🔷دەسبەسەرکرانی دوو هاووڵاتیی خەڵکی ورمێ لەلایەن ڕێژیمەوە

🔹خۆڕاگری: مەیسەم شیرینی و ڕەسووڵ ئەسەدزادە، دوو هاووڵاتیی خەڵکی ورمێ لەلایەن هێزە سەرکوتکەرەکانی کۆماری ئیسلامییەوە دەسبەسەر کران.

درێژەی هەواڵ...👇👇👇

https://xoragri.com/?p=12856

🔷سەپاندنی سزای ١٥ساڵ بەندکردن بەسەر هاووڵاتییەکی خەڵکی سەقز لەلایەن ڕێژیمەوە

🔹خۆڕاگری: ئەیووب جەوانپوور، هاووڵاتیی دەسبەسەرکراوی خەڵکی شاری سەقز کە ئێستا لە بەندیخانەی ناوەندیی ئەو شارە بەند کراوە، لەلایەن دادگای ئینقلابی ڕیژیمەوە سزای پازدە ساڵ بەندکردنی بەسەردا سەپاوە.

درێژەی هەواڵ...👇👇👇
https://xoragri.com/?p=12862

بەشداری بەرپرسی ئەنجومەنی زیندانییە سیاسییەکانی ڕۆژهەڵاتی کوردستان لە بەرنامەی ڕۆژەڤ لە کوردکاناڵ سەبارەت بە ئاماری دەسبەسەرکراوان و حوکم دراوانی مانگی پووشپەڕ لە ڕۆژهەڵاتی کوردستان.
#ڕۆژەڤ

◽️میوانی بەرنامە: سەلاح خزرپوور / بەرپرسی ئەنجومەنی زیندانییە سیاسیەکانی ڕۆژهەڵاتی کوردستان

#ئاودانان

🔷هاووڵاتییەکی دەسبەسەرکراوی خەڵکی ئاودانان بە بارمتە ئازاد کرا و تەندروستیی ناجێگیرە

🔹خۆڕاگری: ناسر ڕەزایی، هاووڵاتیی خەڵکی شارۆچکەی “سەراوباغ”ـی سەربە شاری ئاودانان، پاش ٢ مانگ دەسبەسەربوون، بە دانانی بارمتەی قورس بە شێوەی کاتی تا کۆتاییی دادگاییکردنەکەی ئازاد کرا.

درێژەی هەواڵ...👇👇👇

https://xoragri.com/?p=12865

#سنە

🔷سەپاندنی سزای دوو ساڵ بەندکردن بەسەر چالاکێکی کرێکاریی خەڵکی سنەدا

🔹خۆڕاگری: بورهان سەعیدی، چالاکی کرێکاریی خەڵکی سنە، لەلایەن دەزگای قەزایی ڕێژیمەوە سزای دوو ساڵ بەندکردنی بەسەردا سەپێندرا.

درێژەی هەواڵ...👇👇👇

https://xoragri.com/?p=12872

#سەراوڵە

🔷خۆڕاگری: مێهرداد قەیسەربەیگی، ئەیووب گەڕاوەند، یوونس گەڕاوەند و نەوید محەممەدنژاد، خەڵکی سەراوڵە بە نیشانەی ناڕەزایەتی دەربڕین لەسەر ناڕوونیی چارەنووسیان، لە بەندیخانەی ناوەندیی ئیلام مانیان لە خواردن گرت.

🔹بەپێی ڕاپۆرتی ئەنجومەنی زیندانییە سیاسییەکانی ڕۆژهەڵاتی کوردستان “خۆڕاگری” ڕۆژی یەکشەممە، ١ی گەلاوێژی ١٤٠٢ی هەتاوی، مێهرداد قەیسەربەیگی، ئەیووب گەڕاوەند، یوونس گەڕاوەند و نەوید محەممەدنژاد، چوار هاووڵاتیی دەسبەسەرکراوی خەڵکی شاری سەراوڵەی سەربە پارێزگای ئیلام، لە بەندیخانەی ناوەندیی ئەو شارە بە نیشانەی ناڕەزایەتیی دەربڕین بە پێڕانەگەیشتنی دۆسییەکەیان و ناڕوونی چارەنووسیان مانیان لە خواردن گرتووە و ماوەی ٤٣ ڕۆژە دەسبەسەر و لە بەندیخانەی ناوەندی ئیلام ڕاگیراون.

درێژەی هەواڵ...👇👇👇

https://xoragri.com/?p=12869

#مەهاباد

🔷دەسبەسەرکردنی هاووڵاتییەکی خەڵکی مەهاباد لەلایەن ڕێژیمەوە

🔹خۆڕاگری: ئومێد مەزڵووم، برای موحسین مەزڵووم بەندکراوی سیاسیی کورد و خەڵکی شاری مەهاباد لەلایەن هێزە سەرکوتکەرەکانی کۆماری ئیسلامییەوە دەسبەسەر و بۆ شوێنێکی نادیار گواسترایەوە.

درێژەی هەواڵ...👇👇👇

https://xoragri.com/?p=12875

#ئیلام

🔷مێرمنداڵێکی دەسبەسەرکراوی خەڵکی ئیلام بەشێوەی کاتیی ئازاد کرا

🔹خۆڕاگری: ئەرشەک قەیسەربەیگی تەمەن ١٥ ساڵی خەڵکی ئیلام، دوای یەک مانگ دەسبەسەرکران، بەدانانی بارمتەی یەک میلیارد تمەنی لە ناوەندی پەروەردە و چاکسازی ڕێژیم لەو شارە بە شێوەیەکی کاتی ئازادکرا.

درێژەی هەواڵ...👇👇👇

https://xoragri.com/?p=12878

🔷دەسبەسەرکردنی چالاکێکی مەدەنیی خەڵکی سنە لەلایەن ڕێژیمەوە

🔹خۆڕاگری: ئەسعەد محەممەدی، چالاکی مەدەنیی خەڵکی سنە، لەلایەن هێزە سەرکوتکەرەکانی ڕێژیمەوە دەسبەسەر و بۆ شوێنێکی نادیار گوازرایەوە.

درێژەی هەواڵ...👇👇👇

https://xoragri.com/?p=12881

#ئاودانان

🔷دادگای ڕێژیم لە ئاودانان لاوێكی ئەو شارەی بۆ لێکۆڵینەوە بانگ کردووە

🔹خۆڕاگری: سەید ئەمیرحوسێن مووسەویان‌زادە، هاووڵاتیی خەڵکی ئاودانان، لەلایەن لقی دووی دادگای ڕێژیمەوە بە مەبەستی لێکۆڵینەوە بانگ کراوە.

درێژەی هەواڵ...👇👇👇

https://xoragri.com/?p=12884

#کرماشان

🔷پێنەدانی مەرەخەسی بە سیاوەش حەیاتی لەلایەن بەندیخانەی دیزڵ‌ئاوای کرماشانەوە

🔹خۆڕاگری: سیاوەش حەیاتی بە مەبەستی چارەسەری پزیشکی داوای لە بەرپرسانی بەندیخانەی دیزڵ‌ئاوای کرماشان کرد کە مەرەخەسی پێ بدەن، بەڵام داواکەی ڕەت کرایەوە.

درێژەی هەواڵ...👇👇👇

https://xoragri.com/?p=12894

#ئاودانان

🔷دەسبەسەرکردنی هاووڵاتییەکی خەڵکی ئاودانان لەلایەن چەکدارانی ڕێژیمەوە

🔹خۆڕاگری: محەممەدحوسێن حاسڵی، خەڵکی شارۆچکەی سەراوباغی سەربە شاری ئاودانان، لەلایەن هێزە چەکدارەکی کۆماری ئیسلامییەوە دەسبەسەر و بۆ شوێنێکی نادیار گوازراوەتەوە.


درێژەی هەواڵ...👇👇👇

https://xoragri.com/?p=12891

#سەقز

🔷پزیشکێکی خەڵکی سەقز لەلایەن ڕێژیمەوە سزای ٨مانگ بەندکردنی بەسەردا سەپێندرا

🔹خۆڕاگری: بەیان ساڵحیان،پزیشکی پسپۆڕی هەناوی خەڵکی شاری سەقز، لەلایەن دەزگای قەزایی کۆماری ئیسلامییەوە سزای ٨مانگ بەندکردنی بەسەردا سەپێندرا.

درێژەی هەواڵ...👇👇👇

https://xoragri.com/?p=12897

یادت هەرمان،زیندوو یاد قاسم سووڵتانی
زیندانی سیاسی پێشوو وتێکۆشەری دێرین نیزیک بە پێنج دەیە خەبات و تێکۆشان لە پێناوی ئازدی، دوێنێ پێنج شەممە ٥ی گەلاوێژی١٤٠٢ی هەتاوی دڵە گەورەکەی لە لێدان کەوت و ماڵاوای لە هاوسەنگەران و خۆشەویستانی کرد.بەم بۆنە غەمناکە سەرەخۆشی لە بنەماڵەی بەڕێزی وئازیزان وهاوڕێ و هاوسەنگەرانی دەکەین،

‌ لە بەندیخانەی پەهلەوی‌ڕا بۆ سەنگەری خەبات دژی کۆماری ئیسلامی
2019/12/22 هەواڵ, وتووێژ

قاسم سوڵتانی

ناوم قاسم سوڵتانی‌ـیە لە ساڵی ١٣٣٨ لە مەهاباد لەدایک بووم. لە ڕیزی ئەو بنەماڵە نێونجییانە بووین و باوکم دارتاش بوو. تەمەنی منداڵیم وەک هەر منداڵێکی ئەو سەردەمە بە خوێندن و کارکردن تێپەڕ بوو و، هەتا وەرگرتنی بڕوانامەی دیپلۆم لە بەشی ئابووریدا درێژەم بە خوێندن دا.
هەواڵەکانی شۆڕشی کوردستانی عێراقم لە ساڵی ١٩٧٤ی زایینی لە ڕێگەی ڕادیۆوە گوێ لێ دەبوو و، ئەوەش کارتێکەریی خۆی لەسەر شکڵگرتنی بیری نەتەوایەتیی من دانابوو. دواتر لە ساڵی ١٣٥٤ ئەو کات کە لە قۆناغی دواناوەندی بووم لەگەڵ مامۆستایانێکی وەک کاک حوسێن مەدەنی، کاک کەریم دانشیار و کاک جەعفەر سەعدییە ئاشنا بووم. ئەم مامۆستایانە کە لە تاراوگەوە گەڕابوونەوە زۆر لەسەر بیری نەتەوایەتیی ئێمە شوێندانەر بوون و، بەوپەڕی بوێرییەوە لەو کات و زەمەنە پڕمەترسییەدا بانگەشەی کوردایەتییان بۆ منداڵانی پۆلەکان دەکرد، کە منیش یەکێک لەو منداڵانە بووم. لەبیرمە ئەو کات لە وانەی مێژوودا بابەتێکی تێدا بوو لەژێر ناوی “حکومت پوشالی کوردستان” کە بە سووکایەتییەوە باسی لە کۆماری کوردستان دەکرد؛ ئەم مامۆستایانەی کە ناوم هێناون زۆر بەجوانی ڕاستییەکانیان بەپێچەوانەی کتێبەکە بۆ قوتابییەکان ڕوون دەکردەوە.
هەر ئەم لێک ‌نیزیک بوونەوە لەگەڵ ئەم خۆشەویستانەدا و بەتایبەت کاک کەریم دانشیار بووە هۆی ئەوەی کە زیاتر حیزب بناسم، لە ساڵی ١٣٥٥ بۆ یەکەم جار ڕۆژنامەی “کوردستان”ـم بەدەست گەیشت و خوێندمەوە. لەو سەروبەندەدا کاک کەریم دانشیار کە بەرپرسی تەشکیلاتی نهێنیی مەهاباد بوو، لەگەڵ کۆمەڵێک هاوڕێ وەک: کەریم قادری، پۆڵا نانەوازادە و شەهید تەها کەرباسی و … دەیبردین بۆ شاخەکانی دەوروبەری شار و لەوێ ڕۆژنامەی کوردستانی بۆ دەخوێندینەوە. بەم شێوەیە بوو کە وردە وردە تێکەڵ بە چالاکیی حیزبی بووم.
شەوی جێژنی مەولوودی ١٣٥٦ بوو، کاک کەریم من و شەهید تەها و کەریم ئەفسەردلێری ڕاسپارد بچینە سەر گۆڕستان و لەوێ دروشمێک کە لەسەر کڵێشە دەرهاتبوو بە سپرەی ڕەنگ بینووسینەوە؛ دروشمەکە ئەوە بوو “ما انتقام خون شهدای خود را می‌گیریم.” ئەم دروشمەمان لە هەموو دەوروبەری گۆڕەکانی شەهیدان “سولەیمان موعینی” و “مەلا محەممەد زەنگەنە” نووسی. نەریتی کوردەواری وایە خەڵک سەرلەبەیانیی ڕۆژانی جێژن دەچنە سەر گۆڕستان، کاک کەریم‌ـیش چووبوو و هاتەوە گوتی کارەکەتان دەنگدانەوەیەکی زۆری هەبووە لەنێو خەڵکدا و ورەی بەخشیوە بەو خەڵکە، هەمووان پێی خۆشحاڵ بوون.
مانگی جۆزەردانی هەمان ساڵ کە هاوکات بوو لەگەڵ تاقیکردنەوەی قوتابخانەکان، کاک عەزیز یووسفی لە تاران کۆچی دوایی کرد و تەرمەکەیان لەوێوە هێناوە بۆ مەهاباد، ڕێژیم حاڵەتی حکوومەت نیزامی بەخۆوە گرتبوو، تانکی هێنابووە سەر شەقام و هەموو هێزەکانی لە ئامادەباشیدا ڕاگرتبوو. هیچ کار و چالاکییەکی تایبەت نەکرا هەتا سێ‌ڕۆژەی سەرەخۆشیی کاک عەزیز کە لەوێ کاک جەلیل گادانی و خانمی دەبباغی (خوشکی کاک کەماڵ دەبباغی)، بۆ بەشداربووان سوخەنڕانییان کرد و لەوێ هەستی کوردایەتیی ئامادەبووانیان هەڵخڕاند. لەدوای سوخەنڕانییەکە کاک عومەر قازی لەگەڵ ئاماژەدان بە گۆڕی شەهیدان موعینی و زەنگەنە، دەنگی هەڵبڕی و گوتی ئەوە گۆڕی کەسانێکە کە بەدەستی شای سەگ و سەگباب شەهید کراون. هەر ئێوارێی ئەو ڕۆژە خۆپیشاندانەکانی مەهاباد دەستی پێکرد و، تەلەفوونی شار لەلایەن حکوومەتەوە پچڕا و کۆمەڵێکیش لە خەڵک دەسبەسەر کران.
بۆ سبەینێی ئەو ڕۆژە جوان لەبیرمە تاقیکردنەوەی وانەی بازرگانیمان هەبوو، چووبوومەوە بۆ قوتابخانە، پێش لەوە تاقیکردنەوە دەست پێبکا، “ڕەزی”، جێگری سەرۆکی ساواکی ئەو کاتی مەهاباد، هاتە ئەوێ و پێی گوتم دەبێ بێی لەگەڵمان چەند پرسیارێکت لێبکەین. کاک سولەیمان شاتری بەڕێوەبەری قوتابخانە پێشی پێگرتن و گوتی نابێ بیبەن تاقیکردنەوەی هەیە، بەڵام ڕەزی پێمل نەبوو و گوتی کاری دە دەقەمان پێیەتی.
یەکڕاست بردیانمە شارەبانیی مەهاباد، خەڵکی دیکەشی زۆر لێبوون. بەتەنیا لە دیوێکیان کردم کە چوومە ئەوێ ئایەتوڵڵا مەکارمی شیرازی و ئایەتوڵڵا تاهیری‌ـش لەوێ بوون، تاهیری گوتی: “ئەو منداڵەتان بۆ هێناوە؟” سەرۆکی شارەبانی لە وڵامیدا گوتی: “با بێڕێزیت پێ نەکەم، کارت نەبێ.” دوایەش ئاماژەی بە من کرد کە بمبەنە دەرێ.
پاش هەندێک پرسیار لەوێ بەڕێ کرامە ئیدارەی ساواک کە چوومە ئەوێ زۆرێک لە لاوانی شار گیرابوون وەک: سیامەند موعینی، ئەحەی ئەنجیری، شەهید تەها و … ڕەزی دەستی کرد بە لێپرسینەوە و منیش بەردەوام حاشام لەوە دەکرد کە لە خۆپیشاندانەکاندا بەشدار بووبێتم، هەتا وێنەکانی نیشان دام و خۆم بینی لە ڕیزی پێشەوە بووم و لە دوای ئەوە زللەیەک و شەپێکی لێدام و دەستووری دا بمبەن بۆ زیندانی شارەبانی.

‌ لەو کاتەدا بەبێ ئەوەی ئێمە ئاگامان لێ بێ کاک جەلیل گادانی و کاک حەسەن ماوەڕانی‌ـش لە تاران دەسبەسەر کرابوون و ناردبوویاننەوە بۆ زیندانی پادگانی مەهاباد.
ژماری ئەو کەسانەی لەو سەروبەندەدا زیندان کرابوون، ٣٦ کەس بوون. بەرچاوترینیان بریتی بوون لە کاک جەلیل، خەلیل و محەممەد گادانی، سەید حەسەن هاشمی، عومەر قازی، حەسەن و قادر ماوەڕانی، حەمەدەمین و قاسم چڕە و … کە بەتاوانی “تجزیەطلبی” دەسبەسەر کرابووین. لێرەدا ئەوەش بۆ مێژوو بگێڕینەوە کە کاک عومەری قازی لە ساواک گوتبووی: “ئێمە “تجزیەطلب” نین بەڵکوو تەجزیە کراوین و دەمانهەوێ پێکەوە بنووسێینەوە.” لەدوای ئەوەی کە خۆپیشاندانەکانی خەڵک ڕۆژ لەگەڵ ڕۆژ پەرەی دەستاند و داوای ئازادیی زیندانییانی سیاسییان لە حکوومەت دەکرد. نیوەمان لە مەهاباد بە دانانی بارمتەی ١٠٠ هەزار تمەن و مەرجی بەشداری نەکردن لە خۆپیشاندانەکان بەردراین و، ئەوانی دیکەش نێردرانە ورمێ و لەوێ پاش دە ڕۆژان ئازاد کران، دواتر بۆمان دەرکەوت کە حوکمی ئێمە ئێعدام بوو، بەڵام بەهۆی سەرهەڵدانی شۆڕش لە ئێران ئەم حوکمە لەسەر ئێمە جێبەجێ نەکرا و بەناچار ئازاد کراین.
لەگەڵ ئاشکرابوونی تێکۆشانی حیزبی دێموکرات منیش پەیوەست بووم بە ڕیزی ئاشکرای خەباتی ئەم حیزبە و ئێستا ئەوە پتر لە ٤٠ ساڵە پێشمەرگەم.

#سەحنە

🔷دادستێنی ڕێژیم لە سەحنە، بڕیاری کۆتایی لەسەر ٧١دەسبەسەرکراوی یارسانی دا

🔹خۆڕاگری: دادستێنی گشتیی ڕێژیم لە شاری سەحنە، لەسەر دۆسیەی ٧١ هاووڵاتیی دەسبەسەرکراوی پەیڕەوی ئایینی یارسان کە ٤ کەسیان ژنن، بڕیاری کۆتایی دەرکردووە.

درێژەی هەواڵ...👇👇👇

https://xoragri.com/?p=12901

#سنە

🔷سەپاندنی سزای بەندکردن بەسەر خوێندکارێکی خەڵکی سنەدا

🔹خۆڕاگری: واران محەممەدنژاد، خوێندکار و چالاکی فەرهەنگیی خەڵکی سنە کە لە ڕەوتی شۆڕشی ژینادا دەسبەسەر کرابوو، لەلایەن دادگای ئینقلابی ڕێژیمەوە لەو شارە سزای بەندکردنی بەسەردا سەپێندرا.

درێژەی هەواڵ...👇👇👇

https://xoragri.com/?p=12907

#جوانڕۆ

🔷دەسبەسەرکردنی چالاکێکی ژینگەپارێزی خەڵکی جوانڕۆ لەلایەن ڕێژیمەوە

🔹خۆڕاگری: یاسر نووری، چالاکی ژینگەپارێزی خەڵکی جوانڕۆ، لەلایەن هێزە سەرکوتکەرەکانی ڕێژیمەوە لەو شارە، بەشێوەیەکی توندوتیژی دەسبەسەر و بۆ شوێنێکی نادیار گوازرایەوە.

درێژەی هەواڵ...👇👇👇

https://xoragri.com/?p=12904

#سنە

🔷دەسبەسەرکردنی سێ چالاکی مەدەنی و خەڵکی سنە لەلایەن ڕێژیمەوە

🔹خۆڕاگری: مەسعوود میرزایی، ئیبراهیم میرزایی و هۆزان باباکەرەمی، چالاکی مەدەنیی خەڵکی شاری سنە، لەلایەن هێزە سەرکوتکەرەکانی کۆماری ئیسلامییەوە دەسبەسەر کراون.

درێژەی هەواڵ...👇👇👇

https://xoragri.com/?p=12910

#نەغەدە

🔷دەسبەسەرکرانی هاووڵاتییەکی خەڵکی نەغەدە لەلایەن چەکدارانی ڕێژیمەوە

🔹خۆڕاگری: مراد ڕەسووڵ تاجگەردوون، هاووڵاتیی خەڵکی شاری نەغەدە، لەلایەن هێزە داگیرکەرەکانی کۆماری ئیسلامییەوە دەسبەسەر و بۆ شوێنێکی نادیار گوازرایەوە.

درێژەی هەواڵ...👇👇👇

https://xoragri.com/?p=12913