احيانا هيتم جرجرتك لصراعات حتى لو كنت كسبان فيها فأنت خسران.
عضمه وشويه كلاب بتتخانق عليها
لو اتخانقت معاهم عشان تاخدها مش سهل تاخدها ولكن حتى لو خدتها فأنت فالاخر كسبت عضمه وفالمقابل هدومك اتقطعت واتبهدلت ولو مكسبتهاش فانت بردو خسرت بهدلتك ونفسك
صدقني في شويه صراعات فالحياه مش لازم تدخلها من الاساس لأن اللي جواها معندهمش شيء قيم يخسروه وغالبا حياتهم بتكون متمحوره حول انهم ينتصروا فالصراعات الصغيره التافهه دي لأرضاء عقد نقص متأصله جواهم
سيبلهم العضمه وامشي.
وركز علي هدفك الاساسي و الصوره الكامله البعيده بدل ما تقضي حياتك كلها تطلع من صراع علي عضمه الي صراع علي عضمه تانيه.
#saved_original

السيء أكثر تأثيرا علي من حوله مقارنة بالجيد
تفاحة فاسده اتحطت وسط ١٠ تفاحات سليمه
التفاحات السليمه هتفسد بغض النظر عن العدد او كونهم سلام
ما بالك لو كانت تفاحه واحده سليمه والباقي معفن بدون شك التفاحه هتفسد
وكذلك انت
طول ما انت قاعد مع تفاح فاسد هتبقي شبهه حتى لو الاغلب كان سليم طالما في علي الاقل تفاحه واحده فقط فاسده الكل هتصيبه العدوى عاجلا ام اجلا
#saved_original

الانهزام و الانتصار
يا اما هتفضل شايف انك مفعول به وان الدنيا صعبه عليك انت بالذات وان اصل الناس بقت وحشه وصحابي باعوني وان الحظ مش فصالحي وان البلد ظروفها مش احسن حاجه

يا اما هتبقي عارف ان الدنيا صعبه على الكل وده شيء بيميز الناجحين
وان الناس مش وحشه الناس مجرد بشر زيهم زيك انت الوحيد اللي عندك مقدره التحكم في مدى تأثيرهم عليك

وان مفيش حاجه فالدنيا اسمها حظ وان الحظ اللي احنا شايفينه ما هو الا استعداد مسبق للفرصه وبمجرد حدوثها الشخص الاكثر استعدادا هو اللي بيفوز بيها
#saved_original

مش كل حاجه مكتوبه فكتاب صحيحه ودي معلومة بديهية
لكن هتلاقي دايما اغلبيه الناس بتحاول تصدق او تؤمن بالكلام المكتوب باللغه العربية الفصحى او بكلام اي كتاب بغض النظر عن كاتبه وده نتيجة ضحالة التغذية المجتمعية وان اصبح الثقافة العامة هي المعلومات السريعة السهلة المقتضبة
بقا اي معلومة موضحه بشكل جيد ومتزن وبأستخدام لغة صحيحة هو شيئ مبهر في حد ذاتة ويدعو القاريء انه يقتنع بالكلام
تقدر تقول كده ان الكلام بالفصحى او تواجد الكلام في كتاب مطبوع بيعطيه شيئ زي ال halo effect او تأثير الهاله لكن المرادي فالنصوص مش فالبشر
#saved_original

كُتِـبَ المـوتُ على الخَلقِ فكمْ * فَـلَّ مِـن جَيـشٍ وأَفنَى مِـنْ دُوَلْ
أيـنَ نمـُرودُ وَكَنعـان ُ ومَـنْ * مـَلَكَ الأرْضَ وَوَلـىَّ وعَـزَلْ
أَينَ عـادٌ أَيـنَ فِـرعَـونُ وَمَنْ * رَفـعَ الأَهَـرامَ مِـنْ يسمعْ يَخَـلْ
أَيـنَ مَـنْ سَـادوا وشَادوا وبَنَوا * هَلَكَ الكُـلُّ و َلـم تُغـنِ القُلَـلْ
أَيـنَ أرْبـابُ الحِجَى أَهْـلُ النُّهى * أَيـنَ أهْـلُ العلـمِ والقـومُ الأوَلْ
سيُعيــدُ اللهُ كُـلاً مِنهـمُ * وَسيَجـزِي فَاعِـلاً مـا قـد فَعَـلْ

فقط تقبل واكمل سعيك
ما حدث لن تستطيع تغييره عليك تقبله واكمال ما تبقى
فبشكل منطقي ماذا تفضل
ان تتأثر بما يحدث وتجعل ذلك يؤثر علي ما يجب ان تفعل لذلك قد لا تفوز بأي شيء
ام الا تتأثر وتحاول الفوز بما سيأتي
في كلتا الحالتين قد وقع الحدث لكن موقفك تجاهه سيحدد مكسبك في نهايه المطاف
فلتعتبرها كمعادله رياضيه
خساره + تأثر = خساره كليه
خساره + لا تأثر = فوز جزئي

لا شيئ دائم
كل حاجه زائله لو بطلت تحفزها
عقلك لو مفضلش شغال بيبتدي يبقا ابطأ
لو بطلت مذاكره وجيت تذاكر بعد كده هتبقي اصعب
بطلت رياضه هترجع تنهج من طلوع السلم
بطلت قراءه كل اللي انت اتعلمته هتنساه تدريجيا
ده مش معناه انك متبدأش عشان اصل كل شيء مصيره الزوال
لكن ده معناه انك تغير عقلية البحث عن الراحه وفهم ان الانسان مخلوق في المعاناه
كل اللي عليك انك تختار معاناتك هل هي معاناه بسبب اللي بيحصل فيك ولا معانا بسبب اللي انت عايز تعمله
لأن ان صحتك تكون سيئة ويجيلك القلب او السكر بسبب عدم حركتك واكلك السيء دي معاناه
واجبار نفسك علي الرياضه والاكل الصحي كذلك معاناه
واحده نتيجه كسلك وواحده نتيجه ارادتك
اغلبيه البشر بيختارو المعاناه السلبيه الناتجه عن الكسل وده بسبب الخوف من اتخاذ قرار او ناتجه عن انك تبص تحت رجليك وعايز المتع اللحظيه فقط منغير ما تفكر في العواقب وتفتكر انك ذكي وهتضحك علي الدنيا وتاخد الحلو بس
لكن كل شيئ له تمن عايز تدفعه اول بأول وانت لسه عندك القوه علي دفعه ولا تراكم ديون ملهاش نهايه ولما يجي وقت دفعها تكون لا عندك القوه ولا الوقت الكافي لدفعها
ده اختيارك , وده اللي بيفرق الناجحين عن التائهين في ارض الله

طالما قادر توصل للكلام ده معناه انك عندك القدره في اتخاذ قرار المعاناه السلبيه او الايجابيه لكن في ناس في الحياه دي معندهمش رفاهيه انهم يكسلو او يكونو مش افضل حاجه لان ببساطه لو تكاسلوا مره مش هيلاقو اكل , ناس معندهاش رفاهية الوقت او التركيز لقراءه منشور زي ده من الاساس لأنهم اتولدوا في ظروف ملهمش دخل بيها والدنيا جابتهم فيها غصب
لذلك افتكر ان الدنيا مش يوتوبيا وانها غير عادله وقد تكون ظالمه في احيان كثيره وكونك قادر انك تكون هنا دلوقتي هو نعمه كبيره من ربك

#saved_original

لكي تتمرغ في التبر ينبغي أن تتمرغ في التراب

لا تقارن موسم زراعتك بموسم حصاد الآخرين

العزله
بتخليك قادر تستقريء ما وراء افعال البشر
بتزيد من حدة تركيزك في حركات الوش والجسم بتمنحك قوه في فهم المواقف باقل قدر ممكن من الدلائل
كل فعل بيتضخم بسبب قلة حدوثه فبالتالي كل تعامل بينك وبين بشري بتقدر تهضمه بالكامل لأن عقلك زي ما يكون مش متعود علي كثرته
زي اي حاجه بتبقي جديده بتبقي حاسس بكل تفصيله صغيره فيها ومع الوقت وتكرار نفس الحاجه بتبتدي تفاصيلها تبهت كذلك الاختلاط البشري الكتير بيخليك اقل ملاحظه للتفاصيل الصغيره لكن الاختلاط القليل جدا بيخليك قادر تركز فكل تفصيله فالمعامله


فكلتا الحالتين انت دافع تمن
تمن الكثره هو انك هتبقي ماشي فاتح عين وقافل التانيه ومش قادر تلاحظ كل شيئ بوضوح
فالمقابل بيكون الاختلاط سهل وسلس ومش بيتطلب اي طاقه منك وهتقدر تندمج بسهوله مع المحيط ومصالحك هتمشي


علي النقيض الاختلاط القليل بيطلعلك عين تالته وبتشوف اللي محدش شايفه وبتعرف اللي قدامك نيته ايه وشخصيته عامله ازاي من اقل اقل التفاصيل والايمائات
وبتدفع تمن ده ان الاختلاط بيكون فالغالب مرهق وبيستهلك طاقه ومش بيحصل بكل سلاسه اجتماعيه وهتبقي شخص مش بيقدر يندمج مع الحشود بسرعه ابدا

الموضوع ده مش شرط يكون علي التعاملات بينك وبين الناس لكن هو ممتد لكل حاجه زي ملاحظتك الانماط فالطبيعه والسلوك البشري العام وقدرتك علي فهم ديناميكيات الحياه بشكل واضح

العزله المقصوده هي العزله المختاره بمزاجك اللي بتكون مرتاح فجلدك وانت لوحدك فيها وحاسس بالامتلاء النفسي مش العزله الفروضه عليك بسبب رهابك الاجتماعي او كونك منبوذ مجتمعيا او حتى بسبب انك مبتعرفش تتصرف
#saved_original

بالفطرة النساء اغبياء مادياً والرجال اغبياء عاطفياً
عشان كده اكتر حد بيشتري منتجات ملهاش لازمه وبينخدع بالاعلانات والايدلوجيات المدسوسه هما النساء
واكتر حد بينضحك عليه وممكن حياته تضيع بسبب المشاعر هما الرجاله
مع التدريب الرجاله تقدر تبقى اذكياء عاطفيا والنساء تبقى اذكياء ماديا
لكن الاغلبيه الساحقة غير مدربه
#saved_original

never trust a person who betrays others.even if he betrayed them for you