#Inbox_የተላከ

አትገባም አሉኝ
አትገባም አሉኝ ወደ ጊቢ
ባዩ ማነው በሉ የኔ አሳቢ
እኔ አላውቅም እንዴ የኔን ጉዳይ
ብሬ ነው ጠላቴ የኔ ገዳይ (አይ) (x2)

ብሬ ነው አናዳጁ
ለራሱ አይጠቅም ለወዳጁ
ሰቶ የተስፋ መሰላል
ሸርተት አርጎም ይጥላል
የግቢ ቁልፍ የደጁ ስላለ ነው በእጁ
የእውነት ፍርድን ሚያዛባ
አለኝ መቼም አትገባ

በሀገር አማን በደህና
ካልጠፋ የሰው ደህና
ብሬ ስልጣን ላይ የኖረ
እውቀት በፊቱ ያልዞረ (አዬ)

ጎበዝ አይሉት አዋቂ
ወንበር ብቻን አሟቂ
እኛንም አርጎን ቀረ
ፖለቲካ አዳማቂ (አአአ)

ተደቅሶ ተደቅሶ
ደሞም ይላል ከሱም ብሶ
ዘንድሮ እንደው አትገባ
አርፈ ቁጭ በል ይዘ በሶ (አሀ) (ይሄም ተባለ እንዴ) ኤቢ ያ ያ ያ አትገረምም አንተ

እነሱም እንዳሉን ነው
እኛም እንዳለን አለን
እነሱም እንዳሉን ነው
እኛም እንዳለን አለን

አትገባም አሉኝ ወደ ጊቢ
ባዩ ማነው በሉ የኔ አሳቢ
እኔ አላውቅም እንዴ የኔን ጉዳይ
ብሬ ነው ጠላቴ የኔ ገዳይ (x2)

ጆሮን ለእኛ ላልሰጠ
ጀርባውንም ለሰጠ
ቸልታን ለመረጠ
ሆዱን ብሎ ለሮጠ
ሰው ሚለውን ላልሰማ
አያዘልቅም በርጩማ
ሙድ ቢይዝብኝም ጋሼ
ዝምታ ነው ምላሼ
ምን ያረጋል ክርክር
ለማላገኝ ምስክር

ስልጣኑን ብቻ ይዞታል
የኔን ነገር ረስቶታል
ብጮህስ እሱ የታል
አሁንማ ለምዶታል (አዬ)

ሳይሰራ አንድ የረባ
አንቱ ሚባል በካባ
ትውልዱን እሚያድነው
ወንበር ሳይሆን ዕውቀት ነው (x2)
ተደቅሶ ተደቅሶ
ደሞም ይላል ከሱም ብሶ
ዘንድር እንዶን አትገባ
አርፈ ቁጭበል ይዘ በሶ(አ)

ተራ ብቻ የሰው ተራ
ተሰልፎ በተራ
ወንበሩንም አርጎታል
መድረሻ የለሽ ተራራ

እነሱም እንዳሉን ነው
እኛም እንዳለን አለን
እነሱም እንዳሉን ነው
እኛም እንዳለን አለን

ኤቢ ኤቢ ኤቢ አገባም አንተ😜😅

መረጃ ና አስተያየት ለመስጠት
  👉 @Ethiostudent4bot

ለተጨማሪ የ 12ኛ ክፍል መረጃዎች🙏
🔥@hahuethiopia1 🔥
🔥@hahuethiopia1 🔥
🔥@hahuethiopia1 🔥

"ዝናብ ዘንቦ ዘንቦ ፣ ሲበቃው ያባራል
መጠለያ ሞልቶ...
እየበሰበሱ ፣ መኖር ግን ይመራል"
ያልሽኝን እያሰብኩ ፣ ዶፍ ዝናብ ቢጥልም
እየበሰበስኩኝ...
ወዳንቺ 'መጣለሁ ፣ ከቶ አልጠለልም፡፡
ከዝናብ ነው እንጂ ...
ጥላው ካንቺ ናፍቆት ፣ እኔን አያስጥልም።
፡፡፡፡፡፡፡፡፡፡፡፡፡፡፡፡፡፡፡፡፡፡፡፡፡

(በላይ በቀለ ወያ )
#የግጥም_አብዮት fb


@Poem_Channal

​​​​◈ ━━━⸙ ፍቅሬን በግጥM ⸙━━━━ ◈


ማፍቀር መረገም ነው

ድሮ ልጅ እያለን ገና ጨቅላ ሆነን
ለእቃቃ ጨዋታ ባልና ሚስት ልኖን
አብረን ተሰብስበን ፊልም ላይ እንዳየነው
አንደኛው ሲፈቀር አንዱ ነው ሚያፍቅረው

እኛም ይሄን አይተን እኔ ነኝ ማፈቅረው እየተባባልን
ሁለት አፍቃሪ ሆንን ጠልተን መፈቀርን
በማፍቀር መጣላት አብዝተው ተገርመው
አንድ አባት እያዩን ሳቁ ጮክ ብለው

አባ እርሶ ይፍረዱን ማነው የሚያፈቅረው
እኔ ወይስ እሷ ብለን ጠየቅናቸው
እሳቸው በመልሱ እንባ ተናንቋቸው
መፈቀርን ፀጋ ማፍቀር መታደል ነው
ሄዋኗ ትፈቀር አፍቅር ደሞ አዳም
ብለው አስተማሩን ፍቅር አያጣላም

ታድያ እነዛ አባት እንዲህ ብለው መክረው
በልጅነት እድሜ ማፍቀርን ተርጉመው
ዛሬ ትልቅ ስሆን የእውነት አፍቅሬ
ማፍቀር መታደል ነው እያልኩኝ ተምሬ

ዛሬ ላይ ሄዋኔን አፈቀርኩሽ ብላት
ሴጣን እንደያዘው እንደ እብድ አረጋት
መፈቀር ፀጋ ነው ነበር የተባልኩት
ማፍቀር መታደል ነው ብዬም ነው ያደግኩት

#ታ
#ድ
#ያ

አፈቀርኩሽ ስላልኩ ልቤን ካደማችው?
ያፈቀራት ልቤን ካቆሳሰለችው?
አባ ተሳስተዋል ያስተምሩ ደግመው
ማፍቀርን ሀጥያት መረገም ነው ብለው


━━━━⸙ ፍቅሬን በግጥM ⸙━━━━

▃▅▆██▆▅▃▃▅▆██▆▅▃

https://t.me/joinchat/AAAAAE-H14mYFGMHTdYugA

ቃል…
--------------
ከጎጆው አጠገብ በረንዳው ላይ ቆሞ
ስለሷ እያሰበ ደጋግሞ ደጋግሞ
የጻፈውን ግጥም እያነበበችው
የናፈቀው ፊቷን በእንባዋ አጠበችው 😢😢
‘’ቃልሽ ቀን ነበረው…
ቃልሽ ቅን ነበረው…
ቃልሽ ቀን ገደለው…’’
የሚለውን መግብያ ዘጠኝ ጊዜ አንብባ
ቃሏንና ቀኗን አንድ ላይ አስባ
መአልትና ሌቱን አንድ ላይ ሰብስባ
የገደለችውን ቀን ልክ እንዳወቀችው
የናፈቀው ፊቷን በእንባዋ አጠበችው❤️❤️
‘’ህይወት ውጣ ውረድ የትሙ ብዙ ነው
ቀን የገደልሽውም አውቀሽ ሳታውቂ ነው
በፀሀይቱና በጨረቃ መሀል
በሰዓታት እጣ በቀን ማታ ክፍል
ከአንደኛው ትንፋሼ ቀጣዩ ሲቀጥል
ስጠብቅሽ ነበር ከእስትንፋሴ እኩል😍😍
እዛው ነሽ አውቃለሁ እዚህ ነሽ መጥተሻል
ልቤ ገራገር ነው እስከዚህ ያምንሻል!’’
የሚለውን መዝጊያ ዘጠኝ ጊዜ አንብባ
ፎቶ ደብዳቤውን 💌💌አንድላይ ሰብስባ
ፍቅር የሰጣትን በፍቅር አስባ
ልበ ገራገሩን…
ልቡን እንዳደማች ልክ እንዳወቀችው
የናፈቀው ፊቷን በእንባዋ አጠበችው !!




@Mubiyata ❤️❤️❤️

❤️❤️❤️ ተደስቼ ሳለ❤️❤️❤️

ስስምሽ ስላየሁ

ትላንትና በህልሜ

ዘሬን ቶሎ ተኛሁ

ልስምሽ ደግሜ

ታዲያ ምን ያደርጋልኀ

የ ህልሜ ደራሲ

አትታደል ቢለኝ

ህልሜን ገለባብጦ

ሲስሙሽ አሣየኝ!!!

✍MR7

"ከዛፍ የተቀመረ ዜማ"

ካ'ለም እቅፍ ወጥቶ
ካ'ለም እቅፍ ሸሽቶ
ወደ ገዳም ሲሄድ
ደክሞት ተዝለፍልፎ
ብላቴናዉ ያሬድ ካ'ንድ ዛፍ ስር አርፎ
ከዛፉ ግንድ ሥር ትል ሲሸልል ሰማ
እንዲህ በሚል ዜማ
"ዛፍ ነዉ ህይወቴ
ቅጠልዋ እራቴ
ሰባት ጊዜ ልውደቅ
ሰባቴ እንድወጣ
የኀላ ኀላ 'ራቴን አላጣ"
ይህን ስትሰማ ቅጠሊቱ ራደች
መሸሽ ባይሆንላት ሙሾን አወረደች
"ዛፉ ህይወቴ ነው
ግን ኀያል ቢመስልም
ተራራ ቢመስልም
ተራራ ቢያክልም
የማታ የማታ
ከትል አያስጥልም"
ያሬድ ይሄን ሰምቶ
ትሉ በጥረቱ ራት ሲበላ አይቶ
ተስፋውን አጸናዉ
በቅጠሏ ዕጣ ግን ተነካ ልቡናው
ከዚያም ተመልሶ
የትሉን ፉከራ
የቅጠሏን ለቅሶ
ባ'ንድ ላይ ለውሶ
ዜማውን ቀመረ
ዜማው ተዘመረ
ከሰው ነፍስ ተስማማ
በሰው ድምፅ አማረ ።

ትንሽ ቦታ
-----------
በዚህ ዓመት፣
ብንጣላ መታረቂያ
ብንታረቅ ለመጣያ
ትንሽ ቦታ መጠለያ
ትንሽ ብቻ መሠደጃ።
ምናለበት፣
ለምን አልባት ብንተውለት?
ፍፁም መሆን ስለማንችል
ትንሽ ባዶ እንዋዋል፣በልባችን ደግ በኩል።
ለአንጎላችን መላወሻ
ትንሽ ቦታ እንተውለት
''ምናልባት'' የምንልበት !!
ልክ እንደ አምና - በዚህ ዓመት ።
ብንጣላ መታረቂያ
ብንታረቅ ለመጣያ
ብንታሰር ይቅር ማያ
ይቅር ብለን መታሰሪያ
ትንሽ እንተው ባዶ ቦታ
ጥግ ድረስ የለም ስራ፣ጥግ ድረስ የለም ፋታ።
በልባችን ደግ በኩል፣እንፈልግ ባዶ ቦታ፣
የጳጉሜ አይነት ትንሽ ቦታ
ለዘመን መለወጫ።

ነብይ መኮንን

@yetbeb_mendar
@yetbeb_mendar

እንዳላጣሽ (በድሉ ዋቅጅራ)
.
.

በመኖርሽ -
ማለዳ ወፎች ሲዘምሩ፣
ዜማቸው
ይገባኛል፤
በመኖርሽ -
ምሽት ጉጉት ሲያሟርት፣
ሰቀቀኑ
ያስፈራኛል፤
በመኖርሽ -
ጨረቃን አድማስ ላይ ሳያት፣
ውበት
ድምቀቷ
ያጓጓኛል፡፡

ብቻዬን
የለኝም ቅኝት፣
ብቻዬን
የለኝም ስስት፣
ብቻዬን
የለኝም ጉጉት፣
እንዳላጣሽ፡፡

ታህሳስ፣ 2013
@yetbeb_mendar
@yetbeb_mendar

አ ገ ሬ
፠፠፠
አገሬ ውበት ነው፣
ለምለምና ነፋስ የሚጫወትበት፣
ፀሃይ የሞላበት፣ ቀለም የሞላበት።
አገሬ ቆላ ነው፣ ደጋ ወይና ደጋ፣
እዚያ ብርሃን አለ ሌሊቱ እስኪነጋ።
አገሬ ተራራ ሸለቆ ረባዳ፣
አገሬ ጅረት ነው ገደልና ሜዳ፣
ውበት ነው በበጋ ፀሃይ አትፋጅም፣
ክረምቱም አይበርድም፣
አይበርድም፣ አይበርድም።
አገሬ ጫካ ነው፣
እንሰሳት አራዊት የሚፈነጩበት፣
በወጥመድ ሳይገቡ ሳይነካቸው ጠላት።
እዚያ አለ ነፃነት፣
በሃገር መመካት፣
በተወላጅነት፣
በባለቤትነት፣
እዚያ አለ ነፃነት።
አገሬ ሃብት ነው፤
ጎመኑ ስብ ጮማ፣ ቆሎ ክትፎ ስጋ፣
ድርቆሹ ፍትፍት ነው፣ ቃሪያው ሙክት ሠንጋ፣
ጠጁ ነው ወለላ፣
ከኮኛክ ያስንቃል የመንደሩ ጠላ።
እህሉ ጣእም አለው እንጀራው ያጠግባል፣
ከቢራ ከሻምፓኝ ውሃው ይጣፍጣል፣
በዓሉ ይደምቃል፣
ሙዚቃው ያረካል፣
ጭፈራው ዘፈኑ ችግርን ያስረሳል።
እዚያ ዘመድ አለ፣
ሁሉም የናት ልጅ ነው፣
ሁሉም ያባት ልጅ ነው፣
ጠላትም አንዳንዴ ይመጣል መቃብር፣
ባለጋራም ቸር ነው “ያገር ልጅ ሲቸገር” ፤
ገነት ነው አገሬ።
ምነው ምን ሲደረግ ?
ምነው ለምን እንዴት ?
ዘራፊ ቀማኛ ምቀኛ ወንበዴ፣
ጥርኝ አፈር በጁ ስንዝር ወሰን አልፎ፣
የተቀደሰውን ያፍሪቃ ላይ ደሴት፣
ባያገኝ ለማርከስ ጠላት ይመኝ እንዴት።
እምቢኝ አሻፈረኝ፣
አሻፈረኝ እምቢ፣
መቅደስ ነው አገሬ፣
አድባር ነው አገሬ፣
እናትና አባት ድኸው ያደጉበት፣
ካያት ከቅደም አያት የተረካከቡት፣
አፈር የፈጩበት፣
ጥርስ የነቀሉበት።
አገሬ ዓርማ ነው፣ የነጻነት ዋንጫ፣
በቀይ የተጌጠ ባረንጓዴ ቢጫ።
እሾህ ነው አገሬ፣
በጀግናው ልጅ አጥንት የተከሰከሰ፣
ጠላት ያሳፈረ አጥቂን የመለሰ።
አገሬ ታቦት ነው ፣ መቅደስ የሃይማኖት፣
ዘመን የፈተነው በጠበል በጸሎት።
ለምለም ነው አገሬ፣
ውበት ነው አገሬ፣
ብሞት እሄዳለሁ ከመሬት ብገባ፣
እዚያ ነው አፈሩ፣ የማማ ያባባ።
ስሳብ እሔዳለሁ ቢሰበርም እግሬ፣
አለብኝ ቀጠሮ ከትውልድ አገሬ።
አለብኝ ቀጠሮ
ከትውልድ አገሬ፣
ካሳደገኝ ጓሮ።

ሰዓሊና ገጣሚ ገብረ ክርስቶስ ደስታ

@yetbeb_mendar
@yetbeb_mendar

😂😂ህይወትን ሳቅላት 😜😜😂
ታውቃለህ ወንድሜ
ህይወትን በእድሜ
ስተነትንልህ አትውቀሰኝ
ምንመሰለህ ከሰማኸኝ
እርህሴ ባይሰማም
ስገጥምልህ እንዲናት በግጥም
ሳቅባት ስትነቃባት
በጭራሽ እንዳትሰማት
ለችግር ስትሰጥህ
ወንድልጅ ሁን እንዳታለቅስላት
እግዚአብሔር ካንተጋ ነውና
ተስፋህ ሲፈተን ጠንካራ ሁንና
ከክፋት ከሀጥያት እራቅ በልና
ጠብቅ ስኬትህን ደስተኛ ሁንና
አንተ ከጠየከው በላይ ይደረግልሀል
አምላክ ሰው አይደለም ቃሉን ይጠብቃል
ስለዚህ ወንድሜ ጠብቀው በትእግስት
ግድ የለም እመነኝ ህይወትን ሳቅላት 😜😂

📝 ከረቂቅ 📝📝🙏
@poimfitsae

ይብላሽ
አዎ እንክት ያርግሽ
ሽምድምድ አርግቶ
ሸፋፋም ያድርግሽ
ኩራትሽ ይራቅሽ
ብርድ ርድ ያድርገው
ሙቀት ይጣ ሰውነትሽ
ከጨጓራሽ ይጥፋ አሲድሽ
ጥሬ ስጋ ይጥላ ጭራሽ እንዳያምርሽ
ምትፈልጊው ፋይል ይፎርመት ከስልክሽ
ከመኪና ውጪ የሰው አይን ይብላሽ
አዋ እንክትክት ያድርግሽ
ፍየል ፍየል ሽተች ይቀየር ጠረንሽ
በተለይ የእግርሽ እሽ
ብልሽ ቆይ ምንድነው ሚሰማሽ
መልሽልኝ እና እኔ ልበላልሽ

👇👇 ☝☝
እረቂቅ መላኩ እንዲህ ገጠመልሽ 😅😅

@kidapoim

በቅጡ መግደል
ኤልያስ ሽታኹን
* * * * *
የተዘለለ ዕድሜ
የሰው ሰው ካድሜ
ያሰብኩት ላይቀናኝ
ገዳም ያጣ መናኝ...
ዓለም ሰው ቢቀማው
ልብ አረፈ አሉ እቅፍ እንደጠማው፡፡
የሰው ቃል አይገድለው
የሰው ልብ አይችለው
የለም ሆኖ እንጂ
መሞቻም ባጣሁኝ እኔማ እንዳንቺ፡፡
ከፈረሰው ከገላዬ
ከመቃብር ከኋላዬ
የቆምሽው ከገደል
ይነሳል ብለሽ ነው? ልብ "ኢየሱስ" አይደል?
እመኚና ኑሪ ያውም ተደላድለሽ
ምን እንቅልፍ አሳጣሽ? በቅጡ ከገደልሽ፡፡


።።።።።👇👇👇👇።።።።።
🦋🦋 t.me/sufafel 🦋🦋
🦋🦋 t.me/sufafel 🦋🦋
🦋🦋 t.me/sufafel 🦋🦋

#አልዋሽም

ቅፅበት
ቅጥፈት
ሹመት
ተብረቅራቂዎቹን
አሻግሮ መመልከት
ጭፍን እውርነት
ቁልቁል--ቁልቁልነት
ጩልሌ--- ጮሌነት
የአልመቃምር ጉዞ
እውነታን እመሬት
ነስንሶ ጎዝጉዞ

ይረጋግጣታል
ይጨፈልቃታል
ይሸረድዳታል

አዬ,,,,,, መዛበቱ
ይሸርድዳባቱ


የሆነው ሆነና
በቅፅበት,,,,,,,,,,,,ድቁና
በቅጥፈት,,,,,,,,,,,,,,ቅስና
ሹመት,,,,,,,,,,,,ጵጵስና
አዬ,,,,,,,,,,,,,, ሽርድድና
አዬ,,,,,,,,,,,,,,ቅድስና
አወይ,,,,,,,,,ሽርሙጥና፦

በትሩን ጨብጦ
ከላይ መፈናጠጠጥ
ተልባን ከልቃሚው
አደባልቆ መውቀጥ
ይመጣ ይሆናል
ወተቱን የሚንጥ፡፡

እኔ እናገራለሁ
እውነታን አልሸሽም
ቃሌን አልገሽሽም!!!

🔥 ቀብርሽ ደማቅ ነበር 🔥

አንቺኮ ማለት

የሲኦል ደጃፍ
የሞት መላክ አክናፍ
ባለሁለት ጭንብል
እንደ ፍርደ ገምድል
መርህ አልባ ፍጥረት
ሲያፈቅሩሽ አቀበት
ሲገፉሽ ሰገነት

አንቺኮ ማለት
ልክ እንደ አርዮስ
ተፈጥሮ ምትሸሺ
ጠላት ምታነግሺ
ከሰማይ የተጣልሽ
ከምድር የተጣላሽ
የቃየል እናቱ
ደም ግባተ ከንቱ

አንቺኮ ማለት
ትህትና ማይገባሽ
ፍቅር የማይገዛሽ
ድቃቂ ነሀስ ቅቡ
ያኔማ ሳይገባኝ
ተሸከምኩሽ በእንቅብ

አይምሮሽ ደና ነው
ሀሳብሽ እንዴት ነው
ትኩረትሽስ ባክሽ
እዛጋ ሌላ ሰው እዚ ጋ ፍስሀ
ማንም ሚጎትትሽ
የመንገድ ዳር ውሀ

እጅግ አከብራለሁ
ለሴት ክብር አለኝ
ትህትና ጥሩ ነው
ከንቀት ምን ሊገኝ

በቅጡ መግደል
ኤልያስ ሽታኹን
* * * * *
የተዘለለ ዕድሜ
የሰው ሰው ካድሜ
ያሰብኩት ላይቀናኝ
ገዳም ያጣ መናኝ...
ዓለም ሰው ቢቀማው
ልብ አረፈ አሉ እቅፍ እንደጠማው፡፡
የሰው ቃል አይገድለው
የሰው ልብ አይችለው
የለም ሆኖ እንጂ
መሞቻም ባጣሁኝ እኔማ እንዳንቺ፡፡
ከፈረሰው ከገላዬ
ከመቃብር ከኋላዬ
የቆምሽው ከገደል
ይነሳል ብለሽ ነው? ልብ "ኢየሱስ" አይደል?
እመኚና ኑሪ ያውም ተደላድለሽ
ምን እንቅልፍ አሳጣሽ? በቅጡ ከገደልሽ፡፡


።።።።።👇👇👇👇።።።።።
🦋🦋 t.me/sufafel 🦋🦋
🦋🦋 t.me/sufafel 🦋🦋
🦋🦋 t.me/sufafel 🦋🦋

ብር ዘገኔ


ዕድሜ 'ማያክላት
ዘመን 'ማይችላት
ካንቺ ወዲያ ፥
የተረሳች ማትፈጠር
የተዘነጋች ማትቆጠር
ማኒቷ ናት ብርዘገኔ ?

ሕይወት ነበረች በዚያ
ጉራማይሌ የተወቀረች
ኹኝ ሲላት
ብርዘገን የተባለች ።

እሷ
ልጅት ፣
ንጽሕት ኮረዳ ፥
ኣፍላ ዝልስ ቀዘባ
ሽው እልም
እምር ዘንጠፍ ዘና
እምትል ወለባ ።

ፈክረህ ታውቅ እንደኹ
የኑባሬን ኣንድምታ
ባክህ ኣንት ኹለንታ
ወዲህ ብትላት ፥ ምን ነበር ?
መላ እንኳን ብትመታ ።

እንዳልችለው ቻል ሲለኝ
ውሏን መያዝ ተስኖኝ
( እንደ ረጂም ሌሊት )
ውድቅቷ ዝንታለም ሆኖኝ
ቀትሯን ፥ በዳፍንት እየተቀጣኹ
ከገዛ ኣንድ 'ራሴ ፥ እየተጣጣኹ
ኣሽቀንጥሮ የጣለኝን
ኣስችሎኝ ላልጋደረው
በቀት ለጠመደው ፥ ፍጥርጥሬን ላላማርረው
በዚህ ግባ
በዚህ ውጣ ፣
እያልኩት ላልቃጠረው
ቀቢጸን ደቅድቆት ፥ በቁም ሲያቆረቁዘው
ሰቀቀን ሆኖኝ ዕድሜ ጉዱ
እንዴት ብዬ
የዘርፏን ኣንደኛ ጽንፍ ልያዘው ?

ኣነበንባለኹ
"በቀን ጠሐይ መስኮት"
ገጸ - ስጋሽን
በኣይነ ህሊናዬን ፥ እስለዋለኹ ።

ኣንቺስ ለመሆኑ
ኣስተዋልሻት
ኣስታወሻት ፣
ያቺን የኔን እናት
ሀርሜ ኪይያ ፥ ቢዴና ጠፍጣፊቷን
ሽልጦዋን ስገምጠው
ማመዛዘን የሚሳነኝን ፥ የገዛ ፈሴን ቅርናት
ኣስታወሻት
ኣስተዋልሻት
መቼም እንዳንቺ መክፋት
እንደኔ እንደኔ መጥፋት
ቋንቋ ነበርሽ ለሰሞናት
ግን ?
ኣቻሽ ምኒቷ ናት ።

ኣዎ
ላንቺ - ለዘመናት ምጤ
በእሮሮ ግት ለወለድኩሽ
ቀለም ለጠለቅሽኝ ፥ የኪነት ቅምጤ
ጣር ነበረ ልቤ
እንባ ነበር በእርምጥምጤ
ግን
ምንሽ ነው የሰረቀኝ
ከኣፍላነት ትኩሳቴ ፥ ትኩስ ልምምጤ ?

ሕይወት
ምርቱን ከግርዱ ላንለየው
የወሰደሽን መንገድ ነገር ፥
እህ ብዬ
ከኣንድ እራሴ በቀር
ለማን ነው ? ለምን ነው ማዋየው ።

እንዳልደርስብሽ ርቀሻል
እንዳልዳስስሽ ረቀሻል
ብቻ
ሳስብሽ ሌቱ ይነጋል
ሳልምሽ ቀኑ ይመሻል ።

እና ምን ይዋጠኝ
መድረሻሽን ባወቅኩት
ምን ነበር በተከተልኩት
እንዲህ እንባ ከመሰለቅ
ወይ በየመንገዱ ከምቀር ፥
ወይ በኃሠሣ ከማለቅ
ምን ነበር ?
ምን ነበር ?

ኣንዴ
ከዕድሜ ማለዳ ላይ
ትኩሳትሽ ከሩቅ ጠርቶኝ
የሴት ወጉ ፣ ማዕረጉ
ወዳለሽበት ስርፋ መርቶኝ
ንፍጤን በቅጡ ሳልጥል
ቂጤን በወጉ ሳልጠርግ
በየሸጡ ስዳክር
ፍጥረትሽን
በጨረቋ ቀልቤ ፥ እያማጥኩት ስፈክር
ማን ኣየልኝ ? የልቤን ከቀልቤ ሳመሳክር
ማን ሰማልኝ ? የኣፌን ከእዝኔ ሳፎካክር !

ኣዎ
ቡሃቃ እያገለባበጥኩኝ
ጥራጊ ዓለሙን ሳዋስጥ
በየመጋዣው ፊንጥጣ ስር ፥ ጉልምስናዬን ሳሯሩጥ
ኣለሽበት ስርፋ ከመድረሴ
እንደ ልቤ ሳልፋንን ፥
"ቤት ፈረሰ
ዳቦ ተቆረሰ"

ግን
ለስንቱ ኣልሜሽ ማማጤን
በየቆቃው ስር ተለጥፌ ፥
ጨለማሽን መለማመጤን
ከገዛ ኣንድ ራሴ በቀር
ማን አየልኝ?
እዚህ ድረስ መርመጥመጤን።

ወትሮ
መንገድሽን ተከትዬ
ስንዝር ላልደርስበት
እንደ ዘላን ገላ፣
እንደ መናፍስቱን ፥ ዕድሜ ያልተሰፈረበት
ዘሐዓለም ዓለም ነው ፥ ወዲያ ያለሽበት

እና
በምኔ ልንፏቀቅ
እንዴትስ ልጠጋሽ?
ልቤን ለጭዳሽ ጣልኩት
ጉልበቴን ብጨርሰው
ግን.... ግን.....
ሞት አውላላውን ሲፎክር፥
የአምላክ ህላዌን ሊካሰሰው
መቃብሩ መሀል ቤት - እንደሚምሰው
አዎን
እንዳመልክሽ ተፈርዶብኛል
ልክ እንደገመምተኛ ለው።

እንግዲህ እወቂ
አንቺን መከተል ደክሞኛል
እፎይ ልበል
የእረፍት ንሥሀ ያስፈልገኛል።

እፎ.....................ይ!


አናንያ ተሾመ✍️

http://t.me/sufafel