"Саъдинома" ё худ "Бӯстон". Дарси 25. Бо иловаи тарҷимаи ӯзбекӣ
@tojik

"Саъдинома" ё худ "Бӯстон". Дарси 26. Бо иловаи тарҷимаи ӯзбекӣ
@tojik

Ҷалолуддин Балхии Мавлавӣ

Он сӯ марав, ин сӯ биё эй гулбуни хандони ман,
Эй Ақли ақли ақли ман, эй Ҷони ҷони ҷони ман.
З-ин сӯ бигардон як назар бар кӯи мо кун раҳгузар,
Барҷӯш андар найшаккар, эй чашмаи айвони ман.
Хоҳам шаби торе шавад пинҳон биёям пеши Ту,
Аз рӯи Ту равшан шавад шаб пеши раҳбонони ман.
Ишқи Туро ман кистам? Аз ашки хун соқистам,
Суғроқи май чашмони ман, исори май мижгони ман.
З-ашкам шаробат оварам в-аз дил кабобат оварам,
Ин аст тару хушки ман, пайдо бувад имкони ман.
Дарёи чашмам як нафас холӣ мабод аз гавҳарат,
Холӣ мабодо як замон лаъли хушат аз кони ман.
Бо ин ҳама, кӯ қанди Ту, кӯ аҳду кӯ савганди ту,
Чун бӯрё бар мешикан, эй ёри хушпаймони ман.
Нак чашми ман тар мезанад, нак рӯи ман зар мезанад,
То бар ақиқат бар занад, як зарр зи Заррафшони ман.
Бинвишта хате бар рухат Ҳақ: Ҷида даво имонакум,
З-он чеҳраву хати хушат, ҳар дам фузӯн имони ман.
Дар сар ба чашмам чашми Ту гӯяд ба вақти хашми Ту,
Пинҳон ҳадисе к-ӯ шавад аз оташи пинҳони ман.
Гӯяд, қавӣ кун дил мирам аз хашму нози он санам,
Аввал қадаҳ дурде бихӯр в-онгаҳ бубин поёни ман.
Бар ҳар гуле хоре бувад, бар ганҷ ҳам море бувад,
Ширин муроди ту бувад, талхиву сабрат они ман.
Гуфтам чу хоҳӣ ранҷи ман, он ранҷ бошад ганҷи ман,
Ман Бӯҳарира омадам, ранҷу ғамат анбони ман.
Пас даст дар анбон кунам, хоҳандаро султон кунам,
Мар бадро бадра диҳам чун бадр шуд меҳмони ман.
Ҳар чӣ дилам хоҳад з-хвар, з-анбон барорам бехатар,
То сурх гардад рӯи ман, сарсабз гардад хони ман.
Гуфто накӯ рафт ин сухан, ҳуш дору анбон гум макун,
Некӯ калиде ёфтӣ, эй мӯътамад дарбони ман.
Ас-сабру мифтоҳ улФараҷ, асСабру Меъроҷ улДараҷ,
Ас-Сайру тарёқ ул-ҳараҷ, эй турки тозихони ман.
Бас кун зи Ло ҳавл, эй писар чун дев меғуррад батар,
Бас кардам аз Ло ҳавлу шуд лоҳавлгӯ шайтони ман.

"Саъдинома" ё худ "Бӯстон". Дарси 31. Бо иловаи тарҷимаи ӯзбекӣ
@tojik