🇺🇿 Президент Шавкат Мирзиёевнинг Мустақиллик байрамидаги нутқидан:

“Аҳолининг турмуш шароитлари яхшиланиб бораётгани натижасида ўртача умр кўриш даражаси 73,8 ёшдан 75,1 ёшгача узайди”.

Пискентда авто синов амалиёти бекор қилинди

2 сентябрдан автомобилларни Пискент синов мажмуасида текшириш тўхтатилиб, бу вазифа расмий дилерлар тизимига ўтказилди.

Навоийда паралимпия чемпиони меҳмонхона ходимини калтакладими?

Навоийда Паралимпия чемпиони иштирокидаги ҳодиса тафсилотлари маълум бўлди.

Тошкентда 180 млрд сўмлик криптовалюта схемаси фош этилди

«Хавфсиз кибермайдон» операцияси доирасида Киберхавфсизлик маркази ходимлари криптоактивларни ноқонуний айланишига алоқадор деб гумон қилинган олти нафар шахсни қўлга олди.

Тергув маълумотларига кўра, гуруҳ хорижий букмекерлик компанияларига хизмат кўрсатган ҳамда Desent платформаси орқали пулларни қонунийлаштириш операцияларини амалга оширган.

Қидирув ишлари натижасида мингдан ортиқ пластик карталар ва 38 та мобил телефон мусодара қилинди.

Жиноят иши Ўзбекистон Республикаси ЖКнинг 278-8-моддаси 3-қисми «а» ва «в» бандлари бўйича қўзғатилган. Айбланувчилар 3 йилдан 5 йилгача озодликдан маҳрум этилиши мумкин.

❗️Самарқанд вилояти раҳбари: «Бозор куни очко учун ишга чиқманг»

Самарқанд вилояти ҳокими Адиз Бобоев мутасаддиларга мурожаат қилиб, бозор куни очко йиғиш мақсадида ишга чиқиш керак эмаслигини таъкидлади.

Унинг сўзларига кўра, бу кунни уйдагиларга бағишлаш, оила даврасида ўтказиш муҳим ҳисобланади.

Ангренда ИИБ терговчиси пора билан ушланди

Тошкент вилояти Ангрен шаҳар Ички ишлар бошқармаси ҳузуридаги Тергов бўлими катта терговчиси ўз иш юритувида бўлган терговга қадар текширув иши доирасида фуқарога нисбатан жиноят иши қўзғатмаслик ва тегишли тартибда чора кўрмаслик эвазига 10 минг АҚШ доллари талаб қилиб, шундан 5 минг АҚШ долларини олган вақтида ашёвий далиллар билан ушланди.

Наманганда 30 минг доллар миқдордаги қалбаки купюраларни ўтказмоқчи бўлган шахс ушланди

Лаcетти машинасида бўлган йўловчи 100 долларлик купюрадаги қалбаки 30 000 долларни Наманган шаҳрида ўтказиш мақсадида олиб келганлиги аниқланган.

Мазкур ҳолат юзасидан жиноят иши қўзғатилиб, тергов ҳаракатлари ўтказилмоқда.

❌Тошкент шаҳрида дом қуриш учун 200 минг доллар "ассаломалукум" боракан яна пора бор экан 😬

Мана нимага ТОШКЕНТДА уйлар қиммат...Сабаби коррупция

«Ерни сотиб олиб қурилиш бошлаш учун заявка ташласак, порасини бермагунимизча қабул қилмайди. Унга 20 минг доллар, бунга 50 минг доллар, яна кимгадир 100 минг доллар беряпмиз»

Тадбиркор Тошкент шаҳрида дом қуриш учун 200 000 минг доллар пора тарқатилиши ҳақида очиқ - ойдин гапириб ташлади

Қурилиш вазирлиги, Архитектура ва Кадастр агентлигидан муносабат кутиб қоламиз

‼️Водийда газ заправкалар ишламаслиги сабаб аҳоли бензин билан таъминланади

Энергетика вазирлиги биржа савдоларига Фарғона водийси учун 2000 тонна бензин қўйилишини маълум қилди

Фарғона, Тошкент ва Сурхондарё вилоятларида коррупцион ҳолатлар аниқланди

Фарғонада ерни ноқонуний сотиш учун 15 минг «кўкида» пора олган мутахассис ушланган бўлса, Тошкентда бошқарма юрисконсулти ҳам 15 минг доллар пора олиб қўлга тушган ва қамоққа олинган.

Сурхондарёда эса солиқ инспектори тадбиркорнинг солиқ қарзини сўндириш учун 8 млн сўм олган вақтида ушланган.

Юқоридаги барча ҳолатлар юзасидан тергов ҳаракатлари давом этмоқда.

Тошкент шаҳрида ЙПХ гуруҳ командирига 500 долларни пора тариқасида таклиф қилган Onix ҳайдовчиси қўлга олинди.

Фарғона вилоятининг Қува ҳамда Боғдод туманларида профилактика инспекторига 1000 доллар, ЙПХ инспекторига эса 800 долларни таклиф қилган шахслар ушланди.

Сурхондарё вилоятида маст ҳолда рул бошқарувига киришганлиги учун маъмурий чора қўлланилган фуқаро ЙПХ инспекторига 3 млн сўмни пора тариқасида бераётган вақтда қўлга олинди.

Энди нотариусга борганда паспорт сўралмайди

Фуқаролардан 30 турдаги ҳужжатларни талаб этиш бекор қилинади. Хусусан, ФҲДЁ органида никоҳланувчи шахсларнинг тиббий кўрик натижалари, мудофаа бўлимларида ҳарбий хизматга мажбурларнинг турар жойи ўзгарганлиги ҳақидаги ҳужжат сўралмайди, бу маълумотлар ахборот тизимлари орқали онлайн олинади.

Ўзбекистон зилзиладан жабрланган Афғонистонга инсонпарварлик ёрдами юборди

Озиқ-овқат маҳсулотлари, дори-дармон ва тиббий буюмлар ортилган 300 тоннага яқин юк Ўзбекистон халқи номидан Балх вилоятига етказилди.

❗️Фермер ва деҳқонлар учун ҚҚС имтиёзлари кенгайтирилади

Бу ҳақда Солиқ қўмитаси ахборот хизмати маълум қилди.

2026 йил 1 январдан бошлаб қишлоқ хўжалиги корхоналари томонидан деҳқон ва фермерларга ўзи етиштирган қишлоқ хўжалиги маҳсулотини (ғалла ва пахтадан ташқари) сотишда қўшилган қиймат солиғи учун нол ставка қўлланилади.

Шу билан бирга, маҳсулот етиштириш жараёнида уруғ, ўғит, ёқилғи, транспорт, электр энергияси каби харажатлар бўйича ҳисобга олинган ҚҚСни қайтариб бериш амалиёти ҳам сақланиб қолади.

Натижада деҳқон ва фермерлар ихтиёрида йилига 300 миллиард сўм миқдорида маблағ қолади, шунингдек, қўшимча равишда 400 миллиард сўмлик солиқни қайтариб олиш имконияти юзага келади.

‼️ЧAҚAЛОҚНИНГ ЧИРИБ КЕТГAН ИЧАКЛАРИ КЕСИБ ТАШЛАНДИ

Бунгa aсосий сaбaб – онa болaсигa овқaтни оғзидa чeйнaб бeргaнлиги. Оғзидaги бaктeриялaр болaгa ўтгaни вa болaнинг иммунитeти ҳaли ривожлaнмaгaни сaбaбли жиддий оқибaтлaргa олиб кeлгaн.

Яқинлaргa улaшиб огоҳлaнтириб қўйинг!

Профессор Зарифбой Ибодуллаев:

- Ходимнинг иш вақти 8 соатдан ошмаслиги, шанба ва якшанба кунлари эса албатта дам олиши шарт.

Сизниниг фикирингиз қандай ❗️

‼️Бунёдкор метро бекатидаги ҳолат еканлиги айтилмоқда😨

Тошкентда транспорт коллапси: «Бунёдкор»да одамлар тирбандликда туриб нафаси қийилди!

Иш кунлари метронинг «Бунёдкор» бекатида ҳақиқий тартибсизлик юз берди: навбат эскалаторгача чўзилди, платформада нафас олиш қийин бўлди, вагонларга эса одамлар зўрға кирди.

⚠️ Бу ҳали бошланиши холос — эртага, 8 сентябрдан, иккинчи курс ва ундан юқори талабалар ҳам ўқишга чиқишади. Одамлар яна бир неча баробар кўпаяди. Тайёр туринг!

Ангренда мудҳиш ЙТҲда 7 киши ҳалок бўлди

Кеча А-373 автомобиль йўлнинг 93-км.да цемент ташувчи «Shacman» юк машинаси ҳайдовчиси бошқарувни йўқотиб, темир йўл кесишмасида тўхтаб турган 2 та юк ташувчи ва 5 та енгил автомобиль билан тўқнашган.

Тошкент вилоят ИИББ хабарига кўра, оқибатда 7 киши воқеа жойида вафот этган, 5 киши шифохонага ётқизилган, 4 кишига тиббий ёрдам кўрсатиб, уйига жавоб берилган.

Ҳолат юзасидан жиноят иши қўзғатилган ҳамда оғир оқибатга олиб келган шарт-шароитларга баҳо бериш учун бош вазир ўринбосари бошчилигида Ҳукумат комиссияси тузилган.

Бугун Ўзбекистон миллий терма жамоаси Эронга қарши майдонга тушади

Икки терма жамоа «CAFA Nations Cup» соврини учун куч синашади.

Учрашувга соат 19:30 да «Олимпия» стадионида старт берилади.

Ўйинни ФИФА президенти Жанни Инфантино стадиондан томоша қилади.

🇺🇿⚽️ Миллий жамоамизни биргаликда қўллаб-қувватлаймиз!

Тонг хаос билан бошланди: Тошкентда эрталабки тирбандлик биринчи марта 8 баллга етди

Бугун эрталаб пойтахт том маънода тирбандликка дуч келди. Yandex маълумотларига кўра, йўллардаги тирбандлик 8 баллга етган.

Сабаби оддий: 2-курс ва ундан юқори талабалар ўқишга қайтди, машиналар оқими кескин кўпайди. Энди бундай тирбандликлар тошкентликлар учун кундалик воқеликка айланиши мумкин.