لا يقال هذا الا بصيغه المجهول فانظر ما اللذي يختبئ ولا يقال

اخر يومين قبل الامتحان بتكتشف انك كنت تقدر تقفل الماده لو كنت بدأت مذاكره من اسبوع بنفس الكميه
لما الاوضه بتكركب لدرجه متبقاش قادر تقعد فيها وغصب عنك هترتب بتكتشف انك لو كنت كل يوم بتحط الحاجات فمكانها مكانش زمانك محتاج تبذل مجهود كبير
لو وزنك زاد لدرجه انه هيأثر علي صحتك ويبقي غصب عنك لازم تنزله بتكتشف انك لو كنت حافظت علي اكلك شويه مكانش ده حصل
لسبب ما الانسان مش بيتحرك الا اما بيوصل للقاع والقاع يتمثل في الخوف فالاغلب مش هتلاقي طاقه كبيره الا وانت علي حافه الهاويه
ده ممكن يخليني اسأل سؤال
هو كانت فين الطاقه دي فالاوقات العاديه ؟
عقلك بيلعب بيك وانت مغفل وبتصدقه عادي بيقنعك ان الشيئ تقيل وصعب يتعمل وانك معندكش طاقه او (شغفك مات ) لكن فالحقيقه انت عندك طاقه تعمل 10X اللي انت فاكر نفسك قادر عليه
الموضوع كله تلاعب نفسي من دماغك لو قدرت تسكت الصوت اللي فدماغك ده انت هتقدر تعمل اي حاجه انت مخططلها فعليا هو ده الشيء الوحيد اللي مانعك

الانفصال عن الواقع
علي قد ما البني ادم لازم يبقي مدرك للحقيقه وعايش مع الواقع وغير واقع في عالم وهمي على قد م هو لازم ينفصل عن العالم لفترات معينه
ينفصل عن الاحداث اللي بتحصل والاخبار ومين عمل ايه وايه حصل فين
فقط العزله مع افكاره ودفتر وقلم وكتب تجعله متصلا بالعلماء
فلما اقول الانفصال عن الواقع مش معناه انك تعيش في عالم وهمي لكن المرجو من الحكايه هو الانعزال عن كل مايشتت تلقيك للعلم الصافي
جربها لفتره وحاول انك تنعزل مع فيديوهات او كتب لناس زي عبد الوهاب المسيري او مصطفي محمود انسى البشر باحداثهم وهتلاقي بعد الفتره اللي انت قطعت فيها كل المشتتات الخارجيه من اعلام ووسائل تواصل ان دماغك نضفت شويه
كانك بتشيل نسخة ويندوز بالتدريج وبتدخل مكانها لينكس كل الالوان والحاجات الزياده المشتته هتطفي وتبتدي تشوف المهم فقط وصلب الامور هيبقى خالص وقادر تشوف بوضوح

the road to heaven feels like hell
the road to hell feels like heaven
you choose

الطريقه اللي الناس هتحاول تعاملك بيها هي انعكاس لفكرتهم عنك
الطريقه اللي انت بتسمح ليهم انهم يعاملوك بيها هي انعكاس لفكرتك عن نفسك
محدش يقدر يعاملك كويس طول ما نظرتك عن نفسك سيئه
محدش يقدر يعاملك بسوء طول ما نظرتك عن نفسك كويسه
الشيء الوحيد اللي هيخليك تشوف نفسك بطريقه كويسه هو التزامك بالوعود اللي بتقطعها علي نفسك وانك تبطل تعمل الحاجات اللي بتحسسك بتأنيب الضمير والدونيه واللي بدوره هيحسن صورتك عند نفسك و يخليك واثق اكتر، جريء، عزيز النفس
#saved_original

فَلَيتَكَ تَحلو وَالحَياةُ مَريرَةٌ
وَلَيتَكَ تَرضى وَالأَنامُ غِضابُ
وَلَيتَ الَّذي بَيني وَبَينَكَ عامِرٌ
وَبَيني وَبَينَ العالَمينَ خَرابُ
إِذا نِلتُ مِنكَ الوُدَّ فَالكُلُّ هَيِّنٌ
وَكُلُّ الَّذي فَوقَ التُرابِ تُرابِ

الحوار كله عامل زي كورة تلج نازله من جبل طول ما هي نازله كل ما بتجمع اكتر لو اعتبرنا ان هي فضلت تتدحرج كام دقيقه
اول دقيقه هتجمع كيلو المجموع كيلو
تاني دقيقه هتجمع اتنين كيلو المجموع تلاته كيلو
تالت دقيقه هتجمع اربعه كيلو المجموع سبعه كيلو وهكذا
بمجرد ما بدأت بقا قيمه الدقيقه الواحده من شغلها قد اول دقيقه هي بدأتها اربع مرات بسبب ان مساحه السطح اللي بتجمع تلج بقت اكبر وقادره تجمع اكتر وكل ما بتستمر اكتر كل ما تجميع التلج كان اسهل واسهل
وكذلك اي شغل فالاول بيبقي صعب ولازم تحط فيه جهد ذاتي لحد ما تبتدي تعمل momentum او عزم يحركك لوحده وتبتدي نتايج الشغل ده تتضاعف مع الوقت بنفس قدر المجهود
#saved_original

اكثرهم تقبلاً للمذلة عند ضعفه هو اكثرهم ظلماً عند قوته

The short-term pleasure brings long-term misery

I know it’s hard not to yield to social pressure: humans used to copy the behaviors of those around them. But the habits of the majority are self-destructive — most people around us eat fast food, and have passive lifestyles. And that’s fine. If you want to achieve something ordinary, however, you’ll boost your chances by keeping both your mind and body healthy

قال ابن القيم رحمه الله :
إن الخيرات واللذات والكمالات لا تنال إلا بحظٍ من المشقة، ولا يُعبَر إليها إلا على جسرٍ من التعب، وقد أدرك عقلاء كل أمة أن النعيم لا يدرك بالنعيم، ومن آثر الراحة، فاتته الراحة وأنه بحسب ركوب الأهوال، واحتمال المشاق والصعاب، تكون اللذة والفرح".
فلا فرح لمن لا هم له، ولا لذة لمن لا صبر له، ولا نعيم لمن لا شقاء له، ولا راحة لمن لا تعب له، بل إذا تعب العبد قليلاً استراح طويلا، وإذا تحمل مشقة الصبر ساعة؛ قاده ذلك لسعادة الأبد، وكل ما فيه أهل النعيم المقيم إنما هو صبر ساعة.
وكلما كانت النفوس أشرف، والهمة أعلى، كان تعب ونصب البدن أوفر، وحظه من الراحة أقل، والله المستعان! وعليه التكلان، ولا قوة إلا بالله.

النُّور في قلبي وبينَ جوانحي فَعَلامَ أخشى السَّيرَ في الظلماءِ ؟