مش كل حاجه مكتوبه فكتاب صحيحه ودي معلومة بديهية
لكن هتلاقي دايما اغلبيه الناس بتحاول تصدق او تؤمن بالكلام المكتوب باللغه العربية الفصحى او بكلام اي كتاب بغض النظر عن كاتبه وده نتيجة ضحالة التغذية المجتمعية وان اصبح الثقافة العامة هي المعلومات السريعة السهلة المقتضبة
بقا اي معلومة موضحه بشكل جيد ومتزن وبأستخدام لغة صحيحة هو شيئ مبهر في حد ذاتة ويدعو القاريء انه يقتنع بالكلام
تقدر تقول كده ان الكلام بالفصحى او تواجد الكلام في كتاب مطبوع بيعطيه شيئ زي ال halo effect او تأثير الهاله لكن المرادي فالنصوص مش فالبشر
#saved_original

كُتِـبَ المـوتُ على الخَلقِ فكمْ * فَـلَّ مِـن جَيـشٍ وأَفنَى مِـنْ دُوَلْ
أيـنَ نمـُرودُ وَكَنعـان ُ ومَـنْ * مـَلَكَ الأرْضَ وَوَلـىَّ وعَـزَلْ
أَينَ عـادٌ أَيـنَ فِـرعَـونُ وَمَنْ * رَفـعَ الأَهَـرامَ مِـنْ يسمعْ يَخَـلْ
أَيـنَ مَـنْ سَـادوا وشَادوا وبَنَوا * هَلَكَ الكُـلُّ و َلـم تُغـنِ القُلَـلْ
أَيـنَ أرْبـابُ الحِجَى أَهْـلُ النُّهى * أَيـنَ أهْـلُ العلـمِ والقـومُ الأوَلْ
سيُعيــدُ اللهُ كُـلاً مِنهـمُ * وَسيَجـزِي فَاعِـلاً مـا قـد فَعَـلْ

فقط تقبل واكمل سعيك
ما حدث لن تستطيع تغييره عليك تقبله واكمال ما تبقى
فبشكل منطقي ماذا تفضل
ان تتأثر بما يحدث وتجعل ذلك يؤثر علي ما يجب ان تفعل لذلك قد لا تفوز بأي شيء
ام الا تتأثر وتحاول الفوز بما سيأتي
في كلتا الحالتين قد وقع الحدث لكن موقفك تجاهه سيحدد مكسبك في نهايه المطاف
فلتعتبرها كمعادله رياضيه
خساره + تأثر = خساره كليه
خساره + لا تأثر = فوز جزئي

لا شيئ دائم
كل حاجه زائله لو بطلت تحفزها
عقلك لو مفضلش شغال بيبتدي يبقا ابطأ
لو بطلت مذاكره وجيت تذاكر بعد كده هتبقي اصعب
بطلت رياضه هترجع تنهج من طلوع السلم
بطلت قراءه كل اللي انت اتعلمته هتنساه تدريجيا
ده مش معناه انك متبدأش عشان اصل كل شيء مصيره الزوال
لكن ده معناه انك تغير عقلية البحث عن الراحه وفهم ان الانسان مخلوق في المعاناه
كل اللي عليك انك تختار معاناتك هل هي معاناه بسبب اللي بيحصل فيك ولا معانا بسبب اللي انت عايز تعمله
لأن ان صحتك تكون سيئة ويجيلك القلب او السكر بسبب عدم حركتك واكلك السيء دي معاناه
واجبار نفسك علي الرياضه والاكل الصحي كذلك معاناه
واحده نتيجه كسلك وواحده نتيجه ارادتك
اغلبيه البشر بيختارو المعاناه السلبيه الناتجه عن الكسل وده بسبب الخوف من اتخاذ قرار او ناتجه عن انك تبص تحت رجليك وعايز المتع اللحظيه فقط منغير ما تفكر في العواقب وتفتكر انك ذكي وهتضحك علي الدنيا وتاخد الحلو بس
لكن كل شيئ له تمن عايز تدفعه اول بأول وانت لسه عندك القوه علي دفعه ولا تراكم ديون ملهاش نهايه ولما يجي وقت دفعها تكون لا عندك القوه ولا الوقت الكافي لدفعها
ده اختيارك , وده اللي بيفرق الناجحين عن التائهين في ارض الله

طالما قادر توصل للكلام ده معناه انك عندك القدره في اتخاذ قرار المعاناه السلبيه او الايجابيه لكن في ناس في الحياه دي معندهمش رفاهيه انهم يكسلو او يكونو مش افضل حاجه لان ببساطه لو تكاسلوا مره مش هيلاقو اكل , ناس معندهاش رفاهية الوقت او التركيز لقراءه منشور زي ده من الاساس لأنهم اتولدوا في ظروف ملهمش دخل بيها والدنيا جابتهم فيها غصب
لذلك افتكر ان الدنيا مش يوتوبيا وانها غير عادله وقد تكون ظالمه في احيان كثيره وكونك قادر انك تكون هنا دلوقتي هو نعمه كبيره من ربك

#saved_original

لكي تتمرغ في التبر ينبغي أن تتمرغ في التراب

لا تقارن موسم زراعتك بموسم حصاد الآخرين

العزله
بتخليك قادر تستقريء ما وراء افعال البشر
بتزيد من حدة تركيزك في حركات الوش والجسم بتمنحك قوه في فهم المواقف باقل قدر ممكن من الدلائل
كل فعل بيتضخم بسبب قلة حدوثه فبالتالي كل تعامل بينك وبين بشري بتقدر تهضمه بالكامل لأن عقلك زي ما يكون مش متعود علي كثرته
زي اي حاجه بتبقي جديده بتبقي حاسس بكل تفصيله صغيره فيها ومع الوقت وتكرار نفس الحاجه بتبتدي تفاصيلها تبهت كذلك الاختلاط البشري الكتير بيخليك اقل ملاحظه للتفاصيل الصغيره لكن الاختلاط القليل جدا بيخليك قادر تركز فكل تفصيله فالمعامله


فكلتا الحالتين انت دافع تمن
تمن الكثره هو انك هتبقي ماشي فاتح عين وقافل التانيه ومش قادر تلاحظ كل شيئ بوضوح
فالمقابل بيكون الاختلاط سهل وسلس ومش بيتطلب اي طاقه منك وهتقدر تندمج بسهوله مع المحيط ومصالحك هتمشي


علي النقيض الاختلاط القليل بيطلعلك عين تالته وبتشوف اللي محدش شايفه وبتعرف اللي قدامك نيته ايه وشخصيته عامله ازاي من اقل اقل التفاصيل والايمائات
وبتدفع تمن ده ان الاختلاط بيكون فالغالب مرهق وبيستهلك طاقه ومش بيحصل بكل سلاسه اجتماعيه وهتبقي شخص مش بيقدر يندمج مع الحشود بسرعه ابدا

الموضوع ده مش شرط يكون علي التعاملات بينك وبين الناس لكن هو ممتد لكل حاجه زي ملاحظتك الانماط فالطبيعه والسلوك البشري العام وقدرتك علي فهم ديناميكيات الحياه بشكل واضح

العزله المقصوده هي العزله المختاره بمزاجك اللي بتكون مرتاح فجلدك وانت لوحدك فيها وحاسس بالامتلاء النفسي مش العزله الفروضه عليك بسبب رهابك الاجتماعي او كونك منبوذ مجتمعيا او حتى بسبب انك مبتعرفش تتصرف
#saved_original

بالفطرة النساء اغبياء مادياً والرجال اغبياء عاطفياً
عشان كده اكتر حد بيشتري منتجات ملهاش لازمه وبينخدع بالاعلانات والايدلوجيات المدسوسه هما النساء
واكتر حد بينضحك عليه وممكن حياته تضيع بسبب المشاعر هما الرجاله
مع التدريب الرجاله تقدر تبقى اذكياء عاطفيا والنساء تبقى اذكياء ماديا
لكن الاغلبيه الساحقة غير مدربه
#saved_original

never trust a person who betrays others.even if he betrayed them for you

قال ابن الجوزي رحمه الله:
من نازعته نفسه إلى لذة محرمة، فشغله نظره إليها عن تأمل عواقبها وعقابها، وسمع هتاف العقل يناديه ويحك لا تفعل فإنك تقف عن الصعود، وتأخذ في الهبوط، ويقال لك ابق بما اخترت فإن شغله هواه، فلم يلتفت إلى ما قيل له، لم يزل في نزول، وكان مثله في سوء اختياره كالمثل المضروب أن الكلب قال للأسد يا سيد السباع غير اسمي فإنه قبيح، فقال له: أنت خائن، لا يصلح لك غير هذا الاسم، قال: فجربني فأعطاه شقة لحم، وقال: احفظ لي هذه إلى غد وأنا أغير اسمك. فجاع، وجعل ينظر إلى اللحم ويصبر، فلما غلبته نفسه، قال: وأي شيء باسمي ؟! وما كلب إلا اسم حسن. فأكل وهكذا الخسيس الهمة، القنوع بأقل المنازل المختار عاجل الهوى على أجل الفضائل

السُلطة المطلقة هي فتنة تُظهر حقيقة الانسان
فكلما زادت سلطتك كلما أصبح الظلم جذابا ًفي عينيك
لا يمكنك ابدا ان تعلم حقيقة نفسك الا في تلك الحالتين
السطلة المطلقة و الفقر المدقع
واغلب البشر حقيقتهم سيئة والقلة هم الجيدون
قام عالم النفس زيمباردو في تجربته الشهيرة (تجربة سجن ستانفورد )بتجنيد طلاب جامعيين وقسمهم عشوائيًا إلى مجموعتين: سجناء وحراس سجن، ثم وضعهم في بيئة سجن وهمي داخل قبو جامعة ستانفورد.
بدأ الحراس بسرعة في إساءة استخدام سلطتهم، فأصبحوا قساة ومتعجرفين، وابتكروا طرقًا لإذلال السجناء نفسيًا وجسديًا.
في المقابل، بدأ السجناء في فقدان هويتهم والاستسلام، وبعضهم أصيب بانهيار نفسي.
التجربة، التي كان من المفترض أن تستمر أسبوعين، أُوقفت بعد 6 أيام فقط بسبب القسوة المفرطة للحراس والتأثير المدمر على السجناء.
الحراس لم يكونوا قساة منذ البداية، لكن مع الوقت، بدأوا بالتدرج في استخدام القوة حتى وصلت إلى مستويات صادمة. هذا يُظهر أن الإنسان لا يصبح شريرًا فجأة، بل قد يتأقلم مع الظلم والقسوة تدريجيًا إذا كان محاطًا ببيئة تبرر له ذلك

#saved_original