🟥🟥🟥🟥

Ijtimoiy tarmoqlarda “Namangan Davlat Universiteti oldida yigit yaxshi koʻrgan qizini pichoqlab oʻldirgani aytilmoqda?» izohi bilan tarqalgan xabar yuzasidan Namangan viloyati Oila va xotin-qizlar boshqarmasi quyidagilarni maʼlum qiladi.

Shu yil 6-may kuni soat 12:00da Toʻraqoʻrgʻon tumani Naymancha MFYda yashovchi 1999-yilda tug'ilgan Olimjonova Husnida Namangan Davlat pedagogika instituti binosi oldida oilaviy kelishmovchilik sababli oʻzining turmush oʻrtogʻi Ubaydullayev Oybek bilan janjallashib, Ubaydullayev Oybek turmush oʻrtogʻini pichoq bilan urib, oʻlimiga sababchi boʻlgan tan jarohati yetkazgan.

Maʼlumot uchun: Olimjonova Husnida 2019-yil 15-sentyabr Langarbobo MFY fuqarosi Ubaydullayev Oybek Farhod o'g'liga turmushga chiqqan. Hozirda bir  nafar farzandi bor. Oilada kelishmovchiliklar bo'lgani sababli Olimjonova Husnida ota uyiga ketadi. 2022-yil aprel oyida ushbu oila oilaviy qadriyatlarni mustahkamlash komissiyasi tomonidan yarashtiriladi. Maʼlum muddatdan soʻng oila yana oiladagi nizolar ortib boradi. Juda koʻp murojaatlaridan soʻng ikkala mahalla MFY faollari ajrimga xulosa berishga majbur boʻladi. Oilani tiklash imkoni bo'lmaganligi uchun Sudga qilingan murojaatlaridan soʻng Sud ajrim uchun 6 oy muhlat bergan va hozirgacha 5 oy oʻtgan.

Mazkur holat yuzasidan Namangan shahar prokuraturasi tomonidan Jinoyat kodeksining 97-moddasi bilan jinoyat ishi qoʻzgʻatilib, gumon qilinuvchi protsessual tartibda ushlangan va hozirda tergov harakatlari olib borilmoqda.

©️Namangan viloyati oila va xotin-qizlar boshqarmasi matbuot xizmati