#እውነት_ከመንበርህ_የለህማ

ግን...ግን...ብላቴናዎቹ ምን በደሉ?
የማንን አደራ በልተው፣የማንን አማና አጎደሉ
እምብርታቸው ያላረረ፣አጥንታቸው ያልከረረ
ሰማይ በቀል እንደቋጠረ፣እጣቸውን እየመነጠረ
መንገዳቸውን እያጠረ

እንደ ደራሽ ውሀ አግተልትሎ
በራብ አኮርማጅ ተልትሎ
ከእናት እቅፍ በግፍ ነጥቆ
ምሱን ሊቃመስ ተባጥቆ
ሲሰለፍብን ባጭር ታጥቆ
እያየህ ዝም ካልክማ...?

እውነት...እውነት ከመንበርህ የለህማ!


✍ሙሉጌታ
ተስፋዬ✍

ለማኝ

ዝናብ ና ብርዱን ፀሃዩንም ችሎ
የራብን አለንጋ ከራሱ አላምዶ
አንዲት ደረቅ ዳቦ ሆናበት ብርቅዬ
ጦሙን እያደረ ምራቁንም ወጦ
ህይወቱን ይገፋል እንዲህ ከባድ ሆኖ
ለግር ተረከዙ ጫማ ቢያስፈልገው
ብርዱን ማስታገሻ ጋቢ ቢናፍቀዉ
ፀሃዩን ማምለጫ ጥላ ባይኖር ከጁ
ጎኑን ማሳረፊያ አልጋ ባይኖር ደጁ
ከንፈሩ ውሃ አቶ ቢመስልም ሸንተረር
አይኖቹ ሰርጉደው ከቦታው ቢጠፉ
ፂሞቹ ጀፍ ብለው ምላጭ ቢፈልጉ
አፍንጫው ጠውልጎ ቢመስል የስልክ እንጨት
ፀጉሮቹ ቆመው ውበቱን ቢያጠፉ
ከግር እስከ ራሱ ባይመስል የሰው ልጅ
ለማኙም ቀን አለው
ሁሉን የሚያልፍበት
አሮጌው ን አውልቆ
አዲስ ሚያደረግበት
ችግሮቹ ሸሽተው
ሀሴት ሚመጣበት
እንደ አዲስ ተወልዶ
ሰዉ የሚሆንበት

አምላኩን አንጋጦ የሚያመሰግንበት

ትንሽ ቦታ
-----------
በዚህ ዓመት፣
ብንጣላ መታረቂያ
ብንታረቅ ለመጣያ
ትንሽ ቦታ መጠለያ
ትንሽ ብቻ መሠደጃ።
ምናለበት፣
ለምን አልባት ብንተውለት?
ፍፁም መሆን ስለማንችል
ትንሽ ባዶ እንዋዋል፣በልባችን ደግ በኩል።
ለአንጎላችን መላወሻ
ትንሽ ቦታ እንተውለት
''ምናልባት'' የምንልበት !!
ልክ እንደ አምና - በዚህ ዓመት ።
ብንጣላ መታረቂያ
ብንታረቅ ለመጣያ
ብንታሰር ይቅር ማያ
ይቅር ብለን መታሰሪያ
ትንሽ እንተው ባዶ ቦታ
ጥግ ድረስ የለም ስራ፣ጥግ ድረስ የለም ፋታ።
በልባችን ደግ በኩል፣እንፈልግ ባዶ ቦታ፣
የጳጉሜ አይነት ትንሽ ቦታ
ለዘመን መለወጫ።

አ ገ ሬ
፠፠፠
አገሬ ውበት ነው፣
ለምለምና ነፋስ የሚጫወትበት፣
ፀሃይ የሞላበት፣ ቀለም የሞላበት።
አገሬ ቆላ ነው፣ ደጋ ወይና ደጋ፣
እዚያ ብርሃን አለ ሌሊቱ እስኪነጋ።
አገሬ ተራራ ሸለቆ ረባዳ፣
አገሬ ጅረት ነው ገደልና ሜዳ፣
ውበት ነው በበጋ ፀሃይ አትፋጅም፣
ክረምቱም አይበርድም፣
አይበርድም፣ አይበርድም።
አገሬ ጫካ ነው፣
እንሰሳት አራዊት የሚፈነጩበት፣
በወጥመድ ሳይገቡ ሳይነካቸው ጠላት።
እዚያ አለ ነፃነት፣
በሃገር መመካት፣
በተወላጅነት፣
በባለቤትነት፣
እዚያ አለ ነፃነት።
አገሬ ሃብት ነው፤
ጎመኑ ስብ ጮማ፣ ቆሎ ክትፎ ስጋ፣
ድርቆሹ ፍትፍት ነው፣ ቃሪያው ሙክት ሠንጋ፣
ጠጁ ነው ወለላ፣
ከኮኛክ ያስንቃል የመንደሩ ጠላ።
እህሉ ጣእም አለው እንጀራው ያጠግባል፣
ከቢራ ከሻምፓኝ ውሃው ይጣፍጣል፣
በዓሉ ይደምቃል፣
ሙዚቃው ያረካል፣
ጭፈራው ዘፈኑ ችግርን ያስረሳል።
እዚያ ዘመድ አለ፣
ሁሉም የናት ልጅ ነው፣
ሁሉም ያባት ልጅ ነው፣
ጠላትም አንዳንዴ ይመጣል መቃብር፣
ባለጋራም ቸር ነው “ያገር ልጅ ሲቸገር” ፤
ገነት ነው አገሬ።
ምነው ምን ሲደረግ ?
ምነው ለምን እንዴት ?
ዘራፊ ቀማኛ ምቀኛ ወንበዴ፣
ጥርኝ አፈር በጁ ስንዝር ወሰን አልፎ፣
የተቀደሰውን ያፍሪቃ ላይ ደሴት፣
ባያገኝ ለማርከስ ጠላት ይመኝ እንዴት።
እምቢኝ አሻፈረኝ፣
አሻፈረኝ እምቢ፣
መቅደስ ነው አገሬ፣
አድባር ነው አገሬ፣
እናትና አባት ድኸው ያደጉበት፣
ካያት ከቅደም አያት የተረካከቡት፣
አፈር የፈጩበት፣
ጥርስ የነቀሉበት።
አገሬ ዓርማ ነው፣ የነጻነት ዋንጫ፣
በቀይ የተጌጠ ባረንጓዴ ቢጫ።
እሾህ ነው አገሬ፣
በጀግናው ልጅ አጥንት የተከሰከሰ፣
ጠላት ያሳፈረ አጥቂን የመለሰ።
አገሬ ታቦት ነው ፣ መቅደስ የሃይማኖት፣
ዘመን የፈተነው በጠበል በጸሎት።
ለምለም ነው አገሬ፣
ውበት ነው አገሬ፣
ብሞት እሄዳለሁ ከመሬት ብገባ፣
እዚያ ነው አፈሩ፣ የማማ ያባባ።
ስሳብ እሔዳለሁ ቢሰበርም እግሬ፣
አለብኝ ቀጠሮ ከትውልድ አገሬ።
አለብኝ ቀጠሮ
ከትውልድ አገሬ፣
ካሳደገኝ ጓሮ።

🎙ረቂቅ

🎵🎵🎶ሀደርኛ ...... 7.2MB

መልካም ቀን!!... pls stay @ Home!!

@Yefikir_tireka

@Ye Gጥም ሰfer💞

በጠራ ጨረቃ በእኩለ ሌሊት
አይኖቿ እያበሩ እንደ ከዋክብት
ሳማት ሳማት አለኝ እቀፍ እቀፋት።
አላወላወለም ወጣቱ ታዘዘ
ወገቧን አንገቷን በእጁና በእጁ ያዘ።
ከንፈሩ በፍርዓት ወደ አፏ ተጠጋ
ምንም እንኳ ጡቷ እንደ እሾህ ቢዋጋ
ጣቷ በመሆኑ የጉማሬ አለንጋ
ጀሮ ግንዱን ሰማው በጥፊ ሲላጋ።

https://t.me/xibeb

13/04/2014

ባዶ አለም

ሆና ዘር አልባ አለም ፤ ምነም የሌለበት
እንኳንስ የሰው ልጅ ፤ ዛፍ ያልበቀለበት
ዕራብ እና ችግር ፤ ያልተፈጠረበት

ዓለም ፍጠርልኝ

ውሃ እንዳይጠማኝ ፤ ምግብ እንዳልፈግ ፤
ከቶ ሆድ አትስጠኝ
ለኔ ብቻ ሰርተህ ፤ አዲስ ዓለም ስጠኝ


በዛ አዲስ ዓለም ምንም ከሌለበት
አኔን ብቻ ውሰደኝ ፍቅርን እንዳይበት


ከሰዎች እርቄ ባዶነቴ ብሶ
ከላይ አስኪረግጠኝ
ሰው አለባ ሰውነት ከአለም ጋር ስጠኝ




ተፃፈ በ /በስዬ/

1+1 2 ነበር መልሱ
ጥንድ ሆነው ተባብረው ቀየሩት እነርሱ

ስኬት እና ለውጥ በአንድነት ሲታለም
አይደለም ስሌትን ይቀይራል ዓለም


ተፃፈ በ /በስዬ/

በባዶ እራስ ዕውቀት
አፍ ሰፍቶ ሲከፈት
በሰው ላይ አይተሽው
የራስሽን ደፈት

የጥርስሽ ትርጉሙ እጅጉን ሲርቀኝ
መሳቅሽ አሳቀኝ

አሳቀኝ መሳቅሽ
የእራስሽው እድፍ የሌላው ሲመስልሽ
ጥርስሽ አጉል ስቆ ጭቃ ላይ ሲጥልሽ

እድፋሙ አፍሽ እድፍን ሲታዘብ
የውሸት አለቃ ለእውነት ሲሆን ዘብ

በስንፍና ጥበብ በአለማወቅ ዕውቀት
አየውኝ ከጥርሽ የአይምሮሽን ድርቀት

ጥርስሽ ፈገግ ሲል

አንቺነትሽን አሳይቶ
በአለማወቅ ማወቅ ሰቶ

ሀሳብ ጊዜ እኔን ሲነጥቀኝ
መሳቅሽ አሳቀኝ

በሙሉ ውሸት ውስጥ ባዶ እውነት ይመራል
ፈሪ ጀግና ሲያጣ ዝቶ ይፎክራል

ከአንቺ መሳቅ ጀርባ
የአለማወቅ ፊዘት
የሟሽሟጠጥ ይዘት
የዕወቀትሽን ፍዘት
አስታውቆብሻል
በመሳቅሽ ጀርባ ዕውቀትሽን
ነግሮኛል መንገሩን ነግሮሻል ?

እኔ ግን ልንገርሽ

ከመሳቅሽ ጀርባ ምንስ እንደታየኝ

እድፍ በነካው ጨርቅ ስትሳለቂበት
በሳቅሽ ነግሮኛል የዕውቀትሽ
ቋጥኝ ዋልጌ እንዳለበት

ከኔ መሳቅ ጀርባ
የትውልድን ሌባ
የንጉሶች ደባ
የአዛውንትን እንባ

ዝም ባለው ሳቄ
አወራው ደብቄ

ከኔ መሳቅ ጀርባ

የአላዋቂን ዕውቀት
የአቅላዩን ቅለት
የጌታውን ስቅለት

ለገባው ተናግሯል
ከገባኝ ነግሮኛል

በሳቋ መሀከል ዕፀፆቾን ልረስ
በኔ መሳቅ ደሞ እስኪታዘቡኝ ድረስ


ተፃፈ በ /በስዬ/
13/02/2014

@besye_getm

🇲🇱🟢🟡🔴
ሀገርም ክብናት

በተነሳንበት ምን መለስበት
ሀገርም ክብ ናት ልክ አንደ ቀለበት

ማሰሪያው ሰንሰለት ቃል ኪዳኑም ፅኑ
ብዙ ፍቺ አለው ሀገር ክብ መሆኑ

የፈለገው ሁሉ ደርሶ ማያቃናት
እንደ ዓለም ሁላ ሀገርም ክብ ናት

ተፃፈ በ /በስዬ/

@besye_getm

ያኔ በዛ ዘመን
በፍቅር ኖረሀል
ስለ ፍቅር ብለ ለፍቅር ሞተሀል

ብለው ነግረውኛል ፤

ያኔ በዛን ጊዜ

የሚበልጥን ፍቅር በሞት ገልፀህዋል
ግፍ እና መከራን ተቀብለከዋል

ለፍቅር መሞትን ልታስተምር ለኛ
ክብርና ሞገስን አድርገህ መናኛ

መተሀል ብለዋል

ዛሬ ግን አዶናይ
አሁን ግን አዶናይ

ለፍቅር መሞቱ መሰዋቱ ቀርቶ
እነኳንስ ሊያድነን ስለ ፍቅር ሞቶ

ዘመን ሲቀያየር ለውጥ እየገዛ
በፍቅር ስም አርጎ ሚገድለን ሰው በዛ


ተፃፈ በ /በስዬ/


@besye_getm

22/04/2014


ጠላሁ አትበይኝ

አፍሽን ሳወድስ ማር ያፈልቃል ብዬ
ማር የሚያፈልቅ ከንፈር ከአይምሮዬ ስዬ

ሳቆለጻጽስሽ ከቶ እውነት ሲርቀኝ
ቅኔ ማለውቀው ልጅ ለአንቺው ክብር ስቀኝ

ምን ስለሆንሽ ነው ?
ልቤ ብቻ ሳይሆን ቃልም ያከረረው
ለሌላ ቃል ጠፍቶ ለአንቺ ስል የፃፍኩት
ግጥም ነው ያመረው

ምን ስለሆንሽ ነው ?

እናልሽ ዓለሜ
እንደዛ ታምሜ
የፃፍኩት ግጥሜ

መና ቀርቷል አሁን
አረ እንደምን ልሁን ?

ማር ይፈልቅበታል ያልሁት ያ ውብ ከንፈር
አሁን ላይ አየሁት በውሸት ሲሰፈር


ምን ብዬስ ልሰይም ያን ያንቺን አንደበት
ማር ይፈልቃል ያልሁት ውሸት ሲፈልቅበት

እናልሽ ዓለሜ ለሚሰማሽ ሁሉ
ጠላሁት በቃ እያልሽ ታሚኛለሽ አሉ

አሁን ላይ ዋሽተሻል
ከሚወድሽ ውጪ ይህንን ስትይ
እስኪ ማን ያምንሻል?

ስላንቺ የፃፍኩት
ማር ያዘንባል ያልኩት
ያ ውቡ ከንፈርሽ
ተቃራኒ ሆኖ ወሸት ካበቀለ
እንዲያ እየወደድሽኝ አልወደሁም ካለ

ግጥሙን ትቻለሁ !

ይቅርብሽ ብያለው እንደዚህ መመንቀር
ምንስ ብታደርጊ
እንዴት ይቻልሻል እኔን አለማፍቀር?



ተፃፈ በ በስዬ

ትናንት ልጅ እያለ በድንጋይ መደመር ማስላት የተማረ
ዛሬ አደገና ድንጋዩን ተጠቅሞ መፈንከት ጀመረ
ማደግ ማለት እንዲህ ዝቅ ማለት ከሆነ
መላው የሀገሬ ህዝብ ህፃን ልጅ በሆነ

እኔ ባንቺ ፍቅር
እንደዛ ስቸገር
አንቺ ቁጭብለሽ
ትበያለሽ በርገር
የሆንሽ ሻንጣ ራስ ነገር::

አንገቴን ብደፋ ሲሉኝ ሀገር አጥፊ
ቀና ብዬ ብሄድ እያሉኝ ቀጣፊ
የሀበሻ ሀሜት አሁንስ መረረኝ
አሜሪካ ወስደህ ነፃነቱን ስጠኝ
"ኡፍ" 🙏🙏🙏🙏

አንቺን አይቼ ሌሎቹን ሳያቸው
ቅጠል ይመስሉኛል ንፋስ የጣላቸው
😘😍❤️

ትመጪ እንደሆን እጠብቅሻለሁ፣
ካስለመድሺኝ ቦታ እዛው ቁጭ ብያለሁ።
እያንጎራጎርኩኝ የልቤን ቅኝት፣
እጠብቅሻለዉ ነይ ካለሁበት።
አንቺ ግን ካልመጣሽ ካስቻለሽ መቅረት፣
ምንም ካልተሰማሽ የልቤትንግርት፣
እኔ ግን እያየሁ መንገዱን በተስፋ፣
እጠብቅሻለሁ ነፍሴ እስኪጠፋ።
Y.D

አራንባ ና ቆቦ በሆነው ኑሯችን
በዚህ ስንል በዛ ጠፍቶን መንገዳችን
ላንደርስበት ሮጠን ላናረፍድ አዝግመን
ጊዜ እየነጎደ እኛ ቆመን ቀረን
"ጆን"