al meyor postor onde se premien los proyectos más baratos perriba de la so calidá o repercusión.
Como tolos años, la XDLA vuelve insistir en que destinar 100.000 de Política Llingüística -que yá supón namás el 0,4 % de toles cuentes- vaiga pa RTPA, que tien 27 millones d'euros de la Conseyería de Presidencia, ye dir contra l'Estatutu, la Llei d'Usu y la mesma llei de creación de RTPA, normes qu'establecen que los medios públicos tienen que ser una parte activa nel procesu de recuperación del patrimoniu llingüísticu del país.
Por eso, la XDLA reclama a la Conseyería de Cultura qu'esa partida se destine a firmar un conveniu de collaboración con RTPA pa la creación d'un Serviciu Asturianu de Doblaxe y Traducción, destináu sobre manera a nutrir de dibuxos animaos a la canal pública y qu'estos productos valgan como apoyu a la enseñanza d'esti idioma.
El casu de Xicu Ilesies muestra les consecuencies de la falta de derechos llingüísticos que sufrimos los asturfalantes
La Xunta pola Defensa de la Llingua Asturiana reclama al Gobiernu autonómicu y a toles formaciones polítiques con representación parllamentaria qu'entiendan d'una vez la llingua y la cultura asturiana como un exe prioritariu pal futuru y entamen midíes proactives p'asegurar el so futuru. Estes van tener que vese nos presupuestos autonómicos pal 2023.
La organización, pola mor del debate sobre los cuentes na Xunta Xeneral, quier recordar que'l sector de la industria de la llingua axunta a profesoráu, investigadores, escritores, programadores, actores, periodistes, músicos, llingüistes, traductores y profesionales técnicos de dellos ámbitos, ente otros.
Por eso, más allá de les partíes contemplaes pa la política llingüística y les enmiendes posibles que presenten los grupos parllamentarios, la XDLA quier recordar que l'asturianu sigue ensin ser llingua vehícular nes escueles y que, nesi sentíu, nesta llexislatura la presencia del idioma dio pasos atrás cola fin del Plan Pilotu d'Asturianu que se punxera en marcha col Executivu de Javier Fernández.
Otra manera, TPA sigue ensin emitir dibuxos animaos n'asturianu y nun hai informativos nin retresmisiones deportives nel nuestru idioma, mentes que nestos momentos RPA nun tien conteníos específicos sobre música asturiana. Ye más, los minutos radiaos nesti idioma puen contase lliteralmente colos deos d'una mano.
Esta situación y el casu de Xicu Ilesies -al que la xusticia nun permitió rexistrar el nome y los apellíos na so llingua materna- muestra que'l derechu a usar l'asturianu nun ta reconocíu nesta comunidá autónoma. La XDLA quier recordar la responsabilidá que tienen les alministraciones públiques, pero tamién los grupos parllamentarios, en toes estes cuestiones, polo que ye urxente que dende los medios de comunicación públicos y dende'l sistema educativu se tomen midíes proactives a favor del usu de les nuestres llingües propies.
Y too esto tien que facese independientemente del llugar de residencia, situación socioeconómica, orixe o entornu sociollingüísticu. Quier dicise, l'asturianu y el gallego-asturianu tienen que ser non solo un patrimoniu cultural sinón tamién un símbolu de cohesión social ente asturianes y asturianos. Pa eso, el curriculu educativu tien qu'incluyir l'asturianu y el gallego-asturianu, amás de la cultura asturiana, como exes vertebradores.
Nesi sentíu, a pesar de les palabres guapes hacia'l patrimoniu llingüísticu que vienen dende los dirixentes de la FSA-PSOE, los presupuestos nun contemplen partíes pa fortalecer la Dirección Xeneral de Política Llingüística con más filólogos y traductores pa encarar les iniciatives normalizadores na Alministración pública, tanto nel so personal como nes sos campañes, publicaciones y webs. La Dirección Xeneral de Política Llingüística nun pue convertise nuna axencia de subcontratación al meyor postor onde se premien los proyectos más baratos perriba de la so calidá o repercusión.
Como tolos años, la XDLA vuelve insistir en que destinar 100.000 de Política Llingüística -que yá supón namás el 0,4 % de toles cuentes- vaiga pa RTPA, que tien 27 millones d'euros de la Conseyería de Presidencia, ye dir contra l'Estatutu, la Llei d'Usu y la mesma llei de creación de RTPA, normes qu'establecen que los medios públicos tienen que ser una parte activa nel procesu de recuperación del patrimoniu llingüísticu del país.
Por eso, la XDLA reclama a la Conseyería de Cultura qu'esa partida se destine a firmar un conveniu de collaboración con RTPA pa la creación d'un Serviciu Asturianu de Doblaxe y Traducción, destináu sobre manera a nutrir de dibuxos animaos a la canal pública y qu'estos productos valgan como apoyu a la enseñanza d'esti idioma.
LA XDLA ESIXE QUE SE COMPLETE LA NORMALIZACIÓN TOPONÍMICA NA REDE DE FERROCARRILES D'ASTURIES
L’aplicación de CTA, "Conecta", acabante presentase, tampoco nun respeta dafechu los topónimos oficiales
N’avientu del 2020 la Xunta pola Defensa de la Llingua Asturiana (XDLA) presentó l’Informe sobre l’incumplimientu de la toponimia oficial na rede de ferrocarril d’Asturies. Depués de la so difusión y d’una reunión col director xeneral de Política Llingüística, Antón García, tuvimos el compromisu de l’Alministración de que diba facer tolos posibles por entainar col procesu d’actualización de la toponimia nesi ámbitu (en dalgunos casos, con formes que yá nun yeren les llegales dende diba cuasi dos décades, como les de los conceyos de Ḷḷena, Xixón o Llangréu). Nos postreros meses vimos avances como l’usu de la toponimia na mayoría de pantalles informatives d’apeaderos y estaciones, na cartelería d’horarios y na renovación de paneles y estructures en delles estaciones. Sicasí, l’usu de la toponimia nun se ta faciendo dafechu y, dacuando, ye incompleta y incorrecta, como yá denunció la XDLA esti branu. Amás, l’usu dientro de los trenes, en megafonía, redes sociales, páxines webs y aplicaciones móviles ye, hasta agora, inexistente. Esiximos qu’esta actualización seya una realidá nestos primeros meses del 2023 y que se faiga dafechu, como se supón del trabayu d’empreses del tamañu de RENFE o ADIF.
Otra manera, esti compromisu de normalización toponímica nes empreses estatales de tresporte de viaxeros paez que nun lu cumple la propia Alministración asturiana nesti mesmu ámbitu. Na aplicación ConeCTA qu’acaba de llanzar el Consorciu de Tresportes d’Asturies (CTA), l’usu de la toponimia oficial ye incorrectu: como nel casu d’ADIF y RENFE, ye parcial y arbitrariu. Hai meses qu’esti serviciu, adscritu a la Conseyería de Mediu Rural y Cohesión Territorial, estrenó una web nueva qu’usa les bases de datos del CTA ensin revisar y qu’entemez toponimos oficiales con toponimos non oficiales, mesmu problema que tamién tien l’aplicación llanzada. Nun pue ponese de sida que la Conseyería vaiga sacar nun futuru (ensin fecha) una versión n’asturianu de l’aplicación: la toponimia oficial nun tien que ver cola llingua usada, sinón col respetu a la llegalidá. Y la llegalidá toponímica en dellos casos ta nel BOPA, como se dixo, dende hai décades.
Un ente públicu nun pue demostrar un despreciu pola llegalidá asina. Nun se pue sacar una aplicación, una páxina web o un cartelu si nun se revisa primero dalgo tán esencial como’l nome llegal de los llugares. ¿Cuántu tiempu diben tardar n’iguar una errata escandalosa qu’apaeciere nesos soportes? Pos más importante ye solucionar d’una vez la vulneración de la llegalidá toponímica que se da de contino nel tresporte de viaxeros. Plasma qu’entidaes de la trescendencia social d’ADIF o CTA, a les que se presupón una profesionalidá nel trabayu, nel casu de l’adaptación de la toponimia la so xera siga siendo mui meyorable. Podíen llevar décades siendo axentes principales na normalización toponímica y tán llegando tarde y con desgana a esti procesu.
L’aplicación de CTA, "Conecta", acabante presentase, tampoco nun respeta dafechu los topónimos oficiales
N’avientu del 2020 la Xunta pola Defensa de la Llingua Asturiana (XDLA) presentó l’Informe sobre l’incumplimientu de la toponimia oficial na rede de ferrocarril d’Asturies. Depués de la so difusión y d’una reunión col director xeneral de Política Llingüística, Antón García, tuvimos el compromisu de l’Alministración de que diba facer tolos posibles por entainar col procesu d’actualización de la toponimia nesi ámbitu (en dalgunos casos, con formes que yá nun yeren les llegales dende diba cuasi dos décades, como les de los conceyos de Ḷḷena, Xixón o Llangréu). Nos postreros meses vimos avances como l’usu de la toponimia na mayoría de pantalles informatives d’apeaderos y estaciones, na cartelería d’horarios y na renovación de paneles y estructures en delles estaciones. Sicasí, l’usu de la toponimia nun se ta faciendo dafechu y, dacuando, ye incompleta y incorrecta, como yá denunció la XDLA esti branu. Amás, l’usu dientro de los trenes, en megafonía, redes sociales, páxines webs y aplicaciones móviles ye, hasta agora, inexistente. Esiximos qu’esta actualización seya una realidá nestos primeros meses del 2023 y que se faiga dafechu, como se supón del trabayu d’empreses del tamañu de RENFE o ADIF.
Otra manera, esti compromisu de normalización toponímica nes empreses estatales de tresporte de viaxeros paez que nun lu cumple la propia Alministración asturiana nesti mesmu ámbitu. Na aplicación ConeCTA qu’acaba de llanzar el Consorciu de Tresportes d’Asturies (CTA), l’usu de la toponimia oficial ye incorrectu: como nel casu d’ADIF y RENFE, ye parcial y arbitrariu. Hai meses qu’esti serviciu, adscritu a la Conseyería de Mediu Rural y Cohesión Territorial, estrenó una web nueva qu’usa les bases de datos del CTA ensin revisar y qu’entemez toponimos oficiales con toponimos non oficiales, mesmu problema que tamién tien l’aplicación llanzada. Nun pue ponese de sida que la Conseyería vaiga sacar nun futuru (ensin fecha) una versión n’asturianu de l’aplicación: la toponimia oficial nun tien que ver cola llingua usada, sinón col respetu a la llegalidá. Y la llegalidá toponímica en dellos casos ta nel BOPA, como se dixo, dende hai décades.
Un ente públicu nun pue demostrar un despreciu pola llegalidá asina. Nun se pue sacar una aplicación, una páxina web o un cartelu si nun se revisa primero dalgo tán esencial como’l nome llegal de los llugares. ¿Cuántu tiempu diben tardar n’iguar una errata escandalosa qu’apaeciere nesos soportes? Pos más importante ye solucionar d’una vez la vulneración de la llegalidá toponímica que se da de contino nel tresporte de viaxeros. Plasma qu’entidaes de la trescendencia social d’ADIF o CTA, a les que se presupón una profesionalidá nel trabayu, nel casu de l’adaptación de la toponimia la so xera siga siendo mui meyorable. Podíen llevar décades siendo axentes principales na normalización toponímica y tán llegando tarde y con desgana a esti procesu.
LA XUNTA POLA DEFENSA DE LA LLINGUA ASTURIANA ENTAMA UN CURSU D'ASTURIANU NIVEL BÁSICU N'UVIÉU
El cursu empieza’l xueves 16 de febreru, nel local de l'asociación, na cai Cimavilla 15, escalera A, 1.u C. L'horariu va ser de 19.00 a 21.00 hores, los martes y xueves.
Esti cursu tien 20 hores de duración y ta dirixíu sobre manera a persones adultes. Nél, los alumnos y alumnes van poder deprender el bon usu del idioma tanto a nivel escritu como oral. El preciu de la matrícula completa ye de 30 euros, incluyendo tol material.
Toles persones interesaes puen apuntase mandando un mail a la dirección: info@exunta.org.
Les places son llimitaes y l’últimu día p’apuntase ye’l miércoles 15 de febreru.
La XDLA ye una entidá acreitada pola Conseyería d’Educación pa la formación permanente del profesoráu.
El cursu empieza’l xueves 16 de febreru, nel local de l'asociación, na cai Cimavilla 15, escalera A, 1.u C. L'horariu va ser de 19.00 a 21.00 hores, los martes y xueves.
Esti cursu tien 20 hores de duración y ta dirixíu sobre manera a persones adultes. Nél, los alumnos y alumnes van poder deprender el bon usu del idioma tanto a nivel escritu como oral. El preciu de la matrícula completa ye de 30 euros, incluyendo tol material.
Toles persones interesaes puen apuntase mandando un mail a la dirección: info@exunta.org.
Les places son llimitaes y l’últimu día p’apuntase ye’l miércoles 15 de febreru.
La XDLA ye una entidá acreitada pola Conseyería d’Educación pa la formación permanente del profesoráu.
DISCURSU XXXVIII PREMIOS ANDRÉS SOLAR
L’añu que vien, la Xunta pola Defensa de la Llingua Asturiana fai cuarenta años. Ye muncha historia pa una organización ciudadana basada nel trabayu voluntariu y militante. Por desgracia, nesos cuarenta años de camín fomos perdiendo a compañeros y compañeres. El primeru, Andrés Solar.
Precisamente, tamos equí pa celebrar la última edición de los premios que llevaron el so nome y que se crearon pa recordalu. Foi él, a títulu póstumu, quien recibió’l primer pegollu, en 1985. D’entós p’acá, pasaron 37 ediciones nes que tentemos de siguir la regla non escrita de nun premiar a los que tábemos implicaos directamente na reivindicación llingüística. Ye verdá que non siempre fomos quién a ello porque hubo años duros (sábenlo bien los más vieyos) en que nun había muncho onde premiar.
Foron 37 ediciones nes que nunca faltó la familia d’Andrés. Y cuando la pandemia, fomos hasta Deva a da-yos el premiu precisamente a ellos. Lali y Jesús, añu tres d’añu, siempre ehí.
Sabéis de sobra que los tiempos y les circunstancies sociollingüístiques foron cambiando adulces. Los enemigos siguen siendo poderosos y mediáticos, pero, más allá de sobreactuaciones de señoritos d’estrema derecha, yá nun ye políticamente correcto despreciar l’asturianu. Empezaba a resultanos fadio siguir falando d’ellos cuando nos víemos nos Andrés Solar, así que cuando lu dimos a la familia aprovechemos pa dexar de dar el madreñazu, el premiu malu.
Nestes últimes décades, a partir de la figura d’Andrés Solar hubo homenaxes, ediciones póstumes, Selmanes de les Lletres, discos y, dende hai dos años, un premiu lliterariu instituyíu pol Conceyu de Xixón que lleva’l so nome. Les empreses qu’usen l’asturianu son cada vez más y yá ta anunciada la creación d’un distintivu institucional, Alfaya, pa reconoceles públicamente. Llevábemos un tiempu dándo-y vueltes a la idea de zarrar el ciclu d’estos premios. Paeciónos qu’anguaño yera’l momentu.
Recordaba a lo primero que nos foren dexando compañeros y compañeres militantes; Andrés el primeru. Pero depués dexónos Xesús, n’Uviéu, y Yolanda, equí en Xixón. Y va bien poco, tamién equí, Xuan. Si Andrés, de la primer fornada de militantes, abrió los premios, qué meyor que zarralos premiando simbólicamente col pegollu a tola xente que foi militante en dalgún momentu de la historia, llarga, de la Xunta.
Ta claro que nun tamos equí tolos que somos o fomos de la Xunta, pero tola xente que tamos echemos dacuando un gabitu, más grande o más pequeñu, pa llevantar esta organización. Unes persones tuveron más tiempu qu’otres, unes nos primeros años y otres nos actuales. Unes diseñando cartelos, otres apegándolos. Unes apurriendo idees y propuestes, y otres iguándoles y llevándoles a la práctica. Unes faciendo pancartes y otres llevándoles nes manifestaciones... Les más de les veces, faciéndolo too, pa qué nos vamos engañar. Qué vos voi cuntar que nun sepáis. En fin: qu’esti premiu ye un reconocimientu a tola xente de la Xunta, porque tol mundu foi y sigue siendo necesariu pa que la reivindicación siga viva.
Los enemigos de la sobrevivencia del nuestru idioma son pocos, pero tienen tol poder: tán nos conseyos d’alministración de los medios de comunicación, nel llamáu aparatu d’estáu, nes oligarquíes financieres y, hasta ayeri, nes cúpules de los partíos mayoritarios. Sí, hasta ayeri porque nos últimos años ganemos pa la causa de la oficialidá al PSOE. Nun nos pue cayer embaxo que nestos años non solo dimos el madreñazu a Rozada y a Ovidio Sánchez, del PP. Tamién a Vicente Álvarez Areces, a Jose Luis Iglesias Riopedre y a Javier Fernández Vallina, responsables destacadísimos del PSOE. Ye bultable cómo cambió de postura esti partíu, pero tamién ye exemplu claru de la incidencia na sociedá de la reivindicación sostenida un añu tres d’otru pol movimientu de recuperación y normalización de la llingua asturiana.
L’añu que vien, la Xunta pola Defensa de la Llingua Asturiana fai cuarenta años. Ye muncha historia pa una organización ciudadana basada nel trabayu voluntariu y militante. Por desgracia, nesos cuarenta años de camín fomos perdiendo a compañeros y compañeres. El primeru, Andrés Solar.
Precisamente, tamos equí pa celebrar la última edición de los premios que llevaron el so nome y que se crearon pa recordalu. Foi él, a títulu póstumu, quien recibió’l primer pegollu, en 1985. D’entós p’acá, pasaron 37 ediciones nes que tentemos de siguir la regla non escrita de nun premiar a los que tábemos implicaos directamente na reivindicación llingüística. Ye verdá que non siempre fomos quién a ello porque hubo años duros (sábenlo bien los más vieyos) en que nun había muncho onde premiar.
Foron 37 ediciones nes que nunca faltó la familia d’Andrés. Y cuando la pandemia, fomos hasta Deva a da-yos el premiu precisamente a ellos. Lali y Jesús, añu tres d’añu, siempre ehí.
Sabéis de sobra que los tiempos y les circunstancies sociollingüístiques foron cambiando adulces. Los enemigos siguen siendo poderosos y mediáticos, pero, más allá de sobreactuaciones de señoritos d’estrema derecha, yá nun ye políticamente correcto despreciar l’asturianu. Empezaba a resultanos fadio siguir falando d’ellos cuando nos víemos nos Andrés Solar, así que cuando lu dimos a la familia aprovechemos pa dexar de dar el madreñazu, el premiu malu.
Nestes últimes décades, a partir de la figura d’Andrés Solar hubo homenaxes, ediciones póstumes, Selmanes de les Lletres, discos y, dende hai dos años, un premiu lliterariu instituyíu pol Conceyu de Xixón que lleva’l so nome. Les empreses qu’usen l’asturianu son cada vez más y yá ta anunciada la creación d’un distintivu institucional, Alfaya, pa reconoceles públicamente. Llevábemos un tiempu dándo-y vueltes a la idea de zarrar el ciclu d’estos premios. Paeciónos qu’anguaño yera’l momentu.
Recordaba a lo primero que nos foren dexando compañeros y compañeres militantes; Andrés el primeru. Pero depués dexónos Xesús, n’Uviéu, y Yolanda, equí en Xixón. Y va bien poco, tamién equí, Xuan. Si Andrés, de la primer fornada de militantes, abrió los premios, qué meyor que zarralos premiando simbólicamente col pegollu a tola xente que foi militante en dalgún momentu de la historia, llarga, de la Xunta.
Ta claro que nun tamos equí tolos que somos o fomos de la Xunta, pero tola xente que tamos echemos dacuando un gabitu, más grande o más pequeñu, pa llevantar esta organización. Unes persones tuveron más tiempu qu’otres, unes nos primeros años y otres nos actuales. Unes diseñando cartelos, otres apegándolos. Unes apurriendo idees y propuestes, y otres iguándoles y llevándoles a la práctica. Unes faciendo pancartes y otres llevándoles nes manifestaciones... Les más de les veces, faciéndolo too, pa qué nos vamos engañar. Qué vos voi cuntar que nun sepáis. En fin: qu’esti premiu ye un reconocimientu a tola xente de la Xunta, porque tol mundu foi y sigue siendo necesariu pa que la reivindicación siga viva.
Los enemigos de la sobrevivencia del nuestru idioma son pocos, pero tienen tol poder: tán nos conseyos d’alministración de los medios de comunicación, nel llamáu aparatu d’estáu, nes oligarquíes financieres y, hasta ayeri, nes cúpules de los partíos mayoritarios. Sí, hasta ayeri porque nos últimos años ganemos pa la causa de la oficialidá al PSOE. Nun nos pue cayer embaxo que nestos años non solo dimos el madreñazu a Rozada y a Ovidio Sánchez, del PP. Tamién a Vicente Álvarez Areces, a Jose Luis Iglesias Riopedre y a Javier Fernández Vallina, responsables destacadísimos del PSOE. Ye bultable cómo cambió de postura esti partíu, pero tamién ye exemplu claru de la incidencia na sociedá de la reivindicación sostenida un añu tres d’otru pol movimientu de recuperación y normalización de la llingua asturiana.
Sí, los avances y los derechos nun vienen solos, nun caen d’un ñeru pega. Pa que’l pesu social del asturianu medrara, fixeron falta escritores, maestros y maestres, músicos y músiques, periodistes, empresarios, pero tamién tola ciudadanía, caún y caúna de nós falándolo, escribiéndolo. Y la espresión social de too eso precisa estructures organizatives que propongan, que denuncien, que faigan acciones reivindicatives pa que se llogren los derechos llingüísticos, pa que se llogre esa oficialidá que ye pasu necesariu pero que nun ye abondo pa garantizar la so sobrevivencia. Cantar n’asturianu, escribir n’asturianu o enseñar l’asturianu ye perimportante, pero cambiar el marcu xurídicu de la llingua precisa d’acciones sociopolítiques que presionen nesa dirección p’algamalo.
La reivindicación nun se sofita nel aire, necesita un movimientu que les fomente y les caltenga un añu tres d’otru, necesita organizaciones estables al traviés del tiempu que nun se casen con naide. La Xunta lleva camín de cuarenta años faciéndolo.
Nun somos un ente abstractu, somos persones voluntaries que nos ponemos d’alcuerdu nun trabayu y pal tiempu que seya y al nivel que cáun y caúna pueda y quiera. Eses persones necesaries pa que la organización siga llamámosles activistes o militantes. A esa militancia damos esti postrer premiu Andrés Solar.
Non por eso vamos escaecer a Andrés porque’l so recuerdu, anque munchos y munches nun lu conociéremos, sigue en cada actu militante que faigamos, en cada actividá, en cada denuncia, en cada manifestación pola oficialidá... como la del Día de les Lletres, el sábadu 6 de mayu. Porque sabemos que nada ta ganao na llei y que nada se va ganar si primero nun lo ganamos na cai. Por eso siguimos onde tamos y por eso la llucha y la reivindicación siguen.
Munches gracies a toes y a toos.
La reivindicación nun se sofita nel aire, necesita un movimientu que les fomente y les caltenga un añu tres d’otru, necesita organizaciones estables al traviés del tiempu que nun se casen con naide. La Xunta lleva camín de cuarenta años faciéndolo.
Nun somos un ente abstractu, somos persones voluntaries que nos ponemos d’alcuerdu nun trabayu y pal tiempu que seya y al nivel que cáun y caúna pueda y quiera. Eses persones necesaries pa que la organización siga llamámosles activistes o militantes. A esa militancia damos esti postrer premiu Andrés Solar.
Non por eso vamos escaecer a Andrés porque’l so recuerdu, anque munchos y munches nun lu conociéremos, sigue en cada actu militante que faigamos, en cada actividá, en cada denuncia, en cada manifestación pola oficialidá... como la del Día de les Lletres, el sábadu 6 de mayu. Porque sabemos que nada ta ganao na llei y que nada se va ganar si primero nun lo ganamos na cai. Por eso siguimos onde tamos y por eso la llucha y la reivindicación siguen.
Munches gracies a toes y a toos.
LA XUNTA POLA DEFENSA DE LA LLINGUA ASTURIANA ENTAMA UN CURSU D'ASTURIANU NIVEL AVANZÁU N'UVIÉU
La Xunta pola Defensa de la Llingua Asturiana entama un cursu d’afondamientu llingüísticu pa persones adultes de 20 hores de duración, onde los alumnos y alumnes van poder perfeccionase nel bon usu del idioma tanto a nivel escritu como oral, amás de nes rellaciones ente llingua y sociedá.
El cursu empieza’l martes 11 d'abril, nel local de l'asociación, na cai Cimavilla 15, escalera A, 1.u C. L'horariu va ser de 19.00 a 21.00 hores, los martes y xueves.
El preciu de la matrícula completa ye de 30 euros y pa inscribise nun fai falta tener nenguna titulación o profesión concreta. Sicasí, aconséyase a les persones que se vaigan matricular que tengan una conocencia básica de la espresión escrita y oral del idioma.
Toles persones interesaes puen apuntase mandando un mail a la dirección info@exunta.org.
Les places son llimitaes y va tener preferencia l'alumnáu matriculao nel cursu básicu.
Hai que recordar que la Conseyería d’Educación y Universidaes reconoz a la Xunta pola Defensa de la Llingua Asturiana como entidá organizadora d’actividaes de formación permanente del profesoráu poro, esti cursu proporciona creitos homologaos de formación al profesoráu de Primaria y Secundaria a quién lu realice con aprovechamientu.
La Xunta pola Defensa de la Llingua Asturiana entama un cursu d’afondamientu llingüísticu pa persones adultes de 20 hores de duración, onde los alumnos y alumnes van poder perfeccionase nel bon usu del idioma tanto a nivel escritu como oral, amás de nes rellaciones ente llingua y sociedá.
El cursu empieza’l martes 11 d'abril, nel local de l'asociación, na cai Cimavilla 15, escalera A, 1.u C. L'horariu va ser de 19.00 a 21.00 hores, los martes y xueves.
El preciu de la matrícula completa ye de 30 euros y pa inscribise nun fai falta tener nenguna titulación o profesión concreta. Sicasí, aconséyase a les persones que se vaigan matricular que tengan una conocencia básica de la espresión escrita y oral del idioma.
Toles persones interesaes puen apuntase mandando un mail a la dirección info@exunta.org.
Les places son llimitaes y va tener preferencia l'alumnáu matriculao nel cursu básicu.
Hai que recordar que la Conseyería d’Educación y Universidaes reconoz a la Xunta pola Defensa de la Llingua Asturiana como entidá organizadora d’actividaes de formación permanente del profesoráu poro, esti cursu proporciona creitos homologaos de formación al profesoráu de Primaria y Secundaria a quién lu realice con aprovechamientu.
Dientro poco, llega la Selmana de les Lletres Asturianes. Pa poner el ramu, vamos sacar a la cai les lletres poles que llevamos 40 años manifestándonos. Son diez: O-F-I-C-I-A-L-I-D-Á.
Nin mañana, nin pasao, nin pal añu que vien, nin pal otru: los derechos nun s'aplacen "sine die". Y nós nun vamos quedar en casa aguardando: OFICIALIDÁ YÁ. OFICIALIDÁ XÁ.
Nin mañana, nin pasao, nin pal añu que vien, nin pal otru: los derechos nun s'aplacen "sine die". Y nós nun vamos quedar en casa aguardando: OFICIALIDÁ YÁ. OFICIALIDÁ XÁ.
N’acabando la manifestación del sábadu 6 de mayu na plaza de La Escandalera, queremos facer un poco fiesta. Pa eso, llamemos a dellos músicos y músiques de la escena asturiana pa que nos echen un par de cantares y pongan el ramu a la xornada reivindicativa. Nestos díes d’equí al sábadu vamos dir cuntándovos quién van actuar.
Dicímosvos el primer nome: Ún de Grao. Yá ye amigu nuestru porque xubió más veces cola guitarra a los escenarios de la XDLA. Esti artista moscón, que participó nuna montonera de grupos como Cuchu, Corzobeyos, Duerna, La Bandina’l Bache, Degañan’s o Dobra, tien una carrera en solitario que se pue siguir nel so epé “Ún de Grao” (2016) y nel elepé “Pelo segao” (2021). Con cada cantar, José Martínez Álvarez (Grau, 1978) ta dexando claro les posibilidades d’actualización de l’asturianada y de cualquier palu de la música tradicional sabiendo averalos a otres influencies contemporánees. Va demostránoslo’l sábadu.
Dicímosvos el primer nome: Ún de Grao. Yá ye amigu nuestru porque xubió más veces cola guitarra a los escenarios de la XDLA. Esti artista moscón, que participó nuna montonera de grupos como Cuchu, Corzobeyos, Duerna, La Bandina’l Bache, Degañan’s o Dobra, tien una carrera en solitario que se pue siguir nel so epé “Ún de Grao” (2016) y nel elepé “Pelo segao” (2021). Con cada cantar, José Martínez Álvarez (Grau, 1978) ta dexando claro les posibilidades d’actualización de l’asturianada y de cualquier palu de la música tradicional sabiendo averalos a otres influencies contemporánees. Va demostránoslo’l sábadu.
¡Muncho cambió la música n’asturianu pa lo más pequeño de la casa! N’acabando la manifestación pola #oficialidá del sábadu, vamos poder comprobalo porque llamemos a Alicia Álvarez pa que nos toque un par de cantares. Pa la ocasión va venir acompañada del músicu ayerán David Varela y paez que de dalgunos otros artistes más mozos... La creadora xixonesa, voz y guitarra de Pauline en la playa, colos sos llibros-discu “Pulgarina” (2016) y “Kikirikikí” (2020) ta abriendo caminos nuevos a la música pa públicu familiar. D’ella y de David Guardado foi la idea del proyectu “Bestiariu”, con trés discos yá onde músicos de tolos estilos interpreten temes compuestos a costafecha pa tola familia. Precisamente, nestos discos foron apaeciendo cantares que depués s’incluyeron en “Kikirikikí”. Como tien dicho Alicia, pop “delicáu, tienru y lluminosu”.