YURAGIM IZMIGA...
Yuragim izmiga bo'ysundim bu kun,
Yo'qotdim qalbimdan shubha gumonni.
Ko'nglimning uyiga kiritdim bu kun,
Qabul aylang "jonlar" yangi mehmonni.

Faqat u sizlardek gapga sapchimas,
Faqat u farqliroq bizning makonda.
Goh yaqin begona garchi garchimas,
Nekbinlik yastangan uning tomonda.

Ne qilay o'kinmang farishtajonlar,
Bir sanam tor qilmas keng bu uyingiz.
Sizga ham baxshida u uchun jonlar,
Ko'niking oh- vohni endi qo'yingiz.

Egamning bir "YARAL" so'zidan paydo,
Bo'lgandir jumlayi jahonlar olam.
Balki dunyosida ishq bo'lib paydo,
Odam Atoyimdan meros menga ham.

Yuragim izmiga bo'ysundim bu kun,
Tashladim qobiqqa otdim gumonni.
Ko'nglimning uyiga kiritdim bu kun,
Qabul aylang jonlar yangi mehmonni.

@Xorun_Muso

Ўзбекистон Республикаси давлат мустақиллигининг 27 йиллиги муносабати билан “Комилжон Отаниёзов ижод маркази биносида жорий йилнинг 30 август куни соат 19:00да “Азиз ва ягонамсан, жонажон Ўзбекистоним!” шиори остида ўтказиладиган қонцерт дастуримизга барчангизни лутфан тақлиф этамиз!!!

@Xorun_Muso

🎬 Sardor Rahimxon - AJR Loyihasi: Sahiylik Baxt (HD Clip)
⚫️ @Sardor_Raximxon

“ОРҚАНГДА АЛЛОҲ ТУРИБДИ, БОЛАМ!”

Матнни Сардор Раҳимхон ўқиди.
канали учун махсус.

Каналга уланиш👇


@Sardor_Raximxon

🎬Sardor Rahimxon - Qizim deb yig'lagan otalar

⚫️ @Sardor_Raximxon

🎬Sardor Rahimxon - Hidoyat faqat Allohdan (juda ta’sirli hikoya) (HD Video)

✅ @Sardor_Raximxon
👇 Do'stlarga ulashing
https://telegram.me/joinchat/AAAAAE1H5PKKzFx5Zm7wxQ

🎼 Onam
🎤 by Sardor Rahimxon

Hayotda oz yashab ko'p azob ko'rdim
Gohida yiqildim gohida turdim
Sevgidanam do'stanam bir varakay kuydim
Dedingiz jon bolam saqlama dilda g'am

Mehrni narxi yo'q do'stlarning soni
Minnatli bo'larkan o'zganing noni
Lekin ota onangga kelmaskan maloli
Bo'zlab qolma yo'qotgach hidlab ro'moli

Mehribonim ONAM
Beozorim ONAM
Beg'uborim ONAM
ONAJONIM ONAM

Nomarddan ulfat qilib boshimga kulfat qilib
Davlat ketganda oldim kimga kimligim bilib
Kecha soyamga salom berib yurgan kimsalar
Andishasiz yurganda ortimdan g'iybat qilib

Boshim toshga tekkanda chekkanimda nadomad
Tangridan ertayu kech so'ragan menga omad
ONAM
Suolaringiz sabab omad quchog'in ochib
Davru davronim keldi yo'qchilik nari qochib

Aslida siz ekansiz
Mening baxtu omadim
Quyoshdek porlab turing
Boshimda nurlar sochib

ONAM ONAM ONAM
ONAAAAAM

Mehribonim ONAM
Beozorim ONAM
Beg'uborim ONAM
ONAJONIM ONAM

Ichim to'lib aytdimda gapning xonasin
Bunchalaram mo'rt bo'lar odam bolasin
Eng vaxshiy inson ham dod faryod qilib
Yig'larkan hayotdan o'tsa onasi

Mehrning narxi yo'q do'stlarning soni
Minnatli bo'larkan o'zganing noni
Lekin ota onangga kelmaskan maloli
Bu dunyoda JANNATIM omon bo'lsin
ONAAM



Writer(s): Sardor Rahimxon


🎼 Onam

@Xorun_Muso

SEN MENGA KERAKSAN.
Eslashga extiyoj sezarman yana,
Yodimdan yaralgan ey koʻhna malak.
Siymoying koʻksimga chizilgan mana,
Sen menga keraksan men senga kerak.

Ishq darchadan qara yurak makoning,
Qarshingda bir umrlik kutgan chin yoring.
Har olgan nafasing oʻtgan har oning,
Sen menga keraksan men senga kerak.

Behuda oʻy halal bermasin endi,
Istirob changalin solmasin endi.
Kel hijron azobi yengmasin endi,
Sen menga keraksan men senga kerak.

Dildagi ohlarim dard qilib paydo,
Yurakni titratar qilmoqda ado.
Sen oʻzing tanhosan men senga shaydo,
Sen menga keraksan men senga kerak.

@Xorun_Muso

Assalom u aleykum xurmatli kanal aʼzolari. Kuningiz hayrli boʻlsin. Bizning "Xorun Muso sheʼriyati" kanalimizga sheʼriyatga qiziquvchan, ijod olami bilan hamnafas birodarlaringizni ham taklif qilishingiz mumkin. Buning uchun

t. me\
@Xorun_Muso

Eʼtiboringiz uchun rahmat.

ONA MONALOGI.
Buyuklarning nigohi,
Titratgan togʻ toshini.
Ular yogʻiz Onaga,
Egar ekan boshini.

Gʻanim uzgan kamon oʻq,
Boʻlmas oʻlim shamoli.
Ona qilgan duosi,
Boʻlar hayot tumori.

Moʻrt boʻlsa gar qaysi qalb,
Dardga toʻla kemtikdir.
Onasi bor har mardning,
Qaddi raso tetikdir.

Ona hayot mayoqi...
Tonglar unda uygʻonar.
Qizgʻaldoqlar gul ochgan,
Togʻlar unda uygʻonar.

Ona moʻjiza, hilqat,
Jam qilgan bor iffatni.
Ikki olam to abad...
Makon qilgan Jannatni.

Bahorda bergan ifor,
Qishda gullar unmaydi.
Ona mehri to tirik,
Ona mehri oʻlmaydi.

Bilsin keyingi avlod,
Olsin shunday saboqni
Fanga kiritmoq kerak,
Ona degan kitobni...
30. 08. 2018.
📝📝📝15:30

@Xorun_Muso

OʻZBEKISTON.
Men nechun sevaman O'zbekistonni,
Tuprog'in ko'zimga aylab to'tiyo?
Nechun Vatan deya yeru osmonni,
Muqaddas atayman, atayman tanho.

Aslida, dunyoda tanho nima bor,
Paxta o'smaydimi o'zga elda yo?
Yoki quyoshimi sevgimga sabab?
Axir quyoshli-ku butun Osiyo.

Men nechun sevaman O'zbekistonni?
Bog'larni jannat deb ko'z-ko'z etaman,
Nechun ardoqlarkan tuprog'ini men,
O'paman: “Tuprog'ing bebaho, Vatan”

Aslida tuproqni odil tabiat
Taqsim aylagan-ku yer yuziga teng.
Nechun bu tuproq deb yig'ladi Furqat,
O, Qashqar tuprog'i, qashshoqmiding sen?

Xo'sh nechun sevasan O'zbekistonni,
Sababini aytgin, desalar menga,
Shoirona, go'zal so'zlardan oldin
Men ta’zim qilaman ona xalqimga...........
📝📝 A.Oripov

ЎЗБЕКИСТОН

О, ота маконим,
Онажон ўлкам,
Ўзбекистон, жоним тўшай соянгга.
Сендай меҳрибон йўқ,
Сенингдек кўркам,
Римни алишмасман бедапоянгга.
Бир гўша сув бўлса, бир гўша қирлар,
Қанча юртни кўрдим, қанча тақдирлар.
Қайга борсам суяб, бошни тик тут деб,
Тоғларинг изимдан эргашиб юрар.
Кўрдим сулувларнинг энг фарангларин,
Ё худбинман ё бир содда касман мен:
Парижнинг энг гўзал ресторанларин,
Битта тандирингга алишмасман мен.
На гапга кўнайин,
На тил билайин,
Кўздан уйқу қочди, дилдан ҳаловат.
Уч кунда соғинсам нима қилайин?..
Чала қолар бўлди ҳамма саёҳат.
Билдимки, баридан улуғим ўзинг,
Билдимки, яқини шу тупроқ менга.
Баҳорда Бахмалда туғилган қўзинг
Араб оҳусидан азизроқ менга.
Сен билан ўтган ҳар кун байрам-базм,
Сенсиз бир он қолсам раҳмим келади.
Сени билганларга қиламан таъзим,
Сени билмасларга раҳмим келади.

📝📝📝Муҳаммад Юсуф

@Xorun_Muso

BAYRAM MUBORAK!!!
Assalom u aleykum qadrli kanal aʼzolari barcha-barchangizni Mustaqillikimizning 27-yillik shodiyonasi bilan tabriklayman. Xonadonlaringizdan doimo qut baraka, oilangizdan baxt shodiyonasi arimasin. Bizga berilgan eng aziz neʻmatimiz tinchligimizga koʻz tegmasin.

@Xorun_Muso

O’zbekiston Respublikasining Birinchi Prezidenti
Islom Karimov xotirasiga

Bir xabar tarqaldi,
Yarim tun edi,
Go’yo g’am seliga botdim, yo’qoldim.
Kimdir yo’lboshchidan ayrildik dedi,
Men-chi, aziz do’stdan ayrilib qoldim.

Kimning xayoliga kelmishdir axir,
Birdan qulab tushsa buyuk bir chinor.
Alam bo’g’zimizda achchiq va taxir,
Bu g’amning na cheki – chegarasi bor.

Ketdi nogahonda aytmay biror so’z,
Hijron oloviga barchani tashlab.
O’zbek osmonida so’ndi cho’ng yulduz,
Katta-yu kichikning ko’zini yoshlab.

Biz — noqis bandalar, o’ylamay goho,
Boshimiz silagan qo’lni tishladik.
Yuz yillab teskari aylandi dunyo,
O’z emas, o’zgalar uchun ishladik.

Biz — ojiz bandalar, anglamay turib,
Birovning zabonin sanadik afzal.
Shu yurt daholarin bilib va ko’rib,
Begona zotlarga yasadik haykal.

Bosqin tepamizda turar edi zil,
Uni tag-tubidan buzmoq shart edi.
Asriy vayronaning o’rnida dadil,
Yangicha mamlakat tuzmoq shart edi.

Foniy bu dunyoning baland-pastiga,
Teran nazar tashlab o’tdi bu Inson.
Millat qadri deya yashab aslida,
Xalqining dardiga bo’loldi darmon.

Bugun judolik bor gar qalbimizda,
Lekin g’urur yashar havas qilgulik.
Abadiyat o’sdi ko’z oldimizda,
Shundoq yonimizdan o’tdi Mangulik.
04.09.2016

Abdulla Oripov

@Xorun_Muso

* * *
Кўзингга боқишга журъат етмайди,
Қарасам, кўнгилга жабр бўлади.
Кипригингга қўнса хаёлим – дайди,
Юрагинг ишқимга қабр бўлади.

Мен сенга сўзласам, сўзларим – дудуқ,
Йўлимда пайдосан – йўлим ўзга йўл.
Ишқим ҳам поёнсиз, тубсиз бир қудуқ,
Юрак – сув парилар яшаётган кўл.

Шу кўлда енг нафис битта инжу бор,
Кел, сулув, бўйнигга тақай мен уни.
Ҳажрингда юрагим музласа, дилдор,
Кўксимни ёндирсин ишқинг учқуни.

Майли, ёниб кетсин тафтингдан таним,
Майли, ёниб кетсин ишқингда юрак.
Асли қалбинг бўлса менинг ватаним,
Менга бу дардисар энди не керак.

Кўзингга боқишга журъат йўқ, наргиз,
Кўнглимни ўрнига қўёлмайман ҳеч.
Кўзингга кўз тушиб қолди-ю, ҳаргиз
Кўзингга термилиб тўёлмайман ҳеч.

Кўзимни узишга хоҳишим ҳам йўқ,
Кўз узсам, бу кўзга жабр бўлади.

© Отабек ОДИЛ

@Xorun_Muso

Илтижо

Яратганим, ўзинг бер имкон.
Орзуларим рўёб бўлгунча.
Онам соғ тут , мени ҳам омон,
Мен онамни рози қилгунча.

Фурсат ўтиб кетмасми дейман,
Ғамлар ўзиб кетмасми дейман,
Сендан сабот, умр тилайман,
Мен онамни рози қилгунча.

Ташвиш қувиб етиб олмасин,
Ўкинч дилга ғулув солмасин,
Юрагимда армон қолмасин,
Мен онамни рози қилгунча.

Розилиги калит жаннатга,
Белим боғлай ушбу хизматга,
Йўлиқтирма ҳеч мусибатга,
Мен онамни рози қилгунча.

Тўлмаса ҳам бир икки камим,
Токи тупроқ бўлгунча таним,
Умр бериб тур яратганим,
Мен онамни рози қилгунча.

Хушнуд Дарвеш

@Xorn_Muso

***

Душанбада сенга бўлмагайман иш,
Душанбада сенга туш бўламан, туш.
Кўрпангга дераза суратин солиб,
Юмушим - эрталаб қуёшни ёқиш.

Сешанбада сенга бўлмайман соғинч,
Сешанбада сенга бўламан овунч.
Илиқ хотиранинг оғушларида
ёруғ дарёларда тинч оқасан, тинч.

Чоршанбада сенга бўламан баҳор.
Сен учун ёмғирим тинади наҳор.
Сен учун гул очгум йўл четида - уз! -
Гул сенинг қўлингда ўлса - бахтиёр.

Эрмак китоб бўлгум пайшанба куни,
"Юракни унут" деб ёзганлар уни.
Умр ўтаверар айрилиқ туни
ўқисанг - кўнгилнинг чиқмагай уни.

Жумада шамолни қўйгум тўхтатиб,
Кўча чиқ - ўзингни ўзинг ўйнатиб.
Кўнглингга оҳиста қўшиқлар солай,
Сайр қилгин - сайрингни эрка кўйлатиб.

Шанбада - кун ўтсин - чақиргин меҳмон!
Азизим, меҳмон ҳам соғинчга довон.
Эсласанг, ёшингни панада артгин,
Эсласанг, идиш юв, тушганида шом.

Якшанбада... Бу кун бўлади ёмон.
Якшанбада сенга бўламан армон.
Якшанбада мени йиғлаб чорлайсан,
Жавоб беролмайди на ер, на осмон.

Якшанбада сени қолдиргум якка,
Энди юракланиш - эту сўнгакда.
Энди зиндон сари аста борасан-
Юзма-юз келгани маҳбус юракка.

Юрак билан қолсанг, касбу кор - ёниш,
Соғинчнинг ортидан дўзахга бориш.
Душанба келдими? Нима қилайин...
Бундан кейин фақат иш бўлайми, иш.

Якшанбада, ахир, жудаям оғир.
Юрак яйдоқликда - бепаноҳ фақир.
Якшанба бўлмайми? Нима қилайин -
Сенинг билан ёлғиз қолсинми тақдир?

Усмон Азим

@Xorun_Muso