نتائج عدم وجود نموذج ذكوري في حياة الطفل ممكن يخليه كارثه اجتماعيه
امريكا لما بدأت تسعي انها تنزل الستات تشتغل اقامت حركه النسويه وكان هدفها كله اقتصادي وتسليع للمرأه نظرا لانها بتقبل بأي اجر لعدم الزاميتها بنقفات علي عائله او غيره وكمان بسبب قوة التلاعب الجنسي الخفي في اوساط العمل لكن اللي مخادوش بالهم منه انه اللي هيكسبوه من نزول المرأه لسوق العمل هيؤدي الي فجوه اجتماعيه من ناحيه تانيه وده ناتج من ان الحركه النسويه دايما بتحاول تقنع الستات بالمساواه بالرجل بل والاستغناء عنه وبالتالي نشاء كميه كبيره من البيوت اللي اطفالها بيتم تربيتهم بدون اب فظهرت النتائج دي واتضح لينا فالحقيقه ان الست عمرها ما كانت بتربي لكن كان اهميتها الكبرى هي الرعايه اما المسئول عن زرع قيم الفرد واخلاقه وصلابته النفسيه هو الاب لما يملكه من حزم وعمليه ومنطقيه في انجاز الامور

#saved_original

الغباء
الفقر
السمنه
امراض معديه

انت مش محتاج يبقي عندك عشر تيشرتات او خمس تيشيرتات حتى ولا لازم لكل بنطلون جزمه شكل
انت لو عايز تعيش تقدر تعيش بأقل من ده بكتير
مش محتاج تلفون عليه تفاحه من ورا برقم قد كده انت ممكن تقضي كل اللي انت محتاجه بتلفون بربع التمن
مش لازم تقعد فالبيت اللي بيطل علي كذا
ولا لازم كل يوم تاكل كل التنوع ده من الاكل
الانسان مش محتاج حاجات كتير عشان يعيش لكن اخترعولنا احتياجات جديده عشان نفضل مستمرين في الاستهلاك بعد ما تم اشباع حاجاتنا الاساسيه اللي تخلينا راضيين ومرتاحين لعبوديه الله
العربيه والبيت والايفون ابو تفاحه والعفش والاكل بقوا هما اللي بيتملكونا مش احنا اللي بنملكهم
الانسان كلما زاد ترفه في الدنيا قلت عبوديته لله وزادت عبوديته للاشياء وبقا انسان مادي
وتلاقيه رجع يلف فنفس الدايره من جديد ويلاقي نفسه فجأه عنده رغبه منسيه وسايباله فراغ
والرغبه دي هي الفطره اللي اتخلق بيها لعبوديه الله
فتلاقيه يغرق نفسه في فلسفات عدميه ملهاش اخر من اول ويسيب نفسه لشهواته البحته لحد ما يقع تحت خالص زي الحيوانات ساعتها في كذا واحد من بني الانسان دول هيلاقي الطريق الصح وتلاقي طلع من وسط الظلمات بصيص نور
وده اللي شويه من الغرب بدأو يشوفوه لانهم وصلوا لقاع الشهوات
اما العرب فهم لسه فأول الزحليقه وبدايه الانحدار لتحت ولسه شويه علي ما نوصل تحت وبعدين نبقي نفوق او تحصلنا شوية صدمات تفوقنا
#saved_original

لا تتمنى حملاً اخف
تمنى قوة اكبر

«لا شك أن عصرنا يفضل الصورة على الشيء، النسخة على الأصل، التمثيل على الواقع، المَظهَر على الجوهر، والوهم وحده مقدَّس. أمّا المُدنس فهو الحقيقة. وبالأحرى فإن ما هو مقدس تزداد قيمته بقدرما تتناقص الحقيقة ويتزايد الوهم»

— فيورباخ

the weaker the person the more aggressive he is going to be

#saved_original

قاعدة نافس نفسك ومتقارنش نفسك بحد لا تنطبق الا علي الاهداف اللي ملكش فيها دخل زي شكل وشك ، لون بشرتك ، نسبك
لكن متحاولش تقنعتي انك لما هتقدم علي وظيفه مثلا هيقارنوك بنفسك لا هتتقارن بغيرك وساعتها لازم تكون احسن منه فكل حاجه عشان يقبلوك انت فقارن نفسك بغيرك لانك شئت ام ابيت هيتم مقارنتك وان مطلعتش كسبان هتخسر حاجات كتير
مذاكرتك ، شغلك ، وزنك ، شخصيتك ، مهاراتك الاجتماعيه ، ذكائك
كل دي حاجات تقدر تطورها بأنك تشتغل عليها وملكش اي حجه انك متبقاش احسن واحد فيها اما حوار قارن نفسك بنفسك ده مجرد خدعه اخترعوها عشان متحسش بشعور غير مريح ، عشان متحسش انك مش عامل اللي عليك لكن انت لازم عشان تعلى تحس بشعور مش مريح لازم تحس انك مش بتذاكر عشان ذاتك تدفعك انك تذاكر لازم تحس ان وزنك زياده ، انك كسول ، انك ضعيف ، انك مش بتعمل لأخرتك كفايه ، انك محتاج تخرج من الدايره اللي الحداثه غرقتك فيها متستناش طبطبه ولا كلام حلو الكلام الحلو مبيعملش حد يستحمل المرمطه
#saved_original

بياع موز واقف فى السوق بينادي تعالى دوق الموز جاله زبون اداله موزة وقاله دى هدية منى ليك الزبون عجبته الموزة راح البياع اداله كمان موزة وقاله دى كمان منى ليك عشان انا حبيتك و ارتاحت لك الزبون اتكيف وقاله اوزن لى ٣ كيلو موز ولما الزبون روح لقى الموز الى اشتراه طعمه حمضان و بايظ اتارى العينة المجانية كانت غير الى اشتراه وجه زبون تانى خد الموزتين من البياع و مشى من غير ما يشترى قام البياع محروق منه اوى و برغم انه باع موز ل زباين كتير لكن مش قادر ينسى الزبون الى خد العينة ببلاش و مشى من غير ما يشترى حاسس انه الزبون ده اداله على قفاه وفات سنين على بياع الموز ومش قادر ينسى الى ضحك عليه وخد الموزتين و هرب

100 years ago we had an oil rush
50 years ago we had a gold rush
10 years ago we had a data rush
Today there is an attention rush and industries are only going to get more commoditized in the future with the advancements in AI to accelerate Marketing

حاليا بيتم زرع شوية مفاهيم كده شبه (انت تستاهل تتحب من غير مجهود ) ، (وجودك لوحده كفايه ) ، ( متقبلش بحب مشروط ) الخ ..
الافكار دي هتبوظلك دماغك
الناس دي هدفها تبيعلك الوهم ويحسسوك بشعور حلو واللي بيترتب علي ده انك هتحب صفحتهم او تحبهم هما شخصيا ويتم تكوين عندك رابط عاطفي يقدروا من خلاله يستغلوك في مكتسبات سواء مشاهدات او اعلانات هتجيلهم بسبب انك بتتابعهم وهكذا
الحقيقه انك لوحدك مش كفايه وان انت بشري وكلنا بشر ووجودك ما بين الناس ومقدار احترامهم وحبهم ليك مشروط دايما ولا يمكن الغاء القاعده دي
هتقولي ازاي ده انا بحب ابويا وامي حب غير مشروط ومهما عملوا فيا مش هكرههم
هقولك كداب
ابوك وامك لو كانوا بيضربوك وانت صغير او همشوك او مكانوش بيصرفوا عليك كفايه مثلا وهما مقتدرين ماديا لما تكبر وتوعي هتكرههم
فبالتالي المعادله زي ما قولتلك رعايه = حب
عدم رعايه = كره
وقيس علي ده كل حاجه
حب الزوج لزوجته والعكس : لو الراجل مش قائد مع مراته او مش بيصرف كفايه او بيعاملها وحش = كره من مراته
لو الست مش بتطيع جوزها ، مش بتطبخ ، مش بتهتم بالبيت = كره من زوجها
حب الصحاب : لو طلع صاحبك ندل او مش قد كلامه = هتبعد عنه
حب الشغل : لو الشغل بطل يدخلك فلوس او بقى تقيل عليك = كره انك تشتغل

وانت غالبا منحصر فدور فالحياه فانت غالبا زوج او صديق او ابن او موظف
ايا كان انت ايه لو مقومتش بدورك كفايه هتتكره وهيتحط عليك
تقبل انك عايش فالدنيا دي بشروط وبطل تصدق اي كلام يريحك
وتقبل ان في ناس كل هدفها انها تستغلك ايا كانت الطريقه ايه حتي لو هيغسلوا دماغك ويزرعولك معتقدات غلط لمجرد انه يطلعوا منك بأي فايده شخصيه
#saved_original

كتاب التلاعب بالرجل
الكاتبه إستر فيلار

سردية الخير والشر هي سرديه وهميه من وانت طفل بيتم تهيئتك انك تصدق ان في قوى شريره وقوه خيره فالعالم وان الخير لازم دايما ينتصر
الحقيقه ان في قوي وفي ضعيف
تعالي نتكلم فحتة تانيه ونرجع تاني نربط
فلسطين والصهاينه
انت كمسلم عربي اتولدت مسلم عشت مسلم اعتقادك طول حياتك هو ان فلسطين للمسلمين وان ده الصح وبتؤمن بالقرآن
لكن تخيل انت نفسك اتولدت في الكيان الصهيوني ؛ زي ما تم زرع فيك ان فلسطين للمسلمين طول حياتك هناك هيزرعوا فيك ان فلسطين لليهود وهتبقي مؤمن مئة بالمئه ان اليهود احق بأرض فلسطين فبالتالي ايمانك المبدأي ومعتقداتك الاوليه ما هي الا بيئتك وما تم زرعه فيك ومن وانت صغير
نربط
بالنسبه للصهاينه هما الخير واحنا الشر وهما مؤمنين بده تماما
بالنسبه لينا احنا الخير ومؤمنين بده تماما
هل اعتقاداتنا دي هتفرق بأي حاجه ؟
هل لو العالم كله وقف مع صف من الاتنين هيفرق والازمه هتتحل لمجرد ان ده الخير وده الشر ؟
بالتاكيد لا
وانت شايف شعوب العالم كله تعاطفت مع فلسطين ومظاهرات و و و
لكن الحق مرجعش ولازال الظلم قائم
طيب مين بقا اللي كسبان دلوقتي ؟
الصهاينه .
وده ليه؟ عشان اقوى
هي الحقيقه مؤلمه ولكن هي الحقيقه ولازم تتقبلها وتفهم ان القوي هو اللي هيكسب مهما كان غلط
لذلك العالم مش بيعترف بالخير والشر العالم بيعترف بالقوي والضعيف في كل نواحي الحياه ومش فارق مع اي حد هل انت عندك وجه حق او معندكش
وعشان كده النبي في حديثه: قَالَ رَسُولُ اللَّهِ ﷺ: المُؤْمِنُ الْقَوِيُّ خَيْرٌ وأَحَبُّ إِلَى اللَّهِ مِنَ الْمُؤْمِنِ الضَّعِيفِ، وفِي كُلٍّ خَيْرٌ، احْرِصْ عَلَى مَا يَنْفَعُكَ، واسْتَعِنْ بِاللَّهِ، ولَا تَعْجَزْ، وإِنْ أَصَابَكَ شَيْءٌ فَلَا تَقُلْ: لَوْ أَنِّي فَعَلْتُ كَذَا كَانَ كَذَا وكَذَا، ولَكِنْ قُلْ: قَدَّرَ اللَّهُ، ومَا شَاءَ الله فَعَلَ؛ فَإِنَّ لَوْ تَفْتَحُ عَمَلَ الشَّيْطَانِ. أَخْرَجَهُ مُسْلِمٌ.
وعشان كده احنا مش هننتصر الا اما نسعى تجاه القوه الفعليه اللي تخليك قادر تاخد حقك وبما اننا مبشرين بفتح القدس يبقي اكيد في مرحله هيحصل ان الشباب المسلمه تفوق وتبتدي تسعي تجاه الحاجه دي وفالاول والاخر الاستعانه بالله اهم من اي خطوه ماديه لكن لازال السعي وراء القوه هو الي هيخلي ربنا يوفقك

ممكن تستفاد ايه فحياتك الشخصيه وتفيد دينك بايه من المعلومه دي ؟
كذا حاجه لازم تفهمها
انت لو عندك مبادئ فقط مش هيتم احترامك الا من الناس اللي بتشترك معاك فالمبادئ دي , اللي اخلاقهم كويسه لكن اي حد تاني مش هيعملك اي اعتبار وهيتداس علي وشك
اما لو انت عندك مبادئ و قوي وقادر علي الاذيه يبقي الكل هيعملك الف حساب وبما انك عندك اخلاق ومبادئ مش هتأذي حد ميستحقش الاذيه
واكيد الايه اللي بتقول مُّحَمَّدٌ رَّسُولُ اللَّهِ ۚ وَالَّذِينَ مَعَهُ أَشِدَّاءُ عَلَى الْكُفَّارِ رُحَمَاءُ بَيْنَهُمْ ۖ
قادره توضح اكتر
بالتالي عايزك تسعى للقوه دايما قوه في كل حاجه
قوة ايمان
قوة نفسيه
قوة بدن
قوة فلوس
قوة سلطة
لأنك بالقوة دي تقدر تنصر دينك ولو كلنا كمسلمين فعلا بنحاول نبقى اقوياء فكل الحاجات دي محدش هيقدر يفكر يمس مسلم مننا
قوتك الماديه مش حب دنيا لو هدفك انك تبقي مسلم قوي
متفكرش ان سعيك فكسب الفلوس او ان يبقي عندك سلطه او ان حتى تبقي قوي بدنيا دي حب دنيا وبس
انت لو قوي ايمانيا دول هيبقوا نصره ليك وهيبقوا سلاح فأيدك ضد الاعداء وهيبقا نصره لاخواتك اللي اضعف منك ونصره لنفسك ان محدش يقدر يقربلك او يقرب لأهل بيتك

#saved_original